Mark 11
11
Jisu Jirusalemte bolone
(Mothi 21:1-11; Luk 19:28-40; Johon 12:12-19)
1Jâkhni angko Jirusalem sorkore pâhcunako tâkhni Joitun burunaʹ kandhatora Boitfogi ar Boithoniâ ṭolaṭheʹ hiʹnako. Aṛe Jisute Aiʹren celako talakhoiʹ barya cela kolkeʹkine, 2ângkin metakeʹkine, aban ana lahanaʹ ṭola caʹban. Ṭolare bolon somai lel namebanhaʹ miṭiʹ gadha hopon aṛe tol miniâ. Âni cetanre ekeho tisho bang deʹkanako. Âni laṛaketeʹ naṛe aguiban. 3Jahete judi aban kulibanako, 'Ceklaʹ aban nakadaben?' Aban menbanhaʹ, 'Probhuaʹ dorkar menaʹtaya, ânite âni gadha saṭlakagi âcurketeʹ koleiheʹ.'"
4Tâkhni ânkin caketeʹ lelkedakin, gadha hopon ḍahar kandhanaʹ oraʹ duârṭheʹ tolminiâ. Ânkin jâkhni gadhaoaʹ tol larasanakin, 5tâkhni ekeko aṛe tenggo tahalenako angko menkedako, "Aban itâʹ cikidaban? Gadha hopon laradiâban ceklaʹ?" 6Jisute itâʹ menlaʹ metaleʹkine ângkinte anagi metakeʹkoakin. Tâkhni âdmikote ângkin gadha idisokeʹkinâko.
7Tayomte ângkin âni gadha hopon Jisuṭheʹ âguketeʹ âni cetanre ângkâninaʹ hormonaʹ lugri citriʹ aṭetkedako. Ar Jisu âni cetanre duruʹne. 8Tâkhni aima âdmi angkoaʹ hormonaʹ lugri citriʹ ḍahar cetanre aṭetkedako, ar eṭaʹonkodo maṭnaʹ dareko khoiʹ sakamsuliʹ ḍhâr get âguketeʹ saṛakre aṭetkedako. 9Ar ekeko Jisuoaʹ lahate ar tainomte caʹsanako angko cilluketeʹ menlaʹ lagonako,
Hosanna!#11:9 Hosanna Nado miṭiʹ Hibru kathakana akanaʹ mane hoʹkana "bacong" Issorṭheʹ koijonglaʹte beboharoʹa. Naṛe Issor ar Mosihoaʹ prosongsalaʹte beboharkana.
'Dhonno âni, Ekedo Probhu nutumte hijuʹkane!'#Siringko 118:25-26
10Aboren baba Dâudaʹ aka rajjo hijuʹkana ananaʹ dhonno hoʹmana.
Sorgoreho hosanna!"
11Tayomte Jisu Jirusalem caketeʹ Mundirre bolone ar câryunakhanaʹ sanamgi koioʹketeʹ lelkede, kheʹ bela ḍubulena mente Aiʹren baroṭeʹ celako lie Âni Boithoniâ calogene.
Jisu loa dari obhisap makede
(Mothi 21:18-19)
12Tayom hiluʹ jâkhni angko Boithoniâ bâgiketeʹ caʹsanako tâkhni Jisu rangeʹkidiâ. 13Ar Âni sâhing khoiʹ sakamte dhapan miṭiʹ loa dare lelketeʹ anare jahan jo menaʹa sebang ana lellaʹ calone. Sorre caketeʹ Âni anare sakam bâgiketeʹ ar itâʹho bang lel namlede. Ceklaʹ bang tâkhni loa joʹaʹ somai bang tahekana. 14Inâ tayom Jisu ana dare metakidie, "Ar tisho ekeho jate amaʹ jo bang jomako." Celako Jisuoaʹ niâ katha aten namkedako.
Jisu Mundir sâfâkede
(Mothi 21:12-16, 19-22; Luk 19:45-47; Johon 2:13-16)
15Jirusalemre pâchuketeʹ Jisu Mundir bolone ar aṛe ekeko kiring âkhringsanako angko târyukeʹkoe. Âni ṭhep badal emoʹonko âdmikoaʹ ṭebil ar ekeko paroa âkhringkosanako angkoaʹ durub jaiga ulṭugirikeʹtakoe. 16Ar Mundirnaʹ talatora Âni aka kiring âkhringaʹ jinis bang idisoleʹkoe. 17Ar cetʹoko somai Ânite angko âdmiko metakeʹkoe, "Sastrorre ki na katha ol bânuʹa je, 'Ingâʹ oraʹdo sanam jâtaʹ koijongnaʹ oraʹ men hoʹa?'#Jisaio 56:7 Kheʹ ape nado dâkâtaʹ aḍḍakhana teyarkadape."#Jiromio 7:11
18Marang purohitko ar dhormo masṭarko na katha atenkedako. Niâtayom angkote Jisu gojeilaʹ upâi sendralaʹ lagonako. Angkote Jisu botorai sanako. Karon âdmiko Jisuoaʹ cedaʹre asarjo gelenako. 19Ar âyub lenkheʹ celako liye Jisu sohornaʹ barhere calogene.
Loa dare
(Mothi 21:20-22)
20Setaʹbela ana ḍaharte âcur hijuʹ somai celako lelkedako ana loa dare jar suddho lohorgekana. 21Jisuoaʹ katha disâketeʹ Pitor menkede, "Guru, lelme, aka loa dare am sarap maledam ana lohorgekana."
22Uttore Jisute celako metakeʹkoe, "Issor cetanre pâtyu dohepe. 23Ingte ape sârigi metapekâning, judi jahe ontorre jahanaʹ sondeho bang dohoketeʹ niâ buru metaʹe, 'Rakabketeʹ gangare ujugob' ar pâtyuʹe je, âni ja menkede anagi hoʹhaʹ, tobe âni laʹte anagi rikâ hoʹhaʹ. 24Niâ laʹte Ing ape metapekâning, koijongre ape jahanaʹ koiape, pâtyuʹpe ape ana namkadape, ar ape laʹte anagi hoʹhaʹ. 25Ar ape jâkhni koijongape tâkhni jaheyaʹ biruddhore judi apeyaʹ jahan katha tahana tahale âni map giripe, jate aperen sorgoren Baba apeyaʹho pap map dareʹe." 26#11:26 Akako Grik boire 26 pod ol menaʹa Mothi 6:15 podre
Probhu Jisuoaʹ khomotanaʹ biruddhore Jihudi netakoaʹ kuli
(Mothi 21:23-27; Luk 20:1-8)
27Tayomte Jisu ar Aiʹren celako arho Jirusalem calonako. Âni Mundirre dara beroʹsane emon somai marang purohitko, dhormo masṭarko ar harme netako Âniṭheʹ hiʹketeʹ, 28kulikidiako, "Am aka khomotate niâko rikâdam? Ekete am niâ khomota makaʹmeye?"
29Uttorre Jisu menkede, "Ingte ape miṭiʹ katha kulipeing. Ape judi Ing uttor ma darengape tahale Ingteho ape metapeing Ing aka khomotate nako rikâding. 30Ing uttor mangpe, bâptisma maoaʹ odhikar Johon Sorgo khoiʹ namlede, se âdmikoṭheʹ khoiʹ namlede?"
31Tâkhni angkodo nijeko talare niâ aloconakedako, "Abo judi menabo, 'Sorgo khoiʹ,' Âni mene, 'Tahale apete âni bang pâtyukâdiape ceklaʹ?' 32Kheʹ, 'Âdmiṭheʹ khoiʹ hokana,' nado ki menabo?" Angkote âdmiko botorko sanako, cekelaʹbang sanamkhoiʹte Johon sârigi nâbi mente pâtyuisanako.
33Analaʹte angko menkedako, "Ale bang baṛeyale."
Ar Jisu menkede, "Tahale Ingteho ape bang metapeing Ing aka khomotate niâko rikâding."
Currently Selected:
Mark 11: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 11
11
Jisu Jirusalemte bolone
(Mothi 21:1-11; Luk 19:28-40; Johon 12:12-19)
1Jâkhni angko Jirusalem sorkore pâhcunako tâkhni Joitun burunaʹ kandhatora Boitfogi ar Boithoniâ ṭolaṭheʹ hiʹnako. Aṛe Jisute Aiʹren celako talakhoiʹ barya cela kolkeʹkine, 2ângkin metakeʹkine, aban ana lahanaʹ ṭola caʹban. Ṭolare bolon somai lel namebanhaʹ miṭiʹ gadha hopon aṛe tol miniâ. Âni cetanre ekeho tisho bang deʹkanako. Âni laṛaketeʹ naṛe aguiban. 3Jahete judi aban kulibanako, 'Ceklaʹ aban nakadaben?' Aban menbanhaʹ, 'Probhuaʹ dorkar menaʹtaya, ânite âni gadha saṭlakagi âcurketeʹ koleiheʹ.'"
4Tâkhni ânkin caketeʹ lelkedakin, gadha hopon ḍahar kandhanaʹ oraʹ duârṭheʹ tolminiâ. Ânkin jâkhni gadhaoaʹ tol larasanakin, 5tâkhni ekeko aṛe tenggo tahalenako angko menkedako, "Aban itâʹ cikidaban? Gadha hopon laradiâban ceklaʹ?" 6Jisute itâʹ menlaʹ metaleʹkine ângkinte anagi metakeʹkoakin. Tâkhni âdmikote ângkin gadha idisokeʹkinâko.
7Tayomte ângkin âni gadha hopon Jisuṭheʹ âguketeʹ âni cetanre ângkâninaʹ hormonaʹ lugri citriʹ aṭetkedako. Ar Jisu âni cetanre duruʹne. 8Tâkhni aima âdmi angkoaʹ hormonaʹ lugri citriʹ ḍahar cetanre aṭetkedako, ar eṭaʹonkodo maṭnaʹ dareko khoiʹ sakamsuliʹ ḍhâr get âguketeʹ saṛakre aṭetkedako. 9Ar ekeko Jisuoaʹ lahate ar tainomte caʹsanako angko cilluketeʹ menlaʹ lagonako,
Hosanna!#11:9 Hosanna Nado miṭiʹ Hibru kathakana akanaʹ mane hoʹkana "bacong" Issorṭheʹ koijonglaʹte beboharoʹa. Naṛe Issor ar Mosihoaʹ prosongsalaʹte beboharkana.
'Dhonno âni, Ekedo Probhu nutumte hijuʹkane!'#Siringko 118:25-26
10Aboren baba Dâudaʹ aka rajjo hijuʹkana ananaʹ dhonno hoʹmana.
Sorgoreho hosanna!"
11Tayomte Jisu Jirusalem caketeʹ Mundirre bolone ar câryunakhanaʹ sanamgi koioʹketeʹ lelkede, kheʹ bela ḍubulena mente Aiʹren baroṭeʹ celako lie Âni Boithoniâ calogene.
Jisu loa dari obhisap makede
(Mothi 21:18-19)
12Tayom hiluʹ jâkhni angko Boithoniâ bâgiketeʹ caʹsanako tâkhni Jisu rangeʹkidiâ. 13Ar Âni sâhing khoiʹ sakamte dhapan miṭiʹ loa dare lelketeʹ anare jahan jo menaʹa sebang ana lellaʹ calone. Sorre caketeʹ Âni anare sakam bâgiketeʹ ar itâʹho bang lel namlede. Ceklaʹ bang tâkhni loa joʹaʹ somai bang tahekana. 14Inâ tayom Jisu ana dare metakidie, "Ar tisho ekeho jate amaʹ jo bang jomako." Celako Jisuoaʹ niâ katha aten namkedako.
Jisu Mundir sâfâkede
(Mothi 21:12-16, 19-22; Luk 19:45-47; Johon 2:13-16)
15Jirusalemre pâchuketeʹ Jisu Mundir bolone ar aṛe ekeko kiring âkhringsanako angko târyukeʹkoe. Âni ṭhep badal emoʹonko âdmikoaʹ ṭebil ar ekeko paroa âkhringkosanako angkoaʹ durub jaiga ulṭugirikeʹtakoe. 16Ar Mundirnaʹ talatora Âni aka kiring âkhringaʹ jinis bang idisoleʹkoe. 17Ar cetʹoko somai Ânite angko âdmiko metakeʹkoe, "Sastrorre ki na katha ol bânuʹa je, 'Ingâʹ oraʹdo sanam jâtaʹ koijongnaʹ oraʹ men hoʹa?'#Jisaio 56:7 Kheʹ ape nado dâkâtaʹ aḍḍakhana teyarkadape."#Jiromio 7:11
18Marang purohitko ar dhormo masṭarko na katha atenkedako. Niâtayom angkote Jisu gojeilaʹ upâi sendralaʹ lagonako. Angkote Jisu botorai sanako. Karon âdmiko Jisuoaʹ cedaʹre asarjo gelenako. 19Ar âyub lenkheʹ celako liye Jisu sohornaʹ barhere calogene.
Loa dare
(Mothi 21:20-22)
20Setaʹbela ana ḍaharte âcur hijuʹ somai celako lelkedako ana loa dare jar suddho lohorgekana. 21Jisuoaʹ katha disâketeʹ Pitor menkede, "Guru, lelme, aka loa dare am sarap maledam ana lohorgekana."
22Uttore Jisute celako metakeʹkoe, "Issor cetanre pâtyu dohepe. 23Ingte ape sârigi metapekâning, judi jahe ontorre jahanaʹ sondeho bang dohoketeʹ niâ buru metaʹe, 'Rakabketeʹ gangare ujugob' ar pâtyuʹe je, âni ja menkede anagi hoʹhaʹ, tobe âni laʹte anagi rikâ hoʹhaʹ. 24Niâ laʹte Ing ape metapekâning, koijongre ape jahanaʹ koiape, pâtyuʹpe ape ana namkadape, ar ape laʹte anagi hoʹhaʹ. 25Ar ape jâkhni koijongape tâkhni jaheyaʹ biruddhore judi apeyaʹ jahan katha tahana tahale âni map giripe, jate aperen sorgoren Baba apeyaʹho pap map dareʹe." 26#11:26 Akako Grik boire 26 pod ol menaʹa Mothi 6:15 podre
Probhu Jisuoaʹ khomotanaʹ biruddhore Jihudi netakoaʹ kuli
(Mothi 21:23-27; Luk 20:1-8)
27Tayomte Jisu ar Aiʹren celako arho Jirusalem calonako. Âni Mundirre dara beroʹsane emon somai marang purohitko, dhormo masṭarko ar harme netako Âniṭheʹ hiʹketeʹ, 28kulikidiako, "Am aka khomotate niâko rikâdam? Ekete am niâ khomota makaʹmeye?"
29Uttorre Jisu menkede, "Ingte ape miṭiʹ katha kulipeing. Ape judi Ing uttor ma darengape tahale Ingteho ape metapeing Ing aka khomotate nako rikâding. 30Ing uttor mangpe, bâptisma maoaʹ odhikar Johon Sorgo khoiʹ namlede, se âdmikoṭheʹ khoiʹ namlede?"
31Tâkhni angkodo nijeko talare niâ aloconakedako, "Abo judi menabo, 'Sorgo khoiʹ,' Âni mene, 'Tahale apete âni bang pâtyukâdiape ceklaʹ?' 32Kheʹ, 'Âdmiṭheʹ khoiʹ hokana,' nado ki menabo?" Angkote âdmiko botorko sanako, cekelaʹbang sanamkhoiʹte Johon sârigi nâbi mente pâtyuisanako.
33Analaʹte angko menkedako, "Ale bang baṛeyale."
Ar Jisu menkede, "Tahale Ingteho ape bang metapeing Ing aka khomotate niâko rikâding."
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh