Romanos 4
4
Qodaloqtenaxana so' Abraham
1Tadeeto' senqát'ec ga' qad'aqtac: ¿Jái'chogamaxa ỹaconguet joca'li jeso'me Abraham 'me sachíỹoxosoxoguet? 2Qá'a jeso'me da' 'uootaxa ỹiỹamaxadéeta ñi'me Dios ỹasouaxat da' l'onataxanaxac, qana'chi jeso'me ỹañoxot taa'le da' 'uo da' ni'ỹoxodénaxac, qaláxasa sa ỹañoxot da' ni'ỹoxodenot ñi' Dios. 3Qá'a ¿hua'ague ga' 'éeta ga' l'aqta'j naua' nidii's l'aqtaqa ñi' Dios? Qá'a 'eet'oi: “So' Abraham 'uo da' lip'iỹáxac ñi' Dios, chiỹoqóchiỹi dójo' lip'iỹáxac da' tadeeto' jiñi'me Dios ỹiỹamaxadéeta, qana'chi ỹimatá'ac da' 'ónaxaic siỹaxaua.” 4Qá'a da' 'uootaxa 'uo ga' siỹaxaua da' 'uo ga' l'onataxanaxac, qana'chi jega'me da' neseeténataguec da' qoỹiseeten sa 'te da' 'chi qoỹanem, qá'a mai'chi laseete. 5Qaláxasa da' 'uo ga' qaỹa 'te ỹí'et, qaa'le ỹátaqta ỹ'amaqten ñi'me Dios 'me ỹiỹamaxaden ga' 'itaxalóxoic, qana'chi jega'me ỹátaqta ỹiỹamaxaden ñi'me Dios ỹasouaxat da' lip'iỹáxac. 6So'me net'a David nataq'en ỹ'axat da' lamaic ga' siỹaxaua 'me ỹimatá'ac ñi'me Dios da' 'ónaxaic siỹaxaua, qaláxasa sa ỹañoxot da' ỹilótaỹi jega'me ỹ'étetac. 7Qana'chi so' David 'enaaco':
Ỹátaqta mátac qomle ga' siỹaxaua 'me ỹapalaxa't ñi'me Dios naua' l'etaxalóxoco,
qataxa sa ỹiloỹi ỹima jen'me lasouaxasetpi.
8Ỹátaqta mátac qomle ga' siỹaxaua 'me sa ỹiloỹi ỹima na' lasouaxacpi ñi' qadasoxola' Dios.
9Dójo' namaic 'me ỹ'axátetac so' David, ¿séetapega na'chigáta ga' qoỹa'uo ga' n'anaxaset, 'uootaxa nataq'en jega'me sa qoỹa'uo ga' n'anaxaset? Qo'mi s'axátaqtac ñi'me Dios da' ỹiỹamaxaden so' Abraham, qana'chi ỹimatá'ac da' 'ónaxaic siỹaxaua ỹasouaxat da' lip'iỹáxac. 10Qaláxasa ¿teuá'a joca'li da' ỹiỹamaxaden? ¿Séetapega joca'li ỹimat so' Abraham da' qoỹa'uo so' n'anaxaset, 'uootaxa joca'li maliaxa da' sa qoỹa'uo? 'Ai', maliaxa joca'li ỹimat da' qoỹa'uo so' n'anaxaset. 'Me joca'li sonaliaxa da' qoỹa'uo. 11Joca'li ỹim da' so' Abraham qoỹa'uo so' n'anaxaset na' ló'oc da' 'ená'am da' l'anaxanaxat ñi'me Dios da' ma'le ỹiỹamaxaden jeso'me, qana'chi ỹimatá'ac da' 'ónaxaic siỹaxaua ỹasouaxat da' lip'iỹáxac. Naqaida da' 'éeta so' Abraham da' tadeeto' qoỹanaỹi da' let'a qoỹin nataq'en ỹima jen'me 'uo da' lip'iỹáxac, temaqaidi da' sa qoỹa'uo ga' n'anaxaset na' ló'oc. Qaláxasa taqadíta ỹiỹamaxaden ñi'me Dios da' 'ená'am qa'en ga' 'ónaxaic siỹaxaua. 12'Eesa so' Abraham naqaiso so' let'a jen'me qoỹa'uo ga' n'anaxaset jen' ló'oc. Qaláxasa sa na'chidáta jeda'me. Qá'a jen'me siỹaxadipi nataq'en quétapegue' da' ladíquiaxac da' lip'iỹáxac jeso' qadet'a Abraham joca'li maliaxa da' sa qoỹa'uo ga' n'anaxaset na' ló'oc.
Qoỹipagaqchíchiỹi da' qoỹaloxónaac chiỹoqóchiỹi da' nip'iỹáxac
13Qá'a ñi' Dios ỹaloxónapega joca'li so' Abraham qataxa jega'me lec'oqtepi jen' 'aléua da' ỹa'uo lalémaxaset l'acháqa'. Qaláxasa dójo' qoỹaloxónapega sa 'te da' 'uootaxa chiỹoqóchiỹi da' ỹalaxalégue jen'me naqátaxacpi so' Abraham. 'Me ỹasouaxat jeso'me 'uo da' lip'iỹáxac ñi'me Dios. Qana'chi ñi' Dios ỹiỹamaxaden jeso'me, qana'chi ỹimataỹi da' 'ónaxaic siỹaxaua. 14Qá'a da' 'uootaxa nedóchiiñi jen'me ỹalaxaguet na' naqátaxacpi da' na'chínata da' ỹaconguet jega'me qoỹaloxóotac, huá'a, qana'chi da' nip'iỹáxac ỹátaqta qaỹa ga' chiỹaqaỹi, qataxa dójo' ỹaloxóotac ñi'me Dios qaỹa ga' náỹi. 15Qá'a jen'me naqátaxacpi ỹí'et ga' ne'uaxánaguec ga' siỹaxaua. Qaláxasa jega'me huéta'ña da' qaỹa jen' naqátaxacpi, qana'chi qaỹa ga' sa ỹalaxalégue jen'me.
16Chan'eesa dójo' qoỹaloxónapega so' Abraham, jeda'me chiỹoqóchiỹi qoỹin da' nip'iỹáxac, qaidi 'chi qoỹáat'em, qataxa qaidi na'chi 'eeta't da' huet'ot ỹima jega'me lec'óqo'tepi. Jeda'me 'eet'oi: Dójo' qoỹaloxóotac sa na'chínata jen'me ỹaloxoguet jen'me naqátaxacpi da' ỹaconguet, qá'a nataq'en ỹima jen'me d'amaqténataxan, 'ená'am so' Abraham. Huá'a, qana'chi jeso'me qoỹanaỹi da' ỹima qadet'a, 17qana'chi jeda'me chiỹoqóchiỹi ñi'me Dios 'me ỹ'amaqten nataq'en jeso'me. Qana'chi ỹipaquíchiỹi jeda'me 'enapega't naua' nidii's l'aqtaqa ñi'me Dios, 'me 'eet'oi: “'Am sanaỹi da' 'am let'a na' sa lec'óxotolec ỹodapecachi siỹaxadipi.” Qá'a ñi'me Dios ỹañoxot da' nec'alaxadiséguem jen'me napa'lpi, qataxa ỹañoxot da' di'ỹoq qa'en jega'me sa di'ỹoq.
18Temaqaidi da' ma'le qaỹa ga' quitaxac, qaláxasa so' Abraham d'amaqténataxan, qataxa 'uo da' naquitaxac. Chan'eesa ỹañoxot da' “let'a jega'me sa lec'óxotolec ỹodapecachi siỹaxadipi.” Ỹipaquíchiỹi da' l'aqtac ñi'me Dios joca'li 'enapéga, 'eet'oi: “Naqaida qomle da' 'éeta da' lecáta ga' lec'oqtepi.” 19Qana'chi so' Abraham sa ỹaqtaqtet da' lip'iỹáxac, temaqaidi da' ma'le ỹamtaa'le ỹivitalo naua' cien 'uóidi da' lasoxo. Qataxa ỹilá'a jeso'me qataxa jaso' loua Sara da' ma'le ỹamtaa'le ỹile'u, qá'a sóxote ỹátaqta ỹ'axaicáchiilo, da' 'uootaxa 'uo ga' lec'oqtepi'. 20Qaláxasa jeso'me sa ỹoqolguet qataxa da' sa naquitá'a jeda'me qoỹaloxóotac. Na'chidáta da' let'ádaic da' lip'iỹáxac qataxa da' naquitaxac. Qana'chi ỹi'ỹoxodéetac ñi'me Dios, 21qá'a ỹátaqta ỹaỹáteeta da' jiñi'me 'uo da' l'añaxac da' ỹañoxot da' ỹipaquíchiỹi ỹima jega'me ỹaloxóotac. 22Chan'eesa ñi'me Dios ỹiỹamaxaden jeso'me, qana'chi ỹimataỹi da' 'ónaxaic siỹaxaua, ỹasouaxat da' lip'iỹáxac.
23Qana'chi dójo' 'éeta jeso'me da' ñi'me Dios ỹiỹamaxaden qataxa ỹimataỹi da' 'ónaxaic siỹaxaua ỹasouaxat da' lip'iỹáxac, jeda'me qoỹidíñi, qaláxasa sa na'chisóta so' Abraham, 24nataq'en qo'mi tachiilo. Qá'a ỹasouaxat da' qadip'iỹáxac, qana'chi ñi'me Dios nataq'en qo'mi ỹiỹamaxade'n, qataxa qo'mi ỹimata'aque da' qo'mi 'ónaxaiqa siỹaxa'u. Qá'a qo'mi s'amaqténaq jiñi'me 'me ỹañoxot da' nec'alaxadiséguem so' qadesaliaxanec Jesús, 25'me qoỹaneuó'o jocalia'cho' da' nalaataguec ỹasouaxat na' qadoicpi, qataxa nec'alaxadiséguem ñi'me Dios, da' qaidi ỹañoxot qa'en da' qo'mi ỹiỹamaxade'n ñi'me Dios.
Currently Selected:
Romanos 4: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 4
4
Qodaloqtenaxana so' Abraham
1Tadeeto' senqát'ec ga' qad'aqtac: ¿Jái'chogamaxa ỹaconguet joca'li jeso'me Abraham 'me sachíỹoxosoxoguet? 2Qá'a jeso'me da' 'uootaxa ỹiỹamaxadéeta ñi'me Dios ỹasouaxat da' l'onataxanaxac, qana'chi jeso'me ỹañoxot taa'le da' 'uo da' ni'ỹoxodénaxac, qaláxasa sa ỹañoxot da' ni'ỹoxodenot ñi' Dios. 3Qá'a ¿hua'ague ga' 'éeta ga' l'aqta'j naua' nidii's l'aqtaqa ñi' Dios? Qá'a 'eet'oi: “So' Abraham 'uo da' lip'iỹáxac ñi' Dios, chiỹoqóchiỹi dójo' lip'iỹáxac da' tadeeto' jiñi'me Dios ỹiỹamaxadéeta, qana'chi ỹimatá'ac da' 'ónaxaic siỹaxaua.” 4Qá'a da' 'uootaxa 'uo ga' siỹaxaua da' 'uo ga' l'onataxanaxac, qana'chi jega'me da' neseeténataguec da' qoỹiseeten sa 'te da' 'chi qoỹanem, qá'a mai'chi laseete. 5Qaláxasa da' 'uo ga' qaỹa 'te ỹí'et, qaa'le ỹátaqta ỹ'amaqten ñi'me Dios 'me ỹiỹamaxaden ga' 'itaxalóxoic, qana'chi jega'me ỹátaqta ỹiỹamaxaden ñi'me Dios ỹasouaxat da' lip'iỹáxac. 6So'me net'a David nataq'en ỹ'axat da' lamaic ga' siỹaxaua 'me ỹimatá'ac ñi'me Dios da' 'ónaxaic siỹaxaua, qaláxasa sa ỹañoxot da' ỹilótaỹi jega'me ỹ'étetac. 7Qana'chi so' David 'enaaco':
Ỹátaqta mátac qomle ga' siỹaxaua 'me ỹapalaxa't ñi'me Dios naua' l'etaxalóxoco,
qataxa sa ỹiloỹi ỹima jen'me lasouaxasetpi.
8Ỹátaqta mátac qomle ga' siỹaxaua 'me sa ỹiloỹi ỹima na' lasouaxacpi ñi' qadasoxola' Dios.
9Dójo' namaic 'me ỹ'axátetac so' David, ¿séetapega na'chigáta ga' qoỹa'uo ga' n'anaxaset, 'uootaxa nataq'en jega'me sa qoỹa'uo ga' n'anaxaset? Qo'mi s'axátaqtac ñi'me Dios da' ỹiỹamaxaden so' Abraham, qana'chi ỹimatá'ac da' 'ónaxaic siỹaxaua ỹasouaxat da' lip'iỹáxac. 10Qaláxasa ¿teuá'a joca'li da' ỹiỹamaxaden? ¿Séetapega joca'li ỹimat so' Abraham da' qoỹa'uo so' n'anaxaset, 'uootaxa joca'li maliaxa da' sa qoỹa'uo? 'Ai', maliaxa joca'li ỹimat da' qoỹa'uo so' n'anaxaset. 'Me joca'li sonaliaxa da' qoỹa'uo. 11Joca'li ỹim da' so' Abraham qoỹa'uo so' n'anaxaset na' ló'oc da' 'ená'am da' l'anaxanaxat ñi'me Dios da' ma'le ỹiỹamaxaden jeso'me, qana'chi ỹimatá'ac da' 'ónaxaic siỹaxaua ỹasouaxat da' lip'iỹáxac. Naqaida da' 'éeta so' Abraham da' tadeeto' qoỹanaỹi da' let'a qoỹin nataq'en ỹima jen'me 'uo da' lip'iỹáxac, temaqaidi da' sa qoỹa'uo ga' n'anaxaset na' ló'oc. Qaláxasa taqadíta ỹiỹamaxaden ñi'me Dios da' 'ená'am qa'en ga' 'ónaxaic siỹaxaua. 12'Eesa so' Abraham naqaiso so' let'a jen'me qoỹa'uo ga' n'anaxaset jen' ló'oc. Qaláxasa sa na'chidáta jeda'me. Qá'a jen'me siỹaxadipi nataq'en quétapegue' da' ladíquiaxac da' lip'iỹáxac jeso' qadet'a Abraham joca'li maliaxa da' sa qoỹa'uo ga' n'anaxaset na' ló'oc.
Qoỹipagaqchíchiỹi da' qoỹaloxónaac chiỹoqóchiỹi da' nip'iỹáxac
13Qá'a ñi' Dios ỹaloxónapega joca'li so' Abraham qataxa jega'me lec'oqtepi jen' 'aléua da' ỹa'uo lalémaxaset l'acháqa'. Qaláxasa dójo' qoỹaloxónapega sa 'te da' 'uootaxa chiỹoqóchiỹi da' ỹalaxalégue jen'me naqátaxacpi so' Abraham. 'Me ỹasouaxat jeso'me 'uo da' lip'iỹáxac ñi'me Dios. Qana'chi ñi' Dios ỹiỹamaxaden jeso'me, qana'chi ỹimataỹi da' 'ónaxaic siỹaxaua. 14Qá'a da' 'uootaxa nedóchiiñi jen'me ỹalaxaguet na' naqátaxacpi da' na'chínata da' ỹaconguet jega'me qoỹaloxóotac, huá'a, qana'chi da' nip'iỹáxac ỹátaqta qaỹa ga' chiỹaqaỹi, qataxa dójo' ỹaloxóotac ñi'me Dios qaỹa ga' náỹi. 15Qá'a jen'me naqátaxacpi ỹí'et ga' ne'uaxánaguec ga' siỹaxaua. Qaláxasa jega'me huéta'ña da' qaỹa jen' naqátaxacpi, qana'chi qaỹa ga' sa ỹalaxalégue jen'me.
16Chan'eesa dójo' qoỹaloxónapega so' Abraham, jeda'me chiỹoqóchiỹi qoỹin da' nip'iỹáxac, qaidi 'chi qoỹáat'em, qataxa qaidi na'chi 'eeta't da' huet'ot ỹima jega'me lec'óqo'tepi. Jeda'me 'eet'oi: Dójo' qoỹaloxóotac sa na'chínata jen'me ỹaloxoguet jen'me naqátaxacpi da' ỹaconguet, qá'a nataq'en ỹima jen'me d'amaqténataxan, 'ená'am so' Abraham. Huá'a, qana'chi jeso'me qoỹanaỹi da' ỹima qadet'a, 17qana'chi jeda'me chiỹoqóchiỹi ñi'me Dios 'me ỹ'amaqten nataq'en jeso'me. Qana'chi ỹipaquíchiỹi jeda'me 'enapega't naua' nidii's l'aqtaqa ñi'me Dios, 'me 'eet'oi: “'Am sanaỹi da' 'am let'a na' sa lec'óxotolec ỹodapecachi siỹaxadipi.” Qá'a ñi'me Dios ỹañoxot da' nec'alaxadiséguem jen'me napa'lpi, qataxa ỹañoxot da' di'ỹoq qa'en jega'me sa di'ỹoq.
18Temaqaidi da' ma'le qaỹa ga' quitaxac, qaláxasa so' Abraham d'amaqténataxan, qataxa 'uo da' naquitaxac. Chan'eesa ỹañoxot da' “let'a jega'me sa lec'óxotolec ỹodapecachi siỹaxadipi.” Ỹipaquíchiỹi da' l'aqtac ñi'me Dios joca'li 'enapéga, 'eet'oi: “Naqaida qomle da' 'éeta da' lecáta ga' lec'oqtepi.” 19Qana'chi so' Abraham sa ỹaqtaqtet da' lip'iỹáxac, temaqaidi da' ma'le ỹamtaa'le ỹivitalo naua' cien 'uóidi da' lasoxo. Qataxa ỹilá'a jeso'me qataxa jaso' loua Sara da' ma'le ỹamtaa'le ỹile'u, qá'a sóxote ỹátaqta ỹ'axaicáchiilo, da' 'uootaxa 'uo ga' lec'oqtepi'. 20Qaláxasa jeso'me sa ỹoqolguet qataxa da' sa naquitá'a jeda'me qoỹaloxóotac. Na'chidáta da' let'ádaic da' lip'iỹáxac qataxa da' naquitaxac. Qana'chi ỹi'ỹoxodéetac ñi'me Dios, 21qá'a ỹátaqta ỹaỹáteeta da' jiñi'me 'uo da' l'añaxac da' ỹañoxot da' ỹipaquíchiỹi ỹima jega'me ỹaloxóotac. 22Chan'eesa ñi'me Dios ỹiỹamaxaden jeso'me, qana'chi ỹimataỹi da' 'ónaxaic siỹaxaua, ỹasouaxat da' lip'iỹáxac.
23Qana'chi dójo' 'éeta jeso'me da' ñi'me Dios ỹiỹamaxaden qataxa ỹimataỹi da' 'ónaxaic siỹaxaua ỹasouaxat da' lip'iỹáxac, jeda'me qoỹidíñi, qaláxasa sa na'chisóta so' Abraham, 24nataq'en qo'mi tachiilo. Qá'a ỹasouaxat da' qadip'iỹáxac, qana'chi ñi'me Dios nataq'en qo'mi ỹiỹamaxade'n, qataxa qo'mi ỹimata'aque da' qo'mi 'ónaxaiqa siỹaxa'u. Qá'a qo'mi s'amaqténaq jiñi'me 'me ỹañoxot da' nec'alaxadiséguem so' qadesaliaxanec Jesús, 25'me qoỹaneuó'o jocalia'cho' da' nalaataguec ỹasouaxat na' qadoicpi, qataxa nec'alaxadiséguem ñi'me Dios, da' qaidi ỹañoxot qa'en da' qo'mi ỹiỹamaxade'n ñi'me Dios.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.