ရှင်လုကာ 12
12
အခန်း (၁၂)
သတိပက်ခေါမ်
(ရှင်မဿဲ ၁၀:၂၆-၂၇)
1အင်မ်ချိန်ငေါလ် ခေါင်လှီ့ပူနူးစုဝေးထေ့နား အာမ်လူးခန်းနောလ် ပွလ်ဟှတ်နားပွလ်ဟှတ် အာမ်လိ့အယ်တောင်ဟနောလ် အာမ်ထောလ်။ ကိုယ်တော်နား အတပည့်လှီ့အောလ် စိပ်စိပ်ဆုံးအမိန့်ခေါမ်စေး “ဖာရိရှဲလှီ့ #12:1 နီဟင်းနောက်ခေါမ် အူလောက်ဟင်းဆီးယော်။ မုန့်ပွဟနောလ်အစိုင်းနောက်ဟင်း။ ဆော်ဒါဓေါလ်အတူဝေ။ ဟင်းနောလ်ထောလ်တိ ခေါင်ပွန်ဟန်ဆောင်ခေါမ် သတိတောဘွတ်စူး။ 2ဆူရ်ရိုးလောဒ့်ယဟနောလ် ထုအောလ်လောဒ့်ခေါမ် အီခါမယ်ယော်။ ထုအယ်တိလှီ့ကိမ်ကိမ် အဆုံးငေါလ်စေး အပေါ်လူးယောင်။ 3အင်မ်ခန်းနောလ် နာင်မီးနား အယွောင်နောလ် နာမ်ဟောင်ခေါမ်ခေခေါလှီ့ အနှိုပ်ပါလ် ခေါင်လှီ့ကိမ်ကိမ်နား အာမ်စုတ်င်ကြအိုက်။ ဆော့လ်ခါးထေ့နား အခန်းဒုလ့်ကာလ် မမူစောဝေါလ်ဟောင်ခေါမ်ခေခေါခါ အိမ်းဂုမ်းဟြှလ်နောလ်ကထု ခေါင်လှီ့ကိမ်ကိမ်နား ရောဟနောလ် ပါရ်ငယ်နားဟောင်ခေါမ်ဘော် အထောလ်လူးဝိုက်” တိရို အမိန့်။
ကိလောဒ့်ဟိုင်
(ရှင်မဿဲ ၁၀:၂၈-၃၁)
4အထာကွန်ဟှတ် ကိုယ်တော်နား “ခီပွီလှီ့အား ဂရုစိုက်ထေ့နား ငေဘွတ်စူး။ ပုန်းယောင်ဓူးခွတ်ထေ့နား အစွာအီခါ အထာကွန်ဟှတ်စိုင်းခွတ်ယတိလှီ့ ကိကော့စူး။ 5အင်မ်ဘော်နားခါ နာင်မီး ကိလောဒ့်ဟိုင်စေး ဖုလော်ရှင်ပါးဟှတ်ယောင်။ ဖုလော်ရှင်နား နာင်မီး နာမ်ဆောက်င် အဈိအယ်ခွတ်ဘော် ငရဲရိုးခါ အထောက်ခွတ်ခေါမ် အာဏာအတောဒ့်ကယ်။ အင်မ်ခန်းနောလ် နာင်မီးရိုး ကေဟောင်လောဒ့်အိုက်နောက်ဟိုဝေါလ်စေး ဖုလော်ရှင်ယောင် နာမ်ကိလောဒ့်အိုက်။ 6ဟိုးစာစော လူပိုးဟိုရ် #12:6 အဿရိဒေါင်းဂို=နှိုပ်ဟှတ်လုပ်အားခဓေါလ် ညီတိ ဒေနာရီဒေါင်းဂို ၁၆ပုံ၁ဟှတ်ဓေါလ် ညီတိ ရောမကီဒေါင်းဂို။အဿရိဒေါင်းဂိုကာပ်နှိဘောင်နောက်ဟိုဝေါလ်စေး အာမ်ရိ့ ဆီးယော်ဝြာ။ အင်မ်ဘော်နားခါ ဖုလော်ရှင်နား ဟောစာစော လူဟှတ်ဘောင်ကုံးခါ ညှယော်။ 7ဖုလော်ရှင်နား နာင်မီး လကီဝေါလ် လူးဆမ်း အီဟို့မယ်နောက်ခေါမ်ကုံးခါ အစုတ်င်။ အင်မ်ခန်းနောလ် ကိကော့စူး။ ဟိဘော်ဟိုင်ရိုးနောက်ဟိုဝေါလ်စေး နာင်မီးနောက်ခေါမ် ဟောစာစောလှီ့ထက်ကာလ် နာမ်ဖူလန်” တိရို အမိန့်။
ခရစ်တော်စငေါလ် ဝန်ခံခေါမ်
(ရှင်မဿဲ ၁၀:၃၂-၃၃။ ရှင်မဿဲ ၁၀:၁၉-၂၀၊ ၁၂:၃၂)
8အင်မ်ပါလ်နောလ် ကိုယ်တော်နား ဆက်ကယ်နား “နာင်မီးရိုး ကေဟောင်ဝိုက်၊ ကေးတပည့်ရိုးထောလ်ခေါမ် ခေါင်လှီ့မော်ဝေါလ်ဝန်ခံတိ အူခါဆီးဆတ် ခေါင်စိုးနားခါ ဖုလော်ရှင်လား နောတ်ဒေဝါလှီ့မော်ဝေါလ် အင်မ်လှီ့နောက်ခေါမ် ကေး တပည့်လှီ့အောလ်အာမ်ထောလ်နောက်ခေါမ် ဝန်ကေခံမိုက်။ 9အင်မ်ဘော်နားခါ ခေါင်လှီ့မော်ဝေါလ် ကေး ငြင်းပယ်တိ အူခါဆီးဆတ် ဖုလော်ရှင်လား နောတ်ဒေဝါလှီ့မော်ဝေါလ် ခေါင်စိုးနား ငြင်းပယ်ခေါမ် အာမ်ခံလောဒ့်အိုက်။ 10ခေါင်စိုး ခေခေါလှီ့အောလ်စော်ကားတိ ခွင့်လွှတ်ခေါမ် ခံလောဒ့်ခွတ်နားခါ ဉာဏ်အလင်းတော်ကို ခေခေါလှီ့အောလ်စော်ကားတိစေး ခွင့်လွှတ်ခေါမ် ခံလောဒ့်ဟိုင်ဆီးယော်။
11နာင်မီး ကေးတပည့်ရိုး နာမ်ထောလ်ခန်းနောလ် ဓမ္မာရုံလှီ့၊ အုပ်ချုပ်တိလှီ့လား အာဏာပိုင်လှီ့မော်ဝေါလ် စီရင်ဟိုင် ပါနယ်ခေါမ်ခံလောဒ့်နားခါ နာပုန်းဟို့နားနာပုန်းဟို့ ကာကွယ်ဟိုင် ဟိဘော်ဟောင်လောဒ့်ဘွာလ်ဝိုက်နောက်ခေါမ် ဆဆော်ကော့စူး။ 12ဟိဘော်ဟိုင်ရိုးနောက်ဟိုဝေါလ်စေး အင်မ်အချိန်ငေါလ် နာင်မီးနား ဟိဘော် ဟောင်လောဒ့်အိုက်နောက်ခေါမ် ဉာဏ်အလင်းတော်နား အဆောင်ပက်တိုက်” တိရို အမိန့်။
မိုက်မဲတိဆထီး ပုံဥပမာ
13အင်မ်ပါလ်နောလ် ခေါင်ထုပရိသတ်လှီ့ဒုလ့်ကာလ်ကိ ပွလ်ဟှတ်နား “ဆလော်ဝြား၊ ကေးပေါလ်နား အတောဒ့်ဟိလ့်ခေါမ် မှေဖဲ့ပက်ဟိုင် ကေးသာဦးဝေါလ် ဟောင်ပက်မိုဝြား” တိရို ကိုယ်တော်ဝေါလ် အလျှောက်။
