Lu-ka 24
24
Baak Rêh kươi Brah Jê-sus ri
(Ma-thi-ơ 28:1-10; Mak 16:1-8; Jang 20:1-10)
1Nar muôi knông rthôl, plah tung rung ôi, bơl dơur nei pơih griêng chhơm ja riêp liêu tơt kmôôch Pang. 2Bu sau tmau ja pơrlam rlach lpôông kmôôch, 3dôh tơt mưt nei 'bưn sau kmôôch Brah Jê-sus a êch leq. 4Plah knông bu nha gênh mat gênh kươi teq u kaar nei, pluq geh baar du klau dook ao aang a tong ta yoong mak gêêng. 5Plah bơl mei dơur n'hông, nkup mat u teh nei baar du nei lah bu: “A hay bơl 'bei wơng bnih rêh lwah bơl chhưt? 6Pang 'bưn a au laang, Pang ja rêh kươi hôm! Phrui gênh kươi khal nha a kwaal Ga-li-lê, Pang lah n'hai bơl 'bei#Mat 16:21; 17:22-23; 20:18-19; Mak 8:31; 9:31; 10:33-34; Lu 9:22; 18:31-33. 7laah: ‘Koon Bnih phrui dol ndơơp knông ti bah geh dôih, phrui dol pơng đênh lơ chhư rglaang u nar pei phrui rêh kươi.’” 8Bu gênh kươi pal baak Pang ja lah. 9A kmôôch plơq siq, bu krơơ kươi jôm ntil nei aan jmơt muôi jơt jơng u bơl bnih nday. 10Bơl bnih ja krơơ kươi pal ntil nei aan bơl jơt jơng laa Ma-ri Ma-đơ-len, Jan-nơ, Ma-ri mei Ja-kơ, u bơl dơur han pôl n'hai bu. 11Dôh bơl jơt jơng 'bưn jơ, aan pal baak nei laa 'bưn geh a ngan. 12[Paich bei nei, Phi-e-rơ ta yoong, ta prang tơt kmôôch u kun mơq dôh dơơn sau knat nhop ei. Bu plơq siq u nhi, êêng aang teq u kaar ja lôh tơt.]#24:12 Knông m'baak plơơp 'bian ti 'bưn geh ndroong 12.
Baar du jơrnơ han a troong Em-ma-ut
(Mak 16:12,13)
13Kot knông nar nei, geh baar du jơrnơ han tơt poh dêq tôw, chôôl laa Em-ma-ut, phơt poh Jê-ru-sa-lem tơmlai jmơt baar ki-lô-met.#24:13 S'bt: Prau jơt ếch-ta-đơ. 14Bu mor chhuôr ta u teq u pal kaar ja lôh tơt. 15Plah bu ta chhuôr n'hai pơrgênh tơrnang nơơm nei nơơm Brah Jê-sus lôh dơơh u han pôl n'hai bu. 16Đươm mat baar du nei dol kơn dơp, 'bưn gưt sot Pang. 17Pang lah n'hai bu: “Bơl gnasaal pơrgênh ơơn tơrnang nơơm knông plah han troong nei?” Bu srung kươi n'hai chhong rmlơng.#24:17 “Bơl gnasaal pơrgênh ơơn tơrnang nơơm knông plah han troong nei?” Bu srung kươi n'hai chhong rmlơng: Knông m'baak plơơp 'bian ti laa “Bơl gnasaal pơrgênh ơơn tơrnang nơơm knông plah han troong bei lah chhong rmlơng nei?” 18Di mbu knông baar du chhak Kơ-lê-ô-pa, ơh baak: “Geh lah ay laa bnach a nday mbu ei a poh Jê-ru-sa-lem khah 'bưn gưt pal kaar ja lôh tơt tu nei pal nar au?” 19Pang ôp: “Kaar ơơn bei nei?” Bu ơh baak: “Nei laa kaar ja lôh tơt aan Jê-sus bnih Na-sa-ret, di mbu grnưt noor geh dang kmheng knông kaar lơh u baak mor di mat Brah Ưn u leq phung raih, 20dôh 'bưn gưt đươm a hay bơl yau thwaai ndap ttơơm pôl bơl liêu troong bơl hei ri ja ndơơp Pang jah pơrkat lưm chhưt u pơng đênh Pang lơ chhư rglaang. 21Bơl hei kơndưng Pang laa Yaang a kươi đoh kwaai raih I-sra-ên. Paich a hay, nei kaar au kot ja lôh tơt kươt pei nar hôm. 22Huôih nha, geh pal dơur knông nak bơl hei ja lơh aan bơl hei êêng aang: Plah tung rung aang, bu lôh kmôôch 23dôh 'bưn sau kơmôich Pang, u bu plơq siq mor laah geh lênh brah lôh tơt aan gưt Pang nha rêh. 24Pal du knông nak bơl hei kot han nhjook kmôôch u sau jôm ntil dip bei baak bơl mei nei mor, nha Pang nei bu 'bưn sau.” 25Bei au Brah Jê-sus lah n'hai bu: “Bơl 'bei kơrlung kơrlong ngan u geh chưt ndrach jơ baak bơl grnưt noor ja mor! 26'Bưn geh Yaang Krist chkhôm phrui dol rngiêl bei nei hơơi mơ chwaat mưt u a sroh a srong nơơm bu ri laang?” 27Ja nei Pang ptơơm a Môi-se tơt leq sêch bơl grnưt noor baah rơih baak aan bu pal baak chong teq u Pang knông leq Sm'bưt Brah.
28Jơl baar du jơrnơ lôh dơơh poh dêq bu êch han, nei Brah Jê-sus êch han ngngai huôih nha. 29Dôh jjuh dan bôôk Pang: “Dan gôq kươi n'hai bơl hei đươm nar u mau u êch dơơh jơ ngôw hôm.” Bei nei, Pang mưt gôq kươi n'hai bu. 30Plah gôq sa n'hai baar du, Pang pơih nom, or u pak ndơơp aan bu. 31Bei au mat bu a pơơk u grnưt Pang, dôh Pang saap 'bat. 32Baar du mor tơrnang nơơm: “Knông plah han troong, Pang mor chhuôr u rơih baak Sm'bưt Brah aan bơl bơn, chưt bơl bơn 'bưn dơơn sơơr laang?” 33Kơndaal bêl nei, bu ta yoong drơh plơq siq poh Jê-ru-sa-lem, a mơp jmơt muôi jơt jơng pôl n'hai bơl jơrnơ nday plah pơrgum kươi, 34u mor: “Brah u rêh kươi a ngan u lôh sot teq u Si-môn!” 35Ja nei baar du jơrnơ chhuôr kơơi kaar ja lôh tơt plah knông han troong u bu ja gưt Pang plah pak nom bei êch.
Brah lôh sot n'hai jmơt muôi jơt jơng
(Ma-thi-ơ 28:16-20; Mak 16:14-18; Jang 20:19-23; Kênh Kaar 1:6-8)
36Tơt baar du jơrnơ nha plah mor teq u pal kaar au nei Brah Jê-sus pluq lôh lwah bu u lah: “Sroong boong aan bơl 'bei!”#24:36 Knông m'baak plơơp 'bian ti 'bưn geh: “Sroong boong aan bơl 'bei!” 37Bơl jơrnơ kot a ndrot chhak êêng aang, kơn ơơn sau wêêng yaang. 38Pang lah: “A hay bơl 'bei rhơq rpơq, u chưt bơl 'bei nha nh'ơơm gênh bei nei? 39Phrui mơq ti u jơng Hei, a ngan nơơm Hei! Phrui buut tơt Hei! Wêêng nei 'bưn geh tting pai, baah bơl 'bei sau Hei geh au!” 40[Ja mor, Pang lơơk ti u jơng aan bu mơq.]#24:40 Knông m'baak plơơp 'bian ti 'bưn geh ndroong 40. 41Plah knông bơl jơrnơ ndah jơ đươm broh s'bai đat u êêng aang nei Pang lah teq u bu: “A au bơl 'bei geh pi ơơn sa 'bưn?” 42Bơl jơrnơ piyơ aan Pang di plơơp ka guich. 43Pang dơơp pơih u sa bôôk mat bu.
44Pang lah: “Au laa pal baak pa Hei ja lah n'hai bơl 'bei khal Hei nha gôq n'hai bơl 'bei: Jôm ntil ja 'bian teq u Hei knông ch'bap Môi-se, pal sm'bưt Grnưt noor, n'hai pal Tapơt Brah phrui kươt dip plak.” 45Bei au, Pang pơơk gơrninh aan bơl jơrnơ jah gưt Sm'bưt Brah. 46Pang lah: “Geh baak 'bian laah Yaang Krist phrui dol ji kôr, tơt nar pei a kươi a ktôk chhưt rêh kươi; 47bu nday phrui tơmoh chhak Pang baah chhuôr aan leq sêch pal daak teq u baak teq lơi dôih jah kươt krôih, ptơơm a poh Jê-ru-sa-lem. 48Bơl 'bei laa bơl bnih ndraanh teq u pal kaar nei. 49Hei a au, a kươi aan bơl 'bei ntil Bươp Hei ja pơn; nha teq u thap bơl 'bei, phrui kơp knông poh aan tơt jơl kươt dook pơih dang kmheng a lơ prêh.”#Kênh 1:4.
Brah hao u trôôk
(Mak 16:19,20; Kênh Kaar 1:9-11)
50Ja nei, Pang liêu bơl jơrnơ lôh dơơh poh dêq Bê-tha-ni u lơơk ti ươn smlaang aan bu.#Kênh 1:9-11. 51Plah knông ươn smlaang, Pang lơơi bơl jơrnơ u kươt liêu u trôôk.#24:51 u kươt liêu u trôôk: Knông m'baak plơơp 'bian ti 'bưn geh pal sêr au. 52Bơl jơrnơ chuh th'bưn Pang, ja nei plơq siq poh Jê-ru-sa-lem n'hai broh s'bai bêêng bơm. 53Bu ndih gôq knông nhi r'bưn, tư wơơl Brah Ưn.
Currently Selected:
Lu-ka 24: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Lu-ka 24
24
Baak Rêh kươi Brah Jê-sus ri
(Ma-thi-ơ 28:1-10; Mak 16:1-8; Jang 20:1-10)
1Nar muôi knông rthôl, plah tung rung ôi, bơl dơur nei pơih griêng chhơm ja riêp liêu tơt kmôôch Pang. 2Bu sau tmau ja pơrlam rlach lpôông kmôôch, 3dôh tơt mưt nei 'bưn sau kmôôch Brah Jê-sus a êch leq. 4Plah knông bu nha gênh mat gênh kươi teq u kaar nei, pluq geh baar du klau dook ao aang a tong ta yoong mak gêêng. 5Plah bơl mei dơur n'hông, nkup mat u teh nei baar du nei lah bu: “A hay bơl 'bei wơng bnih rêh lwah bơl chhưt? 6Pang 'bưn a au laang, Pang ja rêh kươi hôm! Phrui gênh kươi khal nha a kwaal Ga-li-lê, Pang lah n'hai bơl 'bei#Mat 16:21; 17:22-23; 20:18-19; Mak 8:31; 9:31; 10:33-34; Lu 9:22; 18:31-33. 7laah: ‘Koon Bnih phrui dol ndơơp knông ti bah geh dôih, phrui dol pơng đênh lơ chhư rglaang u nar pei phrui rêh kươi.’” 8Bu gênh kươi pal baak Pang ja lah. 9A kmôôch plơq siq, bu krơơ kươi jôm ntil nei aan jmơt muôi jơt jơng u bơl bnih nday. 10Bơl bnih ja krơơ kươi pal ntil nei aan bơl jơt jơng laa Ma-ri Ma-đơ-len, Jan-nơ, Ma-ri mei Ja-kơ, u bơl dơur han pôl n'hai bu. 11Dôh bơl jơt jơng 'bưn jơ, aan pal baak nei laa 'bưn geh a ngan. 12[Paich bei nei, Phi-e-rơ ta yoong, ta prang tơt kmôôch u kun mơq dôh dơơn sau knat nhop ei. Bu plơq siq u nhi, êêng aang teq u kaar ja lôh tơt.]#24:12 Knông m'baak plơơp 'bian ti 'bưn geh ndroong 12.
Baar du jơrnơ han a troong Em-ma-ut
(Mak 16:12,13)
13Kot knông nar nei, geh baar du jơrnơ han tơt poh dêq tôw, chôôl laa Em-ma-ut, phơt poh Jê-ru-sa-lem tơmlai jmơt baar ki-lô-met.#24:13 S'bt: Prau jơt ếch-ta-đơ. 14Bu mor chhuôr ta u teq u pal kaar ja lôh tơt. 15Plah bu ta chhuôr n'hai pơrgênh tơrnang nơơm nei nơơm Brah Jê-sus lôh dơơh u han pôl n'hai bu. 16Đươm mat baar du nei dol kơn dơp, 'bưn gưt sot Pang. 17Pang lah n'hai bu: “Bơl gnasaal pơrgênh ơơn tơrnang nơơm knông plah han troong nei?” Bu srung kươi n'hai chhong rmlơng.#24:17 “Bơl gnasaal pơrgênh ơơn tơrnang nơơm knông plah han troong nei?” Bu srung kươi n'hai chhong rmlơng: Knông m'baak plơơp 'bian ti laa “Bơl gnasaal pơrgênh ơơn tơrnang nơơm knông plah han troong bei lah chhong rmlơng nei?” 18Di mbu knông baar du chhak Kơ-lê-ô-pa, ơh baak: “Geh lah ay laa bnach a nday mbu ei a poh Jê-ru-sa-lem khah 'bưn gưt pal kaar ja lôh tơt tu nei pal nar au?” 19Pang ôp: “Kaar ơơn bei nei?” Bu ơh baak: “Nei laa kaar ja lôh tơt aan Jê-sus bnih Na-sa-ret, di mbu grnưt noor geh dang kmheng knông kaar lơh u baak mor di mat Brah Ưn u leq phung raih, 20dôh 'bưn gưt đươm a hay bơl yau thwaai ndap ttơơm pôl bơl liêu troong bơl hei ri ja ndơơp Pang jah pơrkat lưm chhưt u pơng đênh Pang lơ chhư rglaang. 21Bơl hei kơndưng Pang laa Yaang a kươi đoh kwaai raih I-sra-ên. Paich a hay, nei kaar au kot ja lôh tơt kươt pei nar hôm. 22Huôih nha, geh pal dơur knông nak bơl hei ja lơh aan bơl hei êêng aang: Plah tung rung aang, bu lôh kmôôch 23dôh 'bưn sau kơmôich Pang, u bu plơq siq mor laah geh lênh brah lôh tơt aan gưt Pang nha rêh. 24Pal du knông nak bơl hei kot han nhjook kmôôch u sau jôm ntil dip bei baak bơl mei nei mor, nha Pang nei bu 'bưn sau.” 25Bei au Brah Jê-sus lah n'hai bu: “Bơl 'bei kơrlung kơrlong ngan u geh chưt ndrach jơ baak bơl grnưt noor ja mor! 26'Bưn geh Yaang Krist chkhôm phrui dol rngiêl bei nei hơơi mơ chwaat mưt u a sroh a srong nơơm bu ri laang?” 27Ja nei Pang ptơơm a Môi-se tơt leq sêch bơl grnưt noor baah rơih baak aan bu pal baak chong teq u Pang knông leq Sm'bưt Brah.
28Jơl baar du jơrnơ lôh dơơh poh dêq bu êch han, nei Brah Jê-sus êch han ngngai huôih nha. 29Dôh jjuh dan bôôk Pang: “Dan gôq kươi n'hai bơl hei đươm nar u mau u êch dơơh jơ ngôw hôm.” Bei nei, Pang mưt gôq kươi n'hai bu. 30Plah gôq sa n'hai baar du, Pang pơih nom, or u pak ndơơp aan bu. 31Bei au mat bu a pơơk u grnưt Pang, dôh Pang saap 'bat. 32Baar du mor tơrnang nơơm: “Knông plah han troong, Pang mor chhuôr u rơih baak Sm'bưt Brah aan bơl bơn, chưt bơl bơn 'bưn dơơn sơơr laang?” 33Kơndaal bêl nei, bu ta yoong drơh plơq siq poh Jê-ru-sa-lem, a mơp jmơt muôi jơt jơng pôl n'hai bơl jơrnơ nday plah pơrgum kươi, 34u mor: “Brah u rêh kươi a ngan u lôh sot teq u Si-môn!” 35Ja nei baar du jơrnơ chhuôr kơơi kaar ja lôh tơt plah knông han troong u bu ja gưt Pang plah pak nom bei êch.
Brah lôh sot n'hai jmơt muôi jơt jơng
(Ma-thi-ơ 28:16-20; Mak 16:14-18; Jang 20:19-23; Kênh Kaar 1:6-8)
36Tơt baar du jơrnơ nha plah mor teq u pal kaar au nei Brah Jê-sus pluq lôh lwah bu u lah: “Sroong boong aan bơl 'bei!”#24:36 Knông m'baak plơơp 'bian ti 'bưn geh: “Sroong boong aan bơl 'bei!” 37Bơl jơrnơ kot a ndrot chhak êêng aang, kơn ơơn sau wêêng yaang. 38Pang lah: “A hay bơl 'bei rhơq rpơq, u chưt bơl 'bei nha nh'ơơm gênh bei nei? 39Phrui mơq ti u jơng Hei, a ngan nơơm Hei! Phrui buut tơt Hei! Wêêng nei 'bưn geh tting pai, baah bơl 'bei sau Hei geh au!” 40[Ja mor, Pang lơơk ti u jơng aan bu mơq.]#24:40 Knông m'baak plơơp 'bian ti 'bưn geh ndroong 40. 41Plah knông bơl jơrnơ ndah jơ đươm broh s'bai đat u êêng aang nei Pang lah teq u bu: “A au bơl 'bei geh pi ơơn sa 'bưn?” 42Bơl jơrnơ piyơ aan Pang di plơơp ka guich. 43Pang dơơp pơih u sa bôôk mat bu.
44Pang lah: “Au laa pal baak pa Hei ja lah n'hai bơl 'bei khal Hei nha gôq n'hai bơl 'bei: Jôm ntil ja 'bian teq u Hei knông ch'bap Môi-se, pal sm'bưt Grnưt noor, n'hai pal Tapơt Brah phrui kươt dip plak.” 45Bei au, Pang pơơk gơrninh aan bơl jơrnơ jah gưt Sm'bưt Brah. 46Pang lah: “Geh baak 'bian laah Yaang Krist phrui dol ji kôr, tơt nar pei a kươi a ktôk chhưt rêh kươi; 47bu nday phrui tơmoh chhak Pang baah chhuôr aan leq sêch pal daak teq u baak teq lơi dôih jah kươt krôih, ptơơm a poh Jê-ru-sa-lem. 48Bơl 'bei laa bơl bnih ndraanh teq u pal kaar nei. 49Hei a au, a kươi aan bơl 'bei ntil Bươp Hei ja pơn; nha teq u thap bơl 'bei, phrui kơp knông poh aan tơt jơl kươt dook pơih dang kmheng a lơ prêh.”#Kênh 1:4.
Brah hao u trôôk
(Mak 16:19,20; Kênh Kaar 1:9-11)
50Ja nei, Pang liêu bơl jơrnơ lôh dơơh poh dêq Bê-tha-ni u lơơk ti ươn smlaang aan bu.#Kênh 1:9-11. 51Plah knông ươn smlaang, Pang lơơi bơl jơrnơ u kươt liêu u trôôk.#24:51 u kươt liêu u trôôk: Knông m'baak plơơp 'bian ti 'bưn geh pal sêr au. 52Bơl jơrnơ chuh th'bưn Pang, ja nei plơq siq poh Jê-ru-sa-lem n'hai broh s'bai bêêng bơm. 53Bu ndih gôq knông nhi r'bưn, tư wơơl Brah Ưn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.