Luk 7
7
Chisọs Anam Ide Ochio Ufọk Nne Senturiọn Achọn̄
(Mat 8:5-13)
1Kini Chisọs akekpebde mme-an̄we afịd mkpọ alo akwre, An̄ye akaa idun̄ Kapanum. 2Ete-umịm mpen ekwun̄#7:2 Ekwun̄ Ichie ke idun̄ Rom chi lo aketie. An̄ye aken̄yie ochio-ufọk amo an̄ye akemade eti-eti. Ochio-ufọk alo akelọn̄ọ tutu akpere adikpa. 3Anam, kini ete-umịm mpen ekwun̄ alo akekobde ate ke Chisọs mmọlo ke idun̄, an̄ye adọn̄ usuk mme-ikpọ an̄we mpen Yu ekaa ebịne Chisọs. An̄ye awo mmọ eben̄e Chisọs ewo chak adunam ide achọn̄ ochio-ufọk nne imọ. 4Nnien kini mmọ edusobode mme Chisọs, mmọ ekpe An̄ye upọk eti-eti man akọọnọ mme-imọ aduka akun̄wam ete-umịm alo, mmọ ewo, “Ete-umịm amo adod se Afo an̄wam ke uto ayed amo. 5Ke ntak adede an̄ye ama achi, mme-Yu nnien an̄ye akepọb sinakọk#7:5 Sinakọk Afe mpoono anọ achi.”
6Anam, Chisọs akọọn̄ọ mmọ akaa ufọk nne ete-unịm mpen ekwun̄ Rom alo. Kini Chisọs akekperede ufọk alo, ete-unịm ekwun̄ alo adọn̄ iloon isio ifan̄ ate ewo Chisọs, “Abọn̄-an̄we, ka akpakpaide ke adidi ufọk ami kolo ndodo se afo aluk ekịd ufọk ami. 7Nnien ami ndodo baba adidi ke ide ami mbịne fi. Ade ula ke itie alo nọ uchio ndiọn̄ọke an̄ye akukop nchọn̄ide. 8Ntan̄ alo kolo ami nsịne ke adagha ukara, nnan̄ nn̄yie mpen ekwun̄ ke adagha ami. Nnien nwo chi ‘kaa’ an̄ye akaa, nwo afee, ‘di’, an̄ye adi. N̄wo ochio-ufọk ami, ‘nam omo’, nnien an̄ye anam.”
9Kini Chisọs akobde se an̄ye atan̄, ide akpa An̄ye. An̄ye anan̄ akaana an̄yie achie mpen amo ekekọọnọde An̄ye, nnien awo, “Ke akpanikọ ke nwo n̄yi, akanam nkwịde an̄we Isrel amo anịmde Mi ke akpanikọ nte Yentail amo.” 10Akem iloon nne ete-umịm ekwun̄ alo etuno en̄yọn̄ọ ufọk isio. Kini mmọ ediusịm lo, mmọ ekwịd ke ide anin̄e achọn ochio-ufọk alo afịd-afịd.
Chisọs Anam Ochio-enien̄we Nn̄wa-ekpa Ased Ke Mkpa
11Ke ini miikpeneke#7:11 Ke ini miikpeneke Usuk n̄kwed a-Krik ewo, adam usen alo., Chisọs akekaa idun̄ se ekwuod Nein. Mme-mped Isio mme ukwak otu an̄we ekesan̄a mme An̄ye. 12Nte mmọ esan̄ade ekpere ntonluk idun̄ Nein, mmọ ekwịd nte mme-an̄we epen akpo akparawa ekaa adibugh. Eka akparawa alo akede nn̄wa-ekpa, ikinan̄ in̄yiǝhe ochio-enien̄we afee. Nnien adiwak mpen idun̄ alo n̄ko ekesan̄a mme nn̄wa-ekpa alo ekaa adibugh ochio alo. 13Kini Abọn̄ Chisọs akwịdde mma alo, akob mbọm aban̄a an̄ye anan̄ awo an̄ye “Katua aba.”
14Nnien Chisọs asan̄a akpere anan̄ atuuk akobo-okpo, nnien mpen se ikipen akobo-okpo alo etuak ela. Nnien Chisọs awo, “Akparawa, nnọ fi uchio nwo, lahala!.” 15Inichi alo, akparawa alo akekpade ased, anin̄e atie atun̄o aditan̄ ikọ. Chisọs nnien ada an̄ye adiusọk eka isio.
16Nnien ndịk anam afịd mpen se ikikwịd se ikitịbe, ide anan̄ akpa mmọ n̄ko. Mmọ enan̄ etoro Abasi, ewo “An̄yie adudu ayara uchio Abasi mmọmo ke otu achi; nnien Abasi anan̄ adi adiwam achi mpen Isio.” 17Nnien etob mkpọ se Chisọs akenam asuana ke afịd idịd Yudia mme nkan-nkwuk isio.
Yọn Aluọk An̄we Mmun̄ Adọn̄ Mme-mped Isio Nsun̄ Anọ Chisọs
(Mat 11:2-19)
18Mme-mped nne Yọn aluọk an̄we mmun̄ ekautan̄ enọ Yọn ke ufọk mkpọkọbọ kpukpro mkpọ se Chisọs anam. 19Anam, Yọn akwuod mped isio ipa, anan̄ adọn̄ mmọ anọ Abọn̄ Chisọs ate ebịb; “Nte afo ade Kraist amo Abasi aken̄wun̄ode adinọ adi, mee achi ikaiso ifed afee an̄we.”
20Kini mme-mped nne Yọn ipa alo edighe ediusobo mme Chisọs, mmọ ewo An̄ye, “Yọn aluọk an̄we mmun̄ adọn̄ achi ate ibịb Fi iwo, Afo ade Kraist amo Abasi aken̄wun̄ode adinọ adi, mee achi ikaiso ifed an̄we afee?”
21Ke ata ini alo amo mme-mped nne Yọn aluok an̄we mmun̄ eketiǝhe lo, Chisọs akọk ulọn̄ọ adiwak mme-an̄we, mme mpen se mme-ndedeghe spirid ekesọb; anan̄ anam adiwak mpen nnan emọọnọ mkpọ. 22Anam, Chisọs awọọnọ mme-mped nne Yọn awo, “ika ikudọǝhọ Yọn aluọk an̄we mmun̄ mme-mkpọ se an̄yi ikwịd inan̄ ikob; dan̄a mme-nnan emọọnọ mkpọ, mme mbun̄o esan̄a, mpen akpamfia esana, mme-inan emaana ekob ikọ, mme akpa mkpa esed, enan̄ ekwọrọ eti etob enọ mme uweene. 23Inan̄ idọǝhọ Yọn iwo ke Abasi anidiọn̄ mpen amo miin̄yiǝhe eyịghe iban̄a Mi.”
24Akekwre, Mme-mped nne Yọn aluọk an̄we mmun̄ ipa alo etuno adam, Chisọs atun̄o aditan̄ ikọ nnọ otu mpen an̄we mban̄a Yọn: “Kini Yọn akeluọkhọ mme-an̄we mmun̄, nsii ke an̄yi ikikwuọ ikaa adichie ke ntaad itie se an̄we miidun̄o? Ikika adichie nn̄yan̄yaha se afịm an̄yeen̄e?#7:24 Ikika adichie nn̄yan̄yaha se afịm an̄yeen̄e? Akwad an̄we amo miin̄yieghe ikuuk ke ayed isio. An̄ye akwak adikpun̄o ekịd akọọnọ se mme-an̄we ekere eban̄a an̄ye. Ke akpanikọ idọghọ! 25Anam, ude miidọghọ alo ke an̄yi ikikaa adichie, nsii ikikwuọ ikaa adichie? Ade an̄we se isịne n̄chọn̄urua afun̄? Ke akpanikọ idọghọ! Sia mpen se isịne n̄chọn̄urua afun̄ inan̄ in̄yie aye edun̄ ke ufọk mbọọn̄. 26Anam, nsii an̄yi ikikwuọ ikaa adichie? Nte ikikwuọ ikaa adiche ayara uchio Abasi? In̄h ke akpanikọ Yọn akede ayara uchio Abasi! Ade ndọǝhọ n̄yi nwo ke an̄ye ade akwuaha ke otu mme ayara uchio.” 27Kolo Yọn ade isun̄utom amo ayara uchio Abasi chi lo akekwedde aban̄a ayan ini koo, ate,
“Abasi awo Kraist, nniendọn̄ isun̄utom Ami akaiso anọ Fi,
man an̄ye akusian mme-an̄we chak epeen̄e ide eban̄a adidi Afo.”
28Ami nwo n̄yi nte, ke otu afịd se eka aman, itieghe an̄we se ikan Yọn aluọk an̄we mmun̄. Ade, ide nsịb nkan an̄we ke otu mpen se isịne ke adagha ukara Abasi akpon akan an̄ye#7:28 Akwuaha ayara uchio Abasi ke otu mme-ayara uchio se an̄wan̄wa aman amo akpono akan Yọn aluọk an̄we mmun̄.
29Kini afịd an̄we sịm mme aben̄ ataksi ekekobde ikọ nne Yọn aluọk an̄we mmun̄, mmọ enịm Abasi ke akpanikọ ke ntak alo mmọ echak Yọn anịm mmọ uluọ-mmun̄. 30Ade mme-farisii mme mme-akpeb iped nne Mosis echịn uduak Abasi se Abasi an̄yie aban̄a mmọ sia mmọ ekechịnde adina uluọ-mmun̄ ke upọk nne Yọn.
31Chisọs akaiso awo, “Nsii ke mmeda ndomo mme mpen echiọ amo? Nsii ke mmọ enan̄ ebied?” 32Mmọ etie nte nnitọ-nkeme ke afe-mbre. Mimọ-amo ewo mimọ-ako ete; “Achi ikibre ikwọ ilara ke ifiom inọ n̄yi, an̄yi ichobo! Anam, achi ikwọ ikwọ-mfugho, ade an̄yi ichịn aditua!” 33Kolo Yọn aluọk an̄we mmun̄ akedi, anan̄ abiere adilia ilaha-ilaha mkpọalia amo afịd an̄we miiliaha, inan̄ in̄wun̄o wain, nnien an̄yi ite ke ndedeghe spirid akama an̄ye asan̄a. 34“Ade Ami Ochio An̄we nkedi, nlia nnan̄ nn̄wun̄ se afịd an̄we elia enan̄ ewun̄, nnien an̄yi iwo, ‘Chie, An̄we amo alia anan̄ an̄wun̄ mkpọ abọhọ, anan̄ amana ade aloon mpen awọ-ataksi mme mme-anam idiọk.’ 35Ade, ayara akwad ke ifiọk Abasi anen ke ide afịd mpen se ichime.”
Chisọs Alaǝhado Anọ An̄wan̄wa Anam Idiọkmkpọ
36Usen chi an̄we Farisii amo akọọde Saimọn akwuod Chisọs ufọk awo adulia mkpọ mme-imọ, anam, Chisọs akekaa ufọk an̄we Farisii alo anan̄ ada itie Isio ke akpokoro mkpọalia. 37An̄wan̄wa amo akedugho idiọk un̄wem ke idun̄ alo akekob awo ke Chisọs aselia mkpọ ke ufọk an̄we Farisii alo. Anam, an̄ye ada n̄chọn̄-urua atob-ufịd edan ke ekpeme, adiuka lo. 38An̄wan̄wa alo akpun̄ aluk ekịd ufọk alo akula ke adam nne Chisọs. An̄ye atun̄o aditua anan̄ anam mmun̄ ached isio aden̄e Chisọs ukpad ukod nnien an̄ye ada ided iwuo isio afood nnien atọm An̄ye ukpad ukod. An̄ye anan̄ ada atob-ufịd edan afiọn̄ọ An̄ye ke ukpad ukod.
39An̄we Farisii se ikikwuod Chisọs ufọk akekwịd alo, akere ke ekịd isio awo, “An̄we amo umude ataa ayara uchio Abasi, amediọn̄ọ utọ an̄wan̄wa se ituuk An̄ye, ke ade anam idiọk.”
40Nnien Chisọs awọọnọ akikere isio awo, “Saimọn, an̄yie se nwo n̄dọǝhọ fi”, An̄ye awo, “Abọn̄-an̄we, mbọk dọǝhọ mi.”
41Akem Chisọs awọọn̄ọ ate, “Mpen ipa eketie amo ekewọọdọ aye eto awọọd-aye. An̄we chi awọọd aye se ichọhọ aye utom usen chi ke itie ichie-ition, an̄ye ako awọọd aye se ichọhọ aye utom usen chi ke itie aba mme luob. 42Akekaa ko, kini mmọ an̄we ipa miikin̄yiǝhe aye se ekpe isun̄ alo, awọọd-aye awo mmọ an̄we ipa ke inaǝha mmọ ekpe imọ aye alo aba. Tan̄ iche nọ Mi, anie ke otu mpen ipa alo iwuma awọọd-aye alo ukan?”
43Saimọn awọọnọ ate, “N̄kere nwo ke an̄ye se ikiwọọd ukwak aye amo miikinaǝha nte akpe aba.” Chisọs awo an̄ye, “Afo abiere nnen-nnen” 44Akem Chisọs akaaba an̄yie achie an̄wan̄wa alo nnien awo Saimọn “N̄ko afo akwịd se an̄wan̄wa amo anam? Tun̄o kini se n̄kedi ufọk afo amo; ukularake Mi ke adiched Mi ukod, ade an̄wan̄wa amo ada mmun̄-ached isio ached anan̄ ada ided iwuo isio afood mi ukod. 45Afo ukukọmọ Mi ekọm utọm-inua, ade tun̄o nkeluk ndi ufọk afo amo an̄ye itreke aditọm mi ukod. 46Afo ukularake Mi ke adifiọn̄ọ Mi edan ọlif ke iwuo Ami, ade an̄ye alara Mi ke adida atob-ufịd edan nfiọn̄ọ Mi ke ukod. 47Ntak alo anam nwo fi, ke mme idiọkmkpọ isio ekwak se ekwak, nchọk nsiene. Alo asịn ima isio akpon mme Ami. Ade an̄we se fen ndudue isio ifan̄ kpọd awoukwad ichochio ima kpọd.”
48Akem Chisọs awo an̄wan̄wa alo, “Mfen mme-idiọkmkpọ afo.”
49Mpen se ikikọọn̄ọ ilia mkpọ alo ekere ke ekid nne mmọ ewo; “Anie isitịd mfu adifen mme idiọkmkpọ kini adede Abasi kpọd akeme adifen mme idiọkmkpọ?”
50Ade Chisọs awo an̄wan̄wa alo, “N̄wọọdide afo ke ide Ami an̄yaǝn̄a fi. Afo akeme adiyọn̄ ufọk nnien chak emem Abasi akaiso atie mme afo.”
Currently Selected:
Luk 7: IBN
Highlight
Share
Copy
Want to have your highlights saved across all your devices? Sign up or sign in
Ibino (Ibono) Bible by Beyond Translation is licensed under Creative Commons Attribution-ShareAlike 4.0 License.
Luk 7
7
Chisọs Anam Ide Ochio Ufọk Nne Senturiọn Achọn̄
(Mat 8:5-13)
1Kini Chisọs akekpebde mme-an̄we afịd mkpọ alo akwre, An̄ye akaa idun̄ Kapanum. 2Ete-umịm mpen ekwun̄#7:2 Ekwun̄ Ichie ke idun̄ Rom chi lo aketie. An̄ye aken̄yie ochio-ufọk amo an̄ye akemade eti-eti. Ochio-ufọk alo akelọn̄ọ tutu akpere adikpa. 3Anam, kini ete-umịm mpen ekwun̄ alo akekobde ate ke Chisọs mmọlo ke idun̄, an̄ye adọn̄ usuk mme-ikpọ an̄we mpen Yu ekaa ebịne Chisọs. An̄ye awo mmọ eben̄e Chisọs ewo chak adunam ide achọn̄ ochio-ufọk nne imọ. 4Nnien kini mmọ edusobode mme Chisọs, mmọ ekpe An̄ye upọk eti-eti man akọọnọ mme-imọ aduka akun̄wam ete-umịm alo, mmọ ewo, “Ete-umịm amo adod se Afo an̄wam ke uto ayed amo. 5Ke ntak adede an̄ye ama achi, mme-Yu nnien an̄ye akepọb sinakọk#7:5 Sinakọk Afe mpoono anọ achi.”
6Anam, Chisọs akọọn̄ọ mmọ akaa ufọk nne ete-unịm mpen ekwun̄ Rom alo. Kini Chisọs akekperede ufọk alo, ete-unịm ekwun̄ alo adọn̄ iloon isio ifan̄ ate ewo Chisọs, “Abọn̄-an̄we, ka akpakpaide ke adidi ufọk ami kolo ndodo se afo aluk ekịd ufọk ami. 7Nnien ami ndodo baba adidi ke ide ami mbịne fi. Ade ula ke itie alo nọ uchio ndiọn̄ọke an̄ye akukop nchọn̄ide. 8Ntan̄ alo kolo ami nsịne ke adagha ukara, nnan̄ nn̄yie mpen ekwun̄ ke adagha ami. Nnien nwo chi ‘kaa’ an̄ye akaa, nwo afee, ‘di’, an̄ye adi. N̄wo ochio-ufọk ami, ‘nam omo’, nnien an̄ye anam.”
9Kini Chisọs akobde se an̄ye atan̄, ide akpa An̄ye. An̄ye anan̄ akaana an̄yie achie mpen amo ekekọọnọde An̄ye, nnien awo, “Ke akpanikọ ke nwo n̄yi, akanam nkwịde an̄we Isrel amo anịmde Mi ke akpanikọ nte Yentail amo.” 10Akem iloon nne ete-umịm ekwun̄ alo etuno en̄yọn̄ọ ufọk isio. Kini mmọ ediusịm lo, mmọ ekwịd ke ide anin̄e achọn ochio-ufọk alo afịd-afịd.
Chisọs Anam Ochio-enien̄we Nn̄wa-ekpa Ased Ke Mkpa
11Ke ini miikpeneke#7:11 Ke ini miikpeneke Usuk n̄kwed a-Krik ewo, adam usen alo., Chisọs akekaa idun̄ se ekwuod Nein. Mme-mped Isio mme ukwak otu an̄we ekesan̄a mme An̄ye. 12Nte mmọ esan̄ade ekpere ntonluk idun̄ Nein, mmọ ekwịd nte mme-an̄we epen akpo akparawa ekaa adibugh. Eka akparawa alo akede nn̄wa-ekpa, ikinan̄ in̄yiǝhe ochio-enien̄we afee. Nnien adiwak mpen idun̄ alo n̄ko ekesan̄a mme nn̄wa-ekpa alo ekaa adibugh ochio alo. 13Kini Abọn̄ Chisọs akwịdde mma alo, akob mbọm aban̄a an̄ye anan̄ awo an̄ye “Katua aba.”
14Nnien Chisọs asan̄a akpere anan̄ atuuk akobo-okpo, nnien mpen se ikipen akobo-okpo alo etuak ela. Nnien Chisọs awo, “Akparawa, nnọ fi uchio nwo, lahala!.” 15Inichi alo, akparawa alo akekpade ased, anin̄e atie atun̄o aditan̄ ikọ. Chisọs nnien ada an̄ye adiusọk eka isio.
16Nnien ndịk anam afịd mpen se ikikwịd se ikitịbe, ide anan̄ akpa mmọ n̄ko. Mmọ enan̄ etoro Abasi, ewo “An̄yie adudu ayara uchio Abasi mmọmo ke otu achi; nnien Abasi anan̄ adi adiwam achi mpen Isio.” 17Nnien etob mkpọ se Chisọs akenam asuana ke afịd idịd Yudia mme nkan-nkwuk isio.
Yọn Aluọk An̄we Mmun̄ Adọn̄ Mme-mped Isio Nsun̄ Anọ Chisọs
(Mat 11:2-19)
18Mme-mped nne Yọn aluọk an̄we mmun̄ ekautan̄ enọ Yọn ke ufọk mkpọkọbọ kpukpro mkpọ se Chisọs anam. 19Anam, Yọn akwuod mped isio ipa, anan̄ adọn̄ mmọ anọ Abọn̄ Chisọs ate ebịb; “Nte afo ade Kraist amo Abasi aken̄wun̄ode adinọ adi, mee achi ikaiso ifed afee an̄we.”
20Kini mme-mped nne Yọn ipa alo edighe ediusobo mme Chisọs, mmọ ewo An̄ye, “Yọn aluọk an̄we mmun̄ adọn̄ achi ate ibịb Fi iwo, Afo ade Kraist amo Abasi aken̄wun̄ode adinọ adi, mee achi ikaiso ifed an̄we afee?”
21Ke ata ini alo amo mme-mped nne Yọn aluok an̄we mmun̄ eketiǝhe lo, Chisọs akọk ulọn̄ọ adiwak mme-an̄we, mme mpen se mme-ndedeghe spirid ekesọb; anan̄ anam adiwak mpen nnan emọọnọ mkpọ. 22Anam, Chisọs awọọnọ mme-mped nne Yọn awo, “ika ikudọǝhọ Yọn aluọk an̄we mmun̄ mme-mkpọ se an̄yi ikwịd inan̄ ikob; dan̄a mme-nnan emọọnọ mkpọ, mme mbun̄o esan̄a, mpen akpamfia esana, mme-inan emaana ekob ikọ, mme akpa mkpa esed, enan̄ ekwọrọ eti etob enọ mme uweene. 23Inan̄ idọǝhọ Yọn iwo ke Abasi anidiọn̄ mpen amo miin̄yiǝhe eyịghe iban̄a Mi.”
24Akekwre, Mme-mped nne Yọn aluọk an̄we mmun̄ ipa alo etuno adam, Chisọs atun̄o aditan̄ ikọ nnọ otu mpen an̄we mban̄a Yọn: “Kini Yọn akeluọkhọ mme-an̄we mmun̄, nsii ke an̄yi ikikwuọ ikaa adichie ke ntaad itie se an̄we miidun̄o? Ikika adichie nn̄yan̄yaha se afịm an̄yeen̄e?#7:24 Ikika adichie nn̄yan̄yaha se afịm an̄yeen̄e? Akwad an̄we amo miin̄yieghe ikuuk ke ayed isio. An̄ye akwak adikpun̄o ekịd akọọnọ se mme-an̄we ekere eban̄a an̄ye. Ke akpanikọ idọghọ! 25Anam, ude miidọghọ alo ke an̄yi ikikaa adichie, nsii ikikwuọ ikaa adichie? Ade an̄we se isịne n̄chọn̄urua afun̄? Ke akpanikọ idọghọ! Sia mpen se isịne n̄chọn̄urua afun̄ inan̄ in̄yie aye edun̄ ke ufọk mbọọn̄. 26Anam, nsii an̄yi ikikwuọ ikaa adichie? Nte ikikwuọ ikaa adiche ayara uchio Abasi? In̄h ke akpanikọ Yọn akede ayara uchio Abasi! Ade ndọǝhọ n̄yi nwo ke an̄ye ade akwuaha ke otu mme ayara uchio.” 27Kolo Yọn ade isun̄utom amo ayara uchio Abasi chi lo akekwedde aban̄a ayan ini koo, ate,
“Abasi awo Kraist, nniendọn̄ isun̄utom Ami akaiso anọ Fi,
man an̄ye akusian mme-an̄we chak epeen̄e ide eban̄a adidi Afo.”
28Ami nwo n̄yi nte, ke otu afịd se eka aman, itieghe an̄we se ikan Yọn aluọk an̄we mmun̄. Ade, ide nsịb nkan an̄we ke otu mpen se isịne ke adagha ukara Abasi akpon akan an̄ye#7:28 Akwuaha ayara uchio Abasi ke otu mme-ayara uchio se an̄wan̄wa aman amo akpono akan Yọn aluọk an̄we mmun̄.
29Kini afịd an̄we sịm mme aben̄ ataksi ekekobde ikọ nne Yọn aluọk an̄we mmun̄, mmọ enịm Abasi ke akpanikọ ke ntak alo mmọ echak Yọn anịm mmọ uluọ-mmun̄. 30Ade mme-farisii mme mme-akpeb iped nne Mosis echịn uduak Abasi se Abasi an̄yie aban̄a mmọ sia mmọ ekechịnde adina uluọ-mmun̄ ke upọk nne Yọn.
31Chisọs akaiso awo, “Nsii ke mmeda ndomo mme mpen echiọ amo? Nsii ke mmọ enan̄ ebied?” 32Mmọ etie nte nnitọ-nkeme ke afe-mbre. Mimọ-amo ewo mimọ-ako ete; “Achi ikibre ikwọ ilara ke ifiom inọ n̄yi, an̄yi ichobo! Anam, achi ikwọ ikwọ-mfugho, ade an̄yi ichịn aditua!” 33Kolo Yọn aluọk an̄we mmun̄ akedi, anan̄ abiere adilia ilaha-ilaha mkpọalia amo afịd an̄we miiliaha, inan̄ in̄wun̄o wain, nnien an̄yi ite ke ndedeghe spirid akama an̄ye asan̄a. 34“Ade Ami Ochio An̄we nkedi, nlia nnan̄ nn̄wun̄ se afịd an̄we elia enan̄ ewun̄, nnien an̄yi iwo, ‘Chie, An̄we amo alia anan̄ an̄wun̄ mkpọ abọhọ, anan̄ amana ade aloon mpen awọ-ataksi mme mme-anam idiọk.’ 35Ade, ayara akwad ke ifiọk Abasi anen ke ide afịd mpen se ichime.”
Chisọs Alaǝhado Anọ An̄wan̄wa Anam Idiọkmkpọ
36Usen chi an̄we Farisii amo akọọde Saimọn akwuod Chisọs ufọk awo adulia mkpọ mme-imọ, anam, Chisọs akekaa ufọk an̄we Farisii alo anan̄ ada itie Isio ke akpokoro mkpọalia. 37An̄wan̄wa amo akedugho idiọk un̄wem ke idun̄ alo akekob awo ke Chisọs aselia mkpọ ke ufọk an̄we Farisii alo. Anam, an̄ye ada n̄chọn̄-urua atob-ufịd edan ke ekpeme, adiuka lo. 38An̄wan̄wa alo akpun̄ aluk ekịd ufọk alo akula ke adam nne Chisọs. An̄ye atun̄o aditua anan̄ anam mmun̄ ached isio aden̄e Chisọs ukpad ukod nnien an̄ye ada ided iwuo isio afood nnien atọm An̄ye ukpad ukod. An̄ye anan̄ ada atob-ufịd edan afiọn̄ọ An̄ye ke ukpad ukod.
39An̄we Farisii se ikikwuod Chisọs ufọk akekwịd alo, akere ke ekịd isio awo, “An̄we amo umude ataa ayara uchio Abasi, amediọn̄ọ utọ an̄wan̄wa se ituuk An̄ye, ke ade anam idiọk.”
40Nnien Chisọs awọọnọ akikere isio awo, “Saimọn, an̄yie se nwo n̄dọǝhọ fi”, An̄ye awo, “Abọn̄-an̄we, mbọk dọǝhọ mi.”
41Akem Chisọs awọọn̄ọ ate, “Mpen ipa eketie amo ekewọọdọ aye eto awọọd-aye. An̄we chi awọọd aye se ichọhọ aye utom usen chi ke itie ichie-ition, an̄ye ako awọọd aye se ichọhọ aye utom usen chi ke itie aba mme luob. 42Akekaa ko, kini mmọ an̄we ipa miikin̄yiǝhe aye se ekpe isun̄ alo, awọọd-aye awo mmọ an̄we ipa ke inaǝha mmọ ekpe imọ aye alo aba. Tan̄ iche nọ Mi, anie ke otu mpen ipa alo iwuma awọọd-aye alo ukan?”
43Saimọn awọọnọ ate, “N̄kere nwo ke an̄ye se ikiwọọd ukwak aye amo miikinaǝha nte akpe aba.” Chisọs awo an̄ye, “Afo abiere nnen-nnen” 44Akem Chisọs akaaba an̄yie achie an̄wan̄wa alo nnien awo Saimọn “N̄ko afo akwịd se an̄wan̄wa amo anam? Tun̄o kini se n̄kedi ufọk afo amo; ukularake Mi ke adiched Mi ukod, ade an̄wan̄wa amo ada mmun̄-ached isio ached anan̄ ada ided iwuo isio afood mi ukod. 45Afo ukukọmọ Mi ekọm utọm-inua, ade tun̄o nkeluk ndi ufọk afo amo an̄ye itreke aditọm mi ukod. 46Afo ukularake Mi ke adifiọn̄ọ Mi edan ọlif ke iwuo Ami, ade an̄ye alara Mi ke adida atob-ufịd edan nfiọn̄ọ Mi ke ukod. 47Ntak alo anam nwo fi, ke mme idiọkmkpọ isio ekwak se ekwak, nchọk nsiene. Alo asịn ima isio akpon mme Ami. Ade an̄we se fen ndudue isio ifan̄ kpọd awoukwad ichochio ima kpọd.”
48Akem Chisọs awo an̄wan̄wa alo, “Mfen mme-idiọkmkpọ afo.”
49Mpen se ikikọọn̄ọ ilia mkpọ alo ekere ke ekid nne mmọ ewo; “Anie isitịd mfu adifen mme idiọkmkpọ kini adede Abasi kpọd akeme adifen mme idiọkmkpọ?”
50Ade Chisọs awo an̄wan̄wa alo, “N̄wọọdide afo ke ide Ami an̄yaǝn̄a fi. Afo akeme adiyọn̄ ufọk nnien chak emem Abasi akaiso atie mme afo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ibino (Ibono) Bible by Beyond Translation is licensed under Creative Commons Attribution-ShareAlike 4.0 License.