Hechos 14
14
So' Pablo qataxa so' Bernabé huétr'a di' Iconio
1Huétr'a di' Iconio so' Pablo qataxa so' Bernabé, qana'chi saa'me ỹic'átre'uo jeso' lemáxaqui na' judiopi, qana'chi d'aqtaxáat'ape. Qana'chi ỹátaqta jalcote na' d'amaqtenataxan, qataxa ỹivíd'a na'me sa judiopi. 2Qaláxasa jen'me judiopi 'me sa d'amaqtenataxan, jen'me ỹisoxonot na'me sa judiopi, qaidi niquiỹáxanaxaneeta saa'me. 3Chan'eesa saa'me ỹátaqta qaỹóxode' saua' noloqo'te da' huétr'a di'me, qana'chi ỹátaqta sa d'oidelégue da' ỹ'axátetrac da' n'aqtac qataxa ỹátaqta huaxatot so' qadasoxola'. Qana'chi so' qadasoxola' ỹátaqta ỹipagaqteetelóo'te naua' l'aqtaxanaxaco saa'me da' ỹ'axátetrac da' loqouagaxanataxanaxac ñi' Dios, qana'chi ỹanema saa'me da' lañoqtaxanaxa'j, da' qaidi ỹ'e't na' n'anecpi qataxa jen'me sa qoỹauanápiỹi. 4Qaláxasa jen'me siỹaxadipi 'me néta'ña so'me noic, jeso'me colaxaỹi, 'uo na' ỹic'oolégue na' judiopi qataxa 'uo na' ỹic'oolóo'te saua' Jesús lamaxa's. 5Chan'eesa jen'me judiopi qataxa na'me sa judiopi niỹamaxadé'te' na' net'alpi da' qodosápiilo saa'me, da' qaidi qodapetalo qataxa qoỹasaxaque na' qa'. 6Qaláxasa so' Pablo qataxa so' Bernabé ca'li p'iquidelégue dójo', qana'chi saa'me nelotaxa'n, ỹic'ádeta di' Listra qataxa di' Derbe, 'me huédaaue di' 'aléua Licaonia. Qana'chi coleetrapeelégue ỹima di'me 'aléua. 7Huá'a di'me, qana'chi ỹitaxa ỹ'axátetrac da' 'ónaxaic qadipí'ic.
Qoỹasaxac na' qa' so' Pablo huá'a di' Listra
8Di' Listra, qana'chi ná'ña so' siỹaxaua 'me sa piỹíñi. So'me ñíchiiñi, qá'a na'chi ñáxat'ai joca'li da' sa piỹíñi, qana'chi ỹátaqta sa ỹauana da' ỹiuotapiỹe't. 9So'me siỹaxaua naquiáxatapega joca'li da' l'aqtaxanaxac so' Pablo. Qana'chi so' Pablo ỹilapecot so'me, qana'chi di'ỹoq da' ỹátaqta 'uo da' lip'iỹáxac da' ỹiméegue qoỹin. 10Qana'chi ỹátaqta necosaxadeelégue da' 'enapego':
—'Anchaachiñi qomle, 'au'añaxachí'ñiilo naua' 'adichil.
Qana'chi so'me siỹaxaua nacháseguem da' nichaachiñi, qana'chi ma'le ỹiuoỹaac. 11Qana'chi ca'li ỹauáachiỹi dójo' ỹí'et so' Pablo na' siỹaxadipi, qana'chi ỹ'alaqaỹi, qa'e'n naa'me l'aqtaqa na'me Licaonia lé'ecpi, 'enaac:
—¡Ỹátaqta nemédañi daua' paiỹa'go, neléemaxata na' siỹaxaua, daa'me qo'mi huetaavlo!
12Qana'chi so' Bernabé qoỹíitapega da' naqaiso so' 'oiquiaxaic lenaxat Júpiter, so' Pablo qaamaxa qoỹíitapego' da' naqaiso so' 'oiquiaxaic lenaxat Mercurio, qá'a so'me na'chiso 'me dosétac. 13Chan'eesa so' ỹilo'ogue jega' ni'ỹoxodénataxanaxaqui da' qoỹi'ỹoxoden ga' 'oiquiaxaic lenaxat Júpiter, 'me ná'a ga'me niiuo jeso' noic, jeso'me nauectrauo saua' huaca qataxa nedótauo jen' 'epaq la'uo. Qana'chi so'me qataxa ỹima na' siỹaxadipi sétaaque da' netamnoto saa'me, qana'chi qoỹalaa't saua' huaca da' qoỹin nachítaqtaxanaqte. 14Qaláxasa saua' Jesús lamaxa's Bernabé qataxa so' Pablo ca'li nóm'da dójo', qana'chi saa'me necolaxata'ai naua' leuo, qana'chi tadóoue na' siỹaxadipi, qana'chi ỹ'ala', 'enapega't:
15—¡'Ami siỹaxadipi! ¿Tá'nooqo'chi qoñíit'ec dójo'? Qo'mi na'chi'ami senqa'ama, 'chi qo'mi lapa'chi. Qaláxasa naqaida 'me 'uo da' ñivítaxalo da' 'ami senaqpegalo da' 'axañíiñi na' qaỹa 'te ga' náỹi, qana'chi 'oquiỹiỹi ñi' Dios 'me nec'alétaiỹi, ñi'me l'onatac di' piỹem, 'aléua, huaxai qataxa ỹima na' huetalquéna. 16Saua' noloqo'te laqáỹa' ñi' Dios ỹimachít'a na' siỹaxadipi, da' qaidi mai'chi ỹoiquíitac ga' ladíquiaxac. 17Qaláxasa temaqaidi da' jiñi'me ỹátaqta qo'mi naloxoot'alo, da' qo'mi ỹ'eteque da' ỹiỹamqáchiiñi; qo'mi namaxalo na' huétep, qataxa nó'in 'en na' qadañiisec, qataxa sa qoue qa'en na' qonoq, da' qaidi qo'mi madet'ape.
18Qaláxasa saa'me temaqaidi da' 'eedaac dójo', qaláxasa sa leuótr'a na' siỹaxadipi da' sétaaque sa ỹipaguelégue da' qoỹalaa't saua' huaca da' qoỹanoto da' qonetamenoto saa'me.
19Qana'chi 'uo so' nivídeuo judío lé'ecpi, chiỹaqá'a di' Antioquía qataxa di' Iconio. Qana'chi ỹisóxonooue na' siỹaxadipi, da' qaidi qoỹasaxac na' qa' so' Pablo. Joca'li qoỹíitapega da' sóxote ỹileu, qana'chi qoỹauéguee'ga ga' p'áiỹi so' noic. 20Qaláxasa so' 'amaqténataxanaxaicpi ca'li qolapoosop so' Pablo, qana'chi ñíseguem so'me, ỹitaxa v'iỹílaxa'uo so' noic. So' nolo' laqáỹa, qana'chi jec, liquiáxaua so' Bernabé da' tategue da' Derbe.
21Joca'li ỹim da' ỹ'axátetrac da' 'ónaxaic qadipí'ic di'me noic, qana'chi ỹátaqta jalcote na' lauégue'j na' d'amaqtenataxan. Ỹim, qana'chi v'iỹílaxategue da' Listra, Iconio, qataxa da' Antioquía. 22Qana'chi saa'me ỹátaqta huaqátetrapega na' 'amaqténataxanaxaicpi 'me netalóo'te naa'me 'ale'u, da' qaidi ỹátaqta n'añaxatec da' lip'iỹáxac, qataxa ỹ'axátetrac da' qoỹinoxoneuó'o da' l'onataxanaxac ñi' Dios 'me ỹimata'a'téna, qana'chi jalcote da' 'queténaxac. 23Nataq'en qoỹa'uo na' lasoxola'pi na' 'amaqténataxanaxaicpi. Joca'li ỹim da' sa dequé'e ỹasouaxat da' netamnaxac, qana'chi qoỹipotan'aguet jen'me da' netelá'a ñi' qadasoxola' 'me qoỹ'amaqtéetac.
So' Pablo qataxa so' Bernabé v'iỹílaxadeta di' Antioquía 'me huáaue di' 'aléua Siria
24Ca'li ỹim, qana'chi tadelégue di' 'aléua Pisidia, qana'chi ỹivíded'a di' 'aléua Panfilia. 25Qana'chi ỹ'axátetrac da' n'aqtac huétr'a di' noic Perge. Huá'a, qana'chi ỹitaxa tategue da' Atalia. 26Huá'a di'me, qana'chi huenótreuo da' páide'ta di' Antioquía di'me noic 'me huéd'a ca'li qoỹanoto ñi' Dios da' netela'lo da'me l'onataxanaxa'j 'me ỹímta naỹi da' ỹima't. 27Ca'li ỹivídeda'uo di' Antioquía, qana'chi saa'me lapooda't na' 'amaqténataxanaxaicpi. Qana'chi ỹ'axátetrapeguem jen'me ỹima na' ỹ'eteque saa'me ñi' Dios qataxa da' 'éeta so' qadesallaxanec da' ỹ'ouate'uo da' lip'iỹáxac jen'me sa judiopi, da' qaidi d'amaqtenataxan. 28Qana'chi so' Pablo qataxa so' Bernabé ỹátaqta huo'oi saua' 'auóxoiqa da' huétraaue na' 'amaqténataxanaxaicpi nétra'ña di'me.
Currently Selected:
Hechos 14: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Hechos 14
14
So' Pablo qataxa so' Bernabé huétr'a di' Iconio
1Huétr'a di' Iconio so' Pablo qataxa so' Bernabé, qana'chi saa'me ỹic'átre'uo jeso' lemáxaqui na' judiopi, qana'chi d'aqtaxáat'ape. Qana'chi ỹátaqta jalcote na' d'amaqtenataxan, qataxa ỹivíd'a na'me sa judiopi. 2Qaláxasa jen'me judiopi 'me sa d'amaqtenataxan, jen'me ỹisoxonot na'me sa judiopi, qaidi niquiỹáxanaxaneeta saa'me. 3Chan'eesa saa'me ỹátaqta qaỹóxode' saua' noloqo'te da' huétr'a di'me, qana'chi ỹátaqta sa d'oidelégue da' ỹ'axátetrac da' n'aqtac qataxa ỹátaqta huaxatot so' qadasoxola'. Qana'chi so' qadasoxola' ỹátaqta ỹipagaqteetelóo'te naua' l'aqtaxanaxaco saa'me da' ỹ'axátetrac da' loqouagaxanataxanaxac ñi' Dios, qana'chi ỹanema saa'me da' lañoqtaxanaxa'j, da' qaidi ỹ'e't na' n'anecpi qataxa jen'me sa qoỹauanápiỹi. 4Qaláxasa jen'me siỹaxadipi 'me néta'ña so'me noic, jeso'me colaxaỹi, 'uo na' ỹic'oolégue na' judiopi qataxa 'uo na' ỹic'oolóo'te saua' Jesús lamaxa's. 5Chan'eesa jen'me judiopi qataxa na'me sa judiopi niỹamaxadé'te' na' net'alpi da' qodosápiilo saa'me, da' qaidi qodapetalo qataxa qoỹasaxaque na' qa'. 6Qaláxasa so' Pablo qataxa so' Bernabé ca'li p'iquidelégue dójo', qana'chi saa'me nelotaxa'n, ỹic'ádeta di' Listra qataxa di' Derbe, 'me huédaaue di' 'aléua Licaonia. Qana'chi coleetrapeelégue ỹima di'me 'aléua. 7Huá'a di'me, qana'chi ỹitaxa ỹ'axátetrac da' 'ónaxaic qadipí'ic.
Qoỹasaxac na' qa' so' Pablo huá'a di' Listra
8Di' Listra, qana'chi ná'ña so' siỹaxaua 'me sa piỹíñi. So'me ñíchiiñi, qá'a na'chi ñáxat'ai joca'li da' sa piỹíñi, qana'chi ỹátaqta sa ỹauana da' ỹiuotapiỹe't. 9So'me siỹaxaua naquiáxatapega joca'li da' l'aqtaxanaxac so' Pablo. Qana'chi so' Pablo ỹilapecot so'me, qana'chi di'ỹoq da' ỹátaqta 'uo da' lip'iỹáxac da' ỹiméegue qoỹin. 10Qana'chi ỹátaqta necosaxadeelégue da' 'enapego':
—'Anchaachiñi qomle, 'au'añaxachí'ñiilo naua' 'adichil.
Qana'chi so'me siỹaxaua nacháseguem da' nichaachiñi, qana'chi ma'le ỹiuoỹaac. 11Qana'chi ca'li ỹauáachiỹi dójo' ỹí'et so' Pablo na' siỹaxadipi, qana'chi ỹ'alaqaỹi, qa'e'n naa'me l'aqtaqa na'me Licaonia lé'ecpi, 'enaac:
—¡Ỹátaqta nemédañi daua' paiỹa'go, neléemaxata na' siỹaxaua, daa'me qo'mi huetaavlo!
12Qana'chi so' Bernabé qoỹíitapega da' naqaiso so' 'oiquiaxaic lenaxat Júpiter, so' Pablo qaamaxa qoỹíitapego' da' naqaiso so' 'oiquiaxaic lenaxat Mercurio, qá'a so'me na'chiso 'me dosétac. 13Chan'eesa so' ỹilo'ogue jega' ni'ỹoxodénataxanaxaqui da' qoỹi'ỹoxoden ga' 'oiquiaxaic lenaxat Júpiter, 'me ná'a ga'me niiuo jeso' noic, jeso'me nauectrauo saua' huaca qataxa nedótauo jen' 'epaq la'uo. Qana'chi so'me qataxa ỹima na' siỹaxadipi sétaaque da' netamnoto saa'me, qana'chi qoỹalaa't saua' huaca da' qoỹin nachítaqtaxanaqte. 14Qaláxasa saua' Jesús lamaxa's Bernabé qataxa so' Pablo ca'li nóm'da dójo', qana'chi saa'me necolaxata'ai naua' leuo, qana'chi tadóoue na' siỹaxadipi, qana'chi ỹ'ala', 'enapega't:
15—¡'Ami siỹaxadipi! ¿Tá'nooqo'chi qoñíit'ec dójo'? Qo'mi na'chi'ami senqa'ama, 'chi qo'mi lapa'chi. Qaláxasa naqaida 'me 'uo da' ñivítaxalo da' 'ami senaqpegalo da' 'axañíiñi na' qaỹa 'te ga' náỹi, qana'chi 'oquiỹiỹi ñi' Dios 'me nec'alétaiỹi, ñi'me l'onatac di' piỹem, 'aléua, huaxai qataxa ỹima na' huetalquéna. 16Saua' noloqo'te laqáỹa' ñi' Dios ỹimachít'a na' siỹaxadipi, da' qaidi mai'chi ỹoiquíitac ga' ladíquiaxac. 17Qaláxasa temaqaidi da' jiñi'me ỹátaqta qo'mi naloxoot'alo, da' qo'mi ỹ'eteque da' ỹiỹamqáchiiñi; qo'mi namaxalo na' huétep, qataxa nó'in 'en na' qadañiisec, qataxa sa qoue qa'en na' qonoq, da' qaidi qo'mi madet'ape.
18Qaláxasa saa'me temaqaidi da' 'eedaac dójo', qaláxasa sa leuótr'a na' siỹaxadipi da' sétaaque sa ỹipaguelégue da' qoỹalaa't saua' huaca da' qoỹanoto da' qonetamenoto saa'me.
19Qana'chi 'uo so' nivídeuo judío lé'ecpi, chiỹaqá'a di' Antioquía qataxa di' Iconio. Qana'chi ỹisóxonooue na' siỹaxadipi, da' qaidi qoỹasaxac na' qa' so' Pablo. Joca'li qoỹíitapega da' sóxote ỹileu, qana'chi qoỹauéguee'ga ga' p'áiỹi so' noic. 20Qaláxasa so' 'amaqténataxanaxaicpi ca'li qolapoosop so' Pablo, qana'chi ñíseguem so'me, ỹitaxa v'iỹílaxa'uo so' noic. So' nolo' laqáỹa, qana'chi jec, liquiáxaua so' Bernabé da' tategue da' Derbe.
21Joca'li ỹim da' ỹ'axátetrac da' 'ónaxaic qadipí'ic di'me noic, qana'chi ỹátaqta jalcote na' lauégue'j na' d'amaqtenataxan. Ỹim, qana'chi v'iỹílaxategue da' Listra, Iconio, qataxa da' Antioquía. 22Qana'chi saa'me ỹátaqta huaqátetrapega na' 'amaqténataxanaxaicpi 'me netalóo'te naa'me 'ale'u, da' qaidi ỹátaqta n'añaxatec da' lip'iỹáxac, qataxa ỹ'axátetrac da' qoỹinoxoneuó'o da' l'onataxanaxac ñi' Dios 'me ỹimata'a'téna, qana'chi jalcote da' 'queténaxac. 23Nataq'en qoỹa'uo na' lasoxola'pi na' 'amaqténataxanaxaicpi. Joca'li ỹim da' sa dequé'e ỹasouaxat da' netamnaxac, qana'chi qoỹipotan'aguet jen'me da' netelá'a ñi' qadasoxola' 'me qoỹ'amaqtéetac.
So' Pablo qataxa so' Bernabé v'iỹílaxadeta di' Antioquía 'me huáaue di' 'aléua Siria
24Ca'li ỹim, qana'chi tadelégue di' 'aléua Pisidia, qana'chi ỹivíded'a di' 'aléua Panfilia. 25Qana'chi ỹ'axátetrac da' n'aqtac huétr'a di' noic Perge. Huá'a, qana'chi ỹitaxa tategue da' Atalia. 26Huá'a di'me, qana'chi huenótreuo da' páide'ta di' Antioquía di'me noic 'me huéd'a ca'li qoỹanoto ñi' Dios da' netela'lo da'me l'onataxanaxa'j 'me ỹímta naỹi da' ỹima't. 27Ca'li ỹivídeda'uo di' Antioquía, qana'chi saa'me lapooda't na' 'amaqténataxanaxaicpi. Qana'chi ỹ'axátetrapeguem jen'me ỹima na' ỹ'eteque saa'me ñi' Dios qataxa da' 'éeta so' qadesallaxanec da' ỹ'ouate'uo da' lip'iỹáxac jen'me sa judiopi, da' qaidi d'amaqtenataxan. 28Qana'chi so' Pablo qataxa so' Bernabé ỹátaqta huo'oi saua' 'auóxoiqa da' huétraaue na' 'amaqténataxanaxaicpi nétra'ña di'me.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.