Hechos 25
25
So' Pablo qoỹasoxonot so' net'a Festo
1Chan'eesa so' Festo joca'li sóxote qoỹanaỹi da' net'a, qana'chi ca'li ỹivi't saua' tres noloqo'te, qana'chi chiỹoqóchii'ña di' Cesarea da' taiỹi da' Jerusalén. 2Huá'a di'me, qana'chi na' lasoxola'pi na' netaxaỹáxanaxanecpi da' qodetaxaỹapégue' ñi' Dios qataxa na' judiopi 'me ỹ'oxodaicpi qana'chi qodíi'uo da' qodiñíỹa'uo so' Pablo. 3Qana'chi qonachoxodeetapecot so'me da' qoỹichoxoden da' damaxasóxona so' Pablo da' qonauéga di' Jerusalén. Qaa'le leenataxac jeso'me net'alpi da' sétaaque da' damaxasoxolégue so'me da' qoỹalaata'nỹi na' naq'aic so'me. 4Qaláxasa so' Festo ỹ'axat so' Pablo da' qoỹicoñideta't, net'ague di' Cesarea, qataxa so'me na'chi leenataxac da' sa niỹáloxoden da' taiỹi da'me. 5Qana'chi 'enaaco':
—Chan'eesa n'óota da' na' net'alpi da' 'oñíita ñáicapegue' qomle da' saxague di' Cesarea, qaidi ga'me siỹaxaua da' 'uootaxa 'eesa da' 'uo ga' lasouaxaset, qana'chi mai'chi 'auoiquiñiỹaac ga' 'oñíit'ec.
6Qana'chi so' Festo ỹivi't saua' 'ocho 'uootaxa diez noloqo'te da' huét'a di' Jerusalén. Ỹim, qana'chi v'iỹílaxague da' Cesarea. So' nolo' laqáỹa, qana'chi ỹic'áte'uo jeso' l'onataxanaxaqui, qana'chi damaxasóxonee'ga so' Pablo. 7Qana'chi joca'li nivídeuo so' Pablo, qana'chi janac so' judiopi 'me chiỹoxogue di' Jerusalén. Qana'chi ỹátaqta jalcote na' qoỹasaxalégue lasouaxasetpi jeso'me, qaláxasa qaỹa 'te ga' ỹataqtelégue 'eesa qoỹin. 8Qana'chi so' Pablo ỹa'uo da' letaxaỹaxac, 'enaac:
—Jaỹim qaỹa 'te ga' ỹisamaxataxac, qataxa sa ñip'aguéna na' naqátaxacpi 'me chiỹoqo'ot so' Moisés, qataxa sa ñip'aguéna jiñi' tamnaxaqui let'ádaic di' Jerusalén, qataxa jega'me net'a 'me net'ague di' Roma.
9Qaláxasa so' Festo, da' sétaaque da' qaỹa 'te 'uo qa'en na' judiopi, qana'chi ỹinat so' Pablo, 'enaac:
—¿Qo'li sétaaque jodamaxa 'aiỹi da' Jerusalén, da' qaidi hua'ague da'me da' 'am ñimit da' 'uootaxa 'eesa da' 'uo ga' 'adesamaxataxac?
10Qana'chi so' Pablo 'enaaco':
—Jaỹim sóxote da' sonétaaue jen' l'onataxanaxaqui ga' qadet'a 'me net'ague da' Roma, 'me naqáina 'me huá'a da' jaỹim qonimit. Qá'a sóxote 'am 'auaỹáten da' jaỹim qaỹa 'te ga' sasoilégue da' 'uootaxa huáaue na' judiopi. 11Qá'a qomle 'eesa da' 'uo ga'me ỹasouaxaset da' jaỹim qoỹalaatec, qana'chi jaỹim sa ñoqolguet da' jaỹim qoỹalaat. Qaláxasa qomle sa 'eesa ga'me jaỹim qoỹasaqatapeelégue, nataq'en sa 'chi jaỹim qoỹanóoue jena'me. Chan'eesa jaỹim sepacapégue' ga'me qadet'a 'me net'ague di' Roma da' jaỹim nimit.
12Qana'chi so' Festo ca'li ỹim da' dosápegue' so' lecochaxau'pi, qana'chi 'enapego' so' Pablo, 'enaac:
—'Am 'aupacapégue' da' 'am nimit ga' qadet'a 'me net'ague di' Roma. Naỹi na'chiga 'me 'auc'áta, da' qaidi 'am nimit.
So' Pablo qoỹasoxona'aguet so' net'a Agripa
13Joca'li ma'le qaỹóxode' saua' noloqo'te, qana'chi janac so' net'a Agripa qataxa jaso' loua Berenice da' ỹic'ádeta di' Cesarea da' ỹip'iỹe'n so' Festo. 14Qana'chi huo'oi saua' noloqo'te da' huétr'a di'me, qana'chi so' Festo ỹ'axátem so' Agripa da'me 'éeta so' Pablo. 'Enaaco':
—'Uo ñi' siỹaxaua huét'a jénjo' 'me lecointáisec joca'li so' Félix. 15Ca'li souet'ague da' Jerusalén, qana'chi na' lasoxola'pi na' netaxaỹáxanaxanecpi qataxa jen'me lasoxonecpi na' judiopi jaỹim qodiñíctapecot da' saséeta da' qaidi qoỹalaat. 16Qana'chi jaỹim s'axátetapeguem jen'me da' na' net'alpi 'me chiỹaqa'ague da' Roma sa loic da' ỹaneuó'o da' nalaataguec ga' necointáisec da' maliaxa sa nasoỹá'ai da' nicotaỹapégue' ga'me necointóqo'tpi. 17Chan'eesa ca'li janac jeso'me judiopi da' naỹa jénjo', qana'chi jaỹim sa ñiỹáloxodena't so' nolo' laqáỹa da' sauó'o jiñi' ỹ'onataxanaxaqui, qana'chi selatáxanee'ga jiñi'me siỹaxaua. 18Qaláxasa so'me nec'áte'uo jaỹim da' ỹ'axat na' qoỹíitapega lasouaxasetpi jiñi'me, 'me qaỹa 'te ga' nateneguet jen'me qoỹíitapega da' lasouaxaset jen'me sepétetapegapi. 19Na'chidáta da' qoncotaỹapíỹi da'me mai'chi n'amaqténataxanaxac, qataxa jega'me lenaxato' Jesús 'me qoỹalaat joca'li, qaláxasa ñi' Pablo 'enapéga sóxote nec'aliséguem. 20Da'me jaỹim sa saỹáten da' 'uo ga' 'ená'am dójo', chan'eesa senatétac ñi'me Pablo da' 'uootaxa sétaaque da' taiỹi da' Jerusalén, da' qaidi hua'ague da'me da' qonimit da'me huápiỹi. 21Qaláxasa ñi'me mai'chi diñíỹa'uo da' nimit ga'me qadet'a Augusto 'me na'ague da' Roma. Qana'chi jaỹim na'chi séet'ac da' qoỹicoñideta't, mai'chi da' ỹivíta da' samaxa ga'me qadet'a.
22Qana'chi so' net'a Agripa 'enapego' so' Festo, 'enaac:
—Jaỹim nataq'en sétaaque da' ñaquiáxana ga'me siỹaxaua.
Qana'chi so' Festo 'enaaco':
—Qomle ỹ'oxoñi, qana'chi 'anaquiáxana ñi'me.
23So' nolo' laqáỹa joca'li nivídedeuo so' Agripa qataxa jaso' loua Berenice, qana'chi ỹátaqta jalcote da' li'ỹoxodi'j qoỹi'n, quédaa'ue so' huataxanaq let'alpi qataxa jen'me net'alpi di'me noic da' qotáaue jeso' netaxaỹaxaqui. Qana'chi so' Festo damaxasóxonee'ga so' Pablo. 24Qana'chi 'enaaco':
—'Am net'a Agripa, qataxa ỹima jen'me qo'mi quetaavlo, dójo' da'me siỹaxaua 'me ỹátaqta jalcote na' judiopi 'me néta'ña di' Jerusalén qataxa na'me néta'ña na' Cesarea da' diñíctapee'uo. Qataxa jen'me ỹátaqta jaỹim v'iỹílaqat'a da' da'me siỹaxaua sa 'eeta't da' qonec'alaxatétaiỹi. 25Qaláxasa jaỹim sa sanata da' 'uo ga' lasouaxaset da' qaidi qoỹalaatec da'me. Qaláxasa da'me mai'chi diñíỹa'uo da' qaidi nimit ga'me qadet'a Augusto, qana'chi jaỹim sóxote s'ateguet da'me da' samaq. 26Qaláxasa da' jaỹim maliaxa saqalaatalégue ga' ỹ'aqtac, da' qaidi samaxa ga'me qadet'a 'me net'ague da' Roma, da' s'axátem ga' huasoilégue da'me, chan'eesa da'me 'ami saueegueta. Qana'chi jaỹim ỹátaqta 'am salémaxatet'ot da'me, 'am net'a Agripa, qaidi 'aunat da'me, qaidi jaỹim 'uo ga' ỹidíisec ỹ'aqtaxanaxac da' samaq. 27Qá'a jaỹim saỹáten da' sa ỹiỹamaxañi da' 'chi samaq ga' necointáisec da' sa di'ỹoxoỹi ga' qoỹíitapega huasoilégue.
Currently Selected:
Hechos 25: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Hechos 25
25
So' Pablo qoỹasoxonot so' net'a Festo
1Chan'eesa so' Festo joca'li sóxote qoỹanaỹi da' net'a, qana'chi ca'li ỹivi't saua' tres noloqo'te, qana'chi chiỹoqóchii'ña di' Cesarea da' taiỹi da' Jerusalén. 2Huá'a di'me, qana'chi na' lasoxola'pi na' netaxaỹáxanaxanecpi da' qodetaxaỹapégue' ñi' Dios qataxa na' judiopi 'me ỹ'oxodaicpi qana'chi qodíi'uo da' qodiñíỹa'uo so' Pablo. 3Qana'chi qonachoxodeetapecot so'me da' qoỹichoxoden da' damaxasóxona so' Pablo da' qonauéga di' Jerusalén. Qaa'le leenataxac jeso'me net'alpi da' sétaaque da' damaxasoxolégue so'me da' qoỹalaata'nỹi na' naq'aic so'me. 4Qaláxasa so' Festo ỹ'axat so' Pablo da' qoỹicoñideta't, net'ague di' Cesarea, qataxa so'me na'chi leenataxac da' sa niỹáloxoden da' taiỹi da'me. 5Qana'chi 'enaaco':
—Chan'eesa n'óota da' na' net'alpi da' 'oñíita ñáicapegue' qomle da' saxague di' Cesarea, qaidi ga'me siỹaxaua da' 'uootaxa 'eesa da' 'uo ga' lasouaxaset, qana'chi mai'chi 'auoiquiñiỹaac ga' 'oñíit'ec.
6Qana'chi so' Festo ỹivi't saua' 'ocho 'uootaxa diez noloqo'te da' huét'a di' Jerusalén. Ỹim, qana'chi v'iỹílaxague da' Cesarea. So' nolo' laqáỹa, qana'chi ỹic'áte'uo jeso' l'onataxanaxaqui, qana'chi damaxasóxonee'ga so' Pablo. 7Qana'chi joca'li nivídeuo so' Pablo, qana'chi janac so' judiopi 'me chiỹoxogue di' Jerusalén. Qana'chi ỹátaqta jalcote na' qoỹasaxalégue lasouaxasetpi jeso'me, qaláxasa qaỹa 'te ga' ỹataqtelégue 'eesa qoỹin. 8Qana'chi so' Pablo ỹa'uo da' letaxaỹaxac, 'enaac:
—Jaỹim qaỹa 'te ga' ỹisamaxataxac, qataxa sa ñip'aguéna na' naqátaxacpi 'me chiỹoqo'ot so' Moisés, qataxa sa ñip'aguéna jiñi' tamnaxaqui let'ádaic di' Jerusalén, qataxa jega'me net'a 'me net'ague di' Roma.
9Qaláxasa so' Festo, da' sétaaque da' qaỹa 'te 'uo qa'en na' judiopi, qana'chi ỹinat so' Pablo, 'enaac:
—¿Qo'li sétaaque jodamaxa 'aiỹi da' Jerusalén, da' qaidi hua'ague da'me da' 'am ñimit da' 'uootaxa 'eesa da' 'uo ga' 'adesamaxataxac?
10Qana'chi so' Pablo 'enaaco':
—Jaỹim sóxote da' sonétaaue jen' l'onataxanaxaqui ga' qadet'a 'me net'ague da' Roma, 'me naqáina 'me huá'a da' jaỹim qonimit. Qá'a sóxote 'am 'auaỹáten da' jaỹim qaỹa 'te ga' sasoilégue da' 'uootaxa huáaue na' judiopi. 11Qá'a qomle 'eesa da' 'uo ga'me ỹasouaxaset da' jaỹim qoỹalaatec, qana'chi jaỹim sa ñoqolguet da' jaỹim qoỹalaat. Qaláxasa qomle sa 'eesa ga'me jaỹim qoỹasaqatapeelégue, nataq'en sa 'chi jaỹim qoỹanóoue jena'me. Chan'eesa jaỹim sepacapégue' ga'me qadet'a 'me net'ague di' Roma da' jaỹim nimit.
12Qana'chi so' Festo ca'li ỹim da' dosápegue' so' lecochaxau'pi, qana'chi 'enapego' so' Pablo, 'enaac:
—'Am 'aupacapégue' da' 'am nimit ga' qadet'a 'me net'ague di' Roma. Naỹi na'chiga 'me 'auc'áta, da' qaidi 'am nimit.
So' Pablo qoỹasoxona'aguet so' net'a Agripa
13Joca'li ma'le qaỹóxode' saua' noloqo'te, qana'chi janac so' net'a Agripa qataxa jaso' loua Berenice da' ỹic'ádeta di' Cesarea da' ỹip'iỹe'n so' Festo. 14Qana'chi huo'oi saua' noloqo'te da' huétr'a di'me, qana'chi so' Festo ỹ'axátem so' Agripa da'me 'éeta so' Pablo. 'Enaaco':
—'Uo ñi' siỹaxaua huét'a jénjo' 'me lecointáisec joca'li so' Félix. 15Ca'li souet'ague da' Jerusalén, qana'chi na' lasoxola'pi na' netaxaỹáxanaxanecpi qataxa jen'me lasoxonecpi na' judiopi jaỹim qodiñíctapecot da' saséeta da' qaidi qoỹalaat. 16Qana'chi jaỹim s'axátetapeguem jen'me da' na' net'alpi 'me chiỹaqa'ague da' Roma sa loic da' ỹaneuó'o da' nalaataguec ga' necointáisec da' maliaxa sa nasoỹá'ai da' nicotaỹapégue' ga'me necointóqo'tpi. 17Chan'eesa ca'li janac jeso'me judiopi da' naỹa jénjo', qana'chi jaỹim sa ñiỹáloxodena't so' nolo' laqáỹa da' sauó'o jiñi' ỹ'onataxanaxaqui, qana'chi selatáxanee'ga jiñi'me siỹaxaua. 18Qaláxasa so'me nec'áte'uo jaỹim da' ỹ'axat na' qoỹíitapega lasouaxasetpi jiñi'me, 'me qaỹa 'te ga' nateneguet jen'me qoỹíitapega da' lasouaxaset jen'me sepétetapegapi. 19Na'chidáta da' qoncotaỹapíỹi da'me mai'chi n'amaqténataxanaxac, qataxa jega'me lenaxato' Jesús 'me qoỹalaat joca'li, qaláxasa ñi' Pablo 'enapéga sóxote nec'aliséguem. 20Da'me jaỹim sa saỹáten da' 'uo ga' 'ená'am dójo', chan'eesa senatétac ñi'me Pablo da' 'uootaxa sétaaque da' taiỹi da' Jerusalén, da' qaidi hua'ague da'me da' qonimit da'me huápiỹi. 21Qaláxasa ñi'me mai'chi diñíỹa'uo da' nimit ga'me qadet'a Augusto 'me na'ague da' Roma. Qana'chi jaỹim na'chi séet'ac da' qoỹicoñideta't, mai'chi da' ỹivíta da' samaxa ga'me qadet'a.
22Qana'chi so' net'a Agripa 'enapego' so' Festo, 'enaac:
—Jaỹim nataq'en sétaaque da' ñaquiáxana ga'me siỹaxaua.
Qana'chi so' Festo 'enaaco':
—Qomle ỹ'oxoñi, qana'chi 'anaquiáxana ñi'me.
23So' nolo' laqáỹa joca'li nivídedeuo so' Agripa qataxa jaso' loua Berenice, qana'chi ỹátaqta jalcote da' li'ỹoxodi'j qoỹi'n, quédaa'ue so' huataxanaq let'alpi qataxa jen'me net'alpi di'me noic da' qotáaue jeso' netaxaỹaxaqui. Qana'chi so' Festo damaxasóxonee'ga so' Pablo. 24Qana'chi 'enaaco':
—'Am net'a Agripa, qataxa ỹima jen'me qo'mi quetaavlo, dójo' da'me siỹaxaua 'me ỹátaqta jalcote na' judiopi 'me néta'ña di' Jerusalén qataxa na'me néta'ña na' Cesarea da' diñíctapee'uo. Qataxa jen'me ỹátaqta jaỹim v'iỹílaqat'a da' da'me siỹaxaua sa 'eeta't da' qonec'alaxatétaiỹi. 25Qaláxasa jaỹim sa sanata da' 'uo ga' lasouaxaset da' qaidi qoỹalaatec da'me. Qaláxasa da'me mai'chi diñíỹa'uo da' qaidi nimit ga'me qadet'a Augusto, qana'chi jaỹim sóxote s'ateguet da'me da' samaq. 26Qaláxasa da' jaỹim maliaxa saqalaatalégue ga' ỹ'aqtac, da' qaidi samaxa ga'me qadet'a 'me net'ague da' Roma, da' s'axátem ga' huasoilégue da'me, chan'eesa da'me 'ami saueegueta. Qana'chi jaỹim ỹátaqta 'am salémaxatet'ot da'me, 'am net'a Agripa, qaidi 'aunat da'me, qaidi jaỹim 'uo ga' ỹidíisec ỹ'aqtaxanaxac da' samaq. 27Qá'a jaỹim saỹáten da' sa ỹiỹamaxañi da' 'chi samaq ga' necointáisec da' sa di'ỹoxoỹi ga' qoỹíitapega huasoilégue.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.