လုကာ 3
3
အခန် (၃)
ကပျင်ဖီဒါ မေရှိယကလေ့ ငွုတ်သျှီ့မင်္ဂလာဆရာယောဟန်
(မဿဲ ၃:၁-၁၂။ မဿဲ ၁:၁-၈။ ယောဟန် ၁:၁၉-၂၈)
1ရောမဧကရာဇ်တိဗေရိခွမ့်ဆက် လ့အစီ့ငေနိန်းကုခါ့ ပုန္တိပိလတ်အွယ့် ပျန့်ခွမ့်ခံ ယုဒကန်ထွို့၊ ဟေရုဒ်အန္တိပ#3:1ဟေရုဒ်ဒွိုးပလားဒွို ပျန့် ခွမ့်ခမ်းဟေရုဒ်ဖုခု၊ ပျန့် ဟေရုဒ်အန္တိပထွို့ ဆိုင်နောင် တမိုးစီ့ ကခံဘာဒါ မိုးစီ့စာ ငွုတ်သျှီ့မင်္ဂလာဆရာယောဟန်နောင် နာဇရက်ဝိန်းစာ ကိုယ်တော်ယေရှု ဓမ္မတ့ကုဒီ့ အိုအာကဏ္ဍကုထွို့ ကပါဒါ မှတ်တမ်းဖုန်းအွယ့်မဲ့ ခေတ်ဒွိုးခါ့ကု ပလူးသိဟေလိုကာ အွယ့် ပျန့် ပလူးအုပ်ချုပ်ဂါလိလဲကန်စာ။ ဟေရုဒ်အန္တိပပွော်ခု ဖိလိပ္ပုအွယ့် ပျန့်လေ ပလူးအုပ်ချုပ် ဣတုရဲကန်နောင် တရာခေါနိတ်ကန်စာ။ လုသာနိအွယ့် ပျန့်လေ ပလူးအုပ်ချုပ် အဘိလင်ကန်စာထွို့ 2အန္နနောင် ကယာဖကာအွယ့် အွယ့်ခိန်ကုတွင် အိုပျန့်လိုကာ ပုရောဟိတ်အဒူစွက်ဖုန်းဟနေ။ ဗွယ်ဖရာတရာငိုတော်ဒွို တွို့လေး ကအိုဒါနွိုင့်ကန္တာရကု ဇာခရိဖုခု ယောဟန်ဆောင့်။ 3အွယ့်ကြားမဲ့ ယောဟန်အွယ့် စထောင့်လေးတာ ဂျော်ဒန်သျှီ့လိုး အဘောင့်လောင်ထွို့ စဟိုတာ မိုးဖီပလူးဖုန်း ခံဘာလိုကာ တခွင်လွှတ် အိုအာကာ အပျက်စရိုက်လီခိုဟကုဖုန်းတာ ဖီကလ့လိုကာ သံဝေဂထွို့ ဖီကခံချွော်လိုကာ ငွုတ်သျှီ့မင်္ဂလာ အကြောင်ခရာဖုန်း။ 4အရိယာဆူတော်ကောင် ဟေရှာယကျမ်ကု ဟိုတျန်ကီစေးကန်းဒါ ယောဟန်အကြောင်ခရာဒီ့
“ပလားအပလားဒွို အီစလေက့တာ နွိုင့်ကန္တာရကုဒီ့
‘ပျင်လိုကာ ဗွယ်ကအီကြွာ့လေးစို့ဒါ ကလေ့လုဲင်။ မိုးတွို့ဖီလိုကာ အာကလေ့လုဲင်။
5ဖို့ဟန် တအုန်ခေါင့်ခါ ကျွမ်တောင်တောင်ကုထွို့
မိုးညီဒွမ့်ကာခေါင့်ဖုန်း၊ တရွဲဖုန်း ကျွမ်တောင်တောင်လုဲင်။
မိုးတွို့ကာ ကလေ့ကိုင်ဖုန်းထွို့
ကလေ့ကြမ်ဖုန်းလဲ့ မိုးချော်မိုးခိုလိုကာလုဲင်။
6ထွို့မဲ့ ပလူးကားကအိုဒွို အီသျှီကာဘာ ဗွယ်ဖရာ ကအန်ကြွ့လေးဒါ ဗွယ်ကယ်ဆယ်’” နိန်းအွယ့်ဟနေ။
7အွယ့်ကြားမဲ့ ယောဟန်အွယ့် ဒေါင့်ပလူး အီလေခံချွော်ငွုတ်သျှီ့မင်္ဂလာ#3:7ဒင်အထိ နောင်တသံဝေဂထွို့ မိုးဖီပလူးဘာသလှည့်ဖရာဒိုင့်စာဖုန်း ငွုတ်သျှီ့မင်္ဂလာနောင်ဖာ့ ဖရာ၊ ဖုခုယေရှု၊ ဉာဏ်ရောင်တော်နျန်းထွို့။ တာ ကတွိုလေးဒါအာဆောင့်စာဖုန်း “ကတလျှက် လှည့်ကိုက်ဒါတာ နားက့ဖုန်း#3:7လိတ်ကျမ်မူလကုဒီ့ “နားက့ ကူသေ့ခွိုမျိုဖုန်း” နေ့စေးကန်းနိန်အွယ့်။၊ နားက့အိုယူထင်လိုကာ မေခံချွော် ငွုတ်သျှီ့မင်္ဂလာဟို့လဲ့ အီလွှတ်ဒါလိုကာတို အိုဗွယ်ဖရာ ဖီအပျက်ဒဏ် နားက့အပျက်စရိုက်လီခိုဟကုဒီ့ အိုမာတိုဟနေ။ 8အွယ့်ကြားမဲ့ နေ့လိုကာဆက်ဆေ ကဒေါင့်ဒါ လ့လိထွို့ နောင်တသံဝေဂ နားက့အပျက်စရိုက်လီခိုဟဖုန်း နောင်တမိုးလုဲင်။ နားက့နန်နောင်နန် ကျန်ဒေါင့်ကာမာ ပျန့်အာဗြဟံမျိုဆွက် နိန်းအွယ့်မာ။ ကွက်တဟနာမေဒေါင့်ဘာအွယ့် ဗွယ်ဖရာဒွို ဖန်ဆင်ဒါ လုံဒွိုးဟို ဖီကပျန့်အာဗြဟံမျိုဆွက်။ 9ဒွိုးခါ့ကု ဗွယ်ဖရာဒွို ရျန်းစေးကန်းလိအထွို့ အီဖီဒူယွမ်တွို့ အပျက်ဒဏ် ပလူးလီလ့ဟ နောင်တသံဝေဂစာဖုန်းကားကအိုတာ။ အွယ့်ကြားမဲ့ လီလ့လိုကာဟ နောင်တသံဝေဂထွို့ ပလူးလီမိုးလိုကာဟ တခိုစာဖုန်းဒွို အီခံဘာ ဗွယ်ဖရာအန်ဒင်အပျက်ထွို့ အီခံဘာ ဖီဝိန့်စို့မီးကု” ဒေါင့်နိန်းအွယ့်။
10အွယ့်ခါ့ လူထုပရိသတ်ဖုန်းအွယ့် “မေနိန်းအွယ့် က့အီမိုးကာဘာတဟနာ” တစီ့လိုကာ ယောဟန်နိန်းအွယ့်။
11ယောဟန်အွယ့်လဲ့ “နားက့ဆောင့်နုဲင့် ကန်ကျိန်းမေအို အန်ငြီ့ပွူးစာအွယ့် အိုလူဖီဘာ ကန်ကျိန်းလီအိုဟစာအပွူး။ နားက့ဆောင့် တအန်တအို့မေအိုလဲ့ အိုလူဝေပန်ဖီဘာ ပလားလီအိုဟစာဖုန်း” ဖရေချာဒါ့အာကာ နိန်းအွယ့်။
12ပလူးကျက်တခွမ်စာဖုန်းအွယ့်လဲ့ အီလေခံကာ ငွုတ်သျှီ့မင်္ဂလာတာ လေးကာယောဟန်ဆောင့်ထွို့ “ဆရာ၊ က့ဒွိုဟာ အီမိုးဘာတဟနာ” ထွိုင်တစီ့နိန်းအွယ့်ခါ့
13ယောဟန်အွယ့် “နားက့ဒွို ကျန်ကျက်လွို့လိုကာမာ တခွမ် ရောမစိုးရ ကတွော့စေးကန်းဒါ အတွုန်မာ” ဒေါင့်နိန်းအွယ့်။
14ကျေ့စာ အဟန်ဟန်အွယ့်လဲ့ “က့ဒွိုဟာ အီမိုးဘာနိန်းမာ” ထွိုင်တစီ့နိန်းအွယ့်ခါ့
ယောဟန်အွယ့် “နားက့လဲ့ ကျန်ကျွူ့နွိုင်လိုကာမာ ကွမ့်ပလူးဖုန်းဆောင့်မာ။ ကျန်ယွူလိုလေ့ကာမာ လမားမားမာ။ ဒေါင့်မာလဲ့ ကေနပ်ကာဘို့နောင် နားက့ကလ့ဒါ လခငါလုဲင်” ပြန်ဖရေချာနိန်းအွယ့်။
15ပလူးကားကအိုဖုန်းအွယ့် ငီးဒွမ်း ဗွယ်ကယ်ဆယ်မေရှိယဒွို#3:15မေရှိယ ကဒေါင့်ဒါဒွို ပျန့်တို (နောင်ဟေဘရူးငိုဒွို ပလူးခံဘိသိတ်စာ) ဘွဲ့နျန်းနိန်းအွယ့်တို။ ဗွမ့်ဗွမ့်ဘို့နောင် (ဂရိငို၊ ခရစ်တော်) ဟို့ထွို့ အဓိပ္ပာယ်ထန် ဗွယ်ကယ်ဆယ် နိန်းအွယ့်။ အီလေးလိ ဒေါင့်နိန်းအွယ့်ထွို့ နောင်တအိုမောင်းဒူဖုန်း အိုပွိုင်းလိုကာအွယ့်ကြားမဲ့ ပလူးကျန်းဟေဟေအွယ့် ဗွယ်ကယ်ဆယ်မေရှိယဒွို ပျန့်ထိုင်ယောဟန်မတောဝ် အိုယူထန်လိုကာနိန်းအွယ့်။ 16အွယ့်ကြားမဲ့ ယောဟန်အွယ့် “ငါးဒွို ဖီပလူးဖုန်း ငွုတ်သျှီ့မင်္ဂလာနောင်သျှီ့ဒွို အိုမှန်တို။ ဒေါင့်မာလဲ့ ပလူးစွိုင်းမြတ် လွို့ထိုင်ငါးစာအပလား တွိုလေးလိထွို့။ ငါးဒွို အီချီ့ဖီ အာခင်ဖာပီးငါလဲ့ လီထွိုက်တန်ဟ။ အာဒီ့ နောင်ဉာဏ်ရောင်တော်ခယောဝ်း နောင်မီခယောဝ်း အီမိုးဖီနားက့ ငွုတ်သျှီ့မင်္ဂလာ။ 17အာအီခွယ်ခြာ ဘွူ့ကွောနောင် ဘွူဖွမ် နောင် အာကျွော့်ကုကအိုဒါ တကိုကလေ့ကျီ့ တခင်ခရျက်။ ဘွူ့ကွောဖုန်းအွယ့် အီဆျန်စို့ အာကွို့င်ကုထွို့ တွိုဘွူ့ဖွမ်ဖုန်းအွယ့် အီစူလင်းကေ့ မီလီကျိဒါဟဒွမ်းကု” ဒေါင့်အာကာနိန်းအွယ့်။ 18ယောဟန်အွယ့် နောင်တနည်အမျိုမျို နိန်းဒွိုးထွို့ မိုးဖီပလူးကားကအိုဖုန်း လ့ကာ နောင်တသံဝေဂတာ ဟိုဒေါင့်မင်္ဂလာစတင်းခိုဖုန်းဟနေ။
19ယောဟန်ဒွို အုပ်ချုပ်စာဟေရုဒ်ဒီ့လဲ့ အာဒင်အပျက်ကန့်ကွက် ကွက်အန်နီကေ့ အာပွော်ခုတိုးမာ့ ဟေရောဒိခရာနောင် အမှုလီခိုဟလငါ့ဖုန်းတာ။ 20အွယ့်ကြားမဲ့ အုပ်ချုပ်စာဟေရုဒ်အွယ့် အန်ချန့်အာကျေ့စာဖုန်း ကျန်းယောဟန်ထွို့ ဆူထောင်ကုဒွို မိုးလွမ်မာထိုင်ဒါ့ အပျက်ယိမ်ဒူဒါ့အဘာ ဟနေ။
ကိုယ်တော်ယေရှု ခံချွော်ငွုတ်သျှီ့မင်္ဂလာ
(မဿဲ ၃:၁၃-၁၇။ မာကု ၁:၉-၁၁)
21ခရားအီခံဘာစွင်ထောင်ကုခိန်း ယောဟန်ဒီ့ မိုးဖီပလူးဖုန်းဟေတန် ငွုတ်သျှီ့မင်္ဂလာထွို့ ကိုယ်တော်ယေရှုဒွိုလဲ့ အိုခံချွော်ငွုတ်သျှီ့မင်္ဂလာထွို့ အိုဆုတောင်တာတွင် မုကန်အွယ့် တဘောင်ထန်ထွို့ 22ဉာဏ်ရောင်တော်အွယ့် လင်းလင်ကိုယ်တော်လောင် နောင်ထူကာဝူး။ ငိုဇျီး အိုမုကန်ကုအွယ့်လဲ့ “နားနုဲင့် ပျန့်တို ငါးကရက်ဟွမ့်ခိုဘာဒါ ငါးဖုခုတို။ ငါးဒွို ဟွမ့်နိတ်စက် ယွမ်တွို့နား” စင်ထန်နိန်းအွယ့်။
ကိုယ်တော်ယေရှု ဖာ့ပလာခွိုဆက်ဖုန်း
(မဿဲ ၁:၁-၁၇)
23ကိုယ်တော်ယေရှု တေမိုးတ့ ဖရာအမှုတော်ခိန်းဒီ့ ဆက်တော်လ့ အန်းတွမ့်စီ့အာ့။ နောင်ပလူးဖုန်း တယူတသျှီအနေဒီ့ အာဒွို ပျန့်ယောသပ်ဖုခုထွို့
ယောသပ် ဒီ့ပျန့်ဧလိဖုခု။ 24ဧလိ ဒီ့ပျန့်မဿတ်ဖုခု၊
မဿတ် ဒီ့ပျန့်လေဝိဖုခု၊ လေဝိ ဒီ့ပျန့်မေလခိဖုခု၊
မေလခိ ဒီ့ပျန့်ယန္နဖုခု၊ ယန္န ဒီ့ပျန့်ယောသပ်ဖုခု၊
25ယောသပ် ဒီ့ပျန့်မတ္တသိဖုခု၊ မတ္တသိ ဒီ့ပျန့်အာမုတ်ဖုခု၊
အာမုတ် ဒီ့ပျန့်နာဟုံဖုခု၊ နာဟုံ ဒီ့ပျန့်ဧသလိဖုခု၊
ဧသလိ ဒီ့ပျန့်နဂ္ဂဲဖုခု၊ 26နဂ္ဂဲ ဒီ့ပျန့်မာအတ်ဖုခု၊
မာအတ် ဒီ့ပျန့်မတ္တသိဖုခု၊ မတ္တသိ ဒီ့ပျန့်ရှေမိဖုခု၊
ရှေမိ ဒီ့ပျန့်ယောသပ်ဖုခု၊ ယောသပ် ဒီ့ပျန့်ယုဒဖုခု၊
27ယုဒဒီ့ ပျန့်ယောဟန္နဖုခု၊ ယောဟန္န ဒီ့ပျန့် ရေသဖုခု၊
ရေသ ဒီ့ပျန့်ဇေရုဗဗေလဖုခု၊ ဇေရုဗဗေလ ဒီ့ပျန့် ရှာလသေလဖုခု၊
ရှာလသေလ ဒီ့ပျန့်နေရိဖုခု 28နေရိ ဒီ့ပျန့်မေလခိဖုခု၊
မေလခိ ဒီ့ပျန့်အဒ္ဒိဖုခု၊ အဒ္ ဒိဒီ့ပျန့်ကောသံဖုခု၊
ကောသံ ဒီ့ပျန့်ဧလမောဒံ ဖုခု၊ ဧလမောဒံ ဒီ့ပျန့်ဧရဖုခု။
29ဧရ ဒီ့ပျန့်ယောရှုဖုခု၊ ယောရှု ဒီ့ပျန့်ဧလျေဇာဖုခု၊
ဧလျေဇာ ဒီ့ပျန့်ယောရိမ်ဖုခု၊ ယောရိမ် ဒီ့ပျန့်မဿတ်ဖုခု၊
မဿတ် ဒီ့ပျန့်လေဝိဖုခု 30လေဝိ ဒီ့ပျန့်ရှိမောင်ဖုခု၊
ရှိမောင် ဒီ့ပျန့်ယုဒဖုခု၊ ယုဒ ဒီ့ပျန့်ယောသပ်ဖုခု၊
ယောသပ်ဒီ့ ပျန့် ယောနန်ဖုခု၊ ယောနန်ဒီ့ ပျန့်ဧလျာကိမ်ဖုခု
31ဧလျာကိမ် ဒီ့ပျန့် မေလေဖုခု၊ မေလေ ဒီ့ပျန့်မဲနန်ဖုခု၊
မဲနန် ဒီ့ပျန့်မတ္တသဖုခု၊ မတ္တသ ဒီ့ပျန့်နာသန်ဖုခု၊
နာသန် ဒီ့ပျန့်ဒါဝိဒ်ဖုခု။ 32ဒါဝိဒ် ဒီ့ပျန့်ယေရှဲဖုခု၊
ယေရှဲ ဒီ့ပျန့် ဩဗက်ဖုခု၊ ဩဗက် ဒီ့ပျန့်ဗောဇဖုခု၊
ဗေဇ ဒီ့ပျန့်စာလမုန်ဖုခု၊ စာလမုန် ဒီ့ပျန့်နာရှုန်ဖုခု။
33နာရှုန် ဒီ့ပျန့်အမိနဒပ်ဖုခု၊ အမိနဒပ် ဒီ့ပျန့်အဒ်မိန်ဖုခု၊
အဒ်မိန် ဒီ့ပျန့်အာရံနိဖုခု၊ အာရံနိ ဒီ့ပျန့်ဟေဇရုံဖုခု၊
ဟေဇရုံ ဒီ့ပျန့်ဖာရက်ဖုခု၊ ဖာရက် ဒီ့ပျန့်ယုဒဖုခု။
34ယုဒ ဒီ့ပျန့်ယာကုပ်ဖုခု၊ ယာကုပ် ဒီ့ပျန့်ဣဇက်ဖုခု၊
ဣဇက် ဒီ့ပျန့်အာဗြဟံဖုခု၊ အာဗြဟံ ဒီ့ပျန့်တေရဖုခု၊
တေရ ဒီ့ပျန့်နာခေါ်ဖုခု။ 35နာခေါ်ဒီ့ပျန့်စေရောက်ဖုခု၊
စေရောက် ဒီ့ပျန့်ရာဂေါဖုခု၊ ရာဂေါ ဒီ့ပျန့်ဖာလက်ဖုခု၊
ဖာလက် ဒီ့ပျန့်ဟေဗာဖုခု၊ ဟေဗာ ဒီ့ပျန့်ရှာလဖုခု။
36ရှာလ ဒီ့ပျန့်ကာဣနန်ဖုခု၊ ကာဣနန်ဒီ့ ပျန့်အာဖာဇဒ်ဖုခု၊
အာဖာဇဒ် ဒီ့ပျန့်ရှေမဖုခု၊ ရှေမ ဒီ့ပျန့်နောဧဖုခု၊
နောဧ ဒီ့ပျန့်လာမက်ဖုခု။ 37လာမက် ဒီ့ပျန့်မသုရှလဖုခု၊
မသုရှလ ဒီ့ပျန့်ဧနောက်ဖုခု၊ ဧနောက် ဒီ့ပျန့်ယာရက်ဖုခု၊
ယာရက် ဒီ့ပျန့်မဟာလေလဖုခု၊ မဟာလေလ ဒီ့ပျန့်ကာဣနန်ဖုခု။
38ကာဣနန် ဒီ့ပျန့်ဧနုတ်ဖုခု၊ ဧနုတ် ဒီ့ပျန့်ရှေသဖုခု၊
ရှေသ ဒီ့ပျန့်အာဒံဖုခု၊ အာဒံ ဒီ့ပျန့် ဗွယ်ဖရာဖုခုတိုဟနေ။
Currently Selected:
လုကာ 3: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
