Luk 1
1
1Manonio Thiofil,
Abo talare akako ghoṭona ghoṭokana anako ollaʹte aima horgi kurumuṭukadako. 2Angko ana miṭiʹ bisoigi olkadako ar abo makaʹboako akaṭaʹdo abo angkoṭheʹ khoiʹ baṛekadabo, ekeko palhe khoiʹ nijeoaʹ metʹte lelkadako ar Jisuoaʹ bisoite procarkadako. 3Manonio Thiofil, anako sanam bisoite palhe khoiʹgi manjate khoj khobor engeketeʹ am laʹte anako miṭiʹ miṭiʹketeʹ oldo ingho manja monekiding. 4Niâte am baṛe dareʹmahaʹ akako am cetʹkadam anakodo sârigiâ.
Bâptisma emoʹiʹ Johonaʹ janam bisoite bhobisotnaʹ katha
5Jihudiâ disâmren raja Herodaʹ somai Sokhorio nutumte miṭiʹ purohit tahalene. Ânido Obio dol nutumte miṭiʹ purohit dolren miʹhor tahalene. Âniren basahitaʹ nutum tahelentaya Elisabet ar ânido Haron gusṭiren tahelene. 6Ângkindo baranhorgi Issoraʹ metʹte dhârmik tahalenakin. Probhuoaʹ sanam hukum ar niom ângkindo ṭhikteʹ palonsanakin. 7Ângkinrendo gidrâ bang tahalenako, ceklaʹbang Elisabetdo bânjhigi tahalene, ar baran horaʹgi aima boyos holentâkinâ.
8Miʹ jhikâ aiaʹ dolre purohitkoaʹ cetanre bhar maholena tâkhni Sokhoriodo purohit hisâbte Mundirre Issoraʹ seoesane. 9Purohitaʹ kâmi caleyaʹ niomte bhaggo purikkhaketeʹ âni bachongelidiako, jate âni Probhuoaʹ Mundirre boloketeʹ Pobitro jagare dhumân jol dareʹe. 10Dhumân jol somai baherre aima âdmi koijongsanako.
11Ana somai Probhuren miṭiʹ sorgodut dhumân sirânaʹ jojma hate hiʹketeʹ Sokhorioṭheʹgi sodorne. 12Sorgodut lelketeʹ Sokhoriodo camkone ar aima botorne. 13Kheʹ sorgodutte âni metakidie, "Sokhorio, alo botoroʹam, karon Probhute amaʹ koijong atenkaʹtame. Amren girthân Elisabetren miṭiʹ kora gidrâ hoʹtaiheʹ. Ar amte âniaʹ nutum Johon dohetaimahaʹ. 14Âni amaʹ jiuire marang hubnaʹ karon hoʹheʹ ar âni janamkane anate aima horgi huboʹkohaʹ. 15Karon âni Probhuoaʹ metʹre marang hoʹheʹ âni tisho ânggurnaʹ pâurâ se jahan lakanaʹ pâurâ oho nuie, ar âni engataʹ laiʹ khoiʹ Pobitro attate pereʹgenheʹ.
16"Johonte Israyelren aima horgi Probhu Issorṭheʹ âcur âgukoheʹ. 17Nâbi Elioaʹ atta laka monobhab ar sukti laite âni Probhu khoiʹ lahare hijuʹheʹ. Ânite botkoaʹ mon gidrâko hate âcurtakoheʹ ar obaddho âdmikoaʹ monnaʹ bhab badloketeʹ Issorre pâtyu dhârmik âdmiko lakakoheʹ. Nengkaketeʹ ânite Probhu laʹte âdmiko saprokoheʹ."
18Tâkhni Sokhoriote sorgodut metakidie, "Akalakate ingdo baṛehuʹ je niâko sâriaʹ hoʹhaʹ? Ceklaʹbang ing haṛmegekâning ar ingren girthânaʹho aima boyos hongekantaya."
19Sorgodutte âni metakidie, "Ingâʹ nutumdo Gabrielkantingâ. Ingdo Issoraʹ lahare tengo tahening. Am suliʹ katha menlaʹ ar am niâko sanam bisoinaʹ manja khobor mamlaʹte Issorte ing kolkâdinge. 20Ar lelme, ingâʹ katha somai lakagi puronoʹhaʹ, kheʹ am ingâʹ katha bang pâtyukanam mente am kongkaketeʹ tahenmahaʹ. Tiniʹdin bang niâko sanam ghoṭoʹa, iniʹdin am katha oho men dareʹam."
21Nate sanam âdmiko Sokhorio laʹte ḍahar bengetʹsanako. Mundirre âniaʹ deri hoʹkana lelketeʹ angko asarjonako ar bhabnoʹlaʹ lagonako. 22Tayomte Sokhorio jâkhni oṛoʹketeʹ hiʹne tâkhni âdmiko suliʹ katha bang men darelede, niâte âdmiko bujhu darekedako je, mundirre âni jahanaʹ lel namkade. Ar âni angko lahare isârate katha menlaʹ lagone, ar kongka lakaketeʹ tahene. 23Purohitaʹ kâminaʹ pâli caba tayom Sokhorio oraʹ cagene.
24Niâ tayom âniren girthân Elisabet hamalne ar âni more mâhinâ dhâbiʹ oraʹ bâgiketeʹ baher bang calene. Âni menkede, 25"Niâdo Probhuoaʹgi kâmikana. Âdmikoṭheʹ ingâʹ giuʹ sâhingting laʹte Issorte ing dayaokâdinge."
Probhu Jisuoaʹ janamnaʹ bhobissot katha
26Elisabet jâkhni cho mâhinâren hamal tahalene, tâkhni Issorte Gabriel Sorgodut Gâlil sohornaʹ Nasarot ṭolaniʹ miṭiʹ kuâriṭheʹ kolkidie. 27Raja Dâud gusṭiren Josef nutumte miʹhor suliʹ Moriomaʹ baplanaʹ katha ṭhiklentaya. 28Sorgodut Moriomṭheʹ hiʹketeʹ âni subheccha makidie, "Am suliʹ Probhu miniâ ar am aima dayakaʹmie."
29Dutaʹ niâ katha atenketeʹ Moriomaʹ mon aima osthir gentaya. Âni bhabnoʹlaʹ lagone, "Niâ lakanaʹ subhecchana mane itâʹ?"
30Sorgodutte âni metakidie, "Moriom, alo botoroʹam, ceklaʹbang Issorte am aima dayakaʹmie. 31Anjom! Am hamaloʹmahaʹ, ar amren miṭiʹ koragidrâ hoʹtamheʹ. Ar amte Ânioaʹ nutum Jisu dohetaimahaʹ. 32Ânido sanam khoiʹ marangutâriʹ Issorren Hopon metaikohaʹ. Probhu Issorte Ânido sederen âdmi Dâudaʹ singhâson maiheʹ. 33Ânido Jakob gusṭiren âdmiko cetanre cirokal rajotteheʹ, Ânioaʹ rajjodo tisho oho caboʹa.''
34Tâkhni Moriomte sorgodut metakidie, "Nado kalkate hoʹhaʹ? Ingdo kuârigiying?"
35Sorgodut menkede, "Pobitro atta am cetanre hijuʹhaʹ, ar sanam khoiʹ marangutâriʹ Issoraʹ suktinaʹ umul am cetanre ujugoʹhaʹ. Niâ laʹte Pobitro Hopon janamoʹheʹ Ânido Issorren Hopon men jutuʹheʹ. 36Ar aten, niâ harme boyosreho amren pânhâ Elisabetaʹ laiʹre koragidrâ sirjukane, âdmiko mensanako, ânirendo gidrâ bang hoʹtayako. Kheʹ nitoʹ âni cho mâhinâniʹ hamalminiâ. 37Karon Issordo sanamgi dareʹe."
38Moriom menkede, "Ingdo Probhuren dâsikâning, amaʹ katha lakagi ingâʹ cetanre sanamgi hoʹman." Niâ tayom sorgodut âniṭheʹ khoiʹ cangene.
Moriom Elisabetaʹ oraʹ cane
39Niâ tayom Moriomdo hakabaka saproketeʹ Jihudi prodisâmnaʹ buru elakanaʹ miṭiʹ ṭolare cane. 40Moriom Sokhorioaʹ oraʹre boloketeʹ Elisabet subheccha makidie. 41Elisabet jâkhni Moriomaʹ subheccha atenkede, tâkhni âniaʹ laiʹre gidrâ eneʹ rakapne ar Elisabet Pobitro attate pereʹne.
42Âni hubte jore jore cilluketeʹ menkede, "Sanam kurihopon talare am aima dhonnogiâm, ar amren je gidrâ hoʹheʹ âni gidrâho dhonnogie. 43Ingren Probhuren engat ingṭheʹ hiʹne, niâ kalkate sombhob hona? 44Jâkhni amaʹ katha atenkiding, tâkhnigi ingren laiʹren gidrâ hubte eneʹ rakapne. 45Am dhonnogiâm, karon am pâtyukanam je, Probhute am aka bisoi metakaʹmie, ana puronoʹhaʹ."
Moriomaʹ siring
46Tâkhni Moriom menkede,
''Ingâʹ jiui Probhuoaʹ prosongsade.
47Ingren atta bacoiʹ Issor laʹte ingâʹ ontor hubte pereʹ rakapkantingâ,
48karon Issor Aiʹren ni samanno dâsi hate
monojok makade,
nitoʹ khoiʹ sanam âdmikote
ing dhonno metangkohaʹ,
49karon suktiman Issor inglaʹte tiniʹ marang kâmikade.
Âniaʹ nutumdo pobitrogie.
50Ekekote Âni botoroyako, angkodo Ânite mayakoheʹ,
piṛhi por piṛhi mayakoheʹ.
51Ânido ti lahaketeʹ marang suktinaʹ kâmikade,
ekekoaʹ ontor ohongkarte pereʹgiâ, angkodo ânite câriyuhate sâhingkaʹkoe.
52Singhâson khoiʹ rajakodo Ânite agrokaʹkoe,
kheʹ sadharon âdmikodo cetan rakapkaʹkoe.
53Ekeko rangeʹ menaʹkoa Ânite angkodo manja manja jomaʹ maketeʹ angkoaʹ laiʹ bikaʹtakoe,
kheʹ dhuni âdmikodo eken tite bidâikaʹkoe.
54Ânido Aiaʹ mayanaʹ katha disâketeʹ Aiʹren kâmi âdmi Israyelko gorokaʹkoe,
55karon Ânido aboren sederen âdmi Abraham ar aiʹren gusṭiren âdmiko cetanre cirokal mayaokoaʹ rikitʹnaʹ katha Âni disâ dohokade."
56Prai pe mâhinâgan Elisabetṭheʹ tahaketeʹ tayomte Moriom nijeoaʹ oraʹre âcur cane.
Bâptisma emoʹiʹ Johonaʹ janam
57Somai purulenkheʹ tayomte Elisabetren kora gidrâ hontaye. 58Ânioaʹ cetanre Probhuoaʹ marang mayanaʹ khobor atenketeʹ sorkoren âdmi ar pânhâko âni suliʹ huboʹlaʹ lagonako.
59Jihudikoaʹ niom laka aṭ dinnaʹ dinre gidrâ sunnotilaʹ angkodo hiʹnako ar gidrâren botaʹ nutum Sokhorio tahalena mente gidrâoaʹ nutumho Sokhorio dohelaʹ namkedako. 60Kheʹ âniren engat menkede, "Bang! Âniaʹ nutum dohelaʹ hoʹhaʹ Johon."
61Tâkhni angkote Elisabet metakidiako, "Amren pânhâko talare to ekeoaʹho niâ nutum bânuʹtakoa." 62Anate angko isâraketeʹ gidrâren botṭheʹ khoiʹ baṛelaʹ namkedako, ânite itâʹ nutum dohetailaʹ namde?
63Sokhorio olaʹ jinis koiketeʹ engekede ar anare olkede, "Âniaʹ nutum hoʹhaʹ Johon." Nalaʹte angko sanam obaknako. 64Tâkhnigi kongka Sokhorioaʹ moca ar alang jhiʹentaya ar katha menlaʹ ar Issoraʹ gouroblaʹ lagone.
65Niâ lelketeʹ sorren âdmiko sanam botornako, ar Jihudiânaʹ sanam buru elakaren âdmiko niâko katha menlaʹ lagonako. 66Ekeko na katha atenkedako, angko sanamkhoiʹgi mone mone bhabnolaʹ lagonako ar menkedako, "Marangketeʹ ni koragidrâ itâʹ hoʹheʹ?" Angko na katha menkedako karon Probhuoaʹ sukti je ni gidrâ cetanre tahalena, ana isposṭo lelnamlena.
Sokhorioaʹ mocare Issoraʹ posongsa
67Tâkhni âniren bot Sokhorio Pobitro Attate pereʹne, ar bhobisotnaʹ katha menlaʹ lagone,
68"Dhonno Probhu, Israyelniʹ Issor,
cekelaʹ bang Ânido Aiʹren âdmiko gorokolaʹ ar bacokolaʹ hiʹkane.
69Issorte abo bacobo laʹte miṭiʹ suktisâli kâmi âdmi kolkâdie.
Ânido Issorren das Dâudren gusṭikane.
70Alka niâ katha Aiʹren Pobitro nâbikoaʹ mocate
Âni aima din laharigi menlede.
71Aboren dusmânkoṭheʹ khoiʹ ar ekekote abo ghrinâboako,
angkoṭheʹ khoiʹ bacokaʹboeʹ.
72Aboren laharen âdmiko mayaoko laʹte,
ar Âniaʹ pobitro cukti purun laʹte bacokaʹboe.
73Niâ ana rikit, akaṭaʹdo Âni aboren sederen âdmi Abrahamṭheʹ rikitlede.
74-75Jate abo dusmânkoaʹ ti khoiʹ bacoketeʹ begor botortigi Ânioaʹ seoa dareʹabo,
pobitro ar dhârmikte Ânioaʹ seoa dareʹabo, Ânioaʹ samnere abo jate cirokal seoa dareyabo.
76Ar, he ingren gidrâ, amdo sanam khoiʹ marangutâriʹ Issorren nâbi metamikohaʹ,
Karon amdo Probhuoaʹ ḍahar teyar laʹte Âniaʹ laha laha caʹmahaʹ,
77-78Amte Âniren âdmiko baṛesokomahaʹ,
kalkate aboren Issoraʹ dulârte pereʹ maya laʹte
papnaʹ map namketeʹ
pap khoiʹ baco jutuʹa.
Akaṭaʹdo aboaʹ jiuire agro hijuʹhaʹ
anado rakabuniʹ sing candolaka.
79Ekeko nutre ar gojoʹ jagare duruʹ menaʹkoa,
angko marsalko laʹte,
ar abo sântinaʹ ḍaharte âyurbo laʹte."
80Tayomte Johon marangoʹlaʹ lagone ar attate suktisâliʹlaʹ lagone ar tiniʹ din bang âni Israyelren âdmiko cetʹokolaʹte aiʹgi sodorlene iniʹ din âni sansun jagarigi tahalene.
Currently Selected:
Luk 1: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 1
1
1Manonio Thiofil,
Abo talare akako ghoṭona ghoṭokana anako ollaʹte aima horgi kurumuṭukadako. 2Angko ana miṭiʹ bisoigi olkadako ar abo makaʹboako akaṭaʹdo abo angkoṭheʹ khoiʹ baṛekadabo, ekeko palhe khoiʹ nijeoaʹ metʹte lelkadako ar Jisuoaʹ bisoite procarkadako. 3Manonio Thiofil, anako sanam bisoite palhe khoiʹgi manjate khoj khobor engeketeʹ am laʹte anako miṭiʹ miṭiʹketeʹ oldo ingho manja monekiding. 4Niâte am baṛe dareʹmahaʹ akako am cetʹkadam anakodo sârigiâ.
Bâptisma emoʹiʹ Johonaʹ janam bisoite bhobisotnaʹ katha
5Jihudiâ disâmren raja Herodaʹ somai Sokhorio nutumte miṭiʹ purohit tahalene. Ânido Obio dol nutumte miṭiʹ purohit dolren miʹhor tahalene. Âniren basahitaʹ nutum tahelentaya Elisabet ar ânido Haron gusṭiren tahelene. 6Ângkindo baranhorgi Issoraʹ metʹte dhârmik tahalenakin. Probhuoaʹ sanam hukum ar niom ângkindo ṭhikteʹ palonsanakin. 7Ângkinrendo gidrâ bang tahalenako, ceklaʹbang Elisabetdo bânjhigi tahalene, ar baran horaʹgi aima boyos holentâkinâ.
8Miʹ jhikâ aiaʹ dolre purohitkoaʹ cetanre bhar maholena tâkhni Sokhoriodo purohit hisâbte Mundirre Issoraʹ seoesane. 9Purohitaʹ kâmi caleyaʹ niomte bhaggo purikkhaketeʹ âni bachongelidiako, jate âni Probhuoaʹ Mundirre boloketeʹ Pobitro jagare dhumân jol dareʹe. 10Dhumân jol somai baherre aima âdmi koijongsanako.
11Ana somai Probhuren miṭiʹ sorgodut dhumân sirânaʹ jojma hate hiʹketeʹ Sokhorioṭheʹgi sodorne. 12Sorgodut lelketeʹ Sokhoriodo camkone ar aima botorne. 13Kheʹ sorgodutte âni metakidie, "Sokhorio, alo botoroʹam, karon Probhute amaʹ koijong atenkaʹtame. Amren girthân Elisabetren miṭiʹ kora gidrâ hoʹtaiheʹ. Ar amte âniaʹ nutum Johon dohetaimahaʹ. 14Âni amaʹ jiuire marang hubnaʹ karon hoʹheʹ ar âni janamkane anate aima horgi huboʹkohaʹ. 15Karon âni Probhuoaʹ metʹre marang hoʹheʹ âni tisho ânggurnaʹ pâurâ se jahan lakanaʹ pâurâ oho nuie, ar âni engataʹ laiʹ khoiʹ Pobitro attate pereʹgenheʹ.
16"Johonte Israyelren aima horgi Probhu Issorṭheʹ âcur âgukoheʹ. 17Nâbi Elioaʹ atta laka monobhab ar sukti laite âni Probhu khoiʹ lahare hijuʹheʹ. Ânite botkoaʹ mon gidrâko hate âcurtakoheʹ ar obaddho âdmikoaʹ monnaʹ bhab badloketeʹ Issorre pâtyu dhârmik âdmiko lakakoheʹ. Nengkaketeʹ ânite Probhu laʹte âdmiko saprokoheʹ."
18Tâkhni Sokhoriote sorgodut metakidie, "Akalakate ingdo baṛehuʹ je niâko sâriaʹ hoʹhaʹ? Ceklaʹbang ing haṛmegekâning ar ingren girthânaʹho aima boyos hongekantaya."
19Sorgodutte âni metakidie, "Ingâʹ nutumdo Gabrielkantingâ. Ingdo Issoraʹ lahare tengo tahening. Am suliʹ katha menlaʹ ar am niâko sanam bisoinaʹ manja khobor mamlaʹte Issorte ing kolkâdinge. 20Ar lelme, ingâʹ katha somai lakagi puronoʹhaʹ, kheʹ am ingâʹ katha bang pâtyukanam mente am kongkaketeʹ tahenmahaʹ. Tiniʹdin bang niâko sanam ghoṭoʹa, iniʹdin am katha oho men dareʹam."
21Nate sanam âdmiko Sokhorio laʹte ḍahar bengetʹsanako. Mundirre âniaʹ deri hoʹkana lelketeʹ angko asarjonako ar bhabnoʹlaʹ lagonako. 22Tayomte Sokhorio jâkhni oṛoʹketeʹ hiʹne tâkhni âdmiko suliʹ katha bang men darelede, niâte âdmiko bujhu darekedako je, mundirre âni jahanaʹ lel namkade. Ar âni angko lahare isârate katha menlaʹ lagone, ar kongka lakaketeʹ tahene. 23Purohitaʹ kâminaʹ pâli caba tayom Sokhorio oraʹ cagene.
24Niâ tayom âniren girthân Elisabet hamalne ar âni more mâhinâ dhâbiʹ oraʹ bâgiketeʹ baher bang calene. Âni menkede, 25"Niâdo Probhuoaʹgi kâmikana. Âdmikoṭheʹ ingâʹ giuʹ sâhingting laʹte Issorte ing dayaokâdinge."
Probhu Jisuoaʹ janamnaʹ bhobissot katha
26Elisabet jâkhni cho mâhinâren hamal tahalene, tâkhni Issorte Gabriel Sorgodut Gâlil sohornaʹ Nasarot ṭolaniʹ miṭiʹ kuâriṭheʹ kolkidie. 27Raja Dâud gusṭiren Josef nutumte miʹhor suliʹ Moriomaʹ baplanaʹ katha ṭhiklentaya. 28Sorgodut Moriomṭheʹ hiʹketeʹ âni subheccha makidie, "Am suliʹ Probhu miniâ ar am aima dayakaʹmie."
29Dutaʹ niâ katha atenketeʹ Moriomaʹ mon aima osthir gentaya. Âni bhabnoʹlaʹ lagone, "Niâ lakanaʹ subhecchana mane itâʹ?"
30Sorgodutte âni metakidie, "Moriom, alo botoroʹam, ceklaʹbang Issorte am aima dayakaʹmie. 31Anjom! Am hamaloʹmahaʹ, ar amren miṭiʹ koragidrâ hoʹtamheʹ. Ar amte Ânioaʹ nutum Jisu dohetaimahaʹ. 32Ânido sanam khoiʹ marangutâriʹ Issorren Hopon metaikohaʹ. Probhu Issorte Ânido sederen âdmi Dâudaʹ singhâson maiheʹ. 33Ânido Jakob gusṭiren âdmiko cetanre cirokal rajotteheʹ, Ânioaʹ rajjodo tisho oho caboʹa.''
34Tâkhni Moriomte sorgodut metakidie, "Nado kalkate hoʹhaʹ? Ingdo kuârigiying?"
35Sorgodut menkede, "Pobitro atta am cetanre hijuʹhaʹ, ar sanam khoiʹ marangutâriʹ Issoraʹ suktinaʹ umul am cetanre ujugoʹhaʹ. Niâ laʹte Pobitro Hopon janamoʹheʹ Ânido Issorren Hopon men jutuʹheʹ. 36Ar aten, niâ harme boyosreho amren pânhâ Elisabetaʹ laiʹre koragidrâ sirjukane, âdmiko mensanako, ânirendo gidrâ bang hoʹtayako. Kheʹ nitoʹ âni cho mâhinâniʹ hamalminiâ. 37Karon Issordo sanamgi dareʹe."
38Moriom menkede, "Ingdo Probhuren dâsikâning, amaʹ katha lakagi ingâʹ cetanre sanamgi hoʹman." Niâ tayom sorgodut âniṭheʹ khoiʹ cangene.
Moriom Elisabetaʹ oraʹ cane
39Niâ tayom Moriomdo hakabaka saproketeʹ Jihudi prodisâmnaʹ buru elakanaʹ miṭiʹ ṭolare cane. 40Moriom Sokhorioaʹ oraʹre boloketeʹ Elisabet subheccha makidie. 41Elisabet jâkhni Moriomaʹ subheccha atenkede, tâkhni âniaʹ laiʹre gidrâ eneʹ rakapne ar Elisabet Pobitro attate pereʹne.
42Âni hubte jore jore cilluketeʹ menkede, "Sanam kurihopon talare am aima dhonnogiâm, ar amren je gidrâ hoʹheʹ âni gidrâho dhonnogie. 43Ingren Probhuren engat ingṭheʹ hiʹne, niâ kalkate sombhob hona? 44Jâkhni amaʹ katha atenkiding, tâkhnigi ingren laiʹren gidrâ hubte eneʹ rakapne. 45Am dhonnogiâm, karon am pâtyukanam je, Probhute am aka bisoi metakaʹmie, ana puronoʹhaʹ."
Moriomaʹ siring
46Tâkhni Moriom menkede,
''Ingâʹ jiui Probhuoaʹ prosongsade.
47Ingren atta bacoiʹ Issor laʹte ingâʹ ontor hubte pereʹ rakapkantingâ,
48karon Issor Aiʹren ni samanno dâsi hate
monojok makade,
nitoʹ khoiʹ sanam âdmikote
ing dhonno metangkohaʹ,
49karon suktiman Issor inglaʹte tiniʹ marang kâmikade.
Âniaʹ nutumdo pobitrogie.
50Ekekote Âni botoroyako, angkodo Ânite mayakoheʹ,
piṛhi por piṛhi mayakoheʹ.
51Ânido ti lahaketeʹ marang suktinaʹ kâmikade,
ekekoaʹ ontor ohongkarte pereʹgiâ, angkodo ânite câriyuhate sâhingkaʹkoe.
52Singhâson khoiʹ rajakodo Ânite agrokaʹkoe,
kheʹ sadharon âdmikodo cetan rakapkaʹkoe.
53Ekeko rangeʹ menaʹkoa Ânite angkodo manja manja jomaʹ maketeʹ angkoaʹ laiʹ bikaʹtakoe,
kheʹ dhuni âdmikodo eken tite bidâikaʹkoe.
54Ânido Aiaʹ mayanaʹ katha disâketeʹ Aiʹren kâmi âdmi Israyelko gorokaʹkoe,
55karon Ânido aboren sederen âdmi Abraham ar aiʹren gusṭiren âdmiko cetanre cirokal mayaokoaʹ rikitʹnaʹ katha Âni disâ dohokade."
56Prai pe mâhinâgan Elisabetṭheʹ tahaketeʹ tayomte Moriom nijeoaʹ oraʹre âcur cane.
Bâptisma emoʹiʹ Johonaʹ janam
57Somai purulenkheʹ tayomte Elisabetren kora gidrâ hontaye. 58Ânioaʹ cetanre Probhuoaʹ marang mayanaʹ khobor atenketeʹ sorkoren âdmi ar pânhâko âni suliʹ huboʹlaʹ lagonako.
59Jihudikoaʹ niom laka aṭ dinnaʹ dinre gidrâ sunnotilaʹ angkodo hiʹnako ar gidrâren botaʹ nutum Sokhorio tahalena mente gidrâoaʹ nutumho Sokhorio dohelaʹ namkedako. 60Kheʹ âniren engat menkede, "Bang! Âniaʹ nutum dohelaʹ hoʹhaʹ Johon."
61Tâkhni angkote Elisabet metakidiako, "Amren pânhâko talare to ekeoaʹho niâ nutum bânuʹtakoa." 62Anate angko isâraketeʹ gidrâren botṭheʹ khoiʹ baṛelaʹ namkedako, ânite itâʹ nutum dohetailaʹ namde?
63Sokhorio olaʹ jinis koiketeʹ engekede ar anare olkede, "Âniaʹ nutum hoʹhaʹ Johon." Nalaʹte angko sanam obaknako. 64Tâkhnigi kongka Sokhorioaʹ moca ar alang jhiʹentaya ar katha menlaʹ ar Issoraʹ gouroblaʹ lagone.
65Niâ lelketeʹ sorren âdmiko sanam botornako, ar Jihudiânaʹ sanam buru elakaren âdmiko niâko katha menlaʹ lagonako. 66Ekeko na katha atenkedako, angko sanamkhoiʹgi mone mone bhabnolaʹ lagonako ar menkedako, "Marangketeʹ ni koragidrâ itâʹ hoʹheʹ?" Angko na katha menkedako karon Probhuoaʹ sukti je ni gidrâ cetanre tahalena, ana isposṭo lelnamlena.
Sokhorioaʹ mocare Issoraʹ posongsa
67Tâkhni âniren bot Sokhorio Pobitro Attate pereʹne, ar bhobisotnaʹ katha menlaʹ lagone,
68"Dhonno Probhu, Israyelniʹ Issor,
cekelaʹ bang Ânido Aiʹren âdmiko gorokolaʹ ar bacokolaʹ hiʹkane.
69Issorte abo bacobo laʹte miṭiʹ suktisâli kâmi âdmi kolkâdie.
Ânido Issorren das Dâudren gusṭikane.
70Alka niâ katha Aiʹren Pobitro nâbikoaʹ mocate
Âni aima din laharigi menlede.
71Aboren dusmânkoṭheʹ khoiʹ ar ekekote abo ghrinâboako,
angkoṭheʹ khoiʹ bacokaʹboeʹ.
72Aboren laharen âdmiko mayaoko laʹte,
ar Âniaʹ pobitro cukti purun laʹte bacokaʹboe.
73Niâ ana rikit, akaṭaʹdo Âni aboren sederen âdmi Abrahamṭheʹ rikitlede.
74-75Jate abo dusmânkoaʹ ti khoiʹ bacoketeʹ begor botortigi Ânioaʹ seoa dareʹabo,
pobitro ar dhârmikte Ânioaʹ seoa dareʹabo, Ânioaʹ samnere abo jate cirokal seoa dareyabo.
76Ar, he ingren gidrâ, amdo sanam khoiʹ marangutâriʹ Issorren nâbi metamikohaʹ,
Karon amdo Probhuoaʹ ḍahar teyar laʹte Âniaʹ laha laha caʹmahaʹ,
77-78Amte Âniren âdmiko baṛesokomahaʹ,
kalkate aboren Issoraʹ dulârte pereʹ maya laʹte
papnaʹ map namketeʹ
pap khoiʹ baco jutuʹa.
Akaṭaʹdo aboaʹ jiuire agro hijuʹhaʹ
anado rakabuniʹ sing candolaka.
79Ekeko nutre ar gojoʹ jagare duruʹ menaʹkoa,
angko marsalko laʹte,
ar abo sântinaʹ ḍaharte âyurbo laʹte."
80Tayomte Johon marangoʹlaʹ lagone ar attate suktisâliʹlaʹ lagone ar tiniʹ din bang âni Israyelren âdmiko cetʹokolaʹte aiʹgi sodorlene iniʹ din âni sansun jagarigi tahalene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh