यूहना 2

काना नगर मा विवा

1पसे तीजे दाड़े गलील परदेस ने काना नगर मा किनेक विवा तो। नी ईसु ने आई बी विय ती। 2ईसु नी विने सेला बी वणा विवा मा हादजा ता। 3जेरे अंगुर ने रस मटी गियू ते ईसु ने आई आजी नी वणाहू केजू, “वणअ पाहे अंगुर ने रस मटी गियू हे।”

4ईसुई वणी हू केजू, “हे माता, मय कई करवा हारू नकी के, अबार मारे समय नीं आजो हे।”

5विने आई विने दासो हू केजू, “जी कई वी तमय हू के हे, वुस करवाने।”

6नियमो ने वजूने यहुदि मनका ने सुद करवा ने रीति ती तणी विय पाटा ने से माटलअ मेलजअ त, जणअ मा लमसम हो लिटर तक पाणी परी हकता ता।

7ईसुई वणहू केजू, “माटलअ मा पाणी परी दियो।” वणय माटलअ मुडा लगण परी दिदा।

8तेरे वणाय दासो हू केजू, “एवअ अणा माहू थुडुक पाणी काडीनी ने खावा ने मुखिया पाहे लईनी जो।”

नी वा लई गिया। 9जेरे खावा ने मुखियाये वु पाणी साकजू, जी अंगुर ने रस बणी गियू तु नी नीं जाणतो तो के, वु किय हू आजू, पण जणे सेवके पाणी परजू तु वा हेतु जाणता ता, ते खावा ने मुखियाये वोरी हादिनी, 10वणाहू केजू, “हर एक मनक पेले असल अंगुर ने रस आले हे, नी पामणा पईनी तराई जय हे ते अलकू आले हे, पण तय ते असल अंगुर ने रस अबार लगण राकजू हे।” 11ईसुई गलील परदेस ने काना नगर मा आपड़े पेलो समतकार पाळीनी आपड़े मईमा परगट किदी नी विने सेलाय वणा माते विसवास किदो। 12#मती 4:13अणा बाद ईसु नी विने आई, विने पाई नी विने सेला कफरनहूम नगर मा गिया, नी विय थुड़ाक दाड़ा रेजा।

ईसु ने मनदिर मा जावू

(मती 21:12,13; मरकुस 11:15–17; लूका 19:45,46)

13यहुदियो ने फसह ने तेवार पाहे तो। तणी ईसु यरूसलेम गियो। 14ईसु मनदिर ने आगणा मा आजो नी वणाय जुजू के, टाहा, गायरअ नी कबुतर विसवा वाला नी रूपयो ने लेन-देन करवा वाला बेटा थकण डिटा। 15तेरे वणाय हिदरा ने कोड़ो बणावीनी, हेता गायरअ नी टाहा मनदिर ने आगणा मा हू काडी दिदा, नी रूपयो ने लेन-देन करवा वालो ने रूपया वकरी दिदा नी सोकी उलटी करी दिदी। 16कबुतर वेसवा वालो हू केजू, “अणय निय हू लई जो मारे बाप ने घेर वेपार ने घेर नकी बणावो।”

17तेरे विने सेलय हुते आजू सासतर मा लकजू हे के,

“तारे घेर ने हारू मारे दुन मय खाई जाहीं।”

18अणा माते यहुदि अदिकारीयो ईसु हू केजू, “तु अमय कियो समतकार ने हेलण पाळी हके हे जणाहू तु जी करी रेजो हे वणाहू यो पतो लागी हके के, तय यू करवा ने अदिकार हे।”

19 # मती 26:61; 27:40; मर 14:58; 15:29 ईसुई वणय जबाव आलजो, “अणा मनदिरे पाड़ी दियो अणाय मुँ पासू तीन दाड़ा मा बणावी दई।”

20अणा माते यहुदि अदिकारजी केजू, “अणा मनदिरे बणावणा मा सयालिस वरह लागअ हे, हूं तु अणाय पासू तीन दाड़ा मा बणावी दई?”

21पण ईसुई खुद आपड़े सरीर ने मनदिर ने बारामा केजू तु। 22तणी जेरे वी मरेलअ माहू जीवी उटजो ते, विने सेलय हुते आजू के, वणाय यू केजू तु। पवितर सासतर नी जी वसन ईसुई केजू तु, वणा माते विसवास किदो।

23जेरे वी यरूसलेम ने फसह ने तेवार मा तो ते, कईक मनका विने समतकार ने हेलण जी वी पाळतो तो, वणय जुईनी वणाने नाम माते विसवास किदो। 24पण ईसुई आपड़े खुद अणअ ने परोसा माते नीं हुपजू, केमके वी वणय हेतय मनकय जाणतो तो। 25ईसुई अणी वात ने कई जरूरत नीं ती के, कणु आवीनी अणअ मनका ने बारामा पाळे, केमके मनका ने मन मा हूं हे वी हेतु जाणतो तो।

Currently Selected:

यूहना 2: WBR

Highlight

Copy