Luk 18
18
Koijongnaʹ bisoite cedaʹ
1Ar Jisute celako nengkaketeʹ miṭiʹ cetʹaʹ lopor lâioʹkoe je, angkoaʹ sanam somai koijongaʹ ucit, jate bang nirâsoʹako. 2Âni menkede, jaha miṭiʹ sohorre miṭiʹ bicâriʹ tahelene, ânitedo Issor bang botoroisane, âdmiho bang manokosane. 3Ar ana sohorre miṭiʹ râṛi reja tahelene, ar âni âniṭheʹ hiʹketeʹ mensane, 'neibicârketeʹ ingren bipokkhoaʹ biruddhe rai map!' 4Âni bicâriʹ thoṛa din itâʹgi bang cikâlede. Kheʹ tayomte mone monete menkede, 'Judiho Issor bang botoroing, âdmiho bang manokoing, 5taoreho nâi râṛi rejate ing kosṭo mangkane, niâ laʹte ing lelhuʹ jate âni nei bicâr name, bangkheʹ âni hijuʹtigi tahanheʹ.'"
6Tayomte Probhu menkede, "Atenpe, âni odhârmik bicâriʹ itâʹ mene. 7Tahale ekete sing nindâ Issor ṭâhuiako, Issor ki Aiʹren angko bachoyonkhoiʹ âdmioaʹ pokkhe oho neibicâre? Âni ki ana rikite diriheʹ? 8Ingte ape metapekâning, âni angkoaʹ pokkhe neibicâr laʹte oho dirie. Kheʹ Âdmi Hopon jâkhni hijuʹheʹ, tâkhni ki âni dhârtire pâtyu lel namheʹ?"
Pap khomeyaʹ bisoite cedaʹ
9Ekeko akogi monesanako dhârmikako ar eṭaʹonkhoiʹdo odhârmikgiâko, nangkankhoiʹ koyekṭeʹ âdmi Ânite niâ cetʹaʹ lopor lâioʹkoe, 10"Barhor koijong laʹte Mundirre canâkin. Miʹhordo forisi ar miʹhordo khajna engeiʹ. 11Forisi tengoketeʹ nije laʹte niâ koijongkede, 'He Issor, ing amaʹ dhonnobading je, ingdo eṭaʹ sanamkhoiʹ laka ṭhog, odhârmik ar bebhicâri se angko khajna engeonkhoiʹ lakado bangkâning. 12Ing soptare bar jhikâ upâsing ar ingâʹ sanam ainaʹ dosomangso daning.'
13"Kheʹ khajna engeiʹdo sâhingre tengoketeʹ sorgo hate koyoʹteho bang sâhus darelede, borong ânido koram dal dalte menkede, 'He Issor, ingdo pâpikâning. Ingdo mayaong!' 14"Ingte ape metapekâning, nâi pâpi, Issoraʹ samnere Forisiko khoiʹho dhârmik hoketeʹ oraʹ cagene. Karon jahegi nije marangoʹe, ânido huṛing jutuʹheʹ. Kheʹ ekedo nije huṛingoʹe, ânido marang jutuʹheʹ."
Probhu Jisu ar kâṭiʹ gidrâko
(Mothi 19:13-15; Mark 10:13-16)
15Ar âdmikote nijeren kâṭiʹ gidrâko Âniṭheʹ âgukeʹkeʹkoako, jate Ânite angko joṭetʹ darekoe. Celako ana lelketeʹ angko âdmi dhamkokolaʹ lagonako. 16Kheʹ Jisute gidrâko ṭâhukeʹkoe, ar metakeʹkoe, "Gidrâko Ingṭheʹ hiʹsokope, alo manakoape, karon Issoraʹ rajjodo neko lakankhoiʹ âdmioaʹgiâ. 17Ingte ape sârigi metapekâning, ekeho judi kâṭiʹ gidrâko lakaketeʹ Issoraʹ rajjo bang atange, tahale ânido tisho Issoraʹ rajjore oho bolo darene!"
Miṭiʹ dhuni âdmi
(Mothi 19:16-30; Mark 10:17-31)
18Miṭiʹ netate Âni kulikidie, "He manja guru, ononto jiui namlaʹ hoʹkheʹ ing itâʹ rikilaʹ hoʹtinghâʹ?"
19Jisute âni metakidie, "Cekelaʹ Ing manja metangkanam? Issor bâgiketeʹ ekegi bang manjaoako. 20Amdo sastronaʹ sanam hukumgi baṛeyam, "Alo bebhicârape, âdmi alo goiʹkoape, alo komreyape, âuṛi sakkho alo maʹape, apete engam bom sonmankope."
21Âni menkede, "Kâṭiʹ khoiʹ nako rikâhore hijuʹkâning."
22Nako katha atenketeʹ Jisute âni metakidie, "Nitho miṭiʹ bisoire amaʹ bhul menaʹtama, Amaʹ jahanaʹgi menaʹtama, sanam âkringketeʹ rangeʹ oreʹ âdmi dangurukom, anate sorgore dhon nammahaʹ, Ar hijup Ing panjang." 23Kheʹ niâ katha atenketeʹ âni aima dukhne, karon ânido aima dhunigi tahelene.
24Tâkhni âni hate koyoʹketeʹ Jisu menkede, "Eke dhunigiâko angko laʹtedo Issoraʹ rajjore bolodo kuṭhinoʹhaʹ! 25Dhuni âdmiaʹ pokkhe Issoraʹ rajjore bolo khoiʹ borong suinaʹ bugâʹtora uṭaʹ boloʹ sohojgiâ."
Ekeko bacoʹkohaʹ
26Ekeko atenkedako, angko menkedako, "Tahale eke baco darenheʹ?"
27Jisu menkede, "Âdmiṭheʹ akako osombhobgiâ anako sanamgi Issorṭheʹdo sombhobgiâ."
28Tâkhni Pitorte Jisu metakidie, "Lel, aleyaʹ jagi tahelentaleya anako sanam bâgiketeʹ Amren cela banokanale."
29Jisute angko metakeʹkoe, "Ingte ape sârigi metapekâning, Issoraʹ rajjo laʹte ekeko sanamkhoiʹ oraʹ se girthân se boihako se âiâ baba se gidrâko bâgilekheʹ 30angkodo sanamkhoiʹ niâ jugrigi aima bisi namkohaʹ ar samne jugre ononto jiui namkohaʹ."
Jisu aiaʹ goiʹ ar jiuitʹ rakaboʹaʹ bisoite bhobisotnaʹ katha menkede
(Mothi 20:17-19; Mark 10:32-34)
31Porahiluʹ Ânite baroṭeʹ cela sorre ṭâhuketeʹ metakeʹkoe, "Aten! Abodo Jirusalemre caʹkanabo. Ar nâbioaʹ talate akako ol hokana, anako sanam Âdmi Hopon puruʹhaʹ. 32Karon Ânido Ojihudikoaʹ tire ma hoʹhaʹ ar âdmikote Âni ṭhaṭṭaikohaʹ, Âni opomaneikohaʹ ar Âni hormore thuoikohaʹ. 33Ar Âni câbukte dal tayom gojeikohaʹ ar Âni pe dinnaʹ dinre arho jiuitʹ beredoʹheʹ." 34Nakonaʹ itâʹgi celakodo bang bujhu dareledako, niâ kathanaʹ mane angkoṭheʹdo bang lâi holena ar itâʹko men hona, anado angko bang bujhu dareledako.
Jisute miṭiʹ koiuniʹ ândhuâ manjakidie
(Mothi 20:29-34; Mark 10:46-52)
35Jisu ar Aiʹren celako jâkhni Jiriho sohorṭheʹ hiʹnako tâkhni miṭiʹ ândhuâ âdmi saṛak panjorre duruʹketeʹ koisane. 36Âni ândhuâ aima âdmiaʹ daranaʹ saṛe atenketeʹ kulikede nanaʹ karon itâʹkana?
37Âdmikote âni lâiodiâko, "Nasarotio Jisu angkatora caʹkane."
38Tâkhni âni chilluketeʹ menkede, "He Dâudreʹ bongsodhor Jisu, ing mayaong."
39Jeko âdmi laha lahate caʹsanako, angkote thirup menketeʹ dhamkokidiako, kheʹ ânido arho jore garjoʹlaʹ lagone, "He dâudren bongsodhor Jisu, ing mayaong!"
40Tâkhni Jisu tengoketeʹ âni Aiʹṭheʹ âguilaʹ hukum makeʹkoe. Tayomte âni sorre hiʹlenkheʹ Jisute âni kulikidie, 41"Am itâʹ koidam Ingdo am laʹte itâʹ cikiliʹ?"
Âni menkede, "Probhu, ingdo lellaʹ namding."
42Jisute âni metakidie, "Lel, amaʹ pâtyutigi am manjakanam."
43Anate âni tâkhnigi lelnamkede ar Issoraʹ gourobhore Ânioaʹ tayom tayom caʹlaʹ lagone. Ana lelketeʹ sanam âdmi Issoraʹ Prosongsakedako.
Currently Selected:
Luk 18: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 18
18
Koijongnaʹ bisoite cedaʹ
1Ar Jisute celako nengkaketeʹ miṭiʹ cetʹaʹ lopor lâioʹkoe je, angkoaʹ sanam somai koijongaʹ ucit, jate bang nirâsoʹako. 2Âni menkede, jaha miṭiʹ sohorre miṭiʹ bicâriʹ tahelene, ânitedo Issor bang botoroisane, âdmiho bang manokosane. 3Ar ana sohorre miṭiʹ râṛi reja tahelene, ar âni âniṭheʹ hiʹketeʹ mensane, 'neibicârketeʹ ingren bipokkhoaʹ biruddhe rai map!' 4Âni bicâriʹ thoṛa din itâʹgi bang cikâlede. Kheʹ tayomte mone monete menkede, 'Judiho Issor bang botoroing, âdmiho bang manokoing, 5taoreho nâi râṛi rejate ing kosṭo mangkane, niâ laʹte ing lelhuʹ jate âni nei bicâr name, bangkheʹ âni hijuʹtigi tahanheʹ.'"
6Tayomte Probhu menkede, "Atenpe, âni odhârmik bicâriʹ itâʹ mene. 7Tahale ekete sing nindâ Issor ṭâhuiako, Issor ki Aiʹren angko bachoyonkhoiʹ âdmioaʹ pokkhe oho neibicâre? Âni ki ana rikite diriheʹ? 8Ingte ape metapekâning, âni angkoaʹ pokkhe neibicâr laʹte oho dirie. Kheʹ Âdmi Hopon jâkhni hijuʹheʹ, tâkhni ki âni dhârtire pâtyu lel namheʹ?"
Pap khomeyaʹ bisoite cedaʹ
9Ekeko akogi monesanako dhârmikako ar eṭaʹonkhoiʹdo odhârmikgiâko, nangkankhoiʹ koyekṭeʹ âdmi Ânite niâ cetʹaʹ lopor lâioʹkoe, 10"Barhor koijong laʹte Mundirre canâkin. Miʹhordo forisi ar miʹhordo khajna engeiʹ. 11Forisi tengoketeʹ nije laʹte niâ koijongkede, 'He Issor, ing amaʹ dhonnobading je, ingdo eṭaʹ sanamkhoiʹ laka ṭhog, odhârmik ar bebhicâri se angko khajna engeonkhoiʹ lakado bangkâning. 12Ing soptare bar jhikâ upâsing ar ingâʹ sanam ainaʹ dosomangso daning.'
13"Kheʹ khajna engeiʹdo sâhingre tengoketeʹ sorgo hate koyoʹteho bang sâhus darelede, borong ânido koram dal dalte menkede, 'He Issor, ingdo pâpikâning. Ingdo mayaong!' 14"Ingte ape metapekâning, nâi pâpi, Issoraʹ samnere Forisiko khoiʹho dhârmik hoketeʹ oraʹ cagene. Karon jahegi nije marangoʹe, ânido huṛing jutuʹheʹ. Kheʹ ekedo nije huṛingoʹe, ânido marang jutuʹheʹ."
Probhu Jisu ar kâṭiʹ gidrâko
(Mothi 19:13-15; Mark 10:13-16)
15Ar âdmikote nijeren kâṭiʹ gidrâko Âniṭheʹ âgukeʹkeʹkoako, jate Ânite angko joṭetʹ darekoe. Celako ana lelketeʹ angko âdmi dhamkokolaʹ lagonako. 16Kheʹ Jisute gidrâko ṭâhukeʹkoe, ar metakeʹkoe, "Gidrâko Ingṭheʹ hiʹsokope, alo manakoape, karon Issoraʹ rajjodo neko lakankhoiʹ âdmioaʹgiâ. 17Ingte ape sârigi metapekâning, ekeho judi kâṭiʹ gidrâko lakaketeʹ Issoraʹ rajjo bang atange, tahale ânido tisho Issoraʹ rajjore oho bolo darene!"
Miṭiʹ dhuni âdmi
(Mothi 19:16-30; Mark 10:17-31)
18Miṭiʹ netate Âni kulikidie, "He manja guru, ononto jiui namlaʹ hoʹkheʹ ing itâʹ rikilaʹ hoʹtinghâʹ?"
19Jisute âni metakidie, "Cekelaʹ Ing manja metangkanam? Issor bâgiketeʹ ekegi bang manjaoako. 20Amdo sastronaʹ sanam hukumgi baṛeyam, "Alo bebhicârape, âdmi alo goiʹkoape, alo komreyape, âuṛi sakkho alo maʹape, apete engam bom sonmankope."
21Âni menkede, "Kâṭiʹ khoiʹ nako rikâhore hijuʹkâning."
22Nako katha atenketeʹ Jisute âni metakidie, "Nitho miṭiʹ bisoire amaʹ bhul menaʹtama, Amaʹ jahanaʹgi menaʹtama, sanam âkringketeʹ rangeʹ oreʹ âdmi dangurukom, anate sorgore dhon nammahaʹ, Ar hijup Ing panjang." 23Kheʹ niâ katha atenketeʹ âni aima dukhne, karon ânido aima dhunigi tahelene.
24Tâkhni âni hate koyoʹketeʹ Jisu menkede, "Eke dhunigiâko angko laʹtedo Issoraʹ rajjore bolodo kuṭhinoʹhaʹ! 25Dhuni âdmiaʹ pokkhe Issoraʹ rajjore bolo khoiʹ borong suinaʹ bugâʹtora uṭaʹ boloʹ sohojgiâ."
Ekeko bacoʹkohaʹ
26Ekeko atenkedako, angko menkedako, "Tahale eke baco darenheʹ?"
27Jisu menkede, "Âdmiṭheʹ akako osombhobgiâ anako sanamgi Issorṭheʹdo sombhobgiâ."
28Tâkhni Pitorte Jisu metakidie, "Lel, aleyaʹ jagi tahelentaleya anako sanam bâgiketeʹ Amren cela banokanale."
29Jisute angko metakeʹkoe, "Ingte ape sârigi metapekâning, Issoraʹ rajjo laʹte ekeko sanamkhoiʹ oraʹ se girthân se boihako se âiâ baba se gidrâko bâgilekheʹ 30angkodo sanamkhoiʹ niâ jugrigi aima bisi namkohaʹ ar samne jugre ononto jiui namkohaʹ."
Jisu aiaʹ goiʹ ar jiuitʹ rakaboʹaʹ bisoite bhobisotnaʹ katha menkede
(Mothi 20:17-19; Mark 10:32-34)
31Porahiluʹ Ânite baroṭeʹ cela sorre ṭâhuketeʹ metakeʹkoe, "Aten! Abodo Jirusalemre caʹkanabo. Ar nâbioaʹ talate akako ol hokana, anako sanam Âdmi Hopon puruʹhaʹ. 32Karon Ânido Ojihudikoaʹ tire ma hoʹhaʹ ar âdmikote Âni ṭhaṭṭaikohaʹ, Âni opomaneikohaʹ ar Âni hormore thuoikohaʹ. 33Ar Âni câbukte dal tayom gojeikohaʹ ar Âni pe dinnaʹ dinre arho jiuitʹ beredoʹheʹ." 34Nakonaʹ itâʹgi celakodo bang bujhu dareledako, niâ kathanaʹ mane angkoṭheʹdo bang lâi holena ar itâʹko men hona, anado angko bang bujhu dareledako.
Jisute miṭiʹ koiuniʹ ândhuâ manjakidie
(Mothi 20:29-34; Mark 10:46-52)
35Jisu ar Aiʹren celako jâkhni Jiriho sohorṭheʹ hiʹnako tâkhni miṭiʹ ândhuâ âdmi saṛak panjorre duruʹketeʹ koisane. 36Âni ândhuâ aima âdmiaʹ daranaʹ saṛe atenketeʹ kulikede nanaʹ karon itâʹkana?
37Âdmikote âni lâiodiâko, "Nasarotio Jisu angkatora caʹkane."
38Tâkhni âni chilluketeʹ menkede, "He Dâudreʹ bongsodhor Jisu, ing mayaong."
39Jeko âdmi laha lahate caʹsanako, angkote thirup menketeʹ dhamkokidiako, kheʹ ânido arho jore garjoʹlaʹ lagone, "He dâudren bongsodhor Jisu, ing mayaong!"
40Tâkhni Jisu tengoketeʹ âni Aiʹṭheʹ âguilaʹ hukum makeʹkoe. Tayomte âni sorre hiʹlenkheʹ Jisute âni kulikidie, 41"Am itâʹ koidam Ingdo am laʹte itâʹ cikiliʹ?"
Âni menkede, "Probhu, ingdo lellaʹ namding."
42Jisute âni metakidie, "Lel, amaʹ pâtyutigi am manjakanam."
43Anate âni tâkhnigi lelnamkede ar Issoraʹ gourobhore Ânioaʹ tayom tayom caʹlaʹ lagone. Ana lelketeʹ sanam âdmi Issoraʹ Prosongsakedako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh