Luk 9
9
Jisute baroṭeʹ cela procarlaʹ kolkeʹkoe
(Mothi 10:5-15; Mark 6:7-13)
1Niâ tayom Jisute angko baroṭeʹ cela ṭâhuketeʹ miʹṭheʹkeʹkoe ar sanam kharap attako cetanre sukti ar odhikar makeʹkoe. Ânite angko rogko manja dareʹaʹ khomotaho makeʹkoe. 2Inâtayom Ânite angko Issoraʹ rajjonaʹ bisoite procarlaʹ ar rugiko manjakolaʹte kolkeʹkoe. 3Ânite angko metakeʹkoe, "Apedo ḍahar laʹte hapa, beg, jomaʹ se ṭhep itâʹgi alo engeyape, emon ki, baryaketeʹ angaho bang. 4Je oraʹre ape bolonpehaʹ ana ṭola bang bâgiʹ dhâbiʹ ana oraʹrigi tahenape. 5Judi âdmikote ape bang atangpeyako tahale angkoaʹ ṭola bâgiketeʹ caʹ somai apeyaʹ janganaʹ dhurâ koṭaketeʹ giṛiape, jate anagi angkoaʹ biruddhore sakkho maʹe."
6Tayomte angkodo ṭola ṭola caketeʹ Issoraʹ rajjonaʹ manja khobor procarlaʹte ar ruâko manjetakolaʹ lagonako.
7Jisu ja rikisane anako sanam katha atenketeʹ Gâlilren sasoniʹ Herod itâʹgi bujhu bang darelede. Nanaʹ karon hoʹkana, ekekodo mensanako Bâptisma emoʹiʹ, "Johon goiʹ khoiʹ jiuitʹ beretʹkane." 8Ekekodo mensanako "Elio sodorkane" arho ekekodo mensanako "Laharen jahe miʹhor nâbi jiuitʹ beretʹkane." 9Herod menkede, "Ingteto Johonaʹ bohoʹ getʹkaʹtâing. Tahale jeyaʹ bisoite ing nako katha atending, ânido ekekane?" Herodte Jisu leleilaʹte kurumuṭilaʹ lagone.
Jisute more hajar âdmi jomlaʹ makeʹkoe
(Mothi 14:13-21; Mark 6:30-44; Johon 6:1-14)
10Inâ tayom preritko ja ja rikâledako, âcur hiʹketeʹ ananaʹ sanamaʹgi angkote Jisu lâiodiâko. Ar Ânido angko saore engeketeʹ gan gante boithsoida sohorre cane. 11Kheʹ âdmiko ana baṛe namketeʹ Âniaʹ tayom tayomte caʹlaʹ lagonako, Ar Jisute angko daramkeʹkoe ar angkoṭheʹ Issoraʹ rajjonaʹ bisoite katha menkede ar ekekoaʹ ruâ khoiʹ manjoʹaʹ dorkar tahelentakoa, angko manjakeʹkoe.
12Jâkhni bela caba hijuʹsana tâkhni angko baroṭeʹ celate hiʹketeʹ Jisu metakidiako, "Abo jeṭheʹ menaʹboa anado miṭiʹ sansun jagakâniʹ. Anate neko âdmi bidâi makom jate angko sorkorenaʹ ṭolakore caketeʹ jomaʹ ar tahenaʹ jaga sendrange dareʹako." 13Jisute angko metakeʹkoe, "Apetigi jomlaʹ makope."
Angko menkedako, "Kheʹ aleṭheʹdo moreṭeʹ piṭhâ ar barya hako bâgiketeʹ ar itâʹgi bânuʹa. Ale judi caketeʹ kebol neko âdmi laʹte jomaʹ kiringketeʹ âgu dareʹalehoteʹ tahale angko khaoyo jutuʹakohoteʹ." 14Aṛe kom bisi more hajar laka korahopon tahelenako.
Jisute Aiʹren celako metakeʹkoe, "Sanam dolre Poncasṭeʹketeʹ sanamkhoiʹ duruʹgirikope."
