Efesios 6
6
1'Ami ñoqolqapiolec, qá'a 'ami 'amaqténataxanaxaiqa, chan'eesa ỹátaqta 'auqochiỹalo gaua' 'adet'áldii', qá'a da'me na'chi lasoxoc. 2Qá'a jen'me naqátaxacpi 'me chiỹoqo'ot joca'li so' Moisés, so'me 'uáichiiñi 'me 'uo ga' ỹaloxóotac, 'eet'oi: 'Auqo'cha ga' 'adet'a qataxa jaga' 'adat'e, 3qaidi ỹátaqta 'ónaxaic qataxa jaloc da' 'ad'óiỹaxac da' 'ouetalégue jen' 'aléua.
4'Ami 'me 'ami c'óxoiqa, 'ená'te 'aviñii dalemata qomle ga' 'ac'óxochii. Jaldáta da' naquíchisee'mec da' 'auapaxaguiñii, qataxa sega'me 'anolaxanỹíiỹi da' l'óiỹaxac, qaidi ỹ'amaqten so' qadesaliaxanec Jesús.
5Qataxa 'ami namaxa's ỹátaqta 'auqochíiỹa qomle na' 'adadípai 'me huetalégue jen' 'aléua. Jen'me ỹátaqta 'aviñii 'uo da' 'enec, qataxa 'au'óiỹa, qataxa ỹátaqta 'ansapáchiita, 'ená'am 'aviñii da' na'chiso so' Cristo da' 'au'onataxañíitapecot.
6Da' 'au'onataxañíitac, sa jaldáta da' 'ami ỹic'atéet'ape jen'me da' 'chi sétaaque da' 'ami ỹiỹamaxade'n. Jaldáta da' 'ená'am da' 'ami lamaxa's so' Cristo da' ỹátaqta ỹima jan' 'adiquidiaqchii da' 'av'íchii ỹima da' 'éetapeec ñi' Dios. 7Da' 'av'íchii ga' 'ad'onataquii, qana'chi ỹátaqta 'ansapáchiita, 'ená'am da' naqaiso so' qadesaliaxanec da' 'au'onataxañíitapecot, sa na'chiga ga' 'chi siỹaxaua. 8Qá'a 'ami sóxote 'auaỹáchiñii da' so' qadesaliaxanec ỹiseeten qomle ñi' 'oonolec ga'me ỹiỹamqáchiiñi da' l'onataxanaxac, temaqaidi da' nelatac, 'uootaxa ga'me sa nelatac.
9Qataxa 'ami nadi'ppi nataq'en ỹátaqta 'auadénaxachiit'eguet qomle na' 'adamaxasíquiipi. 'Ená'te 'auadíñiitalégue. 'Antovíñiit'ac da' 'ami qataxa jen'me 'oviit'ot so' qadesaliaxanec 'me net'ague da' piỹem, so'me qaỹa 'te liquiỹac na' siỹaxadipi.
Jen' l'euóxonaxat sa di'ỹoq ga'me quétapegue' so' Cristo
10Naỹi 'ami ỹaqáỹa', ỹátaqta 'an'añaxachii qomle, qá'a 'auqochíita'uo so' qadesaliaxanec da' 'auachiỹoxochiỹaỹi da' lañoqtaxanaxac so'me 'me qaỹa 'te ga' ỹaqalánaac. 11Qataxa 'auaiñíiñi ỹima qomle jan' nequesaxanaxaipi 'me ỹan ñi'me Dios, qaidi 'auaqanachichii da' 'adaloi'ỹaguet ỹima na' loqovínaxanaxac so' paiỹac qadó'o. 12Qá'a qo'mi sa selóquiaxai' ga' qansiỹaxauáỹaxaua, na'chínata jen'me noiquiaxacpi sa di'ỹoq 'me 'uo da' 'enec 'me huet'ot di' piỹem, jen'me let'al na' paiỹagodipi, 'me ỹamaqaac jen'me n'álaxa lé'ecpi. 13Chan'eesa 'auaiñiidíñi qomle naua' quesaxanaxail 'me ỹa'n ñi' Dios, qaidi 'auaqanachichii da' 'anchaachiỹa'aguet ga' jaloic qomle ỹivitalo naua' noloqo'te 'me sa n'oi'n. Qomle ỹim, qana'chi ỹátaqta sa 'ami 'te qoỹilio't.
14Qana'chi ỹátaqta 'an'añaxachíiñi, 'ansáachiiỹi da' 'eesa nasoxoc, qataxa 'anquesaxañíi'ña da' 'ónaxaic nasoxoc, 'aviñii 'ená'am jaga' nequepaxatapeelégue jan' letógue ga' huataxanaq lé'ec. 15Qataxa 'an'íchiita't, qaidi 'au'axáchii da' n'aqtac 'me chiỹaqaỹi da' n'emáxac da' 'oñí'ỹam ga' huataxanaq lé'ec da' ỹaidíñi gaua' lapela'te da' niỹamaxateta't. 16Da' ỹim ỹima jen'me, qana'chi da' 'adip'iỹáxaquii 'ená'am 'aviñii jaga' 'adequepaqtaxanaqchii, da' qaidi ỹ'omaxat ỹima jan' 'edétanỹi lichiquéna so'me paiỹac qadó'o. 17Qataxa 'anaxa'dóñi'ña da' 'adec'alqai, 'ená'am 'aviñii jaga' 'anaxa'doi 'me laicaua. Qataxa 'alasóqoi'ỹa da' l'aqtac ñi' Dios da' 'ená'am 'aviñii ga' legaxanaxat 'me 'ami ỹanema so' Espíritu Santo. 18Da'me 'av'íchii ỹima dójo', qana'chi 'antamñíitac, na'chi 'eeta't qaidi so' Espíritu Santo 'ami netamnaxanaxa'n qataxa 'anachoxodíñitapecot ñi' Dios. Qataxa ỹátaqta 'anlóiteegue, qaidi 'auaqanachichii da' 'av'íchii dójo'. 'Ená'te da' liitapiilo naua' 'adai'lídii'. Qataxa 'antamñiitalégue ỹima na'me lalémaxasetpi ñi'me Dios. 19Nataq'en jaỹim 'antamñiitalégue, qaidi ñi'me Dios jaỹim ỹanema naua' ỹ'aqtaqa da' ỹivíta da' sose, qataxa qaidi d'anỹi di' ỹiuel da' s'axat da'me sa di'ỹoq josii'chi n'aqtaguec da' nec'alaxa, da' qaidi qoỹaỹáten. 20Qá'a ñi'me Dios jaỹim namaq da' jaỹim letaxaỹáxanaxanec, da' s'axat da'me n'aqtac. Qana'chida da' 'uo da' jaỹim qoỹicoñideta't naỹi. Chan'eesa 'antamñíitac qomle, qaidi da' jaỹim s'axat da'me n'aqtac, qana'chi qaỹa 'te ga' s'óitaaque.
Da' p'áteegue lip'iỹénataxanaxac so' Pablo
21Ñi' Tíquico 'me qanauotaxaua qadaqáỹa qataxa na'chi 'eeta't da' sa ỹaxañi da' qo'mi lecochítapegalo da' l'onataxanaxac so' qadesaliaxanec, ñi'me 'ami ỹ'axatema ỹima qomle da' séeta, qataxa jen'me s'étetacpi. 22Chan'eesa 'ami samaxalo ñi'me, qaidi qo'mi 'auaỹáchiñii'. Naqaida 'me 'éeta da' 'ami ỹ'añaqte't.
23Ñi'me qadet'a Dios qataxa so' qadesaliaxanec Jesucristo ỹanema qomle na' qadaỹi da' l'emáxac qataxa da' lesóxodic da' huaxaiỹet da' lip'iỹáxac. 24Ñi'me Dios ỹanem qomle ga' 'ónaxaic ỹima jen'me ỹauotec so' qadesaliaxanec Jesucristo, jen'me sa ỹalásaxa'na da' lauo'chi jeso'me. Já'a, na'chi naq'áita dójo'.
Currently Selected:
Efesios 6: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Efesios 6
6
1'Ami ñoqolqapiolec, qá'a 'ami 'amaqténataxanaxaiqa, chan'eesa ỹátaqta 'auqochiỹalo gaua' 'adet'áldii', qá'a da'me na'chi lasoxoc. 2Qá'a jen'me naqátaxacpi 'me chiỹoqo'ot joca'li so' Moisés, so'me 'uáichiiñi 'me 'uo ga' ỹaloxóotac, 'eet'oi: 'Auqo'cha ga' 'adet'a qataxa jaga' 'adat'e, 3qaidi ỹátaqta 'ónaxaic qataxa jaloc da' 'ad'óiỹaxac da' 'ouetalégue jen' 'aléua.
4'Ami 'me 'ami c'óxoiqa, 'ená'te 'aviñii dalemata qomle ga' 'ac'óxochii. Jaldáta da' naquíchisee'mec da' 'auapaxaguiñii, qataxa sega'me 'anolaxanỹíiỹi da' l'óiỹaxac, qaidi ỹ'amaqten so' qadesaliaxanec Jesús.
5Qataxa 'ami namaxa's ỹátaqta 'auqochíiỹa qomle na' 'adadípai 'me huetalégue jen' 'aléua. Jen'me ỹátaqta 'aviñii 'uo da' 'enec, qataxa 'au'óiỹa, qataxa ỹátaqta 'ansapáchiita, 'ená'am 'aviñii da' na'chiso so' Cristo da' 'au'onataxañíitapecot.
6Da' 'au'onataxañíitac, sa jaldáta da' 'ami ỹic'atéet'ape jen'me da' 'chi sétaaque da' 'ami ỹiỹamaxade'n. Jaldáta da' 'ená'am da' 'ami lamaxa's so' Cristo da' ỹátaqta ỹima jan' 'adiquidiaqchii da' 'av'íchii ỹima da' 'éetapeec ñi' Dios. 7Da' 'av'íchii ga' 'ad'onataquii, qana'chi ỹátaqta 'ansapáchiita, 'ená'am da' naqaiso so' qadesaliaxanec da' 'au'onataxañíitapecot, sa na'chiga ga' 'chi siỹaxaua. 8Qá'a 'ami sóxote 'auaỹáchiñii da' so' qadesaliaxanec ỹiseeten qomle ñi' 'oonolec ga'me ỹiỹamqáchiiñi da' l'onataxanaxac, temaqaidi da' nelatac, 'uootaxa ga'me sa nelatac.
9Qataxa 'ami nadi'ppi nataq'en ỹátaqta 'auadénaxachiit'eguet qomle na' 'adamaxasíquiipi. 'Ená'te 'auadíñiitalégue. 'Antovíñiit'ac da' 'ami qataxa jen'me 'oviit'ot so' qadesaliaxanec 'me net'ague da' piỹem, so'me qaỹa 'te liquiỹac na' siỹaxadipi.
Jen' l'euóxonaxat sa di'ỹoq ga'me quétapegue' so' Cristo
10Naỹi 'ami ỹaqáỹa', ỹátaqta 'an'añaxachii qomle, qá'a 'auqochíita'uo so' qadesaliaxanec da' 'auachiỹoxochiỹaỹi da' lañoqtaxanaxac so'me 'me qaỹa 'te ga' ỹaqalánaac. 11Qataxa 'auaiñíiñi ỹima qomle jan' nequesaxanaxaipi 'me ỹan ñi'me Dios, qaidi 'auaqanachichii da' 'adaloi'ỹaguet ỹima na' loqovínaxanaxac so' paiỹac qadó'o. 12Qá'a qo'mi sa selóquiaxai' ga' qansiỹaxauáỹaxaua, na'chínata jen'me noiquiaxacpi sa di'ỹoq 'me 'uo da' 'enec 'me huet'ot di' piỹem, jen'me let'al na' paiỹagodipi, 'me ỹamaqaac jen'me n'álaxa lé'ecpi. 13Chan'eesa 'auaiñiidíñi qomle naua' quesaxanaxail 'me ỹa'n ñi' Dios, qaidi 'auaqanachichii da' 'anchaachiỹa'aguet ga' jaloic qomle ỹivitalo naua' noloqo'te 'me sa n'oi'n. Qomle ỹim, qana'chi ỹátaqta sa 'ami 'te qoỹilio't.
14Qana'chi ỹátaqta 'an'añaxachíiñi, 'ansáachiiỹi da' 'eesa nasoxoc, qataxa 'anquesaxañíi'ña da' 'ónaxaic nasoxoc, 'aviñii 'ená'am jaga' nequepaxatapeelégue jan' letógue ga' huataxanaq lé'ec. 15Qataxa 'an'íchiita't, qaidi 'au'axáchii da' n'aqtac 'me chiỹaqaỹi da' n'emáxac da' 'oñí'ỹam ga' huataxanaq lé'ec da' ỹaidíñi gaua' lapela'te da' niỹamaxateta't. 16Da' ỹim ỹima jen'me, qana'chi da' 'adip'iỹáxaquii 'ená'am 'aviñii jaga' 'adequepaqtaxanaqchii, da' qaidi ỹ'omaxat ỹima jan' 'edétanỹi lichiquéna so'me paiỹac qadó'o. 17Qataxa 'anaxa'dóñi'ña da' 'adec'alqai, 'ená'am 'aviñii jaga' 'anaxa'doi 'me laicaua. Qataxa 'alasóqoi'ỹa da' l'aqtac ñi' Dios da' 'ená'am 'aviñii ga' legaxanaxat 'me 'ami ỹanema so' Espíritu Santo. 18Da'me 'av'íchii ỹima dójo', qana'chi 'antamñíitac, na'chi 'eeta't qaidi so' Espíritu Santo 'ami netamnaxanaxa'n qataxa 'anachoxodíñitapecot ñi' Dios. Qataxa ỹátaqta 'anlóiteegue, qaidi 'auaqanachichii da' 'av'íchii dójo'. 'Ená'te da' liitapiilo naua' 'adai'lídii'. Qataxa 'antamñiitalégue ỹima na'me lalémaxasetpi ñi'me Dios. 19Nataq'en jaỹim 'antamñiitalégue, qaidi ñi'me Dios jaỹim ỹanema naua' ỹ'aqtaqa da' ỹivíta da' sose, qataxa qaidi d'anỹi di' ỹiuel da' s'axat da'me sa di'ỹoq josii'chi n'aqtaguec da' nec'alaxa, da' qaidi qoỹaỹáten. 20Qá'a ñi'me Dios jaỹim namaq da' jaỹim letaxaỹáxanaxanec, da' s'axat da'me n'aqtac. Qana'chida da' 'uo da' jaỹim qoỹicoñideta't naỹi. Chan'eesa 'antamñíitac qomle, qaidi da' jaỹim s'axat da'me n'aqtac, qana'chi qaỹa 'te ga' s'óitaaque.
Da' p'áteegue lip'iỹénataxanaxac so' Pablo
21Ñi' Tíquico 'me qanauotaxaua qadaqáỹa qataxa na'chi 'eeta't da' sa ỹaxañi da' qo'mi lecochítapegalo da' l'onataxanaxac so' qadesaliaxanec, ñi'me 'ami ỹ'axatema ỹima qomle da' séeta, qataxa jen'me s'étetacpi. 22Chan'eesa 'ami samaxalo ñi'me, qaidi qo'mi 'auaỹáchiñii'. Naqaida 'me 'éeta da' 'ami ỹ'añaqte't.
23Ñi'me qadet'a Dios qataxa so' qadesaliaxanec Jesucristo ỹanema qomle na' qadaỹi da' l'emáxac qataxa da' lesóxodic da' huaxaiỹet da' lip'iỹáxac. 24Ñi'me Dios ỹanem qomle ga' 'ónaxaic ỹima jen'me ỹauotec so' qadesaliaxanec Jesucristo, jen'me sa ỹalásaxa'na da' lauo'chi jeso'me. Já'a, na'chi naq'áita dójo'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.