ଲୁକ 22
22
ଆଜିସୁଲା ଅଗୁଇ'ପୁଲେଇ ସେସ୍ଟା ଡିନ୍ଡେମ୍ଡେନ୍
(ମାତିଉ 26:1–5; ମାର୍କ 14:1–2; ଜଅନ୍ 11:45–53)
1ଜିଉଦିରେମଲେନା ନିସ୍ତାର୍ ପରବ୍ ଡ'ସେକ୍ ମୁଇ ପରବ୍ ସୁସାପ୍ଡେଂକୁ । ଗୁତୁନ୍ ପରବ୍ବକ୍ ରେମଲେ ରୁଟି ପୁଲ୍ବାର୍ନା କମିର ମମିସାଇବାର୍ ରୁଟି ଅ'ରଇଁୟ' ସୁମ୍ତ । 2ଉନ୍ତା ମୁନା'ପୁଜାରିଲେ ମାରି ମସାଲା ବେଡ'କୁନୁଂ ନିୟମ୍ ଅମାକ୍ରେମେ ଆଜିସୁଲା ମି କଲେ ଅଗୁୟ'ନା ଡେନ୍ତା ଡ'ସେକ୍ ଏତ୍କୁଗା' । ମାସା'ଡ'ନା ମା'ଏ ଆରେମଲେ ବୁତୁଂକୁଗା' ।
ଆଜିସୁଲା ଅସୁୟ'ବେ'ତିଂ ଡ'ସେକ୍ ଇସ୍କରିୟତ ଜିଉଦାଲା ସୁଁସୁଡେନ୍
(ମାତିଉ 26:14–16; ମାର୍କ 14:10–11)
3ଆଇ'ତୁନ୍ବେଲା ଜିସୁନା ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଇସ୍କରିୟତ୍ ଜିଉଦା ଡ'ସେକ୍ ଇମି ଡୁକୁନୁଂନା ଜିବନ୍ବକ୍ ସଇତାନ୍ ଗାଇଗା' । 4ସା' ମାଇ ମୁନା'ପୁଜାରିଲେନ୍ବକ୍ ମାରି ଗୁତୁନ୍ ମନ୍ଦିର୍ ଜାଗ୍ବାର୍ରେମ୍ନା ମୁନା'ରେମ୍ବକ୍ ଉଇସେକ୍ ମି ଆଜିସୁଲା ଅସୁୟ'ବେ'ତିଂ ଡ'ସେକ୍ ମା'ଏବୁରଂ ଅଇଁୟ' । 5ସା' ଗୁତୁନ୍ ଅଂଅଁ'ସେକ୍ ମା'ଏ ଅବୁଦି ସାର୍ଦାକୁସି ଡେଂସେକ୍ ଆମାଇ ଡାବୁ ବେ'ନେଇ' ଡ'ସେକ୍ ଅଇଁୟ' । 6ସା' ଜିଉଦାଲା ରାଜି ଡେଂସେକ୍ ରେମଲେ ଜାଏସା ମଡୁକୁବେଲା ଆଜିସୁଲା ଅସୁୟ' ବେଡ'ନା ମା'ଏ ଆମାଇ ସୁସପ୍ ଗଂତା ଡ'ସେକ୍ ଜାଗ୍ଲ' ଡୁକୁ ।
ଜିସୁଲା ମାଇନା ସିସ୍ୟଲେବୁରଂ ନିସ୍ତାର୍ ପରବ୍ନା ବଜି ସୁସୁମ୍ଡେନ୍
(ମାତିଉ 26:17–25; ମାର୍କ 14:12–21; ଜଅନ୍ 13:21–30)
7ମାରି କମିର୍ ମମିସାଇଁବାର୍ବାଇ' ରୁଟି ସୁସୁମ୍ନା ପରବ୍ନା ଦିନ୍ ସା'ଗା' । ଉନ୍ତା ରେମଲେ ନିସ୍ତାର୍ ପରବ୍ପୁଲେଇ ଆଉଁ'ଉଁ ମେନ୍ଡା ସେପ୍ତ । 8ସା' ଜିସୁଲା ଆପିତର୍ଲା ମାରି ଆଜଅନ୍ଲା ପା ଉଇସେକ୍ ନେଇ' ନିସ୍ତାର୍ ପରବ୍ବକ୍ ସୁସୁମ୍ପୁଲେଇ ଗୁଲାଇ ଅଜାଗ'ଅ'ଜୁଂଅଁ' ବୁଂ ଡ' ସୁନ'ସେକ୍ ସିଁସେଇଁନୁକ୍ ବେନ୍ଟାୟ' ।
9ସା' ମାଇପା ଆଜିସୁଲା “ନାଂ ଆମ୍ବ' ଉଇସେକ୍ ଅଜାକ୍ଅ'ଜୁଂ ଡୁତା ଡ'ସେକ୍ ନ ଏତ୍ଗୁତୁନ” ଡ'ସେକ୍ ଅ'ଗଁସ୍ଲା'ଗା' ।
10ସା' ମାଇ ଆମାଇପା ସୁନ' “ପା ଜିରୁସାଲମ୍ ମୁନା'ଉଂଗମ୍ବକ୍ ଗୁଗାଇବେଲା ମୁଇନ୍ଡା ରେମ କିକ୍ବକ୍ ଡାଗ୍ ଡୁନ'ସେକ୍ ଇ'ଡେଂକୁନୁଂବକ୍ ସୁସପ୍ ବାମ୍ତୁପା । ସା' ପା ଆମାଇ ତେଂଗି' ଉଇସେକ୍ ମାଇ ଆମ୍ବ'ନ୍ ଡିଂଅଁ ଗାଇତା ଆତା ପା ଗାୟା । 11ଗାଇସେ'ଗା ଆଡିଂଅଁ ସାକାର୍ ସୁଁ ‘ନେଇନା ଗୁରୁଲା ଆନ ଅ'ଗଁସ୍ଲା'ଗୁତା ମାଇ ମାରି ମାଇନା ସିସ୍ୟଲେ ଆମ୍ବ' ନିସ୍ତାର୍ ପରବ୍ ଡିନ୍ଡେମ୍ ଡୁତା? ଗୁତୁନ୍ ଡିଂଅଁ ଇମ୍ବ'ନା? ଡ'ସେକ୍ ଅ'ଗଁସ୍ଲା'ଗୁତା’ ଡ'ସେକ୍ ସୁଁ । 12ଡୁ'ତୁନ୍ ସୁନ'ନା ଗୁଲାଇ ଅଜାଗ'ଅ'ଜୁଂଅଁ'ସେକ୍ ବୁଂଅଁ'କୁନୁଂ ମୁଇ ବୁଡାଲା ବାଗ୍ବକ୍ନା ଡିଂଅଁ ଆପା ମାଇ ଅସୁଇ'ତ । ଆତା ପା ସୁସୁମ୍ପୁଲେଇ ଅଜାଗ'ବୁଂ” ଡ'ସେକ୍ ଆମାଇପା ସୁନ' ।
13ସା' ମାଇପା ଉଇଗା'ସା' ଜିସୁଲା ସୁନ'କୁନୁଂସୁଗ ଗୁଲାଇ ଜୁଲ' । ସା' ଆତା ନିସ୍ତାର୍ ପରବ୍ପୁଲେଇ ମାଇପା ଗୁଲାଇ ଅଜାଗ'ଅ'ଜୁଂଅଁ' ।
ପ୍ରବୁବଜ
(ମାତିଉ 26:26–30; ମାର୍କ 4:22–26; 1 କରିନ୍ତିୟ 11:23–25)
14ନିସ୍ତାର୍ ପରବ୍ବକ୍ ସୁସୁମ୍ନା ବେଲା ଡେଂଗା'ସା' ଜିସୁଲା ପେରିତଲେବୁରଂ ସୁସୁମ୍ପୁଲେଇ ଲେଇ'ଗା' । 15ଲେଇ'ସେକ୍ ମାଇ ଆମା'ଏ ସୁନ' “ନିଂ ଦୁକକସ୍ଟ ବୁମ୍ବାମ୍ ସିଁସେଇଁ ପେବୁରଂ ତିରେ ଲେଇ'ସେକ୍ କେନ୍ ନିସ୍ତାର୍ ପରବ୍ନା ବଜି ସୁସୁମ୍ପୁଲେଇ ଅବୁଦି ମୁନ୍ ଡେଂକୁନିଂ । 16ମାତର୍ କେନ୍ ନିସ୍ତାର୍ ପରବ୍ ମାସା' ସୁମ'ତା ଡ'ସେକ୍ ମାପ୍ରୁନା ରାଜିବକ୍ ଗୁଲାଇର ମାଗ୍ମାକ୍ପନ୍ତେକ୍ ନିଂ କେନ୍ ମାରି ଆସୁମ୍ତିଂ ଡ'ସେକ୍ ଆ'ନା ନିଂ ଆପେ ସୁନ'ତିଂ” ଡ'ସେକ୍ ସୁନ' ।
17ତିର୍ଗି' ଜିସୁଲା ମୁଇ ଗିଲାବକ୍ ଅଂଗୁର୍ନା ଡାଗ୍ ଜୁଗ'ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେକ୍ ଆମା'ଏ ସୁନ' “କେନା ରିଂସେକ୍ ପେନ୍ ବିତ୍ରେ ପେ ବାନ୍ଟାକ୍ସେକ୍ ଇ' । 18ମାସା'ଡ'ନା ମାପ୍ରୁ ରାଜି ଅ'ରଇଁୟ'ସେକ୍ ଆରେମଲେ ଜୁଜୁପନ୍ତେ'କା ନିଂ ଅଂଗୁର୍ନା ଡାଗ୍ ମାରି ଆଇ'ତିଂ ଡ'ସେକ୍ ଆପେ ସୁନ'ତିଂ” ଡ'ସେକ୍ ସୁନ' ।
19ମାରି ମାଇ ରୁଟି ଜୁଗ'ସେ'ଗା ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେକ୍ ମାଇ ଗୁତୁନ୍ ରୁଟି ସେତୁଗ'ସେକ୍ ଆମା'ଏ ବେଡ'ସେକ୍ ସୁନ' “କେନ୍ ରୁଟି ଆପେ ବଲ୍ ଡିନ୍ଡେମ୍ପୁଲେଇ ବେଡ'କୁନୁଂ ନିଂନା ଞେରି, ଆନିଂ ଏତ୍ବାର୍ପୁଲେଇ ପେ କେନା ଡେମ୍” ଡ'ସେକ୍ ସୁନ' ।
20ଞନ୍ଡିପ୍ନା ସୁସୁମ୍ ଅ'ଡମ'ସେକ୍ ମାଇ ମୁଇ ଗିଲାବକ୍ ଅଂଗୁର୍ନା ଡାଗ୍ ଜୁଗ'ସେକ୍ ଆମା'ଏ ବେଡ'ସେକ୍ ସୁନ' “କେନ୍ ଅଂଗୁର୍ନା ଡାଗ୍ ମା ଡ'ନା ନିଂନା ବନି । ଆରେମଲେ ପାପ୍ନା ଡନ୍ଡ୍କୁରୁଂ ରକ୍ୟା ଡେମ୍ତିଂ ଡ'ସେକ୍ ମାପ୍ରୁ ରେମଲେବୁରଂ ସବ'କୁନୁଂ ମୁଇ ତିମେ ପର୍ମାନ୍। ନିଂ ଗୁଇ'ସେକ୍ ନିଂନା ବନି ପେପୁଲେଇ ଟାଟେ ବେଡ'ନାଉ ଗୁତୁନ୍ ପର୍ମାନ୍ ସତଇସା ଡେନ୍ତା । 21ମାତର୍ ଜା ଆନିଂ ଆଦାଇରେମ୍ ଅସୁୟ'ବେ'ତ ମାଇ ନେଇ'ବୁରଂ ତିରେ ଲେଇ'ସେକ୍ ସୁସୁମ୍ ଡେନ୍ତା । 22ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ଆନିଂ ମା ଡେଂନା ଡେନ୍ତା ଡ'ସେକ୍ ମାପ୍ରୁନା ମୁନ୍ ଡେଂଗୁତା ଡୁ'ତୁନାଉ ଆନିଂ ଡେନ୍ତା । ମାତର୍ ଜା ଆନିଂ ଆଦାଇରେମ୍ ଅସୁୟ'ବେ'ତ ଆମାଇ ମାପ୍ରୁ ଅବୁଦି ଡନ୍ଡ୍କସ୍ଟ ବେ'ତ” ଡ'ସେକ୍ ସୁନ' । 23ସା' ମାଇନା ସିସ୍ୟଲେ ନେ'ନ୍ ବିତ୍ରେ ଜା ଆଜିସୁଲା ଅସୁୟ'ବେ'ତ? ଡ'ସେକ୍ ମା'ଏ ମା'ଏନ୍ ବିତ୍ରେ ଅ'ସୁନୁଆର୍ଗା' ।
ଜା ମୁନା'ରେମ୍ ଡ'ସେକ୍ ଜିସୁଲା ଆସିସ୍ୟଲେ ଅମାକ୍ଡେନ୍
24 #
ମାତିଉ 18:1; ମାର୍କ 9:34; ଲୁକ 9:46 ତିର୍ଗି' ଜା ନେ'ନ୍ ବିତ୍ରେ ମୁନା'ରେମ୍ ଡ'ସେକ୍ ପେରିତଲେ ମା'ଏ ମା'ଏନ୍ ବିତ୍ରେ ଅଇଁୟ'କୁ । 25ସା' ଜିସୁଲା ସୁନ' “ଜାଜା ଆମାପ୍ରୁ ମମୁନାକ୍ ଡୁତା ମା'ଏନ୍ ରାଜାଲେ ଆମା'ଏ ସାସନ୍ ଡେମ'ତା ମାରି ‘ନେଇ ଆରେମଲେ ସାନ୍ଡୁଂରେମ୍’ ଡ'ସେକ୍ ମା'ଏନ୍ ମୁନା'ରେମଲେ ନିଜେ ସୁନ'ତା । 26#ମାତିଉ 23:11; ମାର୍କ 9:35#ମାତିଉ 20:25–27; ମାର୍କ 10:42–44ମାତର୍ ପେ ମା'ଏସୁଗ ଆଡେଂଗା' । ଜାଏସା ମୁନା'ରେମ୍ ଡୁକୁନା ମାଇ ନିଂ ମୁଇନ୍ଡା ଡାଉରେମ୍ ଡ'ସେକ୍ ଏତ୍ବାର୍ ଡୁତା । ମାରି ଜାଏସା ମୁଇନ୍ଡା ସାକାର୍ ଡୁତା ଡ'ନା ମାଇ ଗୁପାମ୍ରେମ୍ସୁଗ ଡୁକୁଡୁତା । 27#ଜଅନ୍ 13:12–15ମାସା'ଡ'ନା ଜା ଗୁଲାଇରନ୍କୁରୁଂ ମୁନା'? ସୁସୁମ୍ ଲେଇ'କୁନୁଂଆଁ ମୁନା' କି ବିବେ'ରେମ୍ ମୁନା'? ପେ ଏତ୍ଗୁତୁପେ ସୁସୁମ୍ ଲେଇ'କୁନୁଂଆଁ ମୁନା' ଡ'ସେକ୍ । ମାତର୍ ନିଂ ମୁଇନ୍ଡା ବିବେ'ରେମ୍ସୁଗ ପେନ୍ ବିତ୍ରେ ଡୁତିଂ । 28ପେ ଗୁଲାଇର ନିଂନା ଦୁକକସଟବକ୍ ଆନିଂ ମଅନ୍ତୁର୍ ନିଂବୁରଂ ତିରେ ଡୁକୁପେ । 29ନିଂନା ବା ଆରେମଲେ ସାସନ୍ ଡିନ୍ଡେମ୍ପୁଲେଇ ଆନିଂ ରାଜା ଅ'ଏଲ'ତା । ଡୁ'ତୁନ୍ସୁଗ ଆରେମଲେ ସାସନ୍ ଡିନ୍ଡେମ୍ପୁଲେଇ ନିଂ ଆପେସା ରାଜା ଅ'ଏତିଂ । 30#ମାତିଉ 19:28ସା' ପେ ନିଂନା ରାଜିବକ୍ ନିଂବୁରଂ ସୁମ୍ତୁପେ ଇ'ତୁପେ ମାରି ରାଜାଲେ ଲିଲେଇ'ନା କର୍ଜିବକ୍ ଲେଇ'ସେକ୍ ଆଇସ୍ରାଏଲ୍ନା ବାରଟା କୁଲ୍ନା ରେମଲେବକ୍ ପେ ବିସାର୍ନା ଡେମ୍ତୁପେ ।”
ପିତର୍ଲା ମା ଡେମ୍ତ ଡ'ସେକ୍ ଜିସୁଲା ସୁଁସୁଡେନ୍
(ମାତିଉ 26:31–35; ମାର୍କ 14:27–31; ଜଅନ୍ 13:36–38)
31ଜିସୁଲା ଆସିମନ୍ଲା ସୁନ' “ଅ ସିମନ୍ ଅଂବେ, ବୁରଂରେମେ ଗମ୍ ମି ଏର'ସେ'ଗା ଲୁଂଗମ୍ ଅଡକ୍ସୁଂତ ଡୁ'ତୁନ୍ସୁଗ ଆପେସା ପରିକା ଡିନ୍ଡେମ୍ପୁଲେଇ ଆନିଂ ସୁଁ ଡ'ସେକ୍ ସଇତାନ୍ ଆନିଂ ସୁନ'କୁ । 32ମାତର୍ ଜୁ ସିମନ୍, ନ ଆନିଂ ବିସ୍ବାସ୍ ଡେମ'କୁନୁଂ ଆବାନାଲେଇ' ଡ'ସେକ୍ ନିଂ ନପୁଲେଇ ପାର୍ତନା ଡେମ'ତିଂ । ମାରି ନ ନିଂବକ୍ ଆନ୍ଡେଇଁ ସାକ୍ସେକ୍ ନନା ବାଇଲ'ଗେ ଜାଜା ଆମାପ୍ରୁ ବିସ୍ବାସ୍ ଡେମ'ସେକ୍ ଡୁତା ମା'ଏ ଆନିଂ ଅଦିକ୍ ବିସ୍ବାସ୍ ଡିନ୍ଡେମ୍ପୁଲେଇ ନ ସାନ୍ଡୁଂ” ଡ'ସେକ୍ ସୁନ' ।
33ସା' ମାଇ ଆଜିସୁଲା ସୁନ' “ଅ ପ୍ରବୁ, ନିଂ ନବୁରଂ ବନ୍ଦିବକ୍ ଉଇପୁଲେଇ ମାରି ନବୁରଂ ଗୁଗୁଇ'ପୁଲେଇସା ଅଜା'ଗୁତିଂ” ଡ'ସେକ୍ ସୁନ' ।
34ସା' ଜିସୁଲା ଆମାଇ ସୁନ' “ଅ ପିତର୍, ବେରା ଇନ୍ଜୁର୍ ଗିସିଂ ସୁସୁ ସିଁସେଇଁଉ ନିଂ ଆମାଇ ଆମାକ୍ତିଂ ଡ'ସେକ୍ ତିନ୍ପାଲି ସୁନ୍ତୁନ'” ଡ'ସେକ୍ ସୁନ' ।
ଜିସୁନା ବାଗ୍ବକ୍ ସୁନ'କୁନୁଂ ଗୁଲାଇ ସତଇସା ଡିନ୍ଡେମ୍ଡେନ୍
35 #
ମାତିଉ 10:9,10; ମାର୍କ 6:8,9; ଲୁକ 9:3; 10:4 ମାରି ମାଇ ଆମା'ଏ ସୁନ' “ଅଇନ୍ତେ ଆପେ ମାପ୍ରୁନା ବଲ୍କବର୍ ଆରେମଲେ ସୁଁସୁପୁଲେଇ ବେନ୍ଟାଇବାର୍ବେଲା ବେସ୍ନି, ମୁନାମୁଡିଂ, ପନ୍ଡଇଁ, ସକ୍ସେକ୍ ଆଉଇଗା' ଡ'ସେକ୍ ବେନ୍ଟାୟ'ନିଂସା' ଆପେ ଉନ୍ତା ମାମା ଦର୍କାର୍ ଡେଂକୁ ଇ?” ଡ'ସେକ୍ ସୁନ' । ସା' ମା'ଏ ସୁନ' “ଆରାକ୍, ମାସା ଦର୍କାର୍ ଡେଂ ଆଡୁତା ।”
36ମାଇ ଆମା'ଏ ସୁନ' “ମାତର୍ ଆ'ନା ପେନ୍ବକ୍ ବେସ୍ନି ମୁନାମୁଡିଂ ଡୁକୁନା ପେ ଗୁତୁନା ସ'କୁଲା । ଜଦି ପେନ୍ବକ୍ କାନ୍ଦା ଆଡୁତା ଡ'ନା ପେନ୍ ଇମ୍ପ'ସେନ୍ଡି ସୁଂଅଁ'ସେକ୍ କାନ୍ଦା ସବ୍ । 37ମାସା'ଡ'ନା ‘ଆମାଇ ମୁଇନ୍ଡା ଟାକ୍ରିବାଇ' ରେମ ଡ'ସେକ୍ ରେମଲେ ଜୁଲ'ତା’ ଡ'ସେକ୍ ଇନ୍ତେକନ୍ଡେକ୍ ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ'ତା । ଡୁ'ତୁନାଉ ଆନିଂ ଡିନ୍ଡେମ୍ ଡୁତାସା' ଆ'ନା ଗୁତୁନ୍ ସତଇସା ଡିନ୍ଡେମ୍ ଡେନ୍ତା” ଡ'ସେକ୍ ସୁନ' ।
38ସା' ସିସ୍ୟଲେ ଆମାଇ ସୁନ' “ଅ ଗୁରୁ ଜୁ, ଆକେ ନେ'ନ୍ବକ୍ ଇମ୍ବାରୁ କାନ୍ଦା ଡୁତା” ଡ'ସେକ୍ ସୁନ'ସା' ଜିସୁଲା ସୁନ' “ଅଁ, ଗୁତୁନା ଡେନ୍ତା” ଡ'ସେକ୍ ସୁନ' ।
ଜିତ୍କୁନ୍ଡା ବାଗ୍ବକ୍ ଜିସୁଲା ପାର୍ତନା ଡିନ୍ଡେମ୍ଡେନ୍
(ମାତିଉ 26:36–46; ମାର୍କ 14:32–42)
39ମାରି ଜିସୁଲା ଜିରୁସାଲମ୍ ମୁନା'ଉଂଗମ୍କୁରୁଂ ତୁର୍ସେକ୍ ମାଇ ଇସାଉ ଡେମ'କୁନୁଂସୁଗ ଜିତ କୁନ୍ଡା ବାଗ୍ବକ୍ ଡାଇ'ଗା' । ସା' ଆମାଇ ତେଂଗି' ମାଇନା ସିସ୍ୟଲେ ସା' ଡାଇ'ଗା' । 40ଆତା ଡେଲ'ସେକ୍ ମାଇ ଆମା'ଏ ସୁନ' “ପେନ୍ ଜିବନ୍ବକ୍ ପରିକା ମସୁସାପ୍ପୁଲେଇ ପେ ପାର୍ତନା ଡେମ'କୁଲା” ଡ'ସେକ୍ ସୁନ' । 41ମାରି ମାଇ ମା'ଏନ୍କୁରୁଂ ଇ'କି ଡକ୍ରି'ତା ସୁଲୁଂ ଉଇସେକ୍ ଏନ୍ଡିକ୍ସେ'ଗା: 42“ଅ ବା, ନନା ମୁନ୍ ଡୁତା ଡ'ନା କେନ୍ ଗୁଲାଇ କସ୍ଟ ନିଂକୁରୁଂ ସୁଲୁଂ ବୁଂ । ମାତର୍ ନିଂନା ମୁନ୍ ଆରାକ୍ ନନା ମୁନ୍ସୁଗଉ ଡେମେଇ'” ଡ'ସେକ୍ ପାର୍ତନା ଡେମ' । 43ମାରି କି'ତୁଂକୁରୁଂ ମାପ୍ରୁନା ମୁଇନ୍ଡା ଦୁତ ଜର୍ସେକ୍ ଆମାଇ ବପୁ ବେଡ' । 44ମାରି ଆମାଇ ଗୁଗୁଇ'ଗାଗାଇ'ସୁଗ ଦୁକ ସା'ଗା'ସା' ମାରି ମାଇ ଆମାପ୍ରୁଉ ଏତ୍ସେକ୍ ପାର୍ତନା ଡେମ' । ମାରି ମାଇନା ସୁଲଇଁଡାଗ୍ ବନି ସୁରୁ'କୁନୁଂସୁଗ ତୁବୁକ୍ବକ୍ ସୁରୁ'ଗା' ।
45ପାର୍ତନା ଅ'ଡମ'ସେକ୍ ଜିସୁଲା ସିସ୍ୟଲେନ୍ବକ୍ ସାକ୍ସେକ୍ ଜୁଲ'ସା' ମା'ଏ ସିନ୍ତାଲ'ସେକ୍ ଲେମ'ଆର୍କୁ । 46ସା' ମାଇ ଆମା'ଏ ସୁନ' “ମାସା' ଲେମ'ଗୁତୁପେ? ପେନ୍ ଜିବନ୍ବକ୍ ପରିକା ମସୁସାପ୍ପୁଲେଇ ପେ ପାର୍ତନା ଡେମ'କୁଲା” ଡ'ସେକ୍ ସୁନ' ।
ଆଜିସୁଲା ଅସୁୟ' ବିବେ'ଡେନ୍ ମାରି ଦାଇରେମ୍ ଆମାଇ ସୁସପ୍ଡେନ୍
(ମାତିଉ 26:47–56; ମାର୍କ 14:43–50; ଜଅନ୍ 18:3–11)
47ଡି'କେନା ଜିସୁଲା ମା'ଏବୁରଂ ଅଇଁୟ'ସେ'ଗା ଡୁକୁନୁଂବେଲା ଆ'ଇରସୁଗ ରେମଲେ ମୁଇ ଦଲ୍ ଡେଂସେକ୍ ମାଇନ୍ବକ୍ ସା'ଗା' । ମାରି ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଜିଉଦାଲା ଡ'କୁନୁଂଆଁସା ମା'ଏବୁରଂ ମିସ୍ସେ'ଗା ଆଜିସୁଲା ଅସୁଇ'ପୁଲେଇ ୱାୟ'ସା'ଗା' । ୱାୟ'ସାକ୍ସେ'ଗା ମାଇ ଆଜିସୁଲା ବୁଇଁତମ୍ତିଂ ଡ'ସେକ୍ ଉଇଗା' । 48 ସା' ଜିସୁଲା ଆମାଇ ସୁନ', “ଅ ଜିଉଦା, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ । ଆନିଂ ନ ଡି'କେନା ବୁଇଁତମ'ସେ'ଗା ଆଦାଇରେମ୍ ଅସୁୟ' ବେ'ତୁନ ଇ?” ଡ'ସେକ୍ ସୁନ' ।
49ଆଜିସୁଲା ମାମା ଡେନ୍ତାବେ ଡ'ସେକ୍ ସିସ୍ୟଲେ ମାଗ'ସେ'ଗା ଆଜିସୁଲା ସୁନ', “ଅ ପ୍ରବୁ, ନେଇ'ସା ନେଇ'ନା କାନ୍ଦାବୁରଂ ଆମା'ଏ ସେବ' ସୁଂନେଇ'ଇ?” ଡ'ସେକ୍ ଅ'ଗଁସ୍ଲା'ଗା' । 50ଆଇ'ତୁନ୍ବେଲା ସିସ୍ୟଲେନ୍ ବିତ୍ରେ ମୁଇନ୍ଡା କାନ୍ଦା ଜୁଗ'ସେକ୍ ମୁନା'ପୁଜାରିଲେନ୍ ଆମୁନା'ପୁଜାରିନା ଗୁପାମ୍ରେମ୍ ସେବ'ସା' ସୁସୁମ୍ତିକୁରୁଂନା ଲୁନ୍ତୁର୍ ସେତୁକ୍ ଉଇଗା' ।
51ସା' ଜିସୁଲା, “ଡେନ୍ତାବେ ମାରି ଆଡେମ'” ଡ' ସୁନ'ସେକ୍ ମାଇ ଆଗତିରେମ୍ନା ଲୁନ୍ତୁର୍ ତିତିବୁରଂ ଆଲାମ'ସେ'ଗା ବଲ୍ ଡେମ'ବେଡ' ।
52ସା' ମାରି ଜିସୁଲା ଆମାଇ ସୁସପ୍ ସା'କୁନୁଂ ଆମୁନା'ପୁଜାରିଲେ ମନ୍ଦିର୍ ଜାଗ୍ବାର୍ ଡୁକୁନୁଂ ଆମୁନା'ରେମେ ମାରି ଆଜିଉଦିରେମଲେନା ମୁନା'ରେମେ ସୁନ' “ନିଂ ମା ମୁଇନ୍ଡା ଟାକ୍ରିବାଇ' ରେମସା' ଇ ଆକେ କାନ୍ଦାଲେ ବୁ'ଡୁଂଏଁ ସକ୍ସେକ୍ ସା'ଗୁତୁପେ? 53#ଲୁକ 19:47; 21:37ନିଂ ଇସାଉ ମନ୍ଦିର୍ବକ୍ ପେବୁରଂ ଡୁକୁନୁଂବେଲା ମାସା' ଆନିଂ ପେ ଆସପ୍ତୁପେ? ମାତର୍ ଆ'ନ୍ ତୁମୁଂଗ ଆନିଂ ସୁସପ୍ପୁଲେଇ ଆପେ ସୁବିଦା ବେଡ'ତା ମାରି ଆସଇତାନ୍ ମାଇନା ମୁନ୍ସୁଗ ଡିନ୍ଡେମ୍ପୁଲେଇ ଆ'ନା ଅଦିକାର୍ ବେଡ'ତାସା' ମାଇ ଡିନ୍ଡେମ୍ଡେନ୍ ।”
ଆଜିସୁଲା ନିଂ ଆମାକ୍ତିଂ ଡ'ସେକ୍ ପିତର୍ଲା ସୁଁସୁଡେନ୍
(ମାତିଉ 26:57,58,69,75; ମାର୍କ 14:53–54; 14:66–72; ଜଅନ୍ 18:12–18; 18:25–27)
54ଉନ୍ତ୍କୁରୁଂ ମା'ଏ ଆଜିସୁଲା ସବ'ସେ'ଗା ମୁନା'ପୁଜାରିଲେନା ମୁନା' ରେମନା ଡିଂଅଁବକ୍ ରିଂଅଁ' ଉଇଗା' । ସା' ପିତର୍ଲା ଆମା'ଏ ମଅସୁଇ' ତେଂଗି'ତେଂଗି' ଉଇଗା' । 55ସା' ମା'ଏ ରୁନୁକ୍ସିଂ ମନ୍ଜା ସୁଂଅଁ ଅ'ଡଲ'ସେକ୍ ତିରେ ଲେଇ'କୁନୁଂବକ୍ ପିତର୍ଲାସା ମା'ଏବୁରଂ ତିରେ ଲେଇ'ଗା' । 56ସା' ମୁଇନ୍ଡା କାମ୍ବୁଇ' ପିତର୍ଲା ତାର୍ସଂକୁନୁଂ ସୁଂଅଁବକ୍ ତିରେ ଲେଇ'କୁନୁଂ ଜୁଲ' । ସା' ମାଇ ଆମାଇ ବଲ୍ ସର୍ମଡ' ଜୁଲ'ସେକ୍ “କେନ୍ ରେମସା ମାଇବୁରଂ ଡୁକୁଗା'” ଡ'ସେକ୍ ସୁନ' ।
57ମାତର୍ ପିତର୍ଲା ଆମାଇ ସୁନ', “ଆରାକ୍ କୁଇ', ନିଂ ଆମାଇ ଆମାକ୍ତିଂ” ଡ'ସେକ୍ ସୁନ' ।
58ମାରି ପରେକ୍ସୁଗ ଡୁକୁଗା'ସା' ମାରି ମୁଇନ୍ଡା ଆମାଇ ଜୁଲ'ସେକ୍ “ନସା ମାଇନା ରେମ” ଡ'ସା', “ଆରାକ୍ ବାଇଲକ୍, ନିଂ ମାଇନା ରେମ ଆରାକ୍” ଡ'ସେକ୍ ପିତର୍ଲା ସୁନ' ।
59ମାରି ମୁଇ ଗନ୍ଟାସୁଗ ତିର୍ଗି' ପାଲ୍ ମୁଇନ୍ଡା କୁନାସା ମାଇବୁରଂ ସତଇସା ଡୁକୁଗା' । ମାସା'ଡ'ନା କୁନ୍ ଗାଲିଲିନା ରେମ କି ଆରାକ୍? ଡ'ସେକ୍ ଏକ୍ଦମ୍ ସୁନ' ।
60ମାତର୍ ପିତର୍ଲା ସୁନ', “ବାଇଲକ୍, ନ ମା ଡ' ସୁନ'ତୁନ ଗୁତୁନା ନିଂ ଆମାକ୍ତିଂ” ଡ'ସେକ୍ ସୁନ' । ଡି'କେନ୍ ସୁଁସୁକେ ସୁଁସୁ ଗିସିଂ ସୁଗା' । 61ସା' ଜିସୁଲା ଆପିତର୍ଲା ସୁଂତମ୍ ଆନ୍ଡେଇଁକିକ୍ସେକ୍ ଜୁଲ' । ସା' ଆ'ନା ଗିସିଂ ସୁସୁ ଅରଇ'ଏ ତିନ୍ପାଲି ନ ଆନିଂ ଆମାକ୍ତିଂ ଡିକ୍ତୁନ ଡ'ସେକ୍ ପ୍ରବୁ ଆମାଇ ମୁଲ୍ ସୁନ'କୁନୁଂ ମାଇ ଏତ୍ଗା' । 62ମାରି ପିତର୍ଲା ବାଇରି ତୁର୍ସେକ୍ ଜିବନ୍କୁରୁଂ ଏତ୍ଏତ୍ସେକ୍ ଅବୁଦି ଉ'ଗା' ।
ଆଜିସୁଲା ଅ'କିୟାଲିକ୍ସେକ୍ ବୁକ୍ବୁକ୍ଡେନ୍
(ମାତିଉ 26:67–68; ମାର୍କ 14:65)
63ମାରି ଆଜିସୁଲା ଜାଗ୍ବାର୍ରେମ୍ ଅବୁଦି ଅ'କିୟାଲିକ୍ସେକ୍ ବୁକ୍ବୁକ୍ ମୁଲାୟ' । 64ମାରି ଆମାଇନା ମ' ଡାଲୁଲ'ସେକ୍, “ନ ବାବବାଦି କି ଆରାକ୍? ଆ'ନା ଆନ ଜା ବୁଗ'ତା, ନ ସୁଁ” ଡ'ସେକ୍ ମା'ଏ ଆମାଇ ସୁନ' । 65ମାରି ମା'ଏ ଅବୁଦି ପାଲ୍ପାଲ୍ ତୁମ' ସୁନ'ସେକ୍ ଆମାଇ ନିନ୍ଦାଲ'କୁ ।
ଆଜିସୁଲା ମୁନା'ରେମେ ଅ'ଗଁସ୍ଲାକ୍ଡେନ୍
(ମାତିଉ 26:59–66; ମାର୍କ 14:55–64; ଜଅନ୍ 18:19–24)
66ତାରା'ଗା'ସା' ଆଇ'କୁ ଜିଉଦିରେମଲେନା ମୁନା'ରେମେ ମୁନା'ପୁଜାରିଲେ ମାରି ଆରେମଲେ ନିୟମ୍ ଅମାକ୍ରେମ୍ ମୁନ୍ଡକ୍ବକ୍ ବିସାର୍ନା ଡିନ୍ଡେମ୍ପୁଲେଇ ଲେଇ'ସେକ୍ ଆଜିସୁଲା ଆତା ୱାୟ' ରିଂଅଁ' । 67ୱାୟ' ରିଂସେକ୍ ଆମାଇ “ନ କିରିସ୍ଟଲା ଇ? ଆନେଇ ସୁଁ” ଡ'ସେକ୍ ସୁନ' ।
ସା' ଜିସୁଲା ଆମା'ଏ ସୁନ' “ନିଂ ଆପେ ସୁନ'ନାସା ପେ ବିସ୍ବାସ୍ ଆଡେମ୍ତୁପେ । 68ମାରି ଆପେ ନିଂ ଅ'ଗଁସ୍ଲାଗ୍ନାସା ପେ ଆନିଂ ଆସୁନ୍ତୁପେ । 69ମାତର୍ ମାପ୍ରୁଉ ଅବୁଦି ବପୁବାଇ' । ମାଇ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ, ଆ'ନ୍ବାଂସା' ନିଂ ଇସାଉ ମାଇନା ସୁସୁମ୍ତିକୁରୁଂ ଲେଇ'ତିଂ” ଡ'ସେକ୍ ସୁନ' ।
70ସା' ମା'ଏ ଆମାଇ “ନ ମାପ୍ରୁନା ଉଁ'ଉଁ ଇ?” ଡ'ସେକ୍ ଅ'ଗଁସ୍ଲା'ଗା' । ସା' “ଅ'ଅଁ, ପେ ମା ଡ' ସୁନ'ତୁପେ ଗୁତୁନା ସତ୍” ଡ'ସେକ୍ ମାଇ ସୁନ' ।
71ସା' ମା'ଏ ଗୁଲାଇର “ଆନେଇ' ଆ'ନା ମାର୍ ପାଲ୍ ସାକି ଦର୍କାର୍ ଆରାକ୍, ନେଇ' ତ ମାଇନା ନିଜର୍ନା ତୁମ'କୁରୁଂ ଅଂଅଁ'ନେଇ'” ଡ'ସେକ୍ ସୁନ' ।
Currently Selected:
ଲୁକ 22: BFW
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0
ଲୁକ 22
22
ଆଜିସୁଲା ଅଗୁଇ'ପୁଲେଇ ସେସ୍ଟା ଡିନ୍ଡେମ୍ଡେନ୍
(ମାତିଉ 26:1–5; ମାର୍କ 14:1–2; ଜଅନ୍ 11:45–53)
1ଜିଉଦିରେମଲେନା ନିସ୍ତାର୍ ପରବ୍ ଡ'ସେକ୍ ମୁଇ ପରବ୍ ସୁସାପ୍ଡେଂକୁ । ଗୁତୁନ୍ ପରବ୍ବକ୍ ରେମଲେ ରୁଟି ପୁଲ୍ବାର୍ନା କମିର ମମିସାଇବାର୍ ରୁଟି ଅ'ରଇଁୟ' ସୁମ୍ତ । 2ଉନ୍ତା ମୁନା'ପୁଜାରିଲେ ମାରି ମସାଲା ବେଡ'କୁନୁଂ ନିୟମ୍ ଅମାକ୍ରେମେ ଆଜିସୁଲା ମି କଲେ ଅଗୁୟ'ନା ଡେନ୍ତା ଡ'ସେକ୍ ଏତ୍କୁଗା' । ମାସା'ଡ'ନା ମା'ଏ ଆରେମଲେ ବୁତୁଂକୁଗା' ।
ଆଜିସୁଲା ଅସୁୟ'ବେ'ତିଂ ଡ'ସେକ୍ ଇସ୍କରିୟତ ଜିଉଦାଲା ସୁଁସୁଡେନ୍
(ମାତିଉ 26:14–16; ମାର୍କ 14:10–11)
3ଆଇ'ତୁନ୍ବେଲା ଜିସୁନା ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଇସ୍କରିୟତ୍ ଜିଉଦା ଡ'ସେକ୍ ଇମି ଡୁକୁନୁଂନା ଜିବନ୍ବକ୍ ସଇତାନ୍ ଗାଇଗା' । 4ସା' ମାଇ ମୁନା'ପୁଜାରିଲେନ୍ବକ୍ ମାରି ଗୁତୁନ୍ ମନ୍ଦିର୍ ଜାଗ୍ବାର୍ରେମ୍ନା ମୁନା'ରେମ୍ବକ୍ ଉଇସେକ୍ ମି ଆଜିସୁଲା ଅସୁୟ'ବେ'ତିଂ ଡ'ସେକ୍ ମା'ଏବୁରଂ ଅଇଁୟ' । 5ସା' ଗୁତୁନ୍ ଅଂଅଁ'ସେକ୍ ମା'ଏ ଅବୁଦି ସାର୍ଦାକୁସି ଡେଂସେକ୍ ଆମାଇ ଡାବୁ ବେ'ନେଇ' ଡ'ସେକ୍ ଅଇଁୟ' । 6ସା' ଜିଉଦାଲା ରାଜି ଡେଂସେକ୍ ରେମଲେ ଜାଏସା ମଡୁକୁବେଲା ଆଜିସୁଲା ଅସୁୟ' ବେଡ'ନା ମା'ଏ ଆମାଇ ସୁସପ୍ ଗଂତା ଡ'ସେକ୍ ଜାଗ୍ଲ' ଡୁକୁ ।
ଜିସୁଲା ମାଇନା ସିସ୍ୟଲେବୁରଂ ନିସ୍ତାର୍ ପରବ୍ନା ବଜି ସୁସୁମ୍ଡେନ୍
(ମାତିଉ 26:17–25; ମାର୍କ 14:12–21; ଜଅନ୍ 13:21–30)
7ମାରି କମିର୍ ମମିସାଇଁବାର୍ବାଇ' ରୁଟି ସୁସୁମ୍ନା ପରବ୍ନା ଦିନ୍ ସା'ଗା' । ଉନ୍ତା ରେମଲେ ନିସ୍ତାର୍ ପରବ୍ପୁଲେଇ ଆଉଁ'ଉଁ ମେନ୍ଡା ସେପ୍ତ । 8ସା' ଜିସୁଲା ଆପିତର୍ଲା ମାରି ଆଜଅନ୍ଲା ପା ଉଇସେକ୍ ନେଇ' ନିସ୍ତାର୍ ପରବ୍ବକ୍ ସୁସୁମ୍ପୁଲେଇ ଗୁଲାଇ ଅଜାଗ'ଅ'ଜୁଂଅଁ' ବୁଂ ଡ' ସୁନ'ସେକ୍ ସିଁସେଇଁନୁକ୍ ବେନ୍ଟାୟ' ।
9ସା' ମାଇପା ଆଜିସୁଲା “ନାଂ ଆମ୍ବ' ଉଇସେକ୍ ଅଜାକ୍ଅ'ଜୁଂ ଡୁତା ଡ'ସେକ୍ ନ ଏତ୍ଗୁତୁନ” ଡ'ସେକ୍ ଅ'ଗଁସ୍ଲା'ଗା' ।
10ସା' ମାଇ ଆମାଇପା ସୁନ' “ପା ଜିରୁସାଲମ୍ ମୁନା'ଉଂଗମ୍ବକ୍ ଗୁଗାଇବେଲା ମୁଇନ୍ଡା ରେମ କିକ୍ବକ୍ ଡାଗ୍ ଡୁନ'ସେକ୍ ଇ'ଡେଂକୁନୁଂବକ୍ ସୁସପ୍ ବାମ୍ତୁପା । ସା' ପା ଆମାଇ ତେଂଗି' ଉଇସେକ୍ ମାଇ ଆମ୍ବ'ନ୍ ଡିଂଅଁ ଗାଇତା ଆତା ପା ଗାୟା । 11ଗାଇସେ'ଗା ଆଡିଂଅଁ ସାକାର୍ ସୁଁ ‘ନେଇନା ଗୁରୁଲା ଆନ ଅ'ଗଁସ୍ଲା'ଗୁତା ମାଇ ମାରି ମାଇନା ସିସ୍ୟଲେ ଆମ୍ବ' ନିସ୍ତାର୍ ପରବ୍ ଡିନ୍ଡେମ୍ ଡୁତା? ଗୁତୁନ୍ ଡିଂଅଁ ଇମ୍ବ'ନା? ଡ'ସେକ୍ ଅ'ଗଁସ୍ଲା'ଗୁତା’ ଡ'ସେକ୍ ସୁଁ । 12ଡୁ'ତୁନ୍ ସୁନ'ନା ଗୁଲାଇ ଅଜାଗ'ଅ'ଜୁଂଅଁ'ସେକ୍ ବୁଂଅଁ'କୁନୁଂ ମୁଇ ବୁଡାଲା ବାଗ୍ବକ୍ନା ଡିଂଅଁ ଆପା ମାଇ ଅସୁଇ'ତ । ଆତା ପା ସୁସୁମ୍ପୁଲେଇ ଅଜାଗ'ବୁଂ” ଡ'ସେକ୍ ଆମାଇପା ସୁନ' ।
13ସା' ମାଇପା ଉଇଗା'ସା' ଜିସୁଲା ସୁନ'କୁନୁଂସୁଗ ଗୁଲାଇ ଜୁଲ' । ସା' ଆତା ନିସ୍ତାର୍ ପରବ୍ପୁଲେଇ ମାଇପା ଗୁଲାଇ ଅଜାଗ'ଅ'ଜୁଂଅଁ' ।
ପ୍ରବୁବଜ
(ମାତିଉ 26:26–30; ମାର୍କ 4:22–26; 1 କରିନ୍ତିୟ 11:23–25)
14ନିସ୍ତାର୍ ପରବ୍ବକ୍ ସୁସୁମ୍ନା ବେଲା ଡେଂଗା'ସା' ଜିସୁଲା ପେରିତଲେବୁରଂ ସୁସୁମ୍ପୁଲେଇ ଲେଇ'ଗା' । 15ଲେଇ'ସେକ୍ ମାଇ ଆମା'ଏ ସୁନ' “ନିଂ ଦୁକକସ୍ଟ ବୁମ୍ବାମ୍ ସିଁସେଇଁ ପେବୁରଂ ତିରେ ଲେଇ'ସେକ୍ କେନ୍ ନିସ୍ତାର୍ ପରବ୍ନା ବଜି ସୁସୁମ୍ପୁଲେଇ ଅବୁଦି ମୁନ୍ ଡେଂକୁନିଂ । 16ମାତର୍ କେନ୍ ନିସ୍ତାର୍ ପରବ୍ ମାସା' ସୁମ'ତା ଡ'ସେକ୍ ମାପ୍ରୁନା ରାଜିବକ୍ ଗୁଲାଇର ମାଗ୍ମାକ୍ପନ୍ତେକ୍ ନିଂ କେନ୍ ମାରି ଆସୁମ୍ତିଂ ଡ'ସେକ୍ ଆ'ନା ନିଂ ଆପେ ସୁନ'ତିଂ” ଡ'ସେକ୍ ସୁନ' ।
17ତିର୍ଗି' ଜିସୁଲା ମୁଇ ଗିଲାବକ୍ ଅଂଗୁର୍ନା ଡାଗ୍ ଜୁଗ'ସେକ୍ ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେକ୍ ଆମା'ଏ ସୁନ' “କେନା ରିଂସେକ୍ ପେନ୍ ବିତ୍ରେ ପେ ବାନ୍ଟାକ୍ସେକ୍ ଇ' । 18ମାସା'ଡ'ନା ମାପ୍ରୁ ରାଜି ଅ'ରଇଁୟ'ସେକ୍ ଆରେମଲେ ଜୁଜୁପନ୍ତେ'କା ନିଂ ଅଂଗୁର୍ନା ଡାଗ୍ ମାରି ଆଇ'ତିଂ ଡ'ସେକ୍ ଆପେ ସୁନ'ତିଂ” ଡ'ସେକ୍ ସୁନ' ।
19ମାରି ମାଇ ରୁଟି ଜୁଗ'ସେ'ଗା ଆମାପ୍ରୁ ସୁନ୍ଡ୍ରଗା' । ସୁନ୍ଡ୍ରକ୍ସେକ୍ ମାଇ ଗୁତୁନ୍ ରୁଟି ସେତୁଗ'ସେକ୍ ଆମା'ଏ ବେଡ'ସେକ୍ ସୁନ' “କେନ୍ ରୁଟି ଆପେ ବଲ୍ ଡିନ୍ଡେମ୍ପୁଲେଇ ବେଡ'କୁନୁଂ ନିଂନା ଞେରି, ଆନିଂ ଏତ୍ବାର୍ପୁଲେଇ ପେ କେନା ଡେମ୍” ଡ'ସେକ୍ ସୁନ' ।
20ଞନ୍ଡିପ୍ନା ସୁସୁମ୍ ଅ'ଡମ'ସେକ୍ ମାଇ ମୁଇ ଗିଲାବକ୍ ଅଂଗୁର୍ନା ଡାଗ୍ ଜୁଗ'ସେକ୍ ଆମା'ଏ ବେଡ'ସେକ୍ ସୁନ' “କେନ୍ ଅଂଗୁର୍ନା ଡାଗ୍ ମା ଡ'ନା ନିଂନା ବନି । ଆରେମଲେ ପାପ୍ନା ଡନ୍ଡ୍କୁରୁଂ ରକ୍ୟା ଡେମ୍ତିଂ ଡ'ସେକ୍ ମାପ୍ରୁ ରେମଲେବୁରଂ ସବ'କୁନୁଂ ମୁଇ ତିମେ ପର୍ମାନ୍। ନିଂ ଗୁଇ'ସେକ୍ ନିଂନା ବନି ପେପୁଲେଇ ଟାଟେ ବେଡ'ନାଉ ଗୁତୁନ୍ ପର୍ମାନ୍ ସତଇସା ଡେନ୍ତା । 21ମାତର୍ ଜା ଆନିଂ ଆଦାଇରେମ୍ ଅସୁୟ'ବେ'ତ ମାଇ ନେଇ'ବୁରଂ ତିରେ ଲେଇ'ସେକ୍ ସୁସୁମ୍ ଡେନ୍ତା । 22ନିଂ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ, ଆନିଂ ମା ଡେଂନା ଡେନ୍ତା ଡ'ସେକ୍ ମାପ୍ରୁନା ମୁନ୍ ଡେଂଗୁତା ଡୁ'ତୁନାଉ ଆନିଂ ଡେନ୍ତା । ମାତର୍ ଜା ଆନିଂ ଆଦାଇରେମ୍ ଅସୁୟ'ବେ'ତ ଆମାଇ ମାପ୍ରୁ ଅବୁଦି ଡନ୍ଡ୍କସ୍ଟ ବେ'ତ” ଡ'ସେକ୍ ସୁନ' । 23ସା' ମାଇନା ସିସ୍ୟଲେ ନେ'ନ୍ ବିତ୍ରେ ଜା ଆଜିସୁଲା ଅସୁୟ'ବେ'ତ? ଡ'ସେକ୍ ମା'ଏ ମା'ଏନ୍ ବିତ୍ରେ ଅ'ସୁନୁଆର୍ଗା' ।
ଜା ମୁନା'ରେମ୍ ଡ'ସେକ୍ ଜିସୁଲା ଆସିସ୍ୟଲେ ଅମାକ୍ଡେନ୍
24 #
ମାତିଉ 18:1; ମାର୍କ 9:34; ଲୁକ 9:46 ତିର୍ଗି' ଜା ନେ'ନ୍ ବିତ୍ରେ ମୁନା'ରେମ୍ ଡ'ସେକ୍ ପେରିତଲେ ମା'ଏ ମା'ଏନ୍ ବିତ୍ରେ ଅଇଁୟ'କୁ । 25ସା' ଜିସୁଲା ସୁନ' “ଜାଜା ଆମାପ୍ରୁ ମମୁନାକ୍ ଡୁତା ମା'ଏନ୍ ରାଜାଲେ ଆମା'ଏ ସାସନ୍ ଡେମ'ତା ମାରି ‘ନେଇ ଆରେମଲେ ସାନ୍ଡୁଂରେମ୍’ ଡ'ସେକ୍ ମା'ଏନ୍ ମୁନା'ରେମଲେ ନିଜେ ସୁନ'ତା । 26#ମାତିଉ 23:11; ମାର୍କ 9:35#ମାତିଉ 20:25–27; ମାର୍କ 10:42–44ମାତର୍ ପେ ମା'ଏସୁଗ ଆଡେଂଗା' । ଜାଏସା ମୁନା'ରେମ୍ ଡୁକୁନା ମାଇ ନିଂ ମୁଇନ୍ଡା ଡାଉରେମ୍ ଡ'ସେକ୍ ଏତ୍ବାର୍ ଡୁତା । ମାରି ଜାଏସା ମୁଇନ୍ଡା ସାକାର୍ ଡୁତା ଡ'ନା ମାଇ ଗୁପାମ୍ରେମ୍ସୁଗ ଡୁକୁଡୁତା । 27#ଜଅନ୍ 13:12–15ମାସା'ଡ'ନା ଜା ଗୁଲାଇରନ୍କୁରୁଂ ମୁନା'? ସୁସୁମ୍ ଲେଇ'କୁନୁଂଆଁ ମୁନା' କି ବିବେ'ରେମ୍ ମୁନା'? ପେ ଏତ୍ଗୁତୁପେ ସୁସୁମ୍ ଲେଇ'କୁନୁଂଆଁ ମୁନା' ଡ'ସେକ୍ । ମାତର୍ ନିଂ ମୁଇନ୍ଡା ବିବେ'ରେମ୍ସୁଗ ପେନ୍ ବିତ୍ରେ ଡୁତିଂ । 28ପେ ଗୁଲାଇର ନିଂନା ଦୁକକସଟବକ୍ ଆନିଂ ମଅନ୍ତୁର୍ ନିଂବୁରଂ ତିରେ ଡୁକୁପେ । 29ନିଂନା ବା ଆରେମଲେ ସାସନ୍ ଡିନ୍ଡେମ୍ପୁଲେଇ ଆନିଂ ରାଜା ଅ'ଏଲ'ତା । ଡୁ'ତୁନ୍ସୁଗ ଆରେମଲେ ସାସନ୍ ଡିନ୍ଡେମ୍ପୁଲେଇ ନିଂ ଆପେସା ରାଜା ଅ'ଏତିଂ । 30#ମାତିଉ 19:28ସା' ପେ ନିଂନା ରାଜିବକ୍ ନିଂବୁରଂ ସୁମ୍ତୁପେ ଇ'ତୁପେ ମାରି ରାଜାଲେ ଲିଲେଇ'ନା କର୍ଜିବକ୍ ଲେଇ'ସେକ୍ ଆଇସ୍ରାଏଲ୍ନା ବାରଟା କୁଲ୍ନା ରେମଲେବକ୍ ପେ ବିସାର୍ନା ଡେମ୍ତୁପେ ।”
ପିତର୍ଲା ମା ଡେମ୍ତ ଡ'ସେକ୍ ଜିସୁଲା ସୁଁସୁଡେନ୍
(ମାତିଉ 26:31–35; ମାର୍କ 14:27–31; ଜଅନ୍ 13:36–38)
31ଜିସୁଲା ଆସିମନ୍ଲା ସୁନ' “ଅ ସିମନ୍ ଅଂବେ, ବୁରଂରେମେ ଗମ୍ ମି ଏର'ସେ'ଗା ଲୁଂଗମ୍ ଅଡକ୍ସୁଂତ ଡୁ'ତୁନ୍ସୁଗ ଆପେସା ପରିକା ଡିନ୍ଡେମ୍ପୁଲେଇ ଆନିଂ ସୁଁ ଡ'ସେକ୍ ସଇତାନ୍ ଆନିଂ ସୁନ'କୁ । 32ମାତର୍ ଜୁ ସିମନ୍, ନ ଆନିଂ ବିସ୍ବାସ୍ ଡେମ'କୁନୁଂ ଆବାନାଲେଇ' ଡ'ସେକ୍ ନିଂ ନପୁଲେଇ ପାର୍ତନା ଡେମ'ତିଂ । ମାରି ନ ନିଂବକ୍ ଆନ୍ଡେଇଁ ସାକ୍ସେକ୍ ନନା ବାଇଲ'ଗେ ଜାଜା ଆମାପ୍ରୁ ବିସ୍ବାସ୍ ଡେମ'ସେକ୍ ଡୁତା ମା'ଏ ଆନିଂ ଅଦିକ୍ ବିସ୍ବାସ୍ ଡିନ୍ଡେମ୍ପୁଲେଇ ନ ସାନ୍ଡୁଂ” ଡ'ସେକ୍ ସୁନ' ।
33ସା' ମାଇ ଆଜିସୁଲା ସୁନ' “ଅ ପ୍ରବୁ, ନିଂ ନବୁରଂ ବନ୍ଦିବକ୍ ଉଇପୁଲେଇ ମାରି ନବୁରଂ ଗୁଗୁଇ'ପୁଲେଇସା ଅଜା'ଗୁତିଂ” ଡ'ସେକ୍ ସୁନ' ।
34ସା' ଜିସୁଲା ଆମାଇ ସୁନ' “ଅ ପିତର୍, ବେରା ଇନ୍ଜୁର୍ ଗିସିଂ ସୁସୁ ସିଁସେଇଁଉ ନିଂ ଆମାଇ ଆମାକ୍ତିଂ ଡ'ସେକ୍ ତିନ୍ପାଲି ସୁନ୍ତୁନ'” ଡ'ସେକ୍ ସୁନ' ।
ଜିସୁନା ବାଗ୍ବକ୍ ସୁନ'କୁନୁଂ ଗୁଲାଇ ସତଇସା ଡିନ୍ଡେମ୍ଡେନ୍
35 #
ମାତିଉ 10:9,10; ମାର୍କ 6:8,9; ଲୁକ 9:3; 10:4 ମାରି ମାଇ ଆମା'ଏ ସୁନ' “ଅଇନ୍ତେ ଆପେ ମାପ୍ରୁନା ବଲ୍କବର୍ ଆରେମଲେ ସୁଁସୁପୁଲେଇ ବେନ୍ଟାଇବାର୍ବେଲା ବେସ୍ନି, ମୁନାମୁଡିଂ, ପନ୍ଡଇଁ, ସକ୍ସେକ୍ ଆଉଇଗା' ଡ'ସେକ୍ ବେନ୍ଟାୟ'ନିଂସା' ଆପେ ଉନ୍ତା ମାମା ଦର୍କାର୍ ଡେଂକୁ ଇ?” ଡ'ସେକ୍ ସୁନ' । ସା' ମା'ଏ ସୁନ' “ଆରାକ୍, ମାସା ଦର୍କାର୍ ଡେଂ ଆଡୁତା ।”
36ମାଇ ଆମା'ଏ ସୁନ' “ମାତର୍ ଆ'ନା ପେନ୍ବକ୍ ବେସ୍ନି ମୁନାମୁଡିଂ ଡୁକୁନା ପେ ଗୁତୁନା ସ'କୁଲା । ଜଦି ପେନ୍ବକ୍ କାନ୍ଦା ଆଡୁତା ଡ'ନା ପେନ୍ ଇମ୍ପ'ସେନ୍ଡି ସୁଂଅଁ'ସେକ୍ କାନ୍ଦା ସବ୍ । 37ମାସା'ଡ'ନା ‘ଆମାଇ ମୁଇନ୍ଡା ଟାକ୍ରିବାଇ' ରେମ ଡ'ସେକ୍ ରେମଲେ ଜୁଲ'ତା’ ଡ'ସେକ୍ ଇନ୍ତେକନ୍ଡେକ୍ ମାପ୍ରୁନା ଉଲାକ୍ବକ୍ ଲେକ୍ଲ'ବୁଂଅଁ'ତା । ଡୁ'ତୁନାଉ ଆନିଂ ଡିନ୍ଡେମ୍ ଡୁତାସା' ଆ'ନା ଗୁତୁନ୍ ସତଇସା ଡିନ୍ଡେମ୍ ଡେନ୍ତା” ଡ'ସେକ୍ ସୁନ' ।
38ସା' ସିସ୍ୟଲେ ଆମାଇ ସୁନ' “ଅ ଗୁରୁ ଜୁ, ଆକେ ନେ'ନ୍ବକ୍ ଇମ୍ବାରୁ କାନ୍ଦା ଡୁତା” ଡ'ସେକ୍ ସୁନ'ସା' ଜିସୁଲା ସୁନ' “ଅଁ, ଗୁତୁନା ଡେନ୍ତା” ଡ'ସେକ୍ ସୁନ' ।
ଜିତ୍କୁନ୍ଡା ବାଗ୍ବକ୍ ଜିସୁଲା ପାର୍ତନା ଡିନ୍ଡେମ୍ଡେନ୍
(ମାତିଉ 26:36–46; ମାର୍କ 14:32–42)
39ମାରି ଜିସୁଲା ଜିରୁସାଲମ୍ ମୁନା'ଉଂଗମ୍କୁରୁଂ ତୁର୍ସେକ୍ ମାଇ ଇସାଉ ଡେମ'କୁନୁଂସୁଗ ଜିତ କୁନ୍ଡା ବାଗ୍ବକ୍ ଡାଇ'ଗା' । ସା' ଆମାଇ ତେଂଗି' ମାଇନା ସିସ୍ୟଲେ ସା' ଡାଇ'ଗା' । 40ଆତା ଡେଲ'ସେକ୍ ମାଇ ଆମା'ଏ ସୁନ' “ପେନ୍ ଜିବନ୍ବକ୍ ପରିକା ମସୁସାପ୍ପୁଲେଇ ପେ ପାର୍ତନା ଡେମ'କୁଲା” ଡ'ସେକ୍ ସୁନ' । 41ମାରି ମାଇ ମା'ଏନ୍କୁରୁଂ ଇ'କି ଡକ୍ରି'ତା ସୁଲୁଂ ଉଇସେକ୍ ଏନ୍ଡିକ୍ସେ'ଗା: 42“ଅ ବା, ନନା ମୁନ୍ ଡୁତା ଡ'ନା କେନ୍ ଗୁଲାଇ କସ୍ଟ ନିଂକୁରୁଂ ସୁଲୁଂ ବୁଂ । ମାତର୍ ନିଂନା ମୁନ୍ ଆରାକ୍ ନନା ମୁନ୍ସୁଗଉ ଡେମେଇ'” ଡ'ସେକ୍ ପାର୍ତନା ଡେମ' । 43ମାରି କି'ତୁଂକୁରୁଂ ମାପ୍ରୁନା ମୁଇନ୍ଡା ଦୁତ ଜର୍ସେକ୍ ଆମାଇ ବପୁ ବେଡ' । 44ମାରି ଆମାଇ ଗୁଗୁଇ'ଗାଗାଇ'ସୁଗ ଦୁକ ସା'ଗା'ସା' ମାରି ମାଇ ଆମାପ୍ରୁଉ ଏତ୍ସେକ୍ ପାର୍ତନା ଡେମ' । ମାରି ମାଇନା ସୁଲଇଁଡାଗ୍ ବନି ସୁରୁ'କୁନୁଂସୁଗ ତୁବୁକ୍ବକ୍ ସୁରୁ'ଗା' ।
45ପାର୍ତନା ଅ'ଡମ'ସେକ୍ ଜିସୁଲା ସିସ୍ୟଲେନ୍ବକ୍ ସାକ୍ସେକ୍ ଜୁଲ'ସା' ମା'ଏ ସିନ୍ତାଲ'ସେକ୍ ଲେମ'ଆର୍କୁ । 46ସା' ମାଇ ଆମା'ଏ ସୁନ' “ମାସା' ଲେମ'ଗୁତୁପେ? ପେନ୍ ଜିବନ୍ବକ୍ ପରିକା ମସୁସାପ୍ପୁଲେଇ ପେ ପାର୍ତନା ଡେମ'କୁଲା” ଡ'ସେକ୍ ସୁନ' ।
ଆଜିସୁଲା ଅସୁୟ' ବିବେ'ଡେନ୍ ମାରି ଦାଇରେମ୍ ଆମାଇ ସୁସପ୍ଡେନ୍
(ମାତିଉ 26:47–56; ମାର୍କ 14:43–50; ଜଅନ୍ 18:3–11)
47ଡି'କେନା ଜିସୁଲା ମା'ଏବୁରଂ ଅଇଁୟ'ସେ'ଗା ଡୁକୁନୁଂବେଲା ଆ'ଇରସୁଗ ରେମଲେ ମୁଇ ଦଲ୍ ଡେଂସେକ୍ ମାଇନ୍ବକ୍ ସା'ଗା' । ମାରି ବାରଲକ୍ ସିସ୍ୟଲେନ୍ ବିତ୍ରେ ମୁଇନ୍ଡା ଜିଉଦାଲା ଡ'କୁନୁଂଆଁସା ମା'ଏବୁରଂ ମିସ୍ସେ'ଗା ଆଜିସୁଲା ଅସୁଇ'ପୁଲେଇ ୱାୟ'ସା'ଗା' । ୱାୟ'ସାକ୍ସେ'ଗା ମାଇ ଆଜିସୁଲା ବୁଇଁତମ୍ତିଂ ଡ'ସେକ୍ ଉଇଗା' । 48 ସା' ଜିସୁଲା ଆମାଇ ସୁନ', “ଅ ଜିଉଦା, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ । ଆନିଂ ନ ଡି'କେନା ବୁଇଁତମ'ସେ'ଗା ଆଦାଇରେମ୍ ଅସୁୟ' ବେ'ତୁନ ଇ?” ଡ'ସେକ୍ ସୁନ' ।
49ଆଜିସୁଲା ମାମା ଡେନ୍ତାବେ ଡ'ସେକ୍ ସିସ୍ୟଲେ ମାଗ'ସେ'ଗା ଆଜିସୁଲା ସୁନ', “ଅ ପ୍ରବୁ, ନେଇ'ସା ନେଇ'ନା କାନ୍ଦାବୁରଂ ଆମା'ଏ ସେବ' ସୁଂନେଇ'ଇ?” ଡ'ସେକ୍ ଅ'ଗଁସ୍ଲା'ଗା' । 50ଆଇ'ତୁନ୍ବେଲା ସିସ୍ୟଲେନ୍ ବିତ୍ରେ ମୁଇନ୍ଡା କାନ୍ଦା ଜୁଗ'ସେକ୍ ମୁନା'ପୁଜାରିଲେନ୍ ଆମୁନା'ପୁଜାରିନା ଗୁପାମ୍ରେମ୍ ସେବ'ସା' ସୁସୁମ୍ତିକୁରୁଂନା ଲୁନ୍ତୁର୍ ସେତୁକ୍ ଉଇଗା' ।
51ସା' ଜିସୁଲା, “ଡେନ୍ତାବେ ମାରି ଆଡେମ'” ଡ' ସୁନ'ସେକ୍ ମାଇ ଆଗତିରେମ୍ନା ଲୁନ୍ତୁର୍ ତିତିବୁରଂ ଆଲାମ'ସେ'ଗା ବଲ୍ ଡେମ'ବେଡ' ।
52ସା' ମାରି ଜିସୁଲା ଆମାଇ ସୁସପ୍ ସା'କୁନୁଂ ଆମୁନା'ପୁଜାରିଲେ ମନ୍ଦିର୍ ଜାଗ୍ବାର୍ ଡୁକୁନୁଂ ଆମୁନା'ରେମେ ମାରି ଆଜିଉଦିରେମଲେନା ମୁନା'ରେମେ ସୁନ' “ନିଂ ମା ମୁଇନ୍ଡା ଟାକ୍ରିବାଇ' ରେମସା' ଇ ଆକେ କାନ୍ଦାଲେ ବୁ'ଡୁଂଏଁ ସକ୍ସେକ୍ ସା'ଗୁତୁପେ? 53#ଲୁକ 19:47; 21:37ନିଂ ଇସାଉ ମନ୍ଦିର୍ବକ୍ ପେବୁରଂ ଡୁକୁନୁଂବେଲା ମାସା' ଆନିଂ ପେ ଆସପ୍ତୁପେ? ମାତର୍ ଆ'ନ୍ ତୁମୁଂଗ ଆନିଂ ସୁସପ୍ପୁଲେଇ ଆପେ ସୁବିଦା ବେଡ'ତା ମାରି ଆସଇତାନ୍ ମାଇନା ମୁନ୍ସୁଗ ଡିନ୍ଡେମ୍ପୁଲେଇ ଆ'ନା ଅଦିକାର୍ ବେଡ'ତାସା' ମାଇ ଡିନ୍ଡେମ୍ଡେନ୍ ।”
ଆଜିସୁଲା ନିଂ ଆମାକ୍ତିଂ ଡ'ସେକ୍ ପିତର୍ଲା ସୁଁସୁଡେନ୍
(ମାତିଉ 26:57,58,69,75; ମାର୍କ 14:53–54; 14:66–72; ଜଅନ୍ 18:12–18; 18:25–27)
54ଉନ୍ତ୍କୁରୁଂ ମା'ଏ ଆଜିସୁଲା ସବ'ସେ'ଗା ମୁନା'ପୁଜାରିଲେନା ମୁନା' ରେମନା ଡିଂଅଁବକ୍ ରିଂଅଁ' ଉଇଗା' । ସା' ପିତର୍ଲା ଆମା'ଏ ମଅସୁଇ' ତେଂଗି'ତେଂଗି' ଉଇଗା' । 55ସା' ମା'ଏ ରୁନୁକ୍ସିଂ ମନ୍ଜା ସୁଂଅଁ ଅ'ଡଲ'ସେକ୍ ତିରେ ଲେଇ'କୁନୁଂବକ୍ ପିତର୍ଲାସା ମା'ଏବୁରଂ ତିରେ ଲେଇ'ଗା' । 56ସା' ମୁଇନ୍ଡା କାମ୍ବୁଇ' ପିତର୍ଲା ତାର୍ସଂକୁନୁଂ ସୁଂଅଁବକ୍ ତିରେ ଲେଇ'କୁନୁଂ ଜୁଲ' । ସା' ମାଇ ଆମାଇ ବଲ୍ ସର୍ମଡ' ଜୁଲ'ସେକ୍ “କେନ୍ ରେମସା ମାଇବୁରଂ ଡୁକୁଗା'” ଡ'ସେକ୍ ସୁନ' ।
57ମାତର୍ ପିତର୍ଲା ଆମାଇ ସୁନ', “ଆରାକ୍ କୁଇ', ନିଂ ଆମାଇ ଆମାକ୍ତିଂ” ଡ'ସେକ୍ ସୁନ' ।
58ମାରି ପରେକ୍ସୁଗ ଡୁକୁଗା'ସା' ମାରି ମୁଇନ୍ଡା ଆମାଇ ଜୁଲ'ସେକ୍ “ନସା ମାଇନା ରେମ” ଡ'ସା', “ଆରାକ୍ ବାଇଲକ୍, ନିଂ ମାଇନା ରେମ ଆରାକ୍” ଡ'ସେକ୍ ପିତର୍ଲା ସୁନ' ।
59ମାରି ମୁଇ ଗନ୍ଟାସୁଗ ତିର୍ଗି' ପାଲ୍ ମୁଇନ୍ଡା କୁନାସା ମାଇବୁରଂ ସତଇସା ଡୁକୁଗା' । ମାସା'ଡ'ନା କୁନ୍ ଗାଲିଲିନା ରେମ କି ଆରାକ୍? ଡ'ସେକ୍ ଏକ୍ଦମ୍ ସୁନ' ।
60ମାତର୍ ପିତର୍ଲା ସୁନ', “ବାଇଲକ୍, ନ ମା ଡ' ସୁନ'ତୁନ ଗୁତୁନା ନିଂ ଆମାକ୍ତିଂ” ଡ'ସେକ୍ ସୁନ' । ଡି'କେନ୍ ସୁଁସୁକେ ସୁଁସୁ ଗିସିଂ ସୁଗା' । 61ସା' ଜିସୁଲା ଆପିତର୍ଲା ସୁଂତମ୍ ଆନ୍ଡେଇଁକିକ୍ସେକ୍ ଜୁଲ' । ସା' ଆ'ନା ଗିସିଂ ସୁସୁ ଅରଇ'ଏ ତିନ୍ପାଲି ନ ଆନିଂ ଆମାକ୍ତିଂ ଡିକ୍ତୁନ ଡ'ସେକ୍ ପ୍ରବୁ ଆମାଇ ମୁଲ୍ ସୁନ'କୁନୁଂ ମାଇ ଏତ୍ଗା' । 62ମାରି ପିତର୍ଲା ବାଇରି ତୁର୍ସେକ୍ ଜିବନ୍କୁରୁଂ ଏତ୍ଏତ୍ସେକ୍ ଅବୁଦି ଉ'ଗା' ।
ଆଜିସୁଲା ଅ'କିୟାଲିକ୍ସେକ୍ ବୁକ୍ବୁକ୍ଡେନ୍
(ମାତିଉ 26:67–68; ମାର୍କ 14:65)
63ମାରି ଆଜିସୁଲା ଜାଗ୍ବାର୍ରେମ୍ ଅବୁଦି ଅ'କିୟାଲିକ୍ସେକ୍ ବୁକ୍ବୁକ୍ ମୁଲାୟ' । 64ମାରି ଆମାଇନା ମ' ଡାଲୁଲ'ସେକ୍, “ନ ବାବବାଦି କି ଆରାକ୍? ଆ'ନା ଆନ ଜା ବୁଗ'ତା, ନ ସୁଁ” ଡ'ସେକ୍ ମା'ଏ ଆମାଇ ସୁନ' । 65ମାରି ମା'ଏ ଅବୁଦି ପାଲ୍ପାଲ୍ ତୁମ' ସୁନ'ସେକ୍ ଆମାଇ ନିନ୍ଦାଲ'କୁ ।
ଆଜିସୁଲା ମୁନା'ରେମେ ଅ'ଗଁସ୍ଲାକ୍ଡେନ୍
(ମାତିଉ 26:59–66; ମାର୍କ 14:55–64; ଜଅନ୍ 18:19–24)
66ତାରା'ଗା'ସା' ଆଇ'କୁ ଜିଉଦିରେମଲେନା ମୁନା'ରେମେ ମୁନା'ପୁଜାରିଲେ ମାରି ଆରେମଲେ ନିୟମ୍ ଅମାକ୍ରେମ୍ ମୁନ୍ଡକ୍ବକ୍ ବିସାର୍ନା ଡିନ୍ଡେମ୍ପୁଲେଇ ଲେଇ'ସେକ୍ ଆଜିସୁଲା ଆତା ୱାୟ' ରିଂଅଁ' । 67ୱାୟ' ରିଂସେକ୍ ଆମାଇ “ନ କିରିସ୍ଟଲା ଇ? ଆନେଇ ସୁଁ” ଡ'ସେକ୍ ସୁନ' ।
ସା' ଜିସୁଲା ଆମା'ଏ ସୁନ' “ନିଂ ଆପେ ସୁନ'ନାସା ପେ ବିସ୍ବାସ୍ ଆଡେମ୍ତୁପେ । 68ମାରି ଆପେ ନିଂ ଅ'ଗଁସ୍ଲାଗ୍ନାସା ପେ ଆନିଂ ଆସୁନ୍ତୁପେ । 69ମାତର୍ ମାପ୍ରୁଉ ଅବୁଦି ବପୁବାଇ' । ମାଇ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ, ଆ'ନ୍ବାଂସା' ନିଂ ଇସାଉ ମାଇନା ସୁସୁମ୍ତିକୁରୁଂ ଲେଇ'ତିଂ” ଡ'ସେକ୍ ସୁନ' ।
70ସା' ମା'ଏ ଆମାଇ “ନ ମାପ୍ରୁନା ଉଁ'ଉଁ ଇ?” ଡ'ସେକ୍ ଅ'ଗଁସ୍ଲା'ଗା' । ସା' “ଅ'ଅଁ, ପେ ମା ଡ' ସୁନ'ତୁପେ ଗୁତୁନା ସତ୍” ଡ'ସେକ୍ ମାଇ ସୁନ' ।
71ସା' ମା'ଏ ଗୁଲାଇର “ଆନେଇ' ଆ'ନା ମାର୍ ପାଲ୍ ସାକି ଦର୍କାର୍ ଆରାକ୍, ନେଇ' ତ ମାଇନା ନିଜର୍ନା ତୁମ'କୁରୁଂ ଅଂଅଁ'ନେଇ'” ଡ'ସେକ୍ ସୁନ' ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
CC BY-NC-ND 4.0