ଲୁକ 17
17
ଆପାଲ୍ ରେମଲେ ପାପ୍କାମ୍ ଡିନ୍ଡେମ୍ନା ଆ'ମାଗ'
(ମାତିଉ 18:6,7,21,22; ମାର୍କ 9:42)
1ଜିସୁଲା ଆମାଇନା ସିସ୍ୟଲେ ସୁନ' “ଆରେମଲେ ପାପ୍କାମ୍ ଅ'ଡେମ୍ପୁଲେଇ ରେମଲେନା ଜିବନ୍ବକ୍ ସତଇସା ପରିକା ସାପ୍ତା । ମାତର୍ ଜା ଆପାଲ୍ରେମ ପାପ୍କାମ୍ ଅ'ଡେମ୍ତ ଆମାଇ ମାପ୍ରୁ ଅବୁଦି କସ୍ଟ ବେ'ତ । 2ମାଇନା ଗୁଲୁଗୁକ୍ବକ୍ ମୁଇ ବୁଡାଲା ଜାନ୍ତାବେର୍ ତୁଲ'ସେକ୍ ଆମାଇ ସମ୍ଦର୍କିନ୍ଡାକ୍ନା ସୁଲୁଂଡାଗ୍ବକ୍ ରାନ୍ଡେଲ'ସୁଂଅଁ'ନା ଅବୁଦି ବଲ୍ । ଡୁ'ତୁନ୍ ଡେମ'ନା ଆନିଂ ବିସ୍ବାସ୍ ଡେମ'କୁନୁଂ ଆକେନ୍ ରେମଲେ ଆଜାଏସା ମାଇ ମାରି ପାପ୍କାମ୍ ଅ'ଡେମ୍ ଆଗଂତା । 3#ମାତିଉ 18:15ସା' ପେ ସଇଗା ଡେଂସେକ୍ ଡୁକୁଲା ।
ପେନ୍ ବୁୟାଂଏଁ ଜାଏସା ପାପ୍କାମ୍ ଡେମ'ନା ନ ପାପ୍କାମ୍ ଡେମ'ତୁନ ଡ'ସେକ୍ ଆମାଇ ତର୍ଞେକ୍ସେକ୍ ସୁଁ । ଗୁତୁନ୍ ଅଂଅଁ'ସେକ୍ ପାପ୍କୁରୁଂ ମାଇ ବାଦ୍ଲି ଡେଂଗା' ଡ'ନା ଆମାଇ ନ କେମା ଡେମ୍ । 4ମାରି ମାଇ ମୁସିଂଉ ନନ୍ବକ୍ ସାତ୍ପାଲି ବୁଲ୍ ଡେମ'ସେକ୍ ସାତ୍ପାଲିସା ନନ୍ବକ୍ ସାକ୍ସେକ୍ ‘ଅ ବାଇ ନିଂ ନନ୍ବକ୍ ବୁଲ୍ ଡେମ'ତିଂ ମାରି ଆଡେମ୍ତିଂ ଡ'ସେକ୍ ଆନ ସୁନ'ନା ଆମାଇ ନ କେମା ଡେମ୍ ।’”
ବିସ୍ବାସ୍ ଡିନ୍ଡେମ୍ନା
5ମାରି ପେରିତଲେ ଆଜିସୁଲା ସୁନ' “ଅ ଗୁରୁ, ଆନ ନେଇ ଅଦିକ୍ ଅଦିକ୍ ବିସ୍ବାସ୍ ଡିନ୍ଡେମ୍ପୁଲେଇ ଆନେଇ ଅବୁଦି ବପୁ ବେ'” ଡ'ସେକ୍ ସୁନ' ।
6ସା' ପ୍ରବୁ ଆମା'ଏ ସୁନ', “ସର୍ସୁ ମନ୍ଜିସୁଗ ପେନ୍ ବିସ୍ବାସ୍ ଡୁକୁନା ଆକେନ୍ ଇନ୍ତାପ୍, ‘ଇଂକେକୁରୁଂ ତୁର୍ସେକ୍ ସମ୍ଦର୍କିନ୍ଡାକ୍ବକ୍ ଲ'ଗା’ ଡ'ସେକ୍ ସୁନ'ନା ଗୁତୁନ୍ ପେନ୍ ତୁମ' ମାନ୍ତା ।
7ଜୁ, ପେନ୍ ବିତ୍ରେ ମୁଇନ୍ଡାନ୍ବକ୍ ଡୁକୁନୁଂ ଗୁପାମ୍ରେମ୍ ମୁଇନ୍ଡା ସିସେ ଆରା'ଗେ ଗୁଗୁଇ' ଉଇସେକ୍ ଇ'ତା ଡ'ସେକ୍ ଏତ୍କୁଲା । ମାଇ ଗୁଗୁଇ'ରେମ୍ କି ସିସେରେମ୍ସା ଇକ୍ନା ସାକାର୍ ଆମାଇ, ‘ଲ, ସୁରୁଇ' ସା'ବା, ଲେଇ'ସେକ୍ କିୟାଂ ସୁମ୍’ ଡ'ସେକ୍ ସୁନ୍ତ ଇ? 8ଆରାକ୍ । ମାଇ ଆମାଇ ମା ସୁନ୍ତ ଡ'ନା, ‘ସେଟ୍ଟ' ଗୁଇ'ତିଗୁଇ'ସୁଂସେ'ଗା ନନା ପାଲ୍ ସକାବାନ୍ଦା ଅଲୁକ୍ସେକ୍ ଆନିଂ କିୟାଂମା' ରାଂଅଁ' ବେ' । ମାରି ନିଂ ସୁସୁମ୍ପନ୍ତେକ୍ ନ ଜାଗଲ'କୁଲା, ତିର୍ଗି' ନ ସୁମ୍’ ଡ'ସେକ୍ ମାଇ ସୁନ୍ତ । 9ଗୁତୁନ୍ ଗୁପାମ୍ରେମ୍ ମାଇ ସୁନ'କୁନୁଂସୁଗ ଗୁଲାଇ ଡେମ'ତା ଡ'ନା ଆମାଇ ସାକାର୍ ସୁନ୍ଡ୍ରତା ଇ? ଆରାକ୍ । ମାସା'ଡ'ନା ମାଇ ମାଇନା ଗୁପାମ୍ରେମ୍ । 10ପେସା ଡୁ'ତୁନାଉ । ମାପ୍ରୁ ଆପେ ଡେମ୍ ଡ'ସେକ୍ ସୁନ'କୁନୁଂ ଗୁଲାଇ ଅ'ଡମ'ସେକ୍ ‘ନେଇ ନନା ଗୁପାମ୍ରେମ୍, ନ ଆନେଇ ସୁନ୍ଡ୍ରପୁଲେଇ ଜଗ୍ୟ ଆରାକ୍। ନେଇ ମାମା ଡିନ୍ଡେମ୍ ଡୁକୁ ଗୁତୁନାଉ ଗୁଲାଇ ଡେମ'ତୁନେଇ’ ଡ'ସେକ୍ ପେସା ଆମାପ୍ରୁ ସୁଁ ।”
ଦସ୍ଲକ୍ କୁକୁମ୍ବାଇ' ରେମଲେବକ୍ ଜିସୁଲା ବଲ୍ ଡିନ୍ଡେମ୍ଡେନ୍
11ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଉଇରେମ୍ ସମିରନି ଜିଲା ମାରି ଗାଲିଲି ଜିଲା ଇନ୍ଡ୍ରି ଇଂକେ ଡୁକୁନୁଂବକ୍ ମନ୍ଜାକୁରୁଂ ଉଇଡେଂକୁ । 12ଉଇଡେଂକୁସା' ମାଇ ମୁଇ ଉଂଗମ୍ବକ୍ ଗୁଗାଇରେମ୍ ଦସ୍ଲକ୍ କୁକୁମ୍ବାଇ' ରେମଲେବକ୍ ସୁସପ୍ବାଂଗା' । ସା' ମା'ଏ ସୁଲୁଂ ତଂସେକ୍, 13“ଅ ଜିସୁ, ଅ ଗୁରୁ, ନ ଆନେଇ ଦୟା ଡେମ୍” ଡ'ସେକ୍ ଡକ୍ତି'ତା କିରକ୍ସେକ୍ ସୁନ' ।
14ସା' ଆମା'ଏ ଜୁଲ'ସେ'ଗା ଜିସୁଲା ସୁନ', “ପେ ପୁଜାରିଲେନ୍ବକ୍ ଉଇସେକ୍ ପେନା ଞେରି ଅସୁ'ୟା” ଡ'ସେକ୍ ସୁନ' । ସା' ମା'ଏ ଉଇଡେଂକୁନୁଂବେଲା ମା'ଏ ଗୁଲାଇର ବଲ୍ ଡେଂଉଇଆର୍ଗା' ।
15ସା' ମା'ଏନ୍ ବିତ୍ରେ ମୁଇନ୍ଡା ମାଇ ବଲ୍ ଡେଂକୁନୁଂ ନିଜେ ଜୁବର୍ସେକ୍ ଡକ୍ତି'ତା ଆମାପ୍ରୁ ସୁନ୍ଡ୍ରକ୍ ସୁନ୍ଡ୍ରକ୍ସେକ୍ ଜିସୁନ୍ବକ୍ ଆନ୍ଡେଇଁସେକ୍ ସା'ଗା' । 16ସାକ୍ସେକ୍ ଜିସୁନ୍ ତିକ୍ସୁଂ ଆଲୁଂ ଏନ୍ଡିକ୍ସେକ୍ ଆମାଇ ସୁନ୍ଡ୍ରଗା' । ଗୁତୁନ୍ ଆନ୍ଡେଇଁ ସା'କୁନୁଂଆଁ ସମିରନିୟ ରେମ ।
17ସା' ଜିସୁଲା ସୁନ' “ଦସ୍ଲକ୍ ପେ ବଲ୍ ଡେଂପେ ମାରି ନଲକ୍ ଇମ୍ବ'ଲେଇ? 18କୁନା ମୁଇନ୍ଡା ସମିରନି ରେମଉ ଆମାପ୍ରୁ ସୁନ୍ଡ୍ରପୁଲେଇ ସା'ଗୁତା, ମାରି ଡୁକୁନୁଂରେମ୍ବକ୍ ଆଜାଏସା ଆଜୁତିଂ” ଡ'ସେକ୍ ସୁନ' । 19ତିର୍ଗି' ଜିସୁଲା ଆମାଇ ସୁନ' “ନ ତକ୍ଡାକ୍ସେକ୍ ଉୟା । ମାଇ ବଲ୍ ଡେମ୍ତ ଡ'ସେକ୍ ଆନିଂ ବିସ୍ବାସ୍ ଡେମ'ନସା' ନ ବଲ୍ ଡେଂନ” ଡ'ସେକ୍ ସୁନ' ।
ମାପ୍ରୁ ମାଇନା ରାଜି ଅ'ରଇଁୟ'ସେକ୍ ଆରେମଲେ ମି ଜୁତ ଡ'ସେକ୍ ଅମାକ୍ଡେନ୍
(ମାତିଉ 24:23–28—24:37–41)
20ପାରୁସି ରେମଲେ ଏନ୍ତୁକ୍ର ଆଜିସୁଲା, “ମାପ୍ରୁନା ରାଜି ଇନ୍ଡ'ୟା ଜୁଜୁ ଗଂତୁନେଇ” ଡ'ସେକ୍ ଅ'ଗଁସ୍ଲା'ଗା' । ସା' ଜିସୁଲା ସୁନ' “ମାପ୍ରୁନା ରାଜି ରେମଲେନା ମ'ବୁରଂ ଜୁଜୁ ଆଗଂତା । 21ମାରି ଆକେ ଜୁ ମାପ୍ରୁନା ରାଜି, ଆତା ଜୁ ମାପ୍ରୁନା ରାଜି ଡ'ସେକ୍ ରେମଲେ ଜାଏସା ସୁଁସୁ ଆଗଂତା । ମାସା'ଡ'ନା ମାପ୍ରୁନା ରାଜି ପେନା ବିତ୍ରେଉ ଡୁତା” ଡ'ସେକ୍ ସୁନ' ।
22ମାରି ମାଇ ଆମାଇନା ସିସ୍ୟଲେ ସୁନ' “ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ପେ ଆନିଂ ମାରି ଜୁଜର୍ବେଲା ଜୁତୁନେଇ ଡ'ସେକ୍ ଅବୁଦି ଆସ୍ତୁପେ, ଡୁ'ତୁନ୍ବାଇ' ମୁଇ ଦିନ୍ ସାପ୍ତା । ମାତର୍ ପେ ଗୁତୁନା ଜୁଜୁ ଆଗଂତୁପେ । 23ରେମଲେ ଆପେ, ‘ମାଇ ଆରି ଡୁତା ଆରା'ଗେ ଆକେ ଡୁତା’ ଡ'ସେକ୍ ସୁନ୍ତ । ମାତର୍ ପେ ମା'ଏ ସୁନ'କୁନୁଂସୁଗ ତୁର' ଆଉଇଗା' । 24ମାସା'ଡ'ନା ଉଂଲାଇ'ଡାଗ୍ କି'ତୁଂବକ୍ ସେଟ୍ଟ' ତାର୍କି'କୁନୁଂ ଗୁଲାଇ କୁନ୍ଡାନ୍ ରେମଲେ ମି ଜୁଜୁ ଗଂତା ଡୁ'ତୁନ୍ସୁଗ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାଇନା ଦିନ୍ବକ୍ ଜୁଜର୍ବେଲାସା ଡେନ୍ତା । 25ମାତର୍ ମୁଲ୍ ଆମାଇ ରେମଲେ ଅବୁଦି ଦୁକକସ୍ଟ ବିବେ' ଡୁତା ମାରି ଆ'ନ୍ଦିନ୍ ଆ'ନ୍କାଲ୍ନା ରେମଲେ ଆମାଇ ଦର୍କାର୍ ଆରାକ୍ ଡ'ସେକ୍ ସୁଁସୁ ଡୁତା ।
26ଇନ୍ତେକନ୍ଡେକ୍ ନଅନା ବେଲା ମି ଡେଂଗା' ଡୁ'ତୁନ୍ସୁଗ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ନା ବେଲାସା ଡେନ୍ତା । 27ମାସା'ଡ'ନା ଉନ୍ତା ଡାଗ୍ ବାଗ୍ବକ୍ ସୁସାପ୍ ସିଁସେଇଁ ରେମଲେ ଗୁଲାଇର ଅବୁଦି ସୁମ'ଇଡ'ସେକ୍ ମାରି ୱାଇବୁଇ' ଇ'ପର୍ସେକ୍ ନଅଲା ଗୁତୁନ୍ ଡଂଗା ବିତ୍ରେ ଗୁଗାଇ ପନ୍ତେକ୍ ଡୁକୁଗା' ।
28ଇନ୍ତେକନ୍ଡେକ୍ ଲଟଲା ସଦମ୍ ଉଂଗମ୍ବକ୍ ଡୁକୁନୁଂବେଲାସା ଡୁ'ତୁନା ଡେଂକୁଗା' । ଗୁତୁନ୍ ଉଂଗମ୍ନା ରେମଲେ ଗୁଲାଇର ଇସାଉ ସୁମ'ଇଡ'ସେକ୍ ସୁଂସୁଂଆ'ପୁଲେଇ, ସୁସପ୍ମୁମୁଇ'ପୁଲେଇ, ଉଁଗୁଗା'ପୁଲେଇ ମାରି ଡିଂଅଁସାରୁ ଅ'ରଇଁପୁଲେଇ ଅର୍ବର୍ ଡେଂସେକ୍ ଡୁକୁଗା' । 29ମାତର୍ ଲଟଲା ସଦମ୍ ମୁନା'ଉଂଗମ୍କୁରୁଂ ଇନ୍ଡଇ'ୟା ତୁର୍ସେକ୍ ଡୁଂଗା' ଉନ୍ତ୍ଦିନ୍ କି'ତୁଂକୁରୁଂ ସୁଂଅଁ ମାରି ଅବୁଦି ଗୁରସଂବାଇ' ବୁରେସୁଗବାଇ' ଗନ୍ଦକ ଡ'କୁନୁଂ ଲଗ୍ସେକ୍ ଆତୁନ୍ ଉଂଗମ୍ରେମ୍ ଆଗୁଲାଇର ନାସାୟ'ସୁଂଅଁ' ।
30ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ନିଂ ଜୁଜର୍ବେଲାସା କେନ୍ ଦର୍ତନିନା ରେମଲେ ଡୁ'ତୁନାଉ ଡେମ୍ତ । 31#ମାତିଉ 24:17,18; ମାର୍କ 13:15,16ଉନ୍ତା ଜାଏସା ରେମଲେ ମା'ଏନ୍ ଡିଂଅଁ ବାଗ୍ବକ୍ ଡୁକୁନା ଜର୍ସେକ୍ ଡିଂଅଁ ବିତ୍ରେ ମାଏସା ଡୁକୁନୁଂ ଅ'ତୁର୍ତିଂ ଡ'ସେକ୍ ଇନ୍ଡ୍ରିଂ ଆଗାଇଏଇ' । ଡୁ'ତୁନା ଜାଏସା ମା'ଏନ୍ ବୁରଂବକ୍ ଡୁକୁନା ଡିଂଅଁବକ୍ ମାରି ଆଇ'ଗା' । 32ଆଲଟନା କୁନୁଇ' ମା ଡେଂଗା' ଗୁତୁନା ପେ ଏତ୍କୁଲା । 33#ମାତିଉ 10:39; 16:25; ମାର୍କ 8:35; ଲୁକ 9:24; ଜଅନ୍ 12:25ଜାଏସା ମୁଇନ୍ଡା ନିଜର୍ନା ଜିବନ୍ ନିଜେ ରକ୍ୟା ଡିନ୍ଡେମ୍ପୁଲେଇ ମୁନ୍ ଡେଂନା ମାଇ ନିଜର୍ନା ଜିବନ୍ ବୁଡାଇତ । ମାତର୍ ଜାଏସା ମୁଇନ୍ଡା ଆନିଂ ବିସ୍ବାସ୍ ଡେମ'ତାସା' ମାଇନା ଜିବନ୍ ନସ୍ଟ ଡେମ'ତା ଡ'ନା ମାଇ ଜିବନ୍ ବାମ୍ତା । 34ଉନ୍ତ୍ ତୁମୁଂଗ ମୁଇ ବିନେସାକ୍ବକ୍ ଇମ୍ବାୟ ଲେମକ୍ବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା । 35ଇମ୍ବାୟ ସେଲାନ୍ପା ମୁନ୍ଡକ୍ବକ୍ ତଂତଂ ଡେଂବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା । 36ଇମ୍ବାୟ ବୁରଂ କାମ୍ ଡିନ୍ଡେମ୍ ଡେଂବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା” ଡ'ସେକ୍ ନିଂ ଆପେ ସୁନ'ତିଂ ।
37ସା' ମାଇନା ସିସ୍ୟଲେ ଆମାଇ ଅ'ଗଁସ୍ଲା'ଗା' “ଅ ଗୁରୁ, କେନା ଆମ୍ବ' ଡେନ୍ତା” ଡ'ସା'
ମାଇ ସୁନ' “ମଟ୍ ଡୁକୁନୁଂବକ୍ ମଟ୍ ସୁସୁମ୍ନା ସାଗୁନା ଡ'କୁନୁଂ ପୁରି'ଡେ ରୁନ୍ତା” ଡ'ସେକ୍ ସୁନ' ।
Currently Selected:
ଲୁକ 17: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ଲୁକ 17
17
ଆପାଲ୍ ରେମଲେ ପାପ୍କାମ୍ ଡିନ୍ଡେମ୍ନା ଆ'ମାଗ'
(ମାତିଉ 18:6,7,21,22; ମାର୍କ 9:42)
1ଜିସୁଲା ଆମାଇନା ସିସ୍ୟଲେ ସୁନ' “ଆରେମଲେ ପାପ୍କାମ୍ ଅ'ଡେମ୍ପୁଲେଇ ରେମଲେନା ଜିବନ୍ବକ୍ ସତଇସା ପରିକା ସାପ୍ତା । ମାତର୍ ଜା ଆପାଲ୍ରେମ ପାପ୍କାମ୍ ଅ'ଡେମ୍ତ ଆମାଇ ମାପ୍ରୁ ଅବୁଦି କସ୍ଟ ବେ'ତ । 2ମାଇନା ଗୁଲୁଗୁକ୍ବକ୍ ମୁଇ ବୁଡାଲା ଜାନ୍ତାବେର୍ ତୁଲ'ସେକ୍ ଆମାଇ ସମ୍ଦର୍କିନ୍ଡାକ୍ନା ସୁଲୁଂଡାଗ୍ବକ୍ ରାନ୍ଡେଲ'ସୁଂଅଁ'ନା ଅବୁଦି ବଲ୍ । ଡୁ'ତୁନ୍ ଡେମ'ନା ଆନିଂ ବିସ୍ବାସ୍ ଡେମ'କୁନୁଂ ଆକେନ୍ ରେମଲେ ଆଜାଏସା ମାଇ ମାରି ପାପ୍କାମ୍ ଅ'ଡେମ୍ ଆଗଂତା । 3#ମାତିଉ 18:15ସା' ପେ ସଇଗା ଡେଂସେକ୍ ଡୁକୁଲା ।
ପେନ୍ ବୁୟାଂଏଁ ଜାଏସା ପାପ୍କାମ୍ ଡେମ'ନା ନ ପାପ୍କାମ୍ ଡେମ'ତୁନ ଡ'ସେକ୍ ଆମାଇ ତର୍ଞେକ୍ସେକ୍ ସୁଁ । ଗୁତୁନ୍ ଅଂଅଁ'ସେକ୍ ପାପ୍କୁରୁଂ ମାଇ ବାଦ୍ଲି ଡେଂଗା' ଡ'ନା ଆମାଇ ନ କେମା ଡେମ୍ । 4ମାରି ମାଇ ମୁସିଂଉ ନନ୍ବକ୍ ସାତ୍ପାଲି ବୁଲ୍ ଡେମ'ସେକ୍ ସାତ୍ପାଲିସା ନନ୍ବକ୍ ସାକ୍ସେକ୍ ‘ଅ ବାଇ ନିଂ ନନ୍ବକ୍ ବୁଲ୍ ଡେମ'ତିଂ ମାରି ଆଡେମ୍ତିଂ ଡ'ସେକ୍ ଆନ ସୁନ'ନା ଆମାଇ ନ କେମା ଡେମ୍ ।’”
ବିସ୍ବାସ୍ ଡିନ୍ଡେମ୍ନା
5ମାରି ପେରିତଲେ ଆଜିସୁଲା ସୁନ' “ଅ ଗୁରୁ, ଆନ ନେଇ ଅଦିକ୍ ଅଦିକ୍ ବିସ୍ବାସ୍ ଡିନ୍ଡେମ୍ପୁଲେଇ ଆନେଇ ଅବୁଦି ବପୁ ବେ'” ଡ'ସେକ୍ ସୁନ' ।
6ସା' ପ୍ରବୁ ଆମା'ଏ ସୁନ', “ସର୍ସୁ ମନ୍ଜିସୁଗ ପେନ୍ ବିସ୍ବାସ୍ ଡୁକୁନା ଆକେନ୍ ଇନ୍ତାପ୍, ‘ଇଂକେକୁରୁଂ ତୁର୍ସେକ୍ ସମ୍ଦର୍କିନ୍ଡାକ୍ବକ୍ ଲ'ଗା’ ଡ'ସେକ୍ ସୁନ'ନା ଗୁତୁନ୍ ପେନ୍ ତୁମ' ମାନ୍ତା ।
7ଜୁ, ପେନ୍ ବିତ୍ରେ ମୁଇନ୍ଡାନ୍ବକ୍ ଡୁକୁନୁଂ ଗୁପାମ୍ରେମ୍ ମୁଇନ୍ଡା ସିସେ ଆରା'ଗେ ଗୁଗୁଇ' ଉଇସେକ୍ ଇ'ତା ଡ'ସେକ୍ ଏତ୍କୁଲା । ମାଇ ଗୁଗୁଇ'ରେମ୍ କି ସିସେରେମ୍ସା ଇକ୍ନା ସାକାର୍ ଆମାଇ, ‘ଲ, ସୁରୁଇ' ସା'ବା, ଲେଇ'ସେକ୍ କିୟାଂ ସୁମ୍’ ଡ'ସେକ୍ ସୁନ୍ତ ଇ? 8ଆରାକ୍ । ମାଇ ଆମାଇ ମା ସୁନ୍ତ ଡ'ନା, ‘ସେଟ୍ଟ' ଗୁଇ'ତିଗୁଇ'ସୁଂସେ'ଗା ନନା ପାଲ୍ ସକାବାନ୍ଦା ଅଲୁକ୍ସେକ୍ ଆନିଂ କିୟାଂମା' ରାଂଅଁ' ବେ' । ମାରି ନିଂ ସୁସୁମ୍ପନ୍ତେକ୍ ନ ଜାଗଲ'କୁଲା, ତିର୍ଗି' ନ ସୁମ୍’ ଡ'ସେକ୍ ମାଇ ସୁନ୍ତ । 9ଗୁତୁନ୍ ଗୁପାମ୍ରେମ୍ ମାଇ ସୁନ'କୁନୁଂସୁଗ ଗୁଲାଇ ଡେମ'ତା ଡ'ନା ଆମାଇ ସାକାର୍ ସୁନ୍ଡ୍ରତା ଇ? ଆରାକ୍ । ମାସା'ଡ'ନା ମାଇ ମାଇନା ଗୁପାମ୍ରେମ୍ । 10ପେସା ଡୁ'ତୁନାଉ । ମାପ୍ରୁ ଆପେ ଡେମ୍ ଡ'ସେକ୍ ସୁନ'କୁନୁଂ ଗୁଲାଇ ଅ'ଡମ'ସେକ୍ ‘ନେଇ ନନା ଗୁପାମ୍ରେମ୍, ନ ଆନେଇ ସୁନ୍ଡ୍ରପୁଲେଇ ଜଗ୍ୟ ଆରାକ୍। ନେଇ ମାମା ଡିନ୍ଡେମ୍ ଡୁକୁ ଗୁତୁନାଉ ଗୁଲାଇ ଡେମ'ତୁନେଇ’ ଡ'ସେକ୍ ପେସା ଆମାପ୍ରୁ ସୁଁ ।”
ଦସ୍ଲକ୍ କୁକୁମ୍ବାଇ' ରେମଲେବକ୍ ଜିସୁଲା ବଲ୍ ଡିନ୍ଡେମ୍ଡେନ୍
11ଜିସୁଲା ଜିରୁସାଲମ୍ ମୁନା'ଉଂଗମ୍ବକ୍ ଉଇରେମ୍ ସମିରନି ଜିଲା ମାରି ଗାଲିଲି ଜିଲା ଇନ୍ଡ୍ରି ଇଂକେ ଡୁକୁନୁଂବକ୍ ମନ୍ଜାକୁରୁଂ ଉଇଡେଂକୁ । 12ଉଇଡେଂକୁସା' ମାଇ ମୁଇ ଉଂଗମ୍ବକ୍ ଗୁଗାଇରେମ୍ ଦସ୍ଲକ୍ କୁକୁମ୍ବାଇ' ରେମଲେବକ୍ ସୁସପ୍ବାଂଗା' । ସା' ମା'ଏ ସୁଲୁଂ ତଂସେକ୍, 13“ଅ ଜିସୁ, ଅ ଗୁରୁ, ନ ଆନେଇ ଦୟା ଡେମ୍” ଡ'ସେକ୍ ଡକ୍ତି'ତା କିରକ୍ସେକ୍ ସୁନ' ।
14ସା' ଆମା'ଏ ଜୁଲ'ସେ'ଗା ଜିସୁଲା ସୁନ', “ପେ ପୁଜାରିଲେନ୍ବକ୍ ଉଇସେକ୍ ପେନା ଞେରି ଅସୁ'ୟା” ଡ'ସେକ୍ ସୁନ' । ସା' ମା'ଏ ଉଇଡେଂକୁନୁଂବେଲା ମା'ଏ ଗୁଲାଇର ବଲ୍ ଡେଂଉଇଆର୍ଗା' ।
15ସା' ମା'ଏନ୍ ବିତ୍ରେ ମୁଇନ୍ଡା ମାଇ ବଲ୍ ଡେଂକୁନୁଂ ନିଜେ ଜୁବର୍ସେକ୍ ଡକ୍ତି'ତା ଆମାପ୍ରୁ ସୁନ୍ଡ୍ରକ୍ ସୁନ୍ଡ୍ରକ୍ସେକ୍ ଜିସୁନ୍ବକ୍ ଆନ୍ଡେଇଁସେକ୍ ସା'ଗା' । 16ସାକ୍ସେକ୍ ଜିସୁନ୍ ତିକ୍ସୁଂ ଆଲୁଂ ଏନ୍ଡିକ୍ସେକ୍ ଆମାଇ ସୁନ୍ଡ୍ରଗା' । ଗୁତୁନ୍ ଆନ୍ଡେଇଁ ସା'କୁନୁଂଆଁ ସମିରନିୟ ରେମ ।
17ସା' ଜିସୁଲା ସୁନ' “ଦସ୍ଲକ୍ ପେ ବଲ୍ ଡେଂପେ ମାରି ନଲକ୍ ଇମ୍ବ'ଲେଇ? 18କୁନା ମୁଇନ୍ଡା ସମିରନି ରେମଉ ଆମାପ୍ରୁ ସୁନ୍ଡ୍ରପୁଲେଇ ସା'ଗୁତା, ମାରି ଡୁକୁନୁଂରେମ୍ବକ୍ ଆଜାଏସା ଆଜୁତିଂ” ଡ'ସେକ୍ ସୁନ' । 19ତିର୍ଗି' ଜିସୁଲା ଆମାଇ ସୁନ' “ନ ତକ୍ଡାକ୍ସେକ୍ ଉୟା । ମାଇ ବଲ୍ ଡେମ୍ତ ଡ'ସେକ୍ ଆନିଂ ବିସ୍ବାସ୍ ଡେମ'ନସା' ନ ବଲ୍ ଡେଂନ” ଡ'ସେକ୍ ସୁନ' ।
ମାପ୍ରୁ ମାଇନା ରାଜି ଅ'ରଇଁୟ'ସେକ୍ ଆରେମଲେ ମି ଜୁତ ଡ'ସେକ୍ ଅମାକ୍ଡେନ୍
(ମାତିଉ 24:23–28—24:37–41)
20ପାରୁସି ରେମଲେ ଏନ୍ତୁକ୍ର ଆଜିସୁଲା, “ମାପ୍ରୁନା ରାଜି ଇନ୍ଡ'ୟା ଜୁଜୁ ଗଂତୁନେଇ” ଡ'ସେକ୍ ଅ'ଗଁସ୍ଲା'ଗା' । ସା' ଜିସୁଲା ସୁନ' “ମାପ୍ରୁନା ରାଜି ରେମଲେନା ମ'ବୁରଂ ଜୁଜୁ ଆଗଂତା । 21ମାରି ଆକେ ଜୁ ମାପ୍ରୁନା ରାଜି, ଆତା ଜୁ ମାପ୍ରୁନା ରାଜି ଡ'ସେକ୍ ରେମଲେ ଜାଏସା ସୁଁସୁ ଆଗଂତା । ମାସା'ଡ'ନା ମାପ୍ରୁନା ରାଜି ପେନା ବିତ୍ରେଉ ଡୁତା” ଡ'ସେକ୍ ସୁନ' ।
22ମାରି ମାଇ ଆମାଇନା ସିସ୍ୟଲେ ସୁନ' “ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ପେ ଆନିଂ ମାରି ଜୁଜର୍ବେଲା ଜୁତୁନେଇ ଡ'ସେକ୍ ଅବୁଦି ଆସ୍ତୁପେ, ଡୁ'ତୁନ୍ବାଇ' ମୁଇ ଦିନ୍ ସାପ୍ତା । ମାତର୍ ପେ ଗୁତୁନା ଜୁଜୁ ଆଗଂତୁପେ । 23ରେମଲେ ଆପେ, ‘ମାଇ ଆରି ଡୁତା ଆରା'ଗେ ଆକେ ଡୁତା’ ଡ'ସେକ୍ ସୁନ୍ତ । ମାତର୍ ପେ ମା'ଏ ସୁନ'କୁନୁଂସୁଗ ତୁର' ଆଉଇଗା' । 24ମାସା'ଡ'ନା ଉଂଲାଇ'ଡାଗ୍ କି'ତୁଂବକ୍ ସେଟ୍ଟ' ତାର୍କି'କୁନୁଂ ଗୁଲାଇ କୁନ୍ଡାନ୍ ରେମଲେ ମି ଜୁଜୁ ଗଂତା ଡୁ'ତୁନ୍ସୁଗ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ମାଇନା ଦିନ୍ବକ୍ ଜୁଜର୍ବେଲାସା ଡେନ୍ତା । 25ମାତର୍ ମୁଲ୍ ଆମାଇ ରେମଲେ ଅବୁଦି ଦୁକକସ୍ଟ ବିବେ' ଡୁତା ମାରି ଆ'ନ୍ଦିନ୍ ଆ'ନ୍କାଲ୍ନା ରେମଲେ ଆମାଇ ଦର୍କାର୍ ଆରାକ୍ ଡ'ସେକ୍ ସୁଁସୁ ଡୁତା ।
26ଇନ୍ତେକନ୍ଡେକ୍ ନଅନା ବେଲା ମି ଡେଂଗା' ଡୁ'ତୁନ୍ସୁଗ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ସୁସାପ୍ନା ବେଲାସା ଡେନ୍ତା । 27ମାସା'ଡ'ନା ଉନ୍ତା ଡାଗ୍ ବାଗ୍ବକ୍ ସୁସାପ୍ ସିଁସେଇଁ ରେମଲେ ଗୁଲାଇର ଅବୁଦି ସୁମ'ଇଡ'ସେକ୍ ମାରି ୱାଇବୁଇ' ଇ'ପର୍ସେକ୍ ନଅଲା ଗୁତୁନ୍ ଡଂଗା ବିତ୍ରେ ଗୁଗାଇ ପନ୍ତେକ୍ ଡୁକୁଗା' ।
28ଇନ୍ତେକନ୍ଡେକ୍ ଲଟଲା ସଦମ୍ ଉଂଗମ୍ବକ୍ ଡୁକୁନୁଂବେଲାସା ଡୁ'ତୁନା ଡେଂକୁଗା' । ଗୁତୁନ୍ ଉଂଗମ୍ନା ରେମଲେ ଗୁଲାଇର ଇସାଉ ସୁମ'ଇଡ'ସେକ୍ ସୁଂସୁଂଆ'ପୁଲେଇ, ସୁସପ୍ମୁମୁଇ'ପୁଲେଇ, ଉଁଗୁଗା'ପୁଲେଇ ମାରି ଡିଂଅଁସାରୁ ଅ'ରଇଁପୁଲେଇ ଅର୍ବର୍ ଡେଂସେକ୍ ଡୁକୁଗା' । 29ମାତର୍ ଲଟଲା ସଦମ୍ ମୁନା'ଉଂଗମ୍କୁରୁଂ ଇନ୍ଡଇ'ୟା ତୁର୍ସେକ୍ ଡୁଂଗା' ଉନ୍ତ୍ଦିନ୍ କି'ତୁଂକୁରୁଂ ସୁଂଅଁ ମାରି ଅବୁଦି ଗୁରସଂବାଇ' ବୁରେସୁଗବାଇ' ଗନ୍ଦକ ଡ'କୁନୁଂ ଲଗ୍ସେକ୍ ଆତୁନ୍ ଉଂଗମ୍ରେମ୍ ଆଗୁଲାଇର ନାସାୟ'ସୁଂଅଁ' ।
30ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ନିଂ ଜୁଜର୍ବେଲାସା କେନ୍ ଦର୍ତନିନା ରେମଲେ ଡୁ'ତୁନାଉ ଡେମ୍ତ । 31#ମାତିଉ 24:17,18; ମାର୍କ 13:15,16ଉନ୍ତା ଜାଏସା ରେମଲେ ମା'ଏନ୍ ଡିଂଅଁ ବାଗ୍ବକ୍ ଡୁକୁନା ଜର୍ସେକ୍ ଡିଂଅଁ ବିତ୍ରେ ମାଏସା ଡୁକୁନୁଂ ଅ'ତୁର୍ତିଂ ଡ'ସେକ୍ ଇନ୍ଡ୍ରିଂ ଆଗାଇଏଇ' । ଡୁ'ତୁନା ଜାଏସା ମା'ଏନ୍ ବୁରଂବକ୍ ଡୁକୁନା ଡିଂଅଁବକ୍ ମାରି ଆଇ'ଗା' । 32ଆଲଟନା କୁନୁଇ' ମା ଡେଂଗା' ଗୁତୁନା ପେ ଏତ୍କୁଲା । 33#ମାତିଉ 10:39; 16:25; ମାର୍କ 8:35; ଲୁକ 9:24; ଜଅନ୍ 12:25ଜାଏସା ମୁଇନ୍ଡା ନିଜର୍ନା ଜିବନ୍ ନିଜେ ରକ୍ୟା ଡିନ୍ଡେମ୍ପୁଲେଇ ମୁନ୍ ଡେଂନା ମାଇ ନିଜର୍ନା ଜିବନ୍ ବୁଡାଇତ । ମାତର୍ ଜାଏସା ମୁଇନ୍ଡା ଆନିଂ ବିସ୍ବାସ୍ ଡେମ'ତାସା' ମାଇନା ଜିବନ୍ ନସ୍ଟ ଡେମ'ତା ଡ'ନା ମାଇ ଜିବନ୍ ବାମ୍ତା । 34ଉନ୍ତ୍ ତୁମୁଂଗ ମୁଇ ବିନେସାକ୍ବକ୍ ଇମ୍ବାୟ ଲେମକ୍ବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା । 35ଇମ୍ବାୟ ସେଲାନ୍ପା ମୁନ୍ଡକ୍ବକ୍ ତଂତଂ ଡେଂବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା । 36ଇମ୍ବାୟ ବୁରଂ କାମ୍ ଡିନ୍ଡେମ୍ ଡେଂବୁଂତ । ଆମୁଇନ୍ଡା ରିଂଅଁ' ଉଇତା ଆମୁଇନ୍ଡା ଅଡକ୍ସୁଂଅଁ' ଡୁଂତା” ଡ'ସେକ୍ ନିଂ ଆପେ ସୁନ'ତିଂ ।
37ସା' ମାଇନା ସିସ୍ୟଲେ ଆମାଇ ଅ'ଗଁସ୍ଲା'ଗା' “ଅ ଗୁରୁ, କେନା ଆମ୍ବ' ଡେନ୍ତା” ଡ'ସା'
ମାଇ ସୁନ' “ମଟ୍ ଡୁକୁନୁଂବକ୍ ମଟ୍ ସୁସୁମ୍ନା ସାଗୁନା ଡ'କୁନୁଂ ପୁରି'ଡେ ରୁନ୍ତା” ଡ'ସେକ୍ ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0