Apastil Nani Sturka 18
18
Pal Korint ra
1Naha diara ningkara, Pal Atenas wina taki Korint tawanka ra wan. 2Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia. 3Witin baha nani wal takaskan kan ba sim warkka dadaukra nani kan, tint watla papaskra kata; bamna witin nani wal takaskan aikuki wark takaia. 4Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.
5Silas bara Timoti wal Macedonia wina balan ba ra, Pal lika ai piua aiska pali yaban, param pali Ju nani ra wiaia sturi yamni ba tânka, Jisas ba Misaya sa. 6Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win:
—Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.
7Witin Ju nani priaska watla wina taki waitna kumi watla ra wan, waitnika nina ba Taitus Justo kata. Witin ba Gâd ra ai pura suni mayuni kan, ai watla ba bri kan Ju nani priaska watla tnaya ra. 8Bara Crispo, Ju nani priaska watla wihtka ba, ai watla uplika sut aikuki Dawan ra kasak lukan. Korint uplika nani ailal pali sin Dawan sturka walan, bara kasak lukan ba sut tahbi daukan. 9Bamna Dawan mita Pal ra tihmia ra diara aihka kaikan bâk naku win: “Man si bripara; kau aisi smalki bas, bîlam prakpara. 10Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.” 11Baku bamna Pal lika Korint ra mani kumi pura bakriki takaski, baha nani ra Gâd sturka smalki kan.
12Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si, 13wihta ra win:
—Naha waitnika mita upla nani ra smalki kupia alki taukisa, nahki Gâd ra ai pura suni mayuni banhwaia, Moses lâka ba sauhki natka ra.
14Pal mahka aisuya kan ba ra, Galio bui Ju nani ra win:
—Naha tânka na ban kra diara saura pali aihwa kum daukan kaka lika, yang sip sna man nani Ju nani diara aisama ba walaia; 15sakuna naha na, bîla nani dukiara, bara nina nani, bara man nani lâmka nani dukiara sa bamna, man nani baha wapni dauks, kan yang want apia sna nahmuna dukia nani lâka daukaia.
16Bara baha nani sut lâ watla wina kangbi sakan. 17Bamna Grik nani mita Ju nani priaska watla wihtka Sóstenes ba alki, wihta tara mawan kat pruki banhwan. Galio baha kaikan, sakuna ai kupia lukras kan.
Pal Antíoco ra bal baha wina ai impakanka yumhpika ba tâ krikan
18Pal wan muihni nani wal yu ailal Korint ra takaskan. Ningkara, wan muihni nani ba lakula dauki si, Priscila bara Áquila aikuki duri tara ra aimaki Siria tasbaya ra wan. Witin kau duri tara ra aimakras kan ba ra, Cencreas ra wih ai tâwa irban, witin pramis#Kul K 6.18. kum daukan ba tnata alkaia. 19Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan. 20Baha nani mita makaban kau yu ailal witin nani wal takaskbia, sakuna witin apia win. 21Bamna witin nani ra lakula dauki si, win: “Dawan hilpka ra yang kli bal, man nani mai kaikamna.”
Bara witin duri tara ra aimaki, mahka takan Epesus wina. 22Sesaria ra wan ba ra, Pal mita Jerusalem ra wan lalukra nani lakula daukan, ningkara Antíoco ra iwi wan. 23Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.
Apolos Epesus ra smalki ba
24Baha piua ra Epesus ra Ju waitna kum balan, ai nina Apolos. Witin ba Alejandría tawanka wina bara smasmalkra sin painkira kan, Ulbanka nani tânka sin kasak kaiki kan. 25Naha waitnika Dawan yabalka tânka sin aitani kat lan takan kan, ai tâ baiki sin aisi kan, Jisas tânka ba param saki smalki kan, witin Jan Tatahbra tahbi daukanka tânka baman kaiki kan sakuna. 26Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan. 27Bamna Apolos ba Acaya kuntrika ra luaia win ba ra, Epesus ra lalukra nani mita witin hilpka ra wauhkataya kum ulbi Acaya muihni nani ra bliki win, Apolos ba pain bribia. witin Acaya ra wan ba ra, baha nani Gâd kupia latwanka tara mita kasak luki kan nani ba hilpka pali aimakan. 28Bara witin Ju nani mapara aisi ba param pali saki upla nani mawan kat aisi kan. Apolos kasak aisi kan ba mita, Ju nani mita sip diara wiras kan, witin Ulbanka nani wina saki Jisas ba sika Misaya sa aisi kan bamna.
Currently Selected:
Apastil Nani Sturka 18: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Apastil Nani Sturka 18
18
Pal Korint ra
1Naha diara ningkara, Pal Atenas wina taki Korint tawanka ra wan. 2Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia. 3Witin baha nani wal takaskan kan ba sim warkka dadaukra nani kan, tint watla papaskra kata; bamna witin nani wal takaskan aikuki wark takaia. 4Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.
5Silas bara Timoti wal Macedonia wina balan ba ra, Pal lika ai piua aiska pali yaban, param pali Ju nani ra wiaia sturi yamni ba tânka, Jisas ba Misaya sa. 6Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win:
—Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.
7Witin Ju nani priaska watla wina taki waitna kumi watla ra wan, waitnika nina ba Taitus Justo kata. Witin ba Gâd ra ai pura suni mayuni kan, ai watla ba bri kan Ju nani priaska watla tnaya ra. 8Bara Crispo, Ju nani priaska watla wihtka ba, ai watla uplika sut aikuki Dawan ra kasak lukan. Korint uplika nani ailal pali sin Dawan sturka walan, bara kasak lukan ba sut tahbi daukan. 9Bamna Dawan mita Pal ra tihmia ra diara aihka kaikan bâk naku win: “Man si bripara; kau aisi smalki bas, bîlam prakpara. 10Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.” 11Baku bamna Pal lika Korint ra mani kumi pura bakriki takaski, baha nani ra Gâd sturka smalki kan.
12Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si, 13wihta ra win:
—Naha waitnika mita upla nani ra smalki kupia alki taukisa, nahki Gâd ra ai pura suni mayuni banhwaia, Moses lâka ba sauhki natka ra.
14Pal mahka aisuya kan ba ra, Galio bui Ju nani ra win:
—Naha tânka na ban kra diara saura pali aihwa kum daukan kaka lika, yang sip sna man nani Ju nani diara aisama ba walaia; 15sakuna naha na, bîla nani dukiara, bara nina nani, bara man nani lâmka nani dukiara sa bamna, man nani baha wapni dauks, kan yang want apia sna nahmuna dukia nani lâka daukaia.
16Bara baha nani sut lâ watla wina kangbi sakan. 17Bamna Grik nani mita Ju nani priaska watla wihtka Sóstenes ba alki, wihta tara mawan kat pruki banhwan. Galio baha kaikan, sakuna ai kupia lukras kan.
Pal Antíoco ra bal baha wina ai impakanka yumhpika ba tâ krikan
18Pal wan muihni nani wal yu ailal Korint ra takaskan. Ningkara, wan muihni nani ba lakula dauki si, Priscila bara Áquila aikuki duri tara ra aimaki Siria tasbaya ra wan. Witin kau duri tara ra aimakras kan ba ra, Cencreas ra wih ai tâwa irban, witin pramis#Kul K 6.18. kum daukan ba tnata alkaia. 19Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan. 20Baha nani mita makaban kau yu ailal witin nani wal takaskbia, sakuna witin apia win. 21Bamna witin nani ra lakula dauki si, win: “Dawan hilpka ra yang kli bal, man nani mai kaikamna.”
Bara witin duri tara ra aimaki, mahka takan Epesus wina. 22Sesaria ra wan ba ra, Pal mita Jerusalem ra wan lalukra nani lakula daukan, ningkara Antíoco ra iwi wan. 23Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.
Apolos Epesus ra smalki ba
24Baha piua ra Epesus ra Ju waitna kum balan, ai nina Apolos. Witin ba Alejandría tawanka wina bara smasmalkra sin painkira kan, Ulbanka nani tânka sin kasak kaiki kan. 25Naha waitnika Dawan yabalka tânka sin aitani kat lan takan kan, ai tâ baiki sin aisi kan, Jisas tânka ba param saki smalki kan, witin Jan Tatahbra tahbi daukanka tânka baman kaiki kan sakuna. 26Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan. 27Bamna Apolos ba Acaya kuntrika ra luaia win ba ra, Epesus ra lalukra nani mita witin hilpka ra wauhkataya kum ulbi Acaya muihni nani ra bliki win, Apolos ba pain bribia. witin Acaya ra wan ba ra, baha nani Gâd kupia latwanka tara mita kasak luki kan nani ba hilpka pali aimakan. 28Bara witin Ju nani mapara aisi ba param pali saki upla nani mawan kat aisi kan. Apolos kasak aisi kan ba mita, Ju nani mita sip diara wiras kan, witin Ulbanka nani wina saki Jisas ba sika Misaya sa aisi kan bamna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua