Luk 5
5
Chisọs Amek Mme-akpa Mped Isio
(Mat 4:18-22; Mak 1:16-20)
1Usen chi, Chisọs akese ala ke utek esuk isọn̄-akpa Ghenesaret amo etiekwude n̄ko akpa Ghalilii. Otu an̄we epogho ekaana An̄ye nte mmọ ekpan̄de utọn̄ enọ Ikọ Abasi. 2Chisọs akwịd ukpọk umịm ọkọ ipa nte asedaha ke utek esuk, ade mme-ọkọ achak ekekwuọn̄ọ ekpun̄ mmọlo nnien ese eched ichịne nne mmọ. 3Chi ke otu mme-umịm alo akede ake nne Saimọn. Chisọs aluk ekịd umịm alo nnien awo chak Saimọn aped umịm alo adian̄a akpun̄ utek esuk. Akem Chisọs asuuk atie ke umịm alo nnien atun̄o adikpeb mme-an̄we mkpọ.
4Kini An̄ye akpebde mme-an̄we mkpọ amachi, An̄ye awo Saimọn, “Kwad umịm kaa utun̄o-mmun̄ nnien inan̄ iluọn̄ọ ichịne an̄yi isịn ke akpa man imọm achak.”
5Saimọn awọọnọ, “Abọn̄-an̄we, achi ikikpa utom afịd itịdechio in̄wana adimọm achak, nnien achi imọmọ ntechi. Ade ilaha alo afo asewoho achi iluọn̄ọ ichịne ke mmun̄ lo nninnam ntolo.”
6Kini Saimọn mme mpen umịm isio ekeluọkde ichịne, mmọ emọm ataa-ukwak achak tutu ichịne nne mmọ akpere adiwagha.
7Nnien mmọ efun̄ upọk enọ mme nsan̄ nne mmọ ke umịm ọkọ chikọ ewo chak ediun̄wam mmimo. Mmọ enan̄ edi edudọn̄ achak echọhọ umịm mmọ-ipa tutu mmun̄ atun̄o adidọn̄ọ umịm.
8Kini Saimọn Pita akwịdde se ikitịbe, an̄ye aluọ ke eliọn ke iso nne Chisọs awo, “Abọn̄, mbọk laǝha kpun̄ mi, kolo ami nde anam idiọkmkpọ.” 9Pita ake awo ntolo sia ide akekpa an̄ye mme mpen umịm isio kaban̄a ilagha ukwak achak se mmọ ekemọm. 10Mpen umịm nne Saimọn, Yemsi mme akeme ochio-eka isio Yọn amo akedeǝhe nnitọ nne Sebidi, ide akekpa mmọ n̄ko. Ade Chisọs awo Saimọn, “ka an̄yie ndịk. Tutu komo, afo aketie akwuood ichịne achak, ade tun̄o komo, afo awukwuod mme-an̄we ediude mped Ami.” 11Nnien mme mpen ọkọ-achak alo ekeda umịm nne mmọ ediusịm isọn̄, mmọ ekpun̄ ataa afịd mkpọ ọkọ enan̄ ekọọnọ Chisọs ma ede mme-mped Isio.
Chisọs Anam Ide Achọn̄ An̄we Akpamfia
(Mat 8:1-4; Mak 1:40-45)
12Nnien usen chi kini Chisọs aketieghe ke idun̄ chi lo ke nkan-nkwuk Ghalilii, enien̄we chi se ikilọn̄ọ akpamfia aketie, kini an̄ye akwịde Chisọs an̄ye aluọ ke eliọn̄, asuuk an̄yie ke isọn̄ ma aben̄e Chisọs awo, “Abọn̄-an̄we, ndiọn̄ọ ke ude Afo achimede adịn̄yan̄a mi, Afo akeme adinam mi nsan̄a.”
13Nnien Chisọs an̄yan upọk, atuuk enien̄we alo, ma awo, “N̄chime adikọk fi, san̄a.” Ke inichi alo akpamfia akpun̄ an̄ye.
14Nnien Chisọs akpan an̄ye, ate, “katan̄ anọ an̄we ntechi aban̄a dan̄a akesan̄a awọ adikọk. Ade kaa nnen-nnen bịne oku ke tempịl ke idun̄ a Yeruselem nnien kwad an̄ye ide afo man an̄ye achie anan̄ achiọn̄ọ ke afo asana. Nan̄ nọ mme-uwa se iped nne Mosis ateme afịd mpen se akpamfia asana awo enọ. Ke adinam amo, mme-an̄we ekudiọn̄ọ uwo ke afo asana.”
15Ade etob ke Chisọs ase akọk mme-an̄we ulọn̄ọ asuana eti-eti. Ke ntolo, mme otu an̄we ekekuọn̄ọ edi adikob se An̄ye akpeb nnan̄ nwo ukọk ke mme ulọn̄ọ nne mmọ. 16Ade Chisọs aketie akpun̄ mmọ ini mme ini aka itie se idobo, akupọn̄ akam An̄ye ikpọen̄ anọ Abasi.
Chisọs Anam An̄we Akpauben̄ Akob Nchọn̄ide
(Mat 9:2-8; Mak 2:1-12)
17Ke usen afee, kini Chisọs asekpebde mkpọ, usuk mme-farisii#5:17 Farisii Mme-Farisii ekede epogho ido ukpono mme-Yu mme mme-akpeb iped nne Mosis#5:17 Mme-akpeb iped nne Mosis Mme-akpeb ikped nne Mosis ekede nta mme-adun̄o ukpebmkpọ, mme-akpeb mkpọ, mme-akaaba iped nne Mosis, mme mme-iped mme ido mme-Yu mme mmọ ako. eketie lo. Mmọ eketo ke mme-idun̄-in̄wan̄ ke Ghalilii mme ke nkan-nkwuk a Yudia mme ke idun̄ a Yeruselem edi. Ke ini alo Abasi akenọ An̄ye adudu adikọk mpen ulọn̄ọ. 18Kpa ke ini alo, nnini ifan̄-lo ekepen enien̄we ke mbịd, amo akelọn̄ọde akpauben̄ edi. Mmọ ekefed adida an̄ye nluk ekịd ufọk se Chisọs akesịne man enịm an̄ye ke iso Isio. 19Ade sia mmọ miikikwịde ufan̄ se eda an̄ye eluk ke ntak otu an̄we, anam mmọ epen an̄ye eliene ekufugho akọmọ ufọk, esuuk an̄ye ke mbịd-nna, enịm ke aten̄ otu an̄we, ke iso nne Chisọs.
20Kini Chisọs adiọn̄ọde awo ke mmọ en̄yie n̄wuọdide ke An̄ye adikọk an̄we lo, An̄ye awo, “Enien̄we, mfen nnọ fi ke mme idiọkmkpọ afo.”
21Nnien mme-akpeb iped nne Mosis mme mme-Farisii etun̄o adikere ke otu ide nne mmọ, “Anie an̄we ichọn̄ Abasi an̄yie amo ke aditan̄ ikọ nte imo ide Abasi? Achi idiọn̄ọ ke Abasi ade usukwre An̄we amo akemede adifen mme-idiọkmkpọ!”
22Ade, sia Chisọs adiọn̄ọde akikere nnọmo, An̄ye abịb mmọ awo, “Ntak an̄yi ikerede ntolo? 23An̄ye afee isimem ikan adiwo mbun̄o amo, ‘efen mme idiọkmkpọ afo’ mee adiwo ‘lahala nan̄ san̄a?’ 24Ade komo, Ami nninkọk an̄we ulọn̄ọ amo man an̄yi idiọn̄ọ iwo ke Ami Ochio An̄we n̄yie unen adifen mme idiọkmkpọ ke arimbod.” Chisọs aketan̄ ntolo ama, afiaha an̄yie achie alọn̄ọ-akpauben̄ alo ma awo, “Nnọ uchio nwo, lahala! Pen mbịd afo, n̄yọn̄ ufọk afo.” 25Nnien ke ndo-ndo alo, an̄we alo alahala ke iso afịd an̄we, apen mbịd-nna isio, an̄yọn̄ ufọk anan̄ anọ Abasi ubọn̄. 26Ide akekpa afịd mpen se ikitie lo, nnien mmọ etoro Abasi. Uteen̄e Abasi akefuk mmọ tutu mmọ ewo ke otu ide nne mmọ “achi ikwịd mme mkpọ nn̄yọọ mfin amo.”
Chisọs Awo Lafai Akọọnọ An̄ye
(Mat 9:9-13; Mak 2:13-17)
27Ado akekpun̄, Chisọs akwuọ ke ufọk alo, nnien nte An̄ye san̄ade ke ayed akwịd awo-ataksi chi amo akekọọde Lifai nte atie ke itie utom mpen awo-ataksi, Chisọs atọ-an̄yie achie an̄ye ma awo, “Kọọnọ Mi, man adiude mped Ami!” 28Akem, Lifai alaha, akpun̄ utom isio nte awo-ataksi, akọọnọ Chisọs man akude mped Isio.
29Ado akekpun̄, Lifai asịn akwuaha nlia ke ufọk man akpono Chisọs. Nnien adiwak otu-mme awọ-ataksi, mme mpen afee ekedi edukọọnọ mmọ elia mkpọ. 30Nnien usuk mme-farisii mme mme-akpeb iped nne Mosis ke otu nne mmọ ekuun ikọ mme mme-mped nne Chisọs ebịb mmọ ete, “nsinam an̄yi ilia mkpọ chi mme mme-aben̄ ataksi mme mme-anam idiọkmkpọ amo mo.”
31Chisọs ada n̄ke awọọnọ mme-farisii alo, ate, “mpen amo miilọn̄ọke itifede abia ulọn̄ọ, ade mpen se ilọn̄ọ etiefed.”
32“Ke ukem ayed alo, nkidighe adikwuod mpen se ide adinen man ekaaba ekịd. Ade nkedi adikwuod mme anam idiọk man mmọ ekaaba ekịd.”
Ebịb Chisọs Mbiime Eban̄a Utreulia
(Mat 9:14-17; Mak 2:18-22)
33Nnien usuk an̄we ebịb Chisọs ete, “mme-mped nne Yọn aluọk an̄we mmun̄ etie enaa utreulia enan̄ epọn̄ akam ukwak ini, mme-mped nne mme-farisii n̄ko etie enaa utreulia enan̄ epọn̄ akam. Nsinam mme-mped Afo miitinaǝha utreulia?”
34Chisọs awọọnọ ate, “Ekeme adinam mme-ichen-an̄we ke itie nlọ enaa utreulia kini epe-nlọ asetieghe mme mmọ? Imitịbeke itideghe ntolo! 35Ade usen akudi amo ewupende epe-nlọ ukpun̄ iloon Isio ini alo ke mmọ ekunaa utreulia.”
36Nnien Chisọs anọ mmọ ukwadmkpọ afee, “An̄we ifadda ufa afun̄ ikukịm idian ke akaan, miidọghọ ntolo, ufa afun̄ alo anie mbiara, nnien akaan alo imaha uluk-udọn̄ọ mme ufa afun̄ alo.#5:36 Chisọs akenam ukwa-mkpọ amo anọ mmọ adikwad dan̄a atie udeake ebakha ukpeb-mkpọ Isio mme mme-ido idun̄. 37Ukem alo n̄ko, an̄we isịne ufa wain ke akaan ikpa, miidọghọ ntolo, ufa wain alo ani nduak ntob ikpa alo mpịm, nnan̄ nkọbọ, nnien ikpa alo anie mbiara. 38Ke ntak alo, ana nte esịn ufa wain ke ufa ikpa-wain maǝk mma ipa amefọn. 39Anan̄ ade akpanikọ ke mpen se imeghe mme akaan wain isifedde ufa, kolo mmọ ewǝoho ete, ‘Akaan wain afọn akan ufa.’ ”
Currently Selected:
Luk 5: IBN
Highlight
Share
Copy
Want to have your highlights saved across all your devices? Sign up or sign in
Ibino (Ibono) Bible by Beyond Translation is licensed under Creative Commons Attribution-ShareAlike 4.0 License.
Luk 5
5
Chisọs Amek Mme-akpa Mped Isio
(Mat 4:18-22; Mak 1:16-20)
1Usen chi, Chisọs akese ala ke utek esuk isọn̄-akpa Ghenesaret amo etiekwude n̄ko akpa Ghalilii. Otu an̄we epogho ekaana An̄ye nte mmọ ekpan̄de utọn̄ enọ Ikọ Abasi. 2Chisọs akwịd ukpọk umịm ọkọ ipa nte asedaha ke utek esuk, ade mme-ọkọ achak ekekwuọn̄ọ ekpun̄ mmọlo nnien ese eched ichịne nne mmọ. 3Chi ke otu mme-umịm alo akede ake nne Saimọn. Chisọs aluk ekịd umịm alo nnien awo chak Saimọn aped umịm alo adian̄a akpun̄ utek esuk. Akem Chisọs asuuk atie ke umịm alo nnien atun̄o adikpeb mme-an̄we mkpọ.
4Kini An̄ye akpebde mme-an̄we mkpọ amachi, An̄ye awo Saimọn, “Kwad umịm kaa utun̄o-mmun̄ nnien inan̄ iluọn̄ọ ichịne an̄yi isịn ke akpa man imọm achak.”
5Saimọn awọọnọ, “Abọn̄-an̄we, achi ikikpa utom afịd itịdechio in̄wana adimọm achak, nnien achi imọmọ ntechi. Ade ilaha alo afo asewoho achi iluọn̄ọ ichịne ke mmun̄ lo nninnam ntolo.”
6Kini Saimọn mme mpen umịm isio ekeluọkde ichịne, mmọ emọm ataa-ukwak achak tutu ichịne nne mmọ akpere adiwagha.
7Nnien mmọ efun̄ upọk enọ mme nsan̄ nne mmọ ke umịm ọkọ chikọ ewo chak ediun̄wam mmimo. Mmọ enan̄ edi edudọn̄ achak echọhọ umịm mmọ-ipa tutu mmun̄ atun̄o adidọn̄ọ umịm.
8Kini Saimọn Pita akwịdde se ikitịbe, an̄ye aluọ ke eliọn ke iso nne Chisọs awo, “Abọn̄, mbọk laǝha kpun̄ mi, kolo ami nde anam idiọkmkpọ.” 9Pita ake awo ntolo sia ide akekpa an̄ye mme mpen umịm isio kaban̄a ilagha ukwak achak se mmọ ekemọm. 10Mpen umịm nne Saimọn, Yemsi mme akeme ochio-eka isio Yọn amo akedeǝhe nnitọ nne Sebidi, ide akekpa mmọ n̄ko. Ade Chisọs awo Saimọn, “ka an̄yie ndịk. Tutu komo, afo aketie akwuood ichịne achak, ade tun̄o komo, afo awukwuod mme-an̄we ediude mped Ami.” 11Nnien mme mpen ọkọ-achak alo ekeda umịm nne mmọ ediusịm isọn̄, mmọ ekpun̄ ataa afịd mkpọ ọkọ enan̄ ekọọnọ Chisọs ma ede mme-mped Isio.
Chisọs Anam Ide Achọn̄ An̄we Akpamfia
(Mat 8:1-4; Mak 1:40-45)
12Nnien usen chi kini Chisọs aketieghe ke idun̄ chi lo ke nkan-nkwuk Ghalilii, enien̄we chi se ikilọn̄ọ akpamfia aketie, kini an̄ye akwịde Chisọs an̄ye aluọ ke eliọn̄, asuuk an̄yie ke isọn̄ ma aben̄e Chisọs awo, “Abọn̄-an̄we, ndiọn̄ọ ke ude Afo achimede adịn̄yan̄a mi, Afo akeme adinam mi nsan̄a.”
13Nnien Chisọs an̄yan upọk, atuuk enien̄we alo, ma awo, “N̄chime adikọk fi, san̄a.” Ke inichi alo akpamfia akpun̄ an̄ye.
14Nnien Chisọs akpan an̄ye, ate, “katan̄ anọ an̄we ntechi aban̄a dan̄a akesan̄a awọ adikọk. Ade kaa nnen-nnen bịne oku ke tempịl ke idun̄ a Yeruselem nnien kwad an̄ye ide afo man an̄ye achie anan̄ achiọn̄ọ ke afo asana. Nan̄ nọ mme-uwa se iped nne Mosis ateme afịd mpen se akpamfia asana awo enọ. Ke adinam amo, mme-an̄we ekudiọn̄ọ uwo ke afo asana.”
15Ade etob ke Chisọs ase akọk mme-an̄we ulọn̄ọ asuana eti-eti. Ke ntolo, mme otu an̄we ekekuọn̄ọ edi adikob se An̄ye akpeb nnan̄ nwo ukọk ke mme ulọn̄ọ nne mmọ. 16Ade Chisọs aketie akpun̄ mmọ ini mme ini aka itie se idobo, akupọn̄ akam An̄ye ikpọen̄ anọ Abasi.
Chisọs Anam An̄we Akpauben̄ Akob Nchọn̄ide
(Mat 9:2-8; Mak 2:1-12)
17Ke usen afee, kini Chisọs asekpebde mkpọ, usuk mme-farisii#5:17 Farisii Mme-Farisii ekede epogho ido ukpono mme-Yu mme mme-akpeb iped nne Mosis#5:17 Mme-akpeb iped nne Mosis Mme-akpeb ikped nne Mosis ekede nta mme-adun̄o ukpebmkpọ, mme-akpeb mkpọ, mme-akaaba iped nne Mosis, mme mme-iped mme ido mme-Yu mme mmọ ako. eketie lo. Mmọ eketo ke mme-idun̄-in̄wan̄ ke Ghalilii mme ke nkan-nkwuk a Yudia mme ke idun̄ a Yeruselem edi. Ke ini alo Abasi akenọ An̄ye adudu adikọk mpen ulọn̄ọ. 18Kpa ke ini alo, nnini ifan̄-lo ekepen enien̄we ke mbịd, amo akelọn̄ọde akpauben̄ edi. Mmọ ekefed adida an̄ye nluk ekịd ufọk se Chisọs akesịne man enịm an̄ye ke iso Isio. 19Ade sia mmọ miikikwịde ufan̄ se eda an̄ye eluk ke ntak otu an̄we, anam mmọ epen an̄ye eliene ekufugho akọmọ ufọk, esuuk an̄ye ke mbịd-nna, enịm ke aten̄ otu an̄we, ke iso nne Chisọs.
20Kini Chisọs adiọn̄ọde awo ke mmọ en̄yie n̄wuọdide ke An̄ye adikọk an̄we lo, An̄ye awo, “Enien̄we, mfen nnọ fi ke mme idiọkmkpọ afo.”
21Nnien mme-akpeb iped nne Mosis mme mme-Farisii etun̄o adikere ke otu ide nne mmọ, “Anie an̄we ichọn̄ Abasi an̄yie amo ke aditan̄ ikọ nte imo ide Abasi? Achi idiọn̄ọ ke Abasi ade usukwre An̄we amo akemede adifen mme-idiọkmkpọ!”
22Ade, sia Chisọs adiọn̄ọde akikere nnọmo, An̄ye abịb mmọ awo, “Ntak an̄yi ikerede ntolo? 23An̄ye afee isimem ikan adiwo mbun̄o amo, ‘efen mme idiọkmkpọ afo’ mee adiwo ‘lahala nan̄ san̄a?’ 24Ade komo, Ami nninkọk an̄we ulọn̄ọ amo man an̄yi idiọn̄ọ iwo ke Ami Ochio An̄we n̄yie unen adifen mme idiọkmkpọ ke arimbod.” Chisọs aketan̄ ntolo ama, afiaha an̄yie achie alọn̄ọ-akpauben̄ alo ma awo, “Nnọ uchio nwo, lahala! Pen mbịd afo, n̄yọn̄ ufọk afo.” 25Nnien ke ndo-ndo alo, an̄we alo alahala ke iso afịd an̄we, apen mbịd-nna isio, an̄yọn̄ ufọk anan̄ anọ Abasi ubọn̄. 26Ide akekpa afịd mpen se ikitie lo, nnien mmọ etoro Abasi. Uteen̄e Abasi akefuk mmọ tutu mmọ ewo ke otu ide nne mmọ “achi ikwịd mme mkpọ nn̄yọọ mfin amo.”
Chisọs Awo Lafai Akọọnọ An̄ye
(Mat 9:9-13; Mak 2:13-17)
27Ado akekpun̄, Chisọs akwuọ ke ufọk alo, nnien nte An̄ye san̄ade ke ayed akwịd awo-ataksi chi amo akekọọde Lifai nte atie ke itie utom mpen awo-ataksi, Chisọs atọ-an̄yie achie an̄ye ma awo, “Kọọnọ Mi, man adiude mped Ami!” 28Akem, Lifai alaha, akpun̄ utom isio nte awo-ataksi, akọọnọ Chisọs man akude mped Isio.
29Ado akekpun̄, Lifai asịn akwuaha nlia ke ufọk man akpono Chisọs. Nnien adiwak otu-mme awọ-ataksi, mme mpen afee ekedi edukọọnọ mmọ elia mkpọ. 30Nnien usuk mme-farisii mme mme-akpeb iped nne Mosis ke otu nne mmọ ekuun ikọ mme mme-mped nne Chisọs ebịb mmọ ete, “nsinam an̄yi ilia mkpọ chi mme mme-aben̄ ataksi mme mme-anam idiọkmkpọ amo mo.”
31Chisọs ada n̄ke awọọnọ mme-farisii alo, ate, “mpen amo miilọn̄ọke itifede abia ulọn̄ọ, ade mpen se ilọn̄ọ etiefed.”
32“Ke ukem ayed alo, nkidighe adikwuod mpen se ide adinen man ekaaba ekịd. Ade nkedi adikwuod mme anam idiọk man mmọ ekaaba ekịd.”
Ebịb Chisọs Mbiime Eban̄a Utreulia
(Mat 9:14-17; Mak 2:18-22)
33Nnien usuk an̄we ebịb Chisọs ete, “mme-mped nne Yọn aluọk an̄we mmun̄ etie enaa utreulia enan̄ epọn̄ akam ukwak ini, mme-mped nne mme-farisii n̄ko etie enaa utreulia enan̄ epọn̄ akam. Nsinam mme-mped Afo miitinaǝha utreulia?”
34Chisọs awọọnọ ate, “Ekeme adinam mme-ichen-an̄we ke itie nlọ enaa utreulia kini epe-nlọ asetieghe mme mmọ? Imitịbeke itideghe ntolo! 35Ade usen akudi amo ewupende epe-nlọ ukpun̄ iloon Isio ini alo ke mmọ ekunaa utreulia.”
36Nnien Chisọs anọ mmọ ukwadmkpọ afee, “An̄we ifadda ufa afun̄ ikukịm idian ke akaan, miidọghọ ntolo, ufa afun̄ alo anie mbiara, nnien akaan alo imaha uluk-udọn̄ọ mme ufa afun̄ alo.#5:36 Chisọs akenam ukwa-mkpọ amo anọ mmọ adikwad dan̄a atie udeake ebakha ukpeb-mkpọ Isio mme mme-ido idun̄. 37Ukem alo n̄ko, an̄we isịne ufa wain ke akaan ikpa, miidọghọ ntolo, ufa wain alo ani nduak ntob ikpa alo mpịm, nnan̄ nkọbọ, nnien ikpa alo anie mbiara. 38Ke ntak alo, ana nte esịn ufa wain ke ufa ikpa-wain maǝk mma ipa amefọn. 39Anan̄ ade akpanikọ ke mpen se imeghe mme akaan wain isifedde ufa, kolo mmọ ewǝoho ete, ‘Akaan wain afọn akan ufa.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ibino (Ibono) Bible by Beyond Translation is licensed under Creative Commons Attribution-ShareAlike 4.0 License.