14ကိုယ်တော်နားခါ “ခီပွီယား၊ နာင်လား နာင်သာဦးကီကိုယ်ဝေါလ် မှလ်ဖဲ့ပက်ဟိုင် တရားသူကြီးအခွင့်အာဏာ ဟအူနား ကေးရိုးအပက်” တိရို အမိန့်ဘွာလ်။ 15အင်မ်ပါလ်နောလ် ကိုယ်တော်ယေရှုနား ခေါင်ထုအောလ် “အီဘောင်တွက်ကာလ်ခါ လောဘလန်ကော့စူး။ ဟိဘော်ဟိုင်ရိုးနောက်ဟိုဝေါလ်စေး နာင်မီး ဘဝတန်ဖိုးနောက်ခေါမ် နာင်မီး ပိုင်ခေါမ် ဥစ္စာလှီ့အောလ် မူတည်ခေါမ်ဆီးယော်” တိရို အမိန့်။
16အင်မ်ပါလ်နောလ် ကိုယ်တော်ယေရှုနား ခေါင်ထုအောလ် ပုံဥပမာဓေါလ် အမိန့်ခေါမ်စေး “ဟမာလ် ဆထီးပွလ်ဟှတ် လိုင်ရိုး အဌေ့လှီ့ပူနူး အဌေးခန်းနောလ် 17အင်မ်နား ‘ထိင်းဌေ့လှီ့ ကေတောဒ့်နောက်ဟိုင် မယ်ယခန်းနောလ် ဟိဘော် ကေစိုင်းလောဒ့်အိုက်’ တိရို အစဉ်းစား။
18အင်မ်ပါလ်နောလ် အင်မ်နား ဟိဘော် ကေစိုင်းလောဒ်အိုက်နောက်ခေါမ် ကေစုတ်င်ပါလ်။ တုအောလ်မယ်တိ ဖိတ်လှီ့ဖျက်ဘွာလ်ထေ့နား အလန်တိဖိတ်လှီ့ ကေဆောက်ဘွာလ်ဝိုက်။ အင်မ်ဒုလ့်ကာလ် အဌေ့ပွန်တိလှီ့လား အစွာကေပိုင်ခေါမ်လှီ့ ကေတောဒ့်ကိုက်။ 19အင်မ်ပါလ်နောလ် အင်မ်နား ကေးစငေါလ် ခုကုမ်ပူနူးတွက် လုံလောက်တိ ပွန်တိလှီ့ကိမ်ကိမ် ကေတာဒ့်ပါလ်ခန်းနောလ် တုအောလ်ကထုစအယ်နား ကေအူဝိုက်၊ ကေအေရိုက်၊ ကေပျော်ဝိုက် တိရို အစဉ်းစား။
20အင်မ်ဘော်နားခါ ဖုလော်ရှင်နား အင်မ်နောလ် ‘နာင်နောက်ခေါမ် ခေါင်မိုက်ယောင်။ တုမီ နာင် နာဘာလ့်လောဒ့်အိုက်။ အင်မ်ဘော်ခန်းနောလ် နာင်စုဆောင်းခေါမ်လှီ့ ဟအူနားအလောဒ့်အိုက်’ တိရို အမိန့်။
21ဆုမ်သပ့်ကာလ် ပုန်းဟို့တွက် ပစ္စည်းဥစ္စာလှီ့ စုဆောင်းနားခါ ဖုလော်ရှင် အမှုတော်ဆောင်နောက်ကာလ် ပုန်းဟို့ ပစ္စည်းဥစ္စာလှီ့ အသုံးချခွတ်ယတိလှီ့ ခမ်းလောဒ့်ဟိုင်ရိုးအထောလ်” တိရို အမိန့်။
ဆဆော်ကော့စူး
(ရှင်မဿဲ ၆:၂၅-၃၄)
22အင်မ်ပါလ်နောလ် ကိုယ်တော်ယေရှုနား အတပည့်လှီ့အောလ် “အင်မ်ခန်းနောလ် နာင်မီးရိုး ဟောင်ဟိုင်ကေလီခေါမ်စေး နာင်မီး ဆောက်င်ဟင်ဟိုင်တွက် ဟအီ အေလောဒ့်အိုက်၊ ဟိဘောင် ဝီဝေလောဒ့်အိုက်နောက်ခေါမ်ခါ ဆဆော်ကော့စူး။ 23ဟိဘော်ဟိုင်ရိုးနောက်ဟိုဝေါလ်စေး ဆောက်င်ခေါမ် အေအော့တ်ထောက်ကာလ် အရေးကြီးဘော် ပုန်းခါ ဆူဆောက်ထက်ကာလ် အရေးကြီး။ 24ဟိုးလှီ့ ဓေါ့်ဝေါလ်။ အင်မ်လှီ့နား အီခါလိမ်ဘော်ဟ၊ အီခါယိုင်းယော်ဟ။ အင်မ်လှီ့နား ထိင်းဌေ့လှီ့ တောဒ့်နောက်ဟိုင်ခါ၊ ဖိစ့်လှီ့ခါ တောဝေယော်ဟ။ အင်မ်ဘော်နားခါ ဖုလော်ရှင်နား အင်မ်လှီ့အောလ် အေဟိုင်လှီ့အပက်။ နာင်မီးနောက်ခေါမ် အင်မ်ဟိုးလှီ့ထက်ကာလ် ပိုဝေနား တန်ဖိုးနာမ်လန်။ 25ဆဆော်ကော့စူး။ ဆဆော်ခေါမ်နား နာင်မီးဆောက်င် နာရီဟှတ်ဘောင်ကုံးခါ ပိုဝေနား ဆောင်းဟနောလ်စိုင်းခွတ်ယော်။ 26နာင်မီး နီဘောင် ကိစ္စလှီ့ကုံးခါ နာမ်တက်နိုင်ခွတ်ယဟိုဝေါလ်စေး တစွာကိစ္စလှီ့တွက် ဟိဘော်ဟိုင်းရို နာမ်ဆဆော်။
27ဒိုင်းဒုလ့်ကာလ်ကိ ပါဘာစိုးလှီ့ ဓေါ့်ဝေါလ်။ အင်မ်လှီ့နား အလုပ်ခါလုပ်ယော်ဟ။ တို့ခါတောက်ယော်ဟ။ နာင်မီးရိုး ကေဟောင်ဝိုက်။ ဟမာလ်မယ်ဟိလ့်တိ တပြင်းကုံး ဘုန်းတန်ခိုးအာဏာလန်တိ ဆောင်ဖလောင်ရှောလမုန် ဆူဆောက်လှီ့ကုံးခါ အင်မ်ဒိုင်ဒုလ့်ကာလ်ကိ ပါစောလှီ့ဟို့ခါ ပွန်ယေယော်။ 28အို ယုမ်ကြည်ချက် နည်းတိလှီ့အား၊ ဖုလော်ရှင်နား တုနှိုပ်ပါထေ့နား အထာနှိုပ်ဟှတ်တောလ် မေးဒုလ့်ကာလ် ဆီခေါမ်ခံလောဒ့်ဟိုင် တောရ်ဒုလ့်ကာလ်ကိ ပါဘာကုံးခါ ပွန်ယေဟနောလ် အဖန်ဆင်းပက် နောက်ဟိုဝေါလ်စေး နာင်မီးတွက်နောက်ဟိုစေး ဖုလော်ရှင်နား ပိုဝေနား ဖန်ဆင်းပက်တိုက်ဆီးယော်ဝြာ။ 29အင်မ်ခန်းနောလ် နာင်မီးနား ဟအီကာမ်အေလောဒ့်အိုက်၊ ဟအီကာမ်အူးလောဒ့်နောက်ခေါမ် ဆဆော်ကော့စူး။ အင်မ်လှီ့တွက် ဆဆော်ကော့စူး။ 30ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင် ယုမ်ကြည်ယတိလှီ့နားယောင် နီလှီ့တွက် အာမ်ဆဆော်လောဒ့်။ နာင်မီး ပေါလ်ဖုလော်ရှင်နား နာင်မီးနား နီလှီ့ နာမ်လိုအပ်နောက်ခေါမ် အစုတ်င်။ 31အင်မ်ခန်းနောလ် ဖုလော်ရှင်သာသနာတော်တွက် ဦးစားပက်ထေ့နား စိုင်းဘွတ်စူး။ အင်မ်ဟိုဝေါလ်ယောင် နာင်မီး လီခေါမ်လှီ့ ဖုလော်ရှင်နား အဖြည့်ဆည်းပက်တိုက်” တိရို အမိန့်။
ဟြှားလုအောလ်ကိဘဏ္ဍာတိုက်
(ရှင်မဿဲ ၆:၁၉-၂၁)
32အထာကွန်ဟှတ် ကိုယ်တော်နား အတပည့်လှီ့အောလ် “#12:32 သိုးအုပ်စုလှီ့=ကိုယ်တော်နားတပည့်တော်လှီ့ ရည်ညွန်းထေ့နားအဟောင်ခေါမ်။သိုးအုပ်စုလှီ့အား၊ နာင်မီး ပေါလ်ဖုလော်ရှင်နား နာင်မီးရို အပုန်းဟို့ သာသနာတော် အပက်လောဒ့်ခေါမ်အလီခန်းနောလ် ကိကော့စူး။ 33နာင်မီးနား နာမ်တောဒ့်ကယ်ခေါမ် ပစ္စည်းလှီ့ ယီထေ့နား စါက်ကယ်တိလှီ့အောလ် ဒေါင်းဂိုလှူဘွတ်စူး။ နာင်မီးတွက် ဖန်ထေ့ယတိ ဒေါင်းဂိုအိတ်လှီ့ စိုင်းပက်ထေ့နား နာင်မီး ဥစ္စာရတနာလှီ့ သူခိုးလှီ့ခိုက်နောက်ယဓိလ်၊ ပိုးမွှားလှီ့နား အာမ်ဖျက်ဆီးခွတ်ယနောက် ဟြှားလုအောလ်ကိ ဘဏ္ဍာတိုက်ဒုလ့်ကာလ် သိမ်းဆည်းဘွတ်စူး။ 34ဟိဘော်ဟိုင်ရိုး နောက်ဟိုဝေါလ်စေး နာင်မီး လုန်လှီ့ခါ နာင်မီး ဥစ္စာဘဏ္ဍာတိုက် မယ်နောက်ကာလ်ယောင် အခိုက်ထေ့ခန်းနောလ်ထောလ်” တိရို အမိန့်။
သတိမယ်တိ အစေခံလှီ့
35ကိုယ်တော်နား ဆက်ကယ်နား အတပည့်လှီ့အောလ် “နာင်မီးနား ခါးပတ်မြဲဟနောလ်ပတ်အယ်ထေ့နား မေးအိမ်းတော်ဗာန် မင်္ဂလာဆောင်ပွဲရိုးကိ သခင်လူးဘွာလ်ဟိုင်အချိန် စောင့်တိအစေခံလှီ့ဘော် အဆင်သင့်မယ်ဘွတ်စူး#12:35 အင်မ်ခေတ်ရိုး ဂျူးခေါင်ယှီလှီ့နား ခီချင်းစိ ဆောင်းပိုးတိ ဝတ်ရုံလှီ့ အာမ်ဝီဝေဆော်။ အင်မ်လှီ့နောက်ခေါမ် လွတ်လွတ်လပ်လပ် ဈာတ်ရောခ့်ခွတ်ဟိုင်တွက် ဝတ်ရုံတင်ငယ်ထေ့နား ဝတ်ရုံခေါမ် ကမ်မာလ် ခါးပတ်အောလ် အာမ်ပတ်အေ။။ 36အင်မ်ဟိုဝေါလ်ယောင် သခင်ခေါမ် အလူးဘွာလ်ထေ့နား ဆောလ့်အခေါက်ဟိုဝေါလ် အင်မ်တွက် ချက်ချင်းဆောလ့်ဖွင့်ပက်ခွတ်ကိုက်။ 37သခင် အလူးဘွာလ်ဟိုင်ချိန်စိ သတိဓေါလ်စောင်တိ အစေခံလှီ့ အာမ်ခူလ်ပွန်။ နာင်မီးရိုး အမှန်ဟောင်ဟိုင်ကေလီခေါမ်စေး သခင်နား ခါးပတ်အယ်ဗာန် အစေခံလှီ့ ငွာဆောက်ထေ့နား အေအောတ်လှီ့ အကျွေးမွေးရိုက်။ 38သခင် အမီဝေါလ်ခါဆီးဆတ်၊ ခူဝြာလာမ်းမာလ်ခါဆီးဆတ် အလူးဘွာလ်ဟိုဝေါလ် အဆင်သင့်မယ်တိလှီ့ အစေခံလှီ့ အမှူးလူးနားစေး အင်မ်အစေခံလှီ့ အာမ်ခူလ်ပွန်။ 39ကိုယ်တော်နား အတပည့်လှီ့အောလ် အထာပုံဥပမာဓေါလ် အမိန့်ခေါမ်စေး အိမ်မို့နား သူခိုးအလူးဟိုင်အချိန် အစုတ်င်နားစေး အပုန်းဟို့အိမ်း ဖောက်ထွင်းခွင့်ပေးဟိုင်ဆီးယော်။ 40အင်မ်ခန်းနောလ် အချိန်မရွေး အဆင်သင့်မယ်ဘွတ်စူး။ ဟိဘော်ဟိုင်ရိုးနောက်ဟိုဝေါလ်စေး ခေါင်စိုးနောက်ခေါမ် နာင်မီး မျှော်လင့်ယခေါမ် အချိန်ငေါလ်အ ကြွလူးဘွာလ်ဝိုက်ခန်းနောလ်ထောလ်” တိရို အမိန့်။
41အင်မ်ဟိုဝေါလ် ပေတရုနား ကိုယ်တော်ဝေါလ် “အရှင်ငါး၊ နီပုံဥပမာစေး ကေးမီးတွက် နာမိန့်ခေါမ်ငါ၊ ဆီးယနား ခေါင်တိုင်တွက် နာမိန့်ငါ” တိရို အဟိ့။
42အင်မ်ဟိုဝေါလ် ကိုယ်တော်နား “အိမ်းမာလ်မယ်တိအစွာအစေခံလှီ့ အချိန်မှန် အေဟိုင်အောတ့်ဟိုင် ပြင်ဆင်ပက်ဟိုင် သခင်နား အခန့်ခေါမ် ဉာဏ်ပညာဓေါလ်ပြည့်စုံထေ့နား ဆတ်ဇော်မယ်တိ အစေခံစေး ဟအူ။ 43သခင် အလူးဘွာလ်ဟိုဝေါလ် အင်မ်ဘော်စိုင်းခေါမ် သခင်နားအမှူးလူးခေါမ် အစေခံစေး အခူလ်ပွန်ရိုက်။ 44နာင်မီးရိုး အမှန်ဟောင်ဟိုင်ကေလီခေါမ်စေး၊ သခင်နား အပုန်းဟို့နား အတောဒ့်ကယ်ခေါမ် ပစ္စည်းဥစ္စာလှီ့ခါ အင်မ် အစေခံရိုး အပ်ထေ့နား ထိန်းသိမ်းဆောက်ကိုက်။ 45အင်မ်ဘော်နားခါ အင်မ်အစေခံနား သခင်အလူးဘွာလ်ဟိုင် အဓီဟာမ်းမိုက် တိရို ခိလ်ထေ့နား အစွာအစေခံ မုတော၊ ပုတောလှီ့ကိမ်ကိမ် အူဗာန်အေဗာန် အမယ်ဟိုဝေါလ်စေး 46သခင်ခေါမ် အင်မ်အစေခံနား မျှော်လင့်ယခေါမ်အချိန်ငေါလ် အခိုက်လူးဘွာလ်နားစေး အင်မ်နောလ် ပြင်းထန်တိ အပြစ်ပေးထေ့နား ဆက်ဇော်မယ်ယတိလှီ့ဓေါလ် ဟှတ်တောလ် အတောဒ့်ကိုက်။
47သခင် လီခေါမ်စူးဗာန် အဆင်သင့်ပြင်ဆင်ခေါမ် မယ်ကော်၊ ဆီးယနား သခင်လီခေါမ်ဘော်စိုင်းခေါမ်မယ်ယတိ အစေခံ အပြစ်ပူနူးပက်ခေါမ် ခံလောဒ့်အိုက်။ 48သခင်လီခေါမ် စူးကော် အပြစ်ပက်တိုက်ခေါမ်လှီ့စိုင်းတိအစေခံစေး အပြစ်မက်စောယောင် ခံလောဒ့်အိုက်။ ပူနူးပက်ခေါမ်ခံလောဒ့်တိစေး ပိုဝေနား တောင်ခေါမ်ခံလောဒ့်အိုက်။ ပိုဝေနား ယုမ်ကြည်မှု ပူနူးပက်ခေါမ်ခံလောဒ့်တိစေး ပိုဝေနားမျှော်လင့်ခေါမ် ခံလောဒ့်အိုက်” တိရို အမိန့်။
ကိုယ်တော်နားကွဲပြားဟနောလ်အစိုင်းခေါမ်
(ရှင်မဿဲ ၁၀:၃၄-၃၆)
49ဆက်ကယ်နား ကိုယ်တော်နား “ကေးနောက်ခေါမ် ခေါင်လှီ့အပြစ်ဒုစရိုက်လှီ့ တရားစီရင်ဟိုင်လား ခေါင်လှီ့ခွဲခြားဟိုင်တွက် နီဆုမ်သပ့်ကာလ် ကေလူးယောင်။ အင်မ်တရားစီရင်ခေါမ် တုအောလ်စအယ်ပါလ်ဟိုင်ကုံးခါ ကေလီ။ 50အင်မ်ဘော်နားခါ ကေးနား အဓီလှောင်နောလ် နီလှီ့ထောလ်လှောင်နောလ် ဆိတ်လှီ့ဓေါလ် သွီးဓေါလ်သန့်စင်ခေါမ်ကေခံလောဒ့်ဟာမ်းမိုက်။ အင်မ်လှီ့ ကာဟာမ်းယဝှေ့ ကေးလုန်နောက်ခေါမ် ဆိတ်အခမ်းလောဒ့်ဟာမ်းမိုက်။။ 51ကေးနောက်ခေါမ် နီဆုမ်သပ့်ကာလ် ငြိမ်းချမ်းရေးလူးဝေ တိရို နာမ်ခိလ်နာ။ အင်မ်ဘော်ဆီးယော်။ ခေါင်လှီ့ ခွဲခြားဟိုင်ရိုး ကေလူးခေါမ်ယောင်။ 52ဟိဘော်ဟိုင်ရိုးနောက်ဟိုဝေါလ်စေး တုအောလ်ကထုစအယ်နား အိမ်းခုလော်ပွီ ပိုးဟိုရ်မယ်ဟိုဝေါလ် ကေးယုံယတိ ပိနှိဖွဲ့ဟှတ်၊ ပွလ်ထုမ်ဖွဲ့ဟှတ် ပွလ်ဟှတ်လားပွလ်ဟှတ် ဆန့်ကျင်ဖက်ကာလ် အာမ်ထောလ်နိုက်။ 53ပေါလ်လားစောပုတောစော၊ နူးလားစိုးမုတောစော စီးလန်နားနော(င်) ပွလ်ဟှတ်လားပွလ်ဟှတ် ဆန့်ကျင်ဖက်အာမ်ထောလ်နိုက်” တိရို အမိန့်။
ဟအီစိုင်းလောဒ့်အိုက်တိရိုစုတ်င်ခေါမ်
(ရှင်မဿဲ ၁၆:၂-၃)
54အင်မ်ပါလ်နောလ် ကိုယ်တော်ယေရှုနား ခေါင်လှီ့အောလ် “နာင်မီးနား အနှုလာမ်းမာလ် ခူးဆတ်လှီ့ကွန်ခေါမ် နာမ်မှူးဟိုဝေါလ် ခိုရို့အိုးလူးဝိုက်ဟိလ့် တိရို ချက်ချင်းနာမ်ဟောင်။ အင်မ်ဘော်ဝေါလ် ခိုရို့အအိုးလူး။ 55ခိုလောက်ခီ အလူးနားစေး ရာသီဥတုအလိန်ငိုက် တိရို ဟောင်ထေ့နား ဟောင်ဘော်တိုင်အထောလ်လူး။ 56ခေါင်ပွန်ဟန်ဆောင်တိလှီ့အား၊ နာင်မီး နေဟြှလ်လား သပ့်ဓေါ့်ထေ့နား မိုးလေဝသအခြေအနေ နာမ်စုတ်င်ခွတ်။ အင်မ်ဘော်နားခါ တုအောလ်ထောလ်တိ အမှုကိစ္စလှီ့အဓိပ္ပာယ် ဟိဘော်ဟိုင်ရိုး စူးခွတ်ယော်စူး။
57မှန်တိလှီ့စိုင်းဟိုင် နာမ်ပုန်းဟို့နားနာမ်ပုန်းဟို့ ဟိဘော်ဟိုင်ရိုး ဆုံးဖြတ်ခွက်ယော်စူး။ 58ပွလ်ဟှတ်ဟှတ်နား နာင်တရားစွဲထေ့နား တရားရုံးငေါလ်ပါနယ်နားစေး တရားရုံးခိုက်လှောင်နောလ်ကထု ပြဿနာကျေအေးဟနောလ် ဖြေရှင်းဘွတ်စူး။ အင်မ်ဘော် နာမ်စိုင်းရိုက်နားစေး တရားသူကြီးနား နာင်မီး အပြစ်မယ်တိရို သတ်မှတ်ထေ့နား ထောင်မှူးအောလ် အအပ်ပိုက်။ ထောင်မှူးနား နာင်မီး ထောင်အခေါက်ကိုက်။ 59နာင်မီးရိုးဟောင်လောဒ့်အိုက်နောက်ဟိုဝေါလ်စေး နာင်နား နာပက်ဟိုင်မယ်ခေါမ် လေလှီ့ကိမ်ကိမ် နာပက်ယမရှောင် ထောင်ဒုလ့်ကာလ်ကိ ထွက်လောဒ့်ဟိုင် ဆီးယော်တိ” တိရို အမိန့်။
Currently Selected:
ရှင်လုကာ 12: CSJ
Highlight
Share
Copy
Want to have your highlights saved across all your devices? Sign up or sign in
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 12
12
အခန်း (၁၂)
သတိပက်ခေါမ်
(ရှင်မဿဲ ၁၀:၂၆-၂၇)
1အင်မ်ချိန်ငေါလ် ခေါင်လှီ့ပူနူးစုဝေးထေ့နား အာမ်လူးခန်းနောလ် ပွလ်ဟှတ်နားပွလ်ဟှတ် အာမ်လိ့အယ်တောင်ဟနောလ် အာမ်ထောလ်။ ကိုယ်တော်နား အတပည့်လှီ့အောလ် စိပ်စိပ်ဆုံးအမိန့်ခေါမ်စေး “ဖာရိရှဲလှီ့ #12:1 နီဟင်းနောက်ခေါမ် အူလောက်ဟင်းဆီးယော်။ မုန့်ပွဟနောလ်အစိုင်းနောက်ဟင်း။ ဆော်ဒါဓေါလ်အတူဝေ။ ဟင်းနောလ်ထောလ်တိ ခေါင်ပွန်ဟန်ဆောင်ခေါမ် သတိတောဘွတ်စူး။ 2ဆူရ်ရိုးလောဒ့်ယဟနောလ် ထုအောလ်လောဒ့်ခေါမ် အီခါမယ်ယော်။ ထုအယ်တိလှီ့ကိမ်ကိမ် အဆုံးငေါလ်စေး အပေါ်လူးယောင်။ 3အင်မ်ခန်းနောလ် နာင်မီးနား အယွောင်နောလ် နာမ်ဟောင်ခေါမ်ခေခေါလှီ့ အနှိုပ်ပါလ် ခေါင်လှီ့ကိမ်ကိမ်နား အာမ်စုတ်င်ကြအိုက်။ ဆော့လ်ခါးထေ့နား အခန်းဒုလ့်ကာလ် မမူစောဝေါလ်ဟောင်ခေါမ်ခေခေါခါ အိမ်းဂုမ်းဟြှလ်နောလ်ကထု ခေါင်လှီ့ကိမ်ကိမ်နား ရောဟနောလ် ပါရ်ငယ်နားဟောင်ခေါမ်ဘော် အထောလ်လူးဝိုက်” တိရို အမိန့်။
ကိလောဒ့်ဟိုင်
(ရှင်မဿဲ ၁၀:၂၈-၃၁)
4အထာကွန်ဟှတ် ကိုယ်တော်နား “ခီပွီလှီ့အား ဂရုစိုက်ထေ့နား ငေဘွတ်စူး။ ပုန်းယောင်ဓူးခွတ်ထေ့နား အစွာအီခါ အထာကွန်ဟှတ်စိုင်းခွတ်ယတိလှီ့ ကိကော့စူး။ 5အင်မ်ဘော်နားခါ နာင်မီး ကိလောဒ့်ဟိုင်စေး ဖုလော်ရှင်ပါးဟှတ်ယောင်။ ဖုလော်ရှင်နား နာင်မီး နာမ်ဆောက်င် အဈိအယ်ခွတ်ဘော် ငရဲရိုးခါ အထောက်ခွတ်ခေါမ် အာဏာအတောဒ့်ကယ်။ အင်မ်ခန်းနောလ် နာင်မီးရိုး ကေဟောင်လောဒ့်အိုက်နောက်ဟိုဝေါလ်စေး ဖုလော်ရှင်ယောင် နာမ်ကိလောဒ့်အိုက်။ 6ဟိုးစာစော လူပိုးဟိုရ် #12:6 အဿရိဒေါင်းဂို=နှိုပ်ဟှတ်လုပ်အားခဓေါလ် ညီတိ ဒေနာရီဒေါင်းဂို ၁၆ပုံ၁ဟှတ်ဓေါလ် ညီတိ ရောမကီဒေါင်းဂို။အဿရိဒေါင်းဂိုကာပ်နှိဘောင်နောက်ဟိုဝေါလ်စေး အာမ်ရိ့ ဆီးယော်ဝြာ။ အင်မ်ဘော်နားခါ ဖုလော်ရှင်နား ဟောစာစော လူဟှတ်ဘောင်ကုံးခါ ညှယော်။ 7ဖုလော်ရှင်နား နာင်မီး လကီဝေါလ် လူးဆမ်း အီဟို့မယ်နောက်ခေါမ်ကုံးခါ အစုတ်င်။ အင်မ်ခန်းနောလ် ကိကော့စူး။ ဟိဘော်ဟိုင်ရိုးနောက်ဟိုဝေါလ်စေး နာင်မီးနောက်ခေါမ် ဟောစာစောလှီ့ထက်ကာလ် နာမ်ဖူလန်” တိရို အမိန့်။
ခရစ်တော်စငေါလ် ဝန်ခံခေါမ်
(ရှင်မဿဲ ၁၀:၃၂-၃၃။ ရှင်မဿဲ ၁၀:၁၉-၂၀၊ ၁၂:၃၂)
8အင်မ်ပါလ်နောလ် ကိုယ်တော်နား ဆက်ကယ်နား “နာင်မီးရိုး ကေဟောင်ဝိုက်၊ ကေးတပည့်ရိုးထောလ်ခေါမ် ခေါင်လှီ့မော်ဝေါလ်ဝန်ခံတိ အူခါဆီးဆတ် ခေါင်စိုးနားခါ ဖုလော်ရှင်လား နောတ်ဒေဝါလှီ့မော်ဝေါလ် အင်မ်လှီ့နောက်ခေါမ် ကေး တပည့်လှီ့အောလ်အာမ်ထောလ်နောက်ခေါမ် ဝန်ကေခံမိုက်။ 9အင်မ်ဘော်နားခါ ခေါင်လှီ့မော်ဝေါလ် ကေး ငြင်းပယ်တိ အူခါဆီးဆတ် ဖုလော်ရှင်လား နောတ်ဒေဝါလှီ့မော်ဝေါလ် ခေါင်စိုးနား ငြင်းပယ်ခေါမ် အာမ်ခံလောဒ့်အိုက်။ 10ခေါင်စိုး ခေခေါလှီ့အောလ်စော်ကားတိ ခွင့်လွှတ်ခေါမ် ခံလောဒ့်ခွတ်နားခါ ဉာဏ်အလင်းတော်ကို ခေခေါလှီ့အောလ်စော်ကားတိစေး ခွင့်လွှတ်ခေါမ် ခံလောဒ့်ဟိုင်ဆီးယော်။
11နာင်မီး ကေးတပည့်ရိုး နာမ်ထောလ်ခန်းနောလ် ဓမ္မာရုံလှီ့၊ အုပ်ချုပ်တိလှီ့လား အာဏာပိုင်လှီ့မော်ဝေါလ် စီရင်ဟိုင် ပါနယ်ခေါမ်ခံလောဒ့်နားခါ နာပုန်းဟို့နားနာပုန်းဟို့ ကာကွယ်ဟိုင် ဟိဘော်ဟောင်လောဒ့်ဘွာလ်ဝိုက်နောက်ခေါမ် ဆဆော်ကော့စူး။ 12ဟိဘော်ဟိုင်ရိုးနောက်ဟိုဝေါလ်စေး အင်မ်အချိန်ငေါလ် နာင်မီးနား ဟိဘော် ဟောင်လောဒ့်အိုက်နောက်ခေါမ် ဉာဏ်အလင်းတော်နား အဆောင်ပက်တိုက်” တိရို အမိန့်။
မိုက်မဲတိဆထီး ပုံဥပမာ
