Romanos 6
6
Da' qad'óiỹaxac ỹoqotéta'uo so' Cristo
1Naỹi ¿jái'chogamaxa senqát'ec ga' qad'aqtac? ¿Séetapega maliaxa qolqatalégue da' n'etaxalóxoc, qaidi ñi'me Dios ỹañoxot da' nichíiseguem qa'en da' qo'mi ỹaloxonalo da' lichoxodénataxanaxac? 2¡'Ai', sa sañoxotaq! Qá'a qo'mi sóxote qolqá'ai da' n'etaxalóxoc, 'ená'am da' ma'le sega'me qadeleu. Chan'eesa ¿taalia'chi toqo' da' maliaxa qolqatalégue da' s'étaqtac jeda'me? 3Qá'a qadema da' qo'mi ma'le qonachiláxa'n, da' qaidi soqotaqáta'uo so' Cristo Jesús, 'ená'am da' qo'mi qonachiláxanỹiilo da' leleuaxa jeso'me. ¿Séetapega sa 'auaỹáchiñiỹo' dójo'? 4Qá'a joca'li qo'mi qonachiláxa'n, qana'chi 'ená'am da' qo'mi qoỹisiidíñi da' qolqa'nỹi so' Cristo da' qadeleu, qaidi qo'mi qonec'alaxadiséguem, qana'chi sanaxañi da' dálaxaic qad'óiỹaxac. Qana'chi senqá'am so' Cristo joca'li ñi' qadet'a Dios nec'alaxadiséguem, ỹidolégue da' l'añaxac 'me jalcote da' li'ỹoxodic.
5Qá'a da' ma'le sega'me qolqáchi'nỹi so' Cristo da' 'éeta joca'li da' leleuaxa, qana'chi senqá'am nataq'en da' 'éeta qomle qo'mi qonec'alaxadiséguem. 6Qá'a qo'mi ma'le saỹátenaqta da' so' toisíỹac qad'óiỹaxac ma'le qoỹip'enