Ageun 20
20
1 #
Age 18:1; 26:6. Konyou Aburaam kaŋina kolot akwap naka ari naka Eŋalakimak, kiboikin kidin ka Kades ka Sur; kiboikin toma Gerar. 2#Age 12:11-15; 26:7. Kinera Aburaam nuka Sara aberuke ebe, “ŋes kinacika.” Ido kiyakia Abimelek ekabaka loka Gerar, koyana Sara. 3#Sab 105:14; Yob 4:12; 33:15; Age 19:7. Kobu Edeke mama ejai Abimelek kotoma airuja naka akuare, kolimok ebe, “Koany, irai ijo bala ekatwan, kanuka aberu naibu koyana, naarai ejai ŋes okilenike.” 4#Age 18:23-25. Ido eroko Abimelek ikunyakina neejai ŋesi; kotema atiar, “EJAKAIT, ibuni aiar ateker karaida kedolit? 5Mam abu elopet kotema atiar, ‘Ŋes kinacika’? Aberu da alopet kotema atiar, ‘Ŋes onaceka.’ Eswamai eoŋ ŋin ketau loedolit, ka akanin nuemameete aronis.” 6#Age 35:5; Any 34:4; 1 Sam 25:26,34. Kolimok Edeke ŋes kairujasit ebe, “Eebo, ajeni ebe iswamai ŋun ketau loedojit, ŋes ketikokinia kinye amunaun kaneajai eoŋ: ŋes da kesimikia atiror ŋes. 7#1 Sam 7:5; 2 Ika 5:11; Yob 42:8; Yak 5:14-16; 1 Yok 5:16. Aso kinyaka aberu naka etuŋanan, naarai erai ŋesi enabi, ŋes da kilipakini, ijo da ijari; konye arai mam inyakarit, kojen ebe mam iswaki atwanare, ijo ka luijaatar kere.”
8Konyou Abimelek tupuruc sek, konyarau ikekejaanakinak kere, kolimok ŋun ke re akikec: kokuriakaros ituŋa noi. 9#Age 39:9; Yos 7:25. Konyarau Abimelek Aburaam, kiŋit ebe, “Kiswamak anyoika? Adiaka anyoika kamakon, tape kiinuni eoŋ ka akajakanut da adiakaret naepol? Kiswamak numam ibusakinit aiswamakinio.” 10Kotema Abimelek Aburaam atiar, “Ibu koany anyoika, nukiinakinete aswam kwaŋin?” 11#Age 42:18; Nek 5:15; Awa 16:6. Kotema Aburaam atiar, “Naarai abu kaomite ebe, emamei cut aiyoŋ Edeke kaibois kana; ido da kapedorete aiar eoŋ kanuka akaberu. 12#Age 11:29. Abeit erai kinacika, akoku naka papaka, konye mere akoku naka totoka; koraun do akaberu. 13#Age 12:1,9,10,13. Kosodi ketolot Edeke anyoun kotogo loka papaka, kasodi alimokin ŋes ebe, ‘Na ŋes arerenukon nakitodianakini eoŋ: kotoma niniibois nakidolenenei kinerenena mama ajai eoŋ ebe erai onaceka.’” 14#Age 12:16. Koyana Abimelek amerekekin ka aituk ka ibulesin ka abulesin, koinak Aburaam, kinyakak ŋes akeberu Sara, 15#Age 13:9; 47:6. Kotema Abimelek atiar, “Koany, akwapuka ejai akonyenekon; kiboikin neikoto ijo kere.” 16#Age 20:5. Kolimok Sara da atiar, “Koany, ainak onacekon iboro elukumit luka epuesa: koany, ŋes yenirapakina akonyenekon kama ejaas nul kere luejaas kajo; ido toma akiro kere kigeli.” 17#Yob 42:8; Yak 5:16. Kilip Aburaam Edeke; kitanaleu Edeke Abimelek ka aberuke, ka abulesinike; kouriata idwe. 18#Age 12:17. Naarai kegolokinit EJAKAIT akoikes kere nukokalloka Abimelek, kanuka Sara aberu naka Aburaam.
Currently Selected:
Ageun 20: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
Ageun 20
20
1 #
Age 18:1; 26:6. Konyou Aburaam kaŋina kolot akwap naka ari naka Eŋalakimak, kiboikin kidin ka Kades ka Sur; kiboikin toma Gerar. 2#Age 12:11-15; 26:7. Kinera Aburaam nuka Sara aberuke ebe, “ŋes kinacika.” Ido kiyakia Abimelek ekabaka loka Gerar, koyana Sara. 3#Sab 105:14; Yob 4:12; 33:15; Age 19:7. Kobu Edeke mama ejai Abimelek kotoma airuja naka akuare, kolimok ebe, “Koany, irai ijo bala ekatwan, kanuka aberu naibu koyana, naarai ejai ŋes okilenike.” 4#Age 18:23-25. Ido eroko Abimelek ikunyakina neejai ŋesi; kotema atiar, “EJAKAIT, ibuni aiar ateker karaida kedolit? 5Mam abu elopet kotema atiar, ‘Ŋes kinacika’? Aberu da alopet kotema atiar, ‘Ŋes onaceka.’ Eswamai eoŋ ŋin ketau loedolit, ka akanin nuemameete aronis.” 6#Age 35:5; Any 34:4; 1 Sam 25:26,34. Kolimok Edeke ŋes kairujasit ebe, “Eebo, ajeni ebe iswamai ŋun ketau loedojit, ŋes ketikokinia kinye amunaun kaneajai eoŋ: ŋes da kesimikia atiror ŋes. 7#1 Sam 7:5; 2 Ika 5:11; Yob 42:8; Yak 5:14-16; 1 Yok 5:16. Aso kinyaka aberu naka etuŋanan, naarai erai ŋesi enabi, ŋes da kilipakini, ijo da ijari; konye arai mam inyakarit, kojen ebe mam iswaki atwanare, ijo ka luijaatar kere.”
8Konyou Abimelek tupuruc sek, konyarau ikekejaanakinak kere, kolimok ŋun ke re akikec: kokuriakaros ituŋa noi. 9#Age 39:9; Yos 7:25. Konyarau Abimelek Aburaam, kiŋit ebe, “Kiswamak anyoika? Adiaka anyoika kamakon, tape kiinuni eoŋ ka akajakanut da adiakaret naepol? Kiswamak numam ibusakinit aiswamakinio.” 10Kotema Abimelek Aburaam atiar, “Ibu koany anyoika, nukiinakinete aswam kwaŋin?” 11#Age 42:18; Nek 5:15; Awa 16:6. Kotema Aburaam atiar, “Naarai abu kaomite ebe, emamei cut aiyoŋ Edeke kaibois kana; ido da kapedorete aiar eoŋ kanuka akaberu. 12#Age 11:29. Abeit erai kinacika, akoku naka papaka, konye mere akoku naka totoka; koraun do akaberu. 13#Age 12:1,9,10,13. Kosodi ketolot Edeke anyoun kotogo loka papaka, kasodi alimokin ŋes ebe, ‘Na ŋes arerenukon nakitodianakini eoŋ: kotoma niniibois nakidolenenei kinerenena mama ajai eoŋ ebe erai onaceka.’” 14#Age 12:16. Koyana Abimelek amerekekin ka aituk ka ibulesin ka abulesin, koinak Aburaam, kinyakak ŋes akeberu Sara, 15#Age 13:9; 47:6. Kotema Abimelek atiar, “Koany, akwapuka ejai akonyenekon; kiboikin neikoto ijo kere.” 16#Age 20:5. Kolimok Sara da atiar, “Koany, ainak onacekon iboro elukumit luka epuesa: koany, ŋes yenirapakina akonyenekon kama ejaas nul kere luejaas kajo; ido toma akiro kere kigeli.” 17#Yob 42:8; Yak 5:16. Kilip Aburaam Edeke; kitanaleu Edeke Abimelek ka aberuke, ka abulesinike; kouriata idwe. 18#Age 12:17. Naarai kegolokinit EJAKAIT akoikes kere nukokalloka Abimelek, kanuka Sara aberu naka Aburaam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.