လုကာ 4
4
အခန်း (၄)
အဖြားယောင်းသွေးဆောင်ငဟော့ အခွန်းအွမ်လာ့ဝဟော့
(မဿဲ ၄.၁-၁၁။ မာကု ၁.၁၂-၁၃)
1အနီပုန်ပိ ကိုယ်တော်ယေရှုဟော့ ဘုရားအမွင်ချိုဝိုအတွက်တူဝါမွက်လော့သဲ့ ဂျော်ဒန်ပါန်လိုင်ယာဟော့ပြန်လူးဘော်လော့သဲ့ ဘုရားအမွင်ချိုလော့ ယဝါ တောကန္တာဒိတ်ကာဝါအစိတို့။ 2ဟောနီနေရာဝါ မာရ်နောတ်လော့ ဖြားယောင်းသွေးဆောင်ခြင်းငဟော့ နှုတ်ပေါင်းလေးဆယ်အကြာအခေါင်းတို့။ ထိုနုတ်ဝဲ့ရာ ယငဟော့ မောင်းဟောအေအုတ်ဝကြောင်းငို ယငဟော့ နီနုတ်ဝဲအပေါ့ပြီးစလော့ အပို့အိုတို့။ 3မာရ်နောတ်လော့ ကိုယ်တော်ဝါ "နောင်းငဟော့ ဘုရားရှင်စိုးဆိတ်နပါ နီလုံးတောက်ကဟော့ ပေါင်မုန့်ဖြစ်စိုင်းရှောက်ကဲ့" သိမ်အဟောက်။ 4ဆိတ်လော့ဟော "ကိုယ်တော်လော့ဟော 'ကျမ်းစိုဝါ ချောင်ငဟော့ မအေးအုပ်ဗုန်းအုဝတ်လိုက်စအောင်အတောတ် အရှောက်ဟိုင်ပလော့မအွမ်းနိုင်ဆိတ်က' သိမ်အရေးအေ" သိမ်အဟောက်တို့။ 5အနီပုန်ပိစ မာရ်နောတ်လော့ ယေရှုဝဟော့ ကီးကယ်လှုန်ဟော့ တုံထိပ်ပုဝါ ဦးဆောင်လော့ဘိက်အိပ်လော့သဲ့ ကမ္ဘာဝါမွက်ဟော့ နိုင်ငံအားလုံး ဝစအောင်အတွင်းနာအပြမာက်တို့။ 6နီပေါင်ပိ မာရ်နောတ်လော့ကိုယ့်တော်ဝါ နီနိုင်ငံအားလုံးဝါဟော့အုပ်ချုပ်ဝဲ့အခွန့်အာဏာလော့ ယနိချမ်းသာကြွမှု့ငဟော့ နောင်းဝါအားလုံးကပိတ်ဝဲ့။ ဘယ်သိမ်ကြောင်းငိုဝေါနိုးပုဝါ နီအရာငဟော့ ကေ့ဝါအပိတ်ဟီကြောင်း ကေ့လော့ကပိတ်နှုးငဟော့ချောင်ဝါ ပိတ်ဟူဝါကလ။ 7နီကြောင်းငို ကေ့ဦးညွတ်သလော့ နခို့ကနို နောင်းငါ နီအားလုံးငဟော့ နောင်းလော့နပိုင်လအယ်" သိမ်အဟောက်။ 8ဆိတ်လော့ဟော ကိုယ်တော်ယေရှုလော့ "ကျမ်းစိုဝါ 'နောင်နိသခင်ဘုရားနော နောင်နိခို့လာ့ဝိုင့်။ ဘုရားရှင်သာသနာရှာက်နော နစိုင်းလာ့ဝိုင့်' သိမ်အရေးအေ" သိမ်မာရ်နောတ်တာပြန်လော့အဟောက်ဘော်။ 9အနီပုန်ပိ မာရ်နောတ်လော့ ကိုယ်တော်ဝဟော့ ဂျေရုဆလင်မြို့ဝါဘိက်အိပ်လော့သဲ့ ဘုရားကျုံအလှုန်းဟိုက်ဆုံးနေရာဝါ "နောင်းငဟော့ ဘုရားရှင်စိုး တကယ့်တကယ်နဖြစ်ကနို နီနေရာဝါဟော့ပိုင်အိုင်ရဲ့။
10ကျမ်းစိုဒိတ်ကာ 'ဘုရားရှင်လော့ နောင်းအစောင့်ရှောက်ကိုင်း ယနောတ်ဒေဝါဝဲ့ဝါ အမိန့်မှာဝဲ့
11နောင်းခူးဝဲ့ လုံးသောက်ကိုထိငှားအုံ ဒနိကွက်ဝိုယနိမန်းနည်းသိမ်' သိမ်အရေးကြောင်းငို နောင်းငဟော့နေအေလလသိ" သိမ်အဟောက်။
12အနီပိစ ကိုယ်တော်ယေရှုလော့ "ကျမ်းစာဝါ 'ဘုရားရှင်နဟော့ စမ်းသပ် လသပ်လအပူ' သိမ်အရေးအေ" သိမ်အမိတ်တော်မူတို့။
13အနီပုန်ပိ မာရ်နောတ်လော့ဟော ယဝါ စမ်းသပ်မှုအမျိုးမျိုး အစိုင်းပုန်ပိစ ကိုယ်တော်ယေရှုငှာဟော့ ရှုလူးဘော်လော့သဲ့ နောက်ထပ်အခွင့်အခါအဖိုးလူးဝိုင်း ငဟော့အစုန်းတို့။
ဂါလိလဲနယ်ယာ အမှုတော်စလော့တဲ့အဆောင်ရွက်ငဟော့
(မဿဲ ၄.၁၂-၁၇။ မာကု ၁.၁၄-၁၅)
14အနီပုန်ပိ ကိုယ်တော်ယေရှုလော့ ဂါလိလဲပြည်ယာ ဘုရားအမွင်ချိုဝိုပြန်လော့သဲ့အစိဘော်။ ယသတင်းဟော အရပ်ဒေသအနှံ့သာ ပျံ့လွင့်လော့အအွမ်း။ 15ကိုယ်တော်ယေရှုလော့ ဓမ္မာရုံဒိတ်ကာ#4.15 ဂျူးချောင်မျိုးဝဲ့ စုအူလော့တဲ့ ဝတ်ပြုဆုတောင်းခြင်း၊ကျမ်းစာဝဲ့ပေါတ်င ယနိယုံကြည်မှုငဟော့အစုပ်လော့ ဘုရားရှင်ငဟော့ ယနိခိုးနောက်ဒုန်း အဆောက်ဦးအဖြစ်။ ဆုံးမကနို ချောင်ငဲ့လော့ဟော ကိုယ်တော်ယငဟော့ ယနိချီးမွမ်းတို့။
နာဇရက်မြို့သားဝဲ့လော့ ကိုယ်တော်ငဟော့ယနိငြင်းပယ်ငဟော့
(မဿဲ ၁၃.၅၃-၅၈။ မာကု ၆.၁-၆)
16အနီပုန်ပိ ကိုယ်တော်ယေရှုလော့ ယအလင်းဒွန်းနေရာဖြစ်ဟော့ နာဇရက်မြို့ဝါ ပြန်လော့အလူးဘော်။ ဥပုသ်နှုတ်တာ ကိုယ်တော်ငဟော့ဓမ္မာရုံငါ စိနေကြလှောက်ကာအစိနောက်ဝါ ယလော့ ကျမ်းစိုဝါအပိုဝဟော့ စိုအဖွတ်သိုင် အယားတို့။ 17အနီပုန်ပိ ကိုယ်တော်ဝါ ပရောဖက်ဟေရှာယကျမ်းစိုလိပ် အပိတ်တို့။ ကိုယ်တော်လော့ ကျမ်းစိုလိပ်ဟူးပြီးစလော တစ်လောက်ကာအရေးငဟော့ ကျမ်းစိုငဟော့အခွန်းတို့ 18ကိုယ်တော် ငဟော့
"ဆင်းရဲဟော့ချောင်ငဲ့ အကယ်ရိုင်းမင်္ဂလာသတင်းစကားကဖြန့်ဝေလော့ အဟောက်ဝဲတောက် ကေ့ယဟော့ ဘုရားရှင်လော့ ကေ့အဟဲ့ကြောင်းငို ဘုရားရှင် ဘုရားအမွန်းချိုငဟော့ ကေ့ဝိုတွက်တူဝါမော့။
ဘုရားရှင်လော့ ဒုတ်ကျောက်ဟော့ချောင်ငဲ့ဝါ အလှို့ဝဲ့အကြောင်းငဟော့အကြောင်းငဟော့၊ အမိတ်ဘေ့ဟော့ချောင်ငဲ့ ပြန်လော့အဝါန်းဘော်ဝိုင်းတောတ်၊ ဒုက္ခခွန်းအွမ်လာ့ဟော့ချောင်ငဲ့ အလို့ရှောက်ဟီသိမ်
19အရှင်လော့ ယချောင်ဗုန်း ယဂရုနာငဟော့ အပြဝဲဟော့ အချိန်ဖြစ်ကြောင်းငို အကျိမ်ညာဝဲတောက် ကေ့ငဟော့စေအလွှတ် အဖြစ်" သိမ်ဟောက်တို့။
20ယေရှုလော့ ကျမ်းစိုလိပ်လော့သဲ့ ဓမ္မာရုံတာဝန်ခံနာ ပိတ်လော့သဲ့ အငုံး။ဓမ္မာရုံငါမွက်ဟော့ ချောင်တကားလော့ဟောယေရှု ယနိသိုင်းနောက်။ အနီပုန်ပိကိုယ်တော်လော့ဘောင်းအဟောက်ဝိုင့်သိမ် ယနိဟင်တို့။ 21အနီပုန်ပိ ကိုယ်တော်လော့ ချောင်ငဲ့ငါ "နောင်နိရောက်လာ့ဝဟော့ ကျမ်းစိုဝါပိုဟော့စာပိုဒ်ကဟော့ တိုဝါအမှန်တကယ် အဖြစ်လူးဟီ" အမိန့်တော်မူတို့။ 22ချောင်အပေါင်းဝဲလော့ ကိုယ်တော် ငဟော့ ချီးမွမ်းအလော့တဲ့ ကိုယ်တော်ဟောက်ခူငဟော့ဆုလူးငဟော့ အပေါလ်ငဟော့ဟောက်ခူကြောင်းငို ယနိအံ့ဩတို့။ ယနိလော့ "ယငဟော့ယောသပ်စိုး ဆိတ်ကမိုး" သိမ်ယနိဟောက်အော်တို့။ 23ကိုယ်တော်ယေရှုလော့ "နောင်းနိဝါ ကေ့လော့ 'တလှိုင်ဆရာဝဟော့ ယလုန်တအကူးအူအကူးလအယ်' သိမ်ဟောက်ဟော့ ဆိုရိုးပေါလ်ဝဟော့ 'ကပေရနောင်မြို့ဝါ နောင်းလော့အစိုင်းဟော့ငဟော့ ကေ့လော့ကရောက်လငဟော့ အမှုအရာဝဲ့ငဟော့ နောင်းမြို့ဖြစ်ဟော့နီမြို့ဝါဟော စိုင်းဘွေ' သိမ် အမှန်တစ်ကယ်ယနိဟောက်ဝဲ" သိမ်အမိန့်တော်မူတို့။ 24ကိုယ်တော်လော့ဟော ဆက်လော့တဲ့ "နောင်နိဝါကေ့လော့အမှန်ကဟော့လအယ်နိုးပုဝါ မောင်းပရောဖက်ဟော ယအုံးနောက်ဒုန်းမြို့ဝိုဟော့လော့ လက်ခေါင်းနအွမ်။ 25ဆိတ်လော့ဟော အမှန်တရားဝဟော့ ကဟောက်လာ့ဝိုင့်နပါ ပရောဖက်ဧလိယခေတ်တာ ကွန်ထုံကျော်ဘောင်းရို့အိုးဝကြောင်းငို နိုင်ငံတဝှမ်းနာ ကီးကယ်အငတ်တဟော့ ယနိခွန်းအောင်လကြောင်းငို အစ္စရေးပြည်ဒိတ်ကာ မုဆိုးမ မနဲအမွက်ရွတ်။ 26ဆိတ်လော့ဟော ဘုရားရှင်လော့ ဧလိယအ အရာအစ္စရေးရာဟော့ မုဆိုးမဝဲ့ငါ အကူညီရိုင်း လှို့တအုံ ဟောနီအစား ဇိဒုန်မြို့စိမ်းငါဟော့ ဇရတ္တမြို့ဝါအမော့ငဟော့ ဂျုးချောင်မျိုးဆိတ်ဟော့ မုဆိုးမပေန်းနောတ် အကူညီရိုင်း တောက်အလှို့တို့။ 27ပရောဖက်ဧလိရှဲခေတ်တာ အစ္စရေးပြည်ရာ အနာကြီးရောဂါသည်မနဲအမွက်။ ဆိတ်လော့ဟော ဧလိရှဲလော့ယနိဒိက်ကာ နီးဝါဟောကူပိတ်ငှားတစ်အုံ ဆီးရီးယားပြည်ဝါမော့ငဟော့ဂျူးချောင်ဗုန်းဆိတ်ငှား ဟော့ချောင် နေမန် ပေန်းနောတ်လောက်နိုး အကုပိတ်တို့" သိမ်အဟောက်။ 28အနီပိစ ဓမ္မာရုံဒိက်ကာဟော့ ချောင်အွပ်လော့ ဟောနီဟောက်ခူရောက်ပြီး စလော့ ယနိရောက်ပိစ ကီးကျယ်အလုန်ယနိရှေး။ 29ယနိလော့ ယားအလော့သဲ့ ယဝါကိုယ်တော် နီမြို့ဝါဟော့ အရှုဝိုင့်ယဟော့ ယနိဟောက်။ ယနိလော့ ကိုယ်တော်ယေရှုဝါ မြို့ကြောင်ငါဟော့ကမ်းပိုင်းဟာန်ဝါဟော့ ယနိဘိုတ်ကိုင် ယနိစိအိ။ 30ဆိတ်လော့ဟော ကိုယ်တော်ယေရှုဝဟော့ ချောင်အွပ်တာဟော့ လျှောက်လူးလော့သဲ့ အလှို့ဝါအစိတို့။
ကိုယ်တော်ယေရှုပွယ်ငှားဟော့ခွက်ရိုင်းရဲ့ အလှာန်ငဟော့
(မာကု ၁.၂၁-၂၈)
31အနီပုန်ပိ ကိုယ်တော်လော့ ဂါလိလဲဒေသဝါမွက်ဟော့ ကပေရနောင်မြို့ဝါစိလော့သဲ့ ဥပုသ်နှုတ်သဲ့ဝါ ချောင်ငဲ့ငါ အစုပ်ဟောက်တို့။ 32ကိုယ်တော်ပေါလ်ဝဲ့ယဟော့ အခွင့်အာဏာဝို ယလော့အစုပ်ကဟော့ကြောင်းငို ချောင်ငဲ့လော့ ယငဟော့ အံ့ဩအလော့တဲ့ယနီချီးမွမ်းတို့။ 33ဓမ္မာရုံဒိက်ကာ ခွက်ရိုင်းပူးအူခွန်းအွမ်လာ့ဟော့ချောင်ပေန်းနောတ်လော့ ကိုယ့်တော်ဝါ 34"ဟေ့၊ နာဇရက်မြို့ဝါဟော့ ယေရှု၊ နောင်းလော့ ကနိဘောင်းခါနစိုင်းရိုင်းသိမ်ငိုး။ ကနိနဖျက်ဆီးရိုင်းအတောတ်နလူးမိုး၊ နောင်းငဟော့ နီသိမ်ကနိမှတ်၊ ဘုရားရှင်ငှာဟော့လူးဟော့မြင့်မြတ်ဟော့ ချောင်အဖြစ်" သိမ်အဟောက်။ 35အနီပိစလော့ ကိုယ်တော်ယေရှုလော့ ခွက်ရိုင်ယာ "အဒက်ဒက်စအောင်ဝါအွမ်းနဲ့၊ ယငှာဟော့ရှုဝဲ့" သိမ်အမိန့်ပိတ်တို့။ ဟောနီကွာ အနီခွက်ရိုင်းလော့ အနီချောင်ငဟော့ ချောင်ငဲ့အလိုင်ယာ ကျုပ်လော့တဲ့ နေအေးငှားတစ်အုံ နိအိရှောက်ငှားတအုံ ယငှာဟော့ အစိသို့။ 36ချောင်တကားလော့ အံ့ဩအလော့သဲ့ "နီဟောက်ခူငဟော့ ပိဘောင်းပေါလ်ဝိုး၊ ဟောနီချောင်ငဟော့ တန်ခိုးအာဏာဝို ခွက်ရိုင်းရဲ့ အဆုလူးဝဲ့အမိန့်ပိတ်ပြီးစလော့ ချက်ချင်းယနိရှုလူးလတို့ဆ" သိမ်အချင်းချင်းယနိဟောက်အောက်တို့။ 37အနီပုန်ပိ ကိုယ်တော် ယသတင်းဟော့ ဟောနိဒေသဝါမော့ငဟော့ နေရာတိုင်းဝါ အပျံနှံ့လှိုင်းတို့။
ကိုယ်တော်ယေရှုလော့ချောင်များ အကုပိတ်ငဟော့
(မဿဲ ၈.၁၄-၁၇။ မာကု ၁.၂၉-၃၄)
38အနီပုန်ပိ ကိုယ်တော်ယေရှုလော့ ဓမ္မာရုံငါဟော့ ရှိမုန်အင်းနာ အစိယဟော့ အချိန်ငါ ရှိမုန်အာပုတ်ကဟော့ ကီးကျယ်ကောကြောင်းငို အနီနေရာဝါဟော့ချောင်ငဲ့လော့ဟော ကိုယ်တော်ယေရှုဝါ အနီနှတိုးနူး အကူးဝိုင်းတောတ် ယနိတောင်းဆိုအိုတို့။ 39နိကြောင်းငို ကိုယ်တော်ဝဟော့ အနီနှတိုးစိန်းငါစိလော့အရားပြီးစလော့ အကောရောဂါဝဟော့ ချက်ချင်းပ အကျုပ်ဝဲတောက် အမိန့်ပိတ်ပြီးစလော့ အနီနှတိုးနူး အကောရောဂါကျုပ်လော့သဲ့ မအေးအုပ်ဗုန်းငို စလော့တဲ့ဧည့်ခံတို့။ 40ခုနီမူပိစ ချောင်ငဲ့လော့ ရောဂါအမျိုးမျိုးဖြစ်ဟော့ ကာန်းငှားဟော့ချောင်မနဲငဟော့ ကိုယ်တော်ငွါ ယနိလူးတို့။ ဟောနီပိစလော့ကိုယ်တော်ယေရှုလော့ အနီကာန်းငှားဟော့ ချောင်ပေန်းနောတ်ကိုယ်စီ အပွန်းနာ ကိုယ်တော်လော့အကွက်တောင်အောင်လော့ ကျုပ်အုံအကုပိတ်တို့။ 41ခွက်ရိုင်းရဲ့လော့ ကာန်းငှားဟော့ချောင်ငှာဟော့ "နောင်းငဟော့ ဘုရားရှင်စိုး" သိမ်ယနိပါန်းအာန်အလော့တဲ့ ရှုတိတို့။ ခွက်ရိုင်းဝဲ့လော့ ကိုယ်တော်ယေရှုဝဟော့မေရှိယ အဖြစ်သိမ် ယနိမှတ်ကြောင်းငို ကိုယ်တော်ယေရှုလော့ ယနိယာ တက်အက်ခွင့်ပိတ်တို့ဝ။
ဓမ္မာန်ရုံဝါ အစုပ်ဟောက်ငဟော့
(မာကု ၁.၃၅-၃၉)
42အရာနှုတ်တောတ်ခွနီအဝါန်းပိစလော့ ကိုယ်တော် ငဟော့ တောကန္တာ အစိတို့။ ချောင်ငဲ့လော့ ကိုယ်တော် ငဟော့ နေရာတိုင်းဝါရွီးအလော့သဲ့ ယနိခွန်းပိစ ယနိငွါဟော့ဆုဝဲသိသိမ် ကိုယ်တော်ဝါ ယနိတောင်းပန်အံတို့။ 43ဆိတ်လော့ဟော ကိုယ်တော်လော့ "အရာမြို့ဝါဟော့ ချောင်ငဲ့ဝါဟော ဘုရားရှင်သာသနာတော် မင်္ဂလာသတင်းကောင်းငဟော့#4.43 ဘုရားရှင်နိုင်ငံတော်ငဟော့ ဘုရားရှင်အုပ်ချုပ်မူငဟော့ အရည်ညွှန်း။ အုပ်ချုပ်ချင်းသိမ်အဟောက်ငဟော့ တိုင်းပြည်ငဟော့ ရည်ညွှတ်ခြင်းဆိတ်က။ ဟောနီအစား ကိုယ်တော်ယေရှု ယုံကြည်ချင်းဝါ ချောင်ငဲ့လော့ ချောင်ဝဲ့အလှုန်ဒိတ်ကာ ဘဝငဟော့ အုပ်ချုပ်ခြင်းငဟော့ အရည်ညွှန်းခြင်းအဖြစ်။ ဟော ပြောလငွယ်အဖြစ်။ ဘယ်သိမ်ကြောင်းငိုဝေါနိုးပုဝါ ဘုရားရှင်လော့ တစ်လောက်ကာ အဟောပြောဝဲ့သိမ် အလှို့နောအဖြစ်" သိမ် အဟောက်တို့။ 44အနီပုန်ပိ ကိုယ်တော်ယေရှုငဟော့ထုလော့တဲ့ ယုဒပြည်တစ်ဝမ်းလုံးဝါမော့ဟော့ ဓမ္မာရုံငဲ့ယာ ဆက်လော့သဲ့အစုပ်ဟောက်တို့။
Currently Selected:
လုကာ 4: CEY
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 4
4
အခန်း (၄)
အဖြားယောင်းသွေးဆောင်ငဟော့ အခွန်းအွမ်လာ့ဝဟော့
(မဿဲ ၄.၁-၁၁။ မာကု ၁.၁၂-၁၃)
1အနီပုန်ပိ ကိုယ်တော်ယေရှုဟော့ ဘုရားအမွင်ချိုဝိုအတွက်တူဝါမွက်လော့သဲ့ ဂျော်ဒန်ပါန်လိုင်ယာဟော့ပြန်လူးဘော်လော့သဲ့ ဘုရားအမွင်ချိုလော့ ယဝါ တောကန္တာဒိတ်ကာဝါအစိတို့။ 2ဟောနီနေရာဝါ မာရ်နောတ်လော့ ဖြားယောင်းသွေးဆောင်ခြင်းငဟော့ နှုတ်ပေါင်းလေးဆယ်အကြာအခေါင်းတို့။ ထိုနုတ်ဝဲ့ရာ ယငဟော့ မောင်းဟောအေအုတ်ဝကြောင်းငို ယငဟော့ နီနုတ်ဝဲအပေါ့ပြီးစလော့ အပို့အိုတို့။ 3မာရ်နောတ်လော့ ကိုယ်တော်ဝါ "နောင်းငဟော့ ဘုရားရှင်စိုးဆိတ်နပါ နီလုံးတောက်ကဟော့ ပေါင်မုန့်ဖြစ်စိုင်းရှောက်ကဲ့" သိမ်အဟောက်။ 4ဆိတ်လော့ဟော "ကိုယ်တော်လော့ဟော 'ကျမ်းစိုဝါ ချောင်ငဟော့ မအေးအုပ်ဗုန်းအုဝတ်လိုက်စအောင်အတောတ် အရှောက်ဟိုင်ပလော့မအွမ်းနိုင်ဆိတ်က' သိမ်အရေးအေ" သိမ်အဟောက်တို့။ 5အနီပုန်ပိစ မာရ်နောတ်လော့ ယေရှုဝဟော့ ကီးကယ်လှုန်ဟော့ တုံထိပ်ပုဝါ ဦးဆောင်လော့ဘိက်အိပ်လော့သဲ့ ကမ္ဘာဝါမွက်ဟော့ နိုင်ငံအားလုံး ဝစအောင်အတွင်းနာအပြမာက်တို့။ 6နီပေါင်ပိ မာရ်နောတ်လော့ကိုယ့်တော်ဝါ နီနိုင်ငံအားလုံးဝါဟော့အုပ်ချုပ်ဝဲ့အခွန့်အာဏာလော့ ယနိချမ်းသာကြွမှု့ငဟော့ နောင်းဝါအားလုံးကပိတ်ဝဲ့။ ဘယ်သိမ်ကြောင်းငိုဝေါနိုးပုဝါ နီအရာငဟော့ ကေ့ဝါအပိတ်ဟီကြောင်း ကေ့လော့ကပိတ်နှုးငဟော့ချောင်ဝါ ပိတ်ဟူဝါကလ။ 7နီကြောင်းငို ကေ့ဦးညွတ်သလော့ နခို့ကနို နောင်းငါ နီအားလုံးငဟော့ နောင်းလော့နပိုင်လအယ်" သိမ်အဟောက်။ 8ဆိတ်လော့ဟော ကိုယ်တော်ယေရှုလော့ "ကျမ်းစိုဝါ 'နောင်နိသခင်ဘုရားနော နောင်နိခို့လာ့ဝိုင့်။ ဘုရားရှင်သာသနာရှာက်နော နစိုင်းလာ့ဝိုင့်' သိမ်အရေးအေ" သိမ်မာရ်နောတ်တာပြန်လော့အဟောက်ဘော်။ 9အနီပုန်ပိ မာရ်နောတ်လော့ ကိုယ်တော်ဝဟော့ ဂျေရုဆလင်မြို့ဝါဘိက်အိပ်လော့သဲ့ ဘုရားကျုံအလှုန်းဟိုက်ဆုံးနေရာဝါ "နောင်းငဟော့ ဘုရားရှင်စိုး တကယ့်တကယ်နဖြစ်ကနို နီနေရာဝါဟော့ပိုင်အိုင်ရဲ့။
10ကျမ်းစိုဒိတ်ကာ 'ဘုရားရှင်လော့ နောင်းအစောင့်ရှောက်ကိုင်း ယနောတ်ဒေဝါဝဲ့ဝါ အမိန့်မှာဝဲ့
11နောင်းခူးဝဲ့ လုံးသောက်ကိုထိငှားအုံ ဒနိကွက်ဝိုယနိမန်းနည်းသိမ်' သိမ်အရေးကြောင်းငို နောင်းငဟော့နေအေလလသိ" သိမ်အဟောက်။
12အနီပိစ ကိုယ်တော်ယေရှုလော့ "ကျမ်းစာဝါ 'ဘုရားရှင်နဟော့ စမ်းသပ် လသပ်လအပူ' သိမ်အရေးအေ" သိမ်အမိတ်တော်မူတို့။
13အနီပုန်ပိ မာရ်နောတ်လော့ဟော ယဝါ စမ်းသပ်မှုအမျိုးမျိုး အစိုင်းပုန်ပိစ ကိုယ်တော်ယေရှုငှာဟော့ ရှုလူးဘော်လော့သဲ့ နောက်ထပ်အခွင့်အခါအဖိုးလူးဝိုင်း ငဟော့အစုန်းတို့။
ဂါလိလဲနယ်ယာ အမှုတော်စလော့တဲ့အဆောင်ရွက်ငဟော့
(မဿဲ ၄.၁၂-၁၇။ မာကု ၁.၁၄-၁၅)
14အနီပုန်ပိ ကိုယ်တော်ယေရှုလော့ ဂါလိလဲပြည်ယာ ဘုရားအမွင်ချိုဝိုပြန်လော့သဲ့အစိဘော်။ ယသတင်းဟော အရပ်ဒေသအနှံ့သာ ပျံ့လွင့်လော့အအွမ်း။ 15ကိုယ်တော်ယေရှုလော့ ဓမ္မာရုံဒိတ်ကာ#4.15 ဂျူးချောင်မျိုးဝဲ့ စုအူလော့တဲ့ ဝတ်ပြုဆုတောင်းခြင်း၊ကျမ်းစာဝဲ့ပေါတ်င ယနိယုံကြည်မှုငဟော့အစုပ်လော့ ဘုရားရှင်ငဟော့ ယနိခိုးနောက်ဒုန်း အဆောက်ဦးအဖြစ်။ ဆုံးမကနို ချောင်ငဲ့လော့ဟော ကိုယ်တော်ယငဟော့ ယနိချီးမွမ်းတို့။
နာဇရက်မြို့သားဝဲ့လော့ ကိုယ်တော်ငဟော့ယနိငြင်းပယ်ငဟော့
(မဿဲ ၁၃.၅၃-၅၈။ မာကု ၆.၁-၆)
16အနီပုန်ပိ ကိုယ်တော်ယေရှုလော့ ယအလင်းဒွန်းနေရာဖြစ်ဟော့ နာဇရက်မြို့ဝါ ပြန်လော့အလူးဘော်။ ဥပုသ်နှုတ်တာ ကိုယ်တော်ငဟော့ဓမ္မာရုံငါ စိနေကြလှောက်ကာအစိနောက်ဝါ ယလော့ ကျမ်းစိုဝါအပိုဝဟော့ စိုအဖွတ်သိုင် အယားတို့။ 17အနီပုန်ပိ ကိုယ်တော်ဝါ ပရောဖက်ဟေရှာယကျမ်းစိုလိပ် အပိတ်တို့။ ကိုယ်တော်လော့ ကျမ်းစိုလိပ်ဟူးပြီးစလော တစ်လောက်ကာအရေးငဟော့ ကျမ်းစိုငဟော့အခွန်းတို့ 18ကိုယ်တော် ငဟော့
"ဆင်းရဲဟော့ချောင်ငဲ့ အကယ်ရိုင်းမင်္ဂလာသတင်းစကားကဖြန့်ဝေလော့ အဟောက်ဝဲတောက် ကေ့ယဟော့ ဘုရားရှင်လော့ ကေ့အဟဲ့ကြောင်းငို ဘုရားရှင် ဘုရားအမွန်းချိုငဟော့ ကေ့ဝိုတွက်တူဝါမော့။
ဘုရားရှင်လော့ ဒုတ်ကျောက်ဟော့ချောင်ငဲ့ဝါ အလှို့ဝဲ့အကြောင်းငဟော့အကြောင်းငဟော့၊ အမိတ်ဘေ့ဟော့ချောင်ငဲ့ ပြန်လော့အဝါန်းဘော်ဝိုင်းတောတ်၊ ဒုက္ခခွန်းအွမ်လာ့ဟော့ချောင်ငဲ့ အလို့ရှောက်ဟီသိမ်
19အရှင်လော့ ယချောင်ဗုန်း ယဂရုနာငဟော့ အပြဝဲဟော့ အချိန်ဖြစ်ကြောင်းငို အကျိမ်ညာဝဲတောက် ကေ့ငဟော့စေအလွှတ် အဖြစ်" သိမ်ဟောက်တို့။
20ယေရှုလော့ ကျမ်းစိုလိပ်လော့သဲ့ ဓမ္မာရုံတာဝန်ခံနာ ပိတ်လော့သဲ့ အငုံး။ဓမ္မာရုံငါမွက်ဟော့ ချောင်တကားလော့ဟောယေရှု ယနိသိုင်းနောက်။ အနီပုန်ပိကိုယ်တော်လော့ဘောင်းအဟောက်ဝိုင့်သိမ် ယနိဟင်တို့။ 21အနီပုန်ပိ ကိုယ်တော်လော့ ချောင်ငဲ့ငါ "နောင်နိရောက်လာ့ဝဟော့ ကျမ်းစိုဝါပိုဟော့စာပိုဒ်ကဟော့ တိုဝါအမှန်တကယ် အဖြစ်လူးဟီ" အမိန့်တော်မူတို့။ 22ချောင်အပေါင်းဝဲလော့ ကိုယ်တော် ငဟော့ ချီးမွမ်းအလော့တဲ့ ကိုယ်တော်ဟောက်ခူငဟော့ဆုလူးငဟော့ အပေါလ်ငဟော့ဟောက်ခူကြောင်းငို ယနိအံ့ဩတို့။ ယနိလော့ "ယငဟော့ယောသပ်စိုး ဆိတ်ကမိုး" သိမ်ယနိဟောက်အော်တို့။ 23ကိုယ်တော်ယေရှုလော့ "နောင်းနိဝါ ကေ့လော့ 'တလှိုင်ဆရာဝဟော့ ယလုန်တအကူးအူအကူးလအယ်' သိမ်ဟောက်ဟော့ ဆိုရိုးပေါလ်ဝဟော့ 'ကပေရနောင်မြို့ဝါ နောင်းလော့အစိုင်းဟော့ငဟော့ ကေ့လော့ကရောက်လငဟော့ အမှုအရာဝဲ့ငဟော့ နောင်းမြို့ဖြစ်ဟော့နီမြို့ဝါဟော စိုင်းဘွေ' သိမ် အမှန်တစ်ကယ်ယနိဟောက်ဝဲ" သိမ်အမိန့်တော်မူတို့။ 24ကိုယ်တော်လော့ဟော ဆက်လော့တဲ့ "နောင်နိဝါကေ့လော့အမှန်ကဟော့လအယ်နိုးပုဝါ မောင်းပရောဖက်ဟော ယအုံးနောက်ဒုန်းမြို့ဝိုဟော့လော့ လက်ခေါင်းနအွမ်။ 25ဆိတ်လော့ဟော အမှန်တရားဝဟော့ ကဟောက်လာ့ဝိုင့်နပါ ပရောဖက်ဧလိယခေတ်တာ ကွန်ထုံကျော်ဘောင်းရို့အိုးဝကြောင်းငို နိုင်ငံတဝှမ်းနာ ကီးကယ်အငတ်တဟော့ ယနိခွန်းအောင်လကြောင်းငို အစ္စရေးပြည်ဒိတ်ကာ မုဆိုးမ မနဲအမွက်ရွတ်။ 26ဆိတ်လော့ဟော ဘုရားရှင်လော့ ဧလိယအ အရာအစ္စရေးရာဟော့ မုဆိုးမဝဲ့ငါ အကူညီရိုင်း လှို့တအုံ ဟောနီအစား ဇိဒုန်မြို့စိမ်းငါဟော့ ဇရတ္တမြို့ဝါအမော့ငဟော့ ဂျုးချောင်မျိုးဆိတ်ဟော့ မုဆိုးမပေန်းနောတ် အကူညီရိုင်း တောက်အလှို့တို့။ 27ပရောဖက်ဧလိရှဲခေတ်တာ အစ္စရေးပြည်ရာ အနာကြီးရောဂါသည်မနဲအမွက်။ ဆိတ်လော့ဟော ဧလိရှဲလော့ယနိဒိက်ကာ နီးဝါဟောကူပိတ်ငှားတစ်အုံ ဆီးရီးယားပြည်ဝါမော့ငဟော့ဂျူးချောင်ဗုန်းဆိတ်ငှား ဟော့ချောင် နေမန် ပေန်းနောတ်လောက်နိုး အကုပိတ်တို့" သိမ်အဟောက်။ 28အနီပိစ ဓမ္မာရုံဒိက်ကာဟော့ ချောင်အွပ်လော့ ဟောနီဟောက်ခူရောက်ပြီး စလော့ ယနိရောက်ပိစ ကီးကျယ်အလုန်ယနိရှေး။ 29ယနိလော့ ယားအလော့သဲ့ ယဝါကိုယ်တော် နီမြို့ဝါဟော့ အရှုဝိုင့်ယဟော့ ယနိဟောက်။ ယနိလော့ ကိုယ်တော်ယေရှုဝါ မြို့ကြောင်ငါဟော့ကမ်းပိုင်းဟာန်ဝါဟော့ ယနိဘိုတ်ကိုင် ယနိစိအိ။ 30ဆိတ်လော့ဟော ကိုယ်တော်ယေရှုဝဟော့ ချောင်အွပ်တာဟော့ လျှောက်လူးလော့သဲ့ အလှို့ဝါအစိတို့။
ကိုယ်တော်ယေရှုပွယ်ငှားဟော့ခွက်ရိုင်းရဲ့ အလှာန်ငဟော့
(မာကု ၁.၂၁-၂၈)
31အနီပုန်ပိ ကိုယ်တော်လော့ ဂါလိလဲဒေသဝါမွက်ဟော့ ကပေရနောင်မြို့ဝါစိလော့သဲ့ ဥပုသ်နှုတ်သဲ့ဝါ ချောင်ငဲ့ငါ အစုပ်ဟောက်တို့။ 32ကိုယ်တော်ပေါလ်ဝဲ့ယဟော့ အခွင့်အာဏာဝို ယလော့အစုပ်ကဟော့ကြောင်းငို ချောင်ငဲ့လော့ ယငဟော့ အံ့ဩအလော့တဲ့ယနီချီးမွမ်းတို့။ 33ဓမ္မာရုံဒိက်ကာ ခွက်ရိုင်းပူးအူခွန်းအွမ်လာ့ဟော့ချောင်ပေန်းနောတ်လော့ ကိုယ့်တော်ဝါ 34"ဟေ့၊ နာဇရက်မြို့ဝါဟော့ ယေရှု၊ နောင်းလော့ ကနိဘောင်းခါနစိုင်းရိုင်းသိမ်ငိုး။ ကနိနဖျက်ဆီးရိုင်းအတောတ်နလူးမိုး၊ နောင်းငဟော့ နီသိမ်ကနိမှတ်၊ ဘုရားရှင်ငှာဟော့လူးဟော့မြင့်မြတ်ဟော့ ချောင်အဖြစ်" သိမ်အဟောက်။ 35အနီပိစလော့ ကိုယ်တော်ယေရှုလော့ ခွက်ရိုင်ယာ "အဒက်ဒက်စအောင်ဝါအွမ်းနဲ့၊ ယငှာဟော့ရှုဝဲ့" သိမ်အမိန့်ပိတ်တို့။ ဟောနီကွာ အနီခွက်ရိုင်းလော့ အနီချောင်ငဟော့ ချောင်ငဲ့အလိုင်ယာ ကျုပ်လော့တဲ့ နေအေးငှားတစ်အုံ နိအိရှောက်ငှားတအုံ ယငှာဟော့ အစိသို့။ 36ချောင်တကားလော့ အံ့ဩအလော့သဲ့ "နီဟောက်ခူငဟော့ ပိဘောင်းပေါလ်ဝိုး၊ ဟောနီချောင်ငဟော့ တန်ခိုးအာဏာဝို ခွက်ရိုင်းရဲ့ အဆုလူးဝဲ့အမိန့်ပိတ်ပြီးစလော့ ချက်ချင်းယနိရှုလူးလတို့ဆ" သိမ်အချင်းချင်းယနိဟောက်အောက်တို့။ 37အနီပုန်ပိ ကိုယ်တော် ယသတင်းဟော့ ဟောနိဒေသဝါမော့ငဟော့ နေရာတိုင်းဝါ အပျံနှံ့လှိုင်းတို့။
ကိုယ်တော်ယေရှုလော့ချောင်များ အကုပိတ်ငဟော့
(မဿဲ ၈.၁၄-၁၇။ မာကု ၁.၂၉-၃၄)
38အနီပုန်ပိ ကိုယ်တော်ယေရှုလော့ ဓမ္မာရုံငါဟော့ ရှိမုန်အင်းနာ အစိယဟော့ အချိန်ငါ ရှိမုန်အာပုတ်ကဟော့ ကီးကျယ်ကောကြောင်းငို အနီနေရာဝါဟော့ချောင်ငဲ့လော့ဟော ကိုယ်တော်ယေရှုဝါ အနီနှတိုးနူး အကူးဝိုင်းတောတ် ယနိတောင်းဆိုအိုတို့။ 39နိကြောင်းငို ကိုယ်တော်ဝဟော့ အနီနှတိုးစိန်းငါစိလော့အရားပြီးစလော့ အကောရောဂါဝဟော့ ချက်ချင်းပ အကျုပ်ဝဲတောက် အမိန့်ပိတ်ပြီးစလော့ အနီနှတိုးနူး အကောရောဂါကျုပ်လော့သဲ့ မအေးအုပ်ဗုန်းငို စလော့တဲ့ဧည့်ခံတို့။ 40ခုနီမူပိစ ချောင်ငဲ့လော့ ရောဂါအမျိုးမျိုးဖြစ်ဟော့ ကာန်းငှားဟော့ချောင်မနဲငဟော့ ကိုယ်တော်ငွါ ယနိလူးတို့။ ဟောနီပိစလော့ကိုယ်တော်ယေရှုလော့ အနီကာန်းငှားဟော့ ချောင်ပေန်းနောတ်ကိုယ်စီ အပွန်းနာ ကိုယ်တော်လော့အကွက်တောင်အောင်လော့ ကျုပ်အုံအကုပိတ်တို့။ 41ခွက်ရိုင်းရဲ့လော့ ကာန်းငှားဟော့ချောင်ငှာဟော့ "နောင်းငဟော့ ဘုရားရှင်စိုး" သိမ်ယနိပါန်းအာန်အလော့တဲ့ ရှုတိတို့။ ခွက်ရိုင်းဝဲ့လော့ ကိုယ်တော်ယေရှုဝဟော့မေရှိယ အဖြစ်သိမ် ယနိမှတ်ကြောင်းငို ကိုယ်တော်ယေရှုလော့ ယနိယာ တက်အက်ခွင့်ပိတ်တို့ဝ။
ဓမ္မာန်ရုံဝါ အစုပ်ဟောက်ငဟော့
(မာကု ၁.၃၅-၃၉)
42အရာနှုတ်တောတ်ခွနီအဝါန်းပိစလော့ ကိုယ်တော် ငဟော့ တောကန္တာ အစိတို့။ ချောင်ငဲ့လော့ ကိုယ်တော် ငဟော့ နေရာတိုင်းဝါရွီးအလော့သဲ့ ယနိခွန်းပိစ ယနိငွါဟော့ဆုဝဲသိသိမ် ကိုယ်တော်ဝါ ယနိတောင်းပန်အံတို့။ 43ဆိတ်လော့ဟော ကိုယ်တော်လော့ "အရာမြို့ဝါဟော့ ချောင်ငဲ့ဝါဟော ဘုရားရှင်သာသနာတော် မင်္ဂလာသတင်းကောင်းငဟော့#4.43 ဘုရားရှင်နိုင်ငံတော်ငဟော့ ဘုရားရှင်အုပ်ချုပ်မူငဟော့ အရည်ညွှန်း။ အုပ်ချုပ်ချင်းသိမ်အဟောက်ငဟော့ တိုင်းပြည်ငဟော့ ရည်ညွှတ်ခြင်းဆိတ်က။ ဟောနီအစား ကိုယ်တော်ယေရှု ယုံကြည်ချင်းဝါ ချောင်ငဲ့လော့ ချောင်ဝဲ့အလှုန်ဒိတ်ကာ ဘဝငဟော့ အုပ်ချုပ်ခြင်းငဟော့ အရည်ညွှန်းခြင်းအဖြစ်။ ဟော ပြောလငွယ်အဖြစ်။ ဘယ်သိမ်ကြောင်းငိုဝေါနိုးပုဝါ ဘုရားရှင်လော့ တစ်လောက်ကာ အဟောပြောဝဲ့သိမ် အလှို့နောအဖြစ်" သိမ် အဟောက်တို့။ 44အနီပုန်ပိ ကိုယ်တော်ယေရှုငဟော့ထုလော့တဲ့ ယုဒပြည်တစ်ဝမ်းလုံးဝါမော့ဟော့ ဓမ္မာရုံငဲ့ယာ ဆက်လော့သဲ့အစုပ်ဟောက်တို့။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.