Blasi Sturka 24
24
Ebraham ba Aisak maya plikisa
1Naha piua kat Ebraham pat almuk pali takan kan, diara sut witin daukan ba Dawan mita sin ai yamnika yaban kan. 2Yu kumi witin ai albika kum kau almuk kan ba baha ra winan balan, albika ba witin ai dukia nani sut ba main kaiki kan, bara witin ra win:
—Yang karniki na ra alki, 3bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia. 4Sakuna man was yang aisubi takri ba tasbaya ra, bara yang taiya mairin nani ba tila wina luhpi Aisak maya ba pliki sakaia.
5Bara ai albika ba kli pana makabi walan:
—Sakuna mairka ba yang wal balaia apia ai wibia kaka, ¿yang dîa daukamna? ¿Luhpiam waitna ba man tasbayam ra baha wina balram ba ra brih wamna ki?
6Ebraham pana witin ra win:
—Apia, luhpi waitna lika man bahara brih wapara. 7Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma. 8Sakuna tiara ba man wal balaia apia wibia kaka, baku lika man naha pramiska takuma na wina pri takma. Ban sakuna, man bui yang luhpi lika bahara brih waia wisi lika luki kaikpara.
9Bara ai albika ba ai dawanka Ebraham klahkla ba alki buki tâ baiki bri, bara swer taki aisin, dîa daukaia witin ra makaban ba, witin baha kat daukaia âu win. 10Bara albika ba ai dawanka wina diara prisant yaia dukia nani sin brin, diara kau painkira nani ba brih waia. Baha purkara kiamil nani ba tila wina kiamil matawalsip brin bara baha sut brih bara mahka taki wan Mesopotamia ra, Nahor tawanka ra. 11Alba waitna ba tawan lata tani ba kat wan ba ra, lapta ba mahka tihmia iwi kan. Baha awarka kat mairin nani ba liwanhta ra balan lî panhkaia. Alba waitna ba ai kiamilka nani ba ris bribia dukiara, liwanhta kum lamara yan bawi kan. 12Bara witin mahka ai pura sunan: “Dawan, yang dawanki Ebraham Gâdka, man dauks naiwa diara sut yang wal yamni baman takaia. Dawanki ra man kupiam yamni lâka ba naiwa na mariks. 13Naha tawanka wina tiara nani nâra lî panhkaia aula ba ra, yang nâra ban takaskamni liwanhta na lamara. 14Baha tiarika ra yang bui aisamna ba, yas baku takbia: ‘Pliskam pali, lamya watla ba mâyara iks, bara yang lî dimna’, bara pana ai wibia: ‘Man dis, bara kiamilkam nani ba sin lî dakakamna’, bara yas baha tiarika ba man mita bâk sakram kabia albikam Aisak maya takaia. Baku yang aman daira walamna man bui yang dawanki ra kupiam yamni lâka marikisma ba tânka.”
15Bamna witin kau ai pura suni kan ba ra, pat kaikan tiara kum aula sa lî watla kum ai pahpaya ra twilki. Baha ba Rebeca kata, Betuel luhpia aisika ba sika, Ebraham muihnika Nahor, maya mairin ba Milcá, witin nani ai luhpia sika tiara ba. 16Tiara ba pranakira pali kan, tiara pali kau waitna lamara waras kan. Witin sika wih lî panhki ai laya ba ai pahpaya ra twilki tawi aula kan, 17bara alba ba plapi taki witin lamara wan, bara win:
—Pliskam, lamya watla ba wina lî wiria diaia aik.
18Rebeca pana witin ra win:
—Mastarki, bal dis.
Bara witin lî watla ba ai mihta ra alki brih bara witin ra yaban lî din. 19Alba ba lî din bara Rebeca witin ra win:
—Yang kli lî panhkaia auna, kiamilkam nani ba sin lî dakakaia.
20Bara lî watla ra kau lî wiria bri kan ba daiwan lî diaika watlika ra isti pali bri si laiki si, liwanhta ra plapan bara lî panhki kan, kiamil nani ba sut aitani lî din ba kat. 21Alba waitna ba diara aisaras sakuna sâpkira mairin diara dauki ba kaiki ai kupia ra luki kan, nahki Dawan ai warkka dauki ba bara ai yabalka ra yamni baman ban baku wabia sapa. 22Kiamil nani ba sut lî dakakan, bara waitna ba gul ni kakma ra pamaika krukma manakira pali ba kum paman, gul bangkilka sin wâl sakan, bara baha sut mairin ba ra yaban, 23bara makabi walan:
—Pliskam ai wis, ¿man ba ya luhpia mairin? ¿Aisikam watla ra plis bâra sa ki yang bara yang upliki nani aikuki naha tihmia bahara wan lal kahbaia?
24Mairin ba pana win:
—Aisiki nina ba Betuel, damiki nina ba Nahor, kukiki nina Milcá. 25Wan watla ra yapaia pliska bâra sa, kiamil pata sin twi lâwan manis bâra sa.
26Bara alba waitna ba ai lula kriki Dawan ra ai pura sunan. 27Witin aisi, win: “¡Dawan ba yamni pali kabia, dawanki Ebraham Gâdka ba, witin ai kasakka lâka ra umpira kaikan lâka ba kat dawanki wal lâ daukan ba, bara yabalki ra witin tâi bri impakan, yang dawanki muihnika nani watla kat waia!”
28Bara Rebeca plapi ai yapti watla ra wan bara sturka dîa takan ba sut aisin. 29Rebeca ai lakrika kum bri kan nina Labán, bara lakrika ba taki plapan liwanhta ba kat, waitnika nani ba kaikaia. 30Labán kaikan Rebeca kakma ra bara mihta ra sin diara nani yaban ba pat mangki bri kan ba, bara waitna ba sin dîa Rebeca aisin ba sut witin walan, bamna witin ba kaikaia taki wan. Alba waitna ba kau liwanhta ba lamara bâra kan ai daiwra nani ba wal. 31Witin wan bara waitna ba ra win:
—¡Utla ra bal yang wal, Dawan yamni mai munan waitnika! ¡Dîa muni kau ban latara sma, utla ba pat ridi daukri sa, kiamilkam nani watla ba sin!
32Bara alba waitna ba utla ra wih diman. Labán bal kiamilka nani satilka ba lanhki saki pata dakakan, lî sin bri balan witin bara waitna wala nani ba sin mina sikbaia dukiara.
33Witin nani mawanra plun kahban plun piaia, sakuna Ebraham albika ba witin nani ra win:
—Sturi mai wiaia brisna na pas mai wimna, baha ningkara lika yang plun pimna.
Bara Labán win:
—Bamna sturka ba aisas.
34Bara alba ba aisin:
—Yang na Ebraham albika sna. 35Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban. 36Baha purkara ai maya Sara ba dawanki pat almuk pali takan bara luhpia waitna kum baikan, bara dawanki ai dukia nani sut pali ba ai luhpia waitna ra yaban. 37Bara witin ai munan yang swer taki aisari, bara witin ai win: ‘Man bui yang luhpi maya ba lika naha Kenan tasbaya ra yang iwisna na wina lika pliki sâkpara. 38Ban sakuna, man ba yang aisiki tasbaya ra was, taiya nani tilara, bara baha nani masraka wina luhpi maya ba pliki sâks.’ 39Bara yang wîri: ‘Yang dawanki, sakuna mairka ba yang wal balaia apia ai wibia kaka, ¿yang dîa daukamna?’ 40Bara witin pana ai win: ‘Yang Dawan yabalka ra wataukisna, bamna witin mita ai insalka man wal blîkbia, bara impakankam ra yamni mai takbia, baku man luhpi maya kum pliki sâkma, yang aisiki taika nani ba tila wina. 41Naiwa man bui yang ra luhpi maya baikaia swer takisna na, man wama bara taiya nani bui tiara ba man wal blikaia apia wibia kaka lika, man pramiskam daukuma na wina swak taki pri kama.’
42“Baku sika naiwa yua yang liwanhta purara balri bara puri sunra ra Dawan ra makabri, witinka yang dawanki Ebraham Gâdka ba: ‘Yang impakanki sut na naha tasbaya ra man mita yamni man daukaia sma kaka, 43nanara liwanhta lamara sna na ra yang puri sunisni, yarka naku takbia: ani tiarika lî panhkaia balbia ba ra yang bui witin ra wimna kaka: Tiara pliskam pali, lamya watla ba wina aik lî wiria dimna, 44bara witin ai wibia kaka: Bal dis, bara kiamilkam nani dakakaia laya sin panhkamna wibia kaka, baha mairka ba kabia, Dawan, man mita bâk sakram ba yang dawanki luhpia waitna maya takaia.’ 45Puri sunra ba kau suni kapri ba ra, kaikri Rebeca pat aula kan lî watla ai pahpaya ra twilki. Liwanhta wina lî panhki si aula kan, bara yang bui witin ra wîri: ‘Pliskam pali, yang ra lî diaia aik.’ 46Witin lî watla ba ai pahpaya wina sakan, bara ai win: ‘Man bal lî dis, bara kiamilkam nani sin lî dakakamna.’ Bara witin bui yang ra lî aikan, baku kiamilki nani ra sin. 47Bara yang bui witin ra makabi walri: ‘¿Man ba ya luhpia?’ Bara witin ai win: ‘Yang Betuel luhpia mairin sna, damiki nina Nahor, kukiki nina Milcá.’ Bara yang gul ni paskan dukia krukma kum ai kakma ra mangkri, ai klahkla ra sin bangkil wâl mangkri. 48Bara yang luli krikri Dawan ra mayunri; Dawan ra puri sunri, yang dawanki Ebraham Gâdka ra, witin yabal wapni bâk ai bri balan ba dukiara, bara yang dawanki taika ba tila wina, luhpia mairin ba kat sakaia ai luhpia maya baikaia. 49Bamna nanara, man nani mita ai wis man nani kunin âpu lâka ra dawanki wal yamni iwi kama, baku kaia apia kaka sin ai wis, bara yang daira walamna dîa daukaia sna ba.
50Bamna Labán bara Betuel wal mita pana witin ra win:
—Baha sut aisisma ba, lukanka ba lika Dawan wina aula, bamna yang nani mita man ra âu o apia sin sip mai wiras. 51Sakuna baha lika man laki kaiks, Rebeca nâra sa bara brih was. Witin lika man dawankam luhpia waitna maya kabia, Dawan mita luki kaikan ba kat.
52Ebraham albika ba baha bîla nani aisan ba walan ba ra, Dawan mawanra ai lula kriki ai lal tasba kat kangban. 53Baha ningkara alba ba gul, silbar dukia nani, prâk nani sin saki Rebeca ra yaban. Baku sin lakrika ra bara yaptika ra sin prisantka nani yaban. 54Baha ningkara alba ba ai uplika nani aikuki plun ba pin, diara din bara tihmia bahara yapan. Bara yua wala titan witin nani buan, bara alba ba aisin:
—Man nani ai swis yang dawanki watla ra kli tawi wamna.
55Sakuna Rebeca lakrika ba yaptika wal bila win:
—Yarka tiara na kau yu matawalsip pan yang nani wal nâra si, baha ningkara man nani wal wabia.
56Sakuna alba ba bila witin nani ra win:
—Man nani kau alki ai takaskpara. Yang impakanki na sut Gâd mita daukan yabalki sut pain pali baman takan sa, bamna man nani ai swis yang dawanki watla ra mahka tawi wamna.
57Bara witin nani pana win:
—Kaisa yawan tiara ba winaia, bara witin ra walaia witin dîa wisa sapa.
58Bara witin nani Rebeca ra winan bara witin ra makabi walan:
—¿Man naha waitnika nani aikuki mahka waia brin mai daukisa ki?
Witin win:
—Âu.
59Bara witin nani Rebeca ba swin witin nani wal waia. Mairin almuk kum witin main kaiki kan ba mairka ba sin witin wal wan. Ebraham napakanka, ai uplika nani asla sut balan kan ba aikuki mahka wan. 60Bara witin nani naha bîla nani aisi Rebeca ra yamni win:
“Âu, wan lakra mairin,
¡man milian ailal nani yaptika takma!
¡Man kiamkam nani ba,
waihlam nani tawanka tara nani ba pura lubia!”
61Baku Rebeca ai albika mairin nani ba aikuki kiamil nani ra ulan, mahka Ebraham albika nina blikan. Bara baku Ebraham napakanka ba Rebeca ai lamara brin bara baha wina taki mahka impakan.
62Aisak ba Négueb tasbaya ra iwi kan. Bara baha yua ba bahara liwanhta kum nina “Witin raya bara ai kaiki ba” liwanhtika ra wan kan, bara baha wina tawi balan kan. 63Bara witin tutni wiria kirhbi taki wan kan klimnu, bara kaikan kiamil nani ai lamara aula kan. 64Pana Rebeca mita sin pat kaikan, Aisak aula kan ba. Bara witin kiamil ba wina iwan, 65bara Ebraham napakanka ra makabi walan:
—¿Bahara waitna kum aula ba, witin yawan tani ra aula sa bara witin ba ya?
Napakanka ba pana witin ra win:
—Baha sika yang dawanki.
Bara Rebeca ai lal pura bikaia kwalka ba brih ai mawan prakan.
66Bara napakan ba witin dîa daukan ba sut Aisak ra win. 67Baha ningkara Aisak bui Rebeca brih wan ai yaptika Sara tintka watla ra, bara witin wal ai maya takan. Aisak Rebeca latwan pali kaikan bara witin ai yaptika pruan kan sakuna, baku ai maisa nihkra ba brin.
Currently Selected:
Blasi Sturka 24: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Blasi Sturka 24
24
Ebraham ba Aisak maya plikisa
1Naha piua kat Ebraham pat almuk pali takan kan, diara sut witin daukan ba Dawan mita sin ai yamnika yaban kan. 2Yu kumi witin ai albika kum kau almuk kan ba baha ra winan balan, albika ba witin ai dukia nani sut ba main kaiki kan, bara witin ra win:
—Yang karniki na ra alki, 3bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia. 4Sakuna man was yang aisubi takri ba tasbaya ra, bara yang taiya mairin nani ba tila wina luhpi Aisak maya ba pliki sakaia.
5Bara ai albika ba kli pana makabi walan:
—Sakuna mairka ba yang wal balaia apia ai wibia kaka, ¿yang dîa daukamna? ¿Luhpiam waitna ba man tasbayam ra baha wina balram ba ra brih wamna ki?
6Ebraham pana witin ra win:
—Apia, luhpi waitna lika man bahara brih wapara. 7Dawan, kasbrika pura Gâdka ba, yang aisiki watla bara taiya nani tasbaya wina sin witin mita ai saki bara witin aisi yang ra pramis ai munan ba, naha tasbaya na yang luhpi nani ra yabaia wisi, witin ai insalka man kainamra blîkbia, bara man baha wina yang luhpi waitna maya kum bri balma. 8Sakuna tiara ba man wal balaia apia wibia kaka, baku lika man naha pramiska takuma na wina pri takma. Ban sakuna, man bui yang luhpi lika bahara brih waia wisi lika luki kaikpara.
9Bara ai albika ba ai dawanka Ebraham klahkla ba alki buki tâ baiki bri, bara swer taki aisin, dîa daukaia witin ra makaban ba, witin baha kat daukaia âu win. 10Bara albika ba ai dawanka wina diara prisant yaia dukia nani sin brin, diara kau painkira nani ba brih waia. Baha purkara kiamil nani ba tila wina kiamil matawalsip brin bara baha sut brih bara mahka taki wan Mesopotamia ra, Nahor tawanka ra. 11Alba waitna ba tawan lata tani ba kat wan ba ra, lapta ba mahka tihmia iwi kan. Baha awarka kat mairin nani ba liwanhta ra balan lî panhkaia. Alba waitna ba ai kiamilka nani ba ris bribia dukiara, liwanhta kum lamara yan bawi kan. 12Bara witin mahka ai pura sunan: “Dawan, yang dawanki Ebraham Gâdka, man dauks naiwa diara sut yang wal yamni baman takaia. Dawanki ra man kupiam yamni lâka ba naiwa na mariks. 13Naha tawanka wina tiara nani nâra lî panhkaia aula ba ra, yang nâra ban takaskamni liwanhta na lamara. 14Baha tiarika ra yang bui aisamna ba, yas baku takbia: ‘Pliskam pali, lamya watla ba mâyara iks, bara yang lî dimna’, bara pana ai wibia: ‘Man dis, bara kiamilkam nani ba sin lî dakakamna’, bara yas baha tiarika ba man mita bâk sakram kabia albikam Aisak maya takaia. Baku yang aman daira walamna man bui yang dawanki ra kupiam yamni lâka marikisma ba tânka.”
15Bamna witin kau ai pura suni kan ba ra, pat kaikan tiara kum aula sa lî watla kum ai pahpaya ra twilki. Baha ba Rebeca kata, Betuel luhpia aisika ba sika, Ebraham muihnika Nahor, maya mairin ba Milcá, witin nani ai luhpia sika tiara ba. 16Tiara ba pranakira pali kan, tiara pali kau waitna lamara waras kan. Witin sika wih lî panhki ai laya ba ai pahpaya ra twilki tawi aula kan, 17bara alba ba plapi taki witin lamara wan, bara win:
—Pliskam, lamya watla ba wina lî wiria diaia aik.
18Rebeca pana witin ra win:
—Mastarki, bal dis.
Bara witin lî watla ba ai mihta ra alki brih bara witin ra yaban lî din. 19Alba ba lî din bara Rebeca witin ra win:
—Yang kli lî panhkaia auna, kiamilkam nani ba sin lî dakakaia.
20Bara lî watla ra kau lî wiria bri kan ba daiwan lî diaika watlika ra isti pali bri si laiki si, liwanhta ra plapan bara lî panhki kan, kiamil nani ba sut aitani lî din ba kat. 21Alba waitna ba diara aisaras sakuna sâpkira mairin diara dauki ba kaiki ai kupia ra luki kan, nahki Dawan ai warkka dauki ba bara ai yabalka ra yamni baman ban baku wabia sapa. 22Kiamil nani ba sut lî dakakan, bara waitna ba gul ni kakma ra pamaika krukma manakira pali ba kum paman, gul bangkilka sin wâl sakan, bara baha sut mairin ba ra yaban, 23bara makabi walan:
—Pliskam ai wis, ¿man ba ya luhpia mairin? ¿Aisikam watla ra plis bâra sa ki yang bara yang upliki nani aikuki naha tihmia bahara wan lal kahbaia?
24Mairin ba pana win:
—Aisiki nina ba Betuel, damiki nina ba Nahor, kukiki nina Milcá. 25Wan watla ra yapaia pliska bâra sa, kiamil pata sin twi lâwan manis bâra sa.
26Bara alba waitna ba ai lula kriki Dawan ra ai pura sunan. 27Witin aisi, win: “¡Dawan ba yamni pali kabia, dawanki Ebraham Gâdka ba, witin ai kasakka lâka ra umpira kaikan lâka ba kat dawanki wal lâ daukan ba, bara yabalki ra witin tâi bri impakan, yang dawanki muihnika nani watla kat waia!”
28Bara Rebeca plapi ai yapti watla ra wan bara sturka dîa takan ba sut aisin. 29Rebeca ai lakrika kum bri kan nina Labán, bara lakrika ba taki plapan liwanhta ba kat, waitnika nani ba kaikaia. 30Labán kaikan Rebeca kakma ra bara mihta ra sin diara nani yaban ba pat mangki bri kan ba, bara waitna ba sin dîa Rebeca aisin ba sut witin walan, bamna witin ba kaikaia taki wan. Alba waitna ba kau liwanhta ba lamara bâra kan ai daiwra nani ba wal. 31Witin wan bara waitna ba ra win:
—¡Utla ra bal yang wal, Dawan yamni mai munan waitnika! ¡Dîa muni kau ban latara sma, utla ba pat ridi daukri sa, kiamilkam nani watla ba sin!
32Bara alba waitna ba utla ra wih diman. Labán bal kiamilka nani satilka ba lanhki saki pata dakakan, lî sin bri balan witin bara waitna wala nani ba sin mina sikbaia dukiara.
33Witin nani mawanra plun kahban plun piaia, sakuna Ebraham albika ba witin nani ra win:
—Sturi mai wiaia brisna na pas mai wimna, baha ningkara lika yang plun pimna.
Bara Labán win:
—Bamna sturka ba aisas.
34Bara alba ba aisin:
—Yang na Ebraham albika sna. 35Dawan mita yang dawanki ra uya yamni pali munan bara yuyakira pali daukan: sîp bara bîp nani, silbar, gul, alba waitna bara alba mairin nani, kiamil nani, biriku nani sut ailal yaban. 36Baha purkara ai maya Sara ba dawanki pat almuk pali takan bara luhpia waitna kum baikan, bara dawanki ai dukia nani sut pali ba ai luhpia waitna ra yaban. 37Bara witin ai munan yang swer taki aisari, bara witin ai win: ‘Man bui yang luhpi maya ba lika naha Kenan tasbaya ra yang iwisna na wina lika pliki sâkpara. 38Ban sakuna, man ba yang aisiki tasbaya ra was, taiya nani tilara, bara baha nani masraka wina luhpi maya ba pliki sâks.’ 39Bara yang wîri: ‘Yang dawanki, sakuna mairka ba yang wal balaia apia ai wibia kaka, ¿yang dîa daukamna?’ 40Bara witin pana ai win: ‘Yang Dawan yabalka ra wataukisna, bamna witin mita ai insalka man wal blîkbia, bara impakankam ra yamni mai takbia, baku man luhpi maya kum pliki sâkma, yang aisiki taika nani ba tila wina. 41Naiwa man bui yang ra luhpi maya baikaia swer takisna na, man wama bara taiya nani bui tiara ba man wal blikaia apia wibia kaka lika, man pramiskam daukuma na wina swak taki pri kama.’
42“Baku sika naiwa yua yang liwanhta purara balri bara puri sunra ra Dawan ra makabri, witinka yang dawanki Ebraham Gâdka ba: ‘Yang impakanki sut na naha tasbaya ra man mita yamni man daukaia sma kaka, 43nanara liwanhta lamara sna na ra yang puri sunisni, yarka naku takbia: ani tiarika lî panhkaia balbia ba ra yang bui witin ra wimna kaka: Tiara pliskam pali, lamya watla ba wina aik lî wiria dimna, 44bara witin ai wibia kaka: Bal dis, bara kiamilkam nani dakakaia laya sin panhkamna wibia kaka, baha mairka ba kabia, Dawan, man mita bâk sakram ba yang dawanki luhpia waitna maya takaia.’ 45Puri sunra ba kau suni kapri ba ra, kaikri Rebeca pat aula kan lî watla ai pahpaya ra twilki. Liwanhta wina lî panhki si aula kan, bara yang bui witin ra wîri: ‘Pliskam pali, yang ra lî diaia aik.’ 46Witin lî watla ba ai pahpaya wina sakan, bara ai win: ‘Man bal lî dis, bara kiamilkam nani sin lî dakakamna.’ Bara witin bui yang ra lî aikan, baku kiamilki nani ra sin. 47Bara yang bui witin ra makabi walri: ‘¿Man ba ya luhpia?’ Bara witin ai win: ‘Yang Betuel luhpia mairin sna, damiki nina Nahor, kukiki nina Milcá.’ Bara yang gul ni paskan dukia krukma kum ai kakma ra mangkri, ai klahkla ra sin bangkil wâl mangkri. 48Bara yang luli krikri Dawan ra mayunri; Dawan ra puri sunri, yang dawanki Ebraham Gâdka ra, witin yabal wapni bâk ai bri balan ba dukiara, bara yang dawanki taika ba tila wina, luhpia mairin ba kat sakaia ai luhpia maya baikaia. 49Bamna nanara, man nani mita ai wis man nani kunin âpu lâka ra dawanki wal yamni iwi kama, baku kaia apia kaka sin ai wis, bara yang daira walamna dîa daukaia sna ba.
50Bamna Labán bara Betuel wal mita pana witin ra win:
—Baha sut aisisma ba, lukanka ba lika Dawan wina aula, bamna yang nani mita man ra âu o apia sin sip mai wiras. 51Sakuna baha lika man laki kaiks, Rebeca nâra sa bara brih was. Witin lika man dawankam luhpia waitna maya kabia, Dawan mita luki kaikan ba kat.
52Ebraham albika ba baha bîla nani aisan ba walan ba ra, Dawan mawanra ai lula kriki ai lal tasba kat kangban. 53Baha ningkara alba ba gul, silbar dukia nani, prâk nani sin saki Rebeca ra yaban. Baku sin lakrika ra bara yaptika ra sin prisantka nani yaban. 54Baha ningkara alba ba ai uplika nani aikuki plun ba pin, diara din bara tihmia bahara yapan. Bara yua wala titan witin nani buan, bara alba ba aisin:
—Man nani ai swis yang dawanki watla ra kli tawi wamna.
55Sakuna Rebeca lakrika ba yaptika wal bila win:
—Yarka tiara na kau yu matawalsip pan yang nani wal nâra si, baha ningkara man nani wal wabia.
56Sakuna alba ba bila witin nani ra win:
—Man nani kau alki ai takaskpara. Yang impakanki na sut Gâd mita daukan yabalki sut pain pali baman takan sa, bamna man nani ai swis yang dawanki watla ra mahka tawi wamna.
57Bara witin nani pana win:
—Kaisa yawan tiara ba winaia, bara witin ra walaia witin dîa wisa sapa.
58Bara witin nani Rebeca ra winan bara witin ra makabi walan:
—¿Man naha waitnika nani aikuki mahka waia brin mai daukisa ki?
Witin win:
—Âu.
59Bara witin nani Rebeca ba swin witin nani wal waia. Mairin almuk kum witin main kaiki kan ba mairka ba sin witin wal wan. Ebraham napakanka, ai uplika nani asla sut balan kan ba aikuki mahka wan. 60Bara witin nani naha bîla nani aisi Rebeca ra yamni win:
“Âu, wan lakra mairin,
¡man milian ailal nani yaptika takma!
¡Man kiamkam nani ba,
waihlam nani tawanka tara nani ba pura lubia!”
61Baku Rebeca ai albika mairin nani ba aikuki kiamil nani ra ulan, mahka Ebraham albika nina blikan. Bara baku Ebraham napakanka ba Rebeca ai lamara brin bara baha wina taki mahka impakan.
62Aisak ba Négueb tasbaya ra iwi kan. Bara baha yua ba bahara liwanhta kum nina “Witin raya bara ai kaiki ba” liwanhtika ra wan kan, bara baha wina tawi balan kan. 63Bara witin tutni wiria kirhbi taki wan kan klimnu, bara kaikan kiamil nani ai lamara aula kan. 64Pana Rebeca mita sin pat kaikan, Aisak aula kan ba. Bara witin kiamil ba wina iwan, 65bara Ebraham napakanka ra makabi walan:
—¿Bahara waitna kum aula ba, witin yawan tani ra aula sa bara witin ba ya?
Napakanka ba pana witin ra win:
—Baha sika yang dawanki.
Bara Rebeca ai lal pura bikaia kwalka ba brih ai mawan prakan.
66Bara napakan ba witin dîa daukan ba sut Aisak ra win. 67Baha ningkara Aisak bui Rebeca brih wan ai yaptika Sara tintka watla ra, bara witin wal ai maya takan. Aisak Rebeca latwan pali kaikan bara witin ai yaptika pruan kan sakuna, baku ai maisa nihkra ba brin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua