Gálatas 2
2
Saua' lamaxa's so' Jesús ỹacooteguet so' Pablo
1Ca'li sóxote ỹinoxodéegue saua' catorce 'uóidi, qana'chi ỹitaxa s'iỹílaxague di' Jerusalén, ñáictapegue' so' Bernabé, qataxa ỹiquiáxaua so' Tito. 2Saiỹi da'me, qá'a ñi' Dios jaỹim ỹauanáxanaxan da' qaidi saiỹi da'me. Ca'li huá'ña di' Jerusalén qaa'le 'uo ca'li so' niỹaqái'ỹa 'me losáxa'j saa'me chi'ena da' nasoxola'te, qana'chi s'axátetapeema da' 'éeta da'me n'aqtac 'me s'axátetapeguem jen'me sa judiopi. Séet'ec da'me, qá'a sa siỹamaxaden da' qaỹa 'te ga' náaue da'me sóxote semat qataxa maliaxa sequet'ot da' s'étetac naỹi. 3Qaa'le so' Tito 'me ñáictapegue', qaláxasa taqadíta sa 'te qoỹinapéga taa'le qoỹí'et ga' n'anaxaset na' ló'oc, temaqaidi da'me so'me sa 'te judío lé'ec. 4Ỹátaqta 'eesa da' 'uo na' 'chi ỹadénaxat da' 'éetapega qadaỹi 'amaqténataxanaxaicpi. Jen'me nañoxótetapiiñi da' 'chi qo'mi quetaavlo da' sétaaque da' qoỹa'uo ga' n'anaxat so'me. Jen'me 'chi quiáxanaxanec da' ỹic'aten da' qadasoxoc 'me huosóta da' soqotaqáta'uo so' Cristo Jesús, qá'a sétaaque da' ỹitaxa qo'mi lelatáqa qa'e'n na' naqátaxacpi chiỹoqo'ot so' Moisés. 5Qaláxasa qo'mi ỹátaqta sa 'te 'uo ga' huá'a da' qolaxague jen'me. Qá'a sétaaque da' 'ami huet'oto da'me 'eesa n'aqtaxanaxac 'me nec'alaxaqui.
6Qana'chi qaỹa 'te ga' jaỹim ỹaate'm ga' dálaxaic lapaxaguenataxanaxa'j saua' qoỹiitapegalo chi'ena nasoxola'te; temaqaidi da' jaỹim sa 'te selótaỹi ga' 'éeta ga' lasoxoc saa'me, qá'a ñi'me Dios sa 'te ỹilótaỹi ga' ỹ'oqóchiỹi nasoxoc. 7Jaỹim taichaqaiga'me jen'me jaỹim ỹanem ga' dálaxaic lapaxaguenataxanaxac, 'chi nedot'a't da' jen'me ỹilá'a da' na'chiñi ñi' Dios ñi' jaỹim ỹipataxalégue da' s'axátem na' sa judiopi da' nec'alaxa, 'ená'am da' 'éeta so' Pedro da' qoỹipataxalégue da' d'aqtaxanem na' judiopi. 8Ñi'me Dios 'me ỹanaỹi da' Jesús lamaxasec qa'en so' Pedro, da' qaidi d'aqtaxanem na' judiopi, na'chiñi ñi' jaỹim ỹanaỹi da' Jesús lamaxasec qa'en jaỹim, da' qaidi s'aqtaxanem na' sa judiopi.
9Chan'eesa so' Jacobo, Pedro qataxa so' Juan 'me 'uáuteguet da' nasoxola'te, saa'me ỹaỹáteete' da' na'chiñi ñi'me Dios ñi' jaỹim ỹanem dójo' ỹ'onataxanaxac. Chan'eesa saa'me na'chi jaỹim huaselteguet qataxa so' Bernabé. Da'me ñaselaxa't náaue da' mai'chi qo'mi necochaxa'u, qataxa da' qoỹiỹamaxadéeta da' qo'mi s'onataxanaxáaue jen'me sa judiopi, qana'chi saa'me d'onataxadóoue jen'me judiopi. 10Jaldáta da' qo'mi ỹiỹaxanoto da' sa 'te sepeteláxasoxoguet na' choxodaqpi jen' 'amaqténataxanaxaicpi di' Jerusalén. Da'me na'chi 'eeta't naale da' ñoouoqotapeelégue da' sé'et.
So' Pablo ỹivídaxatetapecot so' Pedro ca'li huá'a di' Antioquía
11Qaláxasa so' Pedro ca'li nec'áta di' noic Antioquía, huá'a, qana'chi ỹátaqta sivídaxatetapecot, qá'a da'me ỹ'étetac 'me sa 'te ỹiỹamaxañi. 12Qá'a so'me ỹi'uáuaxañi da' di'quiỹá'ai na' sa 'te judío lé'ecpi, cha ỹivíd'a ca'li novi't saua' siỹaxa'u 'me lamaxa's so' Jacobo. Huá'a, qana'chi n'ónaxachichiiñi jen'me da' sa 'te di'quiỹá'ai, qá'a d'oỹa jen'me quétaaue da' ỹa'uo na' n'anaxaset qa'en ga' siỹaxaua. 13Chan'eesa na' 'amaqténataxanaxaicpi 'me judío lé'ecpi qonaỹá'a so' Pedro da'me loqolánaxa. Ỹivíd'a nataq'en so' Bernabé da' naỹí'uo so'me da' loqolánaxa. 14Qaláxasa ca'li selá'a jaỹim da' sa 'te nateneguet da' lasoxoc da' lapaxaguenataxanaxac da'me n'aqtac 'me nec'alaxaqui, qana'chi jaỹim sivídaxatot so' Pedro, ỹic'atéetac qasen ỹima jen'me 'amaqténataxanaxaicpi. Senaac: “'Am, 'me 'am judío lé'ec, 'uo so' nolo' laqáỹa, qana'chi 'anaỹá'a da' n'onataguec na' sa judiopi da' 'axañi da' n'onataguec na' judiopi; qaama'te naỹi ¿tóoqo'chi da' 'uo ga' 'onét'ec na' sa judiopi, da' sétaaque naỹá'a da' n'onataguec na' judiopi?”
Na' judiopi na'chi 'ená'am na' siỹaxadipi laỹi da' nec'aliỹi da' lip'iỹáxac
15Qo'mi ỹátaqta ñáxataq'ai da' qo'mi judío lase', sa 'te senqá'am jen'me ỹodapecachi siỹaxadipi 'me loicoló'olpi. 16Qaláxasa qo'mi saỹátenaqta da' sa 'te 'uo ga' 'oonolec da' ỹiỹamaxadéeta ñi'me Dios, qá'a da' quetelégue na' naqátaxacpi 'me chiỹoqo'ot so' Moisés, jaldáta da' qoỹ'amaqten so' Jesucristo. Chan'eesa qo'mi nataq'en s'amaqténaq so' Jesucristo, da' qaidi qo'mi ỹiỹamaxadéete' ñi'me Dios ỹasouaxat da'me qadip'iỹáxac, sa 'te chiỹaqaỹi da' 'uootaxa s'étaq na' naqátaxacpi. Qá'a qaỹa 'te ga' 'chi ỹiỹamaxadéeta ñi'me Dios qá'a ỹí'et na' naqátaxacpi.
17Chan'eesa naỹi da' 'uootaxa qo'mi sétaaque da' chiỹoqóchiỹi so' Cristo da' qo'mi ỹiỹamaxade'n ñi'me Dios, qana'chi di'ỹoqóta nataq'en da' qo'mi loicoló'ol, qana'chi ¿qo'li da'me 'éeta na'chi so' Cristo qo'mi 'en loicoló'ol? ¡'Axai', sa naq'áita! 18Qá'a qomle 'uootaxa sega'me ñoláxachiñi na' naqátaxacpi, ỹim, qana'chi ỹitaxa da' ñ'oxoséguem, huá'a, qana'chi 'eesa da' 'uo ga' ỹisamaxataxac. 19Qá'a jaỹim sóxote da' 'ená'am da' seleu, da' qaidi sa jaỹim lauégaqtac na' naqátaxacpi 'me chiỹoqo'ot so' Moisés. Qana'chi naqaiso so'me naqátaxac so' jaỹim ỹalaat, da' qaidi jaỹim ñic'aléegue, qaidi s'onataxanot ñi'me Dios. 20Qá'a jaỹim sóxote da' sega'me seleu, qana'chi ñip'enaxaua so' Cristo ca'li qoỹip'enaséguem. Chan'eesa naỹi sa 'te da' mai'chi ỹalémaxaset da' ỹ'óiỹaxac, qá'a naqaiso so' Cristo so' nichaatóoue da'me. Da'me ỹ'óiỹaxac 'me ỹ'oqóchiỹi, jeda'me chiỹaqaỹi da' ỹip'iỹáxac da' sep'iỹá'a so' lec'óxot ñi'me Dios 'me jaỹim ỹichoxoden qataxa nañaneguet da' nalaataguec ỹasouaxat jaỹim. 21Chan'eesa sa 'te semaqa'aguet da' lichoxodénataxanaxac ñi'me Dios. Qá'a taa'le 'uo ga' ỹaqanatet da' ỹiỹamaxaden ñi' Dios ỹasouaxat da' ỹalaxaguet ga'me 'enaac na' naqátaxacpi 'me chiỹoqo'ot so' Moisés, qana'chi qaỹa 'te náaue taa'le da' leleuaxa so' Cristo.
Currently Selected:
Gálatas 2: PLGNT93
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Gálatas 2
2
Saua' lamaxa's so' Jesús ỹacooteguet so' Pablo
1Ca'li sóxote ỹinoxodéegue saua' catorce 'uóidi, qana'chi ỹitaxa s'iỹílaxague di' Jerusalén, ñáictapegue' so' Bernabé, qataxa ỹiquiáxaua so' Tito. 2Saiỹi da'me, qá'a ñi' Dios jaỹim ỹauanáxanaxan da' qaidi saiỹi da'me. Ca'li huá'ña di' Jerusalén qaa'le 'uo ca'li so' niỹaqái'ỹa 'me losáxa'j saa'me chi'ena da' nasoxola'te, qana'chi s'axátetapeema da' 'éeta da'me n'aqtac 'me s'axátetapeguem jen'me sa judiopi. Séet'ec da'me, qá'a sa siỹamaxaden da' qaỹa 'te ga' náaue da'me sóxote semat qataxa maliaxa sequet'ot da' s'étetac naỹi. 3Qaa'le so' Tito 'me ñáictapegue', qaláxasa taqadíta sa 'te qoỹinapéga taa'le qoỹí'et ga' n'anaxaset na' ló'oc, temaqaidi da'me so'me sa 'te judío lé'ec. 4Ỹátaqta 'eesa da' 'uo na' 'chi ỹadénaxat da' 'éetapega qadaỹi 'amaqténataxanaxaicpi. Jen'me nañoxótetapiiñi da' 'chi qo'mi quetaavlo da' sétaaque da' qoỹa'uo ga' n'anaxat so'me. Jen'me 'chi quiáxanaxanec da' ỹic'aten da' qadasoxoc 'me huosóta da' soqotaqáta'uo so' Cristo Jesús, qá'a sétaaque da' ỹitaxa qo'mi lelatáqa qa'e'n na' naqátaxacpi chiỹoqo'ot so' Moisés. 5Qaláxasa qo'mi ỹátaqta sa 'te 'uo ga' huá'a da' qolaxague jen'me. Qá'a sétaaque da' 'ami huet'oto da'me 'eesa n'aqtaxanaxac 'me nec'alaxaqui.
6Qana'chi qaỹa 'te ga' jaỹim ỹaate'm ga' dálaxaic lapaxaguenataxanaxa'j saua' qoỹiitapegalo chi'ena nasoxola'te; temaqaidi da' jaỹim sa 'te selótaỹi ga' 'éeta ga' lasoxoc saa'me, qá'a ñi'me Dios sa 'te ỹilótaỹi ga' ỹ'oqóchiỹi nasoxoc. 7Jaỹim taichaqaiga'me jen'me jaỹim ỹanem ga' dálaxaic lapaxaguenataxanaxac, 'chi nedot'a't da' jen'me ỹilá'a da' na'chiñi ñi' Dios ñi' jaỹim ỹipataxalégue da' s'axátem na' sa judiopi da' nec'alaxa, 'ená'am da' 'éeta so' Pedro da' qoỹipataxalégue da' d'aqtaxanem na' judiopi. 8Ñi'me Dios 'me ỹanaỹi da' Jesús lamaxasec qa'en so' Pedro, da' qaidi d'aqtaxanem na' judiopi, na'chiñi ñi' jaỹim ỹanaỹi da' Jesús lamaxasec qa'en jaỹim, da' qaidi s'aqtaxanem na' sa judiopi.
9Chan'eesa so' Jacobo, Pedro qataxa so' Juan 'me 'uáuteguet da' nasoxola'te, saa'me ỹaỹáteete' da' na'chiñi ñi'me Dios ñi' jaỹim ỹanem dójo' ỹ'onataxanaxac. Chan'eesa saa'me na'chi jaỹim huaselteguet qataxa so' Bernabé. Da'me ñaselaxa't náaue da' mai'chi qo'mi necochaxa'u, qataxa da' qoỹiỹamaxadéeta da' qo'mi s'onataxanaxáaue jen'me sa judiopi, qana'chi saa'me d'onataxadóoue jen'me judiopi. 10Jaldáta da' qo'mi ỹiỹaxanoto da' sa 'te sepeteláxasoxoguet na' choxodaqpi jen' 'amaqténataxanaxaicpi di' Jerusalén. Da'me na'chi 'eeta't naale da' ñoouoqotapeelégue da' sé'et.
So' Pablo ỹivídaxatetapecot so' Pedro ca'li huá'a di' Antioquía
11Qaláxasa so' Pedro ca'li nec'áta di' noic Antioquía, huá'a, qana'chi ỹátaqta sivídaxatetapecot, qá'a da'me ỹ'étetac 'me sa 'te ỹiỹamaxañi. 12Qá'a so'me ỹi'uáuaxañi da' di'quiỹá'ai na' sa 'te judío lé'ecpi, cha ỹivíd'a ca'li novi't saua' siỹaxa'u 'me lamaxa's so' Jacobo. Huá'a, qana'chi n'ónaxachichiiñi jen'me da' sa 'te di'quiỹá'ai, qá'a d'oỹa jen'me quétaaue da' ỹa'uo na' n'anaxaset qa'en ga' siỹaxaua. 13Chan'eesa na' 'amaqténataxanaxaicpi 'me judío lé'ecpi qonaỹá'a so' Pedro da'me loqolánaxa. Ỹivíd'a nataq'en so' Bernabé da' naỹí'uo so'me da' loqolánaxa. 14Qaláxasa ca'li selá'a jaỹim da' sa 'te nateneguet da' lasoxoc da' lapaxaguenataxanaxac da'me n'aqtac 'me nec'alaxaqui, qana'chi jaỹim sivídaxatot so' Pedro, ỹic'atéetac qasen ỹima jen'me 'amaqténataxanaxaicpi. Senaac: “'Am, 'me 'am judío lé'ec, 'uo so' nolo' laqáỹa, qana'chi 'anaỹá'a da' n'onataguec na' sa judiopi da' 'axañi da' n'onataguec na' judiopi; qaama'te naỹi ¿tóoqo'chi da' 'uo ga' 'onét'ec na' sa judiopi, da' sétaaque naỹá'a da' n'onataguec na' judiopi?”
Na' judiopi na'chi 'ená'am na' siỹaxadipi laỹi da' nec'aliỹi da' lip'iỹáxac
15Qo'mi ỹátaqta ñáxataq'ai da' qo'mi judío lase', sa 'te senqá'am jen'me ỹodapecachi siỹaxadipi 'me loicoló'olpi. 16Qaláxasa qo'mi saỹátenaqta da' sa 'te 'uo ga' 'oonolec da' ỹiỹamaxadéeta ñi'me Dios, qá'a da' quetelégue na' naqátaxacpi 'me chiỹoqo'ot so' Moisés, jaldáta da' qoỹ'amaqten so' Jesucristo. Chan'eesa qo'mi nataq'en s'amaqténaq so' Jesucristo, da' qaidi qo'mi ỹiỹamaxadéete' ñi'me Dios ỹasouaxat da'me qadip'iỹáxac, sa 'te chiỹaqaỹi da' 'uootaxa s'étaq na' naqátaxacpi. Qá'a qaỹa 'te ga' 'chi ỹiỹamaxadéeta ñi'me Dios qá'a ỹí'et na' naqátaxacpi.
17Chan'eesa naỹi da' 'uootaxa qo'mi sétaaque da' chiỹoqóchiỹi so' Cristo da' qo'mi ỹiỹamaxade'n ñi'me Dios, qana'chi di'ỹoqóta nataq'en da' qo'mi loicoló'ol, qana'chi ¿qo'li da'me 'éeta na'chi so' Cristo qo'mi 'en loicoló'ol? ¡'Axai', sa naq'áita! 18Qá'a qomle 'uootaxa sega'me ñoláxachiñi na' naqátaxacpi, ỹim, qana'chi ỹitaxa da' ñ'oxoséguem, huá'a, qana'chi 'eesa da' 'uo ga' ỹisamaxataxac. 19Qá'a jaỹim sóxote da' 'ená'am da' seleu, da' qaidi sa jaỹim lauégaqtac na' naqátaxacpi 'me chiỹoqo'ot so' Moisés. Qana'chi naqaiso so'me naqátaxac so' jaỹim ỹalaat, da' qaidi jaỹim ñic'aléegue, qaidi s'onataxanot ñi'me Dios. 20Qá'a jaỹim sóxote da' sega'me seleu, qana'chi ñip'enaxaua so' Cristo ca'li qoỹip'enaséguem. Chan'eesa naỹi sa 'te da' mai'chi ỹalémaxaset da' ỹ'óiỹaxac, qá'a naqaiso so' Cristo so' nichaatóoue da'me. Da'me ỹ'óiỹaxac 'me ỹ'oqóchiỹi, jeda'me chiỹaqaỹi da' ỹip'iỹáxac da' sep'iỹá'a so' lec'óxot ñi'me Dios 'me jaỹim ỹichoxoden qataxa nañaneguet da' nalaataguec ỹasouaxat jaỹim. 21Chan'eesa sa 'te semaqa'aguet da' lichoxodénataxanaxac ñi'me Dios. Qá'a taa'le 'uo ga' ỹaqanatet da' ỹiỹamaxaden ñi' Dios ỹasouaxat da' ỹalaxaguet ga'me 'enaac na' naqátaxacpi 'me chiỹoqo'ot so' Moisés, qana'chi qaỹa 'te náaue taa'le da' leleuaxa so' Cristo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.