Sam 2

Fagriu ka mae baubatu ni mavitu

(Vese lao ka mavitu)

1Ne fahneuwa nanonire te tufuni di'atadi gnea?

Ne fahneuwa hatimare te rogheza lana puhi fate'o te di'a gnea?

2Mae nafano fate'o ni mae baubatu fate'o gna nauthoglu gne ne roghe faudu nodi mala magriza LOD,

ni noa mae nafano teke fafateza ie.

3Hatimare ne lepo eu'ani,

“Tati kaina jifla ka nodi noilaghi phalumare te funei frunighita ie mala sagla noda.”

4Ni LOD te hokro te'au ka noa sape nafano ie,

ne ma'era nodi groghe hatimare re.

5Magne di'atagna lui ne lepo eu'ani ka hatimare, “Ghotolu koikofighamuni!”

Agnoni, eigna te tufuni di'atagna magne ie,

hatimare ne tufuni hmau nodi ne tetekri.

6Magne ne lepo eu'ani,

“Rei LOD neke fafateza hui nogu mae nafano ie mala funei ka nogu gukhu blahi i Zaeon.”

7Mae nafano ie ne lepo eu'ani,

“Gignoa igne rei kaina lepoza hna teke lepo harighau LOD ie.”

LOD neke lepo eu'ani ka rei,

“Ghoe mae thugu rei. Funu gignoa igne, rei mae mamu ghoe.

8Ghoe toreghau rei, mala funei frunira rei nanoni te hui re,

ni nanoni te hui re mala ke ghoe khotodi re.

9Ghoe kaina anu falemera nanonire ka kahe aeani te theve,

ghoe na anu fabriabrisara jateula thiro te bruja ia euwa.”

10Eigna teugne, ghotolu mae nafanora, mala lalase ni farogo fakeli.

Ghotolu mae baubatura, mala lasera gaoghathodi goeghoze ire.

11Ghotolu loku hariza LOD ka puhi na'au faleghu,

broabronaza ni tufru soruza magne.

12Tufuni keli ghotolu te broabronaza LOD,

ni ghotolu mala tufru soruza mae thugna ie,

me theome eiza ghotolu ie, magne kaina di'atagna ni ghotolu kaina faghose leme.

Ni hneahnegha nodi lui nanoni fate'o te fatutu'aniza magne, ni au famaku ka magne teure.

Currently Selected:

Sam 2: ggaNTP

Highlight

Copy

Popular Bible Verses from
Sam 2