Preritʹ 22
22
Âdmikoṭheʹ Polaʹ boktrita
1"Boiha ar Babako, nitoʹ ing ingâʹ nijeyaʹ pokkhe katha mening, atenpe."
2Jâkhni angko atenkedako je âni Ibrio bhasate katha mende inre angkodo sanamkhoiʹ thirngenako. Tâkhni Pol menkede,
3"Ingdo miṭiʹ Jihudikâning. Kilikiânaʹ Tarso sohorre Ingdo janamkâning, kheʹ niâ sohorren Gomlielṭheʹgi âdmikâning. Ânido ingren masṭar tahelene ar Aboren laharen âdmikoaʹ Mosiaʹ ân manjatigi cetʹkâdinge. Issor somporke ape tihin jemon agrohi menaʹpeya ingho engkagi agrohi tahalining. 4Jisuoaʹ ḍaharre eke caʹsanako ingte angko ottacarketeʹ aima horgi goiʹgirikosâning ar korahopon ar rejako sabketeʹ jel makosâning.
5Marang purohit ar marang sobharen sanamkhoiʹ niâ katha men dareʹako je, niâdo sârigiâ. Angkoṭheʹ khoiʹ ciṭhi engeketeʹ Jihudi boihakoṭheʹ caʹlaʹte Damesko caʹsâning ar aṛe ekeko Jisuren onusâri tahelenako angko Jirusalemre sabketeʹ âgukolaʹte calining. Jate angkodo sâsti namako.
6"Ar caʹ caʹte Dameskonaʹ sorre hiʹlekheʹ, tâkhni prai dupahar hoṭat ingâʹ câryunakha sorgo khoiʹ miṭiʹ jhak jhak marsal rakapna. 7Ingdo hasre ujuʹgining ar miṭi gala aten namkiding, ekete je ing metangkanako, 'Sol, Sol, ceklaʹ am Ing cetanre ottacardam?"
8"Ingte kulikidiying, 'Probhu, amdo ekekanam?' Ânite ing metakidinge, 'Ingdo Nasarotren Jisukâning, ekeyaʹ cetanredo am ottacardam.' 9Ar ekeko ing saote tahalenako, angkoho ana marsal lenamkedako, kheʹ eke ing saote katha mensane, angkodo âniaʹ katha bang aten namledako.
10Tâkhni ing menkiding, "Probhu, ing itâʹ cikihuʹ?" Probhute ing metakidinge, "Beretʹ, ar Damesko cap, am laʹte ja ṭhikketeʹ menaʹa, ana aṛegi amdo lâiomhaʹ." 11Ar ing ana jhak jhak marsalte andhraketeʹ itâʹgi bang lelnamliding ar ingren saorente ti sabketeʹ Dameskore idikidingako.
12"Tayomte Ononio nutumte miṭiʹ âdmi ingṭheʹ hiʹne. Ânido Mosiaʹ ân lakate dhârmik tahalene, ar aṛeniʹ sanam Jihudikote âni sonmaneisanako. 13Ânido ingâʹ sorre hiʹketeʹ tengone ar menkede, 'Boiha Sol, amaʹ lelnamaʹ sukti âcur hijuʹman.' Ar inrigi ingtedo âni lelnamkidiying.
14"Tâkhni ânite ing metakidinge, 'Aboren laharen âdmiren Issorte am bachongekaʹmie, jate am âniaʹ icchâ baṛe dareʹam ar âni dhârmik âdmi, orthat Jisu khrisṭo lelnameiam ar âniaʹ mocanaʹ katha aten namam. 15Am jagi lelkadam ar atenkadam, anako bisoite sanam âdmikoṭheʹ Âniren sâkkhi hoʹmahaʹ. 16Ar nitoʹ am ceklaʹ dirumdam? Beretʹketeʹ bâptisma engem ar pap khoiʹ bacoʹlaʹte Jisuoaʹ nutum ṭâhuketeʹ amaʹ sanam pap ârupgirim.'
17"Tayomte ingdo Jirusalem âcur hiʹketeʹ jâkhni miʹdin Mundirre koijongsâning tâkhni ingdo miṭi dorson lelkiding, 18ana dorsonre ingdo lelkiding Probhu ing saote katha mende. Ânitedo ing metakidinge, 'Saṭlakem, ar nitoʹgi Jirusalem bâgiketeʹ cangen, karon neko âdmi Ingâʹ bisoite amaʹ sakkho bang atangako.'
19"Ing menkiding, 'Probhu, neko âdmi baṛeyako je, ekekote am pâtyumsanako, ingte sanam somaj oraʹre angko bundikosâning ar dalkosâning. 20Ar jâkhni Amren sâkkhi Isṭifan gojeisanako tâkhni aṛe tengoketeʹ Ingte hubmakosâning, ar ekekote âni gojeisanako angkoaʹ lugri citriʹ ing jogoʹsâning.'
21"Tâkhni Probhute ing metakidinge, 'Amdo cap, Ingte am sâhingre Ojihudikoṭheʹ kolmihuʹ.'"
22Âdmiko niâ dhâriʹ Polaʹ katha atenkedako, tayomte angko garjoketeʹ mankedako, "Ni dhârti khoiʹ sâhingipe, ânido jiuitʹ taheniʹ upojukto bangkane." 23Tâkhni edrete angkodo garjoketeʹ akoaʹ lugri citriʹ boiʹketeʹ, dhurâ oṭanglaʹ lagonako, 24Tâkhni marang senapotite Pol sonnokoaʹ tahanaʹ jagare idiyilaʹ hukum makeʹkoe. Ceklaʹ âdmiko Polaʹ biruddhoreʹ nengka garjoʹkanako ana baṛesoko laʹte ânitedo Pol câbukte dalketeʹ kuliyilaʹ angko hukum makeʹkoe. 25Pol jâkhni câbukte dalei laʹte tolkidiako, tâkhni je sotopoti aṛe tengo tahalene Polte âni metakidie, "Ekedo Romiokane ar bicârre aka dosho bang namkantaya, âni câbukte daldo ki apeyaʹ ucitkana?
26Niâ katha atenketeʹ âni sotopoti marang senapotiṭheʹ caketeʹ âni metakidie, amdo itâʹ cikilaʹ caʹkanam? Ni âdmito Romiokane."
27Tâkhni marang senapoti Polṭheʹ cane ar kulikidie, "Ing lâiong bhalaʹ, am ki Romiokanam?"
Âni menkede "Heʹ."
28Marang senapoti menkede, "Niâ Romio hoʹaʹ odhikar ingdo aima ṭhepte kiringkâding."
Pol menkede, "Kheʹ ingdo janam khoiʹgi Romiokâning."
29Tâkhni ekekote âni posnoilaʹ caʹsanako, angko tâkhnigi âniṭheʹ khoiʹ cagenako, ar âni je Romiokane niâ katha baṛe dareketeʹ, ar âni tollidiako bole, marang senapotiho botorne.
Marang sobhanaʹ samne Pol
30Kheʹ pora din, Jihudikote ceklaʹ Pol doseikanako ananaʹ sâriaʹ niscit laʹte marang senapotite Polaʹ tol larakeʹtaye ar marang purohit ar marang sobharen âdmiko miʹsaote jaoroʹlaʹ hukum makeʹkoe. Niâtayom ânite Poldo âguketeʹ angko samnere tengokidie.
Currently Selected:
Preritʹ 22: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Preritʹ 22
22
Âdmikoṭheʹ Polaʹ boktrita
1"Boiha ar Babako, nitoʹ ing ingâʹ nijeyaʹ pokkhe katha mening, atenpe."
2Jâkhni angko atenkedako je âni Ibrio bhasate katha mende inre angkodo sanamkhoiʹ thirngenako. Tâkhni Pol menkede,
3"Ingdo miṭiʹ Jihudikâning. Kilikiânaʹ Tarso sohorre Ingdo janamkâning, kheʹ niâ sohorren Gomlielṭheʹgi âdmikâning. Ânido ingren masṭar tahelene ar Aboren laharen âdmikoaʹ Mosiaʹ ân manjatigi cetʹkâdinge. Issor somporke ape tihin jemon agrohi menaʹpeya ingho engkagi agrohi tahalining. 4Jisuoaʹ ḍaharre eke caʹsanako ingte angko ottacarketeʹ aima horgi goiʹgirikosâning ar korahopon ar rejako sabketeʹ jel makosâning.
5Marang purohit ar marang sobharen sanamkhoiʹ niâ katha men dareʹako je, niâdo sârigiâ. Angkoṭheʹ khoiʹ ciṭhi engeketeʹ Jihudi boihakoṭheʹ caʹlaʹte Damesko caʹsâning ar aṛe ekeko Jisuren onusâri tahelenako angko Jirusalemre sabketeʹ âgukolaʹte calining. Jate angkodo sâsti namako.
6"Ar caʹ caʹte Dameskonaʹ sorre hiʹlekheʹ, tâkhni prai dupahar hoṭat ingâʹ câryunakha sorgo khoiʹ miṭiʹ jhak jhak marsal rakapna. 7Ingdo hasre ujuʹgining ar miṭi gala aten namkiding, ekete je ing metangkanako, 'Sol, Sol, ceklaʹ am Ing cetanre ottacardam?"
8"Ingte kulikidiying, 'Probhu, amdo ekekanam?' Ânite ing metakidinge, 'Ingdo Nasarotren Jisukâning, ekeyaʹ cetanredo am ottacardam.' 9Ar ekeko ing saote tahalenako, angkoho ana marsal lenamkedako, kheʹ eke ing saote katha mensane, angkodo âniaʹ katha bang aten namledako.
