လုကာ 10
10
အခန် (၁၀)
အန်ကြွ့လေးတပည့် အန်နျို့စီ့ပလား
1ထွို့မဲ့ ကိုယ်တော်အွယ့် လွိုက်တပည့်လငါ့ အန်နျို့စီ့#10:1လိတ်ကျမ်ပိန်ဘာဘာကုဒီ့ ဒေါင့်စေးကန်း အန်နျို့စီ့ငြီ့ပလား။ပလားထွို့မဲ့ ဖီတွယ်အန်တငြီ့အတွယ်ထွို့ ဖီကြွ့လေးကီ ကိုယ်တော်အီကြွာ့လေးစို့ဒါ ကျွမ်ဝိန်း၊ ကျွမ်ဒုန့်ကု။ 2ခရားအီအန်ကြွ့လေ တပည့်ဖုန်းခါ့ ကိုယ်တော်အွယ့် မိန့်ကွင်အာကာနိန်းဒွိုး “ပလူးအီလက်ခံ အီယွမ်အန်ငါးစာဖုန်းဒွို အိုစေးကန်းထွို့လိတို ဟေတန်လဲ့ ပလူးကအီဟိုဒေါင့်ဖီဒါ မင်္ဂလာစတင်းခို ပလူးအွယ့်ဟိုဆောင့်စာဖုန်းဒွို ဆျန်ယွမ်တွို့တာ။ ပလူးအွယ့်ဟိုဒီ့ ဗွမ့်တိုနောင် အီကေးဆျန်တာ အိုစေးကန်းထွို့လိဒါ လယ်ကွင်ဒူလေတန်ဖုန်း။ ဒေါင့်မာလဲ့ အီကေ့ဆျန်လုဲင်အွယ့်ဘာတာ တမိုးစာဖုန်း လွမ်ဟ။ အွယ့်ကြားမဲ့ အီကေးဆျန်တာ ဖီကအန်ကြွ့လင်း ပေါင်းဟေဟေ တမိုးစာဖုန်းတာ ဆုတောင်လျှောက်လိုကာ ကပျန့်ဒါ လုဲင်ဗွယ် ဗွယ်ဖရာဆောင့်လုဲင်။ 3လေးကာချန်း ဒွိုးခါ့လုဲင်။ ငါးကအန်ကြွ့လေးဒါ နားက့ဒွို ဗွမ့်တိုနောင် ဖီကြွ့လေ သိုးပီဖုန်း ကသေ့ကရွုန်ဒါ ချူနွူးဖုန်းခါကု နားက့ဒွို အီကြုံလိုကာဘာနောင် အန္တာရာယ်ဖုန်း။ 4ချန်ကျီ့လေးကာမာ ဘီဆံ၊ တန်ပွို့၊ ခင်ဖာအလွို့ဖုန်းမာ။ ကလေ့ကုဒီ့လဲ့ ကျွို့ပလူးဖုန်းထွို့ ကျန်းဖြုန်လိုကာမာ အခိန်းမာ။
5နားက့မေနွူးကျိန်း ယွမ်အမာ့ကုခါ့ ‘ပလူးကအိုဒါ ယွမ်ဒွိုးမာ့ကုစာဖုန်း ကားကအို တငင်ချမ်ဖုန်း ဖီကအို’ ကျွို့ကီလိုကာ နိန်းအွယ့်လုဲင်။ 6ပလူးကအိုဒါ ယွမ့်အွယ့်မာကုစာဖုန်းအွယ့် မေပျန့်တို ပလူးအိုလူ တငင်ချမ်စာဖုန်းအွယ့် အာကာ အီလ့လိုကာတို။ ဒေါင့်မာလဲ့ မေလီအိုလူလိုကာဟအွယ့် နားတငင်ချမ်ဒွို အာကာအီလ့လိုကာ လီမေဟာ။ 7ကျန်စလေးကာမာ ယွမ်အမာ့ထွို့ အမာ့မာ။ အိုဘို့ ယွမ်အွယ့်မာ့ကုထွို့ အန်ကာဘို့ ယွမ်စာတအန်လွူ ကားကအိုလုဲင်။ ကွက်တဟနာမေဒေါင့်ဘာအွယ့် ပလူးမိုးတမိုးစာဖုန်းဒွို လ့ထွိုက်တို တမိုးခါ့။
8မေနွူးဝိန်းအဝိန်းကုခါ့ ပလူးအွယ့်ဝိန်းကုစာဖုန်းဒွို မေကြိုစွမ်ကာတို နားက့အွယ့် အန်လိုကာ အာကာကအန်လွူဒါတာ ကားကအိုလုဲင်။ 9မိုးခရွိုင်ဖီ ပလူးလီခရွိုင်ဟစာဖုန်းထွို့ ‘ဗွယ်ဖရာသာသနာတော် အီတွိုတာ အခိန်းဘို့လေလိထွို့’ ဟိုဒေါင့်ဖီ ပလူးဖုန်းနိန်းအွယ့်လုဲင်။ 10ဒေါင့်မာလဲ့ ပလူးဝိန်းကုဖုန်း မလီကြိုစွမ်ဟ နားက့အွယ့် ထန်ကလေ့လောင်ထွို့ 11‘အေ့နောင် ဖီစတိနားက့ထွို့ က့အီဒူ့နားက့ဝိန်းဟန်ဖွမ် ကအိုဒါ က့ခင်လောင်ကုဖုန်း။ ဒေါင့်မာလဲ့ ဗွယ်ဖရာသာသနာတော် အီတွိုတာ အခိန်းဘို့လေလိထွို့ဒွို မှတ်စေးကန်းလိုကာလုဲင်’ ဒေါင့်ကာနိန်းအွယ့်လုဲင်။ 12ငါးဘသာဒေါင့်နားက့ဒွို မေတွို မငြီး ဗွယ်ဖရာ ကျေရင်ဆုံဖြတ် ပလူးကျွမ်ပလားပလားတရာငြီးကု ပလူးအွယ့်ဝိန်းကုစာဖုန်းဒွို အီခံဘာ ကျေရင်ဆုံဖြတ် ဟုဲင်းလွို့ထိုင် ပလူးသောဒုံဝိန်း#10:12ဂျော်ဒန်ကန် ဂျော်ဒန်သျှီလိုးခမ်းလန်လကွမ့်ဒိုင့် (သောဒုံဝိန်းနောင် ဂေါမောရဝိန်းဖုန်းအွယ့် ပျန့်တို ဗွယ်ဖရာကမိုးကေ့ဒါ ဝိန်းအန်ငြီ့ဝိန်း ကွက်အမှုသေ့) ကုစာ” မိန့်နိန်းအွယ့်။
ဝိန်းလီလကာဟ နောင်တဖုန်း
(မဿဲ ၁၁:၂၀-၂၄)
13“အွို ပလူးကအိုဒါ ခေါရဇိန်ဝိန်းကုနောင် ဗက်ဇဲဒဝိန်းကုစာဖုန်း နားက့ အီကြုံလိုကာဘာလိထွို့နောင်တခုဲင်။ ကွက်တဟနာမေဒေါင့်ဘာအွယ့် နားက့ကု ကနေ့ပြစေးဒါ တဟွမ့်ဆန်အန်ဖရာခရာ နိမိတ်လက္ခဏာဖုန်းဒွို မေနေ့ပြဘာ တုရုနောင် ဇိဒုန်ဝိန်းဖုန်းကုဒီ့#10:13 တုရုနောင် ဇိဒုန်ဝိန်းဒွို အိုအစ္စရေးကန် လကွမ့်ကလောင်ကုထွို့ ပျန့်တို ဂျူးပလူးမျိုဖုန်း လီမေဟဖုန်း ကအိုစို့ဒါဝိန်းတိုဟနေ။ ပလူးကအိုဒါ ဝိန်းအွယ့်ကုစာဖုန်းဒွို ထျက်အကီကီခါ့ကာ အီအိုတို့ကာနောင် ကွမ်လာထ့နောင် ခို၊ အီအိုနင်းကာတာ မီဖာကုထွို့မဲ့#10:13 “အိုတို့နောင်ကွမ်လာထ့နောင်ခိုထွို့ အီအိုနင်းကာတာ ဖီဖာကု” ကဒေါင့်ဒါဒွို ပျန့်တို အွယ့်ခေတ်ခါဒီ့ ပလူးဖုန်းဒွို အေ့နောင် နေ့ပြထန် လ့နောင်တ မေဟလဲ့ သ့ခိုဟ အာကာအပျက်တာ ထွို့ အိုတို့လိုကာ ကွမ်လာကြမ်ထွို့ ကွမ်လာအဆင်လီပလေဟထွို့မဲ့ အိုအာကာခူ၊ ငွမ်တာဖုန်းလောင်ကုထွို့ ဖီကာလင်း ဖီဖာဖွမ်ဖုန်းထွို့ အိုနင်းတာ မီဖာပွမ်ကု အလီအဘာတိုဟနေ။ အီလ့ကာတိုနောင်တ အွယ်ကြားမဲ့ဟနေ။ 14မေကျေရင်ဆုံဖြတ်တရာခိန်းကုလဲ့ နားက့ဒွို အီခံဘာ ကျေရင်ဆုံဖြတ် ယိမ်းဟုဲင်းလွို့ထိုင် တုရုနောင် ဇိဒုန်ဝိန်းဖုန်း။ 15ကပေရနောင်ဝိန်းစာဖုန်း၊ နားကထင် လိုကာတိုး နားက့အီခံဘာ ဖီပင်စွိုင်းထန် ဝိန်းခမ်းကုနောဝ်။ ခရားအွယ့် နားက့နုဲင့် အီခံတုန်ဘာဘို့ ငရုဲင်းကုဟို့” မိန့်နိန်းအွယ့်။
16ထွို့မဲ့ ကိုယ်တော်အွယ့် “ပလူးကနာဒါ နားက့ငိုစာဒွို ပျန့်တို ပလူးနာငါးငိုစာ။ ပလူးလီလက်ခံဟ နားက့စာဒွိုလဲ့ ပျန့်ပလူး လီလက်ခံဟငါးစာထွို့ ပလူးလက်ခံဟ ငါးစာဖုန်းဒွို ပျန့်တိုပလူးလီလက်ခံဟ ဗွယ်ဖရာ ကအန်ကြွ့လင်းဒါငါးစာတို” မိန့်အာတပည့်ဖုန်းနိန်းအွယ့်။
တပည့်အန်နျို့စီ့ပလား ပြန်ကျိန်းချာဒါ့
17အခိန်းပေါင်းငီးထန်အကျီ့ကုထွို့ တပည့်အန်နျို့စီ့ပလား ထွိုင်ပြန်ကျိန်းတွိုကာခါ့ အာကာအွယ့် ဟွမ်ခိုနိတ်စက်ကာယွမ်တွို့တာထွို့ “ဗွယ်၊ က့စုံနောင် ဗွယ်နျန်းထွို့ မေဝါစွာ့ထန် မိစ္ဆာတလီခိုဟဖုန်း အိုအိုဒါ ပလူးဖုန်းကုခါ့ အာကာနာခံလိုကာတို” လျှောက်ဒင်လိုကာနိန်းအွယ့်။
18ကိုယ်တော်အွယ့်လဲ့ “မာရ်နတ်ဒွို စွမ်ကေ့ထွို့ အိုမုကန်ကု လင်တေးကျွို့လင်းတာ ဗွမ့်နောင် ပလျော်အို့ဒွို ငါးအိုသျှီဘာ။ 19ငါးဒွို အပ်ဖီထွို့လိနားက့ အခွင်အာဏာ ဖီကယျန်ဖွမ်ဒါ မိစ္ဆာတလီဟ ဗွမ့်နောင် အကျွူကဒူဒါ ကူသေ့ဖုန်းနောင် တဘင့်ခင်မိန်ကွိဖုန်းတာထွို့ ဖီကအောင်ပေးဒါ မာရ်နတ် ကပျန့်ဒါ နားက့ရန်ဆူ တန်ခိုကားကအို အွယ့်ကြားမဲ့ တာကမားဘာလဲ့ယောဝ်း အီမိုးထိခွိုက်ဒါဒါ့ နားက့ လိမေဟာ။ 20ဒေါင့်မာလဲ့ နားက့မိုးဒါဘို့တေ မိစ္ဆာတလီခိုဟဖုန်း ဖီကနာခံဟို့ထွို့ ကျန်ပျော်လိုကာမာ။ ခရားနိန်းအွယ့် နားကနျန်း မေခံတျန်စေးကန်းဘာ ဝိန်းခမ်းကုမဲ့ ပျော်စွင်လိုကာလုဲင်” မိန့်နိန်းအွယ့်။
ကိုယ်တော်ယေရှု ပျော်စွင် ဟွမ့်ခိုတာ
(မဿဲ ၁၁:၂၅-၂၇၊ ၁၃:၁၆-၁၇)
21အွယ်ခိန်းကု ကိုယ်တော်ယေရှုအွယ့် ကွက်ဉာဏ်ရောင်တော်ထွို့ ဟွမ့်ခိုတာထွို့ “ဖာ့ဖရာ ကအုပ်စိုဒါ ဝိန်းခမ်းနောင် ကမ်ဖာလောကကု ကအိုဒါတာကားကအို။ ဖာ့ဗွယ်ဖရာဒွို အန်ဒင်အွိုစေးကန်းကေ့ နန်နောင်နန် အိုထင်တို ပညာအိုထွို့ ဉာဏ်ဖုဲင့်နိန်းအွယ့်စာဖုန်း အမှန်တရာဒွိုးဘာထွို့ တွိုပလူးနန်နောင်နန် ချာ့ဖွိုတိုးနောင်ပသာပီစာဖုန်းဒွို နေ့ပြဖီတို အမှန်တရာဒွိုးဘာ အွယ့်ကြားမဲ့ အန်ဖရာတို ဖာ့ဗွယ်ဖရာ ကေဇူတော်။ ဖာ့ဖရာ၊ ဖာ့ဖရာ အလိုတော်အို အွယ့်ကြားမဲ့ အိုမိုးနိန်းဒွိုးဒွို ငါးအိုသိတို။
22ဖာ့ဗွယ်ဖရာဒွို ဖီအပ်စေးကန်းထွို့လိငါး တာကားကအို။ ဖုခုပျန့်လမာဒွို ဖာ့ဗွယ်ဖရာ အပါးဟို့သိ။ ဖာ့ဗွယ်ဖရာဒွို ပျန့်လမာဒွိုလဲ့ လွို့ထွို့ဖုခုနောင် ဖုခုကလွိုက်ရွေစေးကန်းဒါစာဖုန်းထွို့ လမားသိလိုကာဟ” ဒေါင့်ထန်ဗွယ်ဖရာနိန်းအွယ့်။
23ထွို့မဲ့ ကိုယ်တော်အွယ့် လှည့်လေ အာတပည့်ဖုန်းဒိုင့်ထွို့ “ပလူးကသျှီဘာဒါ တာနားက့သျှီခွင်အိုဒီဟိုစာ ကားကအိုဒွို ပျန့်တို ပလူးကံခိုစာဖုန်းတိုဟနေ။ 24ငါးမေဒေါင့်ဘာနားက့အမှန်ဒွို အကီကီခါ့ကအိုဒါ အရိယာဆူတော်ကောင်နောင် ခွမ့်ခမ်းဖုန်းမသဲ ဘာတသျှီလိုကာ ဗွမ့်နောင် နားက့သျှီခွယ်ခွင်အိုဒီဟိုလဲ့ လီသျှီလိုကာဘာဟ။ ဘသာနာဟွမ့်လိုကာ နားက့ ကနာဟွမ့်ဘာဒါ တာဖုန်းဒီဟိုလဲ့ နာဟွမ့်လိုကာဘာဟ” မိန့်လေနိန်းအွယ့်။
ရှမာရိ ပလူးခိုအပလား
25အငြီးကု ကိုယ်တော်အွယ့် အိုဟိုစွမ့် လူထုပရိသတ်ဖုန်းတွင် ကျမ်ဒါဆရာအပလားအွယ့် “ဆရာ၊ ဖီကလ့ ဆက်နိစ္စထာဝရဒွို#10:25ပြန်အန်လွူလင်းထိုင့်ဒါ့အလိုင် လီအိုဟထွို့ လွတ်ဘ့ထန်ကေ့ သံသရာ ဝဋ်ဆင်ရယ်ကု။ အီမိုးဘာတဟနာ” ဘာတကျန်အွယ့်ကြားမဲ့ ထွိုင်ထွို့ တစီ့လျှောက်ထန်နိန်းအွယ့်။
26အွယ့်ခါ့ ကိုယ်တော်အွယ့် “မောရှေပညတ်ကျမ်ကုဒီ့ တျန်စေးကန်းနိန်းမာ၊ နားစဖိုပေါက်နိန်းမာ” ထွိုင်တစီ့ချာဒါ့ နိန်းအွယ့်ခါ့ 27ပလူးအွယ့်ပလားအွယ့် “လိတ်ကျမ်ကုဒီ့ ‘ရက် နားဗွယ်ဖရာ နောင်နန်၊ သ့၊ သ့သာ အန်တွမ့်ပါး လူးလူးလုဲင် ဗွမ့်နောင် တျန်စေးကန်းနိန်းအွယ့် နားယွမ်တီးစာဖုန်းဒီ့လဲ့ ရက်ဗွမ့်နောင် ရက်ချာနားနန်တိုးလုဲင်’ နိန်းအွယ့်လဲ့ အိုတျန်တျန်စေးကန်း” ပြန်လျှောက်ချာဒါ့နိန်းအွယ့်။
28ကိုယ်တော်အွယ့်လဲ့ “မှန်တို။ မေမိုးဆွက်နောင်နိန်းအွယ့်အွယ့် နားနုဲင့် အီလ့တို ဆက်နိစ္စထာဝရ” မိန့်နိန်းအွယ့်။
29ဒေါင့်မာလဲ့ ကျမ်ဒါဆရာအွယ့် ဘာသနေ့ နန်တိုးဒွို အိုမှန်တိုခရာ အွယ့်ကြားမဲ့ “မေနိန်းအွယ့် ပလူးက့ယွမ်တီးစာကဒေါင့်ဒါဒွို ပျန့်လမာ” ထွိုင်တစီ့လျှောက် ကိုယ်တော်နိန်းအွယ့်ခါ့ 30ကိုယ်တော်အွယ့် “အလိုင်ကုဒီ့ ပလူးအပလားအွယ့် အိုဂျေရုဆလင်ဝိန်းကုထွို့ ထွိုင်လေးလေ ဂျေရိခေါဝိန်းကုခါ့ ကလေ့လောင်ကု ခွယ်နောင် ကျွမ်ဖုန်း။ ကျွမ်အွယ့်ဟိုအွယ့် တွယ်လိုကာအာ ဖီဘို့ဘို့စီ့ကေ့တွို့ထွို့ ဘောင်လိုကာကေ့ အာကွမ်လာဖုန်းထွို့ ချွော်စွာ့လိုကာကေ့ အာတာကားကအို။ 31ဂျူးပုရောဟိတ်အပလားအွယ့် ထွိုင်လေးလေတာ နောင်ကလေ့အွယ့်ဘောင့်ခါ့ အိုသျှီသျှီ ပလူးအွယ့်ပလား အိုလင်အာ့တာနောင် ယာစာ့လဲ့ အိုကလေ့လငါ့ဒိုင့်ထွို့ စရှောင်ထန်ကေ့။ 32နောင်နိန်းအွယ့်ဟို့ ကပျန့်ဒါ ပလူးမိုးတမိုး ဗိမာန်တော်ကုစာ လေဝိ#10:32လေဝိဖုခုဖုန်းဒွို ပျန့်တို ပလူးအိုဂျူးခွိုမျို အစီ့ငြီ့ နွယ်ကုလင်း။ အာကာအွယ့် ချော်တုန် တင့်တော်ရေ၊ ထိန်သိမ်ပရိဘောဂဖုန်း နောင် ပြုပျင်ထိန်ခို ခမ်လန်စွိုင်းမြတ်ဖုန်းလဲ့ပါပါ တာဝန်အိုလိုကာ အမျိုမျို။ခွိုမျိုအပလားအွယ့်လဲ့ ထွိုင်တွိုလေးအွယ့်ကုပါခါ့ အိုသျှီသျှီ ပလူးအွယ့်ပလားလဲ့ ခရားအီစွယ်ပလူးအွယ့်ပလား အိုကလေ့လငါ့ဒိုင့်ထွို့ အာစရှောင်ထန်ကေ့ဒါ့။ 33ကန်စာ့စွက် ရှမာရိခုအပလားအွယ့် အိုစလေးတာ နောင်ကလေ့အွယ့်ဘောင့်ထွို့ ထွိုင်တွိုအွယ့်ကုပါခါ့ သျှီအာ အိုလင်အာ့တာနောင် ယာစာခါ့ ဟွမ့်သညင်ထန် အွယ့်ကြားမဲ့ 34လေးမူလေးအာဆောင့်ထွို့ ကာလင်း စပျစ်သျှီ့ဖုန်းထွို့ တီ့ပလင့်ဖီ ယာစာ့ဖုန်းထွို့မဲ့ ကျွော်ဖီနောင်နမ့်မန်သံလွင်#10:34 အွယ့်ခေတ်ခါဒီ့ စုံလိုကာ စပျစ်ဝိုင်နောင် နမ့်မန်သံလွင် ပျန့်နောင်ဘစီ။ စပျစ်ဝိုင်ဒွို စုံနောင် ဖီအစာစီ့ကျီ့တာထွို့ နမ့်မန်သံလွင်အွယ့် စုံနောင် ဖီယာစာစိုင့်ကျီ့တာ။ထွို့ ဗျန့်ဖီနောင်တယား။ ထွို့မဲ့ ဒင်ထန်အာ လားလောင်ထွို့#10:34လားဒွို အပုံစံ ဗွမ့်နောင် သီကျား။ ဒေါင့်မာလဲ့ နန်လောင်အွယ့် အကျောင်ကျားဖုန်း ပါဟ။ နန်လောင်ပီလွို့တို သီ့ထွို့၊ ကျန်ဟေဟေဒီ့ အရောင် မမွယ်မွယ်တန်။ လားဖုန်းကုဒီ့ အိုနောင် နာလာထွိုင်ထွိုင်တန်ဖုန်းထွို့ ငွမ်းစွမ် ပေါင်းဖွိုလွို့တို သီ့။ တွိုတွို့ဒွိုးခါ့ စုံလိုကာတုဲင်းလား အီဒင်ထွို့ကျီ့ တကလွိုင်တာ။ ဟောင့်လေး ခမ်လန်တည်စို့ကု။ ထွိုင်တွိုခါ့ လွန်လာ ဟွိုင့်ဖီဟနေ။ 35ဒါ့အငြီး မွိုင်ထွိုင်လီ့ခါ့ အာအွယ့် ဖီခမ်လန်တည်စို့ဗွယ် ဒေနာရီဒင်္ဂါအန်ငြီ့ဗီထွို့ ‘လွန်လာဟွိုင့်ဖီပါ ပလူးစာ့ဒွိုးပလားလုဲင်။ မေစလူးလွို့တိုဒွိုးလဲ့ ငါးမေကျိန်းချာခါ့ ငါးအီပြန်ဖီဒါ့တို’ ဒေါင့်စေးကန်းနိန်းအွယ့်” ဒေါင့်နေ့ တတိုက်တွုန်နိန်းအွယ့်။
36ထွို့မဲ့ ကိုယ်တော်ယေရှုအွယ့် “ပလူးအွယ့်အန်တတွမ့်ကုဒီ့ ကခံဘာဒါ ကျွမ်ကျွမ်စာအွယ့်ပလား ယွမ်တီးစာအကျက်ဒွို ပျန့်လမာနားထင်” တစီ့ကျမ်ဒါဆရာအွယ့်ပလားနိန်းအွယ့်။
37အွယ့်ခါ့ ကျမ်ဒါဆရာအွယ့်ပလားအွယ့် “ပျန့်တို ပလူးသညင်အာလောင်ထွို့ ကူညီဖီအာစာဟနေ” ထွိုင်ပြန်ဖရေချာနိန်းအွယ့်ခါ့ ကိုယ်တော်အွယ့် “နားနုဲင့်လဲ့ စမိုးပလူးဖုန်း ဗွမ့်နောင်နိန်းအွယ့်အွယ့်လုဲင်” မိန့်နိန်းအွယ့်။
မာသနောင် မာရိ
38ထွို့မဲ့ ကိုယ်တော်အွယ့် နောင်တပည့်ဖုန်း အိုလေးဆွက်လိုကာ ကလေ့တွင် တွိုလေးလိုကာ ဒုန့်အဒုန့်ကု။ ဒုန့်အွယ့်ဒုန့်ကုအွယ့် ပမွော်နျန်း မာသအွယ့်ပလားအွယ့် ပင့်ကျိန်း ကိုယ်တော်နောင် တပည့်ဖုန်း အာယွမ်ကု။ 39အာအွယ့် ပွော်မွော်နျန်း မာရိအိုအပလား။ မာရိအွယ့် အိုနင်းတာ ကိုယ်တော်ခင်ထိကုထွို့ အိုနာ ကိုယ်တော်ကဟိုစွမ့်ဒါတာဖုန်း။ 40တွို မာသအွယ့် အီအန်လွူကန်သျှန်တာ တမိုးအိုရှုပ်တိုတာ။ ကန်စာ့စွက်ကု မာသအွယ့် ရီ့ဘို့လေး ကိုယ်တော်ဆောင့်ထွို့ “ကိုယ်တော်၊ ငါးပွော်မွော်ဒွို ဖီချာ့စေးကန်း မိုးဖီငါးမိုးဘာတိုး တမိုးယွမ်ကုကားကအိုထွို့ လီစွယ်ကိုဟငါး အွယ့်ကြားမဲ့ ဒေါင့်ဖီအာ ဖီစွယ်ကိုငါးမွန်” လျှောက်ဒင်နိန်းအွယ့်။
41အွယ့်ခါ့ ကိုယ်တော်အွယ့် “မာသ၊ နားနုဲင့် အိုနန်တိုတာ ကိစ္စဟေတန်ဖုန်းတို။ 42ဒေါင့်မာလဲ့ အမှန်ဒွို တာအိုလူယွမ်ယွမ်ဒွို အိုအဘာဟို့။ တွိုမာရိဒွို လွိုက်ရွေစေးထွို့လိတို အီမိုးတာအွယ့်ဘာ အွယ့်ကြားမဲ့ လမားလဲ့ ပုဲင်ယားကေ့ဒါဟဒွမ်း တာအွယ့်ဘာ အာဆောင့်ကုဟာ” မိန့်လေနိန်းအွယ့်။
Currently Selected:
လုကာ 10: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 10
10
အခန် (၁၀)
အန်ကြွ့လေးတပည့် အန်နျို့စီ့ပလား
1ထွို့မဲ့ ကိုယ်တော်အွယ့် လွိုက်တပည့်လငါ့ အန်နျို့စီ့#10:1လိတ်ကျမ်ပိန်ဘာဘာကုဒီ့ ဒေါင့်စေးကန်း အန်နျို့စီ့ငြီ့ပလား။ပလားထွို့မဲ့ ဖီတွယ်အန်တငြီ့အတွယ်ထွို့ ဖီကြွ့လေးကီ ကိုယ်တော်အီကြွာ့လေးစို့ဒါ ကျွမ်ဝိန်း၊ ကျွမ်ဒုန့်ကု။ 2ခရားအီအန်ကြွ့လေ တပည့်ဖုန်းခါ့ ကိုယ်တော်အွယ့် မိန့်ကွင်အာကာနိန်းဒွိုး “ပလူးအီလက်ခံ အီယွမ်အန်ငါးစာဖုန်းဒွို အိုစေးကန်းထွို့လိတို ဟေတန်လဲ့ ပလူးကအီဟိုဒေါင့်ဖီဒါ မင်္ဂလာစတင်းခို ပလူးအွယ့်ဟိုဆောင့်စာဖုန်းဒွို ဆျန်ယွမ်တွို့တာ။ ပလူးအွယ့်ဟိုဒီ့ ဗွမ့်တိုနောင် အီကေးဆျန်တာ အိုစေးကန်းထွို့လိဒါ လယ်ကွင်ဒူလေတန်ဖုန်း။ ဒေါင့်မာလဲ့ အီကေ့ဆျန်လုဲင်အွယ့်ဘာတာ တမိုးစာဖုန်း လွမ်ဟ။ အွယ့်ကြားမဲ့ အီကေးဆျန်တာ ဖီကအန်ကြွ့လင်း ပေါင်းဟေဟေ တမိုးစာဖုန်းတာ ဆုတောင်လျှောက်လိုကာ ကပျန့်ဒါ လုဲင်ဗွယ် ဗွယ်ဖရာဆောင့်လုဲင်။ 3လေးကာချန်း ဒွိုးခါ့လုဲင်။ ငါးကအန်ကြွ့လေးဒါ နားက့ဒွို ဗွမ့်တိုနောင် ဖီကြွ့လေ သိုးပီဖုန်း ကသေ့ကရွုန်ဒါ ချူနွူးဖုန်းခါကု နားက့ဒွို အီကြုံလိုကာဘာနောင် အန္တာရာယ်ဖုန်း။ 4ချန်ကျီ့လေးကာမာ ဘီဆံ၊ တန်ပွို့၊ ခင်ဖာအလွို့ဖုန်းမာ။ ကလေ့ကုဒီ့လဲ့ ကျွို့ပလူးဖုန်းထွို့ ကျန်းဖြုန်လိုကာမာ အခိန်းမာ။
5နားက့မေနွူးကျိန်း ယွမ်အမာ့ကုခါ့ ‘ပလူးကအိုဒါ ယွမ်ဒွိုးမာ့ကုစာဖုန်း ကားကအို တငင်ချမ်ဖုန်း ဖီကအို’ ကျွို့ကီလိုကာ နိန်းအွယ့်လုဲင်။ 6ပလူးကအိုဒါ ယွမ့်အွယ့်မာကုစာဖုန်းအွယ့် မေပျန့်တို ပလူးအိုလူ တငင်ချမ်စာဖုန်းအွယ့် အာကာ အီလ့လိုကာတို။ ဒေါင့်မာလဲ့ မေလီအိုလူလိုကာဟအွယ့် နားတငင်ချမ်ဒွို အာကာအီလ့လိုကာ လီမေဟာ။ 7ကျန်စလေးကာမာ ယွမ်အမာ့ထွို့ အမာ့မာ။ အိုဘို့ ယွမ်အွယ့်မာ့ကုထွို့ အန်ကာဘို့ ယွမ်စာတအန်လွူ ကားကအိုလုဲင်။ ကွက်တဟနာမေဒေါင့်ဘာအွယ့် ပလူးမိုးတမိုးစာဖုန်းဒွို လ့ထွိုက်တို တမိုးခါ့။
8မေနွူးဝိန်းအဝိန်းကုခါ့ ပလူးအွယ့်ဝိန်းကုစာဖုန်းဒွို မေကြိုစွမ်ကာတို နားက့အွယ့် အန်လိုကာ အာကာကအန်လွူဒါတာ ကားကအိုလုဲင်။ 9မိုးခရွိုင်ဖီ ပလူးလီခရွိုင်ဟစာဖုန်းထွို့ ‘ဗွယ်ဖရာသာသနာတော် အီတွိုတာ အခိန်းဘို့လေလိထွို့’ ဟိုဒေါင့်ဖီ ပလူးဖုန်းနိန်းအွယ့်လုဲင်။ 10ဒေါင့်မာလဲ့ ပလူးဝိန်းကုဖုန်း မလီကြိုစွမ်ဟ နားက့အွယ့် ထန်ကလေ့လောင်ထွို့ 11‘အေ့နောင် ဖီစတိနားက့ထွို့ က့အီဒူ့နားက့ဝိန်းဟန်ဖွမ် ကအိုဒါ က့ခင်လောင်ကုဖုန်း။ ဒေါင့်မာလဲ့ ဗွယ်ဖရာသာသနာတော် အီတွိုတာ အခိန်းဘို့လေလိထွို့ဒွို မှတ်စေးကန်းလိုကာလုဲင်’ ဒေါင့်ကာနိန်းအွယ့်လုဲင်။ 12ငါးဘသာဒေါင့်နားက့ဒွို မေတွို မငြီး ဗွယ်ဖရာ ကျေရင်ဆုံဖြတ် ပလူးကျွမ်ပလားပလားတရာငြီးကု ပလူးအွယ့်ဝိန်းကုစာဖုန်းဒွို အီခံဘာ ကျေရင်ဆုံဖြတ် ဟုဲင်းလွို့ထိုင် ပလူးသောဒုံဝိန်း#10:12ဂျော်ဒန်ကန် ဂျော်ဒန်သျှီလိုးခမ်းလန်လကွမ့်ဒိုင့် (သောဒုံဝိန်းနောင် ဂေါမောရဝိန်းဖုန်းအွယ့် ပျန့်တို ဗွယ်ဖရာကမိုးကေ့ဒါ ဝိန်းအန်ငြီ့ဝိန်း ကွက်အမှုသေ့) ကုစာ” မိန့်နိန်းအွယ့်။
ဝိန်းလီလကာဟ နောင်တဖုန်း
(မဿဲ ၁၁:၂၀-၂၄)
13“အွို ပလူးကအိုဒါ ခေါရဇိန်ဝိန်းကုနောင် ဗက်ဇဲဒဝိန်းကုစာဖုန်း နားက့ အီကြုံလိုကာဘာလိထွို့နောင်တခုဲင်။ ကွက်တဟနာမေဒေါင့်ဘာအွယ့် နားက့ကု ကနေ့ပြစေးဒါ တဟွမ့်ဆန်အန်ဖရာခရာ နိမိတ်လက္ခဏာဖုန်းဒွို မေနေ့ပြဘာ တုရုနောင် ဇိဒုန်ဝိန်းဖုန်းကုဒီ့#10:13 တုရုနောင် ဇိဒုန်ဝိန်းဒွို အိုအစ္စရေးကန် လကွမ့်ကလောင်ကုထွို့ ပျန့်တို ဂျူးပလူးမျိုဖုန်း လီမေဟဖုန်း ကအိုစို့ဒါဝိန်းတိုဟနေ။ ပလူးကအိုဒါ ဝိန်းအွယ့်ကုစာဖုန်းဒွို ထျက်အကီကီခါ့ကာ အီအိုတို့ကာနောင် ကွမ်လာထ့နောင် ခို၊ အီအိုနင်းကာတာ မီဖာကုထွို့မဲ့#10:13 “အိုတို့နောင်ကွမ်လာထ့နောင်ခိုထွို့ အီအိုနင်းကာတာ ဖီဖာကု” ကဒေါင့်ဒါဒွို ပျန့်တို အွယ့်ခေတ်ခါဒီ့ ပလူးဖုန်းဒွို အေ့နောင် နေ့ပြထန် လ့နောင်တ မေဟလဲ့ သ့ခိုဟ အာကာအပျက်တာ ထွို့ အိုတို့လိုကာ ကွမ်လာကြမ်ထွို့ ကွမ်လာအဆင်လီပလေဟထွို့မဲ့ အိုအာကာခူ၊ ငွမ်တာဖုန်းလောင်ကုထွို့ ဖီကာလင်း ဖီဖာဖွမ်ဖုန်းထွို့ အိုနင်းတာ မီဖာပွမ်ကု အလီအဘာတိုဟနေ။ အီလ့ကာတိုနောင်တ အွယ်ကြားမဲ့ဟနေ။ 14မေကျေရင်ဆုံဖြတ်တရာခိန်းကုလဲ့ နားက့ဒွို အီခံဘာ ကျေရင်ဆုံဖြတ် ယိမ်းဟုဲင်းလွို့ထိုင် တုရုနောင် ဇိဒုန်ဝိန်းဖုန်း။ 15ကပေရနောင်ဝိန်းစာဖုန်း၊ နားကထင် လိုကာတိုး နားက့အီခံဘာ ဖီပင်စွိုင်းထန် ဝိန်းခမ်းကုနောဝ်။ ခရားအွယ့် နားက့နုဲင့် အီခံတုန်ဘာဘို့ ငရုဲင်းကုဟို့” မိန့်နိန်းအွယ့်။
16ထွို့မဲ့ ကိုယ်တော်အွယ့် “ပလူးကနာဒါ နားက့ငိုစာဒွို ပျန့်တို ပလူးနာငါးငိုစာ။ ပလူးလီလက်ခံဟ နားက့စာဒွိုလဲ့ ပျန့်ပလူး လီလက်ခံဟငါးစာထွို့ ပလူးလက်ခံဟ ငါးစာဖုန်းဒွို ပျန့်တိုပလူးလီလက်ခံဟ ဗွယ်ဖရာ ကအန်ကြွ့လင်းဒါငါးစာတို” မိန့်အာတပည့်ဖုန်းနိန်းအွယ့်။
တပည့်အန်နျို့စီ့ပလား ပြန်ကျိန်းချာဒါ့
17အခိန်းပေါင်းငီးထန်အကျီ့ကုထွို့ တပည့်အန်နျို့စီ့ပလား ထွိုင်ပြန်ကျိန်းတွိုကာခါ့ အာကာအွယ့် ဟွမ်ခိုနိတ်စက်ကာယွမ်တွို့တာထွို့ “ဗွယ်၊ က့စုံနောင် ဗွယ်နျန်းထွို့ မေဝါစွာ့ထန် မိစ္ဆာတလီခိုဟဖုန်း အိုအိုဒါ ပလူးဖုန်းကုခါ့ အာကာနာခံလိုကာတို” လျှောက်ဒင်လိုကာနိန်းအွယ့်။
18ကိုယ်တော်အွယ့်လဲ့ “မာရ်နတ်ဒွို စွမ်ကေ့ထွို့ အိုမုကန်ကု လင်တေးကျွို့လင်းတာ ဗွမ့်နောင် ပလျော်အို့ဒွို ငါးအိုသျှီဘာ။ 19ငါးဒွို အပ်ဖီထွို့လိနားက့ အခွင်အာဏာ ဖီကယျန်ဖွမ်ဒါ မိစ္ဆာတလီဟ ဗွမ့်နောင် အကျွူကဒူဒါ ကူသေ့ဖုန်းနောင် တဘင့်ခင်မိန်ကွိဖုန်းတာထွို့ ဖီကအောင်ပေးဒါ မာရ်နတ် ကပျန့်ဒါ နားက့ရန်ဆူ တန်ခိုကားကအို အွယ့်ကြားမဲ့ တာကမားဘာလဲ့ယောဝ်း အီမိုးထိခွိုက်ဒါဒါ့ နားက့ လိမေဟာ။ 20ဒေါင့်မာလဲ့ နားက့မိုးဒါဘို့တေ မိစ္ဆာတလီခိုဟဖုန်း ဖီကနာခံဟို့ထွို့ ကျန်ပျော်လိုကာမာ။ ခရားနိန်းအွယ့် နားကနျန်း မေခံတျန်စေးကန်းဘာ ဝိန်းခမ်းကုမဲ့ ပျော်စွင်လိုကာလုဲင်” မိန့်နိန်းအွယ့်။
ကိုယ်တော်ယေရှု ပျော်စွင် ဟွမ့်ခိုတာ
(မဿဲ ၁၁:၂၅-၂၇၊ ၁၃:၁၆-၁၇)
21အွယ်ခိန်းကု ကိုယ်တော်ယေရှုအွယ့် ကွက်ဉာဏ်ရောင်တော်ထွို့ ဟွမ့်ခိုတာထွို့ “ဖာ့ဖရာ ကအုပ်စိုဒါ ဝိန်းခမ်းနောင် ကမ်ဖာလောကကု ကအိုဒါတာကားကအို။ ဖာ့ဗွယ်ဖရာဒွို အန်ဒင်အွိုစေးကန်းကေ့ နန်နောင်နန် အိုထင်တို ပညာအိုထွို့ ဉာဏ်ဖုဲင့်နိန်းအွယ့်စာဖုန်း အမှန်တရာဒွိုးဘာထွို့ တွိုပလူးနန်နောင်နန် ချာ့ဖွိုတိုးနောင်ပသာပီစာဖုန်းဒွို နေ့ပြဖီတို အမှန်တရာဒွိုးဘာ အွယ့်ကြားမဲ့ အန်ဖရာတို ဖာ့ဗွယ်ဖရာ ကေဇူတော်။ ဖာ့ဖရာ၊ ဖာ့ဖရာ အလိုတော်အို အွယ့်ကြားမဲ့ အိုမိုးနိန်းဒွိုးဒွို ငါးအိုသိတို။
22ဖာ့ဗွယ်ဖရာဒွို ဖီအပ်စေးကန်းထွို့လိငါး တာကားကအို။ ဖုခုပျန့်လမာဒွို ဖာ့ဗွယ်ဖရာ အပါးဟို့သိ။ ဖာ့ဗွယ်ဖရာဒွို ပျန့်လမာဒွိုလဲ့ လွို့ထွို့ဖုခုနောင် ဖုခုကလွိုက်ရွေစေးကန်းဒါစာဖုန်းထွို့ လမားသိလိုကာဟ” ဒေါင့်ထန်ဗွယ်ဖရာနိန်းအွယ့်။
23ထွို့မဲ့ ကိုယ်တော်အွယ့် လှည့်လေ အာတပည့်ဖုန်းဒိုင့်ထွို့ “ပလူးကသျှီဘာဒါ တာနားက့သျှီခွင်အိုဒီဟိုစာ ကားကအိုဒွို ပျန့်တို ပလူးကံခိုစာဖုန်းတိုဟနေ။ 24ငါးမေဒေါင့်ဘာနားက့အမှန်ဒွို အကီကီခါ့ကအိုဒါ အရိယာဆူတော်ကောင်နောင် ခွမ့်ခမ်းဖုန်းမသဲ ဘာတသျှီလိုကာ ဗွမ့်နောင် နားက့သျှီခွယ်ခွင်အိုဒီဟိုလဲ့ လီသျှီလိုကာဘာဟ။ ဘသာနာဟွမ့်လိုကာ နားက့ ကနာဟွမ့်ဘာဒါ တာဖုန်းဒီဟိုလဲ့ နာဟွမ့်လိုကာဘာဟ” မိန့်လေနိန်းအွယ့်။
ရှမာရိ ပလူးခိုအပလား
25အငြီးကု ကိုယ်တော်အွယ့် အိုဟိုစွမ့် လူထုပရိသတ်ဖုန်းတွင် ကျမ်ဒါဆရာအပလားအွယ့် “ဆရာ၊ ဖီကလ့ ဆက်နိစ္စထာဝရဒွို#10:25ပြန်အန်လွူလင်းထိုင့်ဒါ့အလိုင် လီအိုဟထွို့ လွတ်ဘ့ထန်ကေ့ သံသရာ ဝဋ်ဆင်ရယ်ကု။ အီမိုးဘာတဟနာ” ဘာတကျန်အွယ့်ကြားမဲ့ ထွိုင်ထွို့ တစီ့လျှောက်ထန်နိန်းအွယ့်။
26အွယ့်ခါ့ ကိုယ်တော်အွယ့် “မောရှေပညတ်ကျမ်ကုဒီ့ တျန်စေးကန်းနိန်းမာ၊ နားစဖိုပေါက်နိန်းမာ” ထွိုင်တစီ့ချာဒါ့ နိန်းအွယ့်ခါ့ 27ပလူးအွယ့်ပလားအွယ့် “လိတ်ကျမ်ကုဒီ့ ‘ရက် နားဗွယ်ဖရာ နောင်နန်၊ သ့၊ သ့သာ အန်တွမ့်ပါး လူးလူးလုဲင် ဗွမ့်နောင် တျန်စေးကန်းနိန်းအွယ့် နားယွမ်တီးစာဖုန်းဒီ့လဲ့ ရက်ဗွမ့်နောင် ရက်ချာနားနန်တိုးလုဲင်’ နိန်းအွယ့်လဲ့ အိုတျန်တျန်စေးကန်း” ပြန်လျှောက်ချာဒါ့နိန်းအွယ့်။
28ကိုယ်တော်အွယ့်လဲ့ “မှန်တို။ မေမိုးဆွက်နောင်နိန်းအွယ့်အွယ့် နားနုဲင့် အီလ့တို ဆက်နိစ္စထာဝရ” မိန့်နိန်းအွယ့်။
29ဒေါင့်မာလဲ့ ကျမ်ဒါဆရာအွယ့် ဘာသနေ့ နန်တိုးဒွို အိုမှန်တိုခရာ အွယ့်ကြားမဲ့ “မေနိန်းအွယ့် ပလူးက့ယွမ်တီးစာကဒေါင့်ဒါဒွို ပျန့်လမာ” ထွိုင်တစီ့လျှောက် ကိုယ်တော်နိန်းအွယ့်ခါ့ 30ကိုယ်တော်အွယ့် “အလိုင်ကုဒီ့ ပလူးအပလားအွယ့် အိုဂျေရုဆလင်ဝိန်းကုထွို့ ထွိုင်လေးလေ ဂျေရိခေါဝိန်းကုခါ့ ကလေ့လောင်ကု ခွယ်နောင် ကျွမ်ဖုန်း။ ကျွမ်အွယ့်ဟိုအွယ့် တွယ်လိုကာအာ ဖီဘို့ဘို့စီ့ကေ့တွို့ထွို့ ဘောင်လိုကာကေ့ အာကွမ်လာဖုန်းထွို့ ချွော်စွာ့လိုကာကေ့ အာတာကားကအို။ 31ဂျူးပုရောဟိတ်အပလားအွယ့် ထွိုင်လေးလေတာ နောင်ကလေ့အွယ့်ဘောင့်ခါ့ အိုသျှီသျှီ ပလူးအွယ့်ပလား အိုလင်အာ့တာနောင် ယာစာ့လဲ့ အိုကလေ့လငါ့ဒိုင့်ထွို့ စရှောင်ထန်ကေ့။ 32နောင်နိန်းအွယ့်ဟို့ ကပျန့်ဒါ ပလူးမိုးတမိုး ဗိမာန်တော်ကုစာ လေဝိ#10:32လေဝိဖုခုဖုန်းဒွို ပျန့်တို ပလူးအိုဂျူးခွိုမျို အစီ့ငြီ့ နွယ်ကုလင်း။ အာကာအွယ့် ချော်တုန် တင့်တော်ရေ၊ ထိန်သိမ်ပရိဘောဂဖုန်း နောင် ပြုပျင်ထိန်ခို ခမ်လန်စွိုင်းမြတ်ဖုန်းလဲ့ပါပါ တာဝန်အိုလိုကာ အမျိုမျို။ခွိုမျိုအပလားအွယ့်လဲ့ ထွိုင်တွိုလေးအွယ့်ကုပါခါ့ အိုသျှီသျှီ ပလူးအွယ့်ပလားလဲ့ ခရားအီစွယ်ပလူးအွယ့်ပလား အိုကလေ့လငါ့ဒိုင့်ထွို့ အာစရှောင်ထန်ကေ့ဒါ့။ 33ကန်စာ့စွက် ရှမာရိခုအပလားအွယ့် အိုစလေးတာ နောင်ကလေ့အွယ့်ဘောင့်ထွို့ ထွိုင်တွိုအွယ့်ကုပါခါ့ သျှီအာ အိုလင်အာ့တာနောင် ယာစာခါ့ ဟွမ့်သညင်ထန် အွယ့်ကြားမဲ့ 34လေးမူလေးအာဆောင့်ထွို့ ကာလင်း စပျစ်သျှီ့ဖုန်းထွို့ တီ့ပလင့်ဖီ ယာစာ့ဖုန်းထွို့မဲ့ ကျွော်ဖီနောင်နမ့်မန်သံလွင်#10:34 အွယ့်ခေတ်ခါဒီ့ စုံလိုကာ စပျစ်ဝိုင်နောင် နမ့်မန်သံလွင် ပျန့်နောင်ဘစီ။ စပျစ်ဝိုင်ဒွို စုံနောင် ဖီအစာစီ့ကျီ့တာထွို့ နမ့်မန်သံလွင်အွယ့် စုံနောင် ဖီယာစာစိုင့်ကျီ့တာ။ထွို့ ဗျန့်ဖီနောင်တယား။ ထွို့မဲ့ ဒင်ထန်အာ လားလောင်ထွို့#10:34လားဒွို အပုံစံ ဗွမ့်နောင် သီကျား။ ဒေါင့်မာလဲ့ နန်လောင်အွယ့် အကျောင်ကျားဖုန်း ပါဟ။ နန်လောင်ပီလွို့တို သီ့ထွို့၊ ကျန်ဟေဟေဒီ့ အရောင် မမွယ်မွယ်တန်။ လားဖုန်းကုဒီ့ အိုနောင် နာလာထွိုင်ထွိုင်တန်ဖုန်းထွို့ ငွမ်းစွမ် ပေါင်းဖွိုလွို့တို သီ့။ တွိုတွို့ဒွိုးခါ့ စုံလိုကာတုဲင်းလား အီဒင်ထွို့ကျီ့ တကလွိုင်တာ။ ဟောင့်လေး ခမ်လန်တည်စို့ကု။ ထွိုင်တွိုခါ့ လွန်လာ ဟွိုင့်ဖီဟနေ။ 35ဒါ့အငြီး မွိုင်ထွိုင်လီ့ခါ့ အာအွယ့် ဖီခမ်လန်တည်စို့ဗွယ် ဒေနာရီဒင်္ဂါအန်ငြီ့ဗီထွို့ ‘လွန်လာဟွိုင့်ဖီပါ ပလူးစာ့ဒွိုးပလားလုဲင်။ မေစလူးလွို့တိုဒွိုးလဲ့ ငါးမေကျိန်းချာခါ့ ငါးအီပြန်ဖီဒါ့တို’ ဒေါင့်စေးကန်းနိန်းအွယ့်” ဒေါင့်နေ့ တတိုက်တွုန်နိန်းအွယ့်။
36ထွို့မဲ့ ကိုယ်တော်ယေရှုအွယ့် “ပလူးအွယ့်အန်တတွမ့်ကုဒီ့ ကခံဘာဒါ ကျွမ်ကျွမ်စာအွယ့်ပလား ယွမ်တီးစာအကျက်ဒွို ပျန့်လမာနားထင်” တစီ့ကျမ်ဒါဆရာအွယ့်ပလားနိန်းအွယ့်။
37အွယ့်ခါ့ ကျမ်ဒါဆရာအွယ့်ပလားအွယ့် “ပျန့်တို ပလူးသညင်အာလောင်ထွို့ ကူညီဖီအာစာဟနေ” ထွိုင်ပြန်ဖရေချာနိန်းအွယ့်ခါ့ ကိုယ်တော်အွယ့် “နားနုဲင့်လဲ့ စမိုးပလူးဖုန်း ဗွမ့်နောင်နိန်းအွယ့်အွယ့်လုဲင်” မိန့်နိန်းအွယ့်။
မာသနောင် မာရိ
38ထွို့မဲ့ ကိုယ်တော်အွယ့် နောင်တပည့်ဖုန်း အိုလေးဆွက်လိုကာ ကလေ့တွင် တွိုလေးလိုကာ ဒုန့်အဒုန့်ကု။ ဒုန့်အွယ့်ဒုန့်ကုအွယ့် ပမွော်နျန်း မာသအွယ့်ပလားအွယ့် ပင့်ကျိန်း ကိုယ်တော်နောင် တပည့်ဖုန်း အာယွမ်ကု။ 39အာအွယ့် ပွော်မွော်နျန်း မာရိအိုအပလား။ မာရိအွယ့် အိုနင်းတာ ကိုယ်တော်ခင်ထိကုထွို့ အိုနာ ကိုယ်တော်ကဟိုစွမ့်ဒါတာဖုန်း။ 40တွို မာသအွယ့် အီအန်လွူကန်သျှန်တာ တမိုးအိုရှုပ်တိုတာ။ ကန်စာ့စွက်ကု မာသအွယ့် ရီ့ဘို့လေး ကိုယ်တော်ဆောင့်ထွို့ “ကိုယ်တော်၊ ငါးပွော်မွော်ဒွို ဖီချာ့စေးကန်း မိုးဖီငါးမိုးဘာတိုး တမိုးယွမ်ကုကားကအိုထွို့ လီစွယ်ကိုဟငါး အွယ့်ကြားမဲ့ ဒေါင့်ဖီအာ ဖီစွယ်ကိုငါးမွန်” လျှောက်ဒင်နိန်းအွယ့်။
41အွယ့်ခါ့ ကိုယ်တော်အွယ့် “မာသ၊ နားနုဲင့် အိုနန်တိုတာ ကိစ္စဟေတန်ဖုန်းတို။ 42ဒေါင့်မာလဲ့ အမှန်ဒွို တာအိုလူယွမ်ယွမ်ဒွို အိုအဘာဟို့။ တွိုမာရိဒွို လွိုက်ရွေစေးထွို့လိတို အီမိုးတာအွယ့်ဘာ အွယ့်ကြားမဲ့ လမားလဲ့ ပုဲင်ယားကေ့ဒါဟဒွမ်း တာအွယ့်ဘာ အာဆောင့်ကုဟာ” မိန့်လေနိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.