Blasi Sturka 27
27
Aisak ai luhpia Jekob bara Isau ra yamni munan ba
1Bara ban kan, Aisak pat almuk pali takan bara ai nakra nani sut tihmia takan sip diara kaikras kan, bara ai luhpia waitna tawahkia Isau ra winan, bara witin ra win:
—¡Luhpi!
Bara Isau pana aisin:
—Aisiki, ai wis dîa kaka.
2Bara Aisak bila witin ra:
—Kaiks luhpi, yang pat almuk pali takri sa, ani yua pruaia sna ba yang kaikras. 3Bamna brin ai daukisa man naiwa trisbaikam nani bara pantamangka ba sin brima bara mahka unta ra wama upan plikaia. 4Bara wîna pilala auhni kum yang pin ai dauki ba baku dauki bri balma, yang baha pimni bara yang kau pruras sna ba ra yang yamniki ba maikamna.
5Sakuna Aisak Isau wal bâra aisi kan ba Rebeca wali kan. Bara Isau nan latara takan ba ra, 6witin ai luhpia ningka Jekob ra win:
—Wals, yang walri aisikam ba muihkam almuk wal aisi kan, bara witin ra win: 7‘Daiwan pliki iki bal, bara pilala auhni dauki aik, yang baha pimna bara Dawan mawanra ai yamnika aikan ba maikamna, yang kau pruras sna ba kainara.’ 8Bahamna, luhpi, yang mai wisna na man pain wals: 9Man nanara daiwan nani tilara was, bara guts nani ba tila wina batana lupia ba wâl iki yang ra bri bal, bara baha ni yang plun auhni pali piakamna aisikam pin dauki ba baku. 10Bara man mita pata ba aisikam ra brih wama, witin baha pibia bara ningkara ai yamnika ba maikbia witin kau pruras ba kainara.
11Sakuna Jekob bila ai yaptika ra win:
—Kaiks, muihki Isau sika taya tamaya manis brisa, bara yang lika baku apia sna na. 12Bara ban kra aisiki ai alki ai kaikbia kaka, bara upla kuninkira ai lawaska kikisna ai kulkbia, bara yang purira lahtuban lâka ni bri balamna, yamnika ba briaia wisi.
13Ai yaptika pana witin ra win:
—Luhpi, baha lahtubanka ba swis yang purira tawbia, sakuna yang dîa mai wîri ba baha man wali dauks, was bara guts lupia nani ba iki bri bal.
14Bara Jekob witin wan, bara gutska lupia nani ba bri balan. Bara yaptika baha wîna ba pilala auhni pali daukan, Aisak pin dauki kan ba baku. 15Bara Rebeca ai luhpia almuk Isau prâka bara trauska kau pain nani bri kan ba saki, ai luhpia sirpika Jekob ra yaban diman. 16Baha ningkara sîp lupia nani ikan taya ba brih baha ni ai klahkla nani ba bara ai nana bîla ba sin sut pain pali blakan, baku ai taya tamaya mangkan. 17Ba sut ningkara wîna piakan pilalka auhni daukan ba, plun tâma nani wal auhni, bara witin ra yaban ai papika ra bri si yabaia.
18Jekob ai aisika mawanra dimi wan bara winan:
—Aisiki.
Aisak pana witin ra winan:
—Nâra sni.
Bara witin makabi walan:
—Man nani wâl sma ba wina, ¿man ya ai winisma na?
19Jekob pana ai papika ra win:
—Yang, luhpiam tawahkia, daukaia ai wiram ba yang pat daukri. Bamna, pliskam, mahka bus, bara daiwan ikri wînka na pis, bara yamni ai munaia ai wiram ba mahka yamni ai muns.
20Aisak pana Jekob ra win:
—¿Nahki man pat pali wîna ba pliki sakram?
Jekob pana win:
—Dawan man Gâdkam ba tâi baikan.
21Sakuna Aisak bila witin ra:
—Nanara laimara bal bara alki mai kaikamni, man ba kasak pali rait luhpi Isau sma sapa.
22Jekob ai aisika lamara wan, witin ra alki kaikaia mata. Bara Aisak aisin: “Bîla baikra na lika Jekob bîla baikra sa, sakuna klahkla nani na lika Isau klahkla nani sa.” 23Bamna Aisak sip pain tânka briras kan, klahkla nani ba tamayira Isau klahkla baku kan bamna. Sakuna witin ra kau yamni munras kan ba ra, 24kli makabi walan:
—¿Rait pali man ba luhpi Isau sma?
Jekob bila:
—Âu, yang sika Isau.
25Bara aisika kli witin ra win:
—Luhpi, pati ba bri sal aik, man daiwan pliki ikram ba baha wîna ba pi bara yamnika ba maikamna.
Jekob witin pata ba Aisak lamara bri balan bara witin pin; wain sin bri balan, baha sin din, 26Bara witin ai luhpia ra win:
—Luhpi, laimara bal bara ai kiawals.
27Jekob ai aisika lamara wih ai aisika ra alki kiawalan, Aisak ai luhpia prâka ba alki kiawalan bara naha bîla nani na aisi baku yamni munan:
“Kaiks, luhpi taya kîa na,
twi kîa pain ba baku sa,
Dawan mita yamni munan ba.
28Bamna Dawan diwas laya kasbrika pura wina maikbia,
tasba wina mâ kau yamni nani ba ailal,
plawar, wain mâ ailal,
29upla nani man dukiam daukbia;
nisan nani sin man mamwanra bawbia,
man muihkam nani pura wihtka aimaki kama,
bara witin nani man mamwanra bawbia.
Saura mai wibia uplika ba ra pana saura win kabia;
yamni mai wibia ba uplika nani ra; yamni munan kabia.”#Bla St 12.3.,#Hib 11.20.
30Aisak bui Jekob ra yamnika ba yaban wal baku, witin nan ai aisika mawan wina taki wan ba ra, ai muihnika Isau sin pat bal diman. 31Witin sin wîna ba piaki pilala auhni pali dauki ai aisika ra bri balan bara win:
—Aisiki, bus; luhpiam daiwan pliki iki bri balan na pis bara yamnikam ba aik.
32Bara ai aisika witin ra makabi walan:
—¿Man ba ya?
Bara witin pana win:
—Yang Isau, man luhpiam tawahkia ba.
33Aisak kasak pali sirang iwan bara ai bîla baikra tara aisi, win:
—Bamna ban kaka, ¿ya kata witin unta ra wih daiwan iki plun auhni dauki bri sal aikan ba? Man kau balras kapram ba kainamra, yang baha sut pat piri, bara yamnika sin pat yabri, bara witin nanara baha yamnika ba brin.
34Isau ai aisika aisi ba wali bara mahka sarikira pali ini, ai bîla baikra tara karna winan:
—Aisiki, yang ra sin yamnika kum aik.
35Sakuna Aisak pana aisi witin ra win:
—Man muihkam balan, bara kunin ai muni yamnika man ra maikaia bri kapri ba brih wan.
36Isau pana aisin:
—¡Bahamna ai nina ba baku pain mâkan ba, Jekob, witin naha kat pat aima wâl yang mini alkaika ba mangkisa!#27.36 Kaiks mâyara ulban ba 25.26 ra. Tawahkia kulkanka ba yang wina pat ai dakbi brin, bara kaiks nanara yamnikam yang briaia katna ba witin ai dakbi brin. ¿Yamnika wala kum kau yang dukira apahki briras sma ki?
37Aisak pana Isau ra win:
—Nanara wals, yang pat Isau ba man wihtkam kaia mangkri sa.#Bla St 25.29-34. Ai muihni nani sut ba sin, witin ai warkka dadaukra nani kaia. Aya mâ, wain mâ ailal bri kabia. Luhpi, ¿bamna nanara yang kau dîa man ra maikamna ki?
38Isau baha walras ban ini ai aisika ra win:
—Aisiki, ¿man bui yamnika kumi baman yabaia sip sma ki? ¡Yang ra sin yamnikam aik!
Bara witin kli ai bîla baikra karna inan.#Hib 12.17.
39Bara Aisak naku aisi witin ra win:
“Tasba disang nani wina laihura iwi kama,
lî pura wina auhi ba wina sin laihura.
40Man sordkam ni kainam kahbi kama,
bara muihkam warkka taki kama;
ban sakuna, man karnikam ba brima ba ra,
ai karnika puramra mangkan ba wina kriki takma.”#Bla St 36.8; 2 Ki 8.20.,#Hib 11.20.
Jekob Isau sîa plapisa
41Bara Isau baha yua wina Jekob ra misbara kaikata, baha yamnika ba ai aisika witin ra yaban kan bamna. Bara Isau ai kupia ra lukan: “Aisiki pruanka dukiara sari bri inaia yua nani ba aimakaia pat baila sa; bamna baha yua ba lubia ba ningkara, yang muihki Jekob ba ikamna.”
42Rebeca walan Isau dîa daukaia luki ridi taki ba, bara witin Jekob ba paiwan bara witin ra win:
—Wals, muihkam Isau pana mai munaia lukisa bara mai ikaia ridi takisa. 43Bamna luhpi, nanara man bîli kat wali dauks: bus bara Harán tawanka ra plapi was laikra Labán watla ra. 44Bara bahara witin wal takaski bâra bas, man muihkam kupia baiwan ba pain takbia ba kat, 45man bui witin ra munram ba ai âuya tiwbia ba kat. Bara yang kli bîli bliki mai wimna man ahkia kli balaia sma ba. Brin ai daukras, luhpi waitna wâlsut yu kumi bilara yang maiwan wina lap tiwaia.
46Baha wina witin tawi Aisak ra win:
—Isau mairka hitita nani tila wina ai maya brin ba tâka ba mita sika wîni tara na siknis ai daukisa, swapri sa sin. Bara Jekob sin kli hitita mairka wala Kenan ra iwi nani ba tila wina kum wal bribia sa kaka lika, kanra yamni sa yang mahka pruaia.
Currently Selected:
Blasi Sturka 27: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Blasi Sturka 27
27
Aisak ai luhpia Jekob bara Isau ra yamni munan ba
1Bara ban kan, Aisak pat almuk pali takan bara ai nakra nani sut tihmia takan sip diara kaikras kan, bara ai luhpia waitna tawahkia Isau ra winan, bara witin ra win:
—¡Luhpi!
Bara Isau pana aisin:
—Aisiki, ai wis dîa kaka.
2Bara Aisak bila witin ra:
—Kaiks luhpi, yang pat almuk pali takri sa, ani yua pruaia sna ba yang kaikras. 3Bamna brin ai daukisa man naiwa trisbaikam nani bara pantamangka ba sin brima bara mahka unta ra wama upan plikaia. 4Bara wîna pilala auhni kum yang pin ai dauki ba baku dauki bri balma, yang baha pimni bara yang kau pruras sna ba ra yang yamniki ba maikamna.
5Sakuna Aisak Isau wal bâra aisi kan ba Rebeca wali kan. Bara Isau nan latara takan ba ra, 6witin ai luhpia ningka Jekob ra win:
—Wals, yang walri aisikam ba muihkam almuk wal aisi kan, bara witin ra win: 7‘Daiwan pliki iki bal, bara pilala auhni dauki aik, yang baha pimna bara Dawan mawanra ai yamnika aikan ba maikamna, yang kau pruras sna ba kainara.’ 8Bahamna, luhpi, yang mai wisna na man pain wals: 9Man nanara daiwan nani tilara was, bara guts nani ba tila wina batana lupia ba wâl iki yang ra bri bal, bara baha ni yang plun auhni pali piakamna aisikam pin dauki ba baku. 10Bara man mita pata ba aisikam ra brih wama, witin baha pibia bara ningkara ai yamnika ba maikbia witin kau pruras ba kainara.
11Sakuna Jekob bila ai yaptika ra win:
—Kaiks, muihki Isau sika taya tamaya manis brisa, bara yang lika baku apia sna na. 12Bara ban kra aisiki ai alki ai kaikbia kaka, bara upla kuninkira ai lawaska kikisna ai kulkbia, bara yang purira lahtuban lâka ni bri balamna, yamnika ba briaia wisi.
13Ai yaptika pana witin ra win:
—Luhpi, baha lahtubanka ba swis yang purira tawbia, sakuna yang dîa mai wîri ba baha man wali dauks, was bara guts lupia nani ba iki bri bal.
14Bara Jekob witin wan, bara gutska lupia nani ba bri balan. Bara yaptika baha wîna ba pilala auhni pali daukan, Aisak pin dauki kan ba baku. 15Bara Rebeca ai luhpia almuk Isau prâka bara trauska kau pain nani bri kan ba saki, ai luhpia sirpika Jekob ra yaban diman. 16Baha ningkara sîp lupia nani ikan taya ba brih baha ni ai klahkla nani ba bara ai nana bîla ba sin sut pain pali blakan, baku ai taya tamaya mangkan. 17Ba sut ningkara wîna piakan pilalka auhni daukan ba, plun tâma nani wal auhni, bara witin ra yaban ai papika ra bri si yabaia.
18Jekob ai aisika mawanra dimi wan bara winan:
—Aisiki.
Aisak pana witin ra winan:
—Nâra sni.
Bara witin makabi walan:
—Man nani wâl sma ba wina, ¿man ya ai winisma na?
19Jekob pana ai papika ra win:
—Yang, luhpiam tawahkia, daukaia ai wiram ba yang pat daukri. Bamna, pliskam, mahka bus, bara daiwan ikri wînka na pis, bara yamni ai munaia ai wiram ba mahka yamni ai muns.
20Aisak pana Jekob ra win:
—¿Nahki man pat pali wîna ba pliki sakram?
Jekob pana win:
—Dawan man Gâdkam ba tâi baikan.
21Sakuna Aisak bila witin ra:
—Nanara laimara bal bara alki mai kaikamni, man ba kasak pali rait luhpi Isau sma sapa.
22Jekob ai aisika lamara wan, witin ra alki kaikaia mata. Bara Aisak aisin: “Bîla baikra na lika Jekob bîla baikra sa, sakuna klahkla nani na lika Isau klahkla nani sa.” 23Bamna Aisak sip pain tânka briras kan, klahkla nani ba tamayira Isau klahkla baku kan bamna. Sakuna witin ra kau yamni munras kan ba ra, 24kli makabi walan:
—¿Rait pali man ba luhpi Isau sma?
Jekob bila:
—Âu, yang sika Isau.
25Bara aisika kli witin ra win:
—Luhpi, pati ba bri sal aik, man daiwan pliki ikram ba baha wîna ba pi bara yamnika ba maikamna.
Jekob witin pata ba Aisak lamara bri balan bara witin pin; wain sin bri balan, baha sin din, 26Bara witin ai luhpia ra win:
—Luhpi, laimara bal bara ai kiawals.
27Jekob ai aisika lamara wih ai aisika ra alki kiawalan, Aisak ai luhpia prâka ba alki kiawalan bara naha bîla nani na aisi baku yamni munan:
“Kaiks, luhpi taya kîa na,
twi kîa pain ba baku sa,
Dawan mita yamni munan ba.
28Bamna Dawan diwas laya kasbrika pura wina maikbia,
tasba wina mâ kau yamni nani ba ailal,
plawar, wain mâ ailal,
29upla nani man dukiam daukbia;
nisan nani sin man mamwanra bawbia,
man muihkam nani pura wihtka aimaki kama,
bara witin nani man mamwanra bawbia.
Saura mai wibia uplika ba ra pana saura win kabia;
yamni mai wibia ba uplika nani ra; yamni munan kabia.”#Bla St 12.3.,#Hib 11.20.
30Aisak bui Jekob ra yamnika ba yaban wal baku, witin nan ai aisika mawan wina taki wan ba ra, ai muihnika Isau sin pat bal diman. 31Witin sin wîna ba piaki pilala auhni pali dauki ai aisika ra bri balan bara win:
—Aisiki, bus; luhpiam daiwan pliki iki bri balan na pis bara yamnikam ba aik.
32Bara ai aisika witin ra makabi walan:
—¿Man ba ya?
Bara witin pana win:
—Yang Isau, man luhpiam tawahkia ba.
33Aisak kasak pali sirang iwan bara ai bîla baikra tara aisi, win:
—Bamna ban kaka, ¿ya kata witin unta ra wih daiwan iki plun auhni dauki bri sal aikan ba? Man kau balras kapram ba kainamra, yang baha sut pat piri, bara yamnika sin pat yabri, bara witin nanara baha yamnika ba brin.
34Isau ai aisika aisi ba wali bara mahka sarikira pali ini, ai bîla baikra tara karna winan:
—Aisiki, yang ra sin yamnika kum aik.
35Sakuna Aisak pana aisi witin ra win:
—Man muihkam balan, bara kunin ai muni yamnika man ra maikaia bri kapri ba brih wan.
36Isau pana aisin:
—¡Bahamna ai nina ba baku pain mâkan ba, Jekob, witin naha kat pat aima wâl yang mini alkaika ba mangkisa!#27.36 Kaiks mâyara ulban ba 25.26 ra. Tawahkia kulkanka ba yang wina pat ai dakbi brin, bara kaiks nanara yamnikam yang briaia katna ba witin ai dakbi brin. ¿Yamnika wala kum kau yang dukira apahki briras sma ki?
37Aisak pana Isau ra win:
—Nanara wals, yang pat Isau ba man wihtkam kaia mangkri sa.#Bla St 25.29-34. Ai muihni nani sut ba sin, witin ai warkka dadaukra nani kaia. Aya mâ, wain mâ ailal bri kabia. Luhpi, ¿bamna nanara yang kau dîa man ra maikamna ki?
38Isau baha walras ban ini ai aisika ra win:
—Aisiki, ¿man bui yamnika kumi baman yabaia sip sma ki? ¡Yang ra sin yamnikam aik!
Bara witin kli ai bîla baikra karna inan.#Hib 12.17.
39Bara Aisak naku aisi witin ra win:
“Tasba disang nani wina laihura iwi kama,
lî pura wina auhi ba wina sin laihura.
40Man sordkam ni kainam kahbi kama,
bara muihkam warkka taki kama;
ban sakuna, man karnikam ba brima ba ra,
ai karnika puramra mangkan ba wina kriki takma.”#Bla St 36.8; 2 Ki 8.20.,#Hib 11.20.
Jekob Isau sîa plapisa
41Bara Isau baha yua wina Jekob ra misbara kaikata, baha yamnika ba ai aisika witin ra yaban kan bamna. Bara Isau ai kupia ra lukan: “Aisiki pruanka dukiara sari bri inaia yua nani ba aimakaia pat baila sa; bamna baha yua ba lubia ba ningkara, yang muihki Jekob ba ikamna.”
42Rebeca walan Isau dîa daukaia luki ridi taki ba, bara witin Jekob ba paiwan bara witin ra win:
—Wals, muihkam Isau pana mai munaia lukisa bara mai ikaia ridi takisa. 43Bamna luhpi, nanara man bîli kat wali dauks: bus bara Harán tawanka ra plapi was laikra Labán watla ra. 44Bara bahara witin wal takaski bâra bas, man muihkam kupia baiwan ba pain takbia ba kat, 45man bui witin ra munram ba ai âuya tiwbia ba kat. Bara yang kli bîli bliki mai wimna man ahkia kli balaia sma ba. Brin ai daukras, luhpi waitna wâlsut yu kumi bilara yang maiwan wina lap tiwaia.
46Baha wina witin tawi Aisak ra win:
—Isau mairka hitita nani tila wina ai maya brin ba tâka ba mita sika wîni tara na siknis ai daukisa, swapri sa sin. Bara Jekob sin kli hitita mairka wala Kenan ra iwi nani ba tila wina kum wal bribia sa kaka lika, kanra yamni sa yang mahka pruaia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua