2 Corintios 5
5
1Chan'eesa qo'mi saỹátenaqta da' 'uootaxa dacaiñi da'me qadó'oquiaxac, 'me 'ená'am ga' 'emec 'me sa 'te 'eeta't, qaláxasa ñi'me Dios sóxote da' ỹaqátaxata't ga' qad'acháqa' 'me qaỹa 'te loiquiaqa' di' piỹem. Ga'me sa 'te l'onatac ga'me 'chi siỹaxaua. 2'Eesa naỹi da' maliaxa ñic'alqátaiỹi, ñichaataqátaỹi da'me qadó'oquiaxac, qana'chi sachitataqtapiỹe't, qataxa 'uo da' qadidiáxa da' ñichíỹaxa ga' qad'acháqa' 'me piỹem lé'ec, 3ga'me qo'mi huapolóo'te qa'e'n, 'ená'am ga' noxot, da' qaidi sa 'te qo'mi saleet'aỹilo. 4Chan'eesa naỹi da' maliaxa sonqátaaue jen'me qad'emec 'me qadó'oquiaxac, qana'chi 'uo da' qadachitataic qataxa da' qadoouoxo. Qaláxasa sa 'te sétaaque da' saleet'ague da'me toisec qadó'oquiaxac. Da'me senqátapeec 'enaac: Sétaaque da' sanaxañi ga'me dálaxaic qadó'oquiaxac, qaidi qaỹa da'me qadó'oquiaxac 'me sa jaloc ỹasouaxat da'me dálaxaic chaalataxac. 5Qana'chi ñi'me Dios na'chiñi 'me qo'mi ỹaqátaxat'aita ỹima da'me dójo', qataxa qo'mi ỹanema so' Espíritu Santo, qana'chi naqaiso 'me qo'mi huaqátetaỹilo qa'e'n ga'me saconaxaguet qomle.
6Chan'eesa na'chi 'eeta't qomle da' qadip'iỹáxac. Saỹátenaq da' maliaxa ñichaataqátaaue da' qadapáchiỹaxac, qana'chi 'ená'am da' sa senoxonaxáaue ga'me qad'emec. Qana'chi sa 'te ñatenaxauó'o ga' qadesaliaxanec. 7Qataxa qolqatalégue qomle da' qadip'iỹáxac, qana'chi sa 'te na'chiga ga' ỹ'oqóchiỹi. 8Qaláxasa ỹátaqta 'uo da' qadpé'e. Qana'chi 'uo da' qadidiáxa da' qolqá'e da' ñichaataqátaaue da'me qadapáchiỹaxac, da' qaidi sividaq'aguet da' qad'acháqadiaxaua so' qadesaliaxanec. 9Chan'eesa sepagaqátapegue' da' qo'mi ỹiỹamaxadéete' so' qadesaliaxanec, naỹi da' maliaxa ñichaataqátaaue da' qadapáchiỹaxac, 'uootaxa da' sóxote sa 'te ñichaataxáaue. 10Qá'a ỹima qo'mi sasoxouó'o qomle ga'me huá'a da' so' Cristo nimit na' nesamaxataxacpi, da' qaidi ñi' 'oonolec taỹot jaga' lasee'te da' l'onataxanaxac ca'li maliaxa nichaatétaaue da' lapáchiỹaxac, n'óota 'uootaxa sa nó'in.
Da' n'aqtaxanaxac 'me ỹ'axat da' qonemá'ne' ñi' Dios
11Qá'a qo'mi sóxote ma'le saatetonaq da' lasoxoc da' qad'oỹa so' qadesaliaxanec, 'uo da' ñipogoxóinaqtapegue' na' siỹaxadipi da' qaidi d'amaqténataxan. Qaláxasa ñi'me Dios sóxote da' qo'mi ỹaatetóote', qana'chi 'uo da' qanaquitaxac da' 'ami nataq'en qo'mi 'auaatetoñíite'. 12Sa 'te ỹitaxa da' s'iỹílaxasoxolégue da' qaidi qo'mi 'avi'ỹoxodíñii'. Jaldáta da' sétaaque qo'mi 'aviñii' madet'eeta, qaidi 'uo ga' 'aviñíiỹapega na' siỹaxadipi 'me ni'ỹoxodéetapiỹi da' lasoxoc ga' 'chi siỹaxaua, qana'chi sa na'chinaua naua' liquidiaqte lase' ga'me. 13Qá'a qomle sega'me qo'mi jaláxaiqa, qaláxasa ỹasouaxat ñi'me Dios; qaláxasa qomle siỹamaxasóqchiiñi, qana'chi mai'chi 'adaỹamaqai. 14Da' loqopi'chi so' Cristo na'chida 'me qo'mi ỹamaqa'pe, qá'a saỹátenaqta da' 'oonolec so' ỹileelégue ỹima na' siỹaxadipi. Ỹim, qana'chi ỹima jen'me 'ená'am da' ỹileu. 15So' Cristo ỹileelégue ỹima na' siỹaxadipi, qaidi ga' maliaxa nec'alétaiỹi, qana'chi sa 'te da' mai'chi lalémaxaset da' l'óiỹaxac. Na'chisóta so'me ỹileelégue qataxa nec'alisee'mot qoỹin jen'me. 16Chan'eesa naỹi qo'mi sa 'te da' seloqótaỹi da' lasoxoc ga' senqá'am 'chi siỹaxaua 'me huetalégue jen' 'aléua. Qataxa temaqaidi da' sóxote joca'li seloqótaỹi da' lasoxoc so' Cristo 'ená'am qasenaq jen'me huetalquéna, naỹi qaamaxa sa 'te 'éeta da' qadeenataxac da'me so'me. 17Chan'eesa da' 'uo ga' n'oxoneguet so' Cristo, jega'me 'ená'am ga' dálaxaic siỹaxaua. Qana'chi da' toisec laméchiỹaxac qaỹa, qana'chi ỹima da' dálaxaic da' nisiỹaxauáỹaxac.
18Ỹima dójo' chiỹoqo'ot ñi'me Dios, ñi'me 'me qo'mi nemánaxanaxa'n qa'e'n, chiỹoqóchiỹi qa'en so' Cristo. Ỹim, qana'chi qo'mi ỹanema da' qad'onataxanaxac, da' qaidi nemá'ne' qasenaq ỹima na' siỹaxadipi ñi'me. 19Da'me qad'aqtaxanaxac 'eet'oi: Ñi' Dios huet'aguet josii'chi so' Cristo da' ỹima nemánaxa'ne' ñi'me na' siỹaxadipi, qana'chi ñi'me sa 'te hueenatét'a da' l'etaxalóxo na' siỹaxadipi. Ỹim, qana'chi qo'mi ỹanema da' qad'onataxanaxac, da' qaidi s'axátaq da' n'aqtac 'me ỹ'axat da' qonemá'ne' ñi' Dios. 20Chan'eesa na'chiqo'mi letaxaỹáxanaxanqa so' Cristo, da' 'ená'am da' ñi'me Dios 'ami nachoxodénoovlo, qana'chi qo'mi d'euóxonalo. So' Cristo qo'mi 'e'n ñachoxodénaqtapegoovlo, da' senqaac: 'Anemáñii'ỹi' qomle ñi'me Dios. 21So'me Cristo ỹátaqta qaỹa 'te ga' lesamaxataxac. Qaláxasa ỹasouaxat da' qo'mi, qana'chi ñi'me Dios 'ená'am qa'en ga'me loico ló'o, qaidi qo'mi da' ma'le soqotaxauó'o so' Cristo, qana'chi sividaxaguet da'me chaalataxac huosóta 'me liỹamaqtac ñi'me Dios.
Currently Selected:
2 Corintios 5: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
2 Corintios 5
5
1Chan'eesa qo'mi saỹátenaqta da' 'uootaxa dacaiñi da'me qadó'oquiaxac, 'me 'ená'am ga' 'emec 'me sa 'te 'eeta't, qaláxasa ñi'me Dios sóxote da' ỹaqátaxata't ga' qad'acháqa' 'me qaỹa 'te loiquiaqa' di' piỹem. Ga'me sa 'te l'onatac ga'me 'chi siỹaxaua. 2'Eesa naỹi da' maliaxa ñic'alqátaiỹi, ñichaataqátaỹi da'me qadó'oquiaxac, qana'chi sachitataqtapiỹe't, qataxa 'uo da' qadidiáxa da' ñichíỹaxa ga' qad'acháqa' 'me piỹem lé'ec, 3ga'me qo'mi huapolóo'te qa'e'n, 'ená'am ga' noxot, da' qaidi sa 'te qo'mi saleet'aỹilo. 4Chan'eesa naỹi da' maliaxa sonqátaaue jen'me qad'emec 'me qadó'oquiaxac, qana'chi 'uo da' qadachitataic qataxa da' qadoouoxo. Qaláxasa sa 'te sétaaque da' saleet'ague da'me toisec qadó'oquiaxac. Da'me senqátapeec 'enaac: Sétaaque da' sanaxañi ga'me dálaxaic qadó'oquiaxac, qaidi qaỹa da'me qadó'oquiaxac 'me sa jaloc ỹasouaxat da'me dálaxaic chaalataxac. 5Qana'chi ñi'me Dios na'chiñi 'me qo'mi ỹaqátaxat'aita ỹima da'me dójo', qataxa qo'mi ỹanema so' Espíritu Santo, qana'chi naqaiso 'me qo'mi huaqátetaỹilo qa'e'n ga'me saconaxaguet qomle.
6Chan'eesa na'chi 'eeta't qomle da' qadip'iỹáxac. Saỹátenaq da' maliaxa ñichaataqátaaue da' qadapáchiỹaxac, qana'chi 'ená'am da' sa senoxonaxáaue ga'me qad'emec. Qana'chi sa 'te ñatenaxauó'o ga' qadesaliaxanec. 7Qataxa qolqatalégue qomle da' qadip'iỹáxac, qana'chi sa 'te na'chiga ga' ỹ'oqóchiỹi. 8Qaláxasa ỹátaqta 'uo da' qadpé'e. Qana'chi 'uo da' qadidiáxa da' qolqá'e da' ñichaataqátaaue da'me qadapáchiỹaxac, da' qaidi sividaq'aguet da' qad'acháqadiaxaua so' qadesaliaxanec. 9Chan'eesa sepagaqátapegue' da' qo'mi ỹiỹamaxadéete' so' qadesaliaxanec, naỹi da' maliaxa ñichaataqátaaue da' qadapáchiỹaxac, 'uootaxa da' sóxote sa 'te ñichaataxáaue. 10Qá'a ỹima qo'mi sasoxouó'o qomle ga'me huá'a da' so' Cristo nimit na' nesamaxataxacpi, da' qaidi ñi' 'oonolec taỹot jaga' lasee'te da' l'onataxanaxac ca'li maliaxa nichaatétaaue da' lapáchiỹaxac, n'óota 'uootaxa sa nó'in.
Da' n'aqtaxanaxac 'me ỹ'axat da' qonemá'ne' ñi' Dios
11Qá'a qo'mi sóxote ma'le saatetonaq da' lasoxoc da' qad'oỹa so' qadesaliaxanec, 'uo da' ñipogoxóinaqtapegue' na' siỹaxadipi da' qaidi d'amaqténataxan. Qaláxasa ñi'me Dios sóxote da' qo'mi ỹaatetóote', qana'chi 'uo da' qanaquitaxac da' 'ami nataq'en qo'mi 'auaatetoñíite'. 12Sa 'te ỹitaxa da' s'iỹílaxasoxolégue da' qaidi qo'mi 'avi'ỹoxodíñii'. Jaldáta da' sétaaque qo'mi 'aviñii' madet'eeta, qaidi 'uo ga' 'aviñíiỹapega na' siỹaxadipi 'me ni'ỹoxodéetapiỹi da' lasoxoc ga' 'chi siỹaxaua, qana'chi sa na'chinaua naua' liquidiaqte lase' ga'me. 13Qá'a qomle sega'me qo'mi jaláxaiqa, qaláxasa ỹasouaxat ñi'me Dios; qaláxasa qomle siỹamaxasóqchiiñi, qana'chi mai'chi 'adaỹamaqai. 14Da' loqopi'chi so' Cristo na'chida 'me qo'mi ỹamaqa'pe, qá'a saỹátenaqta da' 'oonolec so' ỹileelégue ỹima na' siỹaxadipi. Ỹim, qana'chi ỹima jen'me 'ená'am da' ỹileu. 15So' Cristo ỹileelégue ỹima na' siỹaxadipi, qaidi ga' maliaxa nec'alétaiỹi, qana'chi sa 'te da' mai'chi lalémaxaset da' l'óiỹaxac. Na'chisóta so'me ỹileelégue qataxa nec'alisee'mot qoỹin jen'me. 16Chan'eesa naỹi qo'mi sa 'te da' seloqótaỹi da' lasoxoc ga' senqá'am 'chi siỹaxaua 'me huetalégue jen' 'aléua. Qataxa temaqaidi da' sóxote joca'li seloqótaỹi da' lasoxoc so' Cristo 'ená'am qasenaq jen'me huetalquéna, naỹi qaamaxa sa 'te 'éeta da' qadeenataxac da'me so'me. 17Chan'eesa da' 'uo ga' n'oxoneguet so' Cristo, jega'me 'ená'am ga' dálaxaic siỹaxaua. Qana'chi da' toisec laméchiỹaxac qaỹa, qana'chi ỹima da' dálaxaic da' nisiỹaxauáỹaxac.
18Ỹima dójo' chiỹoqo'ot ñi'me Dios, ñi'me 'me qo'mi nemánaxanaxa'n qa'e'n, chiỹoqóchiỹi qa'en so' Cristo. Ỹim, qana'chi qo'mi ỹanema da' qad'onataxanaxac, da' qaidi nemá'ne' qasenaq ỹima na' siỹaxadipi ñi'me. 19Da'me qad'aqtaxanaxac 'eet'oi: Ñi' Dios huet'aguet josii'chi so' Cristo da' ỹima nemánaxa'ne' ñi'me na' siỹaxadipi, qana'chi ñi'me sa 'te hueenatét'a da' l'etaxalóxo na' siỹaxadipi. Ỹim, qana'chi qo'mi ỹanema da' qad'onataxanaxac, da' qaidi s'axátaq da' n'aqtac 'me ỹ'axat da' qonemá'ne' ñi' Dios. 20Chan'eesa na'chiqo'mi letaxaỹáxanaxanqa so' Cristo, da' 'ená'am da' ñi'me Dios 'ami nachoxodénoovlo, qana'chi qo'mi d'euóxonalo. So' Cristo qo'mi 'e'n ñachoxodénaqtapegoovlo, da' senqaac: 'Anemáñii'ỹi' qomle ñi'me Dios. 21So'me Cristo ỹátaqta qaỹa 'te ga' lesamaxataxac. Qaláxasa ỹasouaxat da' qo'mi, qana'chi ñi'me Dios 'ená'am qa'en ga'me loico ló'o, qaidi qo'mi da' ma'le soqotaxauó'o so' Cristo, qana'chi sividaxaguet da'me chaalataxac huosóta 'me liỹamaqtac ñi'me Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.