10Tâkhni ing menkiding, "Probhu, ing itâʹ cikihuʹ?" Probhute ing metakidinge, "Beretʹ, ar Damesko cap, am laʹte ja ṭhikketeʹ menaʹa, ana aṛegi amdo lâiomhaʹ." 11Ar ing ana jhak jhak marsalte andhraketeʹ itâʹgi bang lelnamliding ar ingren saorente ti sabketeʹ Dameskore idikidingako.
12"Tayomte Ononio nutumte miṭiʹ âdmi ingṭheʹ hiʹne. Ânido Mosiaʹ ân lakate dhârmik tahalene, ar aṛeniʹ sanam Jihudikote âni sonmaneisanako. 13Ânido ingâʹ sorre hiʹketeʹ tengone ar menkede, 'Boiha Sol, amaʹ lelnamaʹ sukti âcur hijuʹman.' Ar inrigi ingtedo âni lelnamkidiying.
14"Tâkhni ânite ing metakidinge, 'Aboren laharen âdmiren Issorte am bachongekaʹmie, jate am âniaʹ icchâ baṛe dareʹam ar âni dhârmik âdmi, orthat Jisu khrisṭo lelnameiam ar âniaʹ mocanaʹ katha aten namam. 15Am jagi lelkadam ar atenkadam, anako bisoite sanam âdmikoṭheʹ Âniren sâkkhi hoʹmahaʹ. 16Ar nitoʹ am ceklaʹ dirumdam? Beretʹketeʹ bâptisma engem ar pap khoiʹ bacoʹlaʹte Jisuoaʹ nutum ṭâhuketeʹ amaʹ sanam pap ârupgirim.'
17"Tayomte ingdo Jirusalem âcur hiʹketeʹ jâkhni miʹdin Mundirre koijongsâning tâkhni ingdo miṭi dorson lelkiding, 18ana dorsonre ingdo lelkiding Probhu ing saote katha mende. Ânitedo ing metakidinge, 'Saṭlakem, ar nitoʹgi Jirusalem bâgiketeʹ cangen, karon neko âdmi Ingâʹ bisoite amaʹ sakkho bang atangako.'
19"Ing menkiding, 'Probhu, neko âdmi baṛeyako je, ekekote am pâtyumsanako, ingte sanam somaj oraʹre angko bundikosâning ar dalkosâning. 20Ar jâkhni Amren sâkkhi Isṭifan gojeisanako tâkhni aṛe tengoketeʹ Ingte hubmakosâning, ar ekekote âni gojeisanako angkoaʹ lugri citriʹ ing jogoʹsâning.'
21"Tâkhni Probhute ing metakidinge, 'Amdo cap, Ingte am sâhingre Ojihudikoṭheʹ kolmihuʹ.'"
22Âdmiko niâ dhâriʹ Polaʹ katha atenkedako, tayomte angko garjoketeʹ mankedako, "Ni dhârti khoiʹ sâhingipe, ânido jiuitʹ taheniʹ upojukto bangkane." 23Tâkhni edrete angkodo garjoketeʹ akoaʹ lugri citriʹ boiʹketeʹ, dhurâ oṭanglaʹ lagonako, 24Tâkhni marang senapotite Pol sonnokoaʹ tahanaʹ jagare idiyilaʹ hukum makeʹkoe. Ceklaʹ âdmiko Polaʹ biruddhoreʹ nengka garjoʹkanako ana baṛesoko laʹte ânitedo Pol câbukte dalketeʹ kuliyilaʹ angko hukum makeʹkoe. 25Pol jâkhni câbukte dalei laʹte tolkidiako, tâkhni je sotopoti aṛe tengo tahalene Polte âni metakidie, "Ekedo Romiokane ar bicârre aka dosho bang namkantaya, âni câbukte daldo ki apeyaʹ ucitkana?
26Niâ katha atenketeʹ âni sotopoti marang senapotiṭheʹ caketeʹ âni metakidie, amdo itâʹ cikilaʹ caʹkanam? Ni âdmito Romiokane."
27Tâkhni marang senapoti Polṭheʹ cane ar kulikidie, "Ing lâiong bhalaʹ, am ki Romiokanam?"
Âni menkede "Heʹ."
28Marang senapoti menkede, "Niâ Romio hoʹaʹ odhikar ingdo aima ṭhepte kiringkâding."
Pol menkede, "Kheʹ ingdo janam khoiʹgi Romiokâning."
29Tâkhni ekekote âni posnoilaʹ caʹsanako, angko tâkhnigi âniṭheʹ khoiʹ cagenako, ar âni je Romiokane niâ katha baṛe dareketeʹ, ar âni tollidiako bole, marang senapotiho botorne.
Marang sobhanaʹ samne Pol
30Kheʹ pora din, Jihudikote ceklaʹ Pol doseikanako ananaʹ sâriaʹ niscit laʹte marang senapotite Polaʹ tol larakeʹtaye ar marang purohit ar marang sobharen âdmiko miʹsaote jaoroʹlaʹ hukum makeʹkoe. Niâtayom ânite Poldo âguketeʹ angko samnere tengokidie.
©️2025 Bible Students Fellowship of Bangladesh