Blasi Sturka 35
35
Gâd bui Jekob ra yamni munan Betel ra
1Gâd bila Jekob ra win: “Bus bara naha wina mahka was, Betel ra wih bahara iws. Man muihkam Isau wina sîa plapi kapram, Gâd bui man ra param takan ba tasbaya ra.#Bla St 28.11-17. Bahara man puram sunaia altar kum paskma.” 2Jekob ai taya nani sut witin wal tauki nani ba ra win:
—Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims. 3Kaiks, yawan sut isti pali mahka Betel ra waia, bahara yang altar kumi paskaia sna, Gâd ra puri suni pain kulkanka yabaia dukiara. Yang sarki tara bri kapri witin tâi baikan, yang sin ani anira auna ba, witin sin yang wal ban watauki kan bamna.
4Bara witin nani gâd bahki nani bri kan ba sut, Jekob ra yaban, ai kiama lula nani sin; bara Jekob baha dukia nani ba sut brin, bara Siquem lamara usupum playa ra tasba ra biki swin. 5Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.
6Bara Jekob ai uplika nani sut ba aikuki, tawan tara Luz ra wan, nina wala Betel wi ba, Kenan tasbaya ra. 7Bahara witin altar kumi paskan, bara tasbaya nina ba Betel Gâdka#35.7 Hibru ra ulban ba El-Betel, baha tânka ba Betel Gâdka. mâkan. Witin ai muihni wina sîa plapi kan bara bahara sika Gâd bui witin ra param takan ba. 8Débora, Rebeca main kakaira mairin kata ba sin, bahara pruan, bara witin nani Betel lamara usupum kum munhtara witin ba bikan. Bara usupumka tasbaya nina ba “Inanka Usupumka” mâkan.
9Jekob Padán-aram wina kli tawi aula kan ba ra, Gâd sin kli aima wala ra witin ra param taki yamni munan; 10bara naku aisi, win:
“Man ninam ba Jekob mâkisa,
bara baha ban baku mâki kabia apia;
sakuna naiwa wina, man ninam ba Israel mâkan kabia.”#Bla St 32.28.
Gâd ba witin ai nina Israel mâkan ba ningkara, 11witin ra kli naku win:
“Yang na Gâd karnika aiska pali bri ba Gâdka sna.
Man luhpiam bara kiamkam nani sin ailal pali brima.
Man wina sin, nisan kum bal takbia
bara upla sâtka nani sin bal takbia.
Kiamkam nani takbia tilara, king nani sin bâra kabia.
12Ebraham ra, Aisak ra tasba yabri tasbaya ba,
man ra sin maikisni, bara man ninamra
kiamkam nani ra sin tasbaya ba yabamna.”#Bla St 17.4-8.
13Bara Gâd baha pliska ra witin wal aisi kan ba wina mahka wan. 14Bara Jekob walpa kum brin, bara Gâd wal bûi aisi kan ba pliska ba kat, walpa playka kum bapan. Bara playa bapan ba purara wain laya bara batana laya sin laiki Dawan ra ai pura suni swin. 15Bara baha tasbaya nina ba Betel mâkan.#Bla St 28.18-19.
Raquel pruan ba
16Baha ningkara witin nani Betel wina wan. Sakuna Efrata ra dimaia lika kau wihka kan, baha yabalka ra Raquel ai luhpia baikan; sakuna witin prura bîla wina tukta ba brin. 17Raquel ai wîna latwanka kau tara bri kan ba ra, grandi mairin ba witin ra maisa nihki win: “Si bripara, man kli luhpa waitna wala kum baikuma.” 18Sakuna witin mahka pruaia lama kat wan ba ra, ai wingka karna kum puhban bara tukta nina ba Ben-oní#35.18 Hibru ra ulban ba Ben-oní, baha tânka ba, luhpi waitna ba sairka lâka wina briri ba, Hibru aisin binka baku sa. mâkan, aisika bui lika ai nina ba Benjamín#35.18 Hibru ra ulban ba Benjamín, baha tânka ba luhpi waitna mihti aihkika, Hibru ra aisin binka baku sa. mâkan kan sakuna.
19Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa. 20Bara Jekob ai maya raitika purara walpa ni paskanka kum paski mangkan, bara Raquel raitika ra baha walpa ni paskan ba mita, naiwa kat ban kaikisa.
21Baha wina Israel ai yabalka ra ban impaki ai kainara wan Éder tawanka kainara, tnaya wala ra lui wih bahara ai tintka watla bapan. 22Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan.
Jekob luhpia nani
(1 Kr 2.1-2)
Jekob luhpia nani sut ba ra 12 kan. 23Lea wal baikan nani ba Ruben, ai tawahkia ba; baha wina Simian, Libai, Juda, Isacar bara Zabulón. 24Raquel wal baikan nani ba Josep bara Benjamín. 25Bilhá, Raquel albika mairin wal baikan nani ba, Dan bara Neftalí. 26Bara Zilpá, Lea albika mairin wal baikan nani ba Gad bara Aser. Naha sika Jekob luhpia waitna nani Padán-aram ra kan ba piua ra bahara aisuban nani ba.
Aisak pruan ba
27Jekob ai aisika Aisak kaikaia Mamré ra wan. Baha tawanka nina ba sin Arbá, apia kaka Hebrón mâki kan. Baha tawanka ra Ebraham bara#Bla St 13.18. Aisak sin iwi kan. 28Aisak 180 mani alkan ba ra pruan. 29Witin almuk pali taki pruan bara ai aisika nani purara raitika ra bri si bikan, bara ai luhpia waitna nani Isau bara Jekob bui bikata ba.
Currently Selected:
Blasi Sturka 35: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Blasi Sturka 35
35
Gâd bui Jekob ra yamni munan Betel ra
1Gâd bila Jekob ra win: “Bus bara naha wina mahka was, Betel ra wih bahara iws. Man muihkam Isau wina sîa plapi kapram, Gâd bui man ra param takan ba tasbaya ra.#Bla St 28.11-17. Bahara man puram sunaia altar kum paskma.” 2Jekob ai taya nani sut witin wal tauki nani ba ra win:
—Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims. 3Kaiks, yawan sut isti pali mahka Betel ra waia, bahara yang altar kumi paskaia sna, Gâd ra puri suni pain kulkanka yabaia dukiara. Yang sarki tara bri kapri witin tâi baikan, yang sin ani anira auna ba, witin sin yang wal ban watauki kan bamna.
4Bara witin nani gâd bahki nani bri kan ba sut, Jekob ra yaban, ai kiama lula nani sin; bara Jekob baha dukia nani ba sut brin, bara Siquem lamara usupum playa ra tasba ra biki swin. 5Witin nani mahka yabal ra taki wan, bara Gâd mita yan witin nani ai lamara iwi tawanka uplika nani ba kupia ra sibrin dingkan; baha mita baha nani ba bui Jekob luhpia nani ba nina bliki taki waras kan.
6Bara Jekob ai uplika nani sut ba aikuki, tawan tara Luz ra wan, nina wala Betel wi ba, Kenan tasbaya ra. 7Bahara witin altar kumi paskan, bara tasbaya nina ba Betel Gâdka#35.7 Hibru ra ulban ba El-Betel, baha tânka ba Betel Gâdka. mâkan. Witin ai muihni wina sîa plapi kan bara bahara sika Gâd bui witin ra param takan ba. 8Débora, Rebeca main kakaira mairin kata ba sin, bahara pruan, bara witin nani Betel lamara usupum kum munhtara witin ba bikan. Bara usupumka tasbaya nina ba “Inanka Usupumka” mâkan.
9Jekob Padán-aram wina kli tawi aula kan ba ra, Gâd sin kli aima wala ra witin ra param taki yamni munan; 10bara naku aisi, win:
“Man ninam ba Jekob mâkisa,
bara baha ban baku mâki kabia apia;
sakuna naiwa wina, man ninam ba Israel mâkan kabia.”#Bla St 32.28.
Gâd ba witin ai nina Israel mâkan ba ningkara, 11witin ra kli naku win:
“Yang na Gâd karnika aiska pali bri ba Gâdka sna.
Man luhpiam bara kiamkam nani sin ailal pali brima.
Man wina sin, nisan kum bal takbia
bara upla sâtka nani sin bal takbia.
Kiamkam nani takbia tilara, king nani sin bâra kabia.
12Ebraham ra, Aisak ra tasba yabri tasbaya ba,
man ra sin maikisni, bara man ninamra
kiamkam nani ra sin tasbaya ba yabamna.”#Bla St 17.4-8.
13Bara Gâd baha pliska ra witin wal aisi kan ba wina mahka wan. 14Bara Jekob walpa kum brin, bara Gâd wal bûi aisi kan ba pliska ba kat, walpa playka kum bapan. Bara playa bapan ba purara wain laya bara batana laya sin laiki Dawan ra ai pura suni swin. 15Bara baha tasbaya nina ba Betel mâkan.#Bla St 28.18-19.
Raquel pruan ba
16Baha ningkara witin nani Betel wina wan. Sakuna Efrata ra dimaia lika kau wihka kan, baha yabalka ra Raquel ai luhpia baikan; sakuna witin prura bîla wina tukta ba brin. 17Raquel ai wîna latwanka kau tara bri kan ba ra, grandi mairin ba witin ra maisa nihki win: “Si bripara, man kli luhpa waitna wala kum baikuma.” 18Sakuna witin mahka pruaia lama kat wan ba ra, ai wingka karna kum puhban bara tukta nina ba Ben-oní#35.18 Hibru ra ulban ba Ben-oní, baha tânka ba, luhpi waitna ba sairka lâka wina briri ba, Hibru aisin binka baku sa. mâkan, aisika bui lika ai nina ba Benjamín#35.18 Hibru ra ulban ba Benjamín, baha tânka ba luhpi waitna mihti aihkika, Hibru ra aisin binka baku sa. mâkan kan sakuna.
19Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa. 20Bara Jekob ai maya raitika purara walpa ni paskanka kum paski mangkan, bara Raquel raitika ra baha walpa ni paskan ba mita, naiwa kat ban kaikisa.
21Baha wina Israel ai yabalka ra ban impaki ai kainara wan Éder tawanka kainara, tnaya wala ra lui wih bahara ai tintka watla bapan. 22Witin nani baha tasbaya ra wih ai watla mâki mahka bahara iwi kan ba ra, Ruben ai aisika Jekob maya wala Bilhá wal yapan. Jekob baha walan bara kasak pali ai kupia baikan.
Jekob luhpia nani
(1 Kr 2.1-2)
Jekob luhpia nani sut ba ra 12 kan. 23Lea wal baikan nani ba Ruben, ai tawahkia ba; baha wina Simian, Libai, Juda, Isacar bara Zabulón. 24Raquel wal baikan nani ba Josep bara Benjamín. 25Bilhá, Raquel albika mairin wal baikan nani ba, Dan bara Neftalí. 26Bara Zilpá, Lea albika mairin wal baikan nani ba Gad bara Aser. Naha sika Jekob luhpia waitna nani Padán-aram ra kan ba piua ra bahara aisuban nani ba.
Aisak pruan ba
27Jekob ai aisika Aisak kaikaia Mamré ra wan. Baha tawanka nina ba sin Arbá, apia kaka Hebrón mâki kan. Baha tawanka ra Ebraham bara#Bla St 13.18. Aisak sin iwi kan. 28Aisak 180 mani alkan ba ra pruan. 29Witin almuk pali taki pruan bara ai aisika nani purara raitika ra bri si bikan, bara ai luhpia waitna nani Isau bara Jekob bui bikata ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua