Mothi 6
6
Ruai tei surimwngni kothoyw phwrwngma
1"Hus ongdi! Borognw phunokni bagwi raida samung tatangdi, jwtini tangw hingkhalai chukhani Apha Kaitorni daini nokh mwngsa sokat mangalak. 2Obwni bagwi nwng jephugw bigraroknw mwngsaswk rwgw ephuo phatrarokni kosol ta khalaidi. Boklai borogni daini lobma manni bagwi Jihudirokni thumnogw tei lamalantri bem swpwrwngwi birkha rwgw. Khanadi, bok bokni o sokatnw manwi paijak. 3Matwr nwng jephuo bigraroknw mwngsaswk rwnw ephuo nini yagara phaisingni yak ta khalaikha obwnw nini yaksi phaisingni yak siyatwi, 4Nini ruai rwnai siyajar ongnaitwi. Halai nini Apha, jebw huijagwi jothonw nai, Bw nwnw sokat rwnw.
Surimwngni kothoyw phwrwngma
(Luk 11:2-4)
5"Nokh jephuo surilai ephuo phatrarokni kosol ta khalaidi, tamni hinba bok borogrokni dayw sakroknw phunokni bagwi Jihudirokni thumnogw tei lama kandao bachagwi surimwng sanni hamjagw. Ang nokhnw daijw sadok, bok bokni sokat manwi paijak. 6Matwr nwng jephuo suri ephuo nok bisingw habwi duar khagwi suridi tei nini Apha, Jebwnw nungyaphwng chwngbai baksa tongw, Bini orw suridi. Nini Apha, Jebw jotho huijaknw nungw, Bw nwnw sokat rwnw. 7"Jephuo nokh surilai ephuo Bejihudirokni kosol gathakwrwi koklamnw palaknwi palaktham tasadi. Bejihudirok bakha kao, kok kabangma sakhalaise Kaitor bokni surimwngnw khananw. 8Bokni kosol ta khalaidi, tamni hinba nokhni Aphani dayw binai aguo bw siyw nokhni tama nang. 9Obwni bagwi nokh imwtwijar khalaywi suridi:
Chukhna hani Apha
Nini mwng kathar hinwi surijakthwk
10Nini ha phaithwk,
Nini muchumwng chukhatwi
I hayungwbw ongthwk.
11Jwnwmbitini chamwngnw Nwng chwnw jwnwmbiti rwdi,
12Chini baithe sumsok khalainai roknw chwng nakartwi Nwngbw chini sumsok roknw nakardi.
13Chwnw belaikhe ta abjakdi chayanise kasokdi.
Tamani hinba ha phan karak, chwngsacha mol brum brum bebak Nini mangse. Amen.
14Tamni hinba nokh borogrokni khattanw nakarma rwkhalaise nokhni chukhna hani Aphabw nokhnw nakarma rwnw. 15Matwr nokh jwtini kotheroknw nakarma rwya khalai nokhni Aphabw nokhnw nakarma rwgalak.
Okbarni kothoyw phwrwngma
16"Nokh jephuo okbar tong ephuo phatrarokni kosol borogroknw phunokni bagwi makhang kwswm khalaywi tatongdi. Ang nokhnw daijw sadok, bok bokni sokat manwi paijak. 17Matwr nwng jephuo okbar tongnw ephuo bukhorokgw thok phuldi tei makhang sudi, 18Kotherok siyatwi nwng okbar tongdok hinwi. Halai nini Apha, jebwnw nungyaphwng chwngbai baksa tongw, keber Bwse obwnw nungnw. Nini Apha, jebw huijak jotho nung, Bwse nwnw sokat rwnw.
Ghwn rangrini kothoyw phwrwngma
19"I hayungw nokhni sakni bagwi ghwn rangri chugwi tatondi. Irw swrbw khio tei yongbw chagw arw sikokbw nogw habwi khogw. 20Matwr chukhao swrbw khiya, yongbw oalmaya tei sikokbw khokya. Obwni bagwi chukhao sakni ghwn rangri chudi, 21twmwi himba nini rangri jedayw tongnw, nini khabw odayw tongnw.
22"Nini mokol ongkhade nini basakni chati, nini mokol jwtini gam ongw hingkhlai nini jotho basakbw pohorbai kwplwng ongnai. 23Matwr nini mokol gamya khalai nini basak andarbai kwplwng ongnai tei nwng gam khalaywi bijigalak. Arw imwtwijar khalaywi pohor andar ongkhalai, imw nini bagwi athamara kirimasincha ongnai!
24"Kaisabw nophang kainwinw mwnmaya, twmwi hinba bw kaisanw hamjaknw tei kaisanw naisilinw, eba bw kaisanw mwitw rwnw tei arw kaisanw hela khalainw. Kaitor bai rangrinw nokh baksa khalaywi mwnma galak." 25Obwni bagwi ang nokhnw i kok sadok, tamanw chagwi thangnai hinwi ta oanadi, tei tamanw kanni hinwibw basakni kothoyw ta oanadi. Chamwng nwngmwngni solai singli morok ganang, ri chumni solai basak morok ganang.
26"Nokhani toksa tokmiliroknw naikhodi, bok bwchwlwibo kaiya, rabw raya, mai golaobw chugwi tonya, tei hekphwng nokhni chukhani Apha boknw charwgwi tongw. Nokh tama bokni naywi kabang morok ganangya? 27Nokhni bisingw swrw uansogwi sakni ayuk udam sa lokrwman?
28"Ri chumni bagwi tamani uansoklai? Bolongni khumrokni kok uansogwi naidi bok baitinjar khalaywi twr lok. Bok samungbw tangya, ribw takya. 29Matwr Ang nokhnw sadok, bugra Solomonni#6:29 Bugra Solomon Bw ongkhadoi Israyelni jothoni naywi rangri gnang tei jolma jolsani bugra. iswk rangri tongwibw bw o khumrokni barsani kosolbw saknw iswk naithok khalaimanjiya. 30Bolongni khum tini tongphung khanap sokjakgwi painw, obwnw jephuo Kaitor iswk sajogwi tonw, halai Bw tama nokhnw arw kabangma khalaywi sajogwi tongalak? Halai nokhni paitokma tani iswkjora kisa? 31Obwni bagwi 'Tamanw chani, tamanw nwngni tei tamanw kanni' obwnw uansogwi kha tabaidi. Obwnw lagwi ta oanadi. 32Bejihudirokse obwnw lagwi kulokmaya ongwi tongw. Matwr nini Apha Kaitor nini ta nang jotho siyw. 33Matwr Obwni naikhlai nokh pwila Kaitorni auar tei raidattiyani kothoyw kulokmanya ongdi, iswkhalai nokh imoroknw mannw." 34Aithani khanapni tektoni bagwi ta oanadi, khanapni tekto binibai bw uananw, tamni hinba tinini tekto tinini bagwi okhini ongkha.
Currently Selected:
Mothi 6: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 6
6
Ruai tei surimwngni kothoyw phwrwngma
1"Hus ongdi! Borognw phunokni bagwi raida samung tatangdi, jwtini tangw hingkhalai chukhani Apha Kaitorni daini nokh mwngsa sokat mangalak. 2Obwni bagwi nwng jephugw bigraroknw mwngsaswk rwgw ephuo phatrarokni kosol ta khalaidi. Boklai borogni daini lobma manni bagwi Jihudirokni thumnogw tei lamalantri bem swpwrwngwi birkha rwgw. Khanadi, bok bokni o sokatnw manwi paijak. 3Matwr nwng jephuo bigraroknw mwngsaswk rwnw ephuo nini yagara phaisingni yak ta khalaikha obwnw nini yaksi phaisingni yak siyatwi, 4Nini ruai rwnai siyajar ongnaitwi. Halai nini Apha, jebw huijagwi jothonw nai, Bw nwnw sokat rwnw.
Surimwngni kothoyw phwrwngma
(Luk 11:2-4)
5"Nokh jephuo surilai ephuo phatrarokni kosol ta khalaidi, tamni hinba bok borogrokni dayw sakroknw phunokni bagwi Jihudirokni thumnogw tei lama kandao bachagwi surimwng sanni hamjagw. Ang nokhnw daijw sadok, bok bokni sokat manwi paijak. 6Matwr nwng jephuo suri ephuo nok bisingw habwi duar khagwi suridi tei nini Apha, Jebwnw nungyaphwng chwngbai baksa tongw, Bini orw suridi. Nini Apha, Jebw jotho huijaknw nungw, Bw nwnw sokat rwnw. 7"Jephuo nokh surilai ephuo Bejihudirokni kosol gathakwrwi koklamnw palaknwi palaktham tasadi. Bejihudirok bakha kao, kok kabangma sakhalaise Kaitor bokni surimwngnw khananw. 8Bokni kosol ta khalaidi, tamni hinba nokhni Aphani dayw binai aguo bw siyw nokhni tama nang. 9Obwni bagwi nokh imwtwijar khalaywi suridi:
Chukhna hani Apha
Nini mwng kathar hinwi surijakthwk
10Nini ha phaithwk,
Nini muchumwng chukhatwi
I hayungwbw ongthwk.
11Jwnwmbitini chamwngnw Nwng chwnw jwnwmbiti rwdi,
12Chini baithe sumsok khalainai roknw chwng nakartwi Nwngbw chini sumsok roknw nakardi.
13Chwnw belaikhe ta abjakdi chayanise kasokdi.
Tamani hinba ha phan karak, chwngsacha mol brum brum bebak Nini mangse. Amen.
14Tamni hinba nokh borogrokni khattanw nakarma rwkhalaise nokhni chukhna hani Aphabw nokhnw nakarma rwnw. 15Matwr nokh jwtini kotheroknw nakarma rwya khalai nokhni Aphabw nokhnw nakarma rwgalak.
Okbarni kothoyw phwrwngma
16"Nokh jephuo okbar tong ephuo phatrarokni kosol borogroknw phunokni bagwi makhang kwswm khalaywi tatongdi. Ang nokhnw daijw sadok, bok bokni sokat manwi paijak. 17Matwr nwng jephuo okbar tongnw ephuo bukhorokgw thok phuldi tei makhang sudi, 18Kotherok siyatwi nwng okbar tongdok hinwi. Halai nini Apha, jebwnw nungyaphwng chwngbai baksa tongw, keber Bwse obwnw nungnw. Nini Apha, jebw huijak jotho nung, Bwse nwnw sokat rwnw.
Ghwn rangrini kothoyw phwrwngma
19"I hayungw nokhni sakni bagwi ghwn rangri chugwi tatondi. Irw swrbw khio tei yongbw chagw arw sikokbw nogw habwi khogw. 20Matwr chukhao swrbw khiya, yongbw oalmaya tei sikokbw khokya. Obwni bagwi chukhao sakni ghwn rangri chudi, 21twmwi himba nini rangri jedayw tongnw, nini khabw odayw tongnw.
22"Nini mokol ongkhade nini basakni chati, nini mokol jwtini gam ongw hingkhlai nini jotho basakbw pohorbai kwplwng ongnai. 23Matwr nini mokol gamya khalai nini basak andarbai kwplwng ongnai tei nwng gam khalaywi bijigalak. Arw imwtwijar khalaywi pohor andar ongkhalai, imw nini bagwi athamara kirimasincha ongnai!
24"Kaisabw nophang kainwinw mwnmaya, twmwi hinba bw kaisanw hamjaknw tei kaisanw naisilinw, eba bw kaisanw mwitw rwnw tei arw kaisanw hela khalainw. Kaitor bai rangrinw nokh baksa khalaywi mwnma galak." 25Obwni bagwi ang nokhnw i kok sadok, tamanw chagwi thangnai hinwi ta oanadi, tei tamanw kanni hinwibw basakni kothoyw ta oanadi. Chamwng nwngmwngni solai singli morok ganang, ri chumni solai basak morok ganang.
26"Nokhani toksa tokmiliroknw naikhodi, bok bwchwlwibo kaiya, rabw raya, mai golaobw chugwi tonya, tei hekphwng nokhni chukhani Apha boknw charwgwi tongw. Nokh tama bokni naywi kabang morok ganangya? 27Nokhni bisingw swrw uansogwi sakni ayuk udam sa lokrwman?
28"Ri chumni bagwi tamani uansoklai? Bolongni khumrokni kok uansogwi naidi bok baitinjar khalaywi twr lok. Bok samungbw tangya, ribw takya. 29Matwr Ang nokhnw sadok, bugra Solomonni#6:29 Bugra Solomon Bw ongkhadoi Israyelni jothoni naywi rangri gnang tei jolma jolsani bugra. iswk rangri tongwibw bw o khumrokni barsani kosolbw saknw iswk naithok khalaimanjiya. 30Bolongni khum tini tongphung khanap sokjakgwi painw, obwnw jephuo Kaitor iswk sajogwi tonw, halai Bw tama nokhnw arw kabangma khalaywi sajogwi tongalak? Halai nokhni paitokma tani iswkjora kisa? 31Obwni bagwi 'Tamanw chani, tamanw nwngni tei tamanw kanni' obwnw uansogwi kha tabaidi. Obwnw lagwi ta oanadi. 32Bejihudirokse obwnw lagwi kulokmaya ongwi tongw. Matwr nini Apha Kaitor nini ta nang jotho siyw. 33Matwr Obwni naikhlai nokh pwila Kaitorni auar tei raidattiyani kothoyw kulokmanya ongdi, iswkhalai nokh imoroknw mannw." 34Aithani khanapni tektoni bagwi ta oanadi, khanapni tekto binibai bw uananw, tamni hinba tinini tekto tinini bagwi okhini ongkha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh