Mark 13
13
Jug cabanaʹ dinko
(Mothi 24:1-35; Luk 21:5-33)
1Jisu jâkhni Mundir bâgiketeʹ caʹsane, ana somai celako talakhoiʹ miʹhorte Âni metakidie, "He guru, lelme tinâʹ manja aima marang marang diri ar tinâʹ sundri dalan oraʹ"
2Jisute âni metakidie, "Am ki niâ sanam marang marang dalan oraʹ leldam? Niânaʹ miṭiʹ pathorho ar miṭiʹ pathornaʹ cetanre bang tahana, sanamgi dhongsoʹhaʹ."
3Tayomte Jisu Joitun pahaṛnaʹ cetanre duruplene akaṭaʹdo Mundirnaʹ ulṭâhate tahekana, Pitor, Jakob, Johon ar Andriote ekla namketeʹ Âni kulikidiako, 4"Ale metalem, niâ sanam ghoṭona tisoʹ ghoṭoʹhaʹ? Ar itâʹ cinhâ lelketeʹgi se bujhu dariale je niâ sanam ghoṭona ghoṭoʹlaʹ caʹkana?"
5Jisute angko metakeʹkoe, "Sabdhan tahanpe jeno eketeho ape bang ṭhakopeyako. 6Aimakhoiʹgi ingâʹ nutum âguiako ar menako, 'Inggi âni' ar angko arho aima âdmiko bulâokoako. 7Kheʹ ape jâkhni lâṛhâikonaʹ khobor ar lâṛhâikonaʹ âdmikoaʹ saṛe atenape, tâkhni alo osthiroape, nakodo obossoi khoṭoʹhaʹ, kheʹ tâkhniho mucitdo bangkana. 8Karon jât biruddhe jât ar rajjonaʹ biruddhe rajjo rakaboʹhaʹ. Aima jagare bhumikompo ar akal hoʹhaʹ. Niâ sanam janam jontronanaʹ ehob mattro.
9"Ape nijeyaʹ bisoire sabdhan tahanpe. Âdmikote ape bicâr sobhare sabsopekohaʹ, ar somaj oraʹre ape sabketeʹ dalpekohaʹ. Ingte onusoronigâpe mente ape disâmren sasoniʹ ar rajakoṭheʹ sâkkhi malaʹte angko samnere tenggoʹape. 10Ar cabaʹ laharigi sanam jâtkoṭheʹ obossoi manja khobor procarlaʹ hoʹhaʹ. 11Kheʹ âdmikote jâkhni ape sabsoketeʹ bicâr sobhare engepekohaʹ, tâkhni angko samangre itâʹ menpehaʹ ana lahakhoiʹ alo bhaboʹape. Ana somaire aka katha ape men hoʹhaʹ ape anagi menpehaʹ, karon apegi je menape anado bang borong Pobitro Attagi katha menheʹ.
12Tâkhni boihate boiha ar botte gidrâ gojoaʹ tire mae ar gidrâko engat botaʹ biruddhore tengoketeʹ ângkin goiʹkinlaʹte sabokinheʹ. 13Ar amaʹ nutum laʹte sanamkhoiʹgi ghinâpekohaʹ. Kheʹ eke mucât dhâbiʹ sthir tahanheʹ ânigi bacoʹheʹ.
14"Jâkhni ape lelpehaʹ dhongsonaʹ ana ghinânaʹ jinis akare tahenaʹ bangkana aṛegi menaʹa, ekete paṛhoʹ mane ânigi bujhuʹmane. Tâkhni ekeko Jihudiâ oncolre menaʹkoa angkodo buru oncolre niruʹla hoʹtakohaʹ. 15Ar eke chadnaʹ cetanre tahene, âni jate oraʹ khoiʹ jahanaʹ jinis enge laʹte latarre bang agroʹ mane se oraʹre bang bolonmane. 16Jahe judi maṭh talare tahene, âni jate cadre enge laʹte bang âcur caʹmane.
17Botor, ekeko ana dinkore hamal hormo tahankohaʹ ar ekekote gidrâko koramnaʹ toa khaokokohaʹ angko gidrâoaʹ ar engataʹ aima kosṭo hoʹtakohaʹ. 18Koijongpe jate niâ rabang somaire bang ghoṭoʹmana, 19karon ana dinkore kosṭo hoʹhaʹ. Ana jontronako aima kosṭo hoʹhaʹ aka Issor niâ dhârtire banokade ana somai khoiʹ tihing niâ din dhâbiʹ tishobang ghoṭokana. 20Ar Probhu judi ana jontronanaʹ dinko bang thame lekheʹ, tahale ekeho bang bacoakohoteʹ. Kheʹ Ânite ekeko bachokaʹkoe, angko bachoko laʹte jontronanaʹ ana dinkonaʹ songkha thirgekade.
21Ar ana somai judi jahete ape metapeyako, 'Lel, Khrisṭu naṛe' se' Lel, Khrisṭo haṛe miniâ ape alo pâtyuape. 22Karon bhonḍo khrisṭoko ar bhonḍo nâbiko rakaboʹkohaʹ ar marang marang asarjo kâmi ar cinhâ udukkohaʹ. Judi sombhob hoʹa tahale Issorren bacho âdmikoho bhulukokohaʹ. 23Kheʹ ape sabdhan tahanpe. Ingte ape laharigi sanamaʹ lâioʹpeing.
24"Kheʹ ana somai kosṭonaʹ tayomte,
'Sing cando nutgenheʹ
nindâ cando ado marsal bang emoʹe.
25Ipilkodo serma khoiʹ boiʹketeʹ ujugoʹkohaʹ,
ar sermanaʹ sanam sukti hilu rakaboʹhaʹ.'#Jisaio 13:10; 34:4
26Tâkhni âdmiko lelakohaʹ, Âdmi Hopon aima marang suktite ar mohima suliʹ rimil saote hijuʹkane. 27Tâkhni Ânite Âniren sorgodutko kolketeʹ dhârtinaʹ miʹ mucit khoiʹ eṭaʹ mucit dhâbiʹ câriu nakha khoiʹ Âniren bachouniʹ âdmiko jaorakoheʹ.
28"Loa darenaʹ cetʹaʹ lopor khoiʹ cetʹpe, Jâkhni ananaʹ ḍhârko lâbitketeʹ sakam sagenoʹa, inre ape baṛe dareʹape je, garam somai sorre hiʹgekana. 29Analakagi jâkhni ape lelape niâko ghoṭona ghoṭokana tâkhni baṛe dareʹpehaʹ je, Âdmi Hopondo sorre hiʹgekane, emon ki duârre miniâ. 30Ingte ape sârigi metapekâning, tin dhâbiʹ niâ sanam ghoṭonaʹ bang ghoṭoʹhaʹ indhâbiʹ niâ kalniʹ âdmikodo oho caboʹako. 31Sorgo ar dhârti cabagenhaʹ kheʹ Ingâʹ katha tisho bang caboʹa.
Âdmi Hopon tinsomai hijuʹheʹ?
(Mothi 24:36-44)
32"Kheʹ ana dinnaʹ se ana somainaʹ katha ekeho bang baṛeyako. Sorgodutkoho bang baṛeyako, Hoponho bang baṛeye, kebol Babagi baṛeye. 33Sabdhanʹ Ape sotorko tahanpe ar koijongpe, karon tinsomai je ana somai hoʹhaʹ ape ana bang baṛeyape.
34"Ana din nengkaketeʹgi hijuʹhaʹ jemon jahe kâmi âdmi nijeyaʹ oraʹ bâgiketeʹ bidesre pâhnhuʹ laʹ caʹkane ar âniren cakorko khomota maketeʹ sanamkhoiʹaʹ kâmi ṭhikketeʹ makeʹkoe ar duâr jogoiʹdo jagoketeʹ tahenlaʹ hukum makidie. 35Otoeb ape jagoketeʹ tahanpe, ceklaʹbang oraʹren mâlik tin somai hijuʹheʹ, ape ana bang baṛeyape, âyub bela, se talanindâ, se sim raʹ somai, se setaʹ bela. 36Hoṭat âni hiʹketeʹ jate bang lelnampeye je ape jâpit kadape. 37Ingte ape ja metape kâning, ana sanamkhoiʹgi lâiopekâning, 'Jagoketeʹ tahanpe.'"
Currently Selected:
Mark 13: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 13
13
Jug cabanaʹ dinko
(Mothi 24:1-35; Luk 21:5-33)
1Jisu jâkhni Mundir bâgiketeʹ caʹsane, ana somai celako talakhoiʹ miʹhorte Âni metakidie, "He guru, lelme tinâʹ manja aima marang marang diri ar tinâʹ sundri dalan oraʹ"
2Jisute âni metakidie, "Am ki niâ sanam marang marang dalan oraʹ leldam? Niânaʹ miṭiʹ pathorho ar miṭiʹ pathornaʹ cetanre bang tahana, sanamgi dhongsoʹhaʹ."
3Tayomte Jisu Joitun pahaṛnaʹ cetanre duruplene akaṭaʹdo Mundirnaʹ ulṭâhate tahekana, Pitor, Jakob, Johon ar Andriote ekla namketeʹ Âni kulikidiako, 4"Ale metalem, niâ sanam ghoṭona tisoʹ ghoṭoʹhaʹ? Ar itâʹ cinhâ lelketeʹgi se bujhu dariale je niâ sanam ghoṭona ghoṭoʹlaʹ caʹkana?"
5Jisute angko metakeʹkoe, "Sabdhan tahanpe jeno eketeho ape bang ṭhakopeyako. 6Aimakhoiʹgi ingâʹ nutum âguiako ar menako, 'Inggi âni' ar angko arho aima âdmiko bulâokoako. 7Kheʹ ape jâkhni lâṛhâikonaʹ khobor ar lâṛhâikonaʹ âdmikoaʹ saṛe atenape, tâkhni alo osthiroape, nakodo obossoi khoṭoʹhaʹ, kheʹ tâkhniho mucitdo bangkana. 8Karon jât biruddhe jât ar rajjonaʹ biruddhe rajjo rakaboʹhaʹ. Aima jagare bhumikompo ar akal hoʹhaʹ. Niâ sanam janam jontronanaʹ ehob mattro.
9"Ape nijeyaʹ bisoire sabdhan tahanpe. Âdmikote ape bicâr sobhare sabsopekohaʹ, ar somaj oraʹre ape sabketeʹ dalpekohaʹ. Ingte onusoronigâpe mente ape disâmren sasoniʹ ar rajakoṭheʹ sâkkhi malaʹte angko samnere tenggoʹape. 10Ar cabaʹ laharigi sanam jâtkoṭheʹ obossoi manja khobor procarlaʹ hoʹhaʹ. 11Kheʹ âdmikote jâkhni ape sabsoketeʹ bicâr sobhare engepekohaʹ, tâkhni angko samangre itâʹ menpehaʹ ana lahakhoiʹ alo bhaboʹape. Ana somaire aka katha ape men hoʹhaʹ ape anagi menpehaʹ, karon apegi je menape anado bang borong Pobitro Attagi katha menheʹ.
12Tâkhni boihate boiha ar botte gidrâ gojoaʹ tire mae ar gidrâko engat botaʹ biruddhore tengoketeʹ ângkin goiʹkinlaʹte sabokinheʹ. 13Ar amaʹ nutum laʹte sanamkhoiʹgi ghinâpekohaʹ. Kheʹ eke mucât dhâbiʹ sthir tahanheʹ ânigi bacoʹheʹ.
14"Jâkhni ape lelpehaʹ dhongsonaʹ ana ghinânaʹ jinis akare tahenaʹ bangkana aṛegi menaʹa, ekete paṛhoʹ mane ânigi bujhuʹmane. Tâkhni ekeko Jihudiâ oncolre menaʹkoa angkodo buru oncolre niruʹla hoʹtakohaʹ. 15Ar eke chadnaʹ cetanre tahene, âni jate oraʹ khoiʹ jahanaʹ jinis enge laʹte latarre bang agroʹ mane se oraʹre bang bolonmane. 16Jahe judi maṭh talare tahene, âni jate cadre enge laʹte bang âcur caʹmane.
17Botor, ekeko ana dinkore hamal hormo tahankohaʹ ar ekekote gidrâko koramnaʹ toa khaokokohaʹ angko gidrâoaʹ ar engataʹ aima kosṭo hoʹtakohaʹ. 18Koijongpe jate niâ rabang somaire bang ghoṭoʹmana, 19karon ana dinkore kosṭo hoʹhaʹ. Ana jontronako aima kosṭo hoʹhaʹ aka Issor niâ dhârtire banokade ana somai khoiʹ tihing niâ din dhâbiʹ tishobang ghoṭokana. 20Ar Probhu judi ana jontronanaʹ dinko bang thame lekheʹ, tahale ekeho bang bacoakohoteʹ. Kheʹ Ânite ekeko bachokaʹkoe, angko bachoko laʹte jontronanaʹ ana dinkonaʹ songkha thirgekade.
21Ar ana somai judi jahete ape metapeyako, 'Lel, Khrisṭu naṛe' se' Lel, Khrisṭo haṛe miniâ ape alo pâtyuape. 22Karon bhonḍo khrisṭoko ar bhonḍo nâbiko rakaboʹkohaʹ ar marang marang asarjo kâmi ar cinhâ udukkohaʹ. Judi sombhob hoʹa tahale Issorren bacho âdmikoho bhulukokohaʹ. 23Kheʹ ape sabdhan tahanpe. Ingte ape laharigi sanamaʹ lâioʹpeing.
24"Kheʹ ana somai kosṭonaʹ tayomte,
'Sing cando nutgenheʹ
nindâ cando ado marsal bang emoʹe.
25Ipilkodo serma khoiʹ boiʹketeʹ ujugoʹkohaʹ,
ar sermanaʹ sanam sukti hilu rakaboʹhaʹ.'#Jisaio 13:10; 34:4
26Tâkhni âdmiko lelakohaʹ, Âdmi Hopon aima marang suktite ar mohima suliʹ rimil saote hijuʹkane. 27Tâkhni Ânite Âniren sorgodutko kolketeʹ dhârtinaʹ miʹ mucit khoiʹ eṭaʹ mucit dhâbiʹ câriu nakha khoiʹ Âniren bachouniʹ âdmiko jaorakoheʹ.
28"Loa darenaʹ cetʹaʹ lopor khoiʹ cetʹpe, Jâkhni ananaʹ ḍhârko lâbitketeʹ sakam sagenoʹa, inre ape baṛe dareʹape je, garam somai sorre hiʹgekana. 29Analakagi jâkhni ape lelape niâko ghoṭona ghoṭokana tâkhni baṛe dareʹpehaʹ je, Âdmi Hopondo sorre hiʹgekane, emon ki duârre miniâ. 30Ingte ape sârigi metapekâning, tin dhâbiʹ niâ sanam ghoṭonaʹ bang ghoṭoʹhaʹ indhâbiʹ niâ kalniʹ âdmikodo oho caboʹako. 31Sorgo ar dhârti cabagenhaʹ kheʹ Ingâʹ katha tisho bang caboʹa.
Âdmi Hopon tinsomai hijuʹheʹ?
(Mothi 24:36-44)
32"Kheʹ ana dinnaʹ se ana somainaʹ katha ekeho bang baṛeyako. Sorgodutkoho bang baṛeyako, Hoponho bang baṛeye, kebol Babagi baṛeye. 33Sabdhanʹ Ape sotorko tahanpe ar koijongpe, karon tinsomai je ana somai hoʹhaʹ ape ana bang baṛeyape.
34"Ana din nengkaketeʹgi hijuʹhaʹ jemon jahe kâmi âdmi nijeyaʹ oraʹ bâgiketeʹ bidesre pâhnhuʹ laʹ caʹkane ar âniren cakorko khomota maketeʹ sanamkhoiʹaʹ kâmi ṭhikketeʹ makeʹkoe ar duâr jogoiʹdo jagoketeʹ tahenlaʹ hukum makidie. 35Otoeb ape jagoketeʹ tahanpe, ceklaʹbang oraʹren mâlik tin somai hijuʹheʹ, ape ana bang baṛeyape, âyub bela, se talanindâ, se sim raʹ somai, se setaʹ bela. 36Hoṭat âni hiʹketeʹ jate bang lelnampeye je ape jâpit kadape. 37Ingte ape ja metape kâning, ana sanamkhoiʹgi lâiopekâning, 'Jagoketeʹ tahanpe.'"
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh