Luk 23
23
Bə gwè nə Jiso bəshʉ Bale
(Matia 27:1-2,11-14; Mak 15:1-5; Jɔŋ 18:28-38)
1Ndʉʉmɛ, mbʉ nuɔ-bʉə lɔ̀ hə sê bənchəŋ lʉ̀ Jiso, gɛ̀ nə nɔŋ bəshʉ Bale. 2Bɔ̂ŋ chʉ́ʉhə mədʉ̀ʼ ghɔbə-ʉə chu-ɔ, kə́ ghɔ̀ŋ mbɔ, “Baʼa nɔ nyíɛ wo-ɔ̄, ɔ kə́ tòʼ bə̀ŋtə mu lɔʼɔ. Ɔ kə́ tɛ́ŋ mbɔ b̈ə mə leʼ lɔ̀ʼ tashi tʉ Fɔŋ-Luŋ fɛ, bɔŋ-kə́-leʼ ghɔ̀ŋ mbɔ ɔ la bɛ Wo ndə Nyii Kùŋ Tə́ŋ bɔŋ-kə́-leʼ bɛ Fɔŋ.”
3Ndʉʉmɛ, Bale bíʼtə tʉ Jiso mbɔ, “A bɛ mbʉ Fɔŋ-bʉə-Juu mɛ?”
Jiso bə̀ŋhə mbɔ, “Nɔ bɛ ndə a ghɔ̀ŋ.”
4Ndʉʉmɛ, Bale gìe tʉ bətiefɛ̀ʼndɛŋNyii ghɔŋbə nuɔ-bʉə ndə bɔ̂ŋ bɛ chɔ mbɔ, “Mɔ nyíɛ nu-mɔ̀ʼmbɛ-kə ndə bəkɔ mɔ ghɔ̀ŋ mbɔ ɔ chìi fɛ.”
5Bɔ̂ŋ lyʉ̀ʉ haʼ mbɔ, “Ntɛ-bənu-hə ndə ɔ tʉʼ dàhə i la tʉʼ bə̀ŋtə mu Judia. Ɔ nɔ chʉ́ʉhə Galili, nɔʼ gwè nə yɔ̄ŋ-yə nduɔ tə dàa fɛ̄ŋ.”
6Bale kʉ̂ʉ yʉ́ yɔ̄ŋ-yə, bíʼtə mbɔ, “Ɔ bɛ wo-Galili mɛ?” 7Ɔ kʉ̂ʉ yʉ́ mbɔ ɔ lɔ̀ hə kəyəŋ ndə Hɛlo tʉʼ sɔ́ʼ chɔ, ɔ tə́ŋ ɔŋ kɔ́ tʉ Hɛlo, ndə ɔ kə bɛ haʼ Jɛlosalɛŋ vɛʼ-ghɔ̄.
Jiso bəshʉ Hɛlo
8Hɛlo kʉ̂ʉ nyíɛ Jiso, tʉʉ i bʉ̀ʉ daa, bʉʼka mbɔ ɔ nɔ nə kə́ kʉ́ʉ ndə mənyíɛ ɔŋ lʉ̀ hə mbibɛʼ. Nubə ndə ɔ nɔʼ kə yʉ́ te ɔ, ɔ kə́ kʉ́ʉ ndə mənyíɛ nukəcheʼkə ndə ɔ bu chìi. 9Ɔ bíʼtə nubə tʉ ɔŋ buŋmbi. Bɔŋ təmə Jiso bə̀ŋhə nukə tʉ ɔŋ fɛ. 10Bətiefɛ̀ʼndɛŋNyii ghɔŋbə bʉə dàhə nuʼ-Mushi kə́ bɛ chɔ, nə tʉʉbʉə, bɔ̂ŋ bìʼ mɔ̀ʼ nubə kətʉ-ɔ. 11Hɛlo ghɔŋbə bəsɔge-bi kə́ chɛ̀ŋ ɔŋ, bɔŋ-kə́-leʼ dʉ̀ʉhə ɔŋ. Bɔ̂ŋ mɔ̀ʼ ndyi-kyʉə-hə mbʉə-ɔ, tə́ŋ byʉ̀hə ɔŋ, kɔ́ tʉ Bale. 12Hɛlo ghɔŋ Bale nɔ nə bàanə shʉtə-ʉə, kʉ̂ʉ bɛ yɔ̂ŋ-ghɔ̄, bɔ̂ŋ chʉ́ʉhə məbʉ̀ʉ.
Bə chʉ̀ə ŋkwɛ mbɔ b̈ə yí Jiso
(Matia 27:15-26; Mak 15:6-15; Jɔŋ 18:39–19:16)
13Bale chə̀ŋ bətiefɛ̀ʼndɛŋNyii ghɔŋbə bʉəkwɛʼtəŋ leʼnə bʉə-lɔʼɔ, 14ghɔ̀ŋ tʉ bɔŋ mbɔ, “Bii nɔ gwè nə wo-ɔ̄ mbɔ ɔ la tʉʼ dàhə bʉə, bɔ̂ŋ kə́ kwɛ̀ŋhə, mɔ nɔʼ tyúutə ɔŋ bəshʉ bii təmə bɔŋ nyíɛ nukə ndə bii ghɔ̀ŋ mbɔ ɔ chìi fɛ. 15Təkɔmə Hɛlo ghɔ, bii le tʉʼ nyíɛ, ɔ nɔ byʉ̀hə ɔŋ kɔ́ tʉ bʉʼʉ, bʉʼka ɔ chʉʼ chìi nu-mɔ̀ʼmbɛ-kə ndə bəkɔ bə yí ɔ bʉʼka yɔŋ fɛ. 16Mɔ bu gwúu ɔ, mɛ̀ʼtə ɔŋ, ɔ̈ gɛ̀ nə wi.” 17[Ɔ nɔ kə kie ndə mə-yaʼ-fyúhə mbyu wo-imɔʼ chaŋ, ndəŋ chî-nchəŋtə-Yíɛʼsii-kə.]
18Bɔ̂ŋ bənchəŋ tíi vɛʼ mɔʼɔ mbɔ, “Yí ɔ! Fyúhə Balaba kɔ́ tʉ baʼa!” 19Bə nɔ nə fʉ̀əŋ Balaba mu njaa-chaŋ bʉʼka ɔ gwè nə ntɔŋntɔŋ mu kəyəŋkwɛʼtəŋ tə nɔʼ yí wo. 20Bale bìʼ fʉ̀ʉtə mbʉ bʉə, bʉʼka ɔ nɔ kə́ kʉ́ʉ yɔ̀ʼ ghɔkə ndəŋ Jiso. 21Bɔ̂ŋ bìʼ tíi haʼ mbɔ, “Kwɛ̀ŋ ɔŋ ndəŋ tyʉntɔɔnəkə, kwɛ̀ŋ ɔŋ yí!”
22Ɔ bìʼ kwə́ʼ tʉ bɔŋ ndə vɛʼ tia, kə́ bíʼtə mbɔ, “Bʉʼka ka? Ɔ nɔ̂ʼ chìi ka? Mɔ nyíɛ nu-mɔ̀ʼmbɛ-kə ndə ɔ nɔ̂ʼ chìi tə bə kə́ yí ɔ fɛ. Mɔ bu gwúu ɔ, yɔ̀ʼ ghɔkə-ɔŋ hə ndəŋ ɔŋ, ɔ̈ gɛ̀.”
23Bɔ̂ŋ bìʼ lyʉ̀ʉ tíi nə ghʉəʼkə mbɔ b̈ə la kwɛ̀ŋ ɔŋ ndəŋ tyʉntɔɔnəkə. Bale yʉ́ gwia-yʉə. 24Bale bɛ́ŋ nukə ndə bɔ̂ŋ tʉʼ bíʼtə tʉ ɔŋ. 25Ɔ fyúhə wo ndə bə fʉ̀əŋ ɔŋ mu njaa-chaŋ bʉʼka məbyùutə yəŋbə ghɔŋbə məyí wo, kə́ bɛ wo ndə bɔ̂ŋ kə́ bíʼtə, bɔŋ ɔ leʼ kɔ́ bə Jiso mu kəghɔ-bɔŋ.
Bə kwɛ̀ŋ Jiso yí
(Matia 27:32-44; Mak 15:21-32; Jɔŋ 19:17-27)
26Ndə bɔ̂ŋ lʉ̀ ɔ kə́ gɛ̀ nə nɔŋ, bɔ̂ŋ yá Samu ndə ɔ lɔ̀ hə Silɛŋ sêfia ɔ lɔ̀ hə mu lɔʼɔ kə́ gɛ̀ kəyəŋkwɛʼtəŋ, kwɛ̀ŋhə ɔŋ ɔ bɛ̀ʼ mbʉ kətyʉntɔɔnə, kə́ gɛ̀ hə bɔ̌ŋ Jiso.
27Bʉə buŋmbi kə́ gɛ̀ hə bɔ̌ŋ liɛŋ-ɔŋ. Bəke ndə bɔ̂ŋ kə́ tòʼ gwía ɔ shʉ́əshʉ́ə kə́ bɛ muŋgɔ. 28Jiso kíahə ŋwɔŋ-ɛŋ gìe tʉ bɔŋ mbɔ, “Bəke Jɛlosalɛŋ, kə bii mə kə́ gwía mɔ fɛ, b̈ii gwía ŋwɔŋ-yii bɔŋleʼ gwía vâa-bii, 29bʉʼka mbɔ ŋgwɔʼmbi tʉʼ gwè ndə bə bu ghɔ̀ŋ mbɔ, ‘Tʉʉjyu nɔ bɛ yi-bədəŋ-yə, tɔbə təmə nyu chɔ fɛ leʼnə ŋwɔ̂ŋ təmə bə nɔʼ nə nyúu fɛ.’ 30Ndʉʉmɛ, bɔ̂ŋ bu ghɔ̀ŋ mbɔ, ‘Kwɔŋhə, gwù ndəŋ baʼa!’ bɔŋleʼ ghɔ̀ŋ mbɔ, ‘Ŋkoʼhə, kwóhə baʼa!’ 31Mɔ nɔ tʉʼ gìe yɔ̄ŋ-yə bʉʼka mbɔ kaʼ bʉə-fɔʼɔ mənɔ tʉ wo ndə ɔ bɛ ndyʉndyʉ tʉ Nyii, kə́ bɛ tyʉ-nchʉnchʉ-kə, Nyii bu fɔ̀ʼ yi-yə ndə i shʉ́ə, tʉ bʉə ndə bɔ̂ŋ tʉʼ chìi bʉ̂ʼʉ, kə́ bɛ tyʉ-yəŋ-kə, təmə bɛ́ŋ ndə məshìe liɛŋtə-ʉə chɔ fɛ ntyʉʉ təka?”
32Bə lʉ̀ bʉə-bʉ̂ʼʉbɛʼbə bəbûu kə́ gɛ̀ yí ghɔŋ bɔŋ mɔʼɔ. 33Bɔ̂ŋ kʉ̂ʉ gɛ̀ dàa kəyəŋbɛʼ bə kə́ tíi nə, “Ghʉəʼ-kəTʉ-Wo-kə”, bɔ̂ŋ kwɛ̀ŋ ɔŋ chɔ ghɔŋbə bʉə-bʉ̂ʼʉ-ghɔ̄bə mɔʼɔ, mbyu wo-imɔʼ kwiimɔʼnə ibɛʼ-yə kwiiŋkwie-ɔ.
34Jiso ghɔ̀ŋ mbɔ, “Tie-ɔ, kə ä sʉ̀fyii-a ndəŋ bɔŋ le, bʉʼka mbɔ bɔ̂ŋ kínə nukə ndə bɔŋ tʉʼ chìi fɛ.” Bɔ̂ŋ mɔ̀ʼ njoʼ ndə məgyʉ̀ə ndyihə-i.
35Bʉə tə́nə kə́ lɛ́nə ɔŋ, bʉəkwɛʼtəŋ chɛ̀ŋ ɔŋ bìʼ chɔ. Bɔ̂ŋ ghɔ̀ŋ mbɔ, “Ɔ tʉʼ kwáa bəbɛʼbʉə, ɔ̈ kwáa ŋwɔŋ-ɛŋ kaʼ bɛ mbɔ ɔ bɛ mbʉ Wo ndə Nyii Kùŋ Tə́ŋ mbʉ Wo ndə Nyii séʼ.” 36Bəsɔge gwè kɔ́ ndʉʼ-chyʉ́ʉtə-mə tʉ ɔŋ ndə məchɛ̀ŋ ɔŋ. 37Leʼ ghɔ̀ŋ mbɔ, “Kaʼ bɛ mbɔ a bɛ Fɔŋ-bʉə-Juu, ä kwáa ŋwɔŋ-aŋ.” 38Bə nɔ kə nyɔ̀ʼ via-ŋwɔʼnə-kə bíahə kətʉ-ɔ mbɔ, “Nɔ bɛ Fɔŋ-bʉə-Juu nɔ.”
39Ibɛʼyə mbyu wo-bʉ̂ʼʉ ndə bə kwɛ̀ŋ ghɔŋ ɔŋ mɔʼɔ kɔ́ nchɛŋhə ndəŋ ɔŋ ghɔ̀ŋ mbɔ, “A kaa Wo ndə Nyii Kùŋ Tə́ŋ fe? Kwáa ŋwɔŋ-aŋ, kwáa baʼa!”
40Ibɛʼ-yə mbyu wo-bʉ̂ʼʉ sɔ́ʼ ɔ mbɔ, “A tʉʼ fàa Nyii mbɔ, bii ɔ tʉʼ kwú ntɛ kwú imɔʼ fe? 41Bâʼa nɔ tʉʼ nyíɛ ŋgʉəʼ mɔ̀ʼ luu i, bâʼa nɔ tʉʼ nyíɛ haʼ ndə bâʼa yi. Bɔŋ wo-ɔ̄, ɔ chìi nu-bʉəbɛʼ-kə fɛ.” 42Ɔ leʼ kíahə ghɔ̀ŋ mbɔ, “Jiso, yi kə́ kwɛ́nə mɔ vɛʼ ndə a bu sɔ́ʼ Fɔŋ.”
43Jiso bə̀ŋhə mbɔ, “M̈ɔ shyíi a nə shʉəŋ, laa bâʼa bu bɛ mɔʼɔ ntoʼ-Nyii.”
Kwu-Jiso
(Matia 27:45-56; Mak 15:33-41; Jɔŋ 19:28-30)
44Kʉ̂ʉ bɛ ndʉʉbeʼ, njəŋkə gwù mu lɔʼɔ-ghɔ̄ inchəŋ tə gɛ̀ dàa ndə bəchî itia ndʉʉnəchî, 45bʉʼka chichi tə́nə ndə məbáa. Ndyi ndə bə kə chyúu kyʉ̀hə mu njaafɛ̀ʼndɛŋNyii nə yɔŋ jɔ̀ʼnə fyú viabə ibûu. 46Jiso tíi nə gyʉʉ dədə mbɔ, “Tie-ɔ, mɔ nɔ kɔ́ lyʉʉhəkə-ɔŋ mu kəghɔ-a!” Ɔ kʉ̂ʉ gìe yɔ̄ŋ-yə, yìhə ndyiʼtə-bəyihə-kə-i.
47Wokwɛʼtəŋ-bəsɔge-ghyʉʉ, kʉ̂ʉ kə́ nyíɛ nubə ndə i tʉʼ fyú, ɔ lə̀ʼtə Nyii ghɔ̀ŋ mbɔ, “Shʉəŋ, wo-ɔ̄ nɔ nə bɛ ndyʉndyʉ!” 48Bʉə bənchəŋ ndə bɔ̂ŋ kə kə́nə, kə́ nyíɛ nubə ndə i tʉʼ tíŋ, gɛ̀ nə wʉə nə tʉʉbʉə. 49Ndə nubə-ɔ̄ŋ tʉʼ tíŋ, bʉə bənchəŋ ndə bɔ̂ŋ kʉ̀ʉ ɔ ghɔŋbə bəke ndə bɔ̂ŋ kə́ gɛ̀ hə bɔ̌ŋ ɔŋ lɔ̀ hə lɔʼɔ Galili tə́nə dɔdɔ kə́ yíɛʼhə lɛ́nə ɔŋ.
Mətyúu-Jiso
(Matia 27:57-61; Mak 15:42-47; Jɔŋ 19:38-42)
50-51Wobɛʼ nɔ nə bɛ ghɔ, yie kə́ bɛ Jɔsɛ, ɔ lɔ̀ hə Alamatia mu Judia, kə́ bɛ wo jyujyu bɔŋ-kə́-leʼ bɛ ndyʉndyʉ, ɔ kə́ kʉ̀ʼ ndə mənyíɛ Sɔ́ʼ-Nyii, ɔ nɔ nə bɛ ŋguu-kaŋsotə-bʉə-Juu, təmə bɛ́ŋ nukə ndə bɔ̂ŋ kwɔ̀ʼtə kə́ chìi fɛ. 52Ɔ gɛ̀ tʉ Bale, bíʼtə ŋkwu-Jiso-kə. 53Ndʉʉmɛ, ɔ shúʼhə mbʉ kəŋkwu-i sê, lʉ́əŋtə mu ndyi kəfyuʼ, mɔ̀ʼ mu sě ndə bə sáa ndəŋ ŋgoʼ, kə́ bɛ yi-yə təmə bə nɔʼ nə tyúu wo chɔ fɛ. 54Nɔ kə bɛ Chî-búu-ŋwɔŋ-kə, Chîlɔʼkə kə bɛ ndə məchʉ́ʉhə.
55Bəke ndə bɔ̂ŋ gwè hə bɔ̌ŋ Jiso lɔ̀ hə Galili, bɔ̂ŋ gɛ̀ hə bɔ̌ŋ Jɔsɛ gɛ̀ nyíɛ mbʉ sě, bɔ̂ŋ nyíɛ ndə ɔ mɔ̀ʼ ŋkwukə-i muŋgɔ. 56Ndʉʉmɛ, bɔ̂ŋ bʉ̀nə gɛ̀ chunjaa gɛ̀ kʉ́ʉ fɔ-lùŋ-bə leʼnə ŋgwo-lùŋ-mə ndə məgwè yóʼ ŋkwukə-i chɔ. Bɔ̂ŋ yíɛʼhə Chîlɔʼkə, ndə mətʉ́ʼ nuʼ-Mushi.
Currently Selected:
Luk 23: bvm
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.
Luk 23
23
Bə gwè nə Jiso bəshʉ Bale
(Matia 27:1-2,11-14; Mak 15:1-5; Jɔŋ 18:28-38)
1Ndʉʉmɛ, mbʉ nuɔ-bʉə lɔ̀ hə sê bənchəŋ lʉ̀ Jiso, gɛ̀ nə nɔŋ bəshʉ Bale. 2Bɔ̂ŋ chʉ́ʉhə mədʉ̀ʼ ghɔbə-ʉə chu-ɔ, kə́ ghɔ̀ŋ mbɔ, “Baʼa nɔ nyíɛ wo-ɔ̄, ɔ kə́ tòʼ bə̀ŋtə mu lɔʼɔ. Ɔ kə́ tɛ́ŋ mbɔ b̈ə mə leʼ lɔ̀ʼ tashi tʉ Fɔŋ-Luŋ fɛ, bɔŋ-kə́-leʼ ghɔ̀ŋ mbɔ ɔ la bɛ Wo ndə Nyii Kùŋ Tə́ŋ bɔŋ-kə́-leʼ bɛ Fɔŋ.”
3Ndʉʉmɛ, Bale bíʼtə tʉ Jiso mbɔ, “A bɛ mbʉ Fɔŋ-bʉə-Juu mɛ?”
Jiso bə̀ŋhə mbɔ, “Nɔ bɛ ndə a ghɔ̀ŋ.”
4Ndʉʉmɛ, Bale gìe tʉ bətiefɛ̀ʼndɛŋNyii ghɔŋbə nuɔ-bʉə ndə bɔ̂ŋ bɛ chɔ mbɔ, “Mɔ nyíɛ nu-mɔ̀ʼmbɛ-kə ndə bəkɔ mɔ ghɔ̀ŋ mbɔ ɔ chìi fɛ.”
5Bɔ̂ŋ lyʉ̀ʉ haʼ mbɔ, “Ntɛ-bənu-hə ndə ɔ tʉʼ dàhə i la tʉʼ bə̀ŋtə mu Judia. Ɔ nɔ chʉ́ʉhə Galili, nɔʼ gwè nə yɔ̄ŋ-yə nduɔ tə dàa fɛ̄ŋ.”
6Bale kʉ̂ʉ yʉ́ yɔ̄ŋ-yə, bíʼtə mbɔ, “Ɔ bɛ wo-Galili mɛ?” 7Ɔ kʉ̂ʉ yʉ́ mbɔ ɔ lɔ̀ hə kəyəŋ ndə Hɛlo tʉʼ sɔ́ʼ chɔ, ɔ tə́ŋ ɔŋ kɔ́ tʉ Hɛlo, ndə ɔ kə bɛ haʼ Jɛlosalɛŋ vɛʼ-ghɔ̄.
Jiso bəshʉ Hɛlo
8Hɛlo kʉ̂ʉ nyíɛ Jiso, tʉʉ i bʉ̀ʉ daa, bʉʼka mbɔ ɔ nɔ nə kə́ kʉ́ʉ ndə mənyíɛ ɔŋ lʉ̀ hə mbibɛʼ. Nubə ndə ɔ nɔʼ kə yʉ́ te ɔ, ɔ kə́ kʉ́ʉ ndə mənyíɛ nukəcheʼkə ndə ɔ bu chìi. 9Ɔ bíʼtə nubə tʉ ɔŋ buŋmbi. Bɔŋ təmə Jiso bə̀ŋhə nukə tʉ ɔŋ fɛ. 10Bətiefɛ̀ʼndɛŋNyii ghɔŋbə bʉə dàhə nuʼ-Mushi kə́ bɛ chɔ, nə tʉʉbʉə, bɔ̂ŋ bìʼ mɔ̀ʼ nubə kətʉ-ɔ. 11Hɛlo ghɔŋbə bəsɔge-bi kə́ chɛ̀ŋ ɔŋ, bɔŋ-kə́-leʼ dʉ̀ʉhə ɔŋ. Bɔ̂ŋ mɔ̀ʼ ndyi-kyʉə-hə mbʉə-ɔ, tə́ŋ byʉ̀hə ɔŋ, kɔ́ tʉ Bale. 12Hɛlo ghɔŋ Bale nɔ nə bàanə shʉtə-ʉə, kʉ̂ʉ bɛ yɔ̂ŋ-ghɔ̄, bɔ̂ŋ chʉ́ʉhə məbʉ̀ʉ.
Bə chʉ̀ə ŋkwɛ mbɔ b̈ə yí Jiso
(Matia 27:15-26; Mak 15:6-15; Jɔŋ 18:39–19:16)
13Bale chə̀ŋ bətiefɛ̀ʼndɛŋNyii ghɔŋbə bʉəkwɛʼtəŋ leʼnə bʉə-lɔʼɔ, 14ghɔ̀ŋ tʉ bɔŋ mbɔ, “Bii nɔ gwè nə wo-ɔ̄ mbɔ ɔ la tʉʼ dàhə bʉə, bɔ̂ŋ kə́ kwɛ̀ŋhə, mɔ nɔʼ tyúutə ɔŋ bəshʉ bii təmə bɔŋ nyíɛ nukə ndə bii ghɔ̀ŋ mbɔ ɔ chìi fɛ. 15Təkɔmə Hɛlo ghɔ, bii le tʉʼ nyíɛ, ɔ nɔ byʉ̀hə ɔŋ kɔ́ tʉ bʉʼʉ, bʉʼka ɔ chʉʼ chìi nu-mɔ̀ʼmbɛ-kə ndə bəkɔ bə yí ɔ bʉʼka yɔŋ fɛ. 16Mɔ bu gwúu ɔ, mɛ̀ʼtə ɔŋ, ɔ̈ gɛ̀ nə wi.” 17[Ɔ nɔ kə kie ndə mə-yaʼ-fyúhə mbyu wo-imɔʼ chaŋ, ndəŋ chî-nchəŋtə-Yíɛʼsii-kə.]
18Bɔ̂ŋ bənchəŋ tíi vɛʼ mɔʼɔ mbɔ, “Yí ɔ! Fyúhə Balaba kɔ́ tʉ baʼa!” 19Bə nɔ nə fʉ̀əŋ Balaba mu njaa-chaŋ bʉʼka ɔ gwè nə ntɔŋntɔŋ mu kəyəŋkwɛʼtəŋ tə nɔʼ yí wo. 20Bale bìʼ fʉ̀ʉtə mbʉ bʉə, bʉʼka ɔ nɔ kə́ kʉ́ʉ yɔ̀ʼ ghɔkə ndəŋ Jiso. 21Bɔ̂ŋ bìʼ tíi haʼ mbɔ, “Kwɛ̀ŋ ɔŋ ndəŋ tyʉntɔɔnəkə, kwɛ̀ŋ ɔŋ yí!”
22Ɔ bìʼ kwə́ʼ tʉ bɔŋ ndə vɛʼ tia, kə́ bíʼtə mbɔ, “Bʉʼka ka? Ɔ nɔ̂ʼ chìi ka? Mɔ nyíɛ nu-mɔ̀ʼmbɛ-kə ndə ɔ nɔ̂ʼ chìi tə bə kə́ yí ɔ fɛ. Mɔ bu gwúu ɔ, yɔ̀ʼ ghɔkə-ɔŋ hə ndəŋ ɔŋ, ɔ̈ gɛ̀.”
23Bɔ̂ŋ bìʼ lyʉ̀ʉ tíi nə ghʉəʼkə mbɔ b̈ə la kwɛ̀ŋ ɔŋ ndəŋ tyʉntɔɔnəkə. Bale yʉ́ gwia-yʉə. 24Bale bɛ́ŋ nukə ndə bɔ̂ŋ tʉʼ bíʼtə tʉ ɔŋ. 25Ɔ fyúhə wo ndə bə fʉ̀əŋ ɔŋ mu njaa-chaŋ bʉʼka məbyùutə yəŋbə ghɔŋbə məyí wo, kə́ bɛ wo ndə bɔ̂ŋ kə́ bíʼtə, bɔŋ ɔ leʼ kɔ́ bə Jiso mu kəghɔ-bɔŋ.
Bə kwɛ̀ŋ Jiso yí
(Matia 27:32-44; Mak 15:21-32; Jɔŋ 19:17-27)
26Ndə bɔ̂ŋ lʉ̀ ɔ kə́ gɛ̀ nə nɔŋ, bɔ̂ŋ yá Samu ndə ɔ lɔ̀ hə Silɛŋ sêfia ɔ lɔ̀ hə mu lɔʼɔ kə́ gɛ̀ kəyəŋkwɛʼtəŋ, kwɛ̀ŋhə ɔŋ ɔ bɛ̀ʼ mbʉ kətyʉntɔɔnə, kə́ gɛ̀ hə bɔ̌ŋ Jiso.
27Bʉə buŋmbi kə́ gɛ̀ hə bɔ̌ŋ liɛŋ-ɔŋ. Bəke ndə bɔ̂ŋ kə́ tòʼ gwía ɔ shʉ́əshʉ́ə kə́ bɛ muŋgɔ. 28Jiso kíahə ŋwɔŋ-ɛŋ gìe tʉ bɔŋ mbɔ, “Bəke Jɛlosalɛŋ, kə bii mə kə́ gwía mɔ fɛ, b̈ii gwía ŋwɔŋ-yii bɔŋleʼ gwía vâa-bii, 29bʉʼka mbɔ ŋgwɔʼmbi tʉʼ gwè ndə bə bu ghɔ̀ŋ mbɔ, ‘Tʉʉjyu nɔ bɛ yi-bədəŋ-yə, tɔbə təmə nyu chɔ fɛ leʼnə ŋwɔ̂ŋ təmə bə nɔʼ nə nyúu fɛ.’ 30Ndʉʉmɛ, bɔ̂ŋ bu ghɔ̀ŋ mbɔ, ‘Kwɔŋhə, gwù ndəŋ baʼa!’ bɔŋleʼ ghɔ̀ŋ mbɔ, ‘Ŋkoʼhə, kwóhə baʼa!’ 31Mɔ nɔ tʉʼ gìe yɔ̄ŋ-yə bʉʼka mbɔ kaʼ bʉə-fɔʼɔ mənɔ tʉ wo ndə ɔ bɛ ndyʉndyʉ tʉ Nyii, kə́ bɛ tyʉ-nchʉnchʉ-kə, Nyii bu fɔ̀ʼ yi-yə ndə i shʉ́ə, tʉ bʉə ndə bɔ̂ŋ tʉʼ chìi bʉ̂ʼʉ, kə́ bɛ tyʉ-yəŋ-kə, təmə bɛ́ŋ ndə məshìe liɛŋtə-ʉə chɔ fɛ ntyʉʉ təka?”
32Bə lʉ̀ bʉə-bʉ̂ʼʉbɛʼbə bəbûu kə́ gɛ̀ yí ghɔŋ bɔŋ mɔʼɔ. 33Bɔ̂ŋ kʉ̂ʉ gɛ̀ dàa kəyəŋbɛʼ bə kə́ tíi nə, “Ghʉəʼ-kəTʉ-Wo-kə”, bɔ̂ŋ kwɛ̀ŋ ɔŋ chɔ ghɔŋbə bʉə-bʉ̂ʼʉ-ghɔ̄bə mɔʼɔ, mbyu wo-imɔʼ kwiimɔʼnə ibɛʼ-yə kwiiŋkwie-ɔ.
34Jiso ghɔ̀ŋ mbɔ, “Tie-ɔ, kə ä sʉ̀fyii-a ndəŋ bɔŋ le, bʉʼka mbɔ bɔ̂ŋ kínə nukə ndə bɔŋ tʉʼ chìi fɛ.” Bɔ̂ŋ mɔ̀ʼ njoʼ ndə məgyʉ̀ə ndyihə-i.
35Bʉə tə́nə kə́ lɛ́nə ɔŋ, bʉəkwɛʼtəŋ chɛ̀ŋ ɔŋ bìʼ chɔ. Bɔ̂ŋ ghɔ̀ŋ mbɔ, “Ɔ tʉʼ kwáa bəbɛʼbʉə, ɔ̈ kwáa ŋwɔŋ-ɛŋ kaʼ bɛ mbɔ ɔ bɛ mbʉ Wo ndə Nyii Kùŋ Tə́ŋ mbʉ Wo ndə Nyii séʼ.” 36Bəsɔge gwè kɔ́ ndʉʼ-chyʉ́ʉtə-mə tʉ ɔŋ ndə məchɛ̀ŋ ɔŋ. 37Leʼ ghɔ̀ŋ mbɔ, “Kaʼ bɛ mbɔ a bɛ Fɔŋ-bʉə-Juu, ä kwáa ŋwɔŋ-aŋ.” 38Bə nɔ kə nyɔ̀ʼ via-ŋwɔʼnə-kə bíahə kətʉ-ɔ mbɔ, “Nɔ bɛ Fɔŋ-bʉə-Juu nɔ.”
39Ibɛʼyə mbyu wo-bʉ̂ʼʉ ndə bə kwɛ̀ŋ ghɔŋ ɔŋ mɔʼɔ kɔ́ nchɛŋhə ndəŋ ɔŋ ghɔ̀ŋ mbɔ, “A kaa Wo ndə Nyii Kùŋ Tə́ŋ fe? Kwáa ŋwɔŋ-aŋ, kwáa baʼa!”
40Ibɛʼ-yə mbyu wo-bʉ̂ʼʉ sɔ́ʼ ɔ mbɔ, “A tʉʼ fàa Nyii mbɔ, bii ɔ tʉʼ kwú ntɛ kwú imɔʼ fe? 41Bâʼa nɔ tʉʼ nyíɛ ŋgʉəʼ mɔ̀ʼ luu i, bâʼa nɔ tʉʼ nyíɛ haʼ ndə bâʼa yi. Bɔŋ wo-ɔ̄, ɔ chìi nu-bʉəbɛʼ-kə fɛ.” 42Ɔ leʼ kíahə ghɔ̀ŋ mbɔ, “Jiso, yi kə́ kwɛ́nə mɔ vɛʼ ndə a bu sɔ́ʼ Fɔŋ.”
43Jiso bə̀ŋhə mbɔ, “M̈ɔ shyíi a nə shʉəŋ, laa bâʼa bu bɛ mɔʼɔ ntoʼ-Nyii.”
Kwu-Jiso
(Matia 27:45-56; Mak 15:33-41; Jɔŋ 19:28-30)
44Kʉ̂ʉ bɛ ndʉʉbeʼ, njəŋkə gwù mu lɔʼɔ-ghɔ̄ inchəŋ tə gɛ̀ dàa ndə bəchî itia ndʉʉnəchî, 45bʉʼka chichi tə́nə ndə məbáa. Ndyi ndə bə kə chyúu kyʉ̀hə mu njaafɛ̀ʼndɛŋNyii nə yɔŋ jɔ̀ʼnə fyú viabə ibûu. 46Jiso tíi nə gyʉʉ dədə mbɔ, “Tie-ɔ, mɔ nɔ kɔ́ lyʉʉhəkə-ɔŋ mu kəghɔ-a!” Ɔ kʉ̂ʉ gìe yɔ̄ŋ-yə, yìhə ndyiʼtə-bəyihə-kə-i.
47Wokwɛʼtəŋ-bəsɔge-ghyʉʉ, kʉ̂ʉ kə́ nyíɛ nubə ndə i tʉʼ fyú, ɔ lə̀ʼtə Nyii ghɔ̀ŋ mbɔ, “Shʉəŋ, wo-ɔ̄ nɔ nə bɛ ndyʉndyʉ!” 48Bʉə bənchəŋ ndə bɔ̂ŋ kə kə́nə, kə́ nyíɛ nubə ndə i tʉʼ tíŋ, gɛ̀ nə wʉə nə tʉʉbʉə. 49Ndə nubə-ɔ̄ŋ tʉʼ tíŋ, bʉə bənchəŋ ndə bɔ̂ŋ kʉ̀ʉ ɔ ghɔŋbə bəke ndə bɔ̂ŋ kə́ gɛ̀ hə bɔ̌ŋ ɔŋ lɔ̀ hə lɔʼɔ Galili tə́nə dɔdɔ kə́ yíɛʼhə lɛ́nə ɔŋ.
Mətyúu-Jiso
(Matia 27:57-61; Mak 15:42-47; Jɔŋ 19:38-42)
50-51Wobɛʼ nɔ nə bɛ ghɔ, yie kə́ bɛ Jɔsɛ, ɔ lɔ̀ hə Alamatia mu Judia, kə́ bɛ wo jyujyu bɔŋ-kə́-leʼ bɛ ndyʉndyʉ, ɔ kə́ kʉ̀ʼ ndə mənyíɛ Sɔ́ʼ-Nyii, ɔ nɔ nə bɛ ŋguu-kaŋsotə-bʉə-Juu, təmə bɛ́ŋ nukə ndə bɔ̂ŋ kwɔ̀ʼtə kə́ chìi fɛ. 52Ɔ gɛ̀ tʉ Bale, bíʼtə ŋkwu-Jiso-kə. 53Ndʉʉmɛ, ɔ shúʼhə mbʉ kəŋkwu-i sê, lʉ́əŋtə mu ndyi kəfyuʼ, mɔ̀ʼ mu sě ndə bə sáa ndəŋ ŋgoʼ, kə́ bɛ yi-yə təmə bə nɔʼ nə tyúu wo chɔ fɛ. 54Nɔ kə bɛ Chî-búu-ŋwɔŋ-kə, Chîlɔʼkə kə bɛ ndə məchʉ́ʉhə.
55Bəke ndə bɔ̂ŋ gwè hə bɔ̌ŋ Jiso lɔ̀ hə Galili, bɔ̂ŋ gɛ̀ hə bɔ̌ŋ Jɔsɛ gɛ̀ nyíɛ mbʉ sě, bɔ̂ŋ nyíɛ ndə ɔ mɔ̀ʼ ŋkwukə-i muŋgɔ. 56Ndʉʉmɛ, bɔ̂ŋ bʉ̀nə gɛ̀ chunjaa gɛ̀ kʉ́ʉ fɔ-lùŋ-bə leʼnə ŋgwo-lùŋ-mə ndə məgwè yóʼ ŋkwukə-i chɔ. Bɔ̂ŋ yíɛʼhə Chîlɔʼkə, ndə mətʉ́ʼ nuʼ-Mushi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 Wycliffe Bible Translators, Inc.