13အင်မ်ပါလ်နောလ် ခေါင်ထုပရိသတ်လှီ့ဒုလ့်ကာလ်ကိ ပွလ်ဟှတ်နား “ဆလော်ဝြား၊ ကေးပေါလ်နား အတောဒ့်ဟိလ့်ခေါမ် မှေဖဲ့ပက်ဟိုင် ကေးသာဦးဝေါလ် ဟောင်ပက်မိုဝြား” တိရို ကိုယ်တော်ဝေါလ် အလျှောက်။
14ကိုယ်တော်နားခါ “ခီပွီယား၊ နာင်လား နာင်သာဦးကီကိုယ်ဝေါလ် မှလ်ဖဲ့ပက်ဟိုင် တရားသူကြီးအခွင့်အာဏာ ဟအူနား ကေးရိုးအပက်” တိရို အမိန့်ဘွာလ်။ 15အင်မ်ပါလ်နောလ် ကိုယ်တော်ယေရှုနား ခေါင်ထုအောလ် “အီဘောင်တွက်ကာလ်ခါ လောဘလန်ကော့စူး။ ဟိဘော်ဟိုင်ရိုးနောက်ဟိုဝေါလ်စေး နာင်မီး ဘဝတန်ဖိုးနောက်ခေါမ် နာင်မီး ပိုင်ခေါမ် ဥစ္စာလှီ့အောလ် မူတည်ခေါမ်ဆီးယော်” တိရို အမိန့်။
16အင်မ်ပါလ်နောလ် ကိုယ်တော်ယေရှုနား ခေါင်ထုအောလ် ပုံဥပမာဓေါလ် အမိန့်ခေါမ်စေး “ဟမာလ် ဆထီးပွလ်ဟှတ် လိုင်ရိုး အဌေ့လှီ့ပူနူး အဌေးခန်းနောလ် 17အင်မ်နား ‘ထိင်းဌေ့လှီ့ ကေတောဒ့်နောက်ဟိုင် မယ်ယခန်းနောလ် ဟိဘော် ကေစိုင်းလောဒ့်အိုက်’ တိရို အစဉ်းစား။
18အင်မ်ပါလ်နောလ် အင်မ်နား ဟိဘော် ကေစိုင်းလောဒ်အိုက်နောက်ခေါမ် ကေစုတ်င်ပါလ်။ တုအောလ်မယ်တိ ဖိတ်လှီ့ဖျက်ဘွာလ်ထေ့နား အလန်တိဖိတ်လှီ့ ကေဆောက်ဘွာလ်ဝိုက်။ အင်မ်ဒုလ့်ကာလ် အဌေ့ပွန်တိလှီ့လား အစွာကေပိုင်ခေါမ်လှီ့ ကေတောဒ့်ကိုက်။ 19အင်မ်ပါလ်နောလ် အင်မ်နား ကေးစငေါလ် ခုကုမ်ပူနူးတွက် လုံလောက်တိ ပွန်တိလှီ့ကိမ်ကိမ် ကေတာဒ့်ပါလ်ခန်းနောလ် တုအောလ်ကထုစအယ်နား ကေအူဝိုက်၊ ကေအေရိုက်၊ ကေပျော်ဝိုက် တိရို အစဉ်းစား။
20အင်မ်ဘော်နားခါ ဖုလော်ရှင်နား အင်မ်နောလ် ‘နာင်နောက်ခေါမ် ခေါင်မိုက်ယောင်။ တုမီ နာင် နာဘာလ့်လောဒ့်အိုက်။ အင်မ်ဘော်ခန်းနောလ် နာင်စုဆောင်းခေါမ်လှီ့ ဟအူနားအလောဒ့်အိုက်’ တိရို အမိန့်။
21ဆုမ်သပ့်ကာလ် ပုန်းဟို့တွက် ပစ္စည်းဥစ္စာလှီ့ စုဆောင်းနားခါ ဖုလော်ရှင် အမှုတော်ဆောင်နောက်ကာလ် ပုန်းဟို့ ပစ္စည်းဥစ္စာလှီ့ အသုံးချခွတ်ယတိလှီ့ ခမ်းလောဒ့်ဟိုင်ရိုးအထောလ်” တိရို အမိန့်။
ဆဆော်ကော့စူး
(ရှင်မဿဲ ၆:၂၅-၃၄)
22အင်မ်ပါလ်နောလ် ကိုယ်တော်ယေရှုနား အတပည့်လှီ့အောလ် “အင်မ်ခန်းနောလ် နာင်မီးရိုး ဟောင်ဟိုင်ကေလီခေါမ်စေး နာင်မီး ဆောက်င်ဟင်ဟိုင်တွက် ဟအီ အေလောဒ့်အိုက်၊ ဟိဘောင် ဝီဝေလောဒ့်အိုက်နောက်ခေါမ်ခါ ဆဆော်ကော့စူး။ 23ဟိဘော်ဟိုင်ရိုးနောက်ဟိုဝေါလ်စေး ဆောက်င်ခေါမ် အေအော့တ်ထောက်ကာလ် အရေးကြီးဘော် ပုန်းခါ ဆူဆောက်ထက်ကာလ် အရေးကြီး။ 24ဟိုးလှီ့ ဓေါ့်ဝေါလ်။ အင်မ်လှီ့နား အီခါလိမ်ဘော်ဟ၊ အီခါယိုင်းယော်ဟ။ အင်မ်လှီ့နား ထိင်းဌေ့လှီ့ တောဒ့်နောက်ဟိုင်ခါ၊ ဖိစ့်လှီ့ခါ တောဝေယော်ဟ။ အင်မ်ဘော်နားခါ ဖုလော်ရှင်နား အင်မ်လှီ့အောလ် အေဟိုင်လှီ့အပက်။ နာင်မီးနောက်ခေါမ် အင်မ်ဟိုးလှီ့ထက်ကာလ် ပိုဝေနား တန်ဖိုးနာမ်လန်။ 25ဆဆော်ကော့စူး။ ဆဆော်ခေါမ်နား နာင်မီးဆောက်င် နာရီဟှတ်ဘောင်ကုံးခါ ပိုဝေနား ဆောင်းဟနောလ်စိုင်းခွတ်ယော်။ 26နာင်မီး နီဘောင် ကိစ္စလှီ့ကုံးခါ နာမ်တက်နိုင်ခွတ်ယဟိုဝေါလ်စေး တစွာကိစ္စလှီ့တွက် ဟိဘော်ဟိုင်းရို နာမ်ဆဆော်။
27ဒိုင်းဒုလ့်ကာလ်ကိ ပါဘာစိုးလှီ့ ဓေါ့်ဝေါလ်။ အင်မ်လှီ့နား အလုပ်ခါလုပ်ယော်ဟ။ တို့ခါတောက်ယော်ဟ။ နာင်မီးရိုး ကေဟောင်ဝိုက်။ ဟမာလ်မယ်ဟိလ့်တိ တပြင်းကုံး ဘုန်းတန်ခိုးအာဏာလန်တိ ဆောင်ဖလောင်ရှောလမုန် ဆူဆောက်လှီ့ကုံးခါ အင်မ်ဒိုင်ဒုလ့်ကာလ်ကိ ပါစောလှီ့ဟို့ခါ ပွန်ယေယော်။ 28အို ယုမ်ကြည်ချက် နည်းတိလှီ့အား၊ ဖုလော်ရှင်နား တုနှိုပ်ပါထေ့နား အထာနှိုပ်ဟှတ်တောလ် မေးဒုလ့်ကာလ် ဆီခေါမ်ခံလောဒ့်ဟိုင် တောရ်ဒုလ့်ကာလ်ကိ ပါဘာကုံးခါ ပွန်ယေဟနောလ် အဖန်ဆင်းပက် နောက်ဟိုဝေါလ်စေး နာင်မီးတွက်နောက်ဟိုစေး ဖုလော်ရှင်နား ပိုဝေနား ဖန်ဆင်းပက်တိုက်ဆီးယော်ဝြာ။ 29အင်မ်ခန်းနောလ် နာင်မီးနား ဟအီကာမ်အေလောဒ့်အိုက်၊ ဟအီကာမ်အူးလောဒ့်နောက်ခေါမ် ဆဆော်ကော့စူး။ အင်မ်လှီ့တွက် ဆဆော်ကော့စူး။ 30ဟိဘော်ဟိုင်ရိုးနောက်ဟိုဝေါလ်စေး ဖုလော်ရှင် ယုမ်ကြည်ယတိလှီ့နားယောင် နီလှီ့တွက် အာမ်ဆဆော်လောဒ့်။ နာင်မီး ပေါလ်ဖုလော်ရှင်နား နာင်မီးနား နီလှီ့ နာမ်လိုအပ်နောက်ခေါမ် အစုတ်င်။ 31အင်မ်ခန်းနောလ် ဖုလော်ရှင်သာသနာတော်တွက် ဦးစားပက်ထေ့နား စိုင်းဘွတ်စူး။ အင်မ်ဟိုဝေါလ်ယောင် နာင်မီး လီခေါမ်လှီ့ ဖုလော်ရှင်နား အဖြည့်ဆည်းပက်တိုက်” တိရို အမိန့်။
ဟြှားလုအောလ်ကိဘဏ္ဍာတိုက်
(ရှင်မဿဲ ၆:၁၉-၂၁)
32အထာကွန်ဟှတ် ကိုယ်တော်နား အတပည့်လှီ့အောလ် “#12:32 သိုးအုပ်စုလှီ့=ကိုယ်တော်နားတပည့်တော်လှီ့ ရည်ညွန်းထေ့နားအဟောင်ခေါမ်။သိုးအုပ်စုလှီ့အား၊ နာင်မီး ပေါလ်ဖုလော်ရှင်နား နာင်မီးရို အပုန်းဟို့ သာသနာတော် အပက်လောဒ့်ခေါမ်အလီခန်းနောလ် ကိကော့စူး။ 33နာင်မီးနား နာမ်တောဒ့်ကယ်ခေါမ် ပစ္စည်းလှီ့ ယီထေ့နား စါက်ကယ်တိလှီ့အောလ် ဒေါင်းဂိုလှူဘွတ်စူး။ နာင်မီးတွက် ဖန်ထေ့ယတိ ဒေါင်းဂိုအိတ်လှီ့ စိုင်းပက်ထေ့နား နာင်မီး ဥစ္စာရတနာလှီ့ သူခိုးလှီ့ခိုက်နောက်ယဓိလ်၊ ပိုးမွှားလှီ့နား အာမ်ဖျက်ဆီးခွတ်ယနောက် ဟြှားလုအောလ်ကိ ဘဏ္ဍာတိုက်ဒုလ့်ကာလ် သိမ်းဆည်းဘွတ်စူး။ 34ဟိဘော်ဟိုင်ရိုး နောက်ဟိုဝေါလ်စေး နာင်မီး လုန်လှီ့ခါ နာင်မီး ဥစ္စာဘဏ္ဍာတိုက် မယ်နောက်ကာလ်ယောင် အခိုက်ထေ့ခန်းနောလ်ထောလ်” တိရို အမိန့်။
သတိမယ်တိ အစေခံလှီ့
35ကိုယ်တော်နား ဆက်ကယ်နား အတပည့်လှီ့အောလ် “နာင်မီးနား ခါးပတ်မြဲဟနောလ်ပတ်အယ်ထေ့နား မေးအိမ်းတော်ဗာန် မင်္ဂလာဆောင်ပွဲရိုးကိ သခင်လူးဘွာလ်ဟိုင်အချိန် စောင့်တိအစေခံလှီ့ဘော် အဆင်သင့်မယ်ဘွတ်စူး#12:35 အင်မ်ခေတ်ရိုး ဂျူးခေါင်ယှီလှီ့နား ခီချင်းစိ ဆောင်းပိုးတိ ဝတ်ရုံလှီ့ အာမ်ဝီဝေဆော်။ အင်မ်လှီ့နောက်ခေါမ် လွတ်လွတ်လပ်လပ် ဈာတ်ရောခ့်ခွတ်ဟိုင်တွက် ဝတ်ရုံတင်ငယ်ထေ့နား ဝတ်ရုံခေါမ် ကမ်မာလ် ခါးပတ်အောလ် အာမ်ပတ်အေ။။ 36အင်မ်ဟိုဝေါလ်ယောင် သခင်ခေါမ် အလူးဘွာလ်ထေ့နား ဆောလ့်အခေါက်ဟိုဝေါလ် အင်မ်တွက် ချက်ချင်းဆောလ့်ဖွင့်ပက်ခွတ်ကိုက်။ 37သခင် အလူးဘွာလ်ဟိုင်ချိန်စိ သတိဓေါလ်စောင်တိ အစေခံလှီ့ အာမ်ခူလ်ပွန်။ နာင်မီးရိုး အမှန်ဟောင်ဟိုင်ကေလီခေါမ်စေး သခင်နား ခါးပတ်အယ်ဗာန် အစေခံလှီ့ ငွာဆောက်ထေ့နား အေအောတ်လှီ့ အကျွေးမွေးရိုက်။ 38သခင် အမီဝေါလ်ခါဆီးဆတ်၊ ခူဝြာလာမ်းမာလ်ခါဆီးဆတ် အလူးဘွာလ်ဟိုဝေါလ် အဆင်သင့်မယ်တိလှီ့ အစေခံလှီ့ အမှူးလူးနားစေး အင်မ်အစေခံလှီ့ အာမ်ခူလ်ပွန်။ 39ကိုယ်တော်နား အတပည့်လှီ့အောလ် အထာပုံဥပမာဓေါလ် အမိန့်ခေါမ်စေး အိမ်မို့နား သူခိုးအလူးဟိုင်အချိန် အစုတ်င်နားစေး အပုန်းဟို့အိမ်း ဖောက်ထွင်းခွင့်ပေးဟိုင်ဆီးယော်။ 40အင်မ်ခန်းနောလ် အချိန်မရွေး အဆင်သင့်မယ်ဘွတ်စူး။ ဟိဘော်ဟိုင်ရိုးနောက်ဟိုဝေါလ်စေး ခေါင်စိုးနောက်ခေါမ် နာင်မီး မျှော်လင့်ယခေါမ် အချိန်ငေါလ်အ ကြွလူးဘွာလ်ဝိုက်ခန်းနောလ်ထောလ်” တိရို အမိန့်။
41အင်မ်ဟိုဝေါလ် ပေတရုနား ကိုယ်တော်ဝေါလ် “အရှင်ငါး၊ နီပုံဥပမာစေး ကေးမီးတွက် နာမိန့်ခေါမ်ငါ၊ ဆီးယနား ခေါင်တိုင်တွက် နာမိန့်ငါ” တိရို အဟိ့။
42အင်မ်ဟိုဝေါလ် ကိုယ်တော်နား “အိမ်းမာလ်မယ်တိအစွာအစေခံလှီ့ အချိန်မှန် အေဟိုင်အောတ့်ဟိုင် ပြင်ဆင်ပက်ဟိုင် သခင်နား အခန့်ခေါမ် ဉာဏ်ပညာဓေါလ်ပြည့်စုံထေ့နား ဆတ်ဇော်မယ်တိ အစေခံစေး ဟအူ။ 43သခင် အလူးဘွာလ်ဟိုဝေါလ် အင်မ်ဘော်စိုင်းခေါမ် သခင်နားအမှူးလူးခေါမ် အစေခံစေး အခူလ်ပွန်ရိုက်။ 44နာင်မီးရိုး အမှန်ဟောင်ဟိုင်ကေလီခေါမ်စေး၊ သခင်နား အပုန်းဟို့နား အတောဒ့်ကယ်ခေါမ် ပစ္စည်းဥစ္စာလှီ့ခါ အင်မ် အစေခံရိုး အပ်ထေ့နား ထိန်းသိမ်းဆောက်ကိုက်။ 45အင်မ်ဘော်နားခါ အင်မ်အစေခံနား သခင်အလူးဘွာလ်ဟိုင် အဓီဟာမ်းမိုက် တိရို ခိလ်ထေ့နား အစွာအစေခံ မုတော၊ ပုတောလှီ့ကိမ်ကိမ် အူဗာန်အေဗာန် အမယ်ဟိုဝေါလ်စေး 46သခင်ခေါမ် အင်မ်အစေခံနား မျှော်လင့်ယခေါမ်အချိန်ငေါလ် အခိုက်လူးဘွာလ်နားစေး အင်မ်နောလ် ပြင်းထန်တိ အပြစ်ပေးထေ့နား ဆက်ဇော်မယ်ယတိလှီ့ဓေါလ် ဟှတ်တောလ် အတောဒ့်ကိုက်။
47သခင် လီခေါမ်စူးဗာန် အဆင်သင့်ပြင်ဆင်ခေါမ် မယ်ကော်၊ ဆီးယနား သခင်လီခေါမ်ဘော်စိုင်းခေါမ်မယ်ယတိ အစေခံ အပြစ်ပူနူးပက်ခေါမ် ခံလောဒ့်အိုက်။ 48သခင်လီခေါမ် စူးကော် အပြစ်ပက်တိုက်ခေါမ်လှီ့စိုင်းတိအစေခံစေး အပြစ်မက်စောယောင် ခံလောဒ့်အိုက်။ ပူနူးပက်ခေါမ်ခံလောဒ့်တိစေး ပိုဝေနား တောင်ခေါမ်ခံလောဒ့်အိုက်။ ပိုဝေနား ယုမ်ကြည်မှု ပူနူးပက်ခေါမ်ခံလောဒ့်တိစေး ပိုဝေနားမျှော်လင့်ခေါမ် ခံလောဒ့်အိုက်” တိရို အမိန့်။
ကိုယ်တော်နားကွဲပြားဟနောလ်အစိုင်းခေါမ်
(ရှင်မဿဲ ၁၀:၃၄-၃၆)
49ဆက်ကယ်နား ကိုယ်တော်နား “ကေးနောက်ခေါမ် ခေါင်လှီ့အပြစ်ဒုစရိုက်လှီ့ တရားစီရင်ဟိုင်လား ခေါင်လှီ့ခွဲခြားဟိုင်တွက် နီဆုမ်သပ့်ကာလ် ကေလူးယောင်။ အင်မ်တရားစီရင်ခေါမ် တုအောလ်စအယ်ပါလ်ဟိုင်ကုံးခါ ကေလီ။ 50အင်မ်ဘော်နားခါ ကေးနား အဓီလှောင်နောလ် နီလှီ့ထောလ်လှောင်နောလ် ဆိတ်လှီ့ဓေါလ် သွီးဓေါလ်သန့်စင်ခေါမ်ကေခံလောဒ့်ဟာမ်းမိုက်။ အင်မ်လှီ့ ကာဟာမ်းယဝှေ့ ကေးလုန်နောက်ခေါမ် ဆိတ်အခမ်းလောဒ့်ဟာမ်းမိုက်။။ 51ကေးနောက်ခေါမ် နီဆုမ်သပ့်ကာလ် ငြိမ်းချမ်းရေးလူးဝေ တိရို နာမ်ခိလ်နာ။ အင်မ်ဘော်ဆီးယော်။ ခေါင်လှီ့ ခွဲခြားဟိုင်ရိုး ကေလူးခေါမ်ယောင်။ 52ဟိဘော်ဟိုင်ရိုးနောက်ဟိုဝေါလ်စေး တုအောလ်ကထုစအယ်နား အိမ်းခုလော်ပွီ ပိုးဟိုရ်မယ်ဟိုဝေါလ် ကေးယုံယတိ ပိနှိဖွဲ့ဟှတ်၊ ပွလ်ထုမ်ဖွဲ့ဟှတ် ပွလ်ဟှတ်လားပွလ်ဟှတ် ဆန့်ကျင်ဖက်ကာလ် အာမ်ထောလ်နိုက်။ 53ပေါလ်လားစောပုတောစော၊ နူးလားစိုးမုတောစော စီးလန်နားနော(င်) ပွလ်ဟှတ်လားပွလ်ဟှတ် ဆန့်ကျင်ဖက်အာမ်ထောလ်နိုက်” တိရို အမိန့်။
ဟအီစိုင်းလောဒ့်အိုက်တိရိုစုတ်င်ခေါမ်
(ရှင်မဿဲ ၁၆:၂-၃)
54အင်မ်ပါလ်နောလ် ကိုယ်တော်ယေရှုနား ခေါင်လှီ့အောလ် “နာင်မီးနား အနှုလာမ်းမာလ် ခူးဆတ်လှီ့ကွန်ခေါမ် နာမ်မှူးဟိုဝေါလ် ခိုရို့အိုးလူးဝိုက်ဟိလ့် တိရို ချက်ချင်းနာမ်ဟောင်။ အင်မ်ဘော်ဝေါလ် ခိုရို့အအိုးလူး။ 55ခိုလောက်ခီ အလူးနားစေး ရာသီဥတုအလိန်ငိုက် တိရို ဟောင်ထေ့နား ဟောင်ဘော်တိုင်အထောလ်လူး။ 56ခေါင်ပွန်ဟန်ဆောင်တိလှီ့အား၊ နာင်မီး နေဟြှလ်လား သပ့်ဓေါ့်ထေ့နား မိုးလေဝသအခြေအနေ နာမ်စုတ်င်ခွတ်။ အင်မ်ဘော်နားခါ တုအောလ်ထောလ်တိ အမှုကိစ္စလှီ့အဓိပ္ပာယ် ဟိဘော်ဟိုင်ရိုး စူးခွတ်ယော်စူး။
57မှန်တိလှီ့စိုင်းဟိုင် နာမ်ပုန်းဟို့နားနာမ်ပုန်းဟို့ ဟိဘော်ဟိုင်ရိုး ဆုံးဖြတ်ခွက်ယော်စူး။ 58ပွလ်ဟှတ်ဟှတ်နား နာင်တရားစွဲထေ့နား တရားရုံးငေါလ်ပါနယ်နားစေး တရားရုံးခိုက်လှောင်နောလ်ကထု ပြဿနာကျေအေးဟနောလ် ဖြေရှင်းဘွတ်စူး။ အင်မ်ဘော် နာမ်စိုင်းရိုက်နားစေး တရားသူကြီးနား နာင်မီး အပြစ်မယ်တိရို သတ်မှတ်ထေ့နား ထောင်မှူးအောလ် အအပ်ပိုက်။ ထောင်မှူးနား နာင်မီး ထောင်အခေါက်ကိုက်။ 59နာင်မီးရိုးဟောင်လောဒ့်အိုက်နောက်ဟိုဝေါလ်စေး နာင်နား နာပက်ဟိုင်မယ်ခေါမ် လေလှီ့ကိမ်ကိမ် နာပက်ယမရှောင် ထောင်ဒုလ့်ကာလ်ကိ ထွက်လောဒ့်ဟိုင် ဆီးယော်တိ” တိရို အမိန့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.