Luk 5
5
Cela atang
(Mothi 4:18-22; Mark 1:16-20)
1Miʹ somai Jisu Ginesorotnaʹ ganganaʹ dhârire tengo tahalene. Âdmiko Issoraʹ katha aten laʹte Âniaʹ câryunakha ṭhelaṭheliʹsanako. 2Ar Âni lelnamkede, gangare barya lâukâ menaʹa, kheʹ jâilâko lâukâ khoiʹ agroketeʹ jal ârubsanako. 3Tâkhni Jisudo Simonaʹ lâukâre rakapne ar ânite ḍâṛi kandha khoiʹ thoṛa sâhingre idilaʹ nehorkidie. Inâ tayom Jisudo lâukâre duruʹketeʹ âdmiko cetʹokolaʹ lagone.
4Tayomte katha cabaketeʹ Ânite Simon metakidie, "Ḍher daʹre lâukâ laite dang, ar hako sabkolaʹte apeyaʹ jal giṛim." 5Simon menkede, "Guru, goṭa nindâ aima khaṭoketeʹho celehobang sab darekaʹkoyale, taoho Amaʹ kathate ing jal giṛihuʹ." 6Angko jal giṛi tayom nâniʹ hako honako je jal orejoʹ lakaniʹ. 7Anate angkotedo akoren ongsidarko isârakeʹkoako, jate hiʹketeʹ angkote gorodarikoako. Angkodo barya lâukâ hakote nâniʹ pereʹkedako je lâukâ ḍubugensana.
8Na lelketeʹ Simon Pitor Jisuoaʹ samnere umâʹne ar menkede, "Probhu, ingdo pâpigiying ingṭheʹ khoiʹ cagen." 9Karon jalre nâniʹ hako dharo paṛolenako je Simon Pitor ar âniren gateko sanamkhoiʹgi aima asarjonako. 10Simon Pitorren bebsaniʹ bhâgidar Jakob ar Johon nutumte Sibdioren barya bhâgidarho asarjonâkin.
Tâkhni Jisute Simon metakidie, "Alo botoroʹam, nitoʹ khoiʹ hakodo bang borong amte Issoraʹ rajjo laʹte âdmi sabkomahaʹ."
11Inâ tayom angko lâukâ ḍangare âgukedako ar sanamaʹ giṛi dohoṭhoketeʹ Jisu saote canako.
Jisute miṭiʹ kusṭo rugi manjakidie
(Mothi 8:1-4; Mark 1:40-45)
12Jisu miʹ jhikâ miṭiʹ sohorre tahalene. Aṛe miṭiʹ âdmioaʹ goṭa hormore kusṭo ghao tahalentaya. Jisu lelketeʹ ânido taberketeʹ ḍoboʹodie ar nehorketeʹ menkede, "Probhu, Am icchilekheʹ ing sâfâ darengam."
13Tâkhni Jisu ti lahaketeʹ âni joṭetʹketeʹ menkede, "Ing inâgi koing, am manjagen!" Tâkhnigi âniaʹ kusṭo ghao manjagentaya. 14Tayomte Jisute âni hukum makidie, "Niâ katha ekeho alo laiokoyam, kheʹ marang purohitkoṭheʹ caketeʹ nijegi udugob. Inâ tayom sâfâkanam analaʹte Mosi akaṭaʹ utsorgeyaʹ hukumkade ana utsorgem. Anate âdmikoṭheʹ promanoʹhaʹ je amdo manjakanam."
15Taoho Jisuoaʹ khobor câryuhate pasnogena. Ânioaʹ katha aten laʹte ar ruâ khoiʹ manjoʹ laʹte aima âdmi Âniṭheʹ hijuʹlaʹ lagonako. 16Ar Jisu sanam somai lakagi sansun jagare caketeʹ koijongsane.
Jisu miṭiʹ bâsli rugi manjakidie
(Mothi 9:1-8; Mark 2:1-12)
17Ar miʹdin Jisute jâkhni upodes makosane tâkhni Forisiko ar dhormo guruko aṛe duruʹ tahalenako. Gâlil prodisâmnaʹ eṭaʹ eṭaʹ ṭola ar Jihudiâ ar Jirusalem sohor khoiʹ nakodo hiʹlenako. Ruâ âdmiko manjakolaʹte Probhuoaʹ sukti Jisuoaʹ talare tahelena. 18Tâkhni koekṭeʹ âdmite miṭiʹ bâsli rugi parkomte goʹketeʹ âgukidiako. Angkote âni bhitârre idiketeʹ Jisuoaʹ samnere dohoyaʹ kurumuṭukedako. 19Kheʹ bhiṛlaʹ jâtte bhitârre caʹaʹ ḍahar bang namledako. Tâkhni angko chadre rakapnako ar chadnaʹ ṭâl ocoʹketeʹ bichnâ suliʹgi ânido âdmikoaʹ talare Jisuoaʹ samnere agrokidiako. 20Jisute angkoaʹ pâtyu lelketeʹ menkede, "Gate, amaʹ papnaʹ map ma hona."
21Nate dhormo masṭar ar Forisiko mon monte bhabnolaʹ lagonako, "Nâi Âdmido ekekane, eketedo Issor opomaneikane? Issor bâgiketeʹ eke pap map dareʹe?"
22Angko mon monte itâʹ cintuʹsanako Jisu ana bujhu dareketeʹ menkede, "Apedo mon monte cekelaʹ ana katha bhabnoʹkanape? 23Akaṭaʹ men sohoja, 'Amaʹ pap map honiʹ,' se 'Am beretʹketeʹ daraberob?'#Mark 2:9 24Kheʹ ape jate baṛedaeʹape dhârtire pap khomeyaʹ khomota Âdmi Hoponaʹgi menaʹtaya." Niâ dhâbiʹ menketeʹ Ânite âni bâsli rugi metakidie, "Ingte am metamikâning, beredob, amaʹ bichnâ rakapketeʹ oraʹ cangen."
25Âni âdmi tâkhnigi sanamkhoiʹ samnere beretʹne ar aka bichnâ cetanre âni gitiʹ tahelene ana rakabketeʹ Issoraʹ gourobhore oraʹ cagene. 26Anate sanamkhoiʹ aima asarjogenako ar bhukti pereʹ botorte Issoraʹ gourobketeʹ menkedako, "Tihin abo itâʹ asarjo bepar lelkedabo."
Probhu Jisute cela hoʹlaʹte Lebi ṭahukidie
(Mothi 9:9-13; Mark 2:13-17)
27Niâ tayom Jisu baherre cane ar khajna âdâiaʹ oraʹre Lebi nutumte miʹhor khajna âdâiʹ duruʹ tahente lelkidie. Jisute Lebi metakidie, "Hijub, ingren cela hob!" 28Inâte Lebi beretʹne ar âniaʹ sanam giṛi dohoṭhoketeʹ Jisu suliʹ cane.
29Tayomte Lebi Jisu laʹte aiaʹ oraʹre marang bhoj makede. Angko suliʹ aima khajna âdâionkhoiʹ ar eṭaʹ âdmiko jomlaʹ duruʹnako. 30Tâkhni Forisiko ar angkoaʹ dolniʹ dhormo masṭarko nâlisketeʹ Jisuren celako metakeʹkoako, "Apedo ceklaʹ khajna âdâionkhoiʹ ar pâpi âdmiko suliʹ jom nuilaʹ duruʹape?"
31Jisute angko metakeʹkoe, "Manjaonkhoiʹ laʹtedo ḍaktaraʹ dorkar bânuʹa borong ruâonkhoiʹlaʹte dorkar menaʹa. 32Ingtedo dhârmikkodo bang, kheʹ pâpiko ṭahukolaʹte hiʹkâning, jate angko pap khoiʹ mon âcurtenako."
Upâs bisoite cedaʹ
(Mothi 9:14-17; Mark 2:18-22)
33Tayomte thoṛa âdmite Jisu metakidiako, "Johonren celako sanam somai lakagi upâsako ar koijongako ar Forisikoho engkagi rikiako, kheʹ amren celakodo jom nuiako."
34Jisute angko metakeʹkoe, alka apete baplare bâryâtko jaoe saote tahe obosthare angko begor jomte bang calosokoape. Ṭhik engkagi Ing tinkhâniʹ celako saote miningâ indhâriʹ celakoaʹ upâs tahenaʹ dorkar bânuʹa. 35Kheʹ emon somai hijuʹhaʹ jâkhni angkoṭheʹ khoiʹ jaoedo idi hoʹhaʹ, ar ana somaire angko upâs kohaʹ."
36Inâtayom Jisute cedoko laʹte angkoṭheʹ niâ cetʹaʹ lopor lâikede, "Naoa lugri oreʹketeʹ ekeho mare angare bang tâli maʹako karon ana rikilekheʹ ana naoa angato âni oreʹgirie, Ar ana naoa ṭukrâho mare angaʹ suliʹ bang miluʹa. 37Ânggurnaʹ naoa pâurâ ekeho mare hartanaʹ begre bang doheyako, dohelekheʹ ânggurnaʹ pâurâte beg cirâgena, anate ânggurnaʹ naoa pâurâho ujuʹgena, begkoho nosṭoʹa. 38Ânggurnaʹ naoa pâurâdo naoa begrigi dohelaʹ hoʹa. 39Ar mare ânggur rase nu tayom ekeho ṭaṭka ânggur rase bang nuilaʹ namako, karon âni mene, 'Mareonaʹgi manjaoa.'"
Currently Selected:
Luk 5: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 5
5
Cela atang
(Mothi 4:18-22; Mark 1:16-20)
1Miʹ somai Jisu Ginesorotnaʹ ganganaʹ dhârire tengo tahalene. Âdmiko Issoraʹ katha aten laʹte Âniaʹ câryunakha ṭhelaṭheliʹsanako. 2Ar Âni lelnamkede, gangare barya lâukâ menaʹa, kheʹ jâilâko lâukâ khoiʹ agroketeʹ jal ârubsanako. 3Tâkhni Jisudo Simonaʹ lâukâre rakapne ar ânite ḍâṛi kandha khoiʹ thoṛa sâhingre idilaʹ nehorkidie. Inâ tayom Jisudo lâukâre duruʹketeʹ âdmiko cetʹokolaʹ lagone.
4Tayomte katha cabaketeʹ Ânite Simon metakidie, "Ḍher daʹre lâukâ laite dang, ar hako sabkolaʹte apeyaʹ jal giṛim." 5Simon menkede, "Guru, goṭa nindâ aima khaṭoketeʹho celehobang sab darekaʹkoyale, taoho Amaʹ kathate ing jal giṛihuʹ." 6Angko jal giṛi tayom nâniʹ hako honako je jal orejoʹ lakaniʹ. 7Anate angkotedo akoren ongsidarko isârakeʹkoako, jate hiʹketeʹ angkote gorodarikoako. Angkodo barya lâukâ hakote nâniʹ pereʹkedako je lâukâ ḍubugensana.
8Na lelketeʹ Simon Pitor Jisuoaʹ samnere umâʹne ar menkede, "Probhu, ingdo pâpigiying ingṭheʹ khoiʹ cagen." 9Karon jalre nâniʹ hako dharo paṛolenako je Simon Pitor ar âniren gateko sanamkhoiʹgi aima asarjonako. 10Simon Pitorren bebsaniʹ bhâgidar Jakob ar Johon nutumte Sibdioren barya bhâgidarho asarjonâkin.
Tâkhni Jisute Simon metakidie, "Alo botoroʹam, nitoʹ khoiʹ hakodo bang borong amte Issoraʹ rajjo laʹte âdmi sabkomahaʹ."
11Inâ tayom angko lâukâ ḍangare âgukedako ar sanamaʹ giṛi dohoṭhoketeʹ Jisu saote canako.
Jisute miṭiʹ kusṭo rugi manjakidie
(Mothi 8:1-4; Mark 1:40-45)
12Jisu miʹ jhikâ miṭiʹ sohorre tahalene. Aṛe miṭiʹ âdmioaʹ goṭa hormore kusṭo ghao tahalentaya. Jisu lelketeʹ ânido taberketeʹ ḍoboʹodie ar nehorketeʹ menkede, "Probhu, Am icchilekheʹ ing sâfâ darengam."
13Tâkhni Jisu ti lahaketeʹ âni joṭetʹketeʹ menkede, "Ing inâgi koing, am manjagen!" Tâkhnigi âniaʹ kusṭo ghao manjagentaya. 14Tayomte Jisute âni hukum makidie, "Niâ katha ekeho alo laiokoyam, kheʹ marang purohitkoṭheʹ caketeʹ nijegi udugob. Inâ tayom sâfâkanam analaʹte Mosi akaṭaʹ utsorgeyaʹ hukumkade ana utsorgem. Anate âdmikoṭheʹ promanoʹhaʹ je amdo manjakanam."
15Taoho Jisuoaʹ khobor câryuhate pasnogena. Ânioaʹ katha aten laʹte ar ruâ khoiʹ manjoʹ laʹte aima âdmi Âniṭheʹ hijuʹlaʹ lagonako. 16Ar Jisu sanam somai lakagi sansun jagare caketeʹ koijongsane.
Jisu miṭiʹ bâsli rugi manjakidie
(Mothi 9:1-8; Mark 2:1-12)
17Ar miʹdin Jisute jâkhni upodes makosane tâkhni Forisiko ar dhormo guruko aṛe duruʹ tahalenako. Gâlil prodisâmnaʹ eṭaʹ eṭaʹ ṭola ar Jihudiâ ar Jirusalem sohor khoiʹ nakodo hiʹlenako. Ruâ âdmiko manjakolaʹte Probhuoaʹ sukti Jisuoaʹ talare tahelena. 18Tâkhni koekṭeʹ âdmite miṭiʹ bâsli rugi parkomte goʹketeʹ âgukidiako. Angkote âni bhitârre idiketeʹ Jisuoaʹ samnere dohoyaʹ kurumuṭukedako. 19Kheʹ bhiṛlaʹ jâtte bhitârre caʹaʹ ḍahar bang namledako. Tâkhni angko chadre rakapnako ar chadnaʹ ṭâl ocoʹketeʹ bichnâ suliʹgi ânido âdmikoaʹ talare Jisuoaʹ samnere agrokidiako. 20Jisute angkoaʹ pâtyu lelketeʹ menkede, "Gate, amaʹ papnaʹ map ma hona."
21Nate dhormo masṭar ar Forisiko mon monte bhabnolaʹ lagonako, "Nâi Âdmido ekekane, eketedo Issor opomaneikane? Issor bâgiketeʹ eke pap map dareʹe?"
22Angko mon monte itâʹ cintuʹsanako Jisu ana bujhu dareketeʹ menkede, "Apedo mon monte cekelaʹ ana katha bhabnoʹkanape? 23Akaṭaʹ men sohoja, 'Amaʹ pap map honiʹ,' se 'Am beretʹketeʹ daraberob?'#Mark 2:9 24Kheʹ ape jate baṛedaeʹape dhârtire pap khomeyaʹ khomota Âdmi Hoponaʹgi menaʹtaya." Niâ dhâbiʹ menketeʹ Ânite âni bâsli rugi metakidie, "Ingte am metamikâning, beredob, amaʹ bichnâ rakapketeʹ oraʹ cangen."
25Âni âdmi tâkhnigi sanamkhoiʹ samnere beretʹne ar aka bichnâ cetanre âni gitiʹ tahelene ana rakabketeʹ Issoraʹ gourobhore oraʹ cagene. 26Anate sanamkhoiʹ aima asarjogenako ar bhukti pereʹ botorte Issoraʹ gourobketeʹ menkedako, "Tihin abo itâʹ asarjo bepar lelkedabo."
Probhu Jisute cela hoʹlaʹte Lebi ṭahukidie
(Mothi 9:9-13; Mark 2:13-17)
27Niâ tayom Jisu baherre cane ar khajna âdâiaʹ oraʹre Lebi nutumte miʹhor khajna âdâiʹ duruʹ tahente lelkidie. Jisute Lebi metakidie, "Hijub, ingren cela hob!" 28Inâte Lebi beretʹne ar âniaʹ sanam giṛi dohoṭhoketeʹ Jisu suliʹ cane.
29Tayomte Lebi Jisu laʹte aiaʹ oraʹre marang bhoj makede. Angko suliʹ aima khajna âdâionkhoiʹ ar eṭaʹ âdmiko jomlaʹ duruʹnako. 30Tâkhni Forisiko ar angkoaʹ dolniʹ dhormo masṭarko nâlisketeʹ Jisuren celako metakeʹkoako, "Apedo ceklaʹ khajna âdâionkhoiʹ ar pâpi âdmiko suliʹ jom nuilaʹ duruʹape?"
31Jisute angko metakeʹkoe, "Manjaonkhoiʹ laʹtedo ḍaktaraʹ dorkar bânuʹa borong ruâonkhoiʹlaʹte dorkar menaʹa. 32Ingtedo dhârmikkodo bang, kheʹ pâpiko ṭahukolaʹte hiʹkâning, jate angko pap khoiʹ mon âcurtenako."
Upâs bisoite cedaʹ
(Mothi 9:14-17; Mark 2:18-22)
33Tayomte thoṛa âdmite Jisu metakidiako, "Johonren celako sanam somai lakagi upâsako ar koijongako ar Forisikoho engkagi rikiako, kheʹ amren celakodo jom nuiako."
34Jisute angko metakeʹkoe, alka apete baplare bâryâtko jaoe saote tahe obosthare angko begor jomte bang calosokoape. Ṭhik engkagi Ing tinkhâniʹ celako saote miningâ indhâriʹ celakoaʹ upâs tahenaʹ dorkar bânuʹa. 35Kheʹ emon somai hijuʹhaʹ jâkhni angkoṭheʹ khoiʹ jaoedo idi hoʹhaʹ, ar ana somaire angko upâs kohaʹ."
36Inâtayom Jisute cedoko laʹte angkoṭheʹ niâ cetʹaʹ lopor lâikede, "Naoa lugri oreʹketeʹ ekeho mare angare bang tâli maʹako karon ana rikilekheʹ ana naoa angato âni oreʹgirie, Ar ana naoa ṭukrâho mare angaʹ suliʹ bang miluʹa. 37Ânggurnaʹ naoa pâurâ ekeho mare hartanaʹ begre bang doheyako, dohelekheʹ ânggurnaʹ pâurâte beg cirâgena, anate ânggurnaʹ naoa pâurâho ujuʹgena, begkoho nosṭoʹa. 38Ânggurnaʹ naoa pâurâdo naoa begrigi dohelaʹ hoʹa. 39Ar mare ânggur rase nu tayom ekeho ṭaṭka ânggur rase bang nuilaʹ namako, karon âni mene, 'Mareonaʹgi manjaoa.'"
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh