Luk 7
7
Senaputiren kâmi âdmi manjane
(Mothi 8:5-13; Johon 4:43-54)
1Jisu âdmikoṭheʹ niâko sanam katha cabaketeʹ Kofornâhum sohorre cane. 2Aṛe miṭiʹ Romio sotopotiren das ruâte goiʹ lakagirilene. Âni senapotite ni das aima dulârisane. 3Jâkhni ânido Jisuoaʹ somporke atenkede tâkhni Jihudikoren koekṭeʹ harme netako Jisu nehorilaʹ kolkekoe, jate Âni hiʹketeʹ âniren kâmi âdmi manjaye. 4Angko neta Jisuṭheʹ hiʹketeʹ Âni ontor khoiʹ nehorketeʹ metakidiako, "Ni âdmi sârigi amaʹ goro namaʹ joggokane. 5Karon ânite aboren jâtko dulârkoe, ar aboaʹ somaj oraʹ ânigi banosokade."
6Tâkhni Jisu angko suliʹ cagene ar Âni ana oraʹ sorre hiʹlenkheʹgi sotopotite koekṭeʹ gateṭheʹ lâi kolkede "Probhu, nije jate bang kosṭoʹe. Karon ing nâniʹ bang joggoing je Am ingâʹ oraʹre hijuʹmahaʹ. 7Analaʹte Amṭheʹ caʹaʹ upojukto ing nijegi bang monekâding. Am kebol mocate men, inâtigi ingren kâmi âdmi manjagentingheʹ. 8Ing niâ katha baṛeing, karon ingho eṭaʹuniʹaʹ khomotanaʹ tabere miningâ ar sonnokoho ingâʹ katha laka caʹako. Ingte miʹhor 'Calaʹ' metaingkheʹ âni caʹe, eṭaʹ ar miʹhor 'Hijub,' metailekheʹ âni hijuʹe. Ar ingren kâmi âdmi 'Niâ rikim,' metailekheʹ âni ana rikie."
9Niâ katha atenketeʹ Jisu asarjone ar jeko âdmi Âniaʹ tayom tayomte hijuʹsanako angko hate âcurketeʹ Âni menkede, "Ingte ape metapekâning, judiho Israyelkoaʹ talare nâniʹ pâtyuniʹ ekeho bang lelkaʹkoing."
10Senapotite jeko kolleʹkoe, angko âniaʹ oraʹre âcur caketeʹ âni kâmi âdmi manja lelnamkidiako.
Probhu Jisute râṛiren hopontetʹ goiʹ khoiʹ jiuitʹ rakapkidie
11Niânaʹ thoṛa tayom Jisu Nâin nutumte miṭiʹ sohor hate caʹlaʹ lagone. Âniren celako ar arho aima âdmi Âniaʹ sao saote caʹsanako. 12Jâkhni Âni ana sohornaʹ duârṭheʹ aṭone, tâkhni âdmikote miṭiʹ goiʹ âdmi barhere idiyisanako. Je âdmi goiʹlene ânido tahalene âniren engatren miṭiʹgi hopon, ar âni engatho tahalene râṛigi. Ṭolaren aima âdmi âni râṛi reja saote tahalenako. 13Âni lelketeʹ Probhuoaʹ aima maya hontaya. Jisute âni metakidie, "Ar alo ragam." 14Niâ tayom Jisu sorre caketeʹ parkom joṭetʹkede. Niâte jeko goiʹhormo idisanako angko tengonako. Jisu menkede, "Juân ingte am metamkâning, beredob." 15Anate je goiʹlene âni âdmi beretʹ duruʹne ar katha menlaʹ lagone. Ar Jisute âni âniren engatṭheʹ âcurketeʹ makidie.
16Anate sanamhoraʹ ontor botorte pereʹentakoa ar Issoraʹ gourobketeʹ menlaʹ lagonako, "Abo talare miʹhor marang nâbi hiʹkane. Issortedo Aiʹren âdmiko gorokolaʹte hiʹkane."
17Jisuoaʹ bisoite niâ sanam katha Jihudiâ prodisâm ar ananaʹ sorkorenaʹ sanam jagare pasnogena.
Johonte aiʹren celako Jisuṭheʹ kolkeʹkoe
(Mothi 11:2-19)
18Bâptisma emoʹiʹ Johonren celako niâko sanam ghoṭonanaʹ kathako Johon baṛesokidiako. Tâkhni Johonte aiʹren barya cela ṭâhukeʹkine, 19Probhuṭheʹ niâ katha kuliketeʹ kolkeʹkine, "Ekeyaʹ hijuʹaʹ katha menaʹa am ki ânikanam, se ale eṭaʹuniʹ laʹte ḍahar bengedale?"
20Ângkin âdmi Jisuṭheʹ hiʹketeʹ menkedakin, "Bâptismaemoʹiʹ Johonte Amṭheʹ âling kulimilaʹte kolkaʹlinge. Jeyaʹ hijuʹaʹ katha menaʹa amgiâm ki âni, se ale eṭaʹuniʹ laʹte ḍahar bengedale?"
21Ana somai Jisute aima âdmi ruâ khoiʹ, aima jontrona khoiʹ, kharap attate namuniʹ âdmiko ar aima ândhuâ âdmi manjakeʹkoe. 22Niâko sanam rikâ tayom Jisute Johonren cela metakeʹkine, "Aban ja lelkedaban ar atenkedaban ana caketeʹ Johon lâioiban. Âni baṛesoiban je, ândhuâ âdmi lelnamdako, khoṛako darankanako, kusṭo rugiko suciʹkanako, ṭhosa âdmiko aten namdako, goiʹonkhoiʹ jiuitʹ rakaboʹkanako, ar rangeʹ âdmikoṭheʹ manja khobor lâi hoʹkana. 23Ar dhonno âni âdmi ekedo monre ing atanging laʹte jahanaʹ badha bang tahentaia."
24Johonte eke kolleʹkine ângkin âdmi caʹlenkheʹ tayomte Jisute âdmiko Johonaʹ bisoite lâiokolaʹ lagone, "Apedo sansun jagare itâʹ lellaʹ calenape? Hoite hiluʹaʹ nol khagṛa? 25Ana bangkheʹ itâʹ lellaʹ calenape? Sundri lugri bhande miṭiʹ âdmi ki? Lelpe jeko âdmi dâmi dâmi lugri sorogako ar jakjomokketeʹ basoʹako angko to raj oraʹre tahanako. 26Ana bangkheʹ itâʹ lellaʹ calenape? Miṭiʹ nâbi ki? He, Ingte ape metapekâning, ânido nâbi khoiʹho maranggie. 27Johongie âni âdmi jeyaʹ bisoite Pobitro sastrore ol menaʹa,
'Lelme, Ingte ingren khobor emoʹiʹ amaʹ lahare koleikâning.
Âni Amaʹ lahare caketeʹ Amaʹ ḍahar sapretamheʹ.'#Malakhi 3:1
28Ingte ape metapekâning, âdmiko talare keho Johon khoiʹdo bang marangako. Taoho Issoraʹ Rajjo talaredo sanamkhoiʹ je kâṭiʹe âniho Johon khoiʹ marange."
29Aima âdmi emonki khajna engeonkhoiʹ ekekodo Johonṭheʹ bâptisma engeledako niâ katha atenketeʹ angkote Issor dhârmik mente atangkidiako. 30Kheʹ Forisiko ar dhormo masṭarko Johonṭheʹ Bâptisma engelaʹ osikârketeʹ angkoaʹ jiuire Issoraʹ icchâ bang atangledako.
31Jisu arho menkede, "Ana bangkheʹ niâ kalren âdmiko ingte eke suliʹ tulonakoinghâʹ? Angkodo alkanako? 32Angko nangkankhoiʹ kora kuriko laka jeko bajarre duruʹketeʹ miʹhorte ar miʹhor ṭâhuketeʹ menako,
'Ale ape laʹte bâsi orongkedale,
kheʹ ape bang eneʹlenape.
Ale ape laʹte duknaʹ siringkedale,
kheʹ ape bang raʹledape.'
33Karon Bâptisma emoʹiʹ Johon hiʹketeʹ piṭhâ bang jomlede ar ânggurnaʹ pâurâ bang nulede mente ape mendape, 'Ânido kharap attate sabkâdie.' 34Ar Âdmi Hopon hiʹketeʹ jom nukede mente ape mendape, 'Lelpe! Nâi âdmi khâku ar matlagie, pâpi ar khajna âdâionkhoiʹren gatekane.' 35Kheʹ gennaʹ odhinre jeko caʹako angkoaʹ jiuigi promane je, gengi ṭhikgiâ."
Probhu Jisu Forisi Simonaʹ oraʹre
36Miṭiʹ Forisite Jisu âniaʹ saote jomaʹ neota makidie, tâkhni Jisu âniaʹ oraʹre caketeʹ bhojre salaʹne.
37Ar lelpe ana sohorre miṭiʹ pâpi reja tahelene. Âni jâkhni baṛe darekede, Forisioaʹ oraʹre Jisu bhojre salaʹkane tâkhni âni miṭiʹ poṛonaʹ poṛ dirirenaʹ ṭhongaʹre so sunum âgukede. 38Tayomte Jisuoaʹ tayomre jangaṭheʹ caketeʹ tengone ar raʹ raʹte metʹdaʹte Âniaʹ janga lohottailaʹ lagone. Ana tayom âni âniaʹ bohoʹnaʹ upte Âniaʹ janga jotʹkeʹtaye ar Âniaʹ janga cetanre cumâketeʹ ana so sunum dulkede.
39Ar Je Forisite Jisu neotalidie âni niâ lelketeʹ mon monte menlaʹ lagone, "Judi nâi âdmi nâbi hoʹehote tahale baṛe dareʹehoteʹ, ekekane ar kalkaniʹ rejate Âniaʹ janga joṭedeʹtaye, âni rejato pâpigie."
40Tâkhnigi Jisute âni Forisi metakidie, "Simon am metamaʹ ingâʹ thoṛa menaʹtingâ."
Simon menkede, "Guru, men."
41Jisu menkede, "Jahegi miṭiʹ mahajonṭheʹ barya âdmi dinâr panca engeledakin. Miʹhordo pancalede moreso dinâr ar armiʹhordo engelede poncas dinâr. 42Ânkinaʹ ekeoaʹho panca sod maiaʹ khomota bang tahalentâkinâ mente ânite baranhorgi mapkeʹkine. Tahale menbhalaʹ leling ângkin talare ekete âni mahajon bisi dulâriheʹ?"
43Simon menkede, "Ingâʹ bicârte, jeyaʹ bisi panca map hoʹkantaya ânite."
Jisute âni metakidie, "Am ṭhikgi menkadam." 44Inâ tayom Jisu âni reja hate moca âcurketeʹ Simon metakidie, "Amte nâi reja leleikanam. Ing amaʹ oraʹre hiʹlenkheʹ tayomte amte ing janga âruboʹlaʹ daʹ bang makâdiâm, kheʹ nâi rejate âniaʹ metʹ daʹte ingâʹ janga lohotʹketeʹ âniaʹ ubte jotʹkaʹtinge. 45Amte ing subheccha mang laʹte bang cumâkâdiâm, kheʹ ing oraʹre hiʹ tayom khoiʹgi ânite ingâʹ janga cumâʹtinge. 46Amte ing subheccha mang laʹte bohoʹre sunum bang ojoʹkudingam, kheʹ âni ingâʹ janga cetanre so sunum dulkade. 47Anate Ingte am metamkânig, ânite bisi dulârkâdinge, âniaʹ pap aima hoʹreho ana mapkantaya. Jeyaʹ thoṛa pap map hoʹa âni thoṛagi dulâr uduge."
48Tayomte Jisute âni reja metakidie, "Amaʹ pap map hokantama."
49Jeko Jisu saote jomlaʹ duruʹlenako, angko mon monte menlaʹ lagonako, "Nâi ekekane, je papho khomeye?"
50Jisute tâkhni âni reja metakidie, "Am pâtyukanam mente pap khoiʹ bacokanam. Sântite cagen."
Currently Selected:
Luk 7: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 7
7
Senaputiren kâmi âdmi manjane
(Mothi 8:5-13; Johon 4:43-54)
1Jisu âdmikoṭheʹ niâko sanam katha cabaketeʹ Kofornâhum sohorre cane. 2Aṛe miṭiʹ Romio sotopotiren das ruâte goiʹ lakagirilene. Âni senapotite ni das aima dulârisane. 3Jâkhni ânido Jisuoaʹ somporke atenkede tâkhni Jihudikoren koekṭeʹ harme netako Jisu nehorilaʹ kolkekoe, jate Âni hiʹketeʹ âniren kâmi âdmi manjaye. 4Angko neta Jisuṭheʹ hiʹketeʹ Âni ontor khoiʹ nehorketeʹ metakidiako, "Ni âdmi sârigi amaʹ goro namaʹ joggokane. 5Karon ânite aboren jâtko dulârkoe, ar aboaʹ somaj oraʹ ânigi banosokade."
6Tâkhni Jisu angko suliʹ cagene ar Âni ana oraʹ sorre hiʹlenkheʹgi sotopotite koekṭeʹ gateṭheʹ lâi kolkede "Probhu, nije jate bang kosṭoʹe. Karon ing nâniʹ bang joggoing je Am ingâʹ oraʹre hijuʹmahaʹ. 7Analaʹte Amṭheʹ caʹaʹ upojukto ing nijegi bang monekâding. Am kebol mocate men, inâtigi ingren kâmi âdmi manjagentingheʹ. 8Ing niâ katha baṛeing, karon ingho eṭaʹuniʹaʹ khomotanaʹ tabere miningâ ar sonnokoho ingâʹ katha laka caʹako. Ingte miʹhor 'Calaʹ' metaingkheʹ âni caʹe, eṭaʹ ar miʹhor 'Hijub,' metailekheʹ âni hijuʹe. Ar ingren kâmi âdmi 'Niâ rikim,' metailekheʹ âni ana rikie."
9Niâ katha atenketeʹ Jisu asarjone ar jeko âdmi Âniaʹ tayom tayomte hijuʹsanako angko hate âcurketeʹ Âni menkede, "Ingte ape metapekâning, judiho Israyelkoaʹ talare nâniʹ pâtyuniʹ ekeho bang lelkaʹkoing."
10Senapotite jeko kolleʹkoe, angko âniaʹ oraʹre âcur caketeʹ âni kâmi âdmi manja lelnamkidiako.
Probhu Jisute râṛiren hopontetʹ goiʹ khoiʹ jiuitʹ rakapkidie
11Niânaʹ thoṛa tayom Jisu Nâin nutumte miṭiʹ sohor hate caʹlaʹ lagone. Âniren celako ar arho aima âdmi Âniaʹ sao saote caʹsanako. 12Jâkhni Âni ana sohornaʹ duârṭheʹ aṭone, tâkhni âdmikote miṭiʹ goiʹ âdmi barhere idiyisanako. Je âdmi goiʹlene ânido tahalene âniren engatren miṭiʹgi hopon, ar âni engatho tahalene râṛigi. Ṭolaren aima âdmi âni râṛi reja saote tahalenako. 13Âni lelketeʹ Probhuoaʹ aima maya hontaya. Jisute âni metakidie, "Ar alo ragam." 14Niâ tayom Jisu sorre caketeʹ parkom joṭetʹkede. Niâte jeko goiʹhormo idisanako angko tengonako. Jisu menkede, "Juân ingte am metamkâning, beredob." 15Anate je goiʹlene âni âdmi beretʹ duruʹne ar katha menlaʹ lagone. Ar Jisute âni âniren engatṭheʹ âcurketeʹ makidie.
16Anate sanamhoraʹ ontor botorte pereʹentakoa ar Issoraʹ gourobketeʹ menlaʹ lagonako, "Abo talare miʹhor marang nâbi hiʹkane. Issortedo Aiʹren âdmiko gorokolaʹte hiʹkane."
17Jisuoaʹ bisoite niâ sanam katha Jihudiâ prodisâm ar ananaʹ sorkorenaʹ sanam jagare pasnogena.
Johonte aiʹren celako Jisuṭheʹ kolkeʹkoe
(Mothi 11:2-19)
18Bâptisma emoʹiʹ Johonren celako niâko sanam ghoṭonanaʹ kathako Johon baṛesokidiako. Tâkhni Johonte aiʹren barya cela ṭâhukeʹkine, 19Probhuṭheʹ niâ katha kuliketeʹ kolkeʹkine, "Ekeyaʹ hijuʹaʹ katha menaʹa am ki ânikanam, se ale eṭaʹuniʹ laʹte ḍahar bengedale?"
20Ângkin âdmi Jisuṭheʹ hiʹketeʹ menkedakin, "Bâptismaemoʹiʹ Johonte Amṭheʹ âling kulimilaʹte kolkaʹlinge. Jeyaʹ hijuʹaʹ katha menaʹa amgiâm ki âni, se ale eṭaʹuniʹ laʹte ḍahar bengedale?"
21Ana somai Jisute aima âdmi ruâ khoiʹ, aima jontrona khoiʹ, kharap attate namuniʹ âdmiko ar aima ândhuâ âdmi manjakeʹkoe. 22Niâko sanam rikâ tayom Jisute Johonren cela metakeʹkine, "Aban ja lelkedaban ar atenkedaban ana caketeʹ Johon lâioiban. Âni baṛesoiban je, ândhuâ âdmi lelnamdako, khoṛako darankanako, kusṭo rugiko suciʹkanako, ṭhosa âdmiko aten namdako, goiʹonkhoiʹ jiuitʹ rakaboʹkanako, ar rangeʹ âdmikoṭheʹ manja khobor lâi hoʹkana. 23Ar dhonno âni âdmi ekedo monre ing atanging laʹte jahanaʹ badha bang tahentaia."
24Johonte eke kolleʹkine ângkin âdmi caʹlenkheʹ tayomte Jisute âdmiko Johonaʹ bisoite lâiokolaʹ lagone, "Apedo sansun jagare itâʹ lellaʹ calenape? Hoite hiluʹaʹ nol khagṛa? 25Ana bangkheʹ itâʹ lellaʹ calenape? Sundri lugri bhande miṭiʹ âdmi ki? Lelpe jeko âdmi dâmi dâmi lugri sorogako ar jakjomokketeʹ basoʹako angko to raj oraʹre tahanako. 26Ana bangkheʹ itâʹ lellaʹ calenape? Miṭiʹ nâbi ki? He, Ingte ape metapekâning, ânido nâbi khoiʹho maranggie. 27Johongie âni âdmi jeyaʹ bisoite Pobitro sastrore ol menaʹa,
'Lelme, Ingte ingren khobor emoʹiʹ amaʹ lahare koleikâning.
Âni Amaʹ lahare caketeʹ Amaʹ ḍahar sapretamheʹ.'#Malakhi 3:1
28Ingte ape metapekâning, âdmiko talare keho Johon khoiʹdo bang marangako. Taoho Issoraʹ Rajjo talaredo sanamkhoiʹ je kâṭiʹe âniho Johon khoiʹ marange."
29Aima âdmi emonki khajna engeonkhoiʹ ekekodo Johonṭheʹ bâptisma engeledako niâ katha atenketeʹ angkote Issor dhârmik mente atangkidiako. 30Kheʹ Forisiko ar dhormo masṭarko Johonṭheʹ Bâptisma engelaʹ osikârketeʹ angkoaʹ jiuire Issoraʹ icchâ bang atangledako.
31Jisu arho menkede, "Ana bangkheʹ niâ kalren âdmiko ingte eke suliʹ tulonakoinghâʹ? Angkodo alkanako? 32Angko nangkankhoiʹ kora kuriko laka jeko bajarre duruʹketeʹ miʹhorte ar miʹhor ṭâhuketeʹ menako,
'Ale ape laʹte bâsi orongkedale,
kheʹ ape bang eneʹlenape.
Ale ape laʹte duknaʹ siringkedale,
kheʹ ape bang raʹledape.'
33Karon Bâptisma emoʹiʹ Johon hiʹketeʹ piṭhâ bang jomlede ar ânggurnaʹ pâurâ bang nulede mente ape mendape, 'Ânido kharap attate sabkâdie.' 34Ar Âdmi Hopon hiʹketeʹ jom nukede mente ape mendape, 'Lelpe! Nâi âdmi khâku ar matlagie, pâpi ar khajna âdâionkhoiʹren gatekane.' 35Kheʹ gennaʹ odhinre jeko caʹako angkoaʹ jiuigi promane je, gengi ṭhikgiâ."
Probhu Jisu Forisi Simonaʹ oraʹre
36Miṭiʹ Forisite Jisu âniaʹ saote jomaʹ neota makidie, tâkhni Jisu âniaʹ oraʹre caketeʹ bhojre salaʹne.
37Ar lelpe ana sohorre miṭiʹ pâpi reja tahelene. Âni jâkhni baṛe darekede, Forisioaʹ oraʹre Jisu bhojre salaʹkane tâkhni âni miṭiʹ poṛonaʹ poṛ dirirenaʹ ṭhongaʹre so sunum âgukede. 38Tayomte Jisuoaʹ tayomre jangaṭheʹ caketeʹ tengone ar raʹ raʹte metʹdaʹte Âniaʹ janga lohottailaʹ lagone. Ana tayom âni âniaʹ bohoʹnaʹ upte Âniaʹ janga jotʹkeʹtaye ar Âniaʹ janga cetanre cumâketeʹ ana so sunum dulkede.
39Ar Je Forisite Jisu neotalidie âni niâ lelketeʹ mon monte menlaʹ lagone, "Judi nâi âdmi nâbi hoʹehote tahale baṛe dareʹehoteʹ, ekekane ar kalkaniʹ rejate Âniaʹ janga joṭedeʹtaye, âni rejato pâpigie."
40Tâkhnigi Jisute âni Forisi metakidie, "Simon am metamaʹ ingâʹ thoṛa menaʹtingâ."
Simon menkede, "Guru, men."
41Jisu menkede, "Jahegi miṭiʹ mahajonṭheʹ barya âdmi dinâr panca engeledakin. Miʹhordo pancalede moreso dinâr ar armiʹhordo engelede poncas dinâr. 42Ânkinaʹ ekeoaʹho panca sod maiaʹ khomota bang tahalentâkinâ mente ânite baranhorgi mapkeʹkine. Tahale menbhalaʹ leling ângkin talare ekete âni mahajon bisi dulâriheʹ?"
43Simon menkede, "Ingâʹ bicârte, jeyaʹ bisi panca map hoʹkantaya ânite."
Jisute âni metakidie, "Am ṭhikgi menkadam." 44Inâ tayom Jisu âni reja hate moca âcurketeʹ Simon metakidie, "Amte nâi reja leleikanam. Ing amaʹ oraʹre hiʹlenkheʹ tayomte amte ing janga âruboʹlaʹ daʹ bang makâdiâm, kheʹ nâi rejate âniaʹ metʹ daʹte ingâʹ janga lohotʹketeʹ âniaʹ ubte jotʹkaʹtinge. 45Amte ing subheccha mang laʹte bang cumâkâdiâm, kheʹ ing oraʹre hiʹ tayom khoiʹgi ânite ingâʹ janga cumâʹtinge. 46Amte ing subheccha mang laʹte bohoʹre sunum bang ojoʹkudingam, kheʹ âni ingâʹ janga cetanre so sunum dulkade. 47Anate Ingte am metamkânig, ânite bisi dulârkâdinge, âniaʹ pap aima hoʹreho ana mapkantaya. Jeyaʹ thoṛa pap map hoʹa âni thoṛagi dulâr uduge."
48Tayomte Jisute âni reja metakidie, "Amaʹ pap map hokantama."
49Jeko Jisu saote jomlaʹ duruʹlenako, angko mon monte menlaʹ lagonako, "Nâi ekekane, je papho khomeye?"
50Jisute tâkhni âni reja metakidie, "Am pâtyukanam mente pap khoiʹ bacokanam. Sântite cagen."
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh