Jɔŋ Nchoʼtə bətʉ bənu
Nchoʼtə bətʉ bənu
Jɔŋ nɔ nə kə lìʼ mənyɔ̀ʼ ŋwɔʼnə-ɔ̄ŋ ndə məfʉ̀ʼtə luu ndə ɔ kə nyɔ̀ʼ mbʉ ŋwɔʼnə. Ɔ fʉ̀ʼtə mbɔ ɔ la nyɔ̀ʼ ŋwɔʼnə-ɔ̄ŋ kə mbɔ bə bu kínə mbɔ Jiso la bɛ W̃o ndə bə kə Kùŋ Tə́ŋ ndə məbɛ ŋkwaa bɔŋleʼ mbɔ kaʼ wotəmiyɔŋ bɛ́ŋ ɔŋ, ɔ la bu kie məchímbi.
Jɔŋ nɔ gyʉ̀əhə nubə-ɔ̄ŋ inchəŋ ndə viakwɛʼtəŋbə ibûu fʉ̀ʼtə. Fəŋ nɔ tʉʼ fʉ̀ʼtə ntɛ fɔʼɔ Jiso ntaa. Ɔ bìʼ gɛ̀ nə shʉbə ndə məfʉ̀ʼtə ntɛ-bənu-hə ndə bʉə kə́ chìi ndʉʉ ndə bɔ̂ŋ kə yʉ́ bɔŋleʼ nyíɛ fɔʼ-Jiso-tə, kə bɔ̂ŋ kə bɛ́ŋ ɔŋ byuunɔ bɔ̂ŋ kə tɛ́ŋ ɔŋ le. Mu biitə-kəviakwɛʼtəŋ-kə, Jɔŋ nɔ kɔ́ ŋgwɔʼmbi ndə məfʉ̀ʼtə nubə ndə i kə tíŋ mu vyii mbi Yíɛʼsii.
Jɔŋ nɔ fʉ̀ʼtə ndəŋ yəŋbə təkwiitia mu ŋwɔʼnə-fɛ̄ŋ ntɛhə ndə Jiso kɛ̀ʼ ŋwɔŋ-ɛŋ nə yie ndə Nyii nɔʼ kə kɛ̀ʼ ŋwɔŋ-ɛŋ nə yɔŋ-yə. Mbʉ yie nɔ bɛ: Mɔ nɔ bɛ. Jɔŋ bʉ̀nə bìʼ dʉ̀ʼ bəŋkwɔnə ntɔ bənu təkwiitia ndə Jiso kə dʉ̀ʼ. Jɔŋ nɔ fʉ̀ʼtə vɛʼ bûu mu ŋwɔʼnə-fɛ̄ŋ mbɔ Jiso la kə bʉ̀nə kóʼ ndəŋ fəŋ kəchî mu vyii mbi.
Jɔŋ nɔ kwə́ʼ nubə yɔ́ŋyɔ́ŋ te məkie məchímbi təmə liʼ-i ghɔŋ fɛ tíŋ hə bɔ̌ŋ Jiso. Ɔ fʉ̀ʼtə mbɔ məchimbi-ɔ̄ təmə liʼ-i ghɔ fɛ nɔ, la chʉ́ʉhə ndʉʉ ndə wo bɛ́ŋ Jiso Klai mbɔ ɔ la bɛ mbʉ fia, kə́ bɛ mbʉ shʉəŋ bɔŋ-kə́-leʼ bɛ məchímbi. Fɔŋ kənukwɛʼtəŋ imɔʼ ndə i bɛ mu ŋwɔʼnə Jɔŋ-ɔ̄ŋ nɔ bɛ mbɔ ɔ̃ la nɔ lʉ̀ nubə ndə bʉə kínə, ɔ gɛ̀ fʉ̀ʼtə nubə nə yɔŋ ndə i gwè hə kəghɔ-Nyii. Mbʉ bənu nɔ bɛ ntɛ-bənu-hə nə: muu, bele leʼnə kɛʼɛ, nchyiihə ghɔŋbə binjyʉʉhə, tyʉ-geleb-bə ghɔŋbə ntɔŋmə-i.
Nubə ndə i bɛ mu ŋwɔʼnə-fɛ̄ŋ
Nchʉʉhə-bənu 1:1-18
Jɔŋ ndə ɔ̃ kɔ́ muu ghɔŋbə fəŋ vâafɔʼɔ-Jiso 1:19-51
Jiso chʉ́ʉhə məfɔ̀ʼ mu bʉə 2:1–12:50
Jiso dàhə vâafɔʼɔ-bi ndʉʉbətyuʼ-ghɔ̄ bə buŋ sɛŋ yí ɔ 13:1–17:26
Bə yá Jiso, gɛ̀ tyúutə ɔŋ, yí ɔ bɔŋleʼ tyúu ɔ 18:1–19:42
Məkoʼ-mbʉ-Tiekətʉ ghɔŋbə məkɛ̀ʼ-ŋwɔŋ-ɛŋ tʉ mbʉ bʉə 20:1-31
Liʼ-bənu: Jiso biʼ kɛ̀ʼ ŋwɔŋ-ɛŋ mu Galili 21:1-25
Currently Selected:
Jɔŋ Nchoʼtə bətʉ bənu: bvm
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Jɔŋ Nchoʼtə bətʉ bənu
Nchoʼtə bətʉ bənu
Jɔŋ nɔ nə kə lìʼ mənyɔ̀ʼ ŋwɔʼnə-ɔ̄ŋ ndə məfʉ̀ʼtə luu ndə ɔ kə nyɔ̀ʼ mbʉ ŋwɔʼnə. Ɔ fʉ̀ʼtə mbɔ ɔ la nyɔ̀ʼ ŋwɔʼnə-ɔ̄ŋ kə mbɔ bə bu kínə mbɔ Jiso la bɛ W̃o ndə bə kə Kùŋ Tə́ŋ ndə məbɛ ŋkwaa bɔŋleʼ mbɔ kaʼ wotəmiyɔŋ bɛ́ŋ ɔŋ, ɔ la bu kie məchímbi.
Jɔŋ nɔ gyʉ̀əhə nubə-ɔ̄ŋ inchəŋ ndə viakwɛʼtəŋbə ibûu fʉ̀ʼtə. Fəŋ nɔ tʉʼ fʉ̀ʼtə ntɛ fɔʼɔ Jiso ntaa. Ɔ bìʼ gɛ̀ nə shʉbə ndə məfʉ̀ʼtə ntɛ-bənu-hə ndə bʉə kə́ chìi ndʉʉ ndə bɔ̂ŋ kə yʉ́ bɔŋleʼ nyíɛ fɔʼ-Jiso-tə, kə bɔ̂ŋ kə bɛ́ŋ ɔŋ byuunɔ bɔ̂ŋ kə tɛ́ŋ ɔŋ le. Mu biitə-kəviakwɛʼtəŋ-kə, Jɔŋ nɔ kɔ́ ŋgwɔʼmbi ndə məfʉ̀ʼtə nubə ndə i kə tíŋ mu vyii mbi Yíɛʼsii.
Jɔŋ nɔ fʉ̀ʼtə ndəŋ yəŋbə təkwiitia mu ŋwɔʼnə-fɛ̄ŋ ntɛhə ndə Jiso kɛ̀ʼ ŋwɔŋ-ɛŋ nə yie ndə Nyii nɔʼ kə kɛ̀ʼ ŋwɔŋ-ɛŋ nə yɔŋ-yə. Mbʉ yie nɔ bɛ: Mɔ nɔ bɛ. Jɔŋ bʉ̀nə bìʼ dʉ̀ʼ bəŋkwɔnə ntɔ bənu təkwiitia ndə Jiso kə dʉ̀ʼ. Jɔŋ nɔ fʉ̀ʼtə vɛʼ bûu mu ŋwɔʼnə-fɛ̄ŋ mbɔ Jiso la kə bʉ̀nə kóʼ ndəŋ fəŋ kəchî mu vyii mbi.
Jɔŋ nɔ kwə́ʼ nubə yɔ́ŋyɔ́ŋ te məkie məchímbi təmə liʼ-i ghɔŋ fɛ tíŋ hə bɔ̌ŋ Jiso. Ɔ fʉ̀ʼtə mbɔ məchimbi-ɔ̄ təmə liʼ-i ghɔ fɛ nɔ, la chʉ́ʉhə ndʉʉ ndə wo bɛ́ŋ Jiso Klai mbɔ ɔ la bɛ mbʉ fia, kə́ bɛ mbʉ shʉəŋ bɔŋ-kə́-leʼ bɛ məchímbi. Fɔŋ kənukwɛʼtəŋ imɔʼ ndə i bɛ mu ŋwɔʼnə Jɔŋ-ɔ̄ŋ nɔ bɛ mbɔ ɔ̃ la nɔ lʉ̀ nubə ndə bʉə kínə, ɔ gɛ̀ fʉ̀ʼtə nubə nə yɔŋ ndə i gwè hə kəghɔ-Nyii. Mbʉ bənu nɔ bɛ ntɛ-bənu-hə nə: muu, bele leʼnə kɛʼɛ, nchyiihə ghɔŋbə binjyʉʉhə, tyʉ-geleb-bə ghɔŋbə ntɔŋmə-i.
Nubə ndə i bɛ mu ŋwɔʼnə-fɛ̄ŋ
Nchʉʉhə-bənu 1:1-18
Jɔŋ ndə ɔ̃ kɔ́ muu ghɔŋbə fəŋ vâafɔʼɔ-Jiso 1:19-51
Jiso chʉ́ʉhə məfɔ̀ʼ mu bʉə 2:1–12:50
Jiso dàhə vâafɔʼɔ-bi ndʉʉbətyuʼ-ghɔ̄ bə buŋ sɛŋ yí ɔ 13:1–17:26
Bə yá Jiso, gɛ̀ tyúutə ɔŋ, yí ɔ bɔŋleʼ tyúu ɔ 18:1–19:42
Məkoʼ-mbʉ-Tiekətʉ ghɔŋbə məkɛ̀ʼ-ŋwɔŋ-ɛŋ tʉ mbʉ bʉə 20:1-31
Liʼ-bənu: Jiso biʼ kɛ̀ʼ ŋwɔŋ-ɛŋ mu Galili 21:1-25
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.