လုကာ 6
6
အခန်း (၆)
ဥပုသ်နှုတ်အရှင် သခင်
(မဿဲ ၁၂.၁-၈။ မာကု ၂.၂၃-၂၈)
1ဥပုသ်နှုတ်တောတ်တာ ကိုယ်တော်ယေရှုလော့ယတပည့်တော်လော့ စောင်ဒွန်းနဲ့ ဖြတ်အလော့ယနိစိဟနို ယတပည့်တော်ဝဲ့လော့ စောင်ထိုတစက်အနိုက်စအောင် ကောအလော့ အပ်ဟုပ်ကဲ့ အကွက်တိုပွတ်အလော့ခုံးအလော့ အစီးယနိအေး။ 2နိပိစလော့ ဖာရိရှဲ ရဲ့လော့ "နောင်နိလော့ ဥပုသ်နှုတ်တာ ခွင့်အပြုငှားဝဟော့ဝဲ့ ပိုင်နော နောင်နိစိုင်းတဝိုး" သိမ်ဟောက်တို့။ 3ကိုယ်တော်လော့ "ဘုရင်ဒါဝိဒ် လော့ အနူးဝါဒေါင်းငဟော့လော့ ယနိဘို့အို့ပိစ ယလော့ပခါ အစိုင်းရွတ်သိမ် နောင်းနိ ဖွတ်ဖူးဝတွက်မိုး။#6.3 ဟောနီအချိန်ကာလဝါ ဘုရင်ဒါဝိဒ်ငဟော့ ရှောလုဘုရင်ငွါဝါဟော့ အစံလဟော့အချိန်အဖြစ်။ (ဓမ္မရာဇဝင်ပထမစာစောင် ၂၁း၁၆) 4ယငဟော့ ဘုရားအင်းဒိတ်ကာ#6.4 ဘယ်သိမ်ကြောင်ငို ဘုရားအင်းဒုတ်သိမ်ဟောက်ဝိုးနိုးပုဝါ ဟောနီအချိန်ဝါ ဗိမာန်တော်မော့ငှားနကြောင်းငို အဖြစ်။ ဝေါင်လော့သဲ့ ပုရောဟိတ်လော့နိုးအေးခွင့်အမော့ငဟော့ ဘုရားရှင်ဝါအကပ်ငဟော့ပေါင်မုန့်#6.4 ဥပုသ်နှုတ်တိုင်း ပေါင်မုန့်ငဟော့ လှူလော့တဲ့ ပေါင်မုန့်အဟောင်းငဟော့ ချောက်လော့တဲ့ ထိုအချောက်ငဟော့ မုန့်ငဟော့ ပုရောဟိတ်ဝဲ့လော့နိုးအေးခွင့်အမော့။ (ဝတ်ပြုရာကျမ်း ၂၄း၅-၉) ငဟော့ အေးလော့တဲ့ ပနူဝိုဒေါင်းငဟော့ချောင်ငဲ့ဝါဟော် အပိတ်တို့" သိမ်ပြန်လော့တဲ့အဟောက်ဘော်တို့။ 5"ချောင်စိုးနော်#6.5 ဓမ္မဟောင်းကျမ်းဝါ ထောက်လော့ခေါက်လော့ အပြဟော့ငဟော့ ခရစ်တော်ငဟော့ ယလုံသယ တင်စားလော့တြ့ အဘိတ်အိပ်နိုးအဖြစ်။ (ဒံရေလ ၇း၁၃၊ဆာလံကျမ်း၈း၄) ဖြစ်ငဟော့ကေ့ငဟော့ ဥပုသ်ငဟော့ အရှင်သခင်အဖြစ်" သိမ်အမိန်တော်မူတို့။
ကိုယ်တော်လော့ ဥပုသ်နှုတ်တာ အကွက်ဖာက်ကော့ဒူးဟော့ချောင်ပေန်းနောတ် အကုပိတ်ငဟော့
(မဿဲ ၁၂.၉-၁၄။ မာကု ၃.၁-၆)
6အရာဥပုသ်နှုတ်တောတ်တာ ကိုယ်တော်ဟော့ ဓမ္မာရုံဒိတ်က အစုပ်ဟောက်တွန်နာ လောက်ပွန်ပါတ်ကွက်ဒူဟော့ ပတိုးပေန်းနောတ်အမွက်။ 7ဖာရိရှဲလော့ ကျမ်းဟယ်ဟော့ဆရာဝဲ့လော့ ကိုယ်တော်ယေရှုဝါ စွပ်စွဲနောက်ဒွန်းအကြောင်းပြချက် ယနိရွီးခုဝိုင့်တောတ် ဥပုသ်နှုတ်တာ လေပြတ်ဟော့ချောင်အကုပိတ်ဝဲငဟော့ အနီးကပ်ယနိစုန်းတို့။ 8ဆိတ်လော့ဟော ယနိလော့ ပကာခင်းအလော့တဲ့ယနိကျန်စီသိမ် ပေါ့ရာမှတ်ကြောင်းငို ကိုတော်လော့ ထိုလောက်ပွန်ပါတ်ဒူဟော့ချောင်ဝါ "ထော့သီလော့တဲ့ ချောင်ငဲ့ရှေ့ဝါ ယားဝဲ့" သိမ်အမိန့် ပိတ်ပြီးစလော့ ထိုချောင်ငဟော့ ယားတို့။ 9အနီပုန်ပိစ ကိုယ်တော်ယေရှုလော့ "ကေ့နောင်နိယာကစက်သိုင် ဥပုသ်နှုတ်တာ ပွယ်ဟော့မစိုင်းလော့ ဆိတ်ငှားဝါ ပွယ်ငှားဟော့ မစိုင်းလာ့ငဟော့ ဆိတ်ငှားတစ်အုံ ပေါတ်နောတ်နိုလော့ အရှောက်ငဟော့ ကယ်တင်လော့၊ မဒုတ်ဝဲဟော့ မောင်းငဟော့ ပညတ်တော်ဝိုအညီဝိုး" သိမ်အစက်ပီးစလော့ 10ကိုယ်တော်လော့ ချောင်ငဲ့ငဟော့ လည်လော့တိုင်လော့တဲ့"နောင်းကွက် လျှံးအာန်နဲ့"သိမ်အဟောက်ပိစ အနီချောင်လော့ဟော အကွတ်လျှံးအာန်ပိစ ယအကွက်တဟော့ ပကတိလှောက်ကာပြန်လော့ အဘွယ်ဘော်တို့။ 11နိပိစလော့ ဖရိရှဲများလော့ ကျမ်းတတ်ဆရာများငဟော့ အလှုန့်လှုပ်အူလော့တဲ့ ကိုယ်တော် ငဟော့ ပခါစိုင်းရဲသိမ် ယနိအချင်းချင်း ယနိတိုင်ပိုင်အံတို့။
ကိုယ်တော်ယေရှုသာဝကပေန်းပေါင်းဟာလက်ရောတ်ငဟော့ အခန့်ငဟော့
(မဿဲ ၁၀.၁-၄။ မာကု ၃.၁၃-၁၉)
12နှုတ်တောတ်တာ ကိုယ်တော်ယေရှုဝဟော့ အဆုတောင်းဝဲတောက် တုံပေါ်ဝါကော်လော့တဲ့ အနီညမ်းနောရှက် ဘုရားရှင် ခို့လော့တဲ့အမော့တို့။ 13ခုနီအဝါန်းပိစ ယတပည့်တော်ဝဲ့ ယငွါဘိတ်အိပ်လော့တဲ့ အနီဒိတ်ကာဟော့ အောက်ကပိုဟော့ဟာလက်ဟိဟဲ့လော့တဲ့ သာဝက#6.13 တပည့်တော် သိမ်အဟောက်ဝဟော့ သေချာဟဲ့ရွတ်ဟော့ ကိုယ်တော်ယေရှုဝို စောင့်ဟိုက်ဟော့ တပည့်တော်ဟာလက်ဟိငဟော့ သံဝေက သိမ် အဘိတ်အစ်တို့။
14ဟောနီသာဝကဝဲ့ဝါ ပေတရု သိမ်ကိုယ်တောလော့အမိန်ပိတ်ဟော့ရှိမုန်။ ကျန်ဟော့ချောင်ငဲ့ယဟော့ ပေတရု နောင်အောင် အန္ဒြေ၊
ယာကုပ်၊
ယောဟန်၊
ဖိလိပ္ပု၊
ဗာသောလမဲ၊
15မဿဲ၊
သောမ၊
အာလဖဲ စိုး ယာကုပ်၊
ချောင်ဗုန်းနိုးအိုနောက်ဟော့ ရှိမုန်၊
16ယာကုပ် စိုး ယုဒ လော့၊
ဆိမ်းငါကိုယ်တော်ဝါသစ္စာဖောက်အောက်ကိုင်းဟော့ ချောင် ယုဒရှကာရုတ် ကဲ့အဖြစ်။
ကိုယ်တော်ယေရှုလော့ ချောင်ငဲ့ဝါအစုပ်ဟောက်လော့ အကုဝဟော့ဝဲ့
(မဿဲ ၄.၂၃-၂၅)
17နီပေါင်ပိ ကိုယ်တော်လော့ ယသာဝကဝိုအတွက်တူဝါ အနီတုံပုဝါဟော့ ကွမ်းလူးအလော့တဲ့ ဒိက်ညီယာ ယားတို့။ အနီနေရာဝါ အခြားတပည့်တော်မနည်းဝိုအတွက်တူဝါ ယုဒပြည်လော့ ဂျေရုဆလင်မြို့ဝါဟော့လူးဟော့ချောင်လော့ တုရုမြို့လော့ ဇိဒုန်မြို့ပတ်ပတ်လည်ရာဟော့လူးချောင်ငဲ့ဟော့ ယနိဖိုးလူးတို့။ 18ယနိလော့ ကိုယ်တော်ယေရှုလော့အဟောက်ဝဟော့ဝဲ့ အနာအာဝိုင်းလော့ အများပြားဟော့ ရောဂါသည်ဝဲ့ အကုသပိတ်ကဟော့ အလိုကြောင်းငိုအဖြစ်။ ပွယ်ငှားဟော့ခွက်ရိုင်းပူးအူလော့ အွမ်းလာ့ဟော့ချောင်အဘွယ်လှောက်ကာ ယနိဖြစ်လူး။ 19ကိုယ်တော်ငွါ အနာရောဂါအကျုပ်ငဟော့ တန်ခိုးဝဲ့အမော့ကြောင်းငို ချောင်အပေါင်းဝဲ့ငဟော့ဟော ကိုယ်ငဟော့ ယနိထိဝဲတောက် ယနိကြိုးစားတို့။
ဆင်းရဲသားဝဲ့ဝါ မျက်နှာသာ အပိတ်ငဟော့
(မဿဲ ၅.၁-၁၂)
20နိပေါင်စိလော့ ကိုယ်တော်ယေရှုလော့ တပည့်တော်ဝဲ့ပေါတ်ဝိုလည့်လော့တဲ့
"ဆင်းရဲဟော့နောင်နိအတောတ်အဖြစ်ကြောင်းငို အမှော့စံအပိတ်ငဟော့အခေါင်းအောင်လတို့။ ဘယ်သိမ်ကောင်းငိုဝေါနိုးပုဝါ ဘုရားရှင် လော့သာသနာတော်ငဟော့ ယနိတောက်အဖြစ်။
21တိုဝါချိန်ငါ ဘို့အိုလော့ငတ်ဟော့ နောင်းနိငဟော့ အမှော့စံအပိတ်ငဟော့ခေါင်းလအယ်။ ဘယ်သိမ်ကြောင်းငိုဝေါနိုးပုဝါ ဘုရားရှင်လော့ ယနိဝါ အအေးအုပ်ဗုန်းဝိုအပြည့်စုံစေဝဲ အဖြစ်။
သူဝါကာလဟော့ချောင်ငဟော့ ဘုရားရှင်လော့ အမှော့စံအပိတ်ငဟော့အခေါင်းလအယ်။ ဘယ်သိမ်ကြောင်းငိုဝေါနိုးပုဝါ ဘုရားရှင်လော့ နောင်းနိငရာ အနှူ့လအယ်အဖြစ်။
22ချောင်စိုးနော် ယုံကြည်ကြောင်းငို နောင်းနိငဟော့ချောင်ငဲ့လော့ဟော့ အမွန်းအွန်ကနို၊ နောင်ငဟော့နောင်းနိဝါပစ်ပယ်လော့တဲ့ စော်ကားအလော့တဲ့ယနိဟောက်နို၊ နောင်နိဝါ ပေါ့ငှားဟော့ ခွင့်ရဲသိမ်ယနိဟောက်လကနို ဘုရားရှင်ငွါဟော့ အမှော့စံအပိတ်ငဟော့ခေါင်းအောင်လအယ်။
23လကိုးဝါ အနီချောင်ငဲ့ဟန်ပိုးဝဲ့ဟော ပရောဖက်သဲ့ဝါ နီလှောက်ကာ ယနိစိုင်းဟော့ကြောင်းငိုအဖြစ်အနီကြောင်းငို နီလှောက်ကာအဖြစ်လူးကနို ပျော်သိလော့တဲ့ လွန်အွမ်ဘွေ့တို့။ ပိုင်ကြောင်းငိုဝေါနပါ ရွှေမြို့တော်ဝါမွက်ဟော့ နောင်နိဆုဝဟော့ အလင်းအဖြစ်သိမ်" အမိန့်တော်မူတို့။
ဒုက္ခခေါင်းလအယ်ဟော့ ချောင်ငဲ့
24ဆိတ်လော့ဟော ကိုယ်တော်လော့ "ဆိတ်လော့ဟော့ ချမ်းသာဟော့ချောင်ငဲ့၊ နောင်နိငဟော့ ပြည့်စုံကြွငဟော့ဘဝငဟော့ အအုံးကြောင်းငို နောင်နိငဟော့ ဒုက္ခအခေါင်းလအယ်။
25တိုဝါချိန်ငါ မှို့အုံအေအုတ်လာ့ ချောင်ငဲ့လော့ယနိ ငဟော့ ဒုက္ခအခေါင်းအောင်လအယ်။ ဘယ်သိမ်ငိုဝေါနိုးပုဝါ နောင်ငိငဟော့ ဘိုအိုလော့တဲ့ အငပ်ဝဲဟီကြောင်းငိုဖြစ်။ တူဝါ နှူ့လဟော့ချောင်ငဲ့နောင်နိ နောင်းနိငဟော့ ဒုက္ခအခေါင်းအောင်လအီ။ ဘယ်သိမ်ကြောင်းငိုဝေါနိုးပုဝါ နောင်နိအကာ့လယ်အီကြောင်းငိုအဖြစ်။
26ချောင်အပေါင်းငဲ့လော့ နောင်နိပွယ်ဟော့အကြောင်း ယနိဟောက်ကနို နောင်နိဒုက္ခနောင်နိခွန်းလူးလာ့ဝိုင့်ဟီ။ ပိုင်ကြောင်းငိုဝေါနိုပ အနီချောင်ငဲ့ ဟန်ပိုးဝဲ့လော့ဟော အယောင်ဆောင်ပရောဖက်ဝဲ့ရာတစ်လောက်ကာ အချီးမွမ်းကြောင်ငိုအဖြစ်" သ်အမိန့်တော်မှုတို့။
ရန်သူဝါမေတ္တာအတောက်ငဟော့
(မဿဲ ၅.၃၈-၄၈၊ ၇.၁၂)
27ကိုယ်တော်ယေရှုလော့ ဆက်လက်လော့တဲ့ "တူဝါ ဟင်ဟော့ချောင်ငဲ့ဝါ ကေ့ကဟောက်ဝဲ။ နောင်နိရန်တူငဟော့ မေတ္တာတောက်ဘွေတွက်။ နောင်းနိအမှန်းငဟော့ချောင်ငဲ့ဝါဟော့ အဘွေငဟော့စိုင်းပိတ််ဘွေတွက်။ 28နောင်ဟော့အဆော့ဟော့ချောင်ငါဟော ဘုရားရှင်လော့ ပွယ်ဟော့ဟင်ရှေလော့သဲ့မျက်နှာသာ အပိတ်ကိုင်းဆုတောင်းပိတ်ဘွေ့။ နောင်ငါ နှိုက်ရက်စက်ဟော့ချောင်ငဲ့ယာဟော ဆုတောင်းပိတ်ဘွေ့။ 29ပေန်းနောတ်လော့ နောင်းမျှန်းစာန်ဖာက်(ခ်)ကော့ အဘေ့ကနို အရာဖာက်(ခ်)ကော့ဟော့ ဘေ့ရှောက်ဘွေ့။ ပေန်းနောတ်လော့ နောင်အပေါ်ဝါဟော့အောင်းကျီအတုန်းအုံကနို နောင် အကောဝါဟော့အောင်ကျီဟော့ပိတ်ဘွေ့။ 30နောင်းငှာအတုန်းအုံလူးဝဟော့ အားလုံးပိတ်မာက်ဘွေ့။ ပေါတ်နောတ်လော့နောင်းပစ္စည်းဥစ္စာဝဲ့လောင်းအောင်ဟော့ ချောင်ငဲ့ငှာဟော့ဟော ပြန်လော့တုံအုံဘော်ဝိုင်းသိ။ 31နောင်အပေါ်ဝါ ယပွှေးလော့ အဆက်ဆံအံရှောက်ငှူးလှောက်ကာ ယပွှေးယာဟော့နောင်းလော့ဆက်ဆံအံပိတ်ဘွေ့။ 32မနိယာမေတ္တာသောက်ဟော့ချောင်ဝါငါနိုး နောင်လော့ မေတ္တာအသောက်ကနို ဘုရားရှင်လော့နောင်နိငဟော့ အချီးမွမ်းဝဲမိုး။ ဘယ်သိမ်ကြောင်းငိုဝေါနိုးပုဝါ အပြစ်ဒုစရိုက်သမားများလော့ပ ယနိနိုးဟော့ချောင်နိုး အနိုးပေါ်ခု။ 33နောင်အပေါ်ဝါ ပွယ်ဟော့ချောင်ငါနိုး နောင်နိလော့ ပွယ်ပေါ်ကနို ဘုရားရှင်လော့နောင်းနိဝါ အချီမွမ်းဝဲမိုး။ ဒုစရိုက်သမားဝဲ့လော့ဟော့ အနီလှောက်ကာယနိစိုင်းခု။ 34နောင်နိပြန်လော့ ပြန်လော့အလပေါ် မျှော်လင့်ဝဲ့သိမ် ခင်းဟော့ချောင်ငါနိုး အပူးကနို ဘုရားရှင်လော့ နောင်းနိငဟော့ အချီးမွမ်းဝဲ့မိုး။ ဒုစရိုက်သမားဝဲ့ပ ယနိပူးငဟော့တိုုင်းပြန်လော့ ပြန်လော့အလပေါ်ဝဲတောက်နိုး ယနိအချင်းချင်း ယနိပူးဟယ်။ 35နီကြောင်းငို နောင်းနိငဟော့ ရန်သူဝဲ့ဝါ မေတ္တာတောက်လော့တဲ့ ယနိအတောက် အပေါ်ငဟော့စိုင်းဘွေ။ ပြန်လော့လအာဝဲ့သိမ် ခင်းငှားတစ်အုံ ပူးဘွေ။ တစ်လောက်ကာနိုးပုဝါ နောင်နိလော့အလအာဝဲငဟော့ ဆုလာဘ်ငဟော့ အလင်းဝဲဖြစ်လော့တဲ့ အမြင့်ဆုံးဖြစ်ဟော့ ဘုရားရှင်စိုးအနော်ဝဲ့အဖြစ်လူးဝဲ။ ဘယ်သိမ်ကြောင်းငိုဝေါနိုးပုဝါ ကျေးဇူးမှတ်ငှားဟော့ချောင်လော့ ပေါတ်ငှားဟော့ချောင်ငဲ့ဝါပ မတ္တာအတောက်ကြောင်းငိုအဖြစ်။ 36နောင်းအပေါ်ဝါ နောင်းပအောင်ဘုရားရှင်လော့ မေတ္တာအတောက်လှောက်ကာ ယပွှေးအပေါ် ဝါဟော မေတ္တာတောက်ဘွေတွက်" ဟုအမိန့်တော်တို့။
ယပွေးငဟော့ စီရင်ဝဲတွက်
(မဿဲ ၇.၁-၅)
37ခုတ်ဝေါတ် ကိုယ်တော်လော့ "အခြား ချောင်ပေါတ်နောတ်ငဟော့ စီရင်ဝဲတွက်၊ တစ်လောက်ကာနိုးပုဝါနိုး စီရင်ခြင်းငဟော့ အခေါင်းလအယ်ဆိတ်လ။ အရာပေန်းနောတ် အပြစ်တောင်ဝဲသိ၊ တစ်လောက်ကာနိုး ဘုရားရှင်လော့နောအပေါ်ဝါ အပြစ်တောင်ငဟော့ခေါင်းလ လသိ။ အရာချောင်ငဲ့ ငဟော့ခွင့်လှို့ဘွေတွက်၊ တစ်လောက်ကာနိုပုဝါနိုး ဘုရားရှင်လော့ဟော့ နောင်းနိအပေါ်ဝါ ခွင့်လှို့ငဟော့ အခေါင်းအောင်လအယ်။ 38တစ်ခြားချောင်ငဲ့ဝါ ပိတ်ဘွေတွက်။ တစ်လောက်ကာနိုးပုဝါ နောင်နိဝါဟောအပိတ်ဝဲ့။ နောင်နိလော့အပိတ်လော့ကာ ဘူးနောက်လော့တဲ့၊ လှုန့်လော့တဲ့၊ ဗိုန်းအုံ နောင်နိအိတ်ဒိတ်ကာ အထည့်ပိတ်ဝဲ။ နောင်နိလော့အပိတ်ငဟော့ရှို့လောက်ကာ နောင်နီဝါဟော ဘုရားရှင်လော့ ပြန်လော့တဲ့အပိတ်ငဟော့ အခေါင်းလအယ်" သိမ်အမိန့်တော်မူတို့။ 39အနိပုန်ပိစလော့ ကိုယ်တော်လော့ ယနိယာပုံဥပမာ အုဝတ်တို အမိန့်တော်မှုလော့တဲ့ "အမိတ်ဘေ့ဟော့ချောင်ပေန်းနောတ်လော့ အရာပေန်းနောတ်အမိတ်ဘေ့ဟောချောင်ဝို ပခါလောင်းအပြခုဝဲရိုး။ အဲ့နီပေန်းဟိတဒေါန် အာန်ဟာန်ဝါ အကျောက်ကဲ ဆိတ်ကမို့။ 40ဆရာထောက်ကာပိုလော့တဲ့ အမှတ်ဟော့ တပည့်တော်သိမ်မော့ရ။ ဆိတ်လော့ဟော တပည့်ဝါ ပေါဝါမှတ်အုံ အစုပ်နိုးပုဝါ ယဆရာလောက်ကာအဖြစ်ခုဝါ။ 41နောင်လော့ နောင်းစိန်းငါဟော့ နောင်နိအမို့ဆို့ဝါငဟော့ မိတ်ကာဟော့ ဒိန်မှုန့်အရောင်းစအောင်ပ မှု့တည်လော့တဲ့ နောင်းမိတ်ဒိတ်ကာဟော့ ထိမ်းပေါင်းငဟော့ သတိတောက်မှိဝအွမ်း။ 42နောင်နိလော့ နောင်းမိတ်ဒိတ်ကာဟော့ ထိန်းဘောင်း သိမွက်ဟော့ ဘုတ်ဘိုင်းမှူးတအုံ၊ နောင်း မိတ်ဆွေဝါ 'မိတ်ဆွေယော နောင်းမိတ်ဒိတ်ကာဟော့ ဒိတ်မှုန့်ငဟော့ ကွမ်လော့ပိတ်ကိုင်း' သိမ် ပခါအဟောက်ခုဝိုင့်ရိုး။ သူတော်ကောင်းယောင်ဆောင်ငဟော့ နောင်းနိ နောင်နိမိတ်ဒိတ်ကာဟော့ ထိန်းပေါင်းငဟော့ အရမ်လော့တစ်လောက်ကာနိုပုဝါနို နောင်းမိတ်ဆွေ အမိတ်ဒိတ်ကာဟော့ ဒိတ်မှုန့်ငဟော့ အလေလာ့ပိတ်ဝဲ့ငဟော့ ရှင်းရှင်းလင်းလင်း အမှု့လအယ်။
အထိန်းလော့အထိုက်
(မဿဲ ၇.၁၆-၂၀၊ ၁၂.၃၃-၃၅)
43ခုတ်ဝေါတ်ကိုယ်တော်လော့ "အပေါတ်ငဟော့ ထိန်းလော့ အပေါတ်ငှားငဟော့ အထိုက်ငဟော့ ထိုက်ယလောက်ကာ အပေါတ်ငှားငဟော့ ထိမ်းလော့ဟော အထိုက်ပေါတ်ငဟော့ထိုက်ခုဝဲဆိတ်လ။ 44အထိုက်ငဟေ့တိုင်အလော့တဲ့ အရုံးငဟော့ အမှတ်ခု။ ဘယ်သိမ်ကြောင်းငိုဝေါနိုးပုဝါ အလှိုမ်ဒိတ်ကာဟော့ ဘယ်ဘီထိုက်ငဟော့ ချီခုဝအွက်လော့ကာ ဘယ်ဗိန်းစိတ်ကာဟော့ စပျစ်ထိုက်ငဟော့ဟော့ ချီခုဝအွမ်။ 45တစ်လောက်ကာနိုး ချောင်ပွယ်ဝလော့ ယစိတ်နှလုံးငါဟော့ ပွယ်ဟော့ဝဲ့နိုး အမော့ကြောင်းငို အပွယ်ငဟော့နိုး ယနိစိုင်းဟယ်။ ပွယ်ငှားငဟော့ချောင်ငဲ့လော့ ယစိတ်နှလုံးသားဝါဟော့ ပွယ်ငှားဟော့နိုး အမော့ကြောင်းငို အပွယ်ငှားငဟော့ ယနိစိုင်းဟယ်။ နီကြောင်းငို ချောင်ငဲ့လော့ အဟောက်ငဟော့အရာငဟော့ ယနိစိတ်ဒိတ်ကာအမော့ငဟော့ အရာဝဲ့ငဟော့ အပြတို့" သိမ်အမိန့်တော်မူတို့။
အင်းရှောက်ဟော့ချောင်ပေန်းဟိ
(မဿဲ ၇.၂၄-၂၇)
46ကိုယ်တော်လော့ ဆက်လော့တဲ့ "နောင်နိလော့ ကေ့ဟောက်ခူဝဟော ယောက်အောက်ငှားတစ်အုံ ပိုင်သိမ်ကြောင်းငို ကေ့ယာ 'အရှင်'၊ 'အရှင်' သိမ် နောင်နိဘိက်အိပ်တို့ဝိုး။ 47ကေ့ငှာလူးလော့ ကေ့ကစုပ်ဟောက်ဝဟော့ ဟင်ဆန်လော့သဲ့ လိုက်နာဟော့ချောင်အားလုံး ဘောင်းငိုအတူဝိုးသိမ် ကေ့ကဟောက်ဝိုင့်။ 48အနီချောင်ငဟော့ ဒိက်ကဟော့ထုတ်အုံ စူးလော့တဲ့ ဆိုင်းလုံး လုံးတောက်ကဲ့ဝို အုတ်မြစ်ချောက်လော့အင်းဆောက်ဟော့ချောင်ငိုအတူ။ တွီးလင်းလူးကနို ဟောနိအင်းဟော့ နှောင်းလင်းလော့ဟုန်လော့ဟော ဟောနီအင်းငဟော့ အပေါဝါအဆောက်ကြောင်း ပျိုခုတို့ဝ။ 49ဆိတ်လော့ဟော ကေ့တရားတော်ဝဲ့နာအာလော့ လိုက်နာငှားဟော့ချောင်ငဟော့ အုပ်မြစ်ချောက်တအုံ ဒိက်ကာ အင်းရှောက်ဟော့ချောင်ငိုအတူ။ တွီးအလင်းလော့တဲ့ နှောင်းလော့အဟုန်ကနို အနီအင်းနဟော့ ချက်ချင်း ပပြိုလော့တဲ့ လုံးဝအပျက်စီးမတ်ဝဲ" သိမ်အမိန့်တော်အမှုတို့။
Currently Selected:
လုကာ 6: CEY
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 6
6
အခန်း (၆)
ဥပုသ်နှုတ်အရှင် သခင်
(မဿဲ ၁၂.၁-၈။ မာကု ၂.၂၃-၂၈)
1ဥပုသ်နှုတ်တောတ်တာ ကိုယ်တော်ယေရှုလော့ယတပည့်တော်လော့ စောင်ဒွန်းနဲ့ ဖြတ်အလော့ယနိစိဟနို ယတပည့်တော်ဝဲ့လော့ စောင်ထိုတစက်အနိုက်စအောင် ကောအလော့ အပ်ဟုပ်ကဲ့ အကွက်တိုပွတ်အလော့ခုံးအလော့ အစီးယနိအေး။ 2နိပိစလော့ ဖာရိရှဲ ရဲ့လော့ "နောင်နိလော့ ဥပုသ်နှုတ်တာ ခွင့်အပြုငှားဝဟော့ဝဲ့ ပိုင်နော နောင်နိစိုင်းတဝိုး" သိမ်ဟောက်တို့။ 3ကိုယ်တော်လော့ "ဘုရင်ဒါဝိဒ် လော့ အနူးဝါဒေါင်းငဟော့လော့ ယနိဘို့အို့ပိစ ယလော့ပခါ အစိုင်းရွတ်သိမ် နောင်းနိ ဖွတ်ဖူးဝတွက်မိုး။#6.3 ဟောနီအချိန်ကာလဝါ ဘုရင်ဒါဝိဒ်ငဟော့ ရှောလုဘုရင်ငွါဝါဟော့ အစံလဟော့အချိန်အဖြစ်။ (ဓမ္မရာဇဝင်ပထမစာစောင် ၂၁း၁၆) 4ယငဟော့ ဘုရားအင်းဒိတ်ကာ#6.4 ဘယ်သိမ်ကြောင်ငို ဘုရားအင်းဒုတ်သိမ်ဟောက်ဝိုးနိုးပုဝါ ဟောနီအချိန်ဝါ ဗိမာန်တော်မော့ငှားနကြောင်းငို အဖြစ်။ ဝေါင်လော့သဲ့ ပုရောဟိတ်လော့နိုးအေးခွင့်အမော့ငဟော့ ဘုရားရှင်ဝါအကပ်ငဟော့ပေါင်မုန့်#6.4 ဥပုသ်နှုတ်တိုင်း ပေါင်မုန့်ငဟော့ လှူလော့တဲ့ ပေါင်မုန့်အဟောင်းငဟော့ ချောက်လော့တဲ့ ထိုအချောက်ငဟော့ မုန့်ငဟော့ ပုရောဟိတ်ဝဲ့လော့နိုးအေးခွင့်အမော့။ (ဝတ်ပြုရာကျမ်း ၂၄း၅-၉) ငဟော့ အေးလော့တဲ့ ပနူဝိုဒေါင်းငဟော့ချောင်ငဲ့ဝါဟော် အပိတ်တို့" သိမ်ပြန်လော့တဲ့အဟောက်ဘော်တို့။ 5"ချောင်စိုးနော်#6.5 ဓမ္မဟောင်းကျမ်းဝါ ထောက်လော့ခေါက်လော့ အပြဟော့ငဟော့ ခရစ်တော်ငဟော့ ယလုံသယ တင်စားလော့တြ့ အဘိတ်အိပ်နိုးအဖြစ်။ (ဒံရေလ ၇း၁၃၊ဆာလံကျမ်း၈း၄) ဖြစ်ငဟော့ကေ့ငဟော့ ဥပုသ်ငဟော့ အရှင်သခင်အဖြစ်" သိမ်အမိန်တော်မူတို့။
ကိုယ်တော်လော့ ဥပုသ်နှုတ်တာ အကွက်ဖာက်ကော့ဒူးဟော့ချောင်ပေန်းနောတ် အကုပိတ်ငဟော့
(မဿဲ ၁၂.၉-၁၄။ မာကု ၃.၁-၆)
6အရာဥပုသ်နှုတ်တောတ်တာ ကိုယ်တော်ဟော့ ဓမ္မာရုံဒိတ်က အစုပ်ဟောက်တွန်နာ လောက်ပွန်ပါတ်ကွက်ဒူဟော့ ပတိုးပေန်းနောတ်အမွက်။ 7ဖာရိရှဲလော့ ကျမ်းဟယ်ဟော့ဆရာဝဲ့လော့ ကိုယ်တော်ယေရှုဝါ စွပ်စွဲနောက်ဒွန်းအကြောင်းပြချက် ယနိရွီးခုဝိုင့်တောတ် ဥပုသ်နှုတ်တာ လေပြတ်ဟော့ချောင်အကုပိတ်ဝဲငဟော့ အနီးကပ်ယနိစုန်းတို့။ 8ဆိတ်လော့ဟော ယနိလော့ ပကာခင်းအလော့တဲ့ယနိကျန်စီသိမ် ပေါ့ရာမှတ်ကြောင်းငို ကိုတော်လော့ ထိုလောက်ပွန်ပါတ်ဒူဟော့ချောင်ဝါ "ထော့သီလော့တဲ့ ချောင်ငဲ့ရှေ့ဝါ ယားဝဲ့" သိမ်အမိန့် ပိတ်ပြီးစလော့ ထိုချောင်ငဟော့ ယားတို့။ 9အနီပုန်ပိစ ကိုယ်တော်ယေရှုလော့ "ကေ့နောင်နိယာကစက်သိုင် ဥပုသ်နှုတ်တာ ပွယ်ဟော့မစိုင်းလော့ ဆိတ်ငှားဝါ ပွယ်ငှားဟော့ မစိုင်းလာ့ငဟော့ ဆိတ်ငှားတစ်အုံ ပေါတ်နောတ်နိုလော့ အရှောက်ငဟော့ ကယ်တင်လော့၊ မဒုတ်ဝဲဟော့ မောင်းငဟော့ ပညတ်တော်ဝိုအညီဝိုး" သိမ်အစက်ပီးစလော့ 10ကိုယ်တော်လော့ ချောင်ငဲ့ငဟော့ လည်လော့တိုင်လော့တဲ့"နောင်းကွက် လျှံးအာန်နဲ့"သိမ်အဟောက်ပိစ အနီချောင်လော့ဟော အကွတ်လျှံးအာန်ပိစ ယအကွက်တဟော့ ပကတိလှောက်ကာပြန်လော့ အဘွယ်ဘော်တို့။ 11နိပိစလော့ ဖရိရှဲများလော့ ကျမ်းတတ်ဆရာများငဟော့ အလှုန့်လှုပ်အူလော့တဲ့ ကိုယ်တော် ငဟော့ ပခါစိုင်းရဲသိမ် ယနိအချင်းချင်း ယနိတိုင်ပိုင်အံတို့။
ကိုယ်တော်ယေရှုသာဝကပေန်းပေါင်းဟာလက်ရောတ်ငဟော့ အခန့်ငဟော့
(မဿဲ ၁၀.၁-၄။ မာကု ၃.၁၃-၁၉)
12နှုတ်တောတ်တာ ကိုယ်တော်ယေရှုဝဟော့ အဆုတောင်းဝဲတောက် တုံပေါ်ဝါကော်လော့တဲ့ အနီညမ်းနောရှက် ဘုရားရှင် ခို့လော့တဲ့အမော့တို့။ 13ခုနီအဝါန်းပိစ ယတပည့်တော်ဝဲ့ ယငွါဘိတ်အိပ်လော့တဲ့ အနီဒိတ်ကာဟော့ အောက်ကပိုဟော့ဟာလက်ဟိဟဲ့လော့တဲ့ သာဝက#6.13 တပည့်တော် သိမ်အဟောက်ဝဟော့ သေချာဟဲ့ရွတ်ဟော့ ကိုယ်တော်ယေရှုဝို စောင့်ဟိုက်ဟော့ တပည့်တော်ဟာလက်ဟိငဟော့ သံဝေက သိမ် အဘိတ်အစ်တို့။
14ဟောနီသာဝကဝဲ့ဝါ ပေတရု သိမ်ကိုယ်တောလော့အမိန်ပိတ်ဟော့ရှိမုန်။ ကျန်ဟော့ချောင်ငဲ့ယဟော့ ပေတရု နောင်အောင် အန္ဒြေ၊
ယာကုပ်၊
ယောဟန်၊
ဖိလိပ္ပု၊
ဗာသောလမဲ၊
15မဿဲ၊
သောမ၊
အာလဖဲ စိုး ယာကုပ်၊
ချောင်ဗုန်းနိုးအိုနောက်ဟော့ ရှိမုန်၊
16ယာကုပ် စိုး ယုဒ လော့၊
ဆိမ်းငါကိုယ်တော်ဝါသစ္စာဖောက်အောက်ကိုင်းဟော့ ချောင် ယုဒရှကာရုတ် ကဲ့အဖြစ်။
ကိုယ်တော်ယေရှုလော့ ချောင်ငဲ့ဝါအစုပ်ဟောက်လော့ အကုဝဟော့ဝဲ့
(မဿဲ ၄.၂၃-၂၅)
17နီပေါင်ပိ ကိုယ်တော်လော့ ယသာဝကဝိုအတွက်တူဝါ အနီတုံပုဝါဟော့ ကွမ်းလူးအလော့တဲ့ ဒိက်ညီယာ ယားတို့။ အနီနေရာဝါ အခြားတပည့်တော်မနည်းဝိုအတွက်တူဝါ ယုဒပြည်လော့ ဂျေရုဆလင်မြို့ဝါဟော့လူးဟော့ချောင်လော့ တုရုမြို့လော့ ဇိဒုန်မြို့ပတ်ပတ်လည်ရာဟော့လူးချောင်ငဲ့ဟော့ ယနိဖိုးလူးတို့။ 18ယနိလော့ ကိုယ်တော်ယေရှုလော့အဟောက်ဝဟော့ဝဲ့ အနာအာဝိုင်းလော့ အများပြားဟော့ ရောဂါသည်ဝဲ့ အကုသပိတ်ကဟော့ အလိုကြောင်းငိုအဖြစ်။ ပွယ်ငှားဟော့ခွက်ရိုင်းပူးအူလော့ အွမ်းလာ့ဟော့ချောင်အဘွယ်လှောက်ကာ ယနိဖြစ်လူး။ 19ကိုယ်တော်ငွါ အနာရောဂါအကျုပ်ငဟော့ တန်ခိုးဝဲ့အမော့ကြောင်းငို ချောင်အပေါင်းဝဲ့ငဟော့ဟော ကိုယ်ငဟော့ ယနိထိဝဲတောက် ယနိကြိုးစားတို့။
ဆင်းရဲသားဝဲ့ဝါ မျက်နှာသာ အပိတ်ငဟော့
(မဿဲ ၅.၁-၁၂)
20နိပေါင်စိလော့ ကိုယ်တော်ယေရှုလော့ တပည့်တော်ဝဲ့ပေါတ်ဝိုလည့်လော့တဲ့
"ဆင်းရဲဟော့နောင်နိအတောတ်အဖြစ်ကြောင်းငို အမှော့စံအပိတ်ငဟော့အခေါင်းအောင်လတို့။ ဘယ်သိမ်ကောင်းငိုဝေါနိုးပုဝါ ဘုရားရှင် လော့သာသနာတော်ငဟော့ ယနိတောက်အဖြစ်။
21တိုဝါချိန်ငါ ဘို့အိုလော့ငတ်ဟော့ နောင်းနိငဟော့ အမှော့စံအပိတ်ငဟော့ခေါင်းလအယ်။ ဘယ်သိမ်ကြောင်းငိုဝေါနိုးပုဝါ ဘုရားရှင်လော့ ယနိဝါ အအေးအုပ်ဗုန်းဝိုအပြည့်စုံစေဝဲ အဖြစ်။
သူဝါကာလဟော့ချောင်ငဟော့ ဘုရားရှင်လော့ အမှော့စံအပိတ်ငဟော့အခေါင်းလအယ်။ ဘယ်သိမ်ကြောင်းငိုဝေါနိုးပုဝါ ဘုရားရှင်လော့ နောင်းနိငရာ အနှူ့လအယ်အဖြစ်။
22ချောင်စိုးနော် ယုံကြည်ကြောင်းငို နောင်းနိငဟော့ချောင်ငဲ့လော့ဟော့ အမွန်းအွန်ကနို၊ နောင်ငဟော့နောင်းနိဝါပစ်ပယ်လော့တဲ့ စော်ကားအလော့တဲ့ယနိဟောက်နို၊ နောင်နိဝါ ပေါ့ငှားဟော့ ခွင့်ရဲသိမ်ယနိဟောက်လကနို ဘုရားရှင်ငွါဟော့ အမှော့စံအပိတ်ငဟော့ခေါင်းအောင်လအယ်။
23လကိုးဝါ အနီချောင်ငဲ့ဟန်ပိုးဝဲ့ဟော ပရောဖက်သဲ့ဝါ နီလှောက်ကာ ယနိစိုင်းဟော့ကြောင်းငိုအဖြစ်အနီကြောင်းငို နီလှောက်ကာအဖြစ်လူးကနို ပျော်သိလော့တဲ့ လွန်အွမ်ဘွေ့တို့။ ပိုင်ကြောင်းငိုဝေါနပါ ရွှေမြို့တော်ဝါမွက်ဟော့ နောင်နိဆုဝဟော့ အလင်းအဖြစ်သိမ်" အမိန့်တော်မူတို့။
ဒုက္ခခေါင်းလအယ်ဟော့ ချောင်ငဲ့
24ဆိတ်လော့ဟော ကိုယ်တော်လော့ "ဆိတ်လော့ဟော့ ချမ်းသာဟော့ချောင်ငဲ့၊ နောင်နိငဟော့ ပြည့်စုံကြွငဟော့ဘဝငဟော့ အအုံးကြောင်းငို နောင်နိငဟော့ ဒုက္ခအခေါင်းလအယ်။
25တိုဝါချိန်ငါ မှို့အုံအေအုတ်လာ့ ချောင်ငဲ့လော့ယနိ ငဟော့ ဒုက္ခအခေါင်းအောင်လအယ်။ ဘယ်သိမ်ငိုဝေါနိုးပုဝါ နောင်ငိငဟော့ ဘိုအိုလော့တဲ့ အငပ်ဝဲဟီကြောင်းငိုဖြစ်။ တူဝါ နှူ့လဟော့ချောင်ငဲ့နောင်နိ နောင်းနိငဟော့ ဒုက္ခအခေါင်းအောင်လအီ။ ဘယ်သိမ်ကြောင်းငိုဝေါနိုးပုဝါ နောင်နိအကာ့လယ်အီကြောင်းငိုအဖြစ်။
26ချောင်အပေါင်းငဲ့လော့ နောင်နိပွယ်ဟော့အကြောင်း ယနိဟောက်ကနို နောင်နိဒုက္ခနောင်နိခွန်းလူးလာ့ဝိုင့်ဟီ။ ပိုင်ကြောင်းငိုဝေါနိုပ အနီချောင်ငဲ့ ဟန်ပိုးဝဲ့လော့ဟော အယောင်ဆောင်ပရောဖက်ဝဲ့ရာတစ်လောက်ကာ အချီးမွမ်းကြောင်ငိုအဖြစ်" သ်အမိန့်တော်မှုတို့။
ရန်သူဝါမေတ္တာအတောက်ငဟော့
(မဿဲ ၅.၃၈-၄၈၊ ၇.၁၂)
27ကိုယ်တော်ယေရှုလော့ ဆက်လက်လော့တဲ့ "တူဝါ ဟင်ဟော့ချောင်ငဲ့ဝါ ကေ့ကဟောက်ဝဲ။ နောင်နိရန်တူငဟော့ မေတ္တာတောက်ဘွေတွက်။ နောင်းနိအမှန်းငဟော့ချောင်ငဲ့ဝါဟော့ အဘွေငဟော့စိုင်းပိတ််ဘွေတွက်။ 28နောင်ဟော့အဆော့ဟော့ချောင်ငါဟော ဘုရားရှင်လော့ ပွယ်ဟော့ဟင်ရှေလော့သဲ့မျက်နှာသာ အပိတ်ကိုင်းဆုတောင်းပိတ်ဘွေ့။ နောင်ငါ နှိုက်ရက်စက်ဟော့ချောင်ငဲ့ယာဟော ဆုတောင်းပိတ်ဘွေ့။ 29ပေန်းနောတ်လော့ နောင်းမျှန်းစာန်ဖာက်(ခ်)ကော့ အဘေ့ကနို အရာဖာက်(ခ်)ကော့ဟော့ ဘေ့ရှောက်ဘွေ့။ ပေန်းနောတ်လော့ နောင်အပေါ်ဝါဟော့အောင်းကျီအတုန်းအုံကနို နောင် အကောဝါဟော့အောင်ကျီဟော့ပိတ်ဘွေ့။ 30နောင်းငှာအတုန်းအုံလူးဝဟော့ အားလုံးပိတ်မာက်ဘွေ့။ ပေါတ်နောတ်လော့နောင်းပစ္စည်းဥစ္စာဝဲ့လောင်းအောင်ဟော့ ချောင်ငဲ့ငှာဟော့ဟော ပြန်လော့တုံအုံဘော်ဝိုင်းသိ။ 31နောင်အပေါ်ဝါ ယပွှေးလော့ အဆက်ဆံအံရှောက်ငှူးလှောက်ကာ ယပွှေးယာဟော့နောင်းလော့ဆက်ဆံအံပိတ်ဘွေ့။ 32မနိယာမေတ္တာသောက်ဟော့ချောင်ဝါငါနိုး နောင်လော့ မေတ္တာအသောက်ကနို ဘုရားရှင်လော့နောင်နိငဟော့ အချီးမွမ်းဝဲမိုး။ ဘယ်သိမ်ကြောင်းငိုဝေါနိုးပုဝါ အပြစ်ဒုစရိုက်သမားများလော့ပ ယနိနိုးဟော့ချောင်နိုး အနိုးပေါ်ခု။ 33နောင်အပေါ်ဝါ ပွယ်ဟော့ချောင်ငါနိုး နောင်နိလော့ ပွယ်ပေါ်ကနို ဘုရားရှင်လော့နောင်းနိဝါ အချီမွမ်းဝဲမိုး။ ဒုစရိုက်သမားဝဲ့လော့ဟော့ အနီလှောက်ကာယနိစိုင်းခု။ 34နောင်နိပြန်လော့ ပြန်လော့အလပေါ် မျှော်လင့်ဝဲ့သိမ် ခင်းဟော့ချောင်ငါနိုး အပူးကနို ဘုရားရှင်လော့ နောင်းနိငဟော့ အချီးမွမ်းဝဲ့မိုး။ ဒုစရိုက်သမားဝဲ့ပ ယနိပူးငဟော့တိုုင်းပြန်လော့ ပြန်လော့အလပေါ်ဝဲတောက်နိုး ယနိအချင်းချင်း ယနိပူးဟယ်။ 35နီကြောင်းငို နောင်းနိငဟော့ ရန်သူဝဲ့ဝါ မေတ္တာတောက်လော့တဲ့ ယနိအတောက် အပေါ်ငဟော့စိုင်းဘွေ။ ပြန်လော့လအာဝဲ့သိမ် ခင်းငှားတစ်အုံ ပူးဘွေ။ တစ်လောက်ကာနိုးပုဝါ နောင်နိလော့အလအာဝဲငဟော့ ဆုလာဘ်ငဟော့ အလင်းဝဲဖြစ်လော့တဲ့ အမြင့်ဆုံးဖြစ်ဟော့ ဘုရားရှင်စိုးအနော်ဝဲ့အဖြစ်လူးဝဲ။ ဘယ်သိမ်ကြောင်းငိုဝေါနိုးပုဝါ ကျေးဇူးမှတ်ငှားဟော့ချောင်လော့ ပေါတ်ငှားဟော့ချောင်ငဲ့ဝါပ မတ္တာအတောက်ကြောင်းငိုအဖြစ်။ 36နောင်းအပေါ်ဝါ နောင်းပအောင်ဘုရားရှင်လော့ မေတ္တာအတောက်လှောက်ကာ ယပွှေးအပေါ် ဝါဟော မေတ္တာတောက်ဘွေတွက်" ဟုအမိန့်တော်တို့။
ယပွေးငဟော့ စီရင်ဝဲတွက်
(မဿဲ ၇.၁-၅)
37ခုတ်ဝေါတ် ကိုယ်တော်လော့ "အခြား ချောင်ပေါတ်နောတ်ငဟော့ စီရင်ဝဲတွက်၊ တစ်လောက်ကာနိုးပုဝါနိုး စီရင်ခြင်းငဟော့ အခေါင်းလအယ်ဆိတ်လ။ အရာပေန်းနောတ် အပြစ်တောင်ဝဲသိ၊ တစ်လောက်ကာနိုး ဘုရားရှင်လော့နောအပေါ်ဝါ အပြစ်တောင်ငဟော့ခေါင်းလ လသိ။ အရာချောင်ငဲ့ ငဟော့ခွင့်လှို့ဘွေတွက်၊ တစ်လောက်ကာနိုပုဝါနိုး ဘုရားရှင်လော့ဟော့ နောင်းနိအပေါ်ဝါ ခွင့်လှို့ငဟော့ အခေါင်းအောင်လအယ်။ 38တစ်ခြားချောင်ငဲ့ဝါ ပိတ်ဘွေတွက်။ တစ်လောက်ကာနိုးပုဝါ နောင်နိဝါဟောအပိတ်ဝဲ့။ နောင်နိလော့အပိတ်လော့ကာ ဘူးနောက်လော့တဲ့၊ လှုန့်လော့တဲ့၊ ဗိုန်းအုံ နောင်နိအိတ်ဒိတ်ကာ အထည့်ပိတ်ဝဲ။ နောင်နိလော့အပိတ်ငဟော့ရှို့လောက်ကာ နောင်နီဝါဟော ဘုရားရှင်လော့ ပြန်လော့တဲ့အပိတ်ငဟော့ အခေါင်းလအယ်" သိမ်အမိန့်တော်မူတို့။ 39အနိပုန်ပိစလော့ ကိုယ်တော်လော့ ယနိယာပုံဥပမာ အုဝတ်တို အမိန့်တော်မှုလော့တဲ့ "အမိတ်ဘေ့ဟော့ချောင်ပေန်းနောတ်လော့ အရာပေန်းနောတ်အမိတ်ဘေ့ဟောချောင်ဝို ပခါလောင်းအပြခုဝဲရိုး။ အဲ့နီပေန်းဟိတဒေါန် အာန်ဟာန်ဝါ အကျောက်ကဲ ဆိတ်ကမို့။ 40ဆရာထောက်ကာပိုလော့တဲ့ အမှတ်ဟော့ တပည့်တော်သိမ်မော့ရ။ ဆိတ်လော့ဟော တပည့်ဝါ ပေါဝါမှတ်အုံ အစုပ်နိုးပုဝါ ယဆရာလောက်ကာအဖြစ်ခုဝါ။ 41နောင်လော့ နောင်းစိန်းငါဟော့ နောင်နိအမို့ဆို့ဝါငဟော့ မိတ်ကာဟော့ ဒိန်မှုန့်အရောင်းစအောင်ပ မှု့တည်လော့တဲ့ နောင်းမိတ်ဒိတ်ကာဟော့ ထိမ်းပေါင်းငဟော့ သတိတောက်မှိဝအွမ်း။ 42နောင်နိလော့ နောင်းမိတ်ဒိတ်ကာဟော့ ထိန်းဘောင်း သိမွက်ဟော့ ဘုတ်ဘိုင်းမှူးတအုံ၊ နောင်း မိတ်ဆွေဝါ 'မိတ်ဆွေယော နောင်းမိတ်ဒိတ်ကာဟော့ ဒိတ်မှုန့်ငဟော့ ကွမ်လော့ပိတ်ကိုင်း' သိမ် ပခါအဟောက်ခုဝိုင့်ရိုး။ သူတော်ကောင်းယောင်ဆောင်ငဟော့ နောင်းနိ နောင်နိမိတ်ဒိတ်ကာဟော့ ထိန်းပေါင်းငဟော့ အရမ်လော့တစ်လောက်ကာနိုပုဝါနို နောင်းမိတ်ဆွေ အမိတ်ဒိတ်ကာဟော့ ဒိတ်မှုန့်ငဟော့ အလေလာ့ပိတ်ဝဲ့ငဟော့ ရှင်းရှင်းလင်းလင်း အမှု့လအယ်။
အထိန်းလော့အထိုက်
(မဿဲ ၇.၁၆-၂၀၊ ၁၂.၃၃-၃၅)
43ခုတ်ဝေါတ်ကိုယ်တော်လော့ "အပေါတ်ငဟော့ ထိန်းလော့ အပေါတ်ငှားငဟော့ အထိုက်ငဟော့ ထိုက်ယလောက်ကာ အပေါတ်ငှားငဟော့ ထိမ်းလော့ဟော အထိုက်ပေါတ်ငဟော့ထိုက်ခုဝဲဆိတ်လ။ 44အထိုက်ငဟေ့တိုင်အလော့တဲ့ အရုံးငဟော့ အမှတ်ခု။ ဘယ်သိမ်ကြောင်းငိုဝေါနိုးပုဝါ အလှိုမ်ဒိတ်ကာဟော့ ဘယ်ဘီထိုက်ငဟော့ ချီခုဝအွက်လော့ကာ ဘယ်ဗိန်းစိတ်ကာဟော့ စပျစ်ထိုက်ငဟော့ဟော့ ချီခုဝအွမ်။ 45တစ်လောက်ကာနိုး ချောင်ပွယ်ဝလော့ ယစိတ်နှလုံးငါဟော့ ပွယ်ဟော့ဝဲ့နိုး အမော့ကြောင်းငို အပွယ်ငဟော့နိုး ယနိစိုင်းဟယ်။ ပွယ်ငှားငဟော့ချောင်ငဲ့လော့ ယစိတ်နှလုံးသားဝါဟော့ ပွယ်ငှားဟော့နိုး အမော့ကြောင်းငို အပွယ်ငှားငဟော့ ယနိစိုင်းဟယ်။ နီကြောင်းငို ချောင်ငဲ့လော့ အဟောက်ငဟော့အရာငဟော့ ယနိစိတ်ဒိတ်ကာအမော့ငဟော့ အရာဝဲ့ငဟော့ အပြတို့" သိမ်အမိန့်တော်မူတို့။
အင်းရှောက်ဟော့ချောင်ပေန်းဟိ
(မဿဲ ၇.၂၄-၂၇)
46ကိုယ်တော်လော့ ဆက်လော့တဲ့ "နောင်နိလော့ ကေ့ဟောက်ခူဝဟော ယောက်အောက်ငှားတစ်အုံ ပိုင်သိမ်ကြောင်းငို ကေ့ယာ 'အရှင်'၊ 'အရှင်' သိမ် နောင်နိဘိက်အိပ်တို့ဝိုး။ 47ကေ့ငှာလူးလော့ ကေ့ကစုပ်ဟောက်ဝဟော့ ဟင်ဆန်လော့သဲ့ လိုက်နာဟော့ချောင်အားလုံး ဘောင်းငိုအတူဝိုးသိမ် ကေ့ကဟောက်ဝိုင့်။ 48အနီချောင်ငဟော့ ဒိက်ကဟော့ထုတ်အုံ စူးလော့တဲ့ ဆိုင်းလုံး လုံးတောက်ကဲ့ဝို အုတ်မြစ်ချောက်လော့အင်းဆောက်ဟော့ချောင်ငိုအတူ။ တွီးလင်းလူးကနို ဟောနိအင်းဟော့ နှောင်းလင်းလော့ဟုန်လော့ဟော ဟောနီအင်းငဟော့ အပေါဝါအဆောက်ကြောင်း ပျိုခုတို့ဝ။ 49ဆိတ်လော့ဟော ကေ့တရားတော်ဝဲ့နာအာလော့ လိုက်နာငှားဟော့ချောင်ငဟော့ အုပ်မြစ်ချောက်တအုံ ဒိက်ကာ အင်းရှောက်ဟော့ချောင်ငိုအတူ။ တွီးအလင်းလော့တဲ့ နှောင်းလော့အဟုန်ကနို အနီအင်းနဟော့ ချက်ချင်း ပပြိုလော့တဲ့ လုံးဝအပျက်စီးမတ်ဝဲ" သိမ်အမိန့်တော်အမှုတို့။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.