Hechos 27
27
So' Pablo qoỹamaxague da' Roma
1Ca'li ma'le qoỹ'atelégue da' qo'mi qoỹamaxategue da' Italia. Qana'chi so' Pablo qataxa so' laỹi necointáxau'pi qoỹamoqot so' huataxanaq let'a, lenaxat Julio. So'me ỹilápegue' so' huataxanaq 'me qoỹimatá'ac nesoxonaqapi so' net'a Augusto. 2Qana'chi qo'mi ñoqotaqá'uo jaso' licota 'me lase di' nadíỹaxasom Adramitio, jaso'me taỹa'alo naua' nadíidaxasom di' Asia. Huetaavlo qo'mi nataq'en so' Aristarco, jeso'me l'acháqa' di' Tesalónica 'me huáaue di' 'aléua Macedonia. 3So' nolo' laqáỹa, qana'chi sivídaxa di' nadíỹaxasom lenaxat Sidón. Huá'a di'me, qana'chi so' Julio da' ỹátaqta ỹiỹamaxatétac so' Pablo, da' ỹaséet'em so'me da' qaidi desapchiỹa na' nauochaxau'pi da' qaidi qolecochiỹa. 4Qana'chi ỹitaxa qolqá'ai di' Sidón, ñolegaqatelégue di' 'aléuolec Chipre, p'aỹa'ague na' qan'emaq, qá'a ỹasouaxat so' laỹat da' sasoqot'eguet. 5Qana'chi qolqátanỹi jaso' huaxai, qaláxasa qolqat'ot na' loxogue, chan'eesa ñolegaqat'ot di' Cilicia qataxa di' Panfilia, qana'chi sivídaq'a di' noic Mira huáaue di' 'aléua Licia.
6Huá'a di'me, qana'chi so' huataxanaq let'a ỹauana jaso' licota 'me Alejandría lase, jaso'me taỹa'ague da' Italia. Qana'chi ỹitaxa qo'mi noqtaxadá'uo, qana'chi ỹitaxa qolaq. 7Qaa'le qaỹóxode' saua' noloqo'te da' qolqáta, 'chi sasesáqta, qataxa ỹátaqta 'uo da' qancotaxac, cha sivídaqat'a di' nalótee'ga di' Gnido. Qá'a maliaxa 'uo so' laỹat 'me sasoqot'eguet, qana'chi saqátee'ga di' nalótee'ga di' Salmón, qana'chi 'chi secolnaqat'esop jadi' nepe lenaxat Creta. 8Qana'chi ỹátaqta 'uo da' qanaqaliitaxac ca'li qolqat'ot so' loxogue, cha sivídaqat'a di' lenaxat 'Ónaxaic Nadíỹaxasom. Di'me, qana'chi sa qaỹáaque di' noic Lasea.
9Qaa'le sóxote qaỹóxode' saua' noloqo'te da' ỹisamaxadéegue da' qadadíquiaxac, qataxa ma'le 'uo da' lichíquiaxac da' qouánỹi jaso' huaxai, qá'a sóxote naqaviaqáchiiñi. Chan'eesa so' Pablo 'uo da' laqátaxac, 10'enaac:
—'Ami siỹaxadipi, jaỹim selá'a da'me qadeuoxoc da' ỹátaqta 'uo da' lichic, da' 'uootaxa daqat qomle jan' qadenótaxaqui qataxa jen' lí'ỹac, qataxa ỹivid'alo qo'mi da' saqtaq qomle.
11Qaláxasa so' huataxanaq let'a sa ỹoqo'cha so' Pablo, nedot'a't da' l'aqtac so'me lalémaxasete jaso' licota qataxa so'me ló'o jaso'me. 12Qá'a di'me nadíỹaxasom ỹátaqta sa nó'in da' qouá'a di' naqaviaxa, qana'chi so'me siỹaxadipi huec da' 'ena'a't da' neenataxac da' qodíc'ai di'me, qana'chi qoỹ'iỹen da' qoỹic'áta di' Fenice 'me nadíỹaxasom di' Creta, da' qaidi qouá'a di'me da' naqaviaxa. Qá'a jidi'me dasot'egue da' jávit qataxa da' taỹíñi.
So' laỹat let'ádaic 'me huánỹi jaso' huaxai
13Qaama'le lapaxauo so' laỹat laqaua' chiỹoxogue na' co'lia, qaláxasa sa vichaxaguet. Qana'chi jeso'me siỹaxadipi nip'itáxana da' ỹitaxa jec. Chan'eesa jec, qoquet'ot na' loxogue di' Creta. 14Qaláxasa ca'li qaỹat'ague, qana'chi lapaxauo so' laỹat let'ádaic huaquiaxaic, qana'chi ỹátaqta ỹi'uaxanot jaso' licota. 15Qana'chi ỹátaqta ỹivíd'a da' ỹilio't. Qá'a sa qadalo'oguet so' laỹat, qana'chi senaqa't da' qo'mi ỹilio't. 16Qana'chi cha qo'mi ỹivídaxatr'ague da' lai so' 'aleuolec lenaxat Clauda. Qana'chi huá'a, qana'chi ma'chaxa da' sa vichaxaguet so' laỹat. Huá'a, qana'chi ỹátaqta ñaqaliitaqátapegue' jaso' secoindáqtauo qadilicota da' sepenaqánỹi jaso' sonqátanỹi. 17Cana'le ỹim da' sepenaqaséguem jaso'me, qana'chi jeso'me siỹaxadipi ỹacona so' ñic, qana'chi qoỹaxata'ague na' lasot jaso' licota, da' qaidi ỹ'añaxatet'a't. Cana'le ỹim, qana'chi ỹátaqta 'uo da' noqolánaxa da' 'uootaxa qotatelégue jaso' d'ailégue lenaxat da' la Sirte. Chan'eesa qonaqchidíñi saua' laỹat ló'ol, qana'chi qoỹaxanee'gue jaso' licota da' ỹaỹoxon so' laỹat. 18So' nolo' laqáỹa, qá'a maliaxa quéta so'me laỹat let'ádaic, qana'chi so' siỹaxadipi ỹasaxáiỹi na' lí'ỹac jaso' licota, qoỹasaqápiinỹi jaso' huaxai. 19Qaa'le ma'le ỹivi't tres saua' noloqo'te, qana'chi 'chi saconaqatalégue da' sasaxásoxonỹi na' noxop na' mai'chi leuoxosetpi jaso' licota. 20Sóxote qaỹa'aguelo saua' noloqo'te da' sa ñauanáxai' jaso' c'atena qataxa jan' huaqchiñipi. Qá'a ỹasouaxat so' laỹat 'me qo'mi ỹaỹoxoot'ape, qana'chi ma'le ỹima liiỹi qadauel da' sa ñic'alaxáiỹi.
21Qaa'le sóxote sa lequese'egue da' sa siqui'ỹaq, qana'chi so' Pablo nichaatánỹi na' laiñi so'me siỹaxadipi, qana'chi 'enapéga, 'enaaco':
—'Ami siỹaxadipi, 'ónaxaic toqo' ca'li da' jaỹim 'aualaqaiguet da' sa sedáxana' di' Creta, da' qaidi sa ñi'queténaxaỹi dójo', qataxa da' 'uo na' daqat. 22Qaláxasa naỹi 'ami senapegalo da' 'an'añaxachii qomle, qá'a qaỹa 'te ga' 'oonolec da' ỹileu da' 'oñíita, temaqaidi da'me daqat jan'me qadenótaxaqui. 23Qá'a siipí'ỹaq jaỹim naloxóna so' chiỹaqséguem lamaxasec ñi' Dios 'me souet'ot qataxa s'onataxáatapecot. 24Jeso'me jaỹim 'enapéga, 'enaac: “'Ená'te 'auó'i qomle, 'am Pablo, qá'a 'am 'analoxóne'uo qomle ñi' net'a 'me net'ague da' Roma. Qataxa ỹasouaxat 'am, qana'chi ñi' Dios nec'alaxatee'guesop qomle da' leleuaxac ỹima jen'me 'anoqotaxau'pi jan' licota.” 25Chan'eesa 'ami siỹaxadipi, 'an'añaxachii qomle, qá'a jaỹim ỹátaqta 'uo da' ỹip'iỹáxac ñi' Dios, qataxa da' ỹátaqta 'eesa qasen da' ỹipaquíchiỹi da'me 'enaac so' namaxasec piỹem lé'ec. 26Qaláxasa qo'mi saỹoxonaqalégue qomle jaga' nepe.
27'Uo so' 'oonolec pí'ỹaq cana'le sóxote ỹinoxodéegue saua' dos semanas da' qolqáta, qaa'le maliaxa souqátanỹi jaso' huaxai lenaxat Adria, 'chi qo'mi ỹilioxotet'ape so' laỹat. Qana'chi cana'le sóxote laiñi so' pí'ỹaq, qana'chi so' ló'opi jaso' licota nóm'a da' sóxote da' sa qaỹáaque ga' l'añaxa. 28Qana'chi qonaloqten di' lisiquíchiiñi na' noxop, qana'chi sóxote ỹóvi' treinta y seis metros. Cana'le ỹitaxa qonaloqten, qana'chi ỹóvi' veintisiete metros. 29Qana'chi ỹátaqta 'uo da' noqolánaxa da' 'uootaxa jaso' licota 'uo ga' netóuoxoi' qa'. Huá'a, qana'chi qoỹasaxádiñi saua' cuatro laicaual 'me lasápaxat jan' licota. Qataxa so' siỹaxadipi ỹátaqta 'uo da' loqolánaxa, chan'eesa qoỹiuata'aguet so' ỹ'oxoñi. 30Huá'a, qana'chi so'me lecochaxau'pi so' ló'o jaso' licota, jeso'me sétaaque da' n'ota. Chan'eesa jeso'me sétaaque da' ỹasaxánỹi so' noxop jaso' lilicota, 'chi sétaaque da' doqovinaxanot da' ỹasaxáñi ga'me lasápaxat na' leséenec jaso' licota. 31Qaláxasa so' Pablo d'aqtaxanem so'me huataxanaq let'a qataxa so' nesoxonaqapi, 'enaac:
—Da' 'uootaxa sa nétanỹi jan' licota jen'me, qana'chi 'ami sa 'auañoxochii qomle da' 'adec'aliỹíiỹi.
32Qaama'le so' huataxanaq ỹichíỹiỹi so' lequet jaso' nilicota, qana'chi tánỹi qoỹin so' noxop.
33Qana'chi sóxote ỹa'agueteda, qana'chi so' Pablo huaqátetapegooue ỹima so' laỹi da' qaidi dequé'e, 'enaaco':
—Naỹi ma'le ỹivi't naua' dos semanas da' 'ami sa 'au'ochii qataxa da' 'au'quíỹi. 34Chan'eesa naỹi 'ami ñachoxodenoovlo da' 'au'quíỹi. Da'me ỹátaqta 'uo lovic, da' qaidi 'adec'aliỹíiỹi, qá'a ỹátaqta qaỹa 'te qomle ga' 'chi 'oonolec da' 'oñíita da' daqat.
35Qaa'le ca'li 'enaac dójo' so' Pablo, qana'chi ỹacona jaso' pan, qana'chi ỹanem da' netónaxac ñi' Dios, ỹima qoỹic'atéetac so'me. Ỹim, qana'chi necolaxachiñi jaso' pan, qana'chi dequé'e. 36Ỹim, qana'chi ỹima jeso'me siỹaxadipi 'uo da' l'añaxac, qana'chi nataq'en dequé'e. 37Qaa'le so' liiñi ỹima qo'mi 'me sonqátanỹi jaso' licota sivídaq'a doscientos setenta y seis. 38Cana'le ỹimat da' liqui'ỹáxac jeso'me siỹaxadipi, qana'chi na' trigo qoỹasaxánỹi jaso' huaxai, qá'a sétaaque da' sa desali jaso' licota.
Damolíñi jaso' qadilicota
39Qaa'le sóxote ỹ'oxosáñi, qana'chi so'me ló'opi jaso' licota ỹátaqta leuál'a so' 'aléua. Qaláxasa qoỹilot'ata jeso' lemetec 'me 'uo so' n'ootelégue. Qana'chi sétaaque qoỹaỹoqtéet'a so' loxogue jaso' licota. 40Qana'chi qoỹichíideegue saua' leque'te saua' lasápaqa'te jaso' licota, qana'chi n'óodanỹi qoỹi'n jaso' huaxai, qataxa qoỹisodéegue saua' leque'te saua' licotaxanaqa'te 'me ñ'ímaxatrapiiñi jaso' licota, qataxa qoỹavíiseguem jaso' laỹat ló'o 'me 'uáuaac. Qana'chi jaso' licota nichict'ata so' loxogue. 41Qaláxasa qotatelégue so' hua'alo saua' dos laỹinaqa. Huá'a, qana'chi jaso' licota ỹivid'aguet jeso' lemetec, qana'chi na' leséenec ỹátaqta ỹipacáñi, qana'chi sa dedáỹaac. Qana'chi jan' nate' jaso' licota ỹátaqta colaxadéegue ỹasouaxat jen' lepáxa. 42Qana'chi so' nesoxonaqapi sétaaque da' ỹalaat na' necointáisecpi, da' qaidi sa n'ota da' dalóxon. 43Qaláxasa so'me let'a so' huataxanaq sétaaque da' nec'alaxatétaiỹi so' Pablo, qana'chi sa ỹasenem jeso'me nesoxonaqapi da' dalaataxan; na'chidáta da' 'enapéga da' ga' ỹaỹáten da' lalóxonaxac qana'chi 'uaut'ata so' l'añaxa da' dalóxon. 44Qana'chi na' laỹi 'chi nec'ataxáatauo, daloxolégue na' 'epaq, 'uootaxa na' lai jaso' licota. Qana'chi naq'áita da'me jeso'me ỹivíd'ata so' loxogue, ỹima nec'aléegue.
Currently Selected:
Hechos 27: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Hechos 27
27
So' Pablo qoỹamaxague da' Roma
1Ca'li ma'le qoỹ'atelégue da' qo'mi qoỹamaxategue da' Italia. Qana'chi so' Pablo qataxa so' laỹi necointáxau'pi qoỹamoqot so' huataxanaq let'a, lenaxat Julio. So'me ỹilápegue' so' huataxanaq 'me qoỹimatá'ac nesoxonaqapi so' net'a Augusto. 2Qana'chi qo'mi ñoqotaqá'uo jaso' licota 'me lase di' nadíỹaxasom Adramitio, jaso'me taỹa'alo naua' nadíidaxasom di' Asia. Huetaavlo qo'mi nataq'en so' Aristarco, jeso'me l'acháqa' di' Tesalónica 'me huáaue di' 'aléua Macedonia. 3So' nolo' laqáỹa, qana'chi sivídaxa di' nadíỹaxasom lenaxat Sidón. Huá'a di'me, qana'chi so' Julio da' ỹátaqta ỹiỹamaxatétac so' Pablo, da' ỹaséet'em so'me da' qaidi desapchiỹa na' nauochaxau'pi da' qaidi qolecochiỹa. 4Qana'chi ỹitaxa qolqá'ai di' Sidón, ñolegaqatelégue di' 'aléuolec Chipre, p'aỹa'ague na' qan'emaq, qá'a ỹasouaxat so' laỹat da' sasoqot'eguet. 5Qana'chi qolqátanỹi jaso' huaxai, qaláxasa qolqat'ot na' loxogue, chan'eesa ñolegaqat'ot di' Cilicia qataxa di' Panfilia, qana'chi sivídaq'a di' noic Mira huáaue di' 'aléua Licia.
6Huá'a di'me, qana'chi so' huataxanaq let'a ỹauana jaso' licota 'me Alejandría lase, jaso'me taỹa'ague da' Italia. Qana'chi ỹitaxa qo'mi noqtaxadá'uo, qana'chi ỹitaxa qolaq. 7Qaa'le qaỹóxode' saua' noloqo'te da' qolqáta, 'chi sasesáqta, qataxa ỹátaqta 'uo da' qancotaxac, cha sivídaqat'a di' nalótee'ga di' Gnido. Qá'a maliaxa 'uo so' laỹat 'me sasoqot'eguet, qana'chi saqátee'ga di' nalótee'ga di' Salmón, qana'chi 'chi secolnaqat'esop jadi' nepe lenaxat Creta. 8Qana'chi ỹátaqta 'uo da' qanaqaliitaxac ca'li qolqat'ot so' loxogue, cha sivídaqat'a di' lenaxat 'Ónaxaic Nadíỹaxasom. Di'me, qana'chi sa qaỹáaque di' noic Lasea.
9Qaa'le sóxote qaỹóxode' saua' noloqo'te da' ỹisamaxadéegue da' qadadíquiaxac, qataxa ma'le 'uo da' lichíquiaxac da' qouánỹi jaso' huaxai, qá'a sóxote naqaviaqáchiiñi. Chan'eesa so' Pablo 'uo da' laqátaxac, 10'enaac:
—'Ami siỹaxadipi, jaỹim selá'a da'me qadeuoxoc da' ỹátaqta 'uo da' lichic, da' 'uootaxa daqat qomle jan' qadenótaxaqui qataxa jen' lí'ỹac, qataxa ỹivid'alo qo'mi da' saqtaq qomle.
11Qaláxasa so' huataxanaq let'a sa ỹoqo'cha so' Pablo, nedot'a't da' l'aqtac so'me lalémaxasete jaso' licota qataxa so'me ló'o jaso'me. 12Qá'a di'me nadíỹaxasom ỹátaqta sa nó'in da' qouá'a di' naqaviaxa, qana'chi so'me siỹaxadipi huec da' 'ena'a't da' neenataxac da' qodíc'ai di'me, qana'chi qoỹ'iỹen da' qoỹic'áta di' Fenice 'me nadíỹaxasom di' Creta, da' qaidi qouá'a di'me da' naqaviaxa. Qá'a jidi'me dasot'egue da' jávit qataxa da' taỹíñi.
So' laỹat let'ádaic 'me huánỹi jaso' huaxai
13Qaama'le lapaxauo so' laỹat laqaua' chiỹoxogue na' co'lia, qaláxasa sa vichaxaguet. Qana'chi jeso'me siỹaxadipi nip'itáxana da' ỹitaxa jec. Chan'eesa jec, qoquet'ot na' loxogue di' Creta. 14Qaláxasa ca'li qaỹat'ague, qana'chi lapaxauo so' laỹat let'ádaic huaquiaxaic, qana'chi ỹátaqta ỹi'uaxanot jaso' licota. 15Qana'chi ỹátaqta ỹivíd'a da' ỹilio't. Qá'a sa qadalo'oguet so' laỹat, qana'chi senaqa't da' qo'mi ỹilio't. 16Qana'chi cha qo'mi ỹivídaxatr'ague da' lai so' 'aleuolec lenaxat Clauda. Qana'chi huá'a, qana'chi ma'chaxa da' sa vichaxaguet so' laỹat. Huá'a, qana'chi ỹátaqta ñaqaliitaqátapegue' jaso' secoindáqtauo qadilicota da' sepenaqánỹi jaso' sonqátanỹi. 17Cana'le ỹim da' sepenaqaséguem jaso'me, qana'chi jeso'me siỹaxadipi ỹacona so' ñic, qana'chi qoỹaxata'ague na' lasot jaso' licota, da' qaidi ỹ'añaxatet'a't. Cana'le ỹim, qana'chi ỹátaqta 'uo da' noqolánaxa da' 'uootaxa qotatelégue jaso' d'ailégue lenaxat da' la Sirte. Chan'eesa qonaqchidíñi saua' laỹat ló'ol, qana'chi qoỹaxanee'gue jaso' licota da' ỹaỹoxon so' laỹat. 18So' nolo' laqáỹa, qá'a maliaxa quéta so'me laỹat let'ádaic, qana'chi so' siỹaxadipi ỹasaxáiỹi na' lí'ỹac jaso' licota, qoỹasaqápiinỹi jaso' huaxai. 19Qaa'le ma'le ỹivi't tres saua' noloqo'te, qana'chi 'chi saconaqatalégue da' sasaxásoxonỹi na' noxop na' mai'chi leuoxosetpi jaso' licota. 20Sóxote qaỹa'aguelo saua' noloqo'te da' sa ñauanáxai' jaso' c'atena qataxa jan' huaqchiñipi. Qá'a ỹasouaxat so' laỹat 'me qo'mi ỹaỹoxoot'ape, qana'chi ma'le ỹima liiỹi qadauel da' sa ñic'alaxáiỹi.
21Qaa'le sóxote sa lequese'egue da' sa siqui'ỹaq, qana'chi so' Pablo nichaatánỹi na' laiñi so'me siỹaxadipi, qana'chi 'enapéga, 'enaaco':
—'Ami siỹaxadipi, 'ónaxaic toqo' ca'li da' jaỹim 'aualaqaiguet da' sa sedáxana' di' Creta, da' qaidi sa ñi'queténaxaỹi dójo', qataxa da' 'uo na' daqat. 22Qaláxasa naỹi 'ami senapegalo da' 'an'añaxachii qomle, qá'a qaỹa 'te ga' 'oonolec da' ỹileu da' 'oñíita, temaqaidi da'me daqat jan'me qadenótaxaqui. 23Qá'a siipí'ỹaq jaỹim naloxóna so' chiỹaqséguem lamaxasec ñi' Dios 'me souet'ot qataxa s'onataxáatapecot. 24Jeso'me jaỹim 'enapéga, 'enaac: “'Ená'te 'auó'i qomle, 'am Pablo, qá'a 'am 'analoxóne'uo qomle ñi' net'a 'me net'ague da' Roma. Qataxa ỹasouaxat 'am, qana'chi ñi' Dios nec'alaxatee'guesop qomle da' leleuaxac ỹima jen'me 'anoqotaxau'pi jan' licota.” 25Chan'eesa 'ami siỹaxadipi, 'an'añaxachii qomle, qá'a jaỹim ỹátaqta 'uo da' ỹip'iỹáxac ñi' Dios, qataxa da' ỹátaqta 'eesa qasen da' ỹipaquíchiỹi da'me 'enaac so' namaxasec piỹem lé'ec. 26Qaláxasa qo'mi saỹoxonaqalégue qomle jaga' nepe.
27'Uo so' 'oonolec pí'ỹaq cana'le sóxote ỹinoxodéegue saua' dos semanas da' qolqáta, qaa'le maliaxa souqátanỹi jaso' huaxai lenaxat Adria, 'chi qo'mi ỹilioxotet'ape so' laỹat. Qana'chi cana'le sóxote laiñi so' pí'ỹaq, qana'chi so' ló'opi jaso' licota nóm'a da' sóxote da' sa qaỹáaque ga' l'añaxa. 28Qana'chi qonaloqten di' lisiquíchiiñi na' noxop, qana'chi sóxote ỹóvi' treinta y seis metros. Cana'le ỹitaxa qonaloqten, qana'chi ỹóvi' veintisiete metros. 29Qana'chi ỹátaqta 'uo da' noqolánaxa da' 'uootaxa jaso' licota 'uo ga' netóuoxoi' qa'. Huá'a, qana'chi qoỹasaxádiñi saua' cuatro laicaual 'me lasápaxat jan' licota. Qataxa so' siỹaxadipi ỹátaqta 'uo da' loqolánaxa, chan'eesa qoỹiuata'aguet so' ỹ'oxoñi. 30Huá'a, qana'chi so'me lecochaxau'pi so' ló'o jaso' licota, jeso'me sétaaque da' n'ota. Chan'eesa jeso'me sétaaque da' ỹasaxánỹi so' noxop jaso' lilicota, 'chi sétaaque da' doqovinaxanot da' ỹasaxáñi ga'me lasápaxat na' leséenec jaso' licota. 31Qaláxasa so' Pablo d'aqtaxanem so'me huataxanaq let'a qataxa so' nesoxonaqapi, 'enaac:
—Da' 'uootaxa sa nétanỹi jan' licota jen'me, qana'chi 'ami sa 'auañoxochii qomle da' 'adec'aliỹíiỹi.
32Qaama'le so' huataxanaq ỹichíỹiỹi so' lequet jaso' nilicota, qana'chi tánỹi qoỹin so' noxop.
33Qana'chi sóxote ỹa'agueteda, qana'chi so' Pablo huaqátetapegooue ỹima so' laỹi da' qaidi dequé'e, 'enaaco':
—Naỹi ma'le ỹivi't naua' dos semanas da' 'ami sa 'au'ochii qataxa da' 'au'quíỹi. 34Chan'eesa naỹi 'ami ñachoxodenoovlo da' 'au'quíỹi. Da'me ỹátaqta 'uo lovic, da' qaidi 'adec'aliỹíiỹi, qá'a ỹátaqta qaỹa 'te qomle ga' 'chi 'oonolec da' 'oñíita da' daqat.
35Qaa'le ca'li 'enaac dójo' so' Pablo, qana'chi ỹacona jaso' pan, qana'chi ỹanem da' netónaxac ñi' Dios, ỹima qoỹic'atéetac so'me. Ỹim, qana'chi necolaxachiñi jaso' pan, qana'chi dequé'e. 36Ỹim, qana'chi ỹima jeso'me siỹaxadipi 'uo da' l'añaxac, qana'chi nataq'en dequé'e. 37Qaa'le so' liiñi ỹima qo'mi 'me sonqátanỹi jaso' licota sivídaq'a doscientos setenta y seis. 38Cana'le ỹimat da' liqui'ỹáxac jeso'me siỹaxadipi, qana'chi na' trigo qoỹasaxánỹi jaso' huaxai, qá'a sétaaque da' sa desali jaso' licota.
Damolíñi jaso' qadilicota
39Qaa'le sóxote ỹ'oxosáñi, qana'chi so'me ló'opi jaso' licota ỹátaqta leuál'a so' 'aléua. Qaláxasa qoỹilot'ata jeso' lemetec 'me 'uo so' n'ootelégue. Qana'chi sétaaque qoỹaỹoqtéet'a so' loxogue jaso' licota. 40Qana'chi qoỹichíideegue saua' leque'te saua' lasápaqa'te jaso' licota, qana'chi n'óodanỹi qoỹi'n jaso' huaxai, qataxa qoỹisodéegue saua' leque'te saua' licotaxanaqa'te 'me ñ'ímaxatrapiiñi jaso' licota, qataxa qoỹavíiseguem jaso' laỹat ló'o 'me 'uáuaac. Qana'chi jaso' licota nichict'ata so' loxogue. 41Qaláxasa qotatelégue so' hua'alo saua' dos laỹinaqa. Huá'a, qana'chi jaso' licota ỹivid'aguet jeso' lemetec, qana'chi na' leséenec ỹátaqta ỹipacáñi, qana'chi sa dedáỹaac. Qana'chi jan' nate' jaso' licota ỹátaqta colaxadéegue ỹasouaxat jen' lepáxa. 42Qana'chi so' nesoxonaqapi sétaaque da' ỹalaat na' necointáisecpi, da' qaidi sa n'ota da' dalóxon. 43Qaláxasa so'me let'a so' huataxanaq sétaaque da' nec'alaxatétaiỹi so' Pablo, qana'chi sa ỹasenem jeso'me nesoxonaqapi da' dalaataxan; na'chidáta da' 'enapéga da' ga' ỹaỹáten da' lalóxonaxac qana'chi 'uaut'ata so' l'añaxa da' dalóxon. 44Qana'chi na' laỹi 'chi nec'ataxáatauo, daloxolégue na' 'epaq, 'uootaxa na' lai jaso' licota. Qana'chi naq'áita da'me jeso'me ỹivíd'ata so' loxogue, ỹima nec'aléegue.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.