Luk 11
11
Koijong bisoite cedaʹ
(Mothi 6:9-13)
1Miʹ somai Jisu jaha miʹ jagare koijongsane. Koijong cabalenkheʹ Aiʹren miṭiʹ celate metakidie, "Probhu, bâptisma emoʹiʹ Johonte alka aiʹren celako koijong cetʹolekoe engkagi aleho Amte koijong cetʹolem."
2Jisute angko metakeʹkoe, "Jâkhni ape koijongpehaʹ tâkhni menape,
'Baba, Amaʹ nutum Pobitro mente mano hoʹman.
Amaʹ rajjo hijuʹman.
3Dinâm dinnaʹ jomaʹ Amte ale dinâm din malem.
4Aleyaʹ pap maptalem,
karon ekeko aleyaʹ biruddhe papako alete angko mapkoale.
Ale Amte purikkhare alo âguleyam.'"
Sanam somai koijongpe
(Mothi 7:7-11)
5Inâtayom Jisute Aiʹren celako metakeʹkoe, "Monepe, tala nindâ ape talare miʹhor aiʹren gateoaʹ oraʹre caketeʹ menkede, 'Gate, ing peya piṭhâ panca deng, 6Ingren miṭiʹ gate ḍaharre caʹte caʹte ingṭheʹ hiʹkane, âni jomaʹ mai laka ingâʹdo itâʹgi bânuʹtingâ.' 7Tâkhni oraʹ bhitâr khoiʹ aiʹren gatete uttor makidie, 'Ing alo kosṭo mangam. Duâr nitdo singgiâ ar ingren gidrâko bichnâre ingṭheʹ gitiʹ menaʹkoa beretʹketeʹ ingte itâʹgi oho ma dareming.' 8Ingte ape metapekâning âni judi gate hisâbte beretʹketeʹ itâʹgi bangho maye, taoreho âni âdmite bar bar nehordie anate ânido beredoʹheʹ ar âniaʹ akaṭa dorkar ana âni maiheʹ.
9"Niâ laʹte Ingte ape metapekâning, koipe, ape ma hoʹhaʹ. Sendrepe, nampehaʹ. Duârre ṭhok ṭhokpe, ape laʹte duâr jhiʹ hoʹhaʹ. 10Jahegi koie ânido name. Eke sendreye âniho name. Ar ekedo duârre ṭhok ṭhoke ânilaʹdo duâr jhiʹ hoʹhaʹ. 11Ape talare nangkaniʹ bot eke miniâ, aiʹren gidrâte piṭhâ koieilekheʹ diri maiheʹ, se hako koieilekheʹ bing maiheʹ? 12Se bele koieilekheʹ kidingkaṭkom maihe? 13Tahale apedo kharapketeʹho judi aperen gidrâko manja manja jinis ma darekoape, tahale ekeko Sorgoren Babaṭheʹ koiako, Ânitedo je angko Pobitro atta makoheʹ nado tiniʹgi bang niscita."
Jisu ar Belsbul
(Mothi 12:22-30; Mark 3:20-27)
14Eṭaʹ miʹ somai Jisute miṭiʹ kongka kharap atta lagalidie. Kharap atta ca tayom kongka âdmi katha lorlaʹ lagone. Inâte âdmiko asarjonako. 15Kheʹ bhiṛ tala khoiʹ thoṛa âdmi menkedako, "Kharap attakoren raja Belsbulaʹ#11:15 Belsbul Naṛe Soitando Belsbul meta hokâniʹ. Belsbuldo hoʹkana miṭiʹ debotaoaʹ nutum tahalena, âdmitedo niâ nutum mente soitan bujhuisanako. khomotate Ânitedo kharap atta coṭaʹkoe."
16Eṭaʹ âdmikote Jisu purikkhai laʹte Sorgo khoiʹ miṭiʹ cinhâ uduklaʹ metakidiako. 17Kheʹ Jisu angkoaʹ monnaʹ katha baṛe dareketeʹ menkede, "Aka rajjo nije bhitârre haṭinggena ana rajjo dhongsogena, ar oraʹniʹ âdmi judi oraʹniʹ âdmikoaʹ biruddhe caʹako tahale angkodo bhaggenako. 18Soitanho judi nijeyaʹ biruddhe tengone tahale kalkaketeʹ aiaʹ rajjodo ṭikuʹtaihaʹ? Ingte niâ metapekâning karon ape mendape je Belsbulaʹ khomotate ingte kharap atta coṭaʹkoing. 19Bhalogito, judi Ingte Belsbulaʹ gorote kharap atta coṭaʹkoing, tahale aperen celakote ekeyaʹ khomotate kharap atta coṭaʹkoako? Aperen celakogi promankohaʹ je apedo bhulgiâpe. 20Kheʹ Ingte judi Issoraʹ khomotate kharap atta coṭaʹkoing, tahale Issoraʹ Rajjo to apeṭheʹ hiʹngekâniʹ.
21"Miṭiʹ suktisâli âdmi jâkhni aima lakanaʹ ostro engeketeʹ aiaʹ oraʹ jogeye tâkhni aiaʹ jinisko sântire tahentaia. 22Kheʹ ekedo âni khoiʹho ḍher suktisâligie âni hiʹketeʹ jâkhni âni lâṛhâiketeʹ harogirie, tâkhni akaṭaʹ ostrore bharsalene anado reʹngeheʹ ar ânioaʹ sanam jinis luṭngeheʹ ar anakodo hâṭinge.
23"Judi jahe Ing hate bang tahene tahale ânido Ingâʹ bipokkhore miniâ, eke Ing saote fosol bang halange, ânido merseye.
Eken oraʹ
(Mothi 12:43-45)
24"Jahe kharap atta jâkhni miṭiʹ âdmioaʹ bhitâr khoiʹ oṛoʹketeʹ caʹe tâkhni ânido jiruʹ laʹte lohor jagatora ca hijuʹtigi tahene. Tayomte âni ana bang namketeʹ mene, 'Ing aka oraʹ khoiʹ hiʹkâning arho ingdo ana oraʹrigi âcur caʹinghâʹ.' 25Ar âcur hiʹketeʹ ânido ana oraʹ eken, sâfâ ar sajo lel name. 26Tâkhni âni caketeʹ aiʹ khoiʹho kharap eṭaʹ satṭeʹ kharap atta âguketeʹ ana oraʹre boloketeʹ basoʹako. Anate âni âdmioaʹ laha dasa khoiʹ tayom dasado arho kharapoʹtaya."
27Jisu jâkhni katha mensane, tâkhni âdmiko tala khoiʹ miṭiʹ reja garjoketeʹ menkede, "Dhonno âni reja, eketedo Am janamleʹmie ar koramnaʹ toa khaoleʹmie."
28Kheʹ Jisu menkede, "Na khoiʹ borong angko dhonnoako ekekodo Issoraʹ katha atenako ar ana laka kâmiako."
Aima lakanaʹ upodes
(Mothi 12:38-42; Mark 8:12)
29Arho âdmi Jisuoaʹ câryunakha jaoroʹtigi tahenako. Tâkhni Jisu menkede, "Niâ kalniʹ âdmikodo kharapgiâko. Angkodo cinhânaʹ khojako kheʹ bhabbâdi Jonaoaʹ asarjo cinhâ bâgiketeʹ ar jahan cinhâ angkodo oho uduʹ hoʹa. 30Ninobi sohorren âdmiko laʹte Jona alka nijegi cinhâ holene ṭhik engkaketeʹ niâ kalniʹ âdmiko laʹte Âdmi Hopon cinhâ hoʹheʹ. 31"Bicârnaʹ dinre dâkhin disâmren Râni#1 Rajako 10:1-13 beretʹketeʹ niâ kalniʹ âdmiko dos uduʹgiritakoheʹ, karon Solomon rajaoaʹ genna katha aten laʹte ânido dhârtinaʹ mucitʹ khoiʹ hiʹlene. Ar lelpe naṛe Solomon khoiʹho marang miʹhor miniâ.
32"Bicârnaʹ dinre Ninobi sohorren âdmikodo beretʹketeʹ niâ kalren âdmikoaʹ dos uduʹkokohaʹ, karon Jonaoaʹ#Jona 3:10 procar laʹte Ninobiren âdmiko pap khoiʹ mon âcurleʹtenako. Ar lelpe, naṛe Jona khoiʹho marang miʹhor miniâ.
Dhârtire marsal laka hoʹpe
(Mothi 5:15; 6:22-23)
33"Jahegi ḍibiâ jolketeʹdo danangre se pâichâ latarredo bang doheyako kheʹ cârkhi cetanrigi doheyako, jate ekeko bhitârre bolonako angkodo marsal lelnamako. 34Amaʹ metʹgiâ amaʹ hormonaʹ ḍibiâ, judi amaʹ metʹ manja hoʹtama tahale amaʹ goṭa hormogi marsaloʹtama kheʹ metʹ kharaplekheʹ amaʹ hormoho nutoʹtama. 35Anate am bhitârre akaṭaʹ marsal menaʹa anado nutkâniʹ se bang ana bisoite sabdhanop. 36Amaʹ goṭa hormo judi marsalte perejoʹtama ar kâṭuʹho nut bang tahentama tahale ḍibiâte am alka marsal mamie, engkagi amaʹ goṭa hormogi marsaloʹtamhaʹ."
Jisudo dhormo netakoaʹ okteye
(Mothi 23:1-36; Mark 12:38-40)
37Jisu katha mensane, emon somai miṭiʹ Forisite Jisu jom laʹte neotakidie. Tâkhni Jisudo bhitârre caketeʹ jomlaʹ duruʹne. 38Âni Forisi jâkhni lelkede jom lahare Jisudo dhormonaʹ âricâli laka ti bang ârublene tâkhni âni obakne. 39Kheʹ Probhute âni metakidie, "Tahale aten, ape Forisikodo jom nuiaʹ thâri ar mognaʹ barhe hate sâfiape, kheʹ apeyaʹ bhitârdo lobh ar kharapte pereʹgitapeya. 40Apedo murkhogiâpe, eke barhe hate banokade ânigi ki bhitâr hateho bang banokade? 41Borong jagi apeyaʹ menaʹa, anado rangeʹ âdmiko danokope, tahale lelpehaʹ, apeyaʹ pokkhore sanamgi sâfuʹhaʹ.
42"Botor Forisiko, hai apetedo Issor pudina, jhalpat ar sanam lakanaʹ sakrenaʹ dos bhagnaʹ miʹ bhag maiape, kheʹ neibicâr ar Issor cetanre dulâr hate mon bang maʹape, kheʹ lahanaʹko palon sao saote tayomnaʹkoho apeyaʹ palonaʹ ucit.
43"Botor Forisiko, botor apetedo, somaj oraʹre, marang marang jagare duruʹte ar hâṭiâ bajarre sonman suliʹ subheccha namte apedo dulârape. 44Botor apedo, begor cinhu topa lakanape, akaṭaʹ cetantedo âdmiko bin baṛete daranako."
45Tâkhni dhormo masṭarko tala khoiʹ miʹhorte Jisu metakidie, "Guru, niâ katha menketeʹ Amte aleho opomanlekanam."
46Jisu menkede, "Botor dhormo masṭarkoho, hai apedo, âdmiko aima hamal bojha ladeokokanape, kheʹ angko gorokoaʹte ape nijedo miṭiʹ kâṭubteho anako bang joṭetʹdape." 47Botor apekodo, karon apedo nâbikoaʹ topa toltakoape, kheʹ aperen sederen âdmikotigi angkodo goiʹleʹkoako. 48Analaʹte apedo aperen sederen âdmikoaʹ kâminaʹ sâkkhikanape ar apedo angkoaʹ ana kâmi ṭhik mente manongedape. Miʹhate angkote bhâbbâdiko goiʹkaʹkoako, eṭaʹhate apete angko bhabbâdioaʹ topa toltakoape. 49Niâlaʹte Issoraʹ gendo niâ katha menkade, 'Ingte angkoṭheʹ nâbi ar preritko kolgirikoinghâʹ. Angko tala khoiʹ koekṭeʹdo angkote goiʹkokohaʹ ar eṭaʹonkhoiʹ cetanredo ottacarkohaʹ.'
50"Niâlaʹte dhârti sirjunaʹ somai khoiʹ ehobketeʹ tiniʹ nâbi goiʹ hokana, angkoaʹ meyomnaʹ dâyi hoʹkohaʹ niâ kalniʹ âdmiko. 51He, Ingte ape metapekâning, Hebolaʹ meyom khoiʹ ehobketeʹ eke Sokhoriodo sirâ ar Pobitro jaganaʹ talare goiʹlidiako, âni Sokhorio goiʹ dhâbiʹ sanam meyomnaʹ dâyi niâ kalniʹ âdmiko hoʹkohaʹ#11:51 Angkoaʹ meyomnaʹ dâyi niâ kalniʹ âdmiko hoʹkohaʹ Hebol tahalene Adom ar Hobaren hopon palhe âdmi ekedo goiʹ holena (Âdipustok 4:8). Sokhorio tahalene mucitʹ hor ekedo goiʹ holena (2 Bongsoko 24:20-22). .
52"Botor dhormo masṭarko! Apedo gennaʹ choṛan idiketeʹ apeṭheʹ dohokadape. Nijeho bhitârre bang bolokanape ar ekeko bhitârre bolonlaʹ namsanako angkoho bang bolosokaʹkoape."
53Âni ana jaga bâgiketeʹ caʹ somaire dhormo masṭar ar Forisikote Âni aima âṛisoilaʹ ar aima bisoite katha menlaʹte kuliyilaʹ lagonako, 54Ânioaʹ kathanaʹ bhul sabtailaʹ fad oṛo dohokedako.
Currently Selected:
Luk 11: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 11
11
Koijong bisoite cedaʹ
(Mothi 6:9-13)
1Miʹ somai Jisu jaha miʹ jagare koijongsane. Koijong cabalenkheʹ Aiʹren miṭiʹ celate metakidie, "Probhu, bâptisma emoʹiʹ Johonte alka aiʹren celako koijong cetʹolekoe engkagi aleho Amte koijong cetʹolem."
2Jisute angko metakeʹkoe, "Jâkhni ape koijongpehaʹ tâkhni menape,
'Baba, Amaʹ nutum Pobitro mente mano hoʹman.
Amaʹ rajjo hijuʹman.
3Dinâm dinnaʹ jomaʹ Amte ale dinâm din malem.
4Aleyaʹ pap maptalem,
karon ekeko aleyaʹ biruddhe papako alete angko mapkoale.
Ale Amte purikkhare alo âguleyam.'"
Sanam somai koijongpe
(Mothi 7:7-11)
5Inâtayom Jisute Aiʹren celako metakeʹkoe, "Monepe, tala nindâ ape talare miʹhor aiʹren gateoaʹ oraʹre caketeʹ menkede, 'Gate, ing peya piṭhâ panca deng, 6Ingren miṭiʹ gate ḍaharre caʹte caʹte ingṭheʹ hiʹkane, âni jomaʹ mai laka ingâʹdo itâʹgi bânuʹtingâ.' 7Tâkhni oraʹ bhitâr khoiʹ aiʹren gatete uttor makidie, 'Ing alo kosṭo mangam. Duâr nitdo singgiâ ar ingren gidrâko bichnâre ingṭheʹ gitiʹ menaʹkoa beretʹketeʹ ingte itâʹgi oho ma dareming.' 8Ingte ape metapekâning âni judi gate hisâbte beretʹketeʹ itâʹgi bangho maye, taoreho âni âdmite bar bar nehordie anate ânido beredoʹheʹ ar âniaʹ akaṭa dorkar ana âni maiheʹ.
9"Niâ laʹte Ingte ape metapekâning, koipe, ape ma hoʹhaʹ. Sendrepe, nampehaʹ. Duârre ṭhok ṭhokpe, ape laʹte duâr jhiʹ hoʹhaʹ. 10Jahegi koie ânido name. Eke sendreye âniho name. Ar ekedo duârre ṭhok ṭhoke ânilaʹdo duâr jhiʹ hoʹhaʹ. 11Ape talare nangkaniʹ bot eke miniâ, aiʹren gidrâte piṭhâ koieilekheʹ diri maiheʹ, se hako koieilekheʹ bing maiheʹ? 12Se bele koieilekheʹ kidingkaṭkom maihe? 13Tahale apedo kharapketeʹho judi aperen gidrâko manja manja jinis ma darekoape, tahale ekeko Sorgoren Babaṭheʹ koiako, Ânitedo je angko Pobitro atta makoheʹ nado tiniʹgi bang niscita."
Jisu ar Belsbul
(Mothi 12:22-30; Mark 3:20-27)
14Eṭaʹ miʹ somai Jisute miṭiʹ kongka kharap atta lagalidie. Kharap atta ca tayom kongka âdmi katha lorlaʹ lagone. Inâte âdmiko asarjonako. 15Kheʹ bhiṛ tala khoiʹ thoṛa âdmi menkedako, "Kharap attakoren raja Belsbulaʹ#11:15 Belsbul Naṛe Soitando Belsbul meta hokâniʹ. Belsbuldo hoʹkana miṭiʹ debotaoaʹ nutum tahalena, âdmitedo niâ nutum mente soitan bujhuisanako. khomotate Ânitedo kharap atta coṭaʹkoe."
16Eṭaʹ âdmikote Jisu purikkhai laʹte Sorgo khoiʹ miṭiʹ cinhâ uduklaʹ metakidiako. 17Kheʹ Jisu angkoaʹ monnaʹ katha baṛe dareketeʹ menkede, "Aka rajjo nije bhitârre haṭinggena ana rajjo dhongsogena, ar oraʹniʹ âdmi judi oraʹniʹ âdmikoaʹ biruddhe caʹako tahale angkodo bhaggenako. 18Soitanho judi nijeyaʹ biruddhe tengone tahale kalkaketeʹ aiaʹ rajjodo ṭikuʹtaihaʹ? Ingte niâ metapekâning karon ape mendape je Belsbulaʹ khomotate ingte kharap atta coṭaʹkoing. 19Bhalogito, judi Ingte Belsbulaʹ gorote kharap atta coṭaʹkoing, tahale aperen celakote ekeyaʹ khomotate kharap atta coṭaʹkoako? Aperen celakogi promankohaʹ je apedo bhulgiâpe. 20Kheʹ Ingte judi Issoraʹ khomotate kharap atta coṭaʹkoing, tahale Issoraʹ Rajjo to apeṭheʹ hiʹngekâniʹ.
21"Miṭiʹ suktisâli âdmi jâkhni aima lakanaʹ ostro engeketeʹ aiaʹ oraʹ jogeye tâkhni aiaʹ jinisko sântire tahentaia. 22Kheʹ ekedo âni khoiʹho ḍher suktisâligie âni hiʹketeʹ jâkhni âni lâṛhâiketeʹ harogirie, tâkhni akaṭaʹ ostrore bharsalene anado reʹngeheʹ ar ânioaʹ sanam jinis luṭngeheʹ ar anakodo hâṭinge.
23"Judi jahe Ing hate bang tahene tahale ânido Ingâʹ bipokkhore miniâ, eke Ing saote fosol bang halange, ânido merseye.
Eken oraʹ
(Mothi 12:43-45)
24"Jahe kharap atta jâkhni miṭiʹ âdmioaʹ bhitâr khoiʹ oṛoʹketeʹ caʹe tâkhni ânido jiruʹ laʹte lohor jagatora ca hijuʹtigi tahene. Tayomte âni ana bang namketeʹ mene, 'Ing aka oraʹ khoiʹ hiʹkâning arho ingdo ana oraʹrigi âcur caʹinghâʹ.' 25Ar âcur hiʹketeʹ ânido ana oraʹ eken, sâfâ ar sajo lel name. 26Tâkhni âni caketeʹ aiʹ khoiʹho kharap eṭaʹ satṭeʹ kharap atta âguketeʹ ana oraʹre boloketeʹ basoʹako. Anate âni âdmioaʹ laha dasa khoiʹ tayom dasado arho kharapoʹtaya."
27Jisu jâkhni katha mensane, tâkhni âdmiko tala khoiʹ miṭiʹ reja garjoketeʹ menkede, "Dhonno âni reja, eketedo Am janamleʹmie ar koramnaʹ toa khaoleʹmie."
28Kheʹ Jisu menkede, "Na khoiʹ borong angko dhonnoako ekekodo Issoraʹ katha atenako ar ana laka kâmiako."
Aima lakanaʹ upodes
(Mothi 12:38-42; Mark 8:12)
29Arho âdmi Jisuoaʹ câryunakha jaoroʹtigi tahenako. Tâkhni Jisu menkede, "Niâ kalniʹ âdmikodo kharapgiâko. Angkodo cinhânaʹ khojako kheʹ bhabbâdi Jonaoaʹ asarjo cinhâ bâgiketeʹ ar jahan cinhâ angkodo oho uduʹ hoʹa. 30Ninobi sohorren âdmiko laʹte Jona alka nijegi cinhâ holene ṭhik engkaketeʹ niâ kalniʹ âdmiko laʹte Âdmi Hopon cinhâ hoʹheʹ. 31"Bicârnaʹ dinre dâkhin disâmren Râni#1 Rajako 10:1-13 beretʹketeʹ niâ kalniʹ âdmiko dos uduʹgiritakoheʹ, karon Solomon rajaoaʹ genna katha aten laʹte ânido dhârtinaʹ mucitʹ khoiʹ hiʹlene. Ar lelpe naṛe Solomon khoiʹho marang miʹhor miniâ.
32"Bicârnaʹ dinre Ninobi sohorren âdmikodo beretʹketeʹ niâ kalren âdmikoaʹ dos uduʹkokohaʹ, karon Jonaoaʹ#Jona 3:10 procar laʹte Ninobiren âdmiko pap khoiʹ mon âcurleʹtenako. Ar lelpe, naṛe Jona khoiʹho marang miʹhor miniâ.
Dhârtire marsal laka hoʹpe
(Mothi 5:15; 6:22-23)
33"Jahegi ḍibiâ jolketeʹdo danangre se pâichâ latarredo bang doheyako kheʹ cârkhi cetanrigi doheyako, jate ekeko bhitârre bolonako angkodo marsal lelnamako. 34Amaʹ metʹgiâ amaʹ hormonaʹ ḍibiâ, judi amaʹ metʹ manja hoʹtama tahale amaʹ goṭa hormogi marsaloʹtama kheʹ metʹ kharaplekheʹ amaʹ hormoho nutoʹtama. 35Anate am bhitârre akaṭaʹ marsal menaʹa anado nutkâniʹ se bang ana bisoite sabdhanop. 36Amaʹ goṭa hormo judi marsalte perejoʹtama ar kâṭuʹho nut bang tahentama tahale ḍibiâte am alka marsal mamie, engkagi amaʹ goṭa hormogi marsaloʹtamhaʹ."
Jisudo dhormo netakoaʹ okteye
(Mothi 23:1-36; Mark 12:38-40)
37Jisu katha mensane, emon somai miṭiʹ Forisite Jisu jom laʹte neotakidie. Tâkhni Jisudo bhitârre caketeʹ jomlaʹ duruʹne. 38Âni Forisi jâkhni lelkede jom lahare Jisudo dhormonaʹ âricâli laka ti bang ârublene tâkhni âni obakne. 39Kheʹ Probhute âni metakidie, "Tahale aten, ape Forisikodo jom nuiaʹ thâri ar mognaʹ barhe hate sâfiape, kheʹ apeyaʹ bhitârdo lobh ar kharapte pereʹgitapeya. 40Apedo murkhogiâpe, eke barhe hate banokade ânigi ki bhitâr hateho bang banokade? 41Borong jagi apeyaʹ menaʹa, anado rangeʹ âdmiko danokope, tahale lelpehaʹ, apeyaʹ pokkhore sanamgi sâfuʹhaʹ.
42"Botor Forisiko, hai apetedo Issor pudina, jhalpat ar sanam lakanaʹ sakrenaʹ dos bhagnaʹ miʹ bhag maiape, kheʹ neibicâr ar Issor cetanre dulâr hate mon bang maʹape, kheʹ lahanaʹko palon sao saote tayomnaʹkoho apeyaʹ palonaʹ ucit.
43"Botor Forisiko, botor apetedo, somaj oraʹre, marang marang jagare duruʹte ar hâṭiâ bajarre sonman suliʹ subheccha namte apedo dulârape. 44Botor apedo, begor cinhu topa lakanape, akaṭaʹ cetantedo âdmiko bin baṛete daranako."
45Tâkhni dhormo masṭarko tala khoiʹ miʹhorte Jisu metakidie, "Guru, niâ katha menketeʹ Amte aleho opomanlekanam."
46Jisu menkede, "Botor dhormo masṭarkoho, hai apedo, âdmiko aima hamal bojha ladeokokanape, kheʹ angko gorokoaʹte ape nijedo miṭiʹ kâṭubteho anako bang joṭetʹdape." 47Botor apekodo, karon apedo nâbikoaʹ topa toltakoape, kheʹ aperen sederen âdmikotigi angkodo goiʹleʹkoako. 48Analaʹte apedo aperen sederen âdmikoaʹ kâminaʹ sâkkhikanape ar apedo angkoaʹ ana kâmi ṭhik mente manongedape. Miʹhate angkote bhâbbâdiko goiʹkaʹkoako, eṭaʹhate apete angko bhabbâdioaʹ topa toltakoape. 49Niâlaʹte Issoraʹ gendo niâ katha menkade, 'Ingte angkoṭheʹ nâbi ar preritko kolgirikoinghâʹ. Angko tala khoiʹ koekṭeʹdo angkote goiʹkokohaʹ ar eṭaʹonkhoiʹ cetanredo ottacarkohaʹ.'
50"Niâlaʹte dhârti sirjunaʹ somai khoiʹ ehobketeʹ tiniʹ nâbi goiʹ hokana, angkoaʹ meyomnaʹ dâyi hoʹkohaʹ niâ kalniʹ âdmiko. 51He, Ingte ape metapekâning, Hebolaʹ meyom khoiʹ ehobketeʹ eke Sokhoriodo sirâ ar Pobitro jaganaʹ talare goiʹlidiako, âni Sokhorio goiʹ dhâbiʹ sanam meyomnaʹ dâyi niâ kalniʹ âdmiko hoʹkohaʹ#11:51 Angkoaʹ meyomnaʹ dâyi niâ kalniʹ âdmiko hoʹkohaʹ Hebol tahalene Adom ar Hobaren hopon palhe âdmi ekedo goiʹ holena (Âdipustok 4:8). Sokhorio tahalene mucitʹ hor ekedo goiʹ holena (2 Bongsoko 24:20-22). .
52"Botor dhormo masṭarko! Apedo gennaʹ choṛan idiketeʹ apeṭheʹ dohokadape. Nijeho bhitârre bang bolokanape ar ekeko bhitârre bolonlaʹ namsanako angkoho bang bolosokaʹkoape."
53Âni ana jaga bâgiketeʹ caʹ somaire dhormo masṭar ar Forisikote Âni aima âṛisoilaʹ ar aima bisoite katha menlaʹte kuliyilaʹ lagonako, 54Ânioaʹ kathanaʹ bhul sabtailaʹ fad oṛo dohokedako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh