Blasi Sturka 18
18
Aisak aisubi takaia pramiska
1Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan, 2bara witin ai nakra buki kaikan waitna yumhpa ai mawanra bûi kan. Witin baha kaikan wal baku aihni pali tit bûi,#Hib 13.2. bara witin nani mawanra tasba kat bawi lakula daukan. 3Bara witin nani ra win:
—Dawanki, yang bik takisna pliskam ban lui wapara. 4Man sin aitani lukisma kaka, yang wimna lî wiria bri balbia man nani minam sikbaia dukiara, bara ningkara dus munhtara man nani minit kum ris bri kaia. 5Man nani dukiam dadaukra sna latki nahak bal luma bamna, yang plun wirâ bri balamna, man nani baha pih kli karnikam bri bara yabalkam ra wama dukiara.
Witin nani pana win:
—Aitani pain, yang nani nâra iwi kamna.
6Bara Ebraham plapi tint watla ra wih diman bara Sara ra win:
—¡Aihni muns! Plawar kau pain ba wina bîk bakriki brih ki, brit wiria angks.
7Bara witin kli plapi wan bîp nani tilara, baha wina bîp kum painkira batanira lupia ba kum saki, ai albika kum ra yan baha ba brih mahka pali iki plun auhni kum daukbia dukiara. 8Bara plun daukan ba purkara, witin wan bara kwahadu bara bîp tialka laya sin bri si witin nani dus mununhtara kan ba ra yaban, witin nani baha pin.
9Witin nani pin ba ra, Ebraham ra makabi walan:
—¿Man mayam Sara ba anira sa?
Ebraham pana win:
—Witin tint watla bilara sa.
10Bara witin nani wina kumika ba bila win:
—Mani aula ba yang kli bal mai kaikamna, bara mayam Sara ba luhpa waitna kum bribia.#Ro 9.9.
Baha aisi kan ba ra Sara dur ninara yukuwi Ebraham witin nani wal aisi kan ba sut wali kan. 11Ebraham pat dama pali kan bara Sara sin kuka pali. Sara ai katka sikniska sin briras pat takaskan kan. 12Baha mita Sara sip kasak lukras kiki kan, bara witin luki kaikan: “¿Nahki yang nani wâlsut#1 Pi 3.6. pat karniki tiwan na kwihra tiwamna?” 13Sakuna Dawan Ebraham ra win:
—¿Dîa kan Sara ba kikisa? ¿Witin sip kasak lukras sa ki nanara almuk takan ba ra witin kau luhpa baikaia sip ba? 14¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.#Jir 32.16,27; Lk 1.37; Ro 9.9.
15Sara baha walan ba ra sibrin daukan, bara witin kikras kan wiaia wisi, naku win:
—Yang kikras kapri.
Sakuna Dawan pana win:
—Yang mai kaikri man kiki kapram.
Ebraham ba Sodoma tâwan ai pura sunan ba
16Bara impapakra nani ba baha wina buan ba ra, mahka impakan ai mawan Sodoma tani ra. Ebraham witin sin baha nani aikuki auya kan. 17Bamna Dawan lukan: “Yang diara daukaia lukisna ba Ebraham ra wiaia sna, 18kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna. 19Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.” 20Bara Dawan bui witin ra naku win:
—Sodoma bara Gomora wal uplika nani sturka ba tara pali sa, watawika lâka ba sin tara pali sa. 21Bamna yang nanara bahara auna, ai win ba baku saurka nani ba, ban tara sa sapa yang wih kaikamna. Baku lika yang tânka brimna.
22Waitnika nani wina wâl ba baha wina Sodoma ra wan, sakuna Ebraham kau ban Dawan mawanra bâra takaskan. 23Witin Dawan lamara kau itwi dimi wan, bara witin ra makabi walan:
—¿Upla pâtkas nani ba sin, pâtkira nani ba wal aikuki baku iki tikma ki? 24Ban kra tawan tara ba ra upla pâtkas nani 50 bâra sa kaka, ¿baha nani 50 ba swaki sakaia dukiara wala nani ba pâtka ban swih tikras sut pali iki tikma ki? 25¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?
26Bara Dawan pana witin ra win:
—Sodoma tawanka tara ra upla pâtkas nani 50 sakamna kaka, witin nani dukiara luki, pâtkira nani bahara iwi ba ikras ban swimna.
27Sakuna Ebraham bila kli witin ra aisin:
—Pâtki ban swin tiks, yang aisaia apia kapri dukia ba kuna ban aisuna na. Man ba Gâd sma, yang lika upla bahki sna; 28ban sakuna, upla pâtkas 50 ba alkaia matsip âpu kaka, ¿baha matsip âpu ba tâwan man ban tawanka aiska ba sauhki tikma ki?
Dawan pana witin ra win:
—Upla pâtkas nani 45 yang sakamna kaka, tawanka ba sauhki tikamna apia.
29Ebraham ban kli makabi walan:
—¿Ban kra upla pâtkas nani 40 baman sâkma kaka?
Dawan pana win:
—Baha 40 nani pâtkas ba kulkanka ra, tawanka ba sauhkras ban swimna.
30Sakuna Ebraham kli aima wala ra Dawan ra makabi pali aisin:
—Dawanki, man ra puri suni kli mamkabi walisna, yang ra kupiam baikpara, sakuna nahki sa ban kra man upla 30 baman sâkma kaka...
Bara Dawan pana witin ra win:
—Baha nani 30 baman dukiara sin tawanka ba sauhkras ban swimna.
31Sakuna Ebraham kau ban taibi aisi kan Dawan ra:
—Dawanki, yang daukaia dukia apia sa sakuna ban aisisna na; ¿dîa takbia man upla pâtkas nani 20 baman bahara sâkma kaka?
Dawan bila pana win:
—Baha 20 upla nani ba dukiara sin yang tawan ba sauhkras ban swimna.
32Sakuna Ebraham kau ban taibi aisi kan:
—Dawanki, pliskam pali, yang wal kupiam baikpara, sakuna kau aima kum pan naha kat kli mamkabi walaisna: ¿man upla matawalsip baman bahara sâkma kaka, ban sauhkma?
Bara Dawan bui witin ra win:
—Baha nani matawalsip ba dukiara sin, yang tawan ba sauhkras ban swimna.
33Dawan Ebraham wal aisi swin ba ra, witin baha wina mahka wan; bara Ebraham sin ai tintka watla ra kli tawi wan.
Currently Selected:
Blasi Sturka 18: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Blasi Sturka 18
18
Aisak aisubi takaia pramiska
1Mamré usupumka nani tilara, Dawan Ebraham ra param takan, yu wan lal kat lapta pali kan ba piua ra. Witin ai tintka watla durka bilara iwi kan, 2bara witin ai nakra buki kaikan waitna yumhpa ai mawanra bûi kan. Witin baha kaikan wal baku aihni pali tit bûi,#Hib 13.2. bara witin nani mawanra tasba kat bawi lakula daukan. 3Bara witin nani ra win:
—Dawanki, yang bik takisna pliskam ban lui wapara. 4Man sin aitani lukisma kaka, yang wimna lî wiria bri balbia man nani minam sikbaia dukiara, bara ningkara dus munhtara man nani minit kum ris bri kaia. 5Man nani dukiam dadaukra sna latki nahak bal luma bamna, yang plun wirâ bri balamna, man nani baha pih kli karnikam bri bara yabalkam ra wama dukiara.
Witin nani pana win:
—Aitani pain, yang nani nâra iwi kamna.
6Bara Ebraham plapi tint watla ra wih diman bara Sara ra win:
—¡Aihni muns! Plawar kau pain ba wina bîk bakriki brih ki, brit wiria angks.
7Bara witin kli plapi wan bîp nani tilara, baha wina bîp kum painkira batanira lupia ba kum saki, ai albika kum ra yan baha ba brih mahka pali iki plun auhni kum daukbia dukiara. 8Bara plun daukan ba purkara, witin wan bara kwahadu bara bîp tialka laya sin bri si witin nani dus mununhtara kan ba ra yaban, witin nani baha pin.
9Witin nani pin ba ra, Ebraham ra makabi walan:
—¿Man mayam Sara ba anira sa?
Ebraham pana win:
—Witin tint watla bilara sa.
10Bara witin nani wina kumika ba bila win:
—Mani aula ba yang kli bal mai kaikamna, bara mayam Sara ba luhpa waitna kum bribia.#Ro 9.9.
Baha aisi kan ba ra Sara dur ninara yukuwi Ebraham witin nani wal aisi kan ba sut wali kan. 11Ebraham pat dama pali kan bara Sara sin kuka pali. Sara ai katka sikniska sin briras pat takaskan kan. 12Baha mita Sara sip kasak lukras kiki kan, bara witin luki kaikan: “¿Nahki yang nani wâlsut#1 Pi 3.6. pat karniki tiwan na kwihra tiwamna?” 13Sakuna Dawan Ebraham ra win:
—¿Dîa kan Sara ba kikisa? ¿Witin sip kasak lukras sa ki nanara almuk takan ba ra witin kau luhpa baikaia sip ba? 14¿Diara kum bâra sa ki, Dawan mapara ban karna pali witin daukaia sip apia ba? Bamna piua maikri ba kat mani wala aula ba yang kli man ra bal mai kaikamna, bara Sara ai luhpia waitna kum bribia.#Jir 32.16,27; Lk 1.37; Ro 9.9.
15Sara baha walan ba ra sibrin daukan, bara witin kikras kan wiaia wisi, naku win:
—Yang kikras kapri.
Sakuna Dawan pana win:
—Yang mai kaikri man kiki kapram.
Ebraham ba Sodoma tâwan ai pura sunan ba
16Bara impapakra nani ba baha wina buan ba ra, mahka impakan ai mawan Sodoma tani ra. Ebraham witin sin baha nani aikuki auya kan. 17Bamna Dawan lukan: “Yang diara daukaia lukisna ba Ebraham ra wiaia sna, 18kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna. 19Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.” 20Bara Dawan bui witin ra naku win:
—Sodoma bara Gomora wal uplika nani sturka ba tara pali sa, watawika lâka ba sin tara pali sa. 21Bamna yang nanara bahara auna, ai win ba baku saurka nani ba, ban tara sa sapa yang wih kaikamna. Baku lika yang tânka brimna.
22Waitnika nani wina wâl ba baha wina Sodoma ra wan, sakuna Ebraham kau ban Dawan mawanra bâra takaskan. 23Witin Dawan lamara kau itwi dimi wan, bara witin ra makabi walan:
—¿Upla pâtkas nani ba sin, pâtkira nani ba wal aikuki baku iki tikma ki? 24Ban kra tawan tara ba ra upla pâtkas nani 50 bâra sa kaka, ¿baha nani 50 ba swaki sakaia dukiara wala nani ba pâtka ban swih tikras sut pali iki tikma ki? 25¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?
26Bara Dawan pana witin ra win:
—Sodoma tawanka tara ra upla pâtkas nani 50 sakamna kaka, witin nani dukiara luki, pâtkira nani bahara iwi ba ikras ban swimna.
27Sakuna Ebraham bila kli witin ra aisin:
—Pâtki ban swin tiks, yang aisaia apia kapri dukia ba kuna ban aisuna na. Man ba Gâd sma, yang lika upla bahki sna; 28ban sakuna, upla pâtkas 50 ba alkaia matsip âpu kaka, ¿baha matsip âpu ba tâwan man ban tawanka aiska ba sauhki tikma ki?
Dawan pana witin ra win:
—Upla pâtkas nani 45 yang sakamna kaka, tawanka ba sauhki tikamna apia.
29Ebraham ban kli makabi walan:
—¿Ban kra upla pâtkas nani 40 baman sâkma kaka?
Dawan pana win:
—Baha 40 nani pâtkas ba kulkanka ra, tawanka ba sauhkras ban swimna.
30Sakuna Ebraham kli aima wala ra Dawan ra makabi pali aisin:
—Dawanki, man ra puri suni kli mamkabi walisna, yang ra kupiam baikpara, sakuna nahki sa ban kra man upla 30 baman sâkma kaka...
Bara Dawan pana witin ra win:
—Baha nani 30 baman dukiara sin tawanka ba sauhkras ban swimna.
31Sakuna Ebraham kau ban taibi aisi kan Dawan ra:
—Dawanki, yang daukaia dukia apia sa sakuna ban aisisna na; ¿dîa takbia man upla pâtkas nani 20 baman bahara sâkma kaka?
Dawan bila pana win:
—Baha 20 upla nani ba dukiara sin yang tawan ba sauhkras ban swimna.
32Sakuna Ebraham kau ban taibi aisi kan:
—Dawanki, pliskam pali, yang wal kupiam baikpara, sakuna kau aima kum pan naha kat kli mamkabi walaisna: ¿man upla matawalsip baman bahara sâkma kaka, ban sauhkma?
Bara Dawan bui witin ra win:
—Baha nani matawalsip ba dukiara sin, yang tawan ba sauhkras ban swimna.
33Dawan Ebraham wal aisi swin ba ra, witin baha wina mahka wan; bara Ebraham sin ai tintka watla ra kli tawi wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua