ລູກາ 2
2
ການເກີດຂອງພຣະເຢຊູເຈົ້າ
(ມທ 1:18-25)
1ໃນເວລານາ ກາຍຊາໂອຄຸໂຕຢັ່ກຍິ່ງໃຫ່ຍຕີ່ນສາຄຳສັ່ງອູນປະຊາຊົນຕີ່ຈົດທະບຽນສຳມະໂນຄົວທົ່ວຈັກກະພົບໂຣມ. 2ໜີເດ່ງຄັ້ງທໍາອິດທີ່ຈຸປາຈົດທະບຽນຊື່ທຸກຂຸ່ນເຕີ້ໃນໜັງສື. ຫັນເກີດເຫລັ່ງໃນຂະນະທີ່ກີຣີນີໂອເດ່ງຢັ່ກປົກຄອງແຂວງຊີເຣຍ 3ດັ່ງນາ ປະຊາຊົນທຸກກຸ່ນຈຶ່ງຕີ່ຈົດທະບຽນສຳມະໂນຄົວຕາມບ້ານເກີດເມືອງນອນຂອງເອຮັນ.
4ລ່າໂຢເຊັບກໍສາເດີນທາງຈາກບ້ານນາຊາເຣັດໃນແຂວງຄາລີເລເພື່ອຕີ່ທີ່ບ້ານເບັດເລເຮັມແຂວງຢູດາຍເມືອງຂອງກະສັດດາວິດ, ເພາະວ່າຮັນເດ່ງເຊື້ອສາຍຂອງກະສັດດາວິດ. 5ໂຢເຊັບຈຶ່ງຕີ່ນຕີ່ຈົດທະບຽນກັບນາງມາຣີ ຄູ່ໝັ້ນຂອງຮັນສ່ວນນາງມາຣີນາກຳລັງປ່າກອນເອີ້ 6ຂະນະທີ່ໂຢເຊັບແລະມາຣີເອິ້ໃນເມືອງເບັດເລເຮັມໜີກໍພໍດີຄົບກຳນົດທີ່ນາງມາຣີຈະເກີດກອນ. 7ນາງຕີ່ນເກີດກອນອ້າຍເກົ້າ, ເລ້ປັດແຈ້ຄະໝັນແລະປຽງເຕີ້ໃນກະປອກທີ່ກໍ່ບັດຄໍເພາະວ່ານໍກໍ່ຫ້ອງຫວ່າງສຳລັບຮັນເລີຍ.
ເທວະດາປາກົດແກ່ຢັ່ກດວຍແກະ
8ໃນຂົງເຂດນອກເມືອງເບັດເລເຮັມ, ຕີ່ນກໍໍ່ຈຸ ດວຍເເກະເອີ້ຕາມທົ່ງນາລໍາເຝົ້າຝູງແກະຂອງຈຸປາໃນເວລາກອງເຕມ. 9ໃນທັນໃດນາ ຈຸປາຕີ່ນໜາມເທວະດາໝໍຕົນຂອງອົງພຣະຜູ້ເດ່ງເຈົ້າຕີ່ນສົ່ງຫລ່າຍ, ຫລ່າຍປະກົດແກ່ຈຸປາ ແລະ ທົ່ວຂົງເຂດນາຕີ່ນກໍ່ພຣະຣັດສະໝີຂອງອົງພຣະຜູ້ເດ່ງເຈົ້າສ່ອງແຈ້ງສະຫວ່າງອ້ອມຮອບຈຸປາ ດັ່ງນາຈຸປາຈຶ່ງເຢີ້ນເອ້. 10ຈາກນາ ເທວະດາຕີ່ນກ່າວກັບປາວ່າ, , “ມ່າເຢີ້ນເລີຍ, ຈັກນໍາຂ່າວດີຫລ່າຍໂຢ້ອູນເທົາຮູ ເດ່ງຂ່າວດີທີ່ຈະໝິ່ນອູນປະຊາຊົນທຸກຂຸ່ນ ກໍ່ຄວາມສຸກເອ້ . 11ເພາະວ່າໃນວັນໜີ ອົງພຣະຜູ້ຊ່ອຍອູນລອດຂອງຈຸເທົາຕີ່ນເກີດເອີ້ໃນບ້ານເກີດຂອງກະສັດດາວິດເພື່ອເດ່ງພຣະຜູ້ຊ່ວຍອູນພົ້ນຂອງຈຸເທົາ ພຣະອົງເດ່ງພຣະຄຣິດ#2:11 ພຣະຄຣິດ ເດ່ງພາສາກຣີກສໍາລັບພາສາເຮັບເຣີ “ພຣະເມຊີອາ” ຕັ່ງຫານຊື່ເຕັ້ງຢັ່ກທີ່ຕີ່ນຮັບການເຈີມນາຄືຢັ່ກທີ່ພຣະເຈົ້າຊົງເລືອກແລະແຕ່ງຕັ້ງອູນເພື່ອຊ່ອຍປະຊາກອນຂອງພຣະອົງແລະປົກຄອງຈຸປາ. ແລະພຣະອົງເດ່ງພຣະຜູ້ເດ່ງເຈົ້າ ຂອງຈຸເທົາ . 12ໜີເເຫຼະຈະເດ່ງໝາຍສໍາຄັນແກ່ຈຸເທົາ ຄືຈຸເທົາຈະຕີ່ນພົບພຣະກຸມມານໝໍອົງ ແລະກະປັ່ນປະແຈ່ລໍາເອີ້ໃນກະປອກທີ່ກໍ່ບັດຄໍບອດເຕີ້ສໍາລັບສັດຕັ່ງເອ້.”
13ໃນທັນໃດນາ ກໍກໍ່ກອງທັບເທວະດາເເຫ່ງສະຫວັນໝູ່ເນ້ຫລ່າຍປາກົດກັບ ເທວະດາຕົນນາແລະຈຸປາຕັ່ງເຫດຕີ່ນເລີ່ມຮ້ອງສັນລະເສີນພຣະເຈົ້າວ່າ,
14“ພຣະຣັດສະໝີຈົ່ງກໍ່ແດ່ພຣະເຈົ້າ
ເອີ້ສະຫວັນທິ່ສູງສຸດ
ແລະເຫລັ້ງເເຜ່ນຕິດໂລກຈະກໍ່ສັນຕິສຸກ
ກັບກຸ່ນເຫຼົ່ານາທີ່ພຣະອົງ
ຊົງພໍພຣະໄທ.”
15ຫລັງຈາກນາ ຝູງເທວະດາເຫຼົ່ານາ ຈາກຈຸປາຕີ່ຄືນສູ່ສະຫວັນແລ້ວ ຈຸດວຍແກະຕີ່ນເລົ່ານຳກັນວ່າ, “ອົງພຣະຜູ້ເດ່ງເຈົ້າຕີ່ນສົ່ງເທວະດາຂອງພຣະອົງຫລ່າຍໂຢ້ຈຸຈັກກ່ຽວກັບພຣະກຸມມານດ້ອຍອົງໜີທີ່ເກີດຫລ່າຍໃນເຕມໜີ ອູນຈຸຈັກຕຶມກັນຕີ່ເມືອງເບັດເລເຮັມເທາະ ຕີ່ເບິ່ງເຫດການທີ່ເກີດເຫລັ່ງ ຕາມທີ່ອົງພຣະຜູ້ເດງເຈົ້້າຕີ່ນໂຢ້ອູນຈັກຮູນາ.”
16ດັ່ງນາຈຸປາຈຶ່ງຣີບຕີ່ດັ່ງເມືອງເບັດເລເຮັມຢ່າງຮິບດ່ວນ ເເລະ ຊອກເລ້ຈົນກວ່າຈຸປາພົບມາຣີ ແລະ ໂຢເຊັບ ແລະ ໜາມພຣະກຸມມານດ້ອຍກໍາລັງລຳເອີ້ໃນກະປອກທີ່ກໍ່ບັດຄໍດວຍສັດ. 17ເມື່ອຈຸດວຍເເກະຕີ່ນໜາມພຣະກຸມມານເຢຊູແລ້ວ ຈຸປາຕີ່ນໂຢ້ທຸກຂຸ່ນເຖິງຂໍ້ຄວາມທີ່ຈຸເທວະດາຕີ່ນໂຢ້ຈຸປາ ຕາມທີ່ຈຸປາຕີ່ນແງ໋ເຖິງພຣະກຸມມານນາ. 18ທຸກກຸ່ນທີ່ຕີ່ນແງ໋ຂ່າວຈາກຈຸ ດວຍເເກະຕ່າງກໍປະຫລາດເປ້ເຊັມຕໍ່ສິ່ງທີ່ຈຸດວຍແກະຕີ່ນເລົ່າ ນາ. 19ຝ່າຍມາຣີກໍຈົດຈໍາເລື່ອງຕັ່ງເຫດເຕີ້ ເອີ້ອາເປ້ເຊັມແລະຕີ່ນສຶບຕໍ່ຄິດກ່ຽວກັບເລື່ອງທີ່ຈຸດວຍແກະເລົ່າຕັ່ງເຫດນາ. 20ທຸກສິ່ງທີ່ຈຸດວຍແກະຕີ່ນແງ໋ ແລະຕີ່ນໜາມເດ່ງເຊັ່ນດຽວກັນກັບທີ່ເທວະດາຕີ່ນໂຢ້ຈຸປາ.ດັ່ງນາ, ຈຸປາຕີ່ນຖະຖວາຍກຽດ ແລະຕີ່ນສັນລະເສີນພຣະເຈົ້າ ແລະຕີ່ນກັບຄືນຕີ່ເຕີ້ມຝູງແກະຂອງຈຸປາ.
ກຸມມານກໍ່ຊື່ວ່າເຢຊູ
21ເມື່ອພຣະກຸມມານນາກໍ່ອາຍຸຕີ່ນແປດວັນແລ້ວ ຈຸປາຕີ່ນໝິ່ນພິທີຕັດອູນພຣະອົງຕາມກົດບັນຍັດຂອງພຣະເຈົ້າ ແລ້ວມາຣີ ແລະ ໂຢເຊັບ ຕີ່ນຕັ້ງຊື່ອູນກຸມມານນາວ່າ ພຣະເຢຊູ ຕາມທີ່ເທວະດາຕີ່ນໂຢ້ກັບນາງມາຣີ ເຄີ່ນາງໜໍຈາຕີ່ນກໍກອນນາ.
ການຖວາຍພຣະກຸມມານໃນພຣະວິຫານ
22ແລ້ວເວລາກຳນົດກໍຫລ່າຍເຕັ້ງ ສຳລັບໂຢເຊັບແລະມາຣີ ທີ່ກຽມໝິ່ນພິທີຊຳລະໂຕອູນສະອາດ ຕາມທີ່ກົດບັນຍັດຂອງໂມເຊຕີ່ນກ່າວເຕີ້.ຈຸປາຈຶ່ງຕີ່ນນຳເລ້ພຣະກຸມມານເຢຊູ ຕີ່ທີ່ນະຄອນເຢຣູຊາເລັມ ເພື່ອຖວາຍແກ່ອົງພຣະຜູ້ເດ່ງເຈົ້າ. 23ຈຸປາຈຶ່ງໝິ່ນເຊັ່ນໜີ ເພື່ອເຊື່ອຟັງສິ່ງທີ່ຂຽນເຕີ້ໃນກົດບັນຍັດຂອງອົງພຣະຜູ້ເດ່ງເຈົ້າວ່າ “ກອນອ້າຍເກົ້າທຸກຂຸ່ນຈະຕ້ອງຕີ່ນອູທິດຕົນຕໍ່ພຣະຜູ້ເດ່ງເຈົ້າ ເພື່ອຮັບໃຊ້ພຣະອົງ.” 24ໂຢເຊັບກັບມາຣີດັງຕີ່ນຖວາຍຄຣຽງບູຊາ ຕາມທີ່ກົດບັນຍັດຂອງອົງພຣະຜູ້ເດ່ງເຈົ້າຕີ່ນກ່າວເຕີ້ເຊັ່ນກັນ ຄືເສຍສະລະຈີມກູໆໜໍຄູ່ ຫລືຈີມກາງແກໜຸ່ມຫານໂຕ.
25ຂະນະນາ ເອີ້ໃນນະຄອນເຢຣູຊາເລັມ ຕີ່ນກໍ່ກອນປານໝໍຢັ່ກຊື່ວ່າ ຊີເມໂອນ ຮັນເດ່ງກຸ່ນຊອບທໍາ ຢຳເກງພຣະເຈົ້າ ແລະຕີ່ນຂາໝໍຢັ່ກຫລ່າຍໂຜດຊ່ອຍຊາດອິດສະຣາເອນອູນພົ້ນ,ແລະພຣະວິນຍານບໍຣິສຸດເຈົ້າຊົງສະຖິດເອີ້ກັບຮັນ 26ພຣະວິນຍານບໍຣິສຸດເຈົ້າ ຕີ່ນສໍາແດງອູນຮັນຣູວ່າ ຮັນຈະໜໍເຈດເຄີ່ຕີ່ນຫນາມພຣະຄຣິດຢັ່ກຫລ່າຍຈາກອົງພຣະຜູ້ເດ່ງເຈົ້າ. 27ພຣະວິນຍານບໍຣີສຸດເຈົ້າຕີ່ນນຳພາຊີເມໂອນຫລ່ອນຕີ່ໃນພຣະວິຫານ, ແລ້ວໂຢເຊັບຕີ່ນນຳເລ້ພຣະກຸມມານພຣະເຢຊູຫລ່ອນຕີ່ໃນພຣະວິຫານ ເພື່ອອຸທິດຕົນຖະຖວາຍພຣະອົງອູນແກ່ພຣະເຈົ້າຕາມກົດບັນຍັດຂອງອົງພຣະຜູ້ເດ່ງເຈົ້າສັ່ງອູນຈຸປາໝິ່ນ 28ຊີເມໂອນກໍຕີ່ນເອີບເລ້ພຣະກຸມມານເຢຊູເຕີ້ອາອ້ອມສີຂອງຮັນແລະສັນລະເສີນພຣະເຈົ້າວ່າ,
29“ພຣະອົງເຈົົ້າເອີຍ,
ບັດໜີ ພຣະອົງຊົງປ້ອຍອູນຂ້ານ້ອຍຢັ່ກຮັບໃຊ້
ຂອງພຣະອົງ
ຕີ່ເດ່ງສຸກເພາະວ່າຊົງໝິ່ນຕາມແມງສັນຍາກັບຂ້ານ້ອຍແລ້ວ
30ເພາະວ່າມັດຂອງຂ້ານອ້ຍຕີ່ນໜາມຄວາມໂຜດຊ່ອຍລອດພົ້ນ
ທີ່ຫລ່າຍຈາກພຣະອົງແລັວ
31ຄືພຣະອົງຕີ່ນຈັດຕຽມເຕີ້ອູນທຸກຂຸ່ນ
ຕໍ່ກາກມັດປະຊາຊົນຕັ່ງເຫດ
32ພຣະອົງເດ່ງເເສງສະຫວ່າງສ່ອງແຈ້ງ
ຕໍ່ຢັ່ກທີ່ຈະ ເປີດເຜີຍພຣະປະສົງ
ແກ່ທ່ານກັບບັນດາປະຊາຊາດ
ແລະພຣະອົງຢັ່ກທີ່ນຳເລ້ສະຫງ່າຣາສີ
ຫລ່າຍສູ່ ອິດສະຣາເອນພົນລະເມືອງ
ຂອງພຣະເຈົ້າ.”
33ໂຢເຊັບ ແລະ ມາຣີ ຕີ່ນປະຫລາດເປ້ເຊັມໃນສິ່ງຕ່າງໆທີ່ຊີເມໂອນຕີ່ນກ່າວກ່ຽວກັບພຣະກຸມມານດ້ອຍເຢຊູ 34ຕໍ່ຈາກນາ ຊີເມໂອນຕີ່ນອວຍພອນເມະກັບອີ, ແລະ ຈາກນາ ຮັນເລົ່າກັບມາຣີເມະຂອງພຣະກຸມມານນາວ່າ, “ພຣະເຈົ້າຕີ່ນເລືອກກອນດຽດຍັ່ກໜີເຕີ້ ເພຶ່ອໝິ່ນອູນແອ້ນໝໍຢັ່ກທີ່ຕ້ອງທໍາລາຍ ຕີ່ນຮັບຄວາມລອດໃນອິດສະຣາເອນ ແລະ ຮັນຈະ ເດ່ງໜາຍສຳຄັນຈາກພຣະເຈົ້າ ແຕ່ເອ້ຢັ່ກຈະຕໍ່ຕ້ານພຣະອົງ 35ເພາະຄວາມຄິດເປ້ເຊັມຂອງກຸ່ນຕັ່ງເອ້ ຈະຕີ່ນປາກົດແຈ້ງ ສ່ວນເທົາຈະເຈັບປວດຄືຕອ້ງດາບຕຶ່ມຊອດເປ້ເຊັມ.”
36ໃນເວລານາກໍກໍ່ຢັ່ກທຳນວາຍໝໍຢັ່ກຊື່ນາງອານາ. ອີຂອງນາງຄືຟານູເອນຢັ່ກທີ່ສືບເຊື້ອສາຍຫລ່າຍຈາກຕະກຸນ ອາເຊອານາເດ່ງກຸ່ນອາຍຸເອ້ແລ້ວ ນາງແຕ່ງງານພຽງແດເຈັດຈຶມ. 37ແລະ ນາງດັງຄົງເດ່ງເມ້ຄ້າ ແລະ ອາຍຸຂອງນາງແມ່ນແປດສິບສີ່ຈຶມ. ນາງຕີ່ນໃຊ້ເວລາສ່ວນເອ້ຂອງນາງເອີ້ໃນພຣະວິຫານ ນາງຕີ່ນນະມັດສະການພຣະເຈົ້າຕັ່ງນໍາງີແລະນໍາເຕມໂດຍການອະທິຖານ ແລະ ຕີ່ນຮັກສາສິນໂດຍການອຸດອາຫານ 38ໃນເວລານາ ອີກັບເມະຂອງພຣະເຢຊູເຈົ້າດັງເອີ້ໃນພຣະວິຫານນາງອານາກໍຕີ່ນຫລ່ອນຫລ່າຍເຕີ້ມຈຸປາແລະໂມທະນາຂອບພຣະຄຸນພຣະເຈົ້າແລະເລົ່າເຕັ້ງພຣະກຸມມານອູນເແກ່ທຸກກຸ່ນ ໃນນະຄອນເຢຣູຊາເລັມຟັງ ຊຶ່ງຈຸປາກຳລັງຂະໜໍການໄຖ່ອູນພົ້ນນາ.
ການກັບຄືນສູ່ນາຊາເຣັດ
39ເມື່ອໂຢເຊັບແລະມາຣີ ໝິ່ນທຸກສີ່ງສຳເລັດຕາມກົດບັນຍັດຂອງໂມເຊຕີ່ນສັ່ງອູນສໍາເລັດແລ້ວຈຸປາກໍກັບຄືນເວັ່ນບ້ານຂອງຕົນທີ່ເມືອງນາຊາເຣັດໃນແຂວງຄາລີເລ. 40ລ່າພຣະກຸມມານເຢຊູນາ ກໍເນ້ເຫລັ່ງແລະແຂງແຮງດີ ບຳຕີ່ດ້ວຍສະຕີປັນຍາແລະພຣະຄຸນຂອງພຣະເຈົ້າກໍຊົງສະຖິດເອີ້ນຳພຣະອົງ.
ພຣະກຸມມານເຢຊູໃນພຣະວິຫານ
41ທຸກໆຈຶມໂໝ ອີເມະຂອງພຣະກຸມມານເຢຊູ ເຄີຍເຫລັ່ງຕີ່ນະຄອນເຢຣູຊາເລັມເພື່ອສະຫລອງເທດສະການປັດສະຄາ. 42ເມື່ອພຣະກຸມມານເຢຊູອາຍຸຕີ່ນສິບສອງຈຶມ ຈຸປາກໍຕີ່ນເຫລັ່ງສະຫລອງເທດສະການໜີ ຕາມທຳນຽມທີ່ເຄີຍປະຕິບັດຫລ່າຍ. 43ເມື່ອເທດສະການສິ້ນສຸດສວາຍແລ້ວ ອີເມະກໍເປີ້ເວັ່ນຍ່າ ສ່ວນພຣະກຸ່ມມານພຣະເຢຊູນາ ດັງຄ້າງເອີ້ນະຄອນເຢຣູຊາເລັມ ລ່າອີເມະກໍນໍຣູຈັກ. 44ປາຕັ່ງຫານຢັ່ກກໍຄິດວ່າ ພຣະກຸມມານເຢຊູນາ ເອີ້ນຳກຸ່ນທີ່ເດີນທາງເວັ່ນນຳກັນ.ດັ່ງນາ ຈຸປາຈຶ່ງເດີນທາງຕໍ່ຕີ່ຕີ່ນໜໍງີກັບມໍເປ່ຍ ແລ້ວເລີ່ມຕົ້ນຊອກຫາພຣະກຸມມານເຢຊູທ່າມກາງມ່າງແອມແລະໝູ່ເພື່ອນ. 45ເມື່ອນໍໜາມພຣະກຸມມານເຢຊູ ຈຸປາຈຶ່ງເວັ້ນຕີ່ຊອກເອີ້ນະຄອນເຢຣູຊາເລັມ. 46ເມື່ອຊອກເບີ່ງຕີ່ນປາເປ່ຍແລ້ວ ຈຸປາກໍພົບພຣະກຸມມານໂງ່ຍເອີ້ພຣະວິຫານທ່າມກາງກຸມອາຈານຊາວຢິວ#2:46 ອາຈານຊາວຢິວ ໝາຍເຕັ້ງອາຈານທີ່ສອນສາດສາໜາຂອງຊາວຢິວເຊິ່ງເດ່ງທີ່ຮູຈັກດີໃນຊື່ຄູສອນກົດບັນຍັດຂອງໂມເຊຫລືຄູສອນສາດສະໜາ ກຳລັງຟັງແລະຊັກຫານຈຸອາຈານເຫຼົ່ານາເອີ້. 47ທຸກກຸ່ນທີ່ຕີ່ນເເງ໋ພຣະອົງກ່າວ ຕ່າງກໍປະຫລາດເປ້ເຊ້ມໃນສະຕິປັນຍາ ແລະແມງຕອບຂອງພຣະກຸມມານນາ. 48ລ່າອີເມະກໍປະຫລາດເປ້ເຊ້ມຄືຕີ່ນໜາມພຣະກຸມມານເຢຊູ ແລະເມະຈຶ່ງຫານວ່າ, “ກອນເອີຍ,ເດ່ງມາເອເທົາຈຶ່ງໝິ່ນແນວໜີກັບຈຸຈັກ? ອີກັບເມະເລາະຊອກເທົາດ້ວຍແມງກັງວົນເປ້ເຊ້ມທີ່ສຸດ.”
49ພຣະກຸມມານເຢຊູຈຶ່ງຫານວ່າ, “ເດ່ງໝາເອຕ້ອງຊອກຈັກ? ຈຸເທົານໍຣູວ່າເມັ່ງຕ້ອງເອີ້ໃນທີ່ສະຖິດແຫ່ງພຣະບິດາເຈົ້າຂອງເມັ່ງ#2:49 ພຣະບິດາເຈົ້າຂອງເມັ່ງ ໜາຍເຕັ້ງພຣະເຈົ້າ, ພຣະບິດາ, ທີ່ເອີ້ເຫລັ້ງສະຫວັນໜໍຕີ່ນໜາຍເຕັ້ງໂຢເຊັບ?” 50ແຕ່ຈຸປານໍເຂົ້າໃຈເເມງຕອບຂອງພຣະກຸມມານເຢຊູນາ.
51ແລ້ວພຣະກຸມມານເຢຊູຈຶ່ງສວາຍເວັ່ນກັບຈຸປາສູ່ເມືອງນາຊາເຣັດແລະອ່ອນນ້ອມຍອມຟັງເມະກັບອີຂອງປາລ່າເມະກໍເກັບກຳເລື່ອງຕັ່ງເຫດໜີເຕີ້ອາເປ່ເຊັມ. 52ພຣະເຢຊູເຈົ້າຕີ່ນຈະເລີນເຕີບເນ້ເຫລັ່ງ ໃນດ້ານສະຕິປັນຍາ ແລະໃນດ້ານຮ່າງກາຍ ເດງທີ່ພໍພະໄທຕໍ່ພຣະເຈົ້າແລະຕໍ່ມະນຸດດ້ວຍ.
Currently Selected:
ລູກາ 2: PNX
Highlight
Share
Copy
Want to have your highlights saved across all your devices? Sign up or sign in
Phong Bible by Beyond Translation is licensed under Creative Commons Attribution-ShareAlike 4.0 License.
ລູກາ 2
2
ການເກີດຂອງພຣະເຢຊູເຈົ້າ
(ມທ 1:18-25)
1ໃນເວລານາ ກາຍຊາໂອຄຸໂຕຢັ່ກຍິ່ງໃຫ່ຍຕີ່ນສາຄຳສັ່ງອູນປະຊາຊົນຕີ່ຈົດທະບຽນສຳມະໂນຄົວທົ່ວຈັກກະພົບໂຣມ. 2ໜີເດ່ງຄັ້ງທໍາອິດທີ່ຈຸປາຈົດທະບຽນຊື່ທຸກຂຸ່ນເຕີ້ໃນໜັງສື. ຫັນເກີດເຫລັ່ງໃນຂະນະທີ່ກີຣີນີໂອເດ່ງຢັ່ກປົກຄອງແຂວງຊີເຣຍ 3ດັ່ງນາ ປະຊາຊົນທຸກກຸ່ນຈຶ່ງຕີ່ຈົດທະບຽນສຳມະໂນຄົວຕາມບ້ານເກີດເມືອງນອນຂອງເອຮັນ.
4ລ່າໂຢເຊັບກໍສາເດີນທາງຈາກບ້ານນາຊາເຣັດໃນແຂວງຄາລີເລເພື່ອຕີ່ທີ່ບ້ານເບັດເລເຮັມແຂວງຢູດາຍເມືອງຂອງກະສັດດາວິດ, ເພາະວ່າຮັນເດ່ງເຊື້ອສາຍຂອງກະສັດດາວິດ. 5ໂຢເຊັບຈຶ່ງຕີ່ນຕີ່ຈົດທະບຽນກັບນາງມາຣີ ຄູ່ໝັ້ນຂອງຮັນສ່ວນນາງມາຣີນາກຳລັງປ່າກອນເອີ້ 6ຂະນະທີ່ໂຢເຊັບແລະມາຣີເອິ້ໃນເມືອງເບັດເລເຮັມໜີກໍພໍດີຄົບກຳນົດທີ່ນາງມາຣີຈະເກີດກອນ. 7ນາງຕີ່ນເກີດກອນອ້າຍເກົ້າ, ເລ້ປັດແຈ້ຄະໝັນແລະປຽງເຕີ້ໃນກະປອກທີ່ກໍ່ບັດຄໍເພາະວ່ານໍກໍ່ຫ້ອງຫວ່າງສຳລັບຮັນເລີຍ.
ເທວະດາປາກົດແກ່ຢັ່ກດວຍແກະ
8ໃນຂົງເຂດນອກເມືອງເບັດເລເຮັມ, ຕີ່ນກໍໍ່ຈຸ ດວຍເເກະເອີ້ຕາມທົ່ງນາລໍາເຝົ້າຝູງແກະຂອງຈຸປາໃນເວລາກອງເຕມ. 9ໃນທັນໃດນາ ຈຸປາຕີ່ນໜາມເທວະດາໝໍຕົນຂອງອົງພຣະຜູ້ເດ່ງເຈົ້າຕີ່ນສົ່ງຫລ່າຍ, ຫລ່າຍປະກົດແກ່ຈຸປາ ແລະ ທົ່ວຂົງເຂດນາຕີ່ນກໍ່ພຣະຣັດສະໝີຂອງອົງພຣະຜູ້ເດ່ງເຈົ້າສ່ອງແຈ້ງສະຫວ່າງອ້ອມຮອບຈຸປາ ດັ່ງນາຈຸປາຈຶ່ງເຢີ້ນເອ້. 10ຈາກນາ ເທວະດາຕີ່ນກ່າວກັບປາວ່າ, , “ມ່າເຢີ້ນເລີຍ, ຈັກນໍາຂ່າວດີຫລ່າຍໂຢ້ອູນເທົາຮູ ເດ່ງຂ່າວດີທີ່ຈະໝິ່ນອູນປະຊາຊົນທຸກຂຸ່ນ ກໍ່ຄວາມສຸກເອ້ . 11ເພາະວ່າໃນວັນໜີ ອົງພຣະຜູ້ຊ່ອຍອູນລອດຂອງຈຸເທົາຕີ່ນເກີດເອີ້ໃນບ້ານເກີດຂອງກະສັດດາວິດເພື່ອເດ່ງພຣະຜູ້ຊ່ວຍອູນພົ້ນຂອງຈຸເທົາ ພຣະອົງເດ່ງພຣະຄຣິດ#2:11 ພຣະຄຣິດ ເດ່ງພາສາກຣີກສໍາລັບພາສາເຮັບເຣີ “ພຣະເມຊີອາ” ຕັ່ງຫານຊື່ເຕັ້ງຢັ່ກທີ່ຕີ່ນຮັບການເຈີມນາຄືຢັ່ກທີ່ພຣະເຈົ້າຊົງເລືອກແລະແຕ່ງຕັ້ງອູນເພື່ອຊ່ອຍປະຊາກອນຂອງພຣະອົງແລະປົກຄອງຈຸປາ. ແລະພຣະອົງເດ່ງພຣະຜູ້ເດ່ງເຈົ້າ ຂອງຈຸເທົາ . 12ໜີເເຫຼະຈະເດ່ງໝາຍສໍາຄັນແກ່ຈຸເທົາ ຄືຈຸເທົາຈະຕີ່ນພົບພຣະກຸມມານໝໍອົງ ແລະກະປັ່ນປະແຈ່ລໍາເອີ້ໃນກະປອກທີ່ກໍ່ບັດຄໍບອດເຕີ້ສໍາລັບສັດຕັ່ງເອ້.”
13ໃນທັນໃດນາ ກໍກໍ່ກອງທັບເທວະດາເເຫ່ງສະຫວັນໝູ່ເນ້ຫລ່າຍປາກົດກັບ ເທວະດາຕົນນາແລະຈຸປາຕັ່ງເຫດຕີ່ນເລີ່ມຮ້ອງສັນລະເສີນພຣະເຈົ້າວ່າ,
14“ພຣະຣັດສະໝີຈົ່ງກໍ່ແດ່ພຣະເຈົ້າ
ເອີ້ສະຫວັນທິ່ສູງສຸດ
ແລະເຫລັ້ງເເຜ່ນຕິດໂລກຈະກໍ່ສັນຕິສຸກ
ກັບກຸ່ນເຫຼົ່ານາທີ່ພຣະອົງ
ຊົງພໍພຣະໄທ.”
15ຫລັງຈາກນາ ຝູງເທວະດາເຫຼົ່ານາ ຈາກຈຸປາຕີ່ຄືນສູ່ສະຫວັນແລ້ວ ຈຸດວຍແກະຕີ່ນເລົ່ານຳກັນວ່າ, “ອົງພຣະຜູ້ເດ່ງເຈົ້າຕີ່ນສົ່ງເທວະດາຂອງພຣະອົງຫລ່າຍໂຢ້ຈຸຈັກກ່ຽວກັບພຣະກຸມມານດ້ອຍອົງໜີທີ່ເກີດຫລ່າຍໃນເຕມໜີ ອູນຈຸຈັກຕຶມກັນຕີ່ເມືອງເບັດເລເຮັມເທາະ ຕີ່ເບິ່ງເຫດການທີ່ເກີດເຫລັ່ງ ຕາມທີ່ອົງພຣະຜູ້ເດງເຈົ້້າຕີ່ນໂຢ້ອູນຈັກຮູນາ.”
16ດັ່ງນາຈຸປາຈຶ່ງຣີບຕີ່ດັ່ງເມືອງເບັດເລເຮັມຢ່າງຮິບດ່ວນ ເເລະ ຊອກເລ້ຈົນກວ່າຈຸປາພົບມາຣີ ແລະ ໂຢເຊັບ ແລະ ໜາມພຣະກຸມມານດ້ອຍກໍາລັງລຳເອີ້ໃນກະປອກທີ່ກໍ່ບັດຄໍດວຍສັດ. 17ເມື່ອຈຸດວຍເເກະຕີ່ນໜາມພຣະກຸມມານເຢຊູແລ້ວ ຈຸປາຕີ່ນໂຢ້ທຸກຂຸ່ນເຖິງຂໍ້ຄວາມທີ່ຈຸເທວະດາຕີ່ນໂຢ້ຈຸປາ ຕາມທີ່ຈຸປາຕີ່ນແງ໋ເຖິງພຣະກຸມມານນາ. 18ທຸກກຸ່ນທີ່ຕີ່ນແງ໋ຂ່າວຈາກຈຸ ດວຍເເກະຕ່າງກໍປະຫລາດເປ້ເຊັມຕໍ່ສິ່ງທີ່ຈຸດວຍແກະຕີ່ນເລົ່າ ນາ. 19ຝ່າຍມາຣີກໍຈົດຈໍາເລື່ອງຕັ່ງເຫດເຕີ້ ເອີ້ອາເປ້ເຊັມແລະຕີ່ນສຶບຕໍ່ຄິດກ່ຽວກັບເລື່ອງທີ່ຈຸດວຍແກະເລົ່າຕັ່ງເຫດນາ. 20ທຸກສິ່ງທີ່ຈຸດວຍແກະຕີ່ນແງ໋ ແລະຕີ່ນໜາມເດ່ງເຊັ່ນດຽວກັນກັບທີ່ເທວະດາຕີ່ນໂຢ້ຈຸປາ.ດັ່ງນາ, ຈຸປາຕີ່ນຖະຖວາຍກຽດ ແລະຕີ່ນສັນລະເສີນພຣະເຈົ້າ ແລະຕີ່ນກັບຄືນຕີ່ເຕີ້ມຝູງແກະຂອງຈຸປາ.
ກຸມມານກໍ່ຊື່ວ່າເຢຊູ
21ເມື່ອພຣະກຸມມານນາກໍ່ອາຍຸຕີ່ນແປດວັນແລ້ວ ຈຸປາຕີ່ນໝິ່ນພິທີຕັດອູນພຣະອົງຕາມກົດບັນຍັດຂອງພຣະເຈົ້າ ແລ້ວມາຣີ ແລະ ໂຢເຊັບ ຕີ່ນຕັ້ງຊື່ອູນກຸມມານນາວ່າ ພຣະເຢຊູ ຕາມທີ່ເທວະດາຕີ່ນໂຢ້ກັບນາງມາຣີ ເຄີ່ນາງໜໍຈາຕີ່ນກໍກອນນາ.
ການຖວາຍພຣະກຸມມານໃນພຣະວິຫານ
22ແລ້ວເວລາກຳນົດກໍຫລ່າຍເຕັ້ງ ສຳລັບໂຢເຊັບແລະມາຣີ ທີ່ກຽມໝິ່ນພິທີຊຳລະໂຕອູນສະອາດ ຕາມທີ່ກົດບັນຍັດຂອງໂມເຊຕີ່ນກ່າວເຕີ້.ຈຸປາຈຶ່ງຕີ່ນນຳເລ້ພຣະກຸມມານເຢຊູ ຕີ່ທີ່ນະຄອນເຢຣູຊາເລັມ ເພື່ອຖວາຍແກ່ອົງພຣະຜູ້ເດ່ງເຈົ້າ. 23ຈຸປາຈຶ່ງໝິ່ນເຊັ່ນໜີ ເພື່ອເຊື່ອຟັງສິ່ງທີ່ຂຽນເຕີ້ໃນກົດບັນຍັດຂອງອົງພຣະຜູ້ເດ່ງເຈົ້າວ່າ “ກອນອ້າຍເກົ້າທຸກຂຸ່ນຈະຕ້ອງຕີ່ນອູທິດຕົນຕໍ່ພຣະຜູ້ເດ່ງເຈົ້າ ເພື່ອຮັບໃຊ້ພຣະອົງ.” 24ໂຢເຊັບກັບມາຣີດັງຕີ່ນຖວາຍຄຣຽງບູຊາ ຕາມທີ່ກົດບັນຍັດຂອງອົງພຣະຜູ້ເດ່ງເຈົ້າຕີ່ນກ່າວເຕີ້ເຊັ່ນກັນ ຄືເສຍສະລະຈີມກູໆໜໍຄູ່ ຫລືຈີມກາງແກໜຸ່ມຫານໂຕ.
25ຂະນະນາ ເອີ້ໃນນະຄອນເຢຣູຊາເລັມ ຕີ່ນກໍ່ກອນປານໝໍຢັ່ກຊື່ວ່າ ຊີເມໂອນ ຮັນເດ່ງກຸ່ນຊອບທໍາ ຢຳເກງພຣະເຈົ້າ ແລະຕີ່ນຂາໝໍຢັ່ກຫລ່າຍໂຜດຊ່ອຍຊາດອິດສະຣາເອນອູນພົ້ນ,ແລະພຣະວິນຍານບໍຣິສຸດເຈົ້າຊົງສະຖິດເອີ້ກັບຮັນ 26ພຣະວິນຍານບໍຣິສຸດເຈົ້າ ຕີ່ນສໍາແດງອູນຮັນຣູວ່າ ຮັນຈະໜໍເຈດເຄີ່ຕີ່ນຫນາມພຣະຄຣິດຢັ່ກຫລ່າຍຈາກອົງພຣະຜູ້ເດ່ງເຈົ້າ. 27ພຣະວິນຍານບໍຣີສຸດເຈົ້າຕີ່ນນຳພາຊີເມໂອນຫລ່ອນຕີ່ໃນພຣະວິຫານ, ແລ້ວໂຢເຊັບຕີ່ນນຳເລ້ພຣະກຸມມານພຣະເຢຊູຫລ່ອນຕີ່ໃນພຣະວິຫານ ເພື່ອອຸທິດຕົນຖະຖວາຍພຣະອົງອູນແກ່ພຣະເຈົ້າຕາມກົດບັນຍັດຂອງອົງພຣະຜູ້ເດ່ງເຈົ້າສັ່ງອູນຈຸປາໝິ່ນ 28ຊີເມໂອນກໍຕີ່ນເອີບເລ້ພຣະກຸມມານເຢຊູເຕີ້ອາອ້ອມສີຂອງຮັນແລະສັນລະເສີນພຣະເຈົ້າວ່າ,
29“ພຣະອົງເຈົົ້າເອີຍ,
ບັດໜີ ພຣະອົງຊົງປ້ອຍອູນຂ້ານ້ອຍຢັ່ກຮັບໃຊ້
ຂອງພຣະອົງ
ຕີ່ເດ່ງສຸກເພາະວ່າຊົງໝິ່ນຕາມແມງສັນຍາກັບຂ້ານ້ອຍແລ້ວ
30ເພາະວ່າມັດຂອງຂ້ານອ້ຍຕີ່ນໜາມຄວາມໂຜດຊ່ອຍລອດພົ້ນ
ທີ່ຫລ່າຍຈາກພຣະອົງແລັວ
31ຄືພຣະອົງຕີ່ນຈັດຕຽມເຕີ້ອູນທຸກຂຸ່ນ
ຕໍ່ກາກມັດປະຊາຊົນຕັ່ງເຫດ
32ພຣະອົງເດ່ງເເສງສະຫວ່າງສ່ອງແຈ້ງ
ຕໍ່ຢັ່ກທີ່ຈະ ເປີດເຜີຍພຣະປະສົງ
ແກ່ທ່ານກັບບັນດາປະຊາຊາດ
ແລະພຣະອົງຢັ່ກທີ່ນຳເລ້ສະຫງ່າຣາສີ
ຫລ່າຍສູ່ ອິດສະຣາເອນພົນລະເມືອງ
ຂອງພຣະເຈົ້າ.”
33ໂຢເຊັບ ແລະ ມາຣີ ຕີ່ນປະຫລາດເປ້ເຊັມໃນສິ່ງຕ່າງໆທີ່ຊີເມໂອນຕີ່ນກ່າວກ່ຽວກັບພຣະກຸມມານດ້ອຍເຢຊູ 34ຕໍ່ຈາກນາ ຊີເມໂອນຕີ່ນອວຍພອນເມະກັບອີ, ແລະ ຈາກນາ ຮັນເລົ່າກັບມາຣີເມະຂອງພຣະກຸມມານນາວ່າ, “ພຣະເຈົ້າຕີ່ນເລືອກກອນດຽດຍັ່ກໜີເຕີ້ ເພຶ່ອໝິ່ນອູນແອ້ນໝໍຢັ່ກທີ່ຕ້ອງທໍາລາຍ ຕີ່ນຮັບຄວາມລອດໃນອິດສະຣາເອນ ແລະ ຮັນຈະ ເດ່ງໜາຍສຳຄັນຈາກພຣະເຈົ້າ ແຕ່ເອ້ຢັ່ກຈະຕໍ່ຕ້ານພຣະອົງ 35ເພາະຄວາມຄິດເປ້ເຊັມຂອງກຸ່ນຕັ່ງເອ້ ຈະຕີ່ນປາກົດແຈ້ງ ສ່ວນເທົາຈະເຈັບປວດຄືຕອ້ງດາບຕຶ່ມຊອດເປ້ເຊັມ.”
36ໃນເວລານາກໍກໍ່ຢັ່ກທຳນວາຍໝໍຢັ່ກຊື່ນາງອານາ. ອີຂອງນາງຄືຟານູເອນຢັ່ກທີ່ສືບເຊື້ອສາຍຫລ່າຍຈາກຕະກຸນ ອາເຊອານາເດ່ງກຸ່ນອາຍຸເອ້ແລ້ວ ນາງແຕ່ງງານພຽງແດເຈັດຈຶມ. 37ແລະ ນາງດັງຄົງເດ່ງເມ້ຄ້າ ແລະ ອາຍຸຂອງນາງແມ່ນແປດສິບສີ່ຈຶມ. ນາງຕີ່ນໃຊ້ເວລາສ່ວນເອ້ຂອງນາງເອີ້ໃນພຣະວິຫານ ນາງຕີ່ນນະມັດສະການພຣະເຈົ້າຕັ່ງນໍາງີແລະນໍາເຕມໂດຍການອະທິຖານ ແລະ ຕີ່ນຮັກສາສິນໂດຍການອຸດອາຫານ 38ໃນເວລານາ ອີກັບເມະຂອງພຣະເຢຊູເຈົ້າດັງເອີ້ໃນພຣະວິຫານນາງອານາກໍຕີ່ນຫລ່ອນຫລ່າຍເຕີ້ມຈຸປາແລະໂມທະນາຂອບພຣະຄຸນພຣະເຈົ້າແລະເລົ່າເຕັ້ງພຣະກຸມມານອູນເແກ່ທຸກກຸ່ນ ໃນນະຄອນເຢຣູຊາເລັມຟັງ ຊຶ່ງຈຸປາກຳລັງຂະໜໍການໄຖ່ອູນພົ້ນນາ.
ການກັບຄືນສູ່ນາຊາເຣັດ
39ເມື່ອໂຢເຊັບແລະມາຣີ ໝິ່ນທຸກສີ່ງສຳເລັດຕາມກົດບັນຍັດຂອງໂມເຊຕີ່ນສັ່ງອູນສໍາເລັດແລ້ວຈຸປາກໍກັບຄືນເວັ່ນບ້ານຂອງຕົນທີ່ເມືອງນາຊາເຣັດໃນແຂວງຄາລີເລ. 40ລ່າພຣະກຸມມານເຢຊູນາ ກໍເນ້ເຫລັ່ງແລະແຂງແຮງດີ ບຳຕີ່ດ້ວຍສະຕີປັນຍາແລະພຣະຄຸນຂອງພຣະເຈົ້າກໍຊົງສະຖິດເອີ້ນຳພຣະອົງ.
ພຣະກຸມມານເຢຊູໃນພຣະວິຫານ
41ທຸກໆຈຶມໂໝ ອີເມະຂອງພຣະກຸມມານເຢຊູ ເຄີຍເຫລັ່ງຕີ່ນະຄອນເຢຣູຊາເລັມເພື່ອສະຫລອງເທດສະການປັດສະຄາ. 42ເມື່ອພຣະກຸມມານເຢຊູອາຍຸຕີ່ນສິບສອງຈຶມ ຈຸປາກໍຕີ່ນເຫລັ່ງສະຫລອງເທດສະການໜີ ຕາມທຳນຽມທີ່ເຄີຍປະຕິບັດຫລ່າຍ. 43ເມື່ອເທດສະການສິ້ນສຸດສວາຍແລ້ວ ອີເມະກໍເປີ້ເວັ່ນຍ່າ ສ່ວນພຣະກຸ່ມມານພຣະເຢຊູນາ ດັງຄ້າງເອີ້ນະຄອນເຢຣູຊາເລັມ ລ່າອີເມະກໍນໍຣູຈັກ. 44ປາຕັ່ງຫານຢັ່ກກໍຄິດວ່າ ພຣະກຸມມານເຢຊູນາ ເອີ້ນຳກຸ່ນທີ່ເດີນທາງເວັ່ນນຳກັນ.ດັ່ງນາ ຈຸປາຈຶ່ງເດີນທາງຕໍ່ຕີ່ຕີ່ນໜໍງີກັບມໍເປ່ຍ ແລ້ວເລີ່ມຕົ້ນຊອກຫາພຣະກຸມມານເຢຊູທ່າມກາງມ່າງແອມແລະໝູ່ເພື່ອນ. 45ເມື່ອນໍໜາມພຣະກຸມມານເຢຊູ ຈຸປາຈຶ່ງເວັ້ນຕີ່ຊອກເອີ້ນະຄອນເຢຣູຊາເລັມ. 46ເມື່ອຊອກເບີ່ງຕີ່ນປາເປ່ຍແລ້ວ ຈຸປາກໍພົບພຣະກຸມມານໂງ່ຍເອີ້ພຣະວິຫານທ່າມກາງກຸມອາຈານຊາວຢິວ#2:46 ອາຈານຊາວຢິວ ໝາຍເຕັ້ງອາຈານທີ່ສອນສາດສາໜາຂອງຊາວຢິວເຊິ່ງເດ່ງທີ່ຮູຈັກດີໃນຊື່ຄູສອນກົດບັນຍັດຂອງໂມເຊຫລືຄູສອນສາດສະໜາ ກຳລັງຟັງແລະຊັກຫານຈຸອາຈານເຫຼົ່ານາເອີ້. 47ທຸກກຸ່ນທີ່ຕີ່ນເເງ໋ພຣະອົງກ່າວ ຕ່າງກໍປະຫລາດເປ້ເຊ້ມໃນສະຕິປັນຍາ ແລະແມງຕອບຂອງພຣະກຸມມານນາ. 48ລ່າອີເມະກໍປະຫລາດເປ້ເຊ້ມຄືຕີ່ນໜາມພຣະກຸມມານເຢຊູ ແລະເມະຈຶ່ງຫານວ່າ, “ກອນເອີຍ,ເດ່ງມາເອເທົາຈຶ່ງໝິ່ນແນວໜີກັບຈຸຈັກ? ອີກັບເມະເລາະຊອກເທົາດ້ວຍແມງກັງວົນເປ້ເຊ້ມທີ່ສຸດ.”
49ພຣະກຸມມານເຢຊູຈຶ່ງຫານວ່າ, “ເດ່ງໝາເອຕ້ອງຊອກຈັກ? ຈຸເທົານໍຣູວ່າເມັ່ງຕ້ອງເອີ້ໃນທີ່ສະຖິດແຫ່ງພຣະບິດາເຈົ້າຂອງເມັ່ງ#2:49 ພຣະບິດາເຈົ້າຂອງເມັ່ງ ໜາຍເຕັ້ງພຣະເຈົ້າ, ພຣະບິດາ, ທີ່ເອີ້ເຫລັ້ງສະຫວັນໜໍຕີ່ນໜາຍເຕັ້ງໂຢເຊັບ?” 50ແຕ່ຈຸປານໍເຂົ້າໃຈເເມງຕອບຂອງພຣະກຸມມານເຢຊູນາ.
51ແລ້ວພຣະກຸມມານເຢຊູຈຶ່ງສວາຍເວັ່ນກັບຈຸປາສູ່ເມືອງນາຊາເຣັດແລະອ່ອນນ້ອມຍອມຟັງເມະກັບອີຂອງປາລ່າເມະກໍເກັບກຳເລື່ອງຕັ່ງເຫດໜີເຕີ້ອາເປ່ເຊັມ. 52ພຣະເຢຊູເຈົ້າຕີ່ນຈະເລີນເຕີບເນ້ເຫລັ່ງ ໃນດ້ານສະຕິປັນຍາ ແລະໃນດ້ານຮ່າງກາຍ ເດງທີ່ພໍພະໄທຕໍ່ພຣະເຈົ້າແລະຕໍ່ມະນຸດດ້ວຍ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Phong Bible by Beyond Translation is licensed under Creative Commons Attribution-ShareAlike 4.0 License.