ရှာန်လုကာ 7
7
အခန်း (၇)
တပ်မူးဟော်ဝါယုံကြည်သဘင်း
(ရှာန်မဿဲ ၈:၅-၁၃)
1ကိုယ်တော်ယေရှုကား အဘင်းအကြောင်းတေဒေ သမီဆာပရိတ်သတ်တာတ်တေ ဟောသကာ ဆွောန်သကာစီးမှါခ့်ခါ ကပေရနောင်မြို့ပါ လာန်ဟာန်းဘဲမှာ။ 2အန်ဘင်းမြို့ဘေ ရောမတပ်မူးဟော်ဝါ#7:2ရောမတပ်မူးဟော်ဝါ - ရောမတပ်မူးငှေါဘင်းနာကား ရောမစစ်တပ်ပေ စစ်ဆားပတ်နူဒေ အုပ်ချုပ်သထှာဘင်း ဟလာန်းစါတ်ထှာမှာ။ နင်းဘန်း ဟိန်ဘေ အကြီးကျယ်မစ်ထှာဘင်း အစေခံဟော်ဝါငှါမှာ။ အန်ဘင်းအစေခံကား အကြီးကျယ်တုံန်းကနာဟာဘန်းနာ ရှီးကူနိမ်ထှာနင်းမှာ။ 3အန်ဘင်းတပ်မူးကား ကိုယ်တော်ယေရှုဆတာန်းတေ သက်ပူမှါခ့်ခါ ဟိန်ကား ဂျူးသမီဆာဟလာန်းစါတ်စယ်ယာတေ ကိုယ်တော်ပါ တာတ်ပန်း ဟိန်အစေခံတေ ဒီဘန်း ကုသအီဒင် အကြီးကျယ်လျှောက်တာန် သစိန်းယုတ်အာန်မှာ။ 4အန်ဘင်းဆိတ်တာတ်ရီးဒါး ကိုယ်တော်ပါ ထုတ်အီဘန်း “အဘင်းတပ်မှုးကား ကိုယ်တော်ဘင်း အကူညီတေ လူထိုက်သဘင်းဆိတ်ထှာမှာ။ 5ဟမာန်တွာတ်ငှေါဘန်းတာတ်ငှေါ ဟိန်ကား အလေဂျူးသမီဆာအမျိုးတာတ်တေ မစ်ပန်း အလေနင်း ဓမ္မာရုံဟုတ်အာတေရီဒါး စာဘန်း လှူသပဲဘင်းဆိတ်ထှာမှာ” ညယ် လေးလေးနာတ်နာတ်လျှောက်တာန်သကြီးမှာ။
6အမှာတွာတ် ကိုယ်တော်ကား အန်ဘင်းဆိတ်တာတ်ယောက် လာန်ငါတ်မှာ။ ဟိန်ကား တပ်မူးကျေမ်းယောက် ထန်လားဘေထုတ်မှါခ့်ခါ တပ်မှုးကား ဟိန်မိတ်ဆွေစယ်ယာတေ တာတ်ပန်း ကိုယ်တော်ဒေ “အရှာန်၊ အရှာန်ငါကျေမ်းပါ ကြွဒီဘင်းနာကား ငါယောက်အထိုက်တန်သဘင်းအတွာတ် ပါန်ပန်းခံသဘန်း အကြွဒီဆာ။ 7အမှာတွာတ် ငါကိုယ်တိုင်ရီးဒါး အရှာန်ပါဒီဘန်း ကတုံန်ဒင်အတွာတ်ရီးဒါး ငါယောက်အထိုက်တန်သဝါးညယ် ထာန်သမှာ။ အမှာတွာတ် အရှာန်ငှါနင်းလားဟက် အမိန့်အီရာန်ဘန်းကား ငါအစေခံကား နင်းမဲဟာန်းရီကူ။ 8ငါအနိမ်ငှေါထှာဘင်းကား ငါရီး အထက်အရာရှိတာတ် လက်အောက်ပေငှါနိမ် ငါတွန်ဘေရီးဒါး စစ်ဆားတေ ကလောင်းတုံန်းငှါမှာ။ ငါကား စစ်ဆားဟော်ဝါတေ ‘လာန်’ ငှေါဘန်းကား ဟိန်လာန်ထှာဘန်း၊ တခြားစစ်ဆားဟော်ဝါတေ ‘ဒီ’ ငှေါဘန်းရီးဒါး ဟိန်ဒီထှာမှာ။ ငါအစေခံတေဒေ ‘အဘင်းနာအွန်’ ညယ် ငှေါဘန်းရီးဒါး အန်တာတ် အွန်ထှာမှာ” ညယ် လျှောက်တာန် သစိန်းယုတ်မှာ။
9အန်ဘင်းတူးဒေ ကိုယ်တော်ယေရှုသက်ပူမှါခ့်ခါ အကြီးကျယ်အံ့ဩသဘန်း ဟိန်ဟလိန်းဘေဒီယာတ်ပင်း သမီဆာတာတ်တေဒေ လှည့်သဘန်းယူဘန်း “ဟနိမ်တေ ငါငှေါကူ။ အစ္စရေးသမီဆာနောင်းဘေ အာနိမ်တုံန်းယုံကြည်သဘင်းတေ အကတုံန်ပတ်နွန်း” ညယ် မိန့်တော်မူသမှာ။ 10စီးမှါခ့်ခါ တပ်မှုးတာတ်နာန်ဘင်း ဆိတ်တာတ်ရီးဒါး ကျေမ်းပါထုတ်ခါန်းရီမှါခ့်ခါ အန်ဘင်းအစေခံကား လုံးလုံးစလားဘန်းနင်းဘင်းနာတေ ကတုံန်လူမှာ။
မုဆိုးမဆာတေအဆာတ်စားဟာန်းစိန်းဘင်း
11နောက်မာန်းရာတ်မှါခ့်ခါ ကိုယ်တော်ကား ဟိန်တပယ့်တော်တာတ်ယောက် နာဣနညယ်ကော်ဘင်းမြို့ပါ လာန်မှါခ့်ခါ သမီဆာကလောင်းတုံန်းရီးဒါး ကိုယ်တော်ယောက်အတူတူ ဒီရာတ်ကြီးမှာ။ 12ကိုယ်တော်ကား မြို့တံခါးဝပိုက်ပေ ထုတ်မှါခ့်ခါ ဟလောဝါရှာအလောင်းဒေ နွတ်ကူညယ် သမီဆာစယ်ယာကား ဖဲဘန်း မြို့ပြာန်ပါ လာပူကြီးရီမှာ။ ဟိန်ကား ဟော်ဝါဆာငှါဘင်းဆာထှာဘန်း ဟိန်အမယ်ကား မုဆိုးမဟော်ဝါထှာမှာ။ မြို့ဘင်းသမီဆာတာတ်ရီးဒါး အန်ဘင်းမုဆိုးမယောက်အတူတူ ရှီးဘင်းသမီဆာတေ ဆာတ်ကြီးမှာ။ 13အရှာန်ကား အန်ဘင်းအီးရှီဒေ ကတုံန်မှါခ့်ခါ ဟိန်ဒေ အကြီးကျယ်အစန်ဘန်းနာ “အဟပ်ဆာ” ညယ် မိန့်သမှာ။
14စီးမှါခ့်ခါ ကိုယ်တော်ကား အလောင်းစါန်ပိုက်ပေ လာန်ဘန်း အလောင်းစါန်တေ သဟူးယောက်ထိတာန်မှါခ့်ခါ အလောင်းစါန် ဖဲရီဘင်းဆိတ်တာတ်ကား ရပ်သကြီးရာန်မှာ။ အန်၌မှါခ့်ခါ ကိုယ်တော်ကား “ရှရှာ၊ နာန်တေငါငှေါကူ။ ရဲစိတ်” ညယ် မိန့်တော်မူသမှာ။ 15အန်၌မှါခ့်ခါ ရှီးနင်းဘင်းဆိတ်ကား ချတ်ချန်းရဲဘန်းထုံးငါန်ဘန်း စသဘန်းတူးသပေါက်အာန်မှာ။ ကိုယ်တော်ယေရှုကား ဟိန်ဒေ ဟိန်အမယ်ပါပြန်သဘန်း အပ်တာန်မှာ။
16သမီဆာတာတ်ကား အကြီးကျယ်အံ့ဩသကြီးဘန်းနာ “အလေဘေ မြင့်မြတ်သဘင်း ပရောဖက်ဟော်ဝါ ပေါ်ဒီဘန်း။ ဘုရားရှာန်ကား ဟိန်သမီဆတာတ်တေ ကူညီသဒင် ထုတ်အီဘန်း” ညယ် ဘုရားရှာန်ဒေ ချီးမွမ်းသကြီးမှာ။ 17ကိုယ်တော်ယေရှုယောက် ပတ်သက်သဘင်း အဘင်းဆတာန်းတေကား ယုဒပြေသခွာမ်ယောက် အန်ဘင်းပိုက်ပင်း ပြေတစ်ခွာမ်လုံး နှံ့သလာန်ဘဲမှာ။
ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်အကြောင်းတေ ငှေါဘင်း
(ရှာန်မဿဲ ၁၁:၂-၁၉)
18စီးမှါခ့်ခါ ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ဘင်း တပယ့်တာတ်ကား ကိုယ်တော်ယေရှုအွန်နင်းဘင်း အကြောင်းအရာတေဒေ ယောဟန်နင်း ငှေါကာရာန်မှာ။ အမှာတွာတ် ယောဟန်ကား တပယ့်ကလိန်းဟူးတေ ကော်ဘန်း 19အရှာန်ပါတာတ်ပန်း “အရှာန်ကား ကြွဒီကူငှေါဘင်းဆိတ် ချီလဲ အန်နိမ်အချီညယ် အလေကား တခြားဟော်ဝါဟော်ဝါတေ ဒဲထှာယုတ်ကလဲ” ညယ် စိန်ယူစိန်းယုတ်မှာ။
20အန်ဘင်းဆိတ်တာတ်ကား ကိုယ်တော်ယေရှုပါ ထုတ်ကြီးရီမှါခ့်ခါ “ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ကား အလေတေ အရှာန်ပါတာတ်ပန်းနာ ‘အရှာန်ကား ကြွဒီကူငှေါဘင်းဆိတ် ချီလဲ အန်နိမ်အချီညယ် အလေကား တခြားဟော်ဝါတေ ဒဲထှာယုတ်ကလဲ’ ညယ် စိန်ယူစိန်းယုတ်အီမှာ” ညယ် လျှောက်တာန်သကြီးမှာ။
21အန်ကားအချိန်ဘေ ကိုယ်တော်ယေရှုကား ရောဂါဆယ်တေ၊ ကနာဟာဘင်းဆိတ်တာတ်ယောက် အမဲဘင်းနနူ ကပ်ခံသနင်းထှာဘင်းဆိတ်တာတ်တေ ကုသအီဘန်း မိတ်တူရှီအကတုံန်ဟာဘင်း ဆိတ်တာတ်တေဒေရီး မိတ်တူရှီကတုံန်လူကွန်း ကုသအီမှာ။ 22စီးမှါခ့်ခါ ကိုယ်တော်ကား ယောဟန်တပယ့်တာတ်တေ “ဟနိမ်ကတုံန်ကြီးရီ သက်ပူကြီးရီဘင်းတေဒေ ယောဟန်ပါလာန်ဘန်း ငှေါဟာန်းကြီးရာန်။ မိတ်အကတုံန်ဘင်းဆိတ်တာတ်ရီးဒါး မိတ်တူရှီကတုံန်ဟာဘန်း။ တာအမဲဘင်းဘင်းဆိတ်တာတ်ရီးဒါး လမ်းဟာရန်ဆွန်ဘန်း။ ကမာတုံန်းရောဂါဆယ်တာတ်ရီဒါး ရောဂါကယာဆွန်ဘန်း။ ကနားကျယ်ဘင်းဆိတ်တာတ်ရီးဒါး သက်ပူဟာဆွန်ဘန်း။ ရှီးဘင်းဆိတ်တာတ်ရီးဒါး စားဟာန်းဆွန်ဘန်း။ ဆာန်းရဲသဘင်းဆိတ်တာတ်ရီးဒါး ဆတာန်းမလဲဒေ မိန်းရှာတ်ခါကြီးဆွန်ဘန်း။ 23ငါတေ ဆာတ်သဘန်း ယုံကြည်သဘင်းဆိတ်တာတ်ကား ဘုရားရှာန်မန်းအီလားတေ ခံသထှာကူ” ညယ် မိန့်တော်မူသမှာ။
24ယောဟန်တပယ့်တေ လာန်ဟာန်းကြီးမှါခ့်ခါ ကိုယ်တော်ယေရှုကား ယောဟန်အကြောင်းဒေ သမီဆာတာတ်နင်း ငှေါကာမှာ။ ကိုယ်တော်ကား “ဟနိမ်ကား သမီဆာထုတ်လားစစ်ပင်းအရပ်ပါ ဟာဘင်းနာတေဒေယူဒင် လာန်ကြီးတေ။ ဟလာန်းမွန်လားပါ ယိမ်းသနင်းဘင်း ကျူကလွုန်တေဒေရဲ။ 25အန်နိမ်အချီဘန်းကား ဟာဘင်းနာတေ ယူဒင်ပူလာန်ဘဲကြီးတေ။ ဈေးတုံန်းဘင်းဆာန်ဆုန်တေဒေ နိတ်ပဲဘင်းဆိတ်တေရဲ။ အန်နိမ် ဈေးတုံန်းဘင်းနာတေနိတ်ပဲဘန်း စည်းစိမ်ခံစားဒနင်းဘင်းဆိတ်တာတ်တေ ရှာန်းပလာန်နန်းတော်ဘေ၌ဆာ ကတုံန်လူကလား။ 26အန်နိမ်အချီဘန်းကား ဟာဘင်းတေ ကတုံန်ကာတ်ခွန် ပူလာန်ဘဲကြီးတေ။ ပရောဖက်ဟော်ဝါတေရဲ။ ချီမှာ။ ယောဟန်ကား ပရောဖက်ဟော်ဝါထှာမှာ။ အန်နိမ်စါန်းငှေါဒီ ဟနိမ်တေ ငါငှေါကာတ်ပင်းနာကား ယောဟန်ကား ပရောဖက်တာတ်နောင်းဘေ ကြီးမြတ်သဘင်းဆိတ်ထှာမှာ။ 27ဟလိန်းပါမှါခ့်ခါ ပရောဖက်ဟော်ဝါ ကျမ်းကျိန်းဘေ ရေးသပဲဘင်း
‘ငါကား ငါဘင်းစေတမန်တေ နာန်ထာတ်အရာတ် တာတ်ကူ။
ဟိန်ကား နာန်ဘင်းလမ်းတေ အဆာန်တာန့်ပြာန်ဆာန်သအီကူ’ အကြောင်းကား ယောဟန်အကြောင်းထှာမှာ။
28ဟနိမ်တေငါငှေါကူ။ အီးရှီတာတ်ဟက် ပန်နီဘင်းဆိတ်တာတ်ပေ ယောဟန်ထာတ် ကြီးမြတ်သဘင်းဆိတ် ဟော်ဝါစဲ အဘိုဝါး။ အန်နိမ်စါန်းငှေါဒီ ဘုရားရှာန်ဘင်းသာသနာတော်နောင်းဘေ အရေးအပါသဘင်းဆိတ်စဲ ယောဟန်ထာတ် ပိုသောကြီးမြတ်သမှာ” ညယ် မိန့်တော်မူသမှာ။
29ယောဟန်ဘေ ဝဲငွတ်ပင်းမာန်းဂလာအွန်ကြီးရီဘင်း အခွန်ကွန်ဘင်းဆိတ်တာတ်ယောက် သမီဆာကလောင်းတုံန်းတာတ်ကား ကိုယ်တော်ဘင်းတူးဒေ သက်ပူကြီးမှါခ့်ခါ ဘုရားရှာန်ဘင်း လမ်းစဉ်ကား ချီမှာငှေါဘင်းတေ ပြန်သဘန်း ဝန်ခံသကြီးမှာ။ 30အန်နိမ်စါန်းငှေါဒီ ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား ယောဟန်ဘေ ဝဲငွတ်ပင်းမာန်းဂလာ အွန်ကြီးဒင်အတွာတ် ငြာမ်းသကြီးရီမှာ။ ဟမာန်တွာတ်ငှေါဘန်းတာတ်ငှေါ အန်တာတ်ကား အန်တာတ်အတွာတ်ထှာဘင်း ဘုရားရှာန် အကြံအစည်တေဒေ ငြာမ်းသကြီးရီဘင်းအတွာတ်ထှာမှာ။
31စီးမှါခ့်ခါ ကိုယ်တော်ကား ဆာတ်သဘန်း “အရာတ်ခေတ်ပင်း သမီဆတာတ်တေ ငါ ဟမာန်ယောက်နှိုင်းသထှာကူတေ။ အန်တာတ်ကား ဟမာန်ယောက်တူသကြီးတေ။ 32အန်တာတ်ကား ဈေးနောင်းဘေထုံးဘန်း
‘အလေကား ဟနိမ်အတွာတ် ပုလွေတွန်ကာဒီဒါး
ဟနိမ်အကသကြီးရား။
အလေ ဟပ်ခါဘင်း တေချန်းကျယ်ဒီဒါး
ဟနိမ်အဟပ်ကြီးရား’ ညယ် အချန်းချန်း ဟာတ်ပန်းငှေါနင်းကြီးဘင်း ရှရှာတေယောက် တူသမှာ။
33ဟမာန်တွာတ်ငှေါဘန်းတာတ်ငှေါ ယောဟန်ကား ပေါင်မုန့်ဒေရီးအယုတ် မူးသဟာဘင်း စပျစ်ဝိုင်ဒေရီးအအူညယ် ဒီဟာန်းလာန်ဟာန်းအွန်နင်းဘန်းရီးဒါး ဟနိမ်ကား ‘ဟိန်ဘေ အမဲဘင်းနနူ ကပ်ပန်းနင်းမှာ’#7:33 ယောဟန်ကား ကုတ်ကဲနနူယောက် ပုတ်ခါးဘင်း တုံန်းငွန်းဝလဲဒေ ပန်းနူပန်းနာယုတ်မှာ။ မာ ၁:၆ ညယ်ငှေါကြီးမှာ။ 34အန်ကားအပြာန် သမီဆာဆားတော်ကား ယုတ်ပန်း၊ အူပန်း ဟာနင်းဘန်းရီးဒါး ဟနိမ်ကား ‘အန်ဘင်းဆိတ်တေ ယူကြီး။ ဟိန်ကား ယုတ်လားလောဖားတုံန်းဘင်းဆိတ်၊ မူးသဟာဘင်းစပျစ်ဝိုင်တေ အူဘင်းဆိတ်၊ အခွန်ကွန်ဘင်းဆိတ်တာတ်၊ အပြစ်ဆားတေယောက် ပဟာန်းအွန်ဘန်းနင်းဘင်းဆိတ်ထှာမှာ’ ညယ် ငှေါဟာန်းကြီးမှာ။ 35အန်နိမ်စါန်းငှေါဒီ ဘုရားရှာန်ဉာဏ်ပညာကား ချီမှာငှေါဘင်းတေ ဟိန်ဒေလက်ခံသဘင်းဆိတ်တာတ်ဟက် တစ်ဆာန့် သက်သေကာနင်းမှာ” ညယ်မိန့်တော်မူသမှာ။
အပြစ်လွောမ်ဘင်း အီးရှီဒေခွာမ်းလွှတ်သဘင်း
36စီးမှါခ့်ခါ ရှိမုန်ညယ်ကော်ဘင်း ဖာရိရှဲဟော်ဝါကား ကိုယ်တော်ယေရှုတေ ဟိန်ယောက်အတူတူ နာတ်ကြယ်အသားယုတ်တင်ပါမ်းဒါန်မှာ။ အမှာတွာတ် ကိုယ်တော်ကား အန်ဘင်းဖာရိရှဲကျေမ်းဘေ လာန်ဘန်း ယုတ်ကူညယ် စားပွဲဘေထုံးငါန်မှာ။#7:36 မူရင်းကျမ်းဘေကား “တာပေါဘန်း” ညယ် ရေးသပဲမှာ။ ပထမရာစု အရှေ့အလယ်ပိုင်း သမ္မာကျမ်းကျိန်းခေတ်ပေ ယုတ်တင်အူဒင်တေယုတ်မှါခ့်ခါ စားပွဲမန်းဘေ ထုံးဘန်းယုတ်ပင်းအလေ့အဘိုဝါး။ စားနူစားနာစေါက်ပေ အန်နိမ်အချီ တခြားဟော်ဝါစေါက်ပေ အင်ဘန်း ညာပါဘင်းသဟူးယောက် ယုတ်နင်းမှါခ့်ခါ အန်တာတ်ပင်း ဘယ်ပါဘင်းတံတောင်ဒေ တာယောက်အတူတူ စားပွဲဘေးပါ ပေါဘန်းပဲကြီးမှာ။ 37အန်ဘင်းမြို့ဘေ အမဲဘင်းတေအွန်ဘန်းနင်းဘင်း အီးရှီဟော်ဝါငှါမှာ။ အီးရှီးကား ဖာရိရှဲကျေမ်းဘေ ကိုယ်တော်နာတ်ကြယ်အသား ယုတ်ပန်းနင်းမှာငှေါဘင်းတေ သက်ပူမှါခ့်ခါ အကြီးကျယ်ဈေးတုံန်းဘင်း သွန်းဘင်းဆလောပလာန်းဒေလာဘန်း အန်ဘင်းဘေဒီမှာ။ 38စီးမှါခ့်ခါ အီးရှီကား ကိုယ်တော်ဟလိန်းပါလာန်ဘန်း တာပိုင်းဘေစပ်ပန်း ဟပ်ပန်းနင်းမှာ။ ဟိန်ဘင်းမိတ်ဝဲတေကား ကိုယ်တော်တာဘေ စွတ်နာန်ဘင်းအတွာတ် ဟိန်ဟလာန်းဟူးယောက် နွန်အီရာန်မှာ။ စီးမှါခ့်ခါ အီးရှီကား ကိုယ်တော်ဘင်းတာကလိန်းပိုက်တေ ဆတွန်းယောက်သွန်းဘန်းနာ သွန်းဘင်းဆလောယောက် ဘောအီရာန်မှာ။
39အန်၌မှါခ့်ခါ ကိုယ်တော်ဒေ ပါမ်းဒီဘင်းဖာရိရှဲကား အန်ဘင်းဒေ ကတုံန်ငါန်မှါခ့်ခါ “အဘင်းဆိတ်ကား ပရောဖက်ချီဘန်းကား ဟိန်ဒေထိသဘန်းနင်းဘင်း အီးရှီကား ဟာနိမ်အီးရှီ ထှာဘင်းနာတေ မိန်းရှာတ်ခါထှာကူ။ အန်ဘင်းအီးရှီကား အမဲဘင်းတေအွန်ဘန်းနင်းဘင်း အီးရှီထှာမှာ” ညယ် အဆေင်နောင်းဘေ တွေးသနင်းမှာ။
40စီးမှါခ့်ခါ ကိုယ်တော်ရီးဒါး အန်ဘင်းဖာရိရှဲတေ “ရှိမုန်၊ နာန်တေငါ ငှေါဒင်စားနူငှါမှာ” ညယ် မိန့်တော်မူသမှါခ့်ခါ ရှိမုန်ရီးဒါး “ငှေါဆဲ၊ အိုးဆကြီး” ညယ် ငှေါမှာ။
41ကိုယ်တော်ကား “ဖူးဟယ်အီဘင်း သမီဆာဟော်ဝါဘေ သမီဆာကလိန်းဟူး ဖူးဟယ်ကြီးမှာ။ ဟော်ဝါကား ဒေနာရီဒင်္ဂါးငါးရာ#7:41ဒေနာရီဒင်္ဂါး - အန်ဘင်းခေတ်မှါခ့်ခါ ဒေနာရီဒင်္ဂါး ပါတ်အာကား အလုပ်သမားဟော်ဝါ ရအာအွန်ဘင်းလုပ်အားခယောက် တူသဘင်း ဖူးထှာမှာ။၊ အနားဟော်ဝါကား ဒေနာရီဒင်္ဂါးငါးဆယ် အကြွေးတာန်သကြီးမှာ။ 42အန်တာတ်ကား အကြွေးရှာန်တေ ပြန်သဘန်း အအီဟာန်းရန်ဘင်းအတွာတ် အကြွေးရှာန်ကား အန်တာတ်ကလိန်းဟူးစလုံးတေ ‘အန်တာတ်ဟယ်ပဲဘင်း အကြွေးတေဒေ ပြန်သဘန်းအီဟာန်းဒင် အလိုသဘန်း’ ညယ် ငှေါရာန်မှာ။ အရာတ်ငါတေ ငှေါကြီး။ အန်တာတ်ကလိန်းဟူးနောင်းဘေ ဟာဟမဲကား အကြွေးရှာန်တေ ပိုသောကျေးဇူးတာန်သကူတေ” ညယ် စိန်ယူရာန်မှာ။
43ရှိမုန်ကား “ဖူးပိုသောဟယ်ပဲဘင်းဆိတ်ကား ပိုသဘန်းကျေးဇူးတာန်သကူ” ညယ် ငါထာန်သမှာ။ ကိုယ်တော်ယေရှုရီးဒါး “နာန်ထာန်သလား ချီမှာ” ညယ် မိန့်သမှာ။
44စီးမှါခ့်ခါ ကိုယ်တော်ကား အီးရှီပါ လှည့်တာန်ဘန်းနာ ရှိမုန်ဒေ “အဘင်းအီးရှီတေ နာန်ကတုံန်လဲ။ ငါကား နာန်ကျေမ်းဘေ ကြွဒီမှါခ့်ခါ နာန်ကား ငါတာဒေဆင်ဒင် ဝဲအအီရီဒီဒါး ဟိန်ကား ငါတာဒေ ဟိန်မိတ်ဝဲတေယောက် ဖောအီဘန်း#7:44 ဂျူးသမီဆာတာတ်ဓလေ့ဘေ ဧည့်သည်တာတ်တေ တာဖောဒင် ဝဲအီဟာဘင်း ဓလေ့ငှါမှာ။ ဟိန်ဟလာန်းဟူးယောက် နွန်အီရီမှာ။ 45နာန်ကား ငါကြွဒီမှါခ့်ခါ ငါတေဆတွန်းယောက် သွန်းဘန်းအကြိုဒီရား။ အန်နိမ်စါန်းငှေါဒီ ဟိန်ကား ငါဆာန်ရီမှါခ့်ခါဟက် ငါဘင်းတာဒေ အဆက်အပြတ်သောညယ် ဆတွန်းယောက်သွန်းရီမှာ#7:45အန်ဘင်းအဓိပ္ပာယ်ကား ပုံမှန်အတိုင်း ဂျူးသမီဆာဓလေ့ဘေ ဟော်ဝါယောက်ဟော်ဝါ နှုတ်ဆာတ်သကြီးဘန်းကား လပါမ် အန်နိမ်အချီ ကတူတေ သွန်းဘန်း နှုတ်ဆာတ်သကြီးမှာ။ သဟူးဒေ ဆတွန်းယောက်သွန်းဘင်းနာကား အကြီးကျယ်ရိုသေသဘင်းတေ ကာလားထှာမှာ။။ 46နာန်ကားငှါဟလာန်းတေ သံလွင်ဆလောယောက်ဆစဲ ဘောဘန်းအအီရီဒီဒါး ဟိန်ကား အကြီးအကျယ်တန်ဖိုးငှါဘင်း သွန်းဘင်းဆလောယောက်ငါတာဒေ ဘောအီရီမှာ။ 47အမှာတွာက် နာန်တေ ငါငှေါကူ။ ဟိန်ဘင်း အမဲဘင်းအပြစ်ကလောင်းတုံန်း ခွာမ်းလွှတ်ခံသထှာဘန်းငှေါဘင်းနာတေ တုံန်းဘင်းဟိန်မေတ္တာတရားကား သက်သေကာဘန်းနင်းမှာ” ညယ် မိန့်တော်မူသမှာ။
48စီမှါခ့်ခါ ကိုယ်တော်ကား အန်ဘင်းအီးရှီဒေ “အမဲဘင်း နာန်အပြစ်ကလောင်းတုံန်းတေ ခွာမ်းလွှတ်သဘန်း” ညယ် မိန့်သမှာ။
49အန်၌မှါခ့်ခါ စားပွဲဘေ ကိုယ်တော်ယောက်အတူတူ ထုံးဘန်းနင်းဘင်း တခြားဘင်းဆိတ်တာတ်ကား “အမဲဘင်းအပြစ်တေဒေစဲ ခွာမ်းလွှတ်သရန်ဘင်း အဘင်းသမီဆာကား ဟာဟမဲကား” ညယ် အချန်းချန်း ငှေါနင်းကြီးမှာ။ 50အန်နိမ်စါန်းငှေါဒီ ကိုယ်တော်ယေရှုကား အန်ဘင်းအီးရှီဒေ “နာန် ယုံကြည်သဘင်းကား နာန်တေ ကယ်တာန်သဘန်းဟွန် ငြိမ်းငြိမ်းချမ်းချမ်း လာန်ရန်ဘန်း” ညယ် မိန့်တော်မူသမှာ။
Currently Selected:
ရှာန်လုကာ 7: ZKD
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.
ရှာန်လုကာ 7
7
အခန်း (၇)
တပ်မူးဟော်ဝါယုံကြည်သဘင်း
(ရှာန်မဿဲ ၈:၅-၁၃)
1ကိုယ်တော်ယေရှုကား အဘင်းအကြောင်းတေဒေ သမီဆာပရိတ်သတ်တာတ်တေ ဟောသကာ ဆွောန်သကာစီးမှါခ့်ခါ ကပေရနောင်မြို့ပါ လာန်ဟာန်းဘဲမှာ။ 2အန်ဘင်းမြို့ဘေ ရောမတပ်မူးဟော်ဝါ#7:2ရောမတပ်မူးဟော်ဝါ - ရောမတပ်မူးငှေါဘင်းနာကား ရောမစစ်တပ်ပေ စစ်ဆားပတ်နူဒေ အုပ်ချုပ်သထှာဘင်း ဟလာန်းစါတ်ထှာမှာ။ နင်းဘန်း ဟိန်ဘေ အကြီးကျယ်မစ်ထှာဘင်း အစေခံဟော်ဝါငှါမှာ။ အန်ဘင်းအစေခံကား အကြီးကျယ်တုံန်းကနာဟာဘန်းနာ ရှီးကူနိမ်ထှာနင်းမှာ။ 3အန်ဘင်းတပ်မူးကား ကိုယ်တော်ယေရှုဆတာန်းတေ သက်ပူမှါခ့်ခါ ဟိန်ကား ဂျူးသမီဆာဟလာန်းစါတ်စယ်ယာတေ ကိုယ်တော်ပါ တာတ်ပန်း ဟိန်အစေခံတေ ဒီဘန်း ကုသအီဒင် အကြီးကျယ်လျှောက်တာန် သစိန်းယုတ်အာန်မှာ။ 4အန်ဘင်းဆိတ်တာတ်ရီးဒါး ကိုယ်တော်ပါ ထုတ်အီဘန်း “အဘင်းတပ်မှုးကား ကိုယ်တော်ဘင်း အကူညီတေ လူထိုက်သဘင်းဆိတ်ထှာမှာ။ 5ဟမာန်တွာတ်ငှေါဘန်းတာတ်ငှေါ ဟိန်ကား အလေဂျူးသမီဆာအမျိုးတာတ်တေ မစ်ပန်း အလေနင်း ဓမ္မာရုံဟုတ်အာတေရီဒါး စာဘန်း လှူသပဲဘင်းဆိတ်ထှာမှာ” ညယ် လေးလေးနာတ်နာတ်လျှောက်တာန်သကြီးမှာ။
6အမှာတွာတ် ကိုယ်တော်ကား အန်ဘင်းဆိတ်တာတ်ယောက် လာန်ငါတ်မှာ။ ဟိန်ကား တပ်မူးကျေမ်းယောက် ထန်လားဘေထုတ်မှါခ့်ခါ တပ်မှုးကား ဟိန်မိတ်ဆွေစယ်ယာတေ တာတ်ပန်း ကိုယ်တော်ဒေ “အရှာန်၊ အရှာန်ငါကျေမ်းပါ ကြွဒီဘင်းနာကား ငါယောက်အထိုက်တန်သဘင်းအတွာတ် ပါန်ပန်းခံသဘန်း အကြွဒီဆာ။ 7အမှာတွာတ် ငါကိုယ်တိုင်ရီးဒါး အရှာန်ပါဒီဘန်း ကတုံန်ဒင်အတွာတ်ရီးဒါး ငါယောက်အထိုက်တန်သဝါးညယ် ထာန်သမှာ။ အမှာတွာတ် အရှာန်ငှါနင်းလားဟက် အမိန့်အီရာန်ဘန်းကား ငါအစေခံကား နင်းမဲဟာန်းရီကူ။ 8ငါအနိမ်ငှေါထှာဘင်းကား ငါရီး အထက်အရာရှိတာတ် လက်အောက်ပေငှါနိမ် ငါတွန်ဘေရီးဒါး စစ်ဆားတေ ကလောင်းတုံန်းငှါမှာ။ ငါကား စစ်ဆားဟော်ဝါတေ ‘လာန်’ ငှေါဘန်းကား ဟိန်လာန်ထှာဘန်း၊ တခြားစစ်ဆားဟော်ဝါတေ ‘ဒီ’ ငှေါဘန်းရီးဒါး ဟိန်ဒီထှာမှာ။ ငါအစေခံတေဒေ ‘အဘင်းနာအွန်’ ညယ် ငှေါဘန်းရီးဒါး အန်တာတ် အွန်ထှာမှာ” ညယ် လျှောက်တာန် သစိန်းယုတ်မှာ။
9အန်ဘင်းတူးဒေ ကိုယ်တော်ယေရှုသက်ပူမှါခ့်ခါ အကြီးကျယ်အံ့ဩသဘန်း ဟိန်ဟလိန်းဘေဒီယာတ်ပင်း သမီဆာတာတ်တေဒေ လှည့်သဘန်းယူဘန်း “ဟနိမ်တေ ငါငှေါကူ။ အစ္စရေးသမီဆာနောင်းဘေ အာနိမ်တုံန်းယုံကြည်သဘင်းတေ အကတုံန်ပတ်နွန်း” ညယ် မိန့်တော်မူသမှာ။ 10စီးမှါခ့်ခါ တပ်မှုးတာတ်နာန်ဘင်း ဆိတ်တာတ်ရီးဒါး ကျေမ်းပါထုတ်ခါန်းရီမှါခ့်ခါ အန်ဘင်းအစေခံကား လုံးလုံးစလားဘန်းနင်းဘင်းနာတေ ကတုံန်လူမှာ။
မုဆိုးမဆာတေအဆာတ်စားဟာန်းစိန်းဘင်း
11နောက်မာန်းရာတ်မှါခ့်ခါ ကိုယ်တော်ကား ဟိန်တပယ့်တော်တာတ်ယောက် နာဣနညယ်ကော်ဘင်းမြို့ပါ လာန်မှါခ့်ခါ သမီဆာကလောင်းတုံန်းရီးဒါး ကိုယ်တော်ယောက်အတူတူ ဒီရာတ်ကြီးမှာ။ 12ကိုယ်တော်ကား မြို့တံခါးဝပိုက်ပေ ထုတ်မှါခ့်ခါ ဟလောဝါရှာအလောင်းဒေ နွတ်ကူညယ် သမီဆာစယ်ယာကား ဖဲဘန်း မြို့ပြာန်ပါ လာပူကြီးရီမှာ။ ဟိန်ကား ဟော်ဝါဆာငှါဘင်းဆာထှာဘန်း ဟိန်အမယ်ကား မုဆိုးမဟော်ဝါထှာမှာ။ မြို့ဘင်းသမီဆာတာတ်ရီးဒါး အန်ဘင်းမုဆိုးမယောက်အတူတူ ရှီးဘင်းသမီဆာတေ ဆာတ်ကြီးမှာ။ 13အရှာန်ကား အန်ဘင်းအီးရှီဒေ ကတုံန်မှါခ့်ခါ ဟိန်ဒေ အကြီးကျယ်အစန်ဘန်းနာ “အဟပ်ဆာ” ညယ် မိန့်သမှာ။
14စီးမှါခ့်ခါ ကိုယ်တော်ကား အလောင်းစါန်ပိုက်ပေ လာန်ဘန်း အလောင်းစါန်တေ သဟူးယောက်ထိတာန်မှါခ့်ခါ အလောင်းစါန် ဖဲရီဘင်းဆိတ်တာတ်ကား ရပ်သကြီးရာန်မှာ။ အန်၌မှါခ့်ခါ ကိုယ်တော်ကား “ရှရှာ၊ နာန်တေငါငှေါကူ။ ရဲစိတ်” ညယ် မိန့်တော်မူသမှာ။ 15အန်၌မှါခ့်ခါ ရှီးနင်းဘင်းဆိတ်ကား ချတ်ချန်းရဲဘန်းထုံးငါန်ဘန်း စသဘန်းတူးသပေါက်အာန်မှာ။ ကိုယ်တော်ယေရှုကား ဟိန်ဒေ ဟိန်အမယ်ပါပြန်သဘန်း အပ်တာန်မှာ။
16သမီဆာတာတ်ကား အကြီးကျယ်အံ့ဩသကြီးဘန်းနာ “အလေဘေ မြင့်မြတ်သဘင်း ပရောဖက်ဟော်ဝါ ပေါ်ဒီဘန်း။ ဘုရားရှာန်ကား ဟိန်သမီဆတာတ်တေ ကူညီသဒင် ထုတ်အီဘန်း” ညယ် ဘုရားရှာန်ဒေ ချီးမွမ်းသကြီးမှာ။ 17ကိုယ်တော်ယေရှုယောက် ပတ်သက်သဘင်း အဘင်းဆတာန်းတေကား ယုဒပြေသခွာမ်ယောက် အန်ဘင်းပိုက်ပင်း ပြေတစ်ခွာမ်လုံး နှံ့သလာန်ဘဲမှာ။
ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်အကြောင်းတေ ငှေါဘင်း
(ရှာန်မဿဲ ၁၁:၂-၁၉)
18စီးမှါခ့်ခါ ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ဘင်း တပယ့်တာတ်ကား ကိုယ်တော်ယေရှုအွန်နင်းဘင်း အကြောင်းအရာတေဒေ ယောဟန်နင်း ငှေါကာရာန်မှာ။ အမှာတွာတ် ယောဟန်ကား တပယ့်ကလိန်းဟူးတေ ကော်ဘန်း 19အရှာန်ပါတာတ်ပန်း “အရှာန်ကား ကြွဒီကူငှေါဘင်းဆိတ် ချီလဲ အန်နိမ်အချီညယ် အလေကား တခြားဟော်ဝါဟော်ဝါတေ ဒဲထှာယုတ်ကလဲ” ညယ် စိန်ယူစိန်းယုတ်မှာ။
20အန်ဘင်းဆိတ်တာတ်ကား ကိုယ်တော်ယေရှုပါ ထုတ်ကြီးရီမှါခ့်ခါ “ဝဲငွတ်ပင်းမာန်းဂလာအွန်အီဘင်း အိုးဆကြီးယောဟန်ကား အလေတေ အရှာန်ပါတာတ်ပန်းနာ ‘အရှာန်ကား ကြွဒီကူငှေါဘင်းဆိတ် ချီလဲ အန်နိမ်အချီညယ် အလေကား တခြားဟော်ဝါတေ ဒဲထှာယုတ်ကလဲ’ ညယ် စိန်ယူစိန်းယုတ်အီမှာ” ညယ် လျှောက်တာန်သကြီးမှာ။
21အန်ကားအချိန်ဘေ ကိုယ်တော်ယေရှုကား ရောဂါဆယ်တေ၊ ကနာဟာဘင်းဆိတ်တာတ်ယောက် အမဲဘင်းနနူ ကပ်ခံသနင်းထှာဘင်းဆိတ်တာတ်တေ ကုသအီဘန်း မိတ်တူရှီအကတုံန်ဟာဘင်း ဆိတ်တာတ်တေဒေရီး မိတ်တူရှီကတုံန်လူကွန်း ကုသအီမှာ။ 22စီးမှါခ့်ခါ ကိုယ်တော်ကား ယောဟန်တပယ့်တာတ်တေ “ဟနိမ်ကတုံန်ကြီးရီ သက်ပူကြီးရီဘင်းတေဒေ ယောဟန်ပါလာန်ဘန်း ငှေါဟာန်းကြီးရာန်။ မိတ်အကတုံန်ဘင်းဆိတ်တာတ်ရီးဒါး မိတ်တူရှီကတုံန်ဟာဘန်း။ တာအမဲဘင်းဘင်းဆိတ်တာတ်ရီးဒါး လမ်းဟာရန်ဆွန်ဘန်း။ ကမာတုံန်းရောဂါဆယ်တာတ်ရီဒါး ရောဂါကယာဆွန်ဘန်း။ ကနားကျယ်ဘင်းဆိတ်တာတ်ရီးဒါး သက်ပူဟာဆွန်ဘန်း။ ရှီးဘင်းဆိတ်တာတ်ရီးဒါး စားဟာန်းဆွန်ဘန်း။ ဆာန်းရဲသဘင်းဆိတ်တာတ်ရီးဒါး ဆတာန်းမလဲဒေ မိန်းရှာတ်ခါကြီးဆွန်ဘန်း။ 23ငါတေ ဆာတ်သဘန်း ယုံကြည်သဘင်းဆိတ်တာတ်ကား ဘုရားရှာန်မန်းအီလားတေ ခံသထှာကူ” ညယ် မိန့်တော်မူသမှာ။
24ယောဟန်တပယ့်တေ လာန်ဟာန်းကြီးမှါခ့်ခါ ကိုယ်တော်ယေရှုကား ယောဟန်အကြောင်းဒေ သမီဆာတာတ်နင်း ငှေါကာမှာ။ ကိုယ်တော်ကား “ဟနိမ်ကား သမီဆာထုတ်လားစစ်ပင်းအရပ်ပါ ဟာဘင်းနာတေဒေယူဒင် လာန်ကြီးတေ။ ဟလာန်းမွန်လားပါ ယိမ်းသနင်းဘင်း ကျူကလွုန်တေဒေရဲ။ 25အန်နိမ်အချီဘန်းကား ဟာဘင်းနာတေ ယူဒင်ပူလာန်ဘဲကြီးတေ။ ဈေးတုံန်းဘင်းဆာန်ဆုန်တေဒေ နိတ်ပဲဘင်းဆိတ်တေရဲ။ အန်နိမ် ဈေးတုံန်းဘင်းနာတေနိတ်ပဲဘန်း စည်းစိမ်ခံစားဒနင်းဘင်းဆိတ်တာတ်တေ ရှာန်းပလာန်နန်းတော်ဘေ၌ဆာ ကတုံန်လူကလား။ 26အန်နိမ်အချီဘန်းကား ဟာဘင်းတေ ကတုံန်ကာတ်ခွန် ပူလာန်ဘဲကြီးတေ။ ပရောဖက်ဟော်ဝါတေရဲ။ ချီမှာ။ ယောဟန်ကား ပရောဖက်ဟော်ဝါထှာမှာ။ အန်နိမ်စါန်းငှေါဒီ ဟနိမ်တေ ငါငှေါကာတ်ပင်းနာကား ယောဟန်ကား ပရောဖက်တာတ်နောင်းဘေ ကြီးမြတ်သဘင်းဆိတ်ထှာမှာ။ 27ဟလိန်းပါမှါခ့်ခါ ပရောဖက်ဟော်ဝါ ကျမ်းကျိန်းဘေ ရေးသပဲဘင်း
‘ငါကား ငါဘင်းစေတမန်တေ နာန်ထာတ်အရာတ် တာတ်ကူ။
ဟိန်ကား နာန်ဘင်းလမ်းတေ အဆာန်တာန့်ပြာန်ဆာန်သအီကူ’ အကြောင်းကား ယောဟန်အကြောင်းထှာမှာ။
28ဟနိမ်တေငါငှေါကူ။ အီးရှီတာတ်ဟက် ပန်နီဘင်းဆိတ်တာတ်ပေ ယောဟန်ထာတ် ကြီးမြတ်သဘင်းဆိတ် ဟော်ဝါစဲ အဘိုဝါး။ အန်နိမ်စါန်းငှေါဒီ ဘုရားရှာန်ဘင်းသာသနာတော်နောင်းဘေ အရေးအပါသဘင်းဆိတ်စဲ ယောဟန်ထာတ် ပိုသောကြီးမြတ်သမှာ” ညယ် မိန့်တော်မူသမှာ။
29ယောဟန်ဘေ ဝဲငွတ်ပင်းမာန်းဂလာအွန်ကြီးရီဘင်း အခွန်ကွန်ဘင်းဆိတ်တာတ်ယောက် သမီဆာကလောင်းတုံန်းတာတ်ကား ကိုယ်တော်ဘင်းတူးဒေ သက်ပူကြီးမှါခ့်ခါ ဘုရားရှာန်ဘင်း လမ်းစဉ်ကား ချီမှာငှေါဘင်းတေ ပြန်သဘန်း ဝန်ခံသကြီးမှာ။ 30အန်နိမ်စါန်းငှေါဒီ ဖာရိရှဲတာတ်ယောက် ကျမ်းကျိန်းပေါ့ပင်း အိုးဆကြီးတာတ်ကား ယောဟန်ဘေ ဝဲငွတ်ပင်းမာန်းဂလာ အွန်ကြီးဒင်အတွာတ် ငြာမ်းသကြီးရီမှာ။ ဟမာန်တွာတ်ငှေါဘန်းတာတ်ငှေါ အန်တာတ်ကား အန်တာတ်အတွာတ်ထှာဘင်း ဘုရားရှာန် အကြံအစည်တေဒေ ငြာမ်းသကြီးရီဘင်းအတွာတ်ထှာမှာ။
31စီးမှါခ့်ခါ ကိုယ်တော်ကား ဆာတ်သဘန်း “အရာတ်ခေတ်ပင်း သမီဆတာတ်တေ ငါ ဟမာန်ယောက်နှိုင်းသထှာကူတေ။ အန်တာတ်ကား ဟမာန်ယောက်တူသကြီးတေ။ 32အန်တာတ်ကား ဈေးနောင်းဘေထုံးဘန်း
‘အလေကား ဟနိမ်အတွာတ် ပုလွေတွန်ကာဒီဒါး
ဟနိမ်အကသကြီးရား။
အလေ ဟပ်ခါဘင်း တေချန်းကျယ်ဒီဒါး
ဟနိမ်အဟပ်ကြီးရား’ ညယ် အချန်းချန်း ဟာတ်ပန်းငှေါနင်းကြီးဘင်း ရှရှာတေယောက် တူသမှာ။
33ဟမာန်တွာတ်ငှေါဘန်းတာတ်ငှေါ ယောဟန်ကား ပေါင်မုန့်ဒေရီးအယုတ် မူးသဟာဘင်း စပျစ်ဝိုင်ဒေရီးအအူညယ် ဒီဟာန်းလာန်ဟာန်းအွန်နင်းဘန်းရီးဒါး ဟနိမ်ကား ‘ဟိန်ဘေ အမဲဘင်းနနူ ကပ်ပန်းနင်းမှာ’#7:33 ယောဟန်ကား ကုတ်ကဲနနူယောက် ပုတ်ခါးဘင်း တုံန်းငွန်းဝလဲဒေ ပန်းနူပန်းနာယုတ်မှာ။ မာ ၁:၆ ညယ်ငှေါကြီးမှာ။ 34အန်ကားအပြာန် သမီဆာဆားတော်ကား ယုတ်ပန်း၊ အူပန်း ဟာနင်းဘန်းရီးဒါး ဟနိမ်ကား ‘အန်ဘင်းဆိတ်တေ ယူကြီး။ ဟိန်ကား ယုတ်လားလောဖားတုံန်းဘင်းဆိတ်၊ မူးသဟာဘင်းစပျစ်ဝိုင်တေ အူဘင်းဆိတ်၊ အခွန်ကွန်ဘင်းဆိတ်တာတ်၊ အပြစ်ဆားတေယောက် ပဟာန်းအွန်ဘန်းနင်းဘင်းဆိတ်ထှာမှာ’ ညယ် ငှေါဟာန်းကြီးမှာ။ 35အန်နိမ်စါန်းငှေါဒီ ဘုရားရှာန်ဉာဏ်ပညာကား ချီမှာငှေါဘင်းတေ ဟိန်ဒေလက်ခံသဘင်းဆိတ်တာတ်ဟက် တစ်ဆာန့် သက်သေကာနင်းမှာ” ညယ်မိန့်တော်မူသမှာ။
အပြစ်လွောမ်ဘင်း အီးရှီဒေခွာမ်းလွှတ်သဘင်း
36စီးမှါခ့်ခါ ရှိမုန်ညယ်ကော်ဘင်း ဖာရိရှဲဟော်ဝါကား ကိုယ်တော်ယေရှုတေ ဟိန်ယောက်အတူတူ နာတ်ကြယ်အသားယုတ်တင်ပါမ်းဒါန်မှာ။ အမှာတွာတ် ကိုယ်တော်ကား အန်ဘင်းဖာရိရှဲကျေမ်းဘေ လာန်ဘန်း ယုတ်ကူညယ် စားပွဲဘေထုံးငါန်မှာ။#7:36 မူရင်းကျမ်းဘေကား “တာပေါဘန်း” ညယ် ရေးသပဲမှာ။ ပထမရာစု အရှေ့အလယ်ပိုင်း သမ္မာကျမ်းကျိန်းခေတ်ပေ ယုတ်တင်အူဒင်တေယုတ်မှါခ့်ခါ စားပွဲမန်းဘေ ထုံးဘန်းယုတ်ပင်းအလေ့အဘိုဝါး။ စားနူစားနာစေါက်ပေ အန်နိမ်အချီ တခြားဟော်ဝါစေါက်ပေ အင်ဘန်း ညာပါဘင်းသဟူးယောက် ယုတ်နင်းမှါခ့်ခါ အန်တာတ်ပင်း ဘယ်ပါဘင်းတံတောင်ဒေ တာယောက်အတူတူ စားပွဲဘေးပါ ပေါဘန်းပဲကြီးမှာ။ 37အန်ဘင်းမြို့ဘေ အမဲဘင်းတေအွန်ဘန်းနင်းဘင်း အီးရှီဟော်ဝါငှါမှာ။ အီးရှီးကား ဖာရိရှဲကျေမ်းဘေ ကိုယ်တော်နာတ်ကြယ်အသား ယုတ်ပန်းနင်းမှာငှေါဘင်းတေ သက်ပူမှါခ့်ခါ အကြီးကျယ်ဈေးတုံန်းဘင်း သွန်းဘင်းဆလောပလာန်းဒေလာဘန်း အန်ဘင်းဘေဒီမှာ။ 38စီးမှါခ့်ခါ အီးရှီကား ကိုယ်တော်ဟလိန်းပါလာန်ဘန်း တာပိုင်းဘေစပ်ပန်း ဟပ်ပန်းနင်းမှာ။ ဟိန်ဘင်းမိတ်ဝဲတေကား ကိုယ်တော်တာဘေ စွတ်နာန်ဘင်းအတွာတ် ဟိန်ဟလာန်းဟူးယောက် နွန်အီရာန်မှာ။ စီးမှါခ့်ခါ အီးရှီကား ကိုယ်တော်ဘင်းတာကလိန်းပိုက်တေ ဆတွန်းယောက်သွန်းဘန်းနာ သွန်းဘင်းဆလောယောက် ဘောအီရာန်မှာ။
39အန်၌မှါခ့်ခါ ကိုယ်တော်ဒေ ပါမ်းဒီဘင်းဖာရိရှဲကား အန်ဘင်းဒေ ကတုံန်ငါန်မှါခ့်ခါ “အဘင်းဆိတ်ကား ပရောဖက်ချီဘန်းကား ဟိန်ဒေထိသဘန်းနင်းဘင်း အီးရှီကား ဟာနိမ်အီးရှီ ထှာဘင်းနာတေ မိန်းရှာတ်ခါထှာကူ။ အန်ဘင်းအီးရှီကား အမဲဘင်းတေအွန်ဘန်းနင်းဘင်း အီးရှီထှာမှာ” ညယ် အဆေင်နောင်းဘေ တွေးသနင်းမှာ။
40စီးမှါခ့်ခါ ကိုယ်တော်ရီးဒါး အန်ဘင်းဖာရိရှဲတေ “ရှိမုန်၊ နာန်တေငါ ငှေါဒင်စားနူငှါမှာ” ညယ် မိန့်တော်မူသမှါခ့်ခါ ရှိမုန်ရီးဒါး “ငှေါဆဲ၊ အိုးဆကြီး” ညယ် ငှေါမှာ။
41ကိုယ်တော်ကား “ဖူးဟယ်အီဘင်း သမီဆာဟော်ဝါဘေ သမီဆာကလိန်းဟူး ဖူးဟယ်ကြီးမှာ။ ဟော်ဝါကား ဒေနာရီဒင်္ဂါးငါးရာ#7:41ဒေနာရီဒင်္ဂါး - အန်ဘင်းခေတ်မှါခ့်ခါ ဒေနာရီဒင်္ဂါး ပါတ်အာကား အလုပ်သမားဟော်ဝါ ရအာအွန်ဘင်းလုပ်အားခယောက် တူသဘင်း ဖူးထှာမှာ။၊ အနားဟော်ဝါကား ဒေနာရီဒင်္ဂါးငါးဆယ် အကြွေးတာန်သကြီးမှာ။ 42အန်တာတ်ကား အကြွေးရှာန်တေ ပြန်သဘန်း အအီဟာန်းရန်ဘင်းအတွာတ် အကြွေးရှာန်ကား အန်တာတ်ကလိန်းဟူးစလုံးတေ ‘အန်တာတ်ဟယ်ပဲဘင်း အကြွေးတေဒေ ပြန်သဘန်းအီဟာန်းဒင် အလိုသဘန်း’ ညယ် ငှေါရာန်မှာ။ အရာတ်ငါတေ ငှေါကြီး။ အန်တာတ်ကလိန်းဟူးနောင်းဘေ ဟာဟမဲကား အကြွေးရှာန်တေ ပိုသောကျေးဇူးတာန်သကူတေ” ညယ် စိန်ယူရာန်မှာ။
43ရှိမုန်ကား “ဖူးပိုသောဟယ်ပဲဘင်းဆိတ်ကား ပိုသဘန်းကျေးဇူးတာန်သကူ” ညယ် ငါထာန်သမှာ။ ကိုယ်တော်ယေရှုရီးဒါး “နာန်ထာန်သလား ချီမှာ” ညယ် မိန့်သမှာ။
44စီးမှါခ့်ခါ ကိုယ်တော်ကား အီးရှီပါ လှည့်တာန်ဘန်းနာ ရှိမုန်ဒေ “အဘင်းအီးရှီတေ နာန်ကတုံန်လဲ။ ငါကား နာန်ကျေမ်းဘေ ကြွဒီမှါခ့်ခါ နာန်ကား ငါတာဒေဆင်ဒင် ဝဲအအီရီဒီဒါး ဟိန်ကား ငါတာဒေ ဟိန်မိတ်ဝဲတေယောက် ဖောအီဘန်း#7:44 ဂျူးသမီဆာတာတ်ဓလေ့ဘေ ဧည့်သည်တာတ်တေ တာဖောဒင် ဝဲအီဟာဘင်း ဓလေ့ငှါမှာ။ ဟိန်ဟလာန်းဟူးယောက် နွန်အီရီမှာ။ 45နာန်ကား ငါကြွဒီမှါခ့်ခါ ငါတေဆတွန်းယောက် သွန်းဘန်းအကြိုဒီရား။ အန်နိမ်စါန်းငှေါဒီ ဟိန်ကား ငါဆာန်ရီမှါခ့်ခါဟက် ငါဘင်းတာဒေ အဆက်အပြတ်သောညယ် ဆတွန်းယောက်သွန်းရီမှာ#7:45အန်ဘင်းအဓိပ္ပာယ်ကား ပုံမှန်အတိုင်း ဂျူးသမီဆာဓလေ့ဘေ ဟော်ဝါယောက်ဟော်ဝါ နှုတ်ဆာတ်သကြီးဘန်းကား လပါမ် အန်နိမ်အချီ ကတူတေ သွန်းဘန်း နှုတ်ဆာတ်သကြီးမှာ။ သဟူးဒေ ဆတွန်းယောက်သွန်းဘင်းနာကား အကြီးကျယ်ရိုသေသဘင်းတေ ကာလားထှာမှာ။။ 46နာန်ကားငှါဟလာန်းတေ သံလွင်ဆလောယောက်ဆစဲ ဘောဘန်းအအီရီဒီဒါး ဟိန်ကား အကြီးအကျယ်တန်ဖိုးငှါဘင်း သွန်းဘင်းဆလောယောက်ငါတာဒေ ဘောအီရီမှာ။ 47အမှာတွာက် နာန်တေ ငါငှေါကူ။ ဟိန်ဘင်း အမဲဘင်းအပြစ်ကလောင်းတုံန်း ခွာမ်းလွှတ်ခံသထှာဘန်းငှေါဘင်းနာတေ တုံန်းဘင်းဟိန်မေတ္တာတရားကား သက်သေကာဘန်းနင်းမှာ” ညယ် မိန့်တော်မူသမှာ။
48စီမှါခ့်ခါ ကိုယ်တော်ကား အန်ဘင်းအီးရှီဒေ “အမဲဘင်း နာန်အပြစ်ကလောင်းတုံန်းတေ ခွာမ်းလွှတ်သဘန်း” ညယ် မိန့်သမှာ။
49အန်၌မှါခ့်ခါ စားပွဲဘေ ကိုယ်တော်ယောက်အတူတူ ထုံးဘန်းနင်းဘင်း တခြားဘင်းဆိတ်တာတ်ကား “အမဲဘင်းအပြစ်တေဒေစဲ ခွာမ်းလွှတ်သရန်ဘင်း အဘင်းသမီဆာကား ဟာဟမဲကား” ညယ် အချန်းချန်း ငှေါနင်းကြီးမှာ။ 50အန်နိမ်စါန်းငှေါဒီ ကိုယ်တော်ယေရှုကား အန်ဘင်းအီးရှီဒေ “နာန် ယုံကြည်သဘင်းကား နာန်တေ ကယ်တာန်သဘန်းဟွန် ငြိမ်းငြိမ်းချမ်းချမ်း လာန်ရန်ဘန်း” ညယ် မိန့်တော်မူသမှာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kadu Bible by Beyond Translation is licensed under Creative Commons Attribution-ShareAlike 4.0 License.