ଲୁକ 14
14
ବିସ୍ରାମ୍ଦିନ୍ ଜିସୁଲା ବୁରାଗ'କୁନୁଂ ରେମବକ୍ ବଲ୍ ଡିନ୍ଡେମ୍ଡେନ୍
1ମୁସିଂ ବିସ୍ରାମ୍ଦିନ୍ବକ୍ ଜିସୁଲା ପାରୁସି ଦଲ୍ନା ମୁନା'ରେମ୍ନା ଡିଂଅଁବକ୍ ସୁସୁମ୍ପୁଲେଇ ଉଇଗା' । ସା' ଆତା ଡୁକୁନୁଂ ରେମଲେ ଆମାଇ ସର୍ମଡ' ଜୁଲ'କୁ । 2ମାରି ଆତା ମାଇନା ସାର୍ମ'କନ୍ଡେକ୍ ମୁଇନ୍ଡା ବୁରାଗ'କୁନୁଂ ରେମ ଡୁକୁ । 3ମସାଲା ବେଡ'କୁନୁଂ ନିୟମ୍ ଅମାକ୍ରେମ୍ବକ୍ ମାରି ଆପାରୁସିଦଲ୍ନା ରେମଲେ ଜିସୁଲା ଅ'ଗଁସ୍ଲା'ଗା', “ନେ'ନ୍ ନିୟମ୍ବକ୍ ବିସ୍ରାମ୍ଦିନ୍ବକ୍ ଆରେମଲେ ବଲ୍ ଡେମ'ନା ଡେନ୍ତା ଡ'ସେକ୍ ଡୁତା କି ଆଡେମ'ନା ଡେନ୍ତା ଡ'ସେକ୍ ଡୁତା?” 4ମାତର୍ ମା'ଏ ଜୁ' ଡୁକୁ । ସା' ମାଇ ଆତୁନ୍ ବୁରାଗ'କୁନୁଂ ରେମ ତୁରାମ'ସେକ୍ ବଲ୍ ଡେମ' ବେନ୍ଟାୟ'ବେଡ' ।
5 #
ମାତିଉ 12:11
ମାରି ମାଇ ଆରେମଲେ ସୁନ' “ପେନା ଉଁ'ଉଁ ଆରା'ଗେ ବୁନୁ'ଗୁଲାଇ' ବିସ୍ରାମ୍ଦିନ୍ବକ୍ ମୁଇ ତଗ୍ଡାଗ୍ବକ୍ ଲକ୍ଡାଇ'ଗା' ଡ'ନା ପେ ଆଇ'କୁ ଆମାଇ ଆ'ତୁର୍ତୁପେ ଇ? ଡ'ସେକ୍ ସୁନ' । 6ସା' ମା'ଏ କେନ୍ ଅଂଅଁ'ସେକ୍ ବାସ୍ ମାସା ସୁଁସୁ ଆଗଂତା ।
7ସୁସୁମ୍ପୁଲେଇ ୱାୟ'ସା' ସା'କୁନୁଂ ରେମଲେ ମୁନା'ମୁନା' ରେମଲେ ଲିଲେଇ'ପୁଲେଇ ବୁଂଅଁ'କୁନୁଂ ତାନ୍ବକ୍ ଲିଲେଇ'ପୁଲେଇ ତୁର'କୁନୁଂ ଜୁଲ'ସେକ୍ ଜିସୁଲା ଆମା'ଏ ଅମାକ୍ପୁଲେଇ ମୁଇ ଉ'ସୁରାମ୍ସୁଗ ସୁନ' । 8ଜାଏସା ଆପେ ଆଇବୁଇ'ନା ବଜି ସୁସୁମ୍ପୁଲେଇ ୱାୟ'ନା ମୁନା'ରେମେ ଲିଲେଇ'ପୁଲେଇ ବୁଂଅଁ'କୁନୁଂ ତାନ୍ବକ୍ ଉଇସେକ୍ ଆଲେଇ'ଗା' । ମାସା'ଡ'ନା ଗୁତୁନ୍ ଆଇବୁଇ'ନା ଡିଂଅଁନ୍ରେମ୍ ନନ୍କୁରୁଂ ଅଦିକ୍ ମୁନା'ମୁନା' ରେମବକ୍ସା ୱାୟ'ବୁଂତ ଡେ ମାଡେ । 9ସା' ମୁନା'ରେମ୍ ସାକ୍ନା ଗୁତୁନ୍ ଆଇବୁଇ'ନା ଡିଂଅଁନ୍ରେମ୍ ସାକ୍ସେକ୍ କେନ୍ ତାନ୍ ଆତୁନ୍ ମୁନା'ରେମ୍ ବେ' ଡ'ସେକ୍ ଆନ ସୁନ'ନା ନ ଗେୱା ବାଂସେକ୍ ଗି'ଡାଂକୁରୁଂ ଉଇସେକ୍ ଲିଲେଇ' ପଡ୍ତା । 10ମାତର୍ ଆପେ ଜାଜା ୱାୟ'ନା ସାକ୍ସେକ୍ ତିର୍ଗି'ନା ତାନ୍ବକ୍ ଲେ'ୟା । ଡୁ'ତୁନ୍ ଲେଇ'ନା ଆଇବୁଇ'ନା ଡିଂଅଁନ୍ରେମ୍ ସାକ୍ନା ଆନ ‘ଅ ବାଇଲକ୍ ନ ଇଂକେକୁରୁଂ ତକ୍ଡାକ୍ସେକ୍ ସିଁସେଇଁ ଲେ'ୟା ୟା’ ଡ'ସେକ୍ ସୁନ୍ତ । ଆଇ'ତୁନ୍ବେଲା ଆତା ସା'କୁନୁଂ ରେମଲେ ଗୁଲାଇର ଆନ ମୁନା'ରେମ୍ ଡ'ସେକ୍ ଜୁତ । 11#ମାତିଉ 23:12; ଲୁକ 18:14ଜାଜା ନିଂ ମୁନା'ରେମ୍ ଡ'ସେକ୍ ବଡ୍ପୁନ୍ ଡେନ୍ତା ଆମାଇ ଡାଉରେମ୍ ଡ'ସେକ୍ ଜୁତ ମାରି ଜା ନିଂ ମୁଇନ୍ଡା ଡାଉରେମ୍ ଡ'ସେକ୍ ନିଜେ ଏତ୍ତା ଆମାଇ ମୁନା'ରେମ୍ ଡ'ସେକ୍ ଜୁତ ।”
12ଆଜିସୁଲା ଜା ସୁସୁମ୍ପୁଲେଇ ୱାୟ' ଆମାଇ ଜିସୁଲା ସୁନ', “ନ ଇନ୍ଡଇ'ଏସା ବଜି ଡିନ୍ଡେମ୍ବେଲା ଆନନା ବାଇଲ'ଗେ, ବୁୟାଂଏଁ, ଡିଂଅଁନ୍ରେମ୍ ମାରି ଉନ୍ତୁ'ସିଂ ଡାନ୍ଡର୍ସିଂନା ସାକାର୍ରେମ୍ବକ୍ ଆୱାୟ' । ମାସା'ଡ'ନା ମା'ଏସା ଆପେ ସୁସୁମ୍ପୁଲେଇ ୱାୟ'ସେକ୍ ନ ଡେମ'କୁନୁଂସୁଗ ଆନସା ଡୁ'ତୁନ୍ ଡେମ୍ତ । 13ସା' ନ ବଜି ଡିନ୍ଡେମ୍ବେଲା ଗରିବ୍ରେମ୍ବକ୍, କଲାକଲି ରେମ୍ବକ୍, ସଟାସଟିରେମ୍ବକ୍ ମାରି କାନାକାନିରେମ୍ବକ୍ ୱାଇ । 14ଡୁ'ତୁନ୍ ଡେମ'ନା ମାପ୍ରୁ ଆନ ଆସିର୍ବାଦ୍ ଡେମ୍ତ । ମା'ଏ ଆନ ବିବେ' ଆଗଂତା ଡ'ନାସା ଦରମ୍ବାଇ' ରେମଲେ ଗୁଇ'ସେକ୍ ମୁରାକ୍ବେଲା ମାପ୍ରୁ ଆନ ପୁରାସ୍ ବେ'ତ ।”
ମୁନା' ବଜି ଡିନ୍ଡେମ୍ନା ଉ'ସୁରାମ୍
(ମାତିଉ 22:1–10)
15ଜିସୁଲାବୁରଂ ସୁସୁମ୍ ଲେଇ'କୁନୁଂ ରେମଲେନ୍ ବିତ୍ରେ ମୁଇନ୍ଡା ମାଇ ସୁନ'କୁନୁଂ ଅଂଅଁ'ସେକ୍ ଆମାଇ ସୁନ', “ମାପ୍ରୁନା ରାଜିବକ୍ ଜା ବଜି ସୁସୁମ୍ପୁଲେଇ ଲେଇ'ତା ମାଇ ଅବୁଦି କପାଲ୍ବାଇ' ରେମ” ଡ'ସେକ୍ ସୁନ' ।
16ସା' ଜିସୁଲା ଆମାଇ ସୁନ' “ମୁସିଂ ମୁଇନ୍ଡା ରେମ ମୁନା'ବାଇ' ମୁଇ ବଜି ଡେମ'ସେକ୍ ଅବୁଦିରବକ୍ ବଜି ସୁସୁମ୍ପୁଲେଇ ୱାୟ'ବୁଂଅଁ' । 17ସୁସୁମ୍ନା ବେଲା ଡେଂଗା'ସା' ଆତୁନ୍ ସୁନ'କୁନୁଂ ରେମଲେବକ୍ ‘ପେ ସା'ବାବେ ଲ, ଗୁଲାଇ ତିୟାର୍ ଡେଂଗା'’ ଡ'ସେକ୍ ସୁଁସୁପୁଲେଇ ଆମାଇନା ଗୁପାମ୍ରେମେ ବେନ୍ଟାୟ' ।
18ମାତର୍ ଗୁଲାଇର ନେଇ ସୁସାପ୍ ଆଗଂତୁନେଇ ଡ'ସେକ୍ ସୁନ' । ଗୁତୁନ୍ ମୁଲ୍ନା ରେମ ସୁନ' ‘ନିଂ ମୁଇ ଜମି ସବ'ତିଂ । ଗୁତୁନ୍ ଜମି ଆ'ନା ଜୁଜୁ ଉଇ ଡୁତା । ନିଂ ମାର୍ ସୁସାପ୍ ଆଗଂତିଂ, ଆନିଂ ନ ଆସାପ୍ତା ଡିଗ'ନ୍ ଡିକ୍ବେ’ ଡ'ସେକ୍ ସୁନ' ।
19ମାର୍ ମୁଇନ୍ଡା ସୁନ' ‘ନିଂ ପାଁନ୍ସ୍ ଅଲ୍ ଗୁଇ'ତାଂ ସବ'ତିଂ । ଗୁତୁନା ସିସେ ଉଇତାକି ଆରାକ୍ ଡ'ସେକ୍ ଜୁଜୁ ଉଇଡେନ୍ତିଂ । ନିଂ ମାର୍ ସୁସାପ୍ ଆଗଂତିଂ, ଆନିଂ ନ ଆସାପ୍ତା ଡିଗ'ନ୍ ଡିକ୍ବେ’ ଡ'ସେକ୍ ସୁନ' ।
20ମାର୍ ମୁଇନ୍ଡା ସୁନ' ‘ନିଂ ଆ'ନାଉ ଆଇବୁଇ'ନିଂ । ସା' ନିଂ ଗୁତୁନ୍ ବଜିବକ୍ ସୁସାପ୍ ଆଗଂତିଂ’ ଡ'ସେକ୍ ସୁନ' ।
21ଗୁତୁନ୍ ଗୁପାମ୍ରେମ୍ ଆନ୍ଡେଇଁସେକ୍ ମାମା ଡେଂକୁନୁଂ ଗୁଲାଇ ଆମାଇନା ସାକାର୍ ସୁନ' । ସା' ଗୁତୁନ୍ ସାକାର୍ ଅବୁଦି ଗିସେକ୍ସେକ୍ ସୁନ' ‘ନ ଉଂଗମ୍ ବିତ୍ରେ ଗୁଲାଇ କୁନ୍ଡା ବୁଲ୍ଲ'ସେକ୍ ଗରିବ୍ଦୁକବାଇ' ରେମଲେବକ୍, କଲାକଲିବାଇ'ରେମଲେବକ୍, କାନାକାନିବାଇ' ରେମଲେବକ୍ ମାରି ସଟାସଟିବାଇ'ରେମଲେବକ୍ ଆକେ ସେଟ୍ଟ' ୱାୟ' ରିଂ’ ଡ'ସେକ୍ ସୁନ' ।
22ଗୁତୁନ୍ ଗୁପାମ୍ରେମ୍ ମାଇ ସୁନ'କୁନୁଂସୁଗ ଡେମ'ସେକ୍ ଆମାଇ ସୁନ' ‘ଅ ବାବୁ, ନ ସୁନ'କୁନୁଂସୁଗ ଗୁଲାଇ ଡେମ'ନିଂ । ମାତର୍ ମାରି ଲିଲେଇ'ନା ତାନ୍ ଡୁତାଉ’ ଡ'ସେକ୍ ସୁନ' ।
23ସା' ସାକାର୍ ଆଗୁପାମ୍ରେମ୍ ସୁନ' ‘ନ ଉଂଗମ୍ ବାଇରିସା ଗୁଲାଇ କୁନ୍ଡା ବୁଲ୍ଲ'ସେକ୍ ଆଜାଆଜା ଜୁଲ'ନା ଆମା'ଏ ଜବର୍ଦସ୍ ଡେମ'ସେକ୍ ନିଂନା ଡିଂଅଁବକ୍ ବର୍ତି ଡେମ୍ । 24ନିଂ ଆଜା ବଜି ସୁସୁମ୍ପୁଲେଇ ମୁଲ୍ ୱାୟ'ବୁଂଅଁ'ନିଂ ମା'ଏ ମାରି ଇନ୍ଡଇ'ଏସା ନିଂବୁରଂ ବଜି ସୁସୁମ୍ ଆଗଂତା ଡ'ସେକ୍ ନିଂ ଆପେ ସୁନ'ତିଂ’ ଡ'ସେକ୍ ସୁନ' ।”
ଜିସୁନା ସିସ୍ୟ ଏପୁଲେଇ ମାମା ଡିନ୍ଡେମ୍ ଡୁତା
(ମାତିଉ 10:37–38)
25ଅବୁଦି ରେମଲେ ଜିସୁଲାବୁରଂ ଉଇଡେଂକୁନୁଂବେଲା ମାଇ ଆନ୍ଡେଇଁକିକ୍ସେକ୍ ଆମା'ଏ ସୁନ': 26#ମାତିଉ 10:37“ଜାଏସା ମୁଇନ୍ଡା ସିସ୍ୟ ଏତିଂ ଡ'ସେକ୍ ନିଂବକ୍ ସାକ୍ନା ମାଇ ମାଇନା ୟଂବାନ୍କୁରୁଂ, କୁନୁଇ' ଉଁ'ଉଁନ୍କୁରୁଂ, ବୁୟାଂତାବୁକ୍କୁରୁଂ ମାରି ନିଜର୍ନା ଜିବନ୍କୁରୁଂ ଆନିଂ ଅବୁଦି ଆଲାତ୍ ଡିନ୍ଡେମ୍ ଡୁତା । ଆରାକ୍ନା ମାଇ ନିଂନା ସିସ୍ୟ ଏ ଆଗଂତା । 27#ମାତିଉ 10:38; 16:24; ମାର୍କ 8:34; ଲୁକ 9:23ଜାଏସା ମୁଇନ୍ଡା ନିଜର୍ନା #14:27 ନିଜର୍ନା କୁର୍ସ ଡ'ନା, ମୁଇନ୍ଡା ଆନିଂ ବିସ୍ବାସ୍ ଡେମ'ତାସା' ରେମଲେ ଆମାଇ ଅବୁଦି ଦୁକକସ୍ଟ ବେଡ'ସେକ୍ ଅଗୁଇ'ତୁନେଇ ଡ'ନାସା' ମାଇ ଆନିଂ ମଅନ୍ତୁର୍ ନିଂନା ତେଂଗି'ଉ ସୁସାପ୍ ଡୁତା, ଆରାକ୍ନା ମାଇ ନିଂନା ସିସ୍ୟ ଏ ଆଗଂତା ।କୁର୍ସ ଡୁନ'ସେକ୍ ଆନିଂ ତେଂଗି' ସୁସାପ୍ପୁଲେଇ ମୁନ୍ ଆରାକ୍ ଡ'ନା ମାଇ ନିଂନା ସିସ୍ୟ ଏ ଆଗଂତା ।
28ପେନ୍ ବିତ୍ରେ ଜାଏସା ମୁଇନ୍ଡା ମୁଇ ଜାଗ୍ବାର୍ନା ଡିଂଅଁ ଅ'ରଇଁତ ଡ'ସେକ୍ ପେ ଏତ୍କୁଲା । ଡୁ'ତୁନ୍ ଡ'ନା ସିଁସେଇଁ ମାଇ ଗୁତୁନ୍ ଜାଗ୍ବାର୍ନା ଡିଂଅଁ ଅ'ରଇଁପୁଲେଇ ଆ'ଇ କର୍ସ ଡେନ୍ତା ମାରି ଆଇ'ତୁନ୍ ଡାବୁ ନିଂବକ୍ ଡୁତା କି ଆରାକ୍ ଡ'ସେକ୍ ଆଜୁତ ଇ? 29ଆଜୁତ ଡ'ନା ମାଇ ମୁଲ୍ନା କନ୍ତି ବଡ'ସେକ୍ ଡାବୁ ଆରାକ୍ନା ଅନ୍ତୁର'ବେ'ତ । ମାରି ରେମଲେ ଗୁତୁନ୍ ଜୁଲ'ସେକ୍, 30‘ଜୁ, ମାଇ ଜାଗ୍ବାର୍ନା ଡିଂଅଁ ଅ'ରଇଁ ମୁଲାୟ' ମାତର୍ ଡାବୁ ଆରାକ୍ସା' ଆ'ନା ଅ'ଡମ୍ ଆଗଂତା’ ଡ'ସେକ୍ ଅ'ଗେୱାଲ' ସୁନ୍ତ ।
31ମାରି ପେ ଏତ୍କୁଲା ମୁଇନ୍ଡା ରାଜା ପାଲ୍ ମୁଇନ୍ଡା ରାଜାବୁରଂ ରିମ୍ତିଂ ଡ'ନା ମାଇ ଲେଇ'ସେକ୍ ନିଂନା ଦସ୍ଅଜାର୍ ରେମଲେ ମାଇନା କୁଡେଅଜାର୍ ରେମଲେବୁରଂ ଇନ୍ଡ୍ରିମ୍ ଗଂତାକି ଆରାକ୍ ଡ'ସେକ୍ ମୁଲ୍ ଆଜୁତ ଇ? 32ମାଇ ଆଗଂତା ଡ'ନା ଦାଇରେମେ ଅବୁଦି ସୁଲୁଂ ଡୁକୁନୁଂବକ୍ଉ ମାଇ ଆମାଇନା ରେମଲେ ଗୁତୁନ୍ ରାଜାଲାବୁରଂ ବିଡ୍ବାର୍ପୁଲେଇ ସୁଁସୁ ବେନ୍ଟାଇତ । 33ଡୁ'ତୁନାଉ ପେନ୍ ବିତ୍ରେ ଜାଏସା ମାଇନ୍ବକ୍ ଡୁକୁନୁଂ ଗୁଲାଇ ଅଡକ୍ସୁଂସୁଂ ଆଗଂତା ଡ'ନା ମାଇ ନିଂନା ସିସ୍ୟ ଏ ଆଗଂତା ।”
ଗାଇବି' ଆରାକ୍ବାଇ' ବୁତି'
(ମାତିଉ 5:13; ମାର୍କ 9:50)
34“ବୁତି' ବଲ୍ବାଇ' ଡ'ସେକ୍ ନେଇ' ମାଗ'ତୁନେଇ' ମାତର୍ ଗୁତୁନ୍ ବୁତି'ବକ୍ ଗାଇବି' ଆଡୁତା ଡ'ନା ଆତୁନ୍ ବୁତି' ମାରି ଅଗାଇବି' ଗଂତୁନେଇ' ଇ? ଆରାକ୍ । 35ଗୁତୁନ୍ ବୁତି' ଜମିବକ୍ସା, ଆର୍ଲପ୍ବକ୍ସା ବୁଂବୁଂ ଆଡେନ୍ତା । ଗୁତୁନ୍ ବାଇରି ସରଉ ଅଡକ୍ସୁଂତ ।
ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା ” ଡ'ସେକ୍ ସୁନ' ।
Currently Selected:
ଲୁକ 14: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ଲୁକ 14
14
ବିସ୍ରାମ୍ଦିନ୍ ଜିସୁଲା ବୁରାଗ'କୁନୁଂ ରେମବକ୍ ବଲ୍ ଡିନ୍ଡେମ୍ଡେନ୍
1ମୁସିଂ ବିସ୍ରାମ୍ଦିନ୍ବକ୍ ଜିସୁଲା ପାରୁସି ଦଲ୍ନା ମୁନା'ରେମ୍ନା ଡିଂଅଁବକ୍ ସୁସୁମ୍ପୁଲେଇ ଉଇଗା' । ସା' ଆତା ଡୁକୁନୁଂ ରେମଲେ ଆମାଇ ସର୍ମଡ' ଜୁଲ'କୁ । 2ମାରି ଆତା ମାଇନା ସାର୍ମ'କନ୍ଡେକ୍ ମୁଇନ୍ଡା ବୁରାଗ'କୁନୁଂ ରେମ ଡୁକୁ । 3ମସାଲା ବେଡ'କୁନୁଂ ନିୟମ୍ ଅମାକ୍ରେମ୍ବକ୍ ମାରି ଆପାରୁସିଦଲ୍ନା ରେମଲେ ଜିସୁଲା ଅ'ଗଁସ୍ଲା'ଗା', “ନେ'ନ୍ ନିୟମ୍ବକ୍ ବିସ୍ରାମ୍ଦିନ୍ବକ୍ ଆରେମଲେ ବଲ୍ ଡେମ'ନା ଡେନ୍ତା ଡ'ସେକ୍ ଡୁତା କି ଆଡେମ'ନା ଡେନ୍ତା ଡ'ସେକ୍ ଡୁତା?” 4ମାତର୍ ମା'ଏ ଜୁ' ଡୁକୁ । ସା' ମାଇ ଆତୁନ୍ ବୁରାଗ'କୁନୁଂ ରେମ ତୁରାମ'ସେକ୍ ବଲ୍ ଡେମ' ବେନ୍ଟାୟ'ବେଡ' ।
5 #
ମାତିଉ 12:11
ମାରି ମାଇ ଆରେମଲେ ସୁନ' “ପେନା ଉଁ'ଉଁ ଆରା'ଗେ ବୁନୁ'ଗୁଲାଇ' ବିସ୍ରାମ୍ଦିନ୍ବକ୍ ମୁଇ ତଗ୍ଡାଗ୍ବକ୍ ଲକ୍ଡାଇ'ଗା' ଡ'ନା ପେ ଆଇ'କୁ ଆମାଇ ଆ'ତୁର୍ତୁପେ ଇ? ଡ'ସେକ୍ ସୁନ' । 6ସା' ମା'ଏ କେନ୍ ଅଂଅଁ'ସେକ୍ ବାସ୍ ମାସା ସୁଁସୁ ଆଗଂତା ।
7ସୁସୁମ୍ପୁଲେଇ ୱାୟ'ସା' ସା'କୁନୁଂ ରେମଲେ ମୁନା'ମୁନା' ରେମଲେ ଲିଲେଇ'ପୁଲେଇ ବୁଂଅଁ'କୁନୁଂ ତାନ୍ବକ୍ ଲିଲେଇ'ପୁଲେଇ ତୁର'କୁନୁଂ ଜୁଲ'ସେକ୍ ଜିସୁଲା ଆମା'ଏ ଅମାକ୍ପୁଲେଇ ମୁଇ ଉ'ସୁରାମ୍ସୁଗ ସୁନ' । 8ଜାଏସା ଆପେ ଆଇବୁଇ'ନା ବଜି ସୁସୁମ୍ପୁଲେଇ ୱାୟ'ନା ମୁନା'ରେମେ ଲିଲେଇ'ପୁଲେଇ ବୁଂଅଁ'କୁନୁଂ ତାନ୍ବକ୍ ଉଇସେକ୍ ଆଲେଇ'ଗା' । ମାସା'ଡ'ନା ଗୁତୁନ୍ ଆଇବୁଇ'ନା ଡିଂଅଁନ୍ରେମ୍ ନନ୍କୁରୁଂ ଅଦିକ୍ ମୁନା'ମୁନା' ରେମବକ୍ସା ୱାୟ'ବୁଂତ ଡେ ମାଡେ । 9ସା' ମୁନା'ରେମ୍ ସାକ୍ନା ଗୁତୁନ୍ ଆଇବୁଇ'ନା ଡିଂଅଁନ୍ରେମ୍ ସାକ୍ସେକ୍ କେନ୍ ତାନ୍ ଆତୁନ୍ ମୁନା'ରେମ୍ ବେ' ଡ'ସେକ୍ ଆନ ସୁନ'ନା ନ ଗେୱା ବାଂସେକ୍ ଗି'ଡାଂକୁରୁଂ ଉଇସେକ୍ ଲିଲେଇ' ପଡ୍ତା । 10ମାତର୍ ଆପେ ଜାଜା ୱାୟ'ନା ସାକ୍ସେକ୍ ତିର୍ଗି'ନା ତାନ୍ବକ୍ ଲେ'ୟା । ଡୁ'ତୁନ୍ ଲେଇ'ନା ଆଇବୁଇ'ନା ଡିଂଅଁନ୍ରେମ୍ ସାକ୍ନା ଆନ ‘ଅ ବାଇଲକ୍ ନ ଇଂକେକୁରୁଂ ତକ୍ଡାକ୍ସେକ୍ ସିଁସେଇଁ ଲେ'ୟା ୟା’ ଡ'ସେକ୍ ସୁନ୍ତ । ଆଇ'ତୁନ୍ବେଲା ଆତା ସା'କୁନୁଂ ରେମଲେ ଗୁଲାଇର ଆନ ମୁନା'ରେମ୍ ଡ'ସେକ୍ ଜୁତ । 11#ମାତିଉ 23:12; ଲୁକ 18:14ଜାଜା ନିଂ ମୁନା'ରେମ୍ ଡ'ସେକ୍ ବଡ୍ପୁନ୍ ଡେନ୍ତା ଆମାଇ ଡାଉରେମ୍ ଡ'ସେକ୍ ଜୁତ ମାରି ଜା ନିଂ ମୁଇନ୍ଡା ଡାଉରେମ୍ ଡ'ସେକ୍ ନିଜେ ଏତ୍ତା ଆମାଇ ମୁନା'ରେମ୍ ଡ'ସେକ୍ ଜୁତ ।”
12ଆଜିସୁଲା ଜା ସୁସୁମ୍ପୁଲେଇ ୱାୟ' ଆମାଇ ଜିସୁଲା ସୁନ', “ନ ଇନ୍ଡଇ'ଏସା ବଜି ଡିନ୍ଡେମ୍ବେଲା ଆନନା ବାଇଲ'ଗେ, ବୁୟାଂଏଁ, ଡିଂଅଁନ୍ରେମ୍ ମାରି ଉନ୍ତୁ'ସିଂ ଡାନ୍ଡର୍ସିଂନା ସାକାର୍ରେମ୍ବକ୍ ଆୱାୟ' । ମାସା'ଡ'ନା ମା'ଏସା ଆପେ ସୁସୁମ୍ପୁଲେଇ ୱାୟ'ସେକ୍ ନ ଡେମ'କୁନୁଂସୁଗ ଆନସା ଡୁ'ତୁନ୍ ଡେମ୍ତ । 13ସା' ନ ବଜି ଡିନ୍ଡେମ୍ବେଲା ଗରିବ୍ରେମ୍ବକ୍, କଲାକଲି ରେମ୍ବକ୍, ସଟାସଟିରେମ୍ବକ୍ ମାରି କାନାକାନିରେମ୍ବକ୍ ୱାଇ । 14ଡୁ'ତୁନ୍ ଡେମ'ନା ମାପ୍ରୁ ଆନ ଆସିର୍ବାଦ୍ ଡେମ୍ତ । ମା'ଏ ଆନ ବିବେ' ଆଗଂତା ଡ'ନାସା ଦରମ୍ବାଇ' ରେମଲେ ଗୁଇ'ସେକ୍ ମୁରାକ୍ବେଲା ମାପ୍ରୁ ଆନ ପୁରାସ୍ ବେ'ତ ।”
ମୁନା' ବଜି ଡିନ୍ଡେମ୍ନା ଉ'ସୁରାମ୍
(ମାତିଉ 22:1–10)
15ଜିସୁଲାବୁରଂ ସୁସୁମ୍ ଲେଇ'କୁନୁଂ ରେମଲେନ୍ ବିତ୍ରେ ମୁଇନ୍ଡା ମାଇ ସୁନ'କୁନୁଂ ଅଂଅଁ'ସେକ୍ ଆମାଇ ସୁନ', “ମାପ୍ରୁନା ରାଜିବକ୍ ଜା ବଜି ସୁସୁମ୍ପୁଲେଇ ଲେଇ'ତା ମାଇ ଅବୁଦି କପାଲ୍ବାଇ' ରେମ” ଡ'ସେକ୍ ସୁନ' ।
16ସା' ଜିସୁଲା ଆମାଇ ସୁନ' “ମୁସିଂ ମୁଇନ୍ଡା ରେମ ମୁନା'ବାଇ' ମୁଇ ବଜି ଡେମ'ସେକ୍ ଅବୁଦିରବକ୍ ବଜି ସୁସୁମ୍ପୁଲେଇ ୱାୟ'ବୁଂଅଁ' । 17ସୁସୁମ୍ନା ବେଲା ଡେଂଗା'ସା' ଆତୁନ୍ ସୁନ'କୁନୁଂ ରେମଲେବକ୍ ‘ପେ ସା'ବାବେ ଲ, ଗୁଲାଇ ତିୟାର୍ ଡେଂଗା'’ ଡ'ସେକ୍ ସୁଁସୁପୁଲେଇ ଆମାଇନା ଗୁପାମ୍ରେମେ ବେନ୍ଟାୟ' ।
18ମାତର୍ ଗୁଲାଇର ନେଇ ସୁସାପ୍ ଆଗଂତୁନେଇ ଡ'ସେକ୍ ସୁନ' । ଗୁତୁନ୍ ମୁଲ୍ନା ରେମ ସୁନ' ‘ନିଂ ମୁଇ ଜମି ସବ'ତିଂ । ଗୁତୁନ୍ ଜମି ଆ'ନା ଜୁଜୁ ଉଇ ଡୁତା । ନିଂ ମାର୍ ସୁସାପ୍ ଆଗଂତିଂ, ଆନିଂ ନ ଆସାପ୍ତା ଡିଗ'ନ୍ ଡିକ୍ବେ’ ଡ'ସେକ୍ ସୁନ' ।
19ମାର୍ ମୁଇନ୍ଡା ସୁନ' ‘ନିଂ ପାଁନ୍ସ୍ ଅଲ୍ ଗୁଇ'ତାଂ ସବ'ତିଂ । ଗୁତୁନା ସିସେ ଉଇତାକି ଆରାକ୍ ଡ'ସେକ୍ ଜୁଜୁ ଉଇଡେନ୍ତିଂ । ନିଂ ମାର୍ ସୁସାପ୍ ଆଗଂତିଂ, ଆନିଂ ନ ଆସାପ୍ତା ଡିଗ'ନ୍ ଡିକ୍ବେ’ ଡ'ସେକ୍ ସୁନ' ।
20ମାର୍ ମୁଇନ୍ଡା ସୁନ' ‘ନିଂ ଆ'ନାଉ ଆଇବୁଇ'ନିଂ । ସା' ନିଂ ଗୁତୁନ୍ ବଜିବକ୍ ସୁସାପ୍ ଆଗଂତିଂ’ ଡ'ସେକ୍ ସୁନ' ।
21ଗୁତୁନ୍ ଗୁପାମ୍ରେମ୍ ଆନ୍ଡେଇଁସେକ୍ ମାମା ଡେଂକୁନୁଂ ଗୁଲାଇ ଆମାଇନା ସାକାର୍ ସୁନ' । ସା' ଗୁତୁନ୍ ସାକାର୍ ଅବୁଦି ଗିସେକ୍ସେକ୍ ସୁନ' ‘ନ ଉଂଗମ୍ ବିତ୍ରେ ଗୁଲାଇ କୁନ୍ଡା ବୁଲ୍ଲ'ସେକ୍ ଗରିବ୍ଦୁକବାଇ' ରେମଲେବକ୍, କଲାକଲିବାଇ'ରେମଲେବକ୍, କାନାକାନିବାଇ' ରେମଲେବକ୍ ମାରି ସଟାସଟିବାଇ'ରେମଲେବକ୍ ଆକେ ସେଟ୍ଟ' ୱାୟ' ରିଂ’ ଡ'ସେକ୍ ସୁନ' ।
22ଗୁତୁନ୍ ଗୁପାମ୍ରେମ୍ ମାଇ ସୁନ'କୁନୁଂସୁଗ ଡେମ'ସେକ୍ ଆମାଇ ସୁନ' ‘ଅ ବାବୁ, ନ ସୁନ'କୁନୁଂସୁଗ ଗୁଲାଇ ଡେମ'ନିଂ । ମାତର୍ ମାରି ଲିଲେଇ'ନା ତାନ୍ ଡୁତାଉ’ ଡ'ସେକ୍ ସୁନ' ।
23ସା' ସାକାର୍ ଆଗୁପାମ୍ରେମ୍ ସୁନ' ‘ନ ଉଂଗମ୍ ବାଇରିସା ଗୁଲାଇ କୁନ୍ଡା ବୁଲ୍ଲ'ସେକ୍ ଆଜାଆଜା ଜୁଲ'ନା ଆମା'ଏ ଜବର୍ଦସ୍ ଡେମ'ସେକ୍ ନିଂନା ଡିଂଅଁବକ୍ ବର୍ତି ଡେମ୍ । 24ନିଂ ଆଜା ବଜି ସୁସୁମ୍ପୁଲେଇ ମୁଲ୍ ୱାୟ'ବୁଂଅଁ'ନିଂ ମା'ଏ ମାରି ଇନ୍ଡଇ'ଏସା ନିଂବୁରଂ ବଜି ସୁସୁମ୍ ଆଗଂତା ଡ'ସେକ୍ ନିଂ ଆପେ ସୁନ'ତିଂ’ ଡ'ସେକ୍ ସୁନ' ।”
ଜିସୁନା ସିସ୍ୟ ଏପୁଲେଇ ମାମା ଡିନ୍ଡେମ୍ ଡୁତା
(ମାତିଉ 10:37–38)
25ଅବୁଦି ରେମଲେ ଜିସୁଲାବୁରଂ ଉଇଡେଂକୁନୁଂବେଲା ମାଇ ଆନ୍ଡେଇଁକିକ୍ସେକ୍ ଆମା'ଏ ସୁନ': 26#ମାତିଉ 10:37“ଜାଏସା ମୁଇନ୍ଡା ସିସ୍ୟ ଏତିଂ ଡ'ସେକ୍ ନିଂବକ୍ ସାକ୍ନା ମାଇ ମାଇନା ୟଂବାନ୍କୁରୁଂ, କୁନୁଇ' ଉଁ'ଉଁନ୍କୁରୁଂ, ବୁୟାଂତାବୁକ୍କୁରୁଂ ମାରି ନିଜର୍ନା ଜିବନ୍କୁରୁଂ ଆନିଂ ଅବୁଦି ଆଲାତ୍ ଡିନ୍ଡେମ୍ ଡୁତା । ଆରାକ୍ନା ମାଇ ନିଂନା ସିସ୍ୟ ଏ ଆଗଂତା । 27#ମାତିଉ 10:38; 16:24; ମାର୍କ 8:34; ଲୁକ 9:23ଜାଏସା ମୁଇନ୍ଡା ନିଜର୍ନା #14:27 ନିଜର୍ନା କୁର୍ସ ଡ'ନା, ମୁଇନ୍ଡା ଆନିଂ ବିସ୍ବାସ୍ ଡେମ'ତାସା' ରେମଲେ ଆମାଇ ଅବୁଦି ଦୁକକସ୍ଟ ବେଡ'ସେକ୍ ଅଗୁଇ'ତୁନେଇ ଡ'ନାସା' ମାଇ ଆନିଂ ମଅନ୍ତୁର୍ ନିଂନା ତେଂଗି'ଉ ସୁସାପ୍ ଡୁତା, ଆରାକ୍ନା ମାଇ ନିଂନା ସିସ୍ୟ ଏ ଆଗଂତା ।କୁର୍ସ ଡୁନ'ସେକ୍ ଆନିଂ ତେଂଗି' ସୁସାପ୍ପୁଲେଇ ମୁନ୍ ଆରାକ୍ ଡ'ନା ମାଇ ନିଂନା ସିସ୍ୟ ଏ ଆଗଂତା ।
28ପେନ୍ ବିତ୍ରେ ଜାଏସା ମୁଇନ୍ଡା ମୁଇ ଜାଗ୍ବାର୍ନା ଡିଂଅଁ ଅ'ରଇଁତ ଡ'ସେକ୍ ପେ ଏତ୍କୁଲା । ଡୁ'ତୁନ୍ ଡ'ନା ସିଁସେଇଁ ମାଇ ଗୁତୁନ୍ ଜାଗ୍ବାର୍ନା ଡିଂଅଁ ଅ'ରଇଁପୁଲେଇ ଆ'ଇ କର୍ସ ଡେନ୍ତା ମାରି ଆଇ'ତୁନ୍ ଡାବୁ ନିଂବକ୍ ଡୁତା କି ଆରାକ୍ ଡ'ସେକ୍ ଆଜୁତ ଇ? 29ଆଜୁତ ଡ'ନା ମାଇ ମୁଲ୍ନା କନ୍ତି ବଡ'ସେକ୍ ଡାବୁ ଆରାକ୍ନା ଅନ୍ତୁର'ବେ'ତ । ମାରି ରେମଲେ ଗୁତୁନ୍ ଜୁଲ'ସେକ୍, 30‘ଜୁ, ମାଇ ଜାଗ୍ବାର୍ନା ଡିଂଅଁ ଅ'ରଇଁ ମୁଲାୟ' ମାତର୍ ଡାବୁ ଆରାକ୍ସା' ଆ'ନା ଅ'ଡମ୍ ଆଗଂତା’ ଡ'ସେକ୍ ଅ'ଗେୱାଲ' ସୁନ୍ତ ।
31ମାରି ପେ ଏତ୍କୁଲା ମୁଇନ୍ଡା ରାଜା ପାଲ୍ ମୁଇନ୍ଡା ରାଜାବୁରଂ ରିମ୍ତିଂ ଡ'ନା ମାଇ ଲେଇ'ସେକ୍ ନିଂନା ଦସ୍ଅଜାର୍ ରେମଲେ ମାଇନା କୁଡେଅଜାର୍ ରେମଲେବୁରଂ ଇନ୍ଡ୍ରିମ୍ ଗଂତାକି ଆରାକ୍ ଡ'ସେକ୍ ମୁଲ୍ ଆଜୁତ ଇ? 32ମାଇ ଆଗଂତା ଡ'ନା ଦାଇରେମେ ଅବୁଦି ସୁଲୁଂ ଡୁକୁନୁଂବକ୍ଉ ମାଇ ଆମାଇନା ରେମଲେ ଗୁତୁନ୍ ରାଜାଲାବୁରଂ ବିଡ୍ବାର୍ପୁଲେଇ ସୁଁସୁ ବେନ୍ଟାଇତ । 33ଡୁ'ତୁନାଉ ପେନ୍ ବିତ୍ରେ ଜାଏସା ମାଇନ୍ବକ୍ ଡୁକୁନୁଂ ଗୁଲାଇ ଅଡକ୍ସୁଂସୁଂ ଆଗଂତା ଡ'ନା ମାଇ ନିଂନା ସିସ୍ୟ ଏ ଆଗଂତା ।”
ଗାଇବି' ଆରାକ୍ବାଇ' ବୁତି'
(ମାତିଉ 5:13; ମାର୍କ 9:50)
34“ବୁତି' ବଲ୍ବାଇ' ଡ'ସେକ୍ ନେଇ' ମାଗ'ତୁନେଇ' ମାତର୍ ଗୁତୁନ୍ ବୁତି'ବକ୍ ଗାଇବି' ଆଡୁତା ଡ'ନା ଆତୁନ୍ ବୁତି' ମାରି ଅଗାଇବି' ଗଂତୁନେଇ' ଇ? ଆରାକ୍ । 35ଗୁତୁନ୍ ବୁତି' ଜମିବକ୍ସା, ଆର୍ଲପ୍ବକ୍ସା ବୁଂବୁଂ ଆଡେନ୍ତା । ଗୁତୁନ୍ ବାଇରି ସରଉ ଅଡକ୍ସୁଂତ ।
ନିଂ ସୁନ'କୁନୁଂ ମା ଡ'ସେକ୍ ମାଗ୍ମାକ୍ପୁଲେଇ ଆପେ ମୁନ୍ ଡୁକୁନା ପେ ବଲ୍ ଅଂଅଁ'କୁଲା ” ଡ'ସେକ୍ ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0