LUKU 2
2
Kùbútùkù kù Yésù
(Mt. 11:18-25)
1Mù bilùmbù biabini Ampélélè wù Loma mfùmù Sezadi kà hénè nsíkù nà batù bà kùlù bâna bà zákélé mù kímfùmù ki loma bà bisonikisi mazini. 2Yikélè mbala'a ntétè yi bà sonékésè mazini mà batù bà kùlù mù bùkù.Mísáláménè hâ kà kélé Kidinusi kùfùlùnélé wù mpólóvésè yi sili. 3Mánà, koso mùtù káyélé kù mà vùlù mà bà nkak'a bà yàndi baba yiki kù mà hâtá mà bawù mùsámù di kùsonikisi zíní di yàndi. 4Mánà Zéfu yika kátùkídí kù hâtá di Nàzàletí kù mbánzá yi Ngádítí mánà káyélé kù hâtá'Adi Bétélémè di vùlù yi Yùdéyá. Zéfù mpè kélé wù kátùkídí kù mpólóvésè yi ngádítí, mù vùlù di Nàzàletí mánà yi kélé kù nsi yi zidé mùmà vùlù mà Távidi.Mà bà tùlanga Bétélémè mù kwéndé kù kwákùnù mùsámù kà kélé mù kikanda ki kímfùmù ki Tavidi hâtá di yàndi di kélé Bétélémè. Bétélémè yi záyénè mpè kùzáyí nà vùlù di Távidi. 5Zéfù kà yélè kwákùnù mùsámù di kùsonikisi zíní wè Madiyi mùsámù kà kélé mùnkétu kà zolélé kà kwélè mánà kà kélé kù nsélè za hiki. 6Mùtángù dini bà kélé hahana ,tángù di difwénè mùsámù Madiyi kà bùtù mwana yàndi. 7Mánà, yi kà bùtidi mwana yàndi wù ntétè wù yakala, kà mù vwatisi mílélè, mánà, yika mù nimbisi hâ kídíkílù, mùsámù kù kélókó wè kiziki mùsámù di bawù mù nzò bà nzénzè. 8Baba tadidi, mikoko mini mù mpíbí bà tadidi mikoko mi bawù mùnséke bélé-bélé yi mbánzá yi Bétélémè. 9Wanzio wù mfùmù yika bà lùbùkídídí kwákùnù mánà mikémbù mi Nzámbi mpüngù mi bà zùngidi , kiakini bà wüdi bomo vùlù. 10Mánà'a, Wanzio kà bà kamba kù baba tadidi mikoko:" Lù yámbùlù kù banga. Yisi lôngó nsángù mbótì yi hékè batù bà kùlù kiésè kingi". 11Lélù ki mù mbánzá Távidi kù lubutukididi mùbikisi kéníná Kídísítù, Mfùmù. 12Bù kwéníná mpídí yi kùzayidi bébé: Mù wakana bà mùzingidi mù mílélè mánà bamùsidi hâ nkati kà kídíkílù di bà didila bi bùlù. 13Mánà mù diádìnì kibùkù ki bà Wanzio ki tùkídí kù zülù, bési wana wanzio wù ntétè wùnù, bà yandikidi kùkùmísí Nzámbi mpüngù mánà bà hoya nà: 14Míkémbù kù Nzámbi mpüngù nsídì kù zülù, wè ngémbè kù batù bâna bà mù héka bâna kiésè. 15Mánà kù manimi ,bà wanzio báyélé kiana mánà bà vùtùkídí zülù. Mánà baba tadidi mikoko bà hoya bawù yi bawù nà: «Mfùmù kà hitikidi wanzio yàndi mùsámù katùkamba bétù mùsámù mwana wù bùtùkidi mù nkokidi yi lélù. Twéndè kù hâtá di Bétélémè mánà tù mù mono.» 16Mùbwa bùnù, bà yélè nswàlù kù hâtá di Bétélémè mánà bà dingidi ti kùnù bà kùténè Madiyi wè Zéfu mánà yiba mùmwénè mwana wù nimbini hâ nkati kà kídíkílù bà dila bà mbisi. 17Tángù bà mùmwénè bà batala mikoko mwana bà kémbé mùtù wákùlù mpándi yi bà wanzio babakémbè bawù mù sàmù di mwana. 18Batù bà kùlù bâna bà wüdi mpándi kù bà batadidi mikoko bà yítùkídí. 19Madiyi kà swékélè miàkùlù mini kà mwénè,mánà kà mi yindwele kù mbùndù. 20Mánà bà batadidi mikoko bà vùtùkídí bà kwé kùmisi Nzámbi mpüngù bà kwé mù kùmisi mù miàkùlù mini bà wüdi, mi bà mwénè mikele nsídì bùnù bà-bà kémbé bà wanzio.
Bà mùnètè Yésù kù nzò Nzámbi Mpungu
21Mùtángù dini kà wanisi bilùmbù nãná , kù manimi mà kùbútùkù kù mwana, tángù difwénè mùsámù bà mù tábùlù mwana mùsùtù mùkùlàndá mínsíkù mi Mósé,mánà bibùti bi yàndi bimùhélè zíní di Yésù. Zíní kà mù hélè wanzio kùdísé di kuyaka kù Madiyi. 22Hâ di wênè Tángù mùsámù di kù mùsákùmùnù Zéfù wè Madiyi yi bélé kù témpéló kù mbánzá Yélùsálémí mùsámù di kù mùsákùmùnù bùnù milombélè mínsíkù mi Mósé, kù manimi bà mùnété mwana Yésù dihiki wè bawù mùsámù di kù mù mpambulu yàndi mùsámù di kù mùsádìdì mfùmù. 23Mù kùlándá mini bà soniki mù míkándá mi mínsíkù mi Mósé. Mbisi wákùlù wù mùlùmi wù ntétè bà mù tambiki kù mfùmù. 24Báyélé bà hana kiméngè mpídí mitumi mínsíkù mi Mósé mi hóyélè nà:"Biméngè bi máyëmbè molo hololo matuku molo mà máyèmbè. 25Mùtángù dini yakala mosi wù kélé kù mbánzá Yélùsálémí mánà zíní di yàndi Síméyóní. Kà kélé mùtù makiédiki mù mpídí makiédiki kù mésù mà Nzámbi mpüngù. Kà hingidi mùtù kùsù bongisi batù bà Isalayele mpévè lôngò ki kélé kùmosi wè yàndi. 26Mpévè lôngò yi songidi kù disè nà: Ngè fwoko tii kùnù mù mono Kídísítù wù kà mù kà mùlákidi Nzámbi mpüngù. 27Tángù bibùti bà mù nèté mwana Yésù kù témpéló mùsámù dikùsala mi míhóyélè mínsíkù mi mfùmù míhóyélè bùfwénè misalama mùsámù di mwana wù mpà, mpévè yi lôngó kà mùkémbè Síméyóní kénnina mù nkati kà kibanzala ki témpéló. 28Síméyóní kà mùmwénè mwan'a Yésù mánà kà mù lélélé kù moko mà yàndi. Kù mànimi kà mù kùmisi Nzámbi mpüngù. 29«Mfùmù yéníná mùsádì ngè ngiámbùlù, yi fwâ mù ngêmbè tangùdi.Mùsámù sadídí mà wù ndakidi ménè.» 30Mùsámù mésù mà ménè mà mwénè ngùlùsi wù tùmíní mùsámù di kù kubikisi batù bà kùlù. 31Bikolo biákúlù bi batù bámù mono wù tùmíní 32Kéníná kiésésè wù lùmonisi kù mpákánù mánà,yàndi bénè nsídì wù hana míkémbù, díkùmù kù batù bà ngè bà Isalayele. 33Zéfù wè ngûdí Yésù bà yítùkídí mù mísámù kà bà kémbé sàmù di yàndi. 34Ku manimi Síméyóní kà bà sàmbwélè mánà kà mù kémbé Madiyi ngûdí yàndi: Nzámbi mpüngù kà mùsolélè Mwan'ntàndù wù késé hondo wè kù bikisi batù béngi bà Isalayele wè kù-kù mù kídímbù ki tùkídí kù Nzámbi mpüngù wù bà bisi batù béngi. 35Mánà máyíndù mà kù swama mà mámbùndù mà batù béngi kà mimonisi hâ mpénzè. Wè ngè mpè kalà wè ngébè kùzáyí nà mbùndù yínì bà tùbùlè kù mbélè. 36Mùtángù diádìnì, kù kélé mpè wè mùvùngí mosi wù mù nkétù zíní diandi Ana. Tâtà yàndi ká kélé Fanwélè, wù kikanda ki Asélè. Ana kà kélé nkaka. Kà kélé kákà mà mvùlù mùkùmi nsambwadi kù wala. 37Mánà kasélé mufudi wù yakala mánà kà kélé yi mà mvùlù mákùmí nãná yiya, kà zákélé bungi kù témpéló mánà kà fukimini Nzámbi mpüngù mpíbí wè mùní wè kùbísí bidia sàmbù di kù sambidi. 38Mùtángù dini kà yisidi kùkéníná bawù kà yandikidi kù hana matondo Nzámbi mpüngù mánà yi kà hóyélè mùmini mi tadididi mwana kù bà-bà hingidi kù gùlùkù kù batù bà Yélùsálémí. 39Mùtángù dini Zéfù wè Madiyi bà manisi kù sal'a miàkùlù,mínsíkù mi mfùmù mi bà tùmíní bà sálá, yiba vùtùkídí kù vùlù di Nàzàletí di mpólóvésè yi Ngádítí.
40Mwana Yésù kà yélélè mánà kà kùmíní ngólò mùlùtù. Kà kùmíní máyélè méngí mánà, Nzámbi mpüngù kà mùsakùmwénè.
Yésù mù nzò Nzámbi Mpungu
41Bibùti bi Yésù, báyélé koso mvùlù kù vùlù di Yélùsálémí mù féti di mpaki. 42Mùbwa bùnù tángù dini kà kùmíní Yésù yima mvùlù kùmí yi molo, yàndi wè bibùti bi yàndi báyélé kù féti diénina kù vùlù di Yélùsálémí bùnù bà sadídí. 43Tángù di hùdi féti, bibùti bi yàndi Madiyi wè Zéfù bà yandikidi kù vùtùkù nkù nzò bà zéyéko nà Yésù sélé diaka kù vùlù di Yélùsálémí yàndi bù hiki. 44Bibùti bi yàndi bà yibùkidi nà kéníná nzidi mosi wè batù bà yélè bo, Mùbwa bùnù, bà kángélè kilùmbù kimosi mù masiki-siki mamana bà ya mùdingi mù nkati kà mà kanda wè bà kwénù bawù. 45Mánà bà mù mwénòkò, bà vùtùkídí dihiki kù Yélùsálémí mùsámù di kwa mùdingi kwákùnù. 46Kù manimi mà bilùmbù bi tátù bà mùmwénè mù nkati kà kibanzala ki témpéló zákélé hâ nkati kà bà yùdá, kà tùkùbawa mánà wù bà huilù bà ngüífù. 47Batù bà kùlù bâna bà mù wüdi Yésù bà yítùkídí mù máyélè mà yàndi, wè mà mvùtù mà yàndi. 48«Tángù dini bibùti bi yàndi bà mù dingidi bà yítùkídí ngûdí yàndi Madiyi kà mù huilélé mwan'a ménè mùsámù di nki tù sadídí bétù bù? Ménè wè tâtà'a ngè tù kwé kù dingi ngè wè mpasi kù mbùndù.» 49Kùmánímí Yésù kà bà vùtùlélé: Kùfwénèko lùkálá yi mfúnù yi kù ndíngí ménè. Kùfwénè lùyaba nà: Lùzéyéko nà yi fwéti kalà mù nzò tâtà ménè?. 50Mánà bibùti bi yàndi bizeyeku nki bi kà hóyélè. 51Kù mànimi, Yésù yika vùtùkídí mù kimvùkù wè bibùti bi yàndi kù mbánzá yi Nàzàletí mánà kà yandikidi dihiki kù bà zitisi bùvùlù. Ngûdí yàndi Madiyi kà swékélè mámpándì mánà màkùlù mù máyíndù wè mbala zéngi ká kélé kù yíndùlù mfúnù yi koso kimi kini kisalama Mánà ngûdí yàndi ká kélé kù yíndùlù mámpándì mà kù mbùndù yàndi. 52Yésù kà kùmíní ndûkù mánà kayélélé. Batù mpè kélé bà mùtóndélé, kà mù sépélésè Nzámbi mpüngù.
Currently Selected:
LUKU 2: LNZ
Highlight
Share
Copy
Want to have your highlights saved across all your devices? Sign up or sign in
Lonzo Bible by Beyond Translation is licensed under Creative Commons Attribution-ShareAlike 4.0 License.