15Celakote engkaketeʹgi sanam âdmi duruʹkeʹkoako. 16Inâ tayom Jisu ana moreṭeʹ piṭhâ ar ângkin barya hako engeketeʹ sorgohate koyoʹketeʹ âsirbad makede ar kecaʹketeʹ celako makeʹkoe âdmiko makolaʹte. 17Âdmiko sanamkhoiʹ laiʹ biketeʹ jomkedako. Tayomte akako jomaʹko ujuʹ tahelena anakote baroṭeʹ pâichâʹ pereʹna.
Jisugi Khrisṭokane
(Mothi 16:13-19; Mark 8:27-29)
18Miʹ jhikâ Jisu miṭiʹ sansun jagare koijongsane. Âni saote kebol Âniren celakogi tahelenako. Ânite angko kulikeʹkoe, "Ingdo ekekâning, Niâ bisoite âdmiko itâʹ menako?"
19Celako menkedako, "Ekekodo menako Amdo bâptisma emoʹiʹ Johonkanam. Ekekodo menako Eliokanam. Arho ekekodo menako aimadin laharen miʹhor nâbi jiuitʹ rakabkane."
20Jisu angkote metakidiako, "Kheʹ apedo itâʹ menape, Ingdo ekekâning?"
Pitor menkede, "Amdo Issorreʹ âni Khrisṭokanam."
Jisuoaʹ goiʹ ar jiuitʹ rakaboʹaʹ bisoite bhobissot bâni
(Mothi 16:21-28; Mark 8:30-9:1)
21Tâkhni Jisute angko keṭeʹte sabdhankeʹkoe ar hukum makeʹkoe jate angkote ekegi niâ katha bang laiokoako.
22Ânite angko arho metakeʹkoe, "Âdmi Hopondo aima dukh sahelaʹ hoʹtaihaʹ. Harme netako, marang purohitko ar dhormo masṭarkote Âni bang atangiâko. Âni gojekohaʹ ar pe dinnaʹ dinre Âni goiʹ khoiʹ jiuitʹketeʹ rakaboʹlaʹ hoʹtaihaʹ."
23Ar Ânite sanamkhoiʹ metakeʹkoe, "Judi ekeho Ing saote hijuʹlaʹ name tahale ânido nijegi osikâroʹmane, ânido dinâm din nijeoaʹ kurus goʹ engemane ar Ing panjangmane. 24Karon jahegi nijeyaʹ jiui bacelaʹ namako, angkodo ana adkohaʹ, kheʹ jahegi Ing karonte aiaʹ jiui ade, tahale âni ana baceheʹ. 25Jahe judi goṭa dhârti namketeʹ ana badalte aiaʹ sâri jiui ade tahale âniaʹdo itâʹ labh hontaia? 26Judi jahegi Ing ar Ingâʹ katha lie giugoʹako, tahale Âdmi Hopon giugoʹheʹ, jâkhni Ânido Aiaʹ mohimate ar Botaʹ ar pobitro sorgodutkoaʹ mohimate hijuʹheʹ. 27Kheʹ Ingte ape sârigi metapekâning, jeko naṛe tengo menaʹkoa, angko bhitârre emon koekhor menaʹkoa, ekekodo, tin dhâbiʹ bang Issoraʹ rajjo lelkohaʹ, indhâbiʹ jahan lakatigi angko oho gojoʹako."
Mosi, Elio ar Jisu
(Mothi 17:1-8; Mark 9:2-8)
28Niâko katha mennaʹ aṭdin tayom, Jisute Pitor, Johon ar Jakob saote engeketeʹ koijong laʹte miṭiʹ burure rakapne. 29Koijong somai Jisuoaʹ cehara badlogentaia ar Âniaʹ lugri cithriʹ aima porgentaia, 30Ar lelnamna, barya âdmi Jisu suliʹ katha mensanakin, ângkindo tahelenakin Mosi ar Elio. 31Ângkin mohima suliʹ sodornâkin. Ar Ânioaʹ goiʹnaʹ bisoite katha menlaʹ lagonâkin, akaṭaʹdo Âni Jirusalemre purilaʹte caʹkane. 32Pitor ar Âniren gateko ana somai jâpitʹsanako. Angkote beretʹketeʹ Jisuoaʹ mohima lelnamkedako ar Âni saote tengo ângkin barya âdmiho lelnamkeʹkinâko. 33Jâkhni Mosi ar Elio Jisuṭheʹ khoiʹ cagensanakin tâkhni Pitorte Jisu metakidie, "Guru, bhalogi hokâniʹ je, abo naṛe menaʹboa. Ale naṛe peya tâmbu baneyale, miṭiʹ Amlaʹte miṭiʹ Mosi laʹte ar miṭiʹ Elio laʹte." Âni je itâʹ mensane ana âiʹgi bang bujhu darelede.
34Pitor jâkhni katha mensane, tâkhni miṭiʹ bâdri hiʹketeʹ angko dapalkeʹkoe. Angko ana bâdrite dapallenkheʹ tayomte celako botornako. 35Ar bâdri khoiʹ miṭiʹ gala aten namna, "Nigie Ingren Hopon, Ekedo Ingte bachongekâdiying. Apedo Nâiaʹ katha atenpe."
36Jâkhni gala thirgena tâkhni lelna Jisu eskargi miniâ. Celako ja lelledako anako ana somai ekeho jahanaʹ bang menketeʹ angkodo thirketeʹ tahenako.
Bongate sabuniʹ koragidrâ manjane
(Mothi 17:14-18; Mark 9:14-27)
37Dosar hiluʹ Jisu ar angko pehor cela buru khoiʹ agro hiʹlenkheʹ tayomte aima âdmi Jisu suliʹ napamoʹ laʹte hiʹnako. 38Tâkhni bhiṛ tala khoiʹ miṭiʹ âdmi garjoketeʹ Jisu metakidie, "Guru, aima nehormikâning ingren nâi koragidrâ lelei. Nâi ingren miṭiʹgitinge koragidrâ. 39Âni miṭiʹ kharap attate sabeye ar âni hoṭat garjoʹe. Âni kharap attate jâkhni macroketeʹ sabeye tâkhni ânioaʹ mocatora foto oṛogoʹtaia. Ar aima kosṭo ma tayomgi ânite âni bâgigirie. 40Ingte Amren celako aima nehorleʹkoing angkote jate âni atta coṭaʹgiriako, kheʹ angkote bang darelidiako."
41Tâkhni Jisu menkede, "Binpâtyu ar khapṭan âdmiko, ar tiniʹdin Ing ape saote taheninghâʹ ar ape sojjopeinghâʹ? Amreʹ koragidrâ naṛe âgui."
42Âni koragidrâ Jâkhni hijuʹsane tâkhni âni kharap attate âni hasre taoaʹketeʹ macroilaʹ lagone. Anate Jisute âni kharap atta dhamkokidie ar âni kora gidrâ manjaketeʹ âniren botṭheʹ âcur makidie. 43Issor je tiniʹ marange ana lelketeʹ sanamkhoiʹ asarjogenako.
Jisudo Aiʹaʹ goiʹ somporke arho menkede
(Mothi 8:22-23; Mark 9:30-32)
Jisu ja rikisane ana bisoite sanamkhoiʹ jâkhni asarjolenako tâkhni Ânite Aiʹren celako metakeʹkoe, 44"Ingâʹ niâ katha monte atenpe, Âdmi Hopondo Aiʹren sutrukoṭheʹ sabso hoʹhaʹ." 45Kheʹ Jisuoaʹ niâ katha celako bang bujhu dareledako ar niâdo Issor angkoṭheʹ khoiʹ baigi doholede, jate angko bujhu bang dareʹako. Ar ana kathanaʹ bisoite Jisu kuliyi laʹte angko botornako.
Eke sanam khoiʹ marange
(Mothi 18:1-5; Mark 9:33-37)
46Celako bhitârre eke sanam khoiʹ marange ana bisoite angko talare torko hoʹsantakoa. 47Jisute angkoaʹ monnaʹ cintâ bujhu dareketeʹ miṭiʹ kâṭiʹ gidrâ âguketeʹ Aiaʹ sorre tengokidie, 48Ar angko metakeʹkoe, "Jahetigi nâi kâṭiʹ gidrâ Ingâʹ nutumte atangiâko, ânitedo Inggi atangingâko, Ar jahetigi Ing atanginge, Ing jete kolkâdinge ânitedo Ânigi atanginge, Karon ape talare je âdmi sanam khoiʹ kâṭiʹe ânigi marange."
49Johonte Jisu metakidie, "Guru, alete miṭiʹ âdmi Amaʹ nutumte kharap atta coṭaʹkote lelkâdiale. Ar âni âdmido abo dolren bangkane. Niâ karonte alete âni manakâdiale."
50Kheʹ Jisute âni metakidie, "Apete âni alo manaiape, Karon je apeyaʹ bipokkhe bangkane, ânido apeyaʹ pokkhe miniâ."
Somoriâ ṭolare Jisu atangilaʹte osikârkedako
51Jâkhni Jisuoaʹ sorgore caʹaʹ somai ho hiʹentaia tâkhni Âni Jirusalem caʹlaʹte mon ṭhikkeʹtene. 52Ânitedo laharigi Somoriâre âdmiko kolgirikeʹkoe. Angkodo caketeʹ aṛe miṭiʹ ṭolare bolonako jate Jisu laʹte ayojon dareʹako. 53Kheʹ Jisu Jirusalem caʹkane mente ana ṭolaren âdmikote Âni bang atanglidiako. 54Niâ lelketeʹ Âniren cela Jakob ar Johon menkedakin, "Probhu, Amdo itâʹ koidam, aleho ki nako dhongsoko laʹte sorgo khoiʹ sengel agro hijuʹlaʹte menale?" 55Tâkhni Jisu angko hate moca âcurketeʹ angko dhamkokeʹkoe.
56Tayomte angko eṭaʹ ṭolare calonako.
Jisu panjaiaʹ bisoite upodes
(Mothi 8:19-22)
57Angko caʹ somai ḍaharre miʹhorte Jisu metakidie, "Am jaharigi caʹmahaʹ ingho Am saote eṛegi caʹinghâʹ."
58Jisute âni metakidie, "Toyoaʹ ḍhonḍroʹ menaʹtakoa, ar sermaren cereoaʹ kondhaʹ menaʹtakoa, kheʹ Âdmi Hoponaʹ akareho bohoʹ doheyaʹ jaga bânuʹtaia."
59Jisute ar miṭiʹ âdmi metakidie, "Am Ing saote dang."
Kheʹ âni menkede, "Probhu, palhere ingren baba hasṭhoketeʹ âcur hiʹsong."
60Kheʹ Jisute âni metakidie, "Goiʹonkhoiʹtigi akoren goiʹ âdmi topakomanako, kheʹ amdo caketeʹ Issoraʹ rajjo bisoite procarme."
61Ar miṭiʹ âdmi menkede, "Probhu, ingte Am panjamihuʹ ar amren cela hoʹhuʹ, kheʹ lahate ing ingâʹ oraʹ khoiʹ bidâi engeketeʹ hiʹsong."#9:61 Jisu bang menkade je, abo aboaʹ poribarnaʹ joton bang enge dareʹabo. Ânite bujhukolaʹ namkade je, abote Âni obossoi panjailaʹte akalakanaʹho bang ojuhatabo.
62Kheʹ Jisute âni metakidie, "Nahelre ti dohoketeʹ eke âdmi tayomhate koyoge, ânido Issoraʹ Rajjoniʹ upojukto bangkane."
Currently Selected:
Luk 9: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Luk 9
9
Jisute baroṭeʹ cela procarlaʹ kolkeʹkoe
(Mothi 10:5-15; Mark 6:7-13)
1Niâ tayom Jisute angko baroṭeʹ cela ṭâhuketeʹ miʹṭheʹkeʹkoe ar sanam kharap attako cetanre sukti ar odhikar makeʹkoe. Ânite angko rogko manja dareʹaʹ khomotaho makeʹkoe. 2Inâtayom Ânite angko Issoraʹ rajjonaʹ bisoite procarlaʹ ar rugiko manjakolaʹte kolkeʹkoe. 3Ânite angko metakeʹkoe, "Apedo ḍahar laʹte hapa, beg, jomaʹ se ṭhep itâʹgi alo engeyape, emon ki, baryaketeʹ angaho bang. 4Je oraʹre ape bolonpehaʹ ana ṭola bang bâgiʹ dhâbiʹ ana oraʹrigi tahenape. 5Judi âdmikote ape bang atangpeyako tahale angkoaʹ ṭola bâgiketeʹ caʹ somai apeyaʹ janganaʹ dhurâ koṭaketeʹ giṛiape, jate anagi angkoaʹ biruddhore sakkho maʹe."
6Tayomte angkodo ṭola ṭola caketeʹ Issoraʹ rajjonaʹ manja khobor procarlaʹte ar ruâko manjetakolaʹ lagonako.
7Jisu ja rikisane anako sanam katha atenketeʹ Gâlilren sasoniʹ Herod itâʹgi bujhu bang darelede. Nanaʹ karon hoʹkana, ekekodo mensanako Bâptisma emoʹiʹ, "Johon goiʹ khoiʹ jiuitʹ beretʹkane." 8Ekekodo mensanako "Elio sodorkane" arho ekekodo mensanako "Laharen jahe miʹhor nâbi jiuitʹ beretʹkane." 9Herod menkede, "Ingteto Johonaʹ bohoʹ getʹkaʹtâing. Tahale jeyaʹ bisoite ing nako katha atending, ânido ekekane?" Herodte Jisu leleilaʹte kurumuṭilaʹ lagone.
Jisute more hajar âdmi jomlaʹ makeʹkoe
(Mothi 14:13-21; Mark 6:30-44; Johon 6:1-14)
10Inâ tayom preritko ja ja rikâledako, âcur hiʹketeʹ ananaʹ sanamaʹgi angkote Jisu lâiodiâko. Ar Ânido angko saore engeketeʹ gan gante boithsoida sohorre cane. 11Kheʹ âdmiko ana baṛe namketeʹ Âniaʹ tayom tayomte caʹlaʹ lagonako, Ar Jisute angko daramkeʹkoe ar angkoṭheʹ Issoraʹ rajjonaʹ bisoite katha menkede ar ekekoaʹ ruâ khoiʹ manjoʹaʹ dorkar tahelentakoa, angko manjakeʹkoe.
12Jâkhni bela caba hijuʹsana tâkhni angko baroṭeʹ celate hiʹketeʹ Jisu metakidiako, "Abo jeṭheʹ menaʹboa anado miṭiʹ sansun jagakâniʹ. Anate neko âdmi bidâi makom jate angko sorkorenaʹ ṭolakore caketeʹ jomaʹ ar tahenaʹ jaga sendrange dareʹako." 13Jisute angko metakeʹkoe, "Apetigi jomlaʹ makope."
Angko menkedako, "Kheʹ aleṭheʹdo moreṭeʹ piṭhâ ar barya hako bâgiketeʹ ar itâʹgi bânuʹa. Ale judi caketeʹ kebol neko âdmi laʹte jomaʹ kiringketeʹ âgu dareʹalehoteʹ tahale angko khaoyo jutuʹakohoteʹ." 14Aṛe kom bisi more hajar laka korahopon tahelenako.
Jisute Aiʹren celako metakeʹkoe, "Sanam dolre Poncasṭeʹketeʹ sanamkhoiʹ duruʹgirikope."
15Celakote engkaketeʹgi sanam âdmi duruʹkeʹkoako. 16Inâ tayom Jisu ana moreṭeʹ piṭhâ ar ângkin barya hako engeketeʹ sorgohate koyoʹketeʹ âsirbad makede ar kecaʹketeʹ celako makeʹkoe âdmiko makolaʹte. 17Âdmiko sanamkhoiʹ laiʹ biketeʹ jomkedako. Tayomte akako jomaʹko ujuʹ tahelena anakote baroṭeʹ pâichâʹ pereʹna.
Jisugi Khrisṭokane
(Mothi 16:13-19; Mark 8:27-29)
18Miʹ jhikâ Jisu miṭiʹ sansun jagare koijongsane. Âni saote kebol Âniren celakogi tahelenako. Ânite angko kulikeʹkoe, "Ingdo ekekâning, Niâ bisoite âdmiko itâʹ menako?"
19Celako menkedako, "Ekekodo menako Amdo bâptisma emoʹiʹ Johonkanam. Ekekodo menako Eliokanam. Arho ekekodo menako aimadin laharen miʹhor nâbi jiuitʹ rakabkane."
20Jisu angkote metakidiako, "Kheʹ apedo itâʹ menape, Ingdo ekekâning?"
Pitor menkede, "Amdo Issorreʹ âni Khrisṭokanam."
Jisuoaʹ goiʹ ar jiuitʹ rakaboʹaʹ bisoite bhobissot bâni
(Mothi 16:21-28; Mark 8:30-9:1)
21Tâkhni Jisute angko keṭeʹte sabdhankeʹkoe ar hukum makeʹkoe jate angkote ekegi niâ katha bang laiokoako.
22Ânite angko arho metakeʹkoe, "Âdmi Hopondo aima dukh sahelaʹ hoʹtaihaʹ. Harme netako, marang purohitko ar dhormo masṭarkote Âni bang atangiâko. Âni gojekohaʹ ar pe dinnaʹ dinre Âni goiʹ khoiʹ jiuitʹketeʹ rakaboʹlaʹ hoʹtaihaʹ."
23Ar Ânite sanamkhoiʹ metakeʹkoe, "Judi ekeho Ing saote hijuʹlaʹ name tahale ânido nijegi osikâroʹmane, ânido dinâm din nijeoaʹ kurus goʹ engemane ar Ing panjangmane. 24Karon jahegi nijeyaʹ jiui bacelaʹ namako, angkodo ana adkohaʹ, kheʹ jahegi Ing karonte aiaʹ jiui ade, tahale âni ana baceheʹ. 25Jahe judi goṭa dhârti namketeʹ ana badalte aiaʹ sâri jiui ade tahale âniaʹdo itâʹ labh hontaia? 26Judi jahegi Ing ar Ingâʹ katha lie giugoʹako, tahale Âdmi Hopon giugoʹheʹ, jâkhni Ânido Aiaʹ mohimate ar Botaʹ ar pobitro sorgodutkoaʹ mohimate hijuʹheʹ. 27Kheʹ Ingte ape sârigi metapekâning, jeko naṛe tengo menaʹkoa, angko bhitârre emon koekhor menaʹkoa, ekekodo, tin dhâbiʹ bang Issoraʹ rajjo lelkohaʹ, indhâbiʹ jahan lakatigi angko oho gojoʹako."
Mosi, Elio ar Jisu
(Mothi 17:1-8; Mark 9:2-8)
28Niâko katha mennaʹ aṭdin tayom, Jisute Pitor, Johon ar Jakob saote engeketeʹ koijong laʹte miṭiʹ burure rakapne. 29Koijong somai Jisuoaʹ cehara badlogentaia ar Âniaʹ lugri cithriʹ aima porgentaia, 30Ar lelnamna, barya âdmi Jisu suliʹ katha mensanakin, ângkindo tahelenakin Mosi ar Elio. 31Ângkin mohima suliʹ sodornâkin. Ar Ânioaʹ goiʹnaʹ bisoite katha menlaʹ lagonâkin, akaṭaʹdo Âni Jirusalemre purilaʹte caʹkane. 32Pitor ar Âniren gateko ana somai jâpitʹsanako. Angkote beretʹketeʹ Jisuoaʹ mohima lelnamkedako ar Âni saote tengo ângkin barya âdmiho lelnamkeʹkinâko. 33Jâkhni Mosi ar Elio Jisuṭheʹ khoiʹ cagensanakin tâkhni Pitorte Jisu metakidie, "Guru, bhalogi hokâniʹ je, abo naṛe menaʹboa. Ale naṛe peya tâmbu baneyale, miṭiʹ Amlaʹte miṭiʹ Mosi laʹte ar miṭiʹ Elio laʹte." Âni je itâʹ mensane ana âiʹgi bang bujhu darelede.
34Pitor jâkhni katha mensane, tâkhni miṭiʹ bâdri hiʹketeʹ angko dapalkeʹkoe. Angko ana bâdrite dapallenkheʹ tayomte celako botornako. 35Ar bâdri khoiʹ miṭiʹ gala aten namna, "Nigie Ingren Hopon, Ekedo Ingte bachongekâdiying. Apedo Nâiaʹ katha atenpe."
36Jâkhni gala thirgena tâkhni lelna Jisu eskargi miniâ. Celako ja lelledako anako ana somai ekeho jahanaʹ bang menketeʹ angkodo thirketeʹ tahenako.
Bongate sabuniʹ koragidrâ manjane
(Mothi 17:14-18; Mark 9:14-27)
37Dosar hiluʹ Jisu ar angko pehor cela buru khoiʹ agro hiʹlenkheʹ tayomte aima âdmi Jisu suliʹ napamoʹ laʹte hiʹnako. 38Tâkhni bhiṛ tala khoiʹ miṭiʹ âdmi garjoketeʹ Jisu metakidie, "Guru, aima nehormikâning ingren nâi koragidrâ lelei. Nâi ingren miṭiʹgitinge koragidrâ. 39Âni miṭiʹ kharap attate sabeye ar âni hoṭat garjoʹe. Âni kharap attate jâkhni macroketeʹ sabeye tâkhni ânioaʹ mocatora foto oṛogoʹtaia. Ar aima kosṭo ma tayomgi ânite âni bâgigirie. 40Ingte Amren celako aima nehorleʹkoing angkote jate âni atta coṭaʹgiriako, kheʹ angkote bang darelidiako."
41Tâkhni Jisu menkede, "Binpâtyu ar khapṭan âdmiko, ar tiniʹdin Ing ape saote taheninghâʹ ar ape sojjopeinghâʹ? Amreʹ koragidrâ naṛe âgui."
42Âni koragidrâ Jâkhni hijuʹsane tâkhni âni kharap attate âni hasre taoaʹketeʹ macroilaʹ lagone. Anate Jisute âni kharap atta dhamkokidie ar âni kora gidrâ manjaketeʹ âniren botṭheʹ âcur makidie. 43Issor je tiniʹ marange ana lelketeʹ sanamkhoiʹ asarjogenako.
Jisudo Aiʹaʹ goiʹ somporke arho menkede
(Mothi 8:22-23; Mark 9:30-32)
Jisu ja rikisane ana bisoite sanamkhoiʹ jâkhni asarjolenako tâkhni Ânite Aiʹren celako metakeʹkoe, 44"Ingâʹ niâ katha monte atenpe, Âdmi Hopondo Aiʹren sutrukoṭheʹ sabso hoʹhaʹ." 45Kheʹ Jisuoaʹ niâ katha celako bang bujhu dareledako ar niâdo Issor angkoṭheʹ khoiʹ baigi doholede, jate angko bujhu bang dareʹako. Ar ana kathanaʹ bisoite Jisu kuliyi laʹte angko botornako.
Eke sanam khoiʹ marange
(Mothi 18:1-5; Mark 9:33-37)
46Celako bhitârre eke sanam khoiʹ marange ana bisoite angko talare torko hoʹsantakoa. 47Jisute angkoaʹ monnaʹ cintâ bujhu dareketeʹ miṭiʹ kâṭiʹ gidrâ âguketeʹ Aiaʹ sorre tengokidie, 48Ar angko metakeʹkoe, "Jahetigi nâi kâṭiʹ gidrâ Ingâʹ nutumte atangiâko, ânitedo Inggi atangingâko, Ar jahetigi Ing atanginge, Ing jete kolkâdinge ânitedo Ânigi atanginge, Karon ape talare je âdmi sanam khoiʹ kâṭiʹe ânigi marange."
49Johonte Jisu metakidie, "Guru, alete miṭiʹ âdmi Amaʹ nutumte kharap atta coṭaʹkote lelkâdiale. Ar âni âdmido abo dolren bangkane. Niâ karonte alete âni manakâdiale."
50Kheʹ Jisute âni metakidie, "Apete âni alo manaiape, Karon je apeyaʹ bipokkhe bangkane, ânido apeyaʹ pokkhe miniâ."
Somoriâ ṭolare Jisu atangilaʹte osikârkedako
51Jâkhni Jisuoaʹ sorgore caʹaʹ somai ho hiʹentaia tâkhni Âni Jirusalem caʹlaʹte mon ṭhikkeʹtene. 52Ânitedo laharigi Somoriâre âdmiko kolgirikeʹkoe. Angkodo caketeʹ aṛe miṭiʹ ṭolare bolonako jate Jisu laʹte ayojon dareʹako. 53Kheʹ Jisu Jirusalem caʹkane mente ana ṭolaren âdmikote Âni bang atanglidiako. 54Niâ lelketeʹ Âniren cela Jakob ar Johon menkedakin, "Probhu, Amdo itâʹ koidam, aleho ki nako dhongsoko laʹte sorgo khoiʹ sengel agro hijuʹlaʹte menale?" 55Tâkhni Jisu angko hate moca âcurketeʹ angko dhamkokeʹkoe.
56Tayomte angko eṭaʹ ṭolare calonako.
Jisu panjaiaʹ bisoite upodes
(Mothi 8:19-22)
57Angko caʹ somai ḍaharre miʹhorte Jisu metakidie, "Am jaharigi caʹmahaʹ ingho Am saote eṛegi caʹinghâʹ."
58Jisute âni metakidie, "Toyoaʹ ḍhonḍroʹ menaʹtakoa, ar sermaren cereoaʹ kondhaʹ menaʹtakoa, kheʹ Âdmi Hoponaʹ akareho bohoʹ doheyaʹ jaga bânuʹtaia."
59Jisute ar miṭiʹ âdmi metakidie, "Am Ing saote dang."
Kheʹ âni menkede, "Probhu, palhere ingren baba hasṭhoketeʹ âcur hiʹsong."
60Kheʹ Jisute âni metakidie, "Goiʹonkhoiʹtigi akoren goiʹ âdmi topakomanako, kheʹ amdo caketeʹ Issoraʹ rajjo bisoite procarme."
61Ar miṭiʹ âdmi menkede, "Probhu, ingte Am panjamihuʹ ar amren cela hoʹhuʹ, kheʹ lahate ing ingâʹ oraʹ khoiʹ bidâi engeketeʹ hiʹsong."#9:61 Jisu bang menkade je, abo aboaʹ poribarnaʹ joton bang enge dareʹabo. Ânite bujhukolaʹ namkade je, abote Âni obossoi panjailaʹte akalakanaʹho bang ojuhatabo.
62Kheʹ Jisute âni metakidie, "Nahelre ti dohoketeʹ eke âdmi tayomhate koyoge, ânido Issoraʹ Rajjoniʹ upojukto bangkane."
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh