Impakan Sturka 13
13
1Dawan ba Moses ra aisi, naku win:
2“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”#Kul K 3.13; Lk 2.23.
3Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma. 4Abib kati ba man nani naha wina taki auma, 5bamna naha katka ra man nani baha yua liliaka ba dauki kaia sma. Dawan mita baha tasbaya ra mai bri wabia, bahara tialka laya bara nasma wal lî laiwi baku ba. Baha tasbaya ra sika Kenan uplika nani, hitita nani, amorreo nani, heveo nani bara Jebús uplika nani iwi ba. Damikam nani ra pat win kan, baha ba man nani ra maikaia. 6Yu 7 ba brit îs âpu dauki pi kaia kama, bara yu 7 kumi aimakuya yua ba, lilia tara daukma Dawan ra mayunra yabaia dukiara. 7Yu 7 brit îs âpu dauki pi kaia sma. Baha yua nani sut ra, tawankam ra, tasbayam aiska ra sin îs âpu kaia sa. Baku sin îs mangki daukan britka kumi sin âpu kabia. 8Baha yua pas ba, man nani luhpiam nani ra wima: ‘Dawan dîa daukan ba man nani dukiamra, Idsip wina bal takram yua ra. 9Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna. 10Baha mita man nani mani bani baha yua ra diara tara daukan ba, liliaka ba piua ba kat lilia dauki kama.’
11“Dawan bui man nani Kenan uplika nani tasbaya ra mai brih wabia, bara tasbaya ba man nani mihtam ra mangkbia, witin ai pramiska man nani ra mai win ba baku, damikam nani ra sin win kan ba baku. 12Man nani luhpiam tawahkia bani baiki ba,#Lk 2.23. daiwram nani sin ai tawahkia baiki ba sut Dawan ra yabi kaia sma, kan tawahkia nani sut ba sika Dawan dukia sa bamna. 13Ban sakuna, birikukam nani luhpia tawahkia wainhka nani baiki ba lika, sîp wainhka kum, apia kaka guts wainhka kum ni pura mana aibapi saki bri kaia sma; sakuna pura mana ba sip aibapras sma kaka, birikukam luhpia wainhka tawahkia ba, nana dusa ba krikaia sma. Bara baku sin luhpiam waitna tawahkia kumi bani ba pura mana Dawan ra prisant kum yabaia sma. 14Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka. 15King fero ai kupia karna dauki, yang nani ba ai swika taki waia apia dauki kan, bara Dawan mita witin nani bani, luhpia tawahkia nani ba ikan. Baku sin ai daiwra luhpia wainhka tawahkia nani ba sin ikan; bahamna sika yang nani wan daiwra nani luhpia tawahkia wainhka nani bani ba ni Dawan ra yabisna; bara wan luhpia waitna tawahkia nani ba pura mana ba lika Dawan ra prisant kum yabi atki saki banhwisna. 16Dawan ai mihta karnakira ba ni, Idsip tasbaya wina bri sal wan sakan ba tukinka baku; sain kum wan klahkla ra wilkan, wan lal purara sin ulbi mangkan baku, yawan luki kaia sa naha yua liliaka ba dauki wan kupia krauki ba ra.’ ”
Kasbrika pauta klauhan wal playka ba
17King fero mita Israel luhpia nani ba swin taki wan ba ra, Gâd uplika nani ba, filisteo nani tasbaya bâk lika brih lui waras kan. Bahak lui waia ba lika kau baila kan; ban sakuna, Dawan naku lukan, upla nani ba war aiklabaia sa, sakuna nanara wina ai kainara war aiklabaia takbia kaka, witin nani sut ai kupia laki si Idsip ra kli tawi waia lukbia. 18Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra.
Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan. 19Josep dusa nani ba sin Moses saki brih wan. Josep mita Israel luhpia nani ra pat win kan, witin nani baku daukaia âu wibia. Witin nani ra naku win kan: “Kasak pali, Dawan balbia man nani tâm baikaia; bara baku takbia ba ra, man nani bui yang dusi nani ba sin naha wina saki brih wama.”#Bla St 50.25; Jas 24.32.
20Bara witin nani Sucot wina mahka impakan, Etam kat wih ai tintka watla nani bapan. Baha wina mahka tasba lâwan yabalka ra aimakan. 21Kakna ra Dawan bui witin nani tâ brin, kasbrika playka bapanka kum ba ni, yabal ba witin nani ra mariki kan. Tihmia ra, pauta klauhan playka bapanka kum ni witin nani ra ingni yabi kan. Baku witin nani sip kan kakna ra bara tihmia ra sin ban impaki kaia. 22Kakna ra kasbrika pihni playka ba, bara tihmia ra pauta klauhi laknika ingnika ba witin nani wina dakwi takras ban ai kainara impaki kan.#Imp St 40.34-38; Kul K 9.15-23.
Currently Selected:
Impakan Sturka 13: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Impakan Sturka 13
13
1Dawan ba Moses ra aisi, naku win:
2“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”#Kul K 3.13; Lk 2.23.
3Bara Moses baha bîla ba upla nani ra win: “Baha yua ba kupiam krauki bas, Idsip tasbaya ra alba lâka ra iwi kapram ba, Dawan mita ai karnika tara ba wal baha tasbaya wina bri sal mai sakan bamna. Bahamna man nani brit îs wal daukan ba piaia apia sma. 4Abib kati ba man nani naha wina taki auma, 5bamna naha katka ra man nani baha yua liliaka ba dauki kaia sma. Dawan mita baha tasbaya ra mai bri wabia, bahara tialka laya bara nasma wal lî laiwi baku ba. Baha tasbaya ra sika Kenan uplika nani, hitita nani, amorreo nani, heveo nani bara Jebús uplika nani iwi ba. Damikam nani ra pat win kan, baha ba man nani ra maikaia. 6Yu 7 ba brit îs âpu dauki pi kaia kama, bara yu 7 kumi aimakuya yua ba, lilia tara daukma Dawan ra mayunra yabaia dukiara. 7Yu 7 brit îs âpu dauki pi kaia sma. Baha yua nani sut ra, tawankam ra, tasbayam aiska ra sin îs âpu kaia sa. Baku sin îs mangki daukan britka kumi sin âpu kabia. 8Baha yua pas ba, man nani luhpiam nani ra wima: ‘Dawan dîa daukan ba man nani dukiamra, Idsip wina bal takram yua ra. 9Dawan ai karnika tara wal Idsip tasbaya wina bri sal mai sakan, bahamna baha yua ba yarka sain kum klamhkla ra wilkan baku, lamla purara sin mark kum mangkan baku prais damra wali baku, man nani kupiam krauki kama. Dawan lâ daukan ba dukiara sin piua bani ra ban aisi kama, kan witin ai karnika tara wal man nani Idsip tasbaya wina mai sakan bamna. 10Baha mita man nani mani bani baha yua ra diara tara daukan ba, liliaka ba piua ba kat lilia dauki kama.’
11“Dawan bui man nani Kenan uplika nani tasbaya ra mai brih wabia, bara tasbaya ba man nani mihtam ra mangkbia, witin ai pramiska man nani ra mai win ba baku, damikam nani ra sin win kan ba baku. 12Man nani luhpiam tawahkia bani baiki ba,#Lk 2.23. daiwram nani sin ai tawahkia baiki ba sut Dawan ra yabi kaia sma, kan tawahkia nani sut ba sika Dawan dukia sa bamna. 13Ban sakuna, birikukam nani luhpia tawahkia wainhka nani baiki ba lika, sîp wainhka kum, apia kaka guts wainhka kum ni pura mana aibapi saki bri kaia sma; sakuna pura mana ba sip aibapras sma kaka, birikukam luhpia wainhka tawahkia ba, nana dusa ba krikaia sma. Bara baku sin luhpiam waitna tawahkia kumi bani ba pura mana Dawan ra prisant kum yabaia sma. 14Baha piua nani ba balbia ba ra, luhpiam nani man nani ra mamkabi walbia kaka: ‘¿Naha daukisma na dîa tânka sa?’ Man nani bui witin nani ra wima: ‘Idsip tasbaya ra yang nani alba lâka ra iwi banhwi kapri ba ra, Dawan bui witin ai karnika tara ba wal baha wina bri sal wan sakan ba tânka. 15King fero ai kupia karna dauki, yang nani ba ai swika taki waia apia dauki kan, bara Dawan mita witin nani bani, luhpia tawahkia nani ba ikan. Baku sin ai daiwra luhpia wainhka tawahkia nani ba sin ikan; bahamna sika yang nani wan daiwra nani luhpia tawahkia wainhka nani bani ba ni Dawan ra yabisna; bara wan luhpia waitna tawahkia nani ba pura mana ba lika Dawan ra prisant kum yabi atki saki banhwisna. 16Dawan ai mihta karnakira ba ni, Idsip tasbaya wina bri sal wan sakan ba tukinka baku; sain kum wan klahkla ra wilkan, wan lal purara sin ulbi mangkan baku, yawan luki kaia sa naha yua liliaka ba dauki wan kupia krauki ba ra.’ ”
Kasbrika pauta klauhan wal playka ba
17King fero mita Israel luhpia nani ba swin taki wan ba ra, Gâd uplika nani ba, filisteo nani tasbaya bâk lika brih lui waras kan. Bahak lui waia ba lika kau baila kan; ban sakuna, Dawan naku lukan, upla nani ba war aiklabaia sa, sakuna nanara wina ai kainara war aiklabaia takbia kaka, witin nani sut ai kupia laki si Idsip ra kli tawi waia lukbia. 18Bahamna Dawan bui witin nani ba upla iwras tasbaya ra waia yabalka bâk brih lui wan, Kabu Pauni tani ra auya ba yabalka ra.
Bara Israel luhpia nani ba, war aiklabaia daknika tara kum ridi daukan ba baku ridi taki, Idsip wina taki wan. 19Josep dusa nani ba sin Moses saki brih wan. Josep mita Israel luhpia nani ra pat win kan, witin nani baku daukaia âu wibia. Witin nani ra naku win kan: “Kasak pali, Dawan balbia man nani tâm baikaia; bara baku takbia ba ra, man nani bui yang dusi nani ba sin naha wina saki brih wama.”#Bla St 50.25; Jas 24.32.
20Bara witin nani Sucot wina mahka impakan, Etam kat wih ai tintka watla nani bapan. Baha wina mahka tasba lâwan yabalka ra aimakan. 21Kakna ra Dawan bui witin nani tâ brin, kasbrika playka bapanka kum ba ni, yabal ba witin nani ra mariki kan. Tihmia ra, pauta klauhan playka bapanka kum ni witin nani ra ingni yabi kan. Baku witin nani sip kan kakna ra bara tihmia ra sin ban impaki kaia. 22Kakna ra kasbrika pihni playka ba, bara tihmia ra pauta klauhi laknika ingnika ba witin nani wina dakwi takras ban ai kainara impaki kan.#Imp St 40.34-38; Kul K 9.15-23.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua