ລູກາ 3

ໂຢຮັນຜູ້ໂຢນປະຕິສະມາອ້າປະຊາຊົນໂຢນຈັດກຽມຈຸມປີດໍຢຼະສຳລັບພຣະຄິຣດ

(ມທ 3:1-12; ມຣກ 1:1-8; ຢຮ 1:19-28)

1ເກີດກຼີກະເລິ່ງກະມໍ້ເຢີບຣານເຕິລະຫວ່າງຣາຊການປີທີ່ສິບຫ້າແຫ່ງການປົກຄອງຂອງຈັກກະພັດ ຕີເບຣີໂອ,ແລະຜູ້ປົກຄອງບາງນະຂອງດໍຄື, ປົນອີໂອປີລາດເກີດຜູ້ປົກຄອງແຂວງຢູດາຍ,ເຮໂຣດບອນເກີດຜູ້ປົກຄອງແຂວງຄາລີເລ, ແລະ ຟີລິບແອ້ມໂກນຂອງເຮໂຣດບອນເກີດຜູ້ປົກຄອງເຂດແດນອີຕູຣາຍ ແລະທາໂຄນິດ,ລີຊາເນຍບອນເກີດຜູ້ປົກຄອງແຂວງອາບີເລັນ 2ນຸງລະຫວ່າງເວລາກຼີອັນນານັງກາຢະຟາບອນເກີດມະຫາປະໂຣຫິດ ຣູຕອນກຼີ ໂຢຮັນໄກ້ໂກນຂອງເຊກາຣີຢາ ບອນຣຳ້ຖ້ອຍຄຳຂອງພຣະເຈົ້າ ເຕິຖິ່ນແທ້ຣງກະແດ້ງກັນດານ. 3ອີກຼີ ໂຢຮັນຈຶ່ງຫະດ້າວຄະນ້າລໍ້ປໍ້້ທົ່ວຂົງເຂດອຸຍເດີ໋ຈໍແດນແລະດໍບອນປະກາດຂໍ້ຄວາມນໍໂຢນເຢີປະຊາຊົນ ບອນເລີ່ມຕົ້ນປ່າວປະກາດນັງປະຊາຊົນຣ້ວຍ. “ຈົ່ງຕູ້ພະໄຫ້ງຕີ້ອິດພະໄຫ້ງຕະແມ້ຫະເອີ້ຍຕະບາບແລະຣຳ້ບັບຕິສະມາເພື່ອຣ້ວຍພຣະເຈົ້າກໍ່ຈະອາໄພຍົກໂທດບາບກໍາຂອງແປຼ.” 4ຄືທີ່ເວິຍຄຳຂຽນດໍ້ເຕິໜັງສືຜູ້ທໍານວາຍເອຊາຢາດິນຕະໂຕ້ຍເຢີ ກ່ຽວນັງໂຢຮັນຣ້ວຍ. “ຄຣາຍສຽງຂອງກຸ້ຍມະນະທີ່ໂອ້ຍປະກາດ ເຕິຖິ່ນແທ້ຣງກະແດ້ງກັນດານຣ້ວຍ ຈົ່ງຈັດຕຽມຄະນ້າແລະກຽມພະໄຫ້ງຂອງຈຸມແປຼດ້ວຍຄວາມສັດຊື່ດໍ້ສຳລັບພຣະອົງ, ໂດຍການປະລ້າພະໄຫ້ງເກີດຄວາມຜິດບາບຂອງຈຸມແປຼ ແລະຕະຄະນ້າຂອງພຣະອົງໂຢນຕະເໜິ້ງປໍ້້ເພື່ອໂຢນພຣະອົງຈະປໍ້. 5ຈຸມແປຼປະຊາຊົນເອີຍ, ຕ້ອງຖົມປະເຫລໂກ໋ຄູບ້ອນໂຢນເປິ້ນໂກ໋ ແລະໂນນໂກ໋ຄຸູໜ່ວຍ ຈົ່ງຕະໂຢນຫະຣອບແຊ້ງ.ສ່ວນຄະນ້າທີ່ຄົດກຼັອກກຼີ ຈົ່ງຕະໂຢນຕະເໜິ້ງ ຄະນ້າທີ່ເກີດຫວ້າເກີດທຣົ໋ງຈົ່ງຕະໂຢນກຽ້ງອໍ. 6ແລະປະຊາຊົນກຸ້ຍເອີ້ຍຄູນະຈະບອນທຣຸ້ມພຣະຜູ້ຊ່ວຍໂຢນພົ້ນທີ່ຄຣາຍຢຼວນເຕິເກີດພຣະເຈົ້າ.” 7ດ້ວຍເຫດກຼີ, ເຢີກຸ້ຍກະເລິ່ງນະບອນລໍ້ເຕິເຢີໂຢຮັນ ເພື່ອຣຳ້ບັບຕິສະມາ, ໂຢຮັນກ່າວເຢີຈຸມປີດໍຣ້ວຍ “ຈຸມແປຼປະຊາຊົນທີ່ເລິ້ຍສັດຊື່ເອີຍ,ຄືນັງໃກ້ກະແສັ້ນພິດເລິ້ຍອໍ້ ຈຸມແປຼຜິດທີ່ຈະຄຶດຣ້ວຍພຽງແຕ່ການຣາໍ້ບັບຕິສະມາຈຸມແປຼກໍສາມາດຫຼີກຫະລຸ໋ເກີດການແຊ້ງໂທດໂດຍພຣະເຈົ້າສາໍຄວາມຜິດບາບປູດຂອງຈຸມແປຼ! 8ເຫດອັນກຼີ ຈົ່ງປະພຶດບອມຢຼະໂຢນສົມນັງຣ້ວຍ ຈຸມແປຼບອນຕູ້ພະໄຫ້ງຕີ້ອິດພະໄຫ້ງຕະແມ້ຊິນຕັ້ງຄຶດກະລຸງພະໄຫ້ງ ແລະຣ້ວຍເຕິເຄິ່ງທຣະດີຈຸມແປຼຣ້ວຍ, ກືເວິຍອັບຣາຮາເກີດບັນພະບຸລຸດຂອງຈຸມແຮ. ກືອ້າຈຸມແປຼຣ້ວຍ,ພຣະເຈົ້າຊົງຣິດສາມາດເຣິກ້ອນຕະມໍ້ອັນນໍ ແລະບັນດານໂຢນເກີດໄກ້ເຈົາຂອງອັບຣາຮາມແທນບອນ 9ພຣະເຈົ້າພອ້ມເຢີທີ່ໄອຕັດສິນ ແລະແຊ້ງໂທດປະຊາຊົນທີ່ເກີດກຸ້ຍບາບຄູນະທີ່ເລິ້ຍຕູ໋ພະໄຫງ້ຕີ້ອິດພະໄຫງ້ຕະແມ້ເກີດຄວາມຜິດບາບຂອງປີດໍແລະເລິ້ຍເຊື່ອຫະແງ້ພຣະປະສົ່ງຂອງພຣະເຈົ້າ.ທຣະເລິຍຄືກຸ້ຍໂກນມະນະທີກຽມຈັດຂອງດໍ ພ້ອມທີຈະກັ໋ນຣ໋ຽລຕະໂກລ້ອງຄັນນູ້ມໍ້ເກີດຄືຕະໂກ້ລ້ອງທີເລິ້ຍຜົນອໍພຣະເຈົ້າຈະແຊ້ງໂທດນູ້ກຼີ.ນູ້ກຼີກໍທຣະເລິຍຕະໂກລອ້ງທີ່ຄຣາຍກັ໋ນ ແລະຄຣາຍຕະກ້ວນຕຼູ້ຫະກຣາຍອຸ໋ຍເປິ້ດ.” 10ຢ້ຼາຍບາງນະນຸງປະຊາຊົນກຸ່ມເຄິ້ລຍບອນຕະມໍ໋ໂຢຮັນຣ້ວຍ,“ອະໄມ້ທີ່ພຣະເຈົ້າຕ້ອງການໂຢນຈຸມແຮຕະເພື່ອສະແດງໂຢນຫອມຣ້ວຍ ຈຸມແຮບອນຕຸ້ພະໄຫ້ງຕີອິດພະໄຫ້ງຕະແມ້ຢ່າງແທ້ຈິ່ງ” 11ໂຢຮັນທະອອຍຈຸມປີດໍຣ້ວຍ,“ນູ້ມໍ້ທີ່ເວິຍຈະແຮຄຸມບາລໂຕ ຈົ່ງຫະແປມູໂຕໂຢນນູ້ທີ່ເລິ້ຍບອນຈະແຮເສິບ ແລະນູ້ມໍ້ທີ່ເວີຍແນວຈາ້ ຈົ່ງຫະແປເຢີນູ້ທີ່ເລິ້ຍຫອຍບອນແນວຈ້າທຣະເລິຍ.” 12ເວິຍກຸ້ຍເກັບພາສີເຕິເຢີໂຢຮັນ ເພື່ອຣຳ້ບັບຕິສະມາ ແລະຕະມໍ໋,“ອາຈານເອີຍ ຈຸມແຮຄວນຈະຕະອີມໍ້ນິເພື່ອຈະສະແດງໂຢນຫອມຣ້ວຍຈຸມແຮບອນຕູ້ພະໄຫ້ງຕີອິດພະໄຫ້ງຕະແມ້'?” 13ໂຢຮັນຈຶ່ງທະອອຍຈຸມປີດໍຣ້ວຍ. “ຈົ່ງຢຸດເກັບພຣະພາສີເກີດປະຊາຊົນປູດກວ່າທີ່ຈຸມແປບອນຣາໍ້ຄາໍສັ່ງໂດຍລັດຖະບານໂຢນເກັບ.” 14ຈຸມທະຫານກໍຕະມໍ໋ດໍທຣະເລິຍ. “ຈຸມແຮເດ ຈະຕະອີມໍ້” ເພື່ອຈະສະແດງໂຢນຫອມຣ້ວຍຈຸມແຮບອນຕູ້ພະໄຫ້ງຕີອິດພະໄຫ້ງຕະແມ້. “ດໍຈຶ່ງທະອອຍຈຸມປີດໍສິນຂົ່ມເຫັງ ຫລືຊິນຫັ້ຼງຄວາມເລິ້ຍຈິ່ງເຢີນູ້ມໍ້ເພື່ອອິດພຣະ, ແຕ່ຈົ່ງພໍພະໄຫ້ງເຕິຄ່າຈ້າງຂອງບອມຢະ.” 15ເຢີປະຊາຊົນເວິຍຄວາມຫັວງເປິ້ນພຣະຜູ້ຊ່ວຍໂຢນພົ້ນ ພຣະຄຣິດອັດ ຈຸມປີດໍກໍຄິດຣ້ວຍ ໂຢຮັນອາດເກີດພຣະຄຣິດ ພຣະຜູ້ຊ່ວຍໂຢນພົ້ນທີ່ພຣະເຈົ້າຢຼວນສັນຍາຣ້ວຍຈະຢຼວນເຕິກໍ່ເວິຍ. 16ໂຢຮັນຈຶ່ງກ່າວແກ່ຈຸມປີດໍຄູນະຣ້ວຍ. “ຫະຣ້າກື ກືໂຢນຈຸມແປຼຣຳ້ບັບຕິສະມາດ້ວຍເດີ໋,ແຕ່ເວິຍກຸ້ຍມະນະກຳລັງຈະເຕິໄວ້ໆນໍ ແລະທ່ານນູ້ນໍເວິຍຣິດເດດເຄິ້ລຍກວ່າແຮປູດ ຊຶ່ງແຮເລິ້ຍສົມຄວນຄຣາຍແຕ່ຈະອຸດຫະແປ້ໂຢນດໍເພື່ອຈະຣຳ້ໃຊ້ດໍຄືເກີດກຸ້ຍຣຳ້ໃຊ້ດໍ,ດໍຈະໂຢນຈຸມແຮຣຳ້ບັບຕິສະມາໂຢນສະອາດ ດ້ວຍພຣະວິນຍານບໍຣິສຸດແລະດ້ວຍອຸ໋ຍ. 17ພຣະຄຣິດພ້ອມເຢີທີ່ຈະແຍກກຸ້ຍກະເລິ່ງນະນູ້ທີ່ຕູ໋ພະໄຫງ້ຕີ້,ອິດພະໄຫງ້ຕະແມ້ລໍ້ເກີດກຸ້ຍກະນໍ້,ຄືກຸ້ຍໂກນມະນະທີ່ແຍກກະລອ້ງຫະຣໍລໍ້ເກີດກາ້ມ.ພຣະອົງເຣິມ້ຽນກະລ້ອງຫະຣໍດໍ້ຢ່າງບ້ອນອໍກະລຸງນາໍຂອງພຣະອົງ, ແຕ່ຈ໋ອງກາ້ມກະລຸງອຸ໋ຍທີ່ເລິ້ຍບອນປັດຕະລອດ. ເຕິວິທີ່ມະໄຫລ້ກຼີ, ພຣະອົງຈະເຕົ້າໂຮມກຸ້ຍກະເລິ່ງນະນູ້ທີ່ບອນອິດພະໄຫງ້ຕະແມ້ ແລະຈະແຊ້ງໂທດກຸ້ຍທີ່ເລິ້ຍອິດພະໄຫງ້ຕະແມ້.” 18ດ້ວຍເຫດນໍ,ໂຢຮັນບອນອ້າຂາ່ວອໍປະກາດຂ່າວປະເສີດ ເຢີປະຊາຊົນດ້ວຍກະເລິ່ງວິທີ ແລະເຕືອນສະຕິກະເລິ່ງຂໍ້. 19ເຢີໂຢຮັນບອນກາ່ວຕຳນິເຮໂຣດຜູ້ປົກຄອງເມືອງ ເພາະດໍບອນຈ້າດອງນັງນາງເຮໂຣເດຍ ກະປຼາຍແອ້ມໂກນຂອງບອມຢຼະ ແລະດໍນັງບອນຕະການເລິ້ຍອໍກະເລິ່ງແນວໂຢຼ. 20ເຢີເຮໂຣດກໍຕະການຊົ່ວເລີ້ຍອໍໜັກຊໍ້ຕື່ມແອັ້ນ ໂດຍກ້ອມໂຢຮັນຂັງດໍ້ກະລຸງຄຸກ.

ພຣະເຢຊູເຈົ້າຣຳ້ບັບຕິສະມາ

(ມທ 3:13-17; ມຣກ 1:9-11)

21ເຢີປະຊາຊົນເອິ້ຍມະກຼີບອນຣຳ້ບັບຕິສະມາເຢີ ພຣະເຢຊູກໍຣຳ້ບັບຕິສະມາຕິຼນ ຂະນະທີ່ພຣະອົງກຳລັງພາວະນາອະທິຖານຕອນກຼີຟຣ້າກໍເປີລໍ້ເຢີພຣະອົງ 22ແລະ ພຣະວິນຍານບໍຣິສຸດເຈົ້າ ເຕິຮູບຮ່າງຄື່ໄກ້ເຫ້ລມຕະເປີຍກໍແຊ້ງອັດເຕິຫະຢົ໋ງພຣະອົງ (ພຣະເຢຊູເຈົ້າ) ຢ້ຼາຍກໍເວິຍສຽງມະໄຫ້ລກະຊ້າງເຕິເກີດຟຣ້າສະຫັວນຣ້ວຍ,“ທາ່ນເອີຍທ່ານເກີດບຸດທີ່ຮັກຂອງກື ກືພໍໃຈນັງທ່ານປູດ.”

ລຳດັບເຊື້ອສາຍຂອງພຣະເຢຊູເຈົ້າ

(ມທ 1:1-17)

23ເຢີພຣະເຢຊູເຈົ້າເລີ່ມປະຕິບັດພາລະກິດຂອງພຣະອົງ, ພຣະເຢຊູເຈົ້າເວິຍອາຍຸບອນປະມານສາມສິບປີ ກຸ້ຍກະເລິ່ງນະຄິດຣ້ວຍ ພຣະເຢຊູເຈົ້າເກີດໄກ້ໂກນຂອງໂຢເຊັບ,ໂຢເຊັບເກີດເຊື້ອສາຍຂອງເຮລີ, 24ເຮລີເກີດໄກ້ໂກນຂອງມັດທາດ,ມັດທາດເກີດໄກ້ໂກນຂອງເລວີ,ເລວີເກີດໄກ້ໂກນຂອງເມລະຂີ,ເມລະຂີເກີດໄກ້ໂກນຂອງຢັນນາ,ຢັນນາເກີດໄກ້ໂກນຂອງໂຢເຊັບ, 25ໂຢເຊັບເກີດໄກ້ໂກນຂອງມັດຕາເທຍ,ມັດຕາເທຍເກີດໄກ້ໂກນຂອງອາໂມ,ອາໂມເກີດໄກ້ໂກນຂອງນາຮູມ,ນາຮູມເກີດໄກ້ໂກນຂອງເອສະລີ,ເອສະລີເກີດໄກ້ໂກນຂອງນາຄາຍ, 26ນາຄາຍເກີດໄກ້ໂກນຂອງມາອາດ,ມາອາດເກີດໄກ້ໂກນຂອງມັດຕາເທຍ,ມັດຕາເທຍເກີດໄກ້ໂກນຂອງເຊເມອິນ, ເຊເມອິນເກີດໄກ້ໂກນຂອງໂຢເຊັກ,ໂຢເຊັກເກີດໄກ້ໂກນຂອງໂຢດາ, 27ໂຢດາເກີດໄກ້ໂກນຂອງໂຢຮານັນ,ໂຢຮານັນເກີດໄກ້ໂກນຂອງເຣສາ,ເຣສາເກີດໄກ້ໂກເຊນຂອງເຊຣຸບບາເບັນ,ເຊຣຸບບາເບນເກີດໄກ້ໂກນຂອງ ເຊອານຕີເອນ,ເຊອານຕີເອນເກີດໄກ້ໂກນຂອງເນຣີ, 28ເນຣີເກີດໄກ້ໂກນຂອງເມລະຂີ,ເມລະຂີເກີດໄກ້ໂກນຂອງອັດດີ,ອັດດີເກີດໄກ້ໂກນຂອງໂກຊາມ,ໂກຊາມເກີດໄກ້ໂກນຂອງເອັນມາດາມ,ເອັນມາດາມເກີດໄກ້ໂກນຂອງເອຣະ, 29ເອຣະເກີດໄກ້ໂກນຂອງໂຢຊວຍ,ໂຢຊວຍເກີດໄກ້ໂກນເອລີເອເຊ,ເອລີເອເຊເກີດໄກ້ໂກນຂອງໂຢຣີມ,ໂຢຣີມເກີດໄກ້ໂກນຂອງມັດທາດ,ມັດທາດເກີດໄກ້ໂກນຂອງເລວີ, 30ເລວີເກີດໄກ້ໂກນຂອງຊີເມໂອນ,ຊີເມໂອນເກີດໄກ້ໂກນຂອງຢູດາ,ຢູດາເກິດໄກ້ໂກນຂອງໂຢເຊັບ,ໂຢເຊັບເກີດໄກ້ໂກນຂອງຢູນາມ,ໂຢນາມເກີດໄກ້ໂກນຂອວເອລີອາກິມ, 31ເອລີອາກິມເກີດໄກ້ໂກນຂອງເມເລອາ,ເມເລອາເກີດໄກ້ໂກນຂອງເມັນນາ,ເມັນນາເກີດໄກ້ໂກນຂອງມັດຕາທາ,ມັດຕາທາເກີດໄກ້ໂກນຂອງນາທານ,ນາທານເກີດໄກ້ໂກນຂອງດາວິດ, 32ດາວິດເກີດໄກ້ໂກນຂອງເຢຊີ,ເຢຊີເກີດໄກ້ໂກນຂອງໂອເບັດ,ໂອເບັດເກີດໄກ້ໂກນຂອງໂບອາດ,ໂບອາດເກີດໄກ້ໂກນຂອງສານໂມນ,ສານໂມນເກີດໄກ້ໂກນຂອງຍນາໂຊນ, 33ນາໂຊນເກີດໄກ້ໂກນຂອງອໍາມີນາດາບ,ອຳມີນາດາບເກີດໄກ້ໂກນຂອງອັດມິນ,ອັດມິນເກີດໄກ້ໂກນຂອງອານີ,ອານີເກີດໄກ້ໂກນຂອງເຮຊະໂຣນ,ເຮຊະໂຣນເກີດໄກ້ໂກນຂອງເປເຣັດ,ເປເຣັດເກີດໄກ້ໂກນຂອງຢູດາ, 34ຢູດາເກີດໄກ້ໂກນຂອງຢາໂຄບ,ຢາໂຄບເກີດໄກ້ໂກນຂອງອີຊາກ,ອີຊາກເກີດໄກ້ໂກນຂອງອັບຣາຮາມ,ອັບຣາຮາມເກີດໄກ້ໂກນຂອງເຕຣາ,ເຕຣາເກີດໄກ້ໂກນຂອງນາໂຮ, 35ນາໂຮເກີດໄກ້ໂກນຂອງເສຣຸກ,ເສຣຸກເກີດໄກ້ໂກນຂອງເຣອູ,ເຣອູເກີດໄກ້ໂກນຂອງເຂອງເປເລັກ,ເປເລັກເກີດໄກ້ໂກນຂອງເອເບ,ເອເບເກີດໄກ້ໂກນຂອງເຊລາ, 36ເຊລາເກີດໄກ້ໂກນຂອງກາຍນານ,ກາຍນານເກີດໄກ້ໂກນຂອງອາກປະຊາດ,ອາກປະຊາດເກີດໄກ້ໂກນຂອງເຊມ,ເຊມເກີດໄກ້ໂກນຂອງໂນອາ,ໂນອາເກີດໄກ້ໂກນຂອງລາເມັກ, 37ລາເມັກເກີດໄກ້ໂກນຂອງເມທູເສລາ,ເມທູເສລາເກີດໄກ້ໂກນຂອງເອນົນ,ເອນົກເກີດໄກ້ໂກນຂອງຢາເຣັດ,ຢາເຣັດເກີດໄກ້ໂກນຂອງມະຫາລາເລນ,ມະຫາລາເລນເກີດໄກ້ໂກນຂອງເກນານ, 38ເກນານເກີດໄກ້ໂກນຂອງຂອງເອໂນດ,ເອໂນດເກີດໄກ້ໂກນຂອງເຊດ,ເຊດເກີດໄກ້ໂກນຂອງອາດາມ,ອາດາມເກີດບຸດຂອງພຣະເຈົ້າ.

Currently Selected:

ລູກາ 3: IRR

Highlight

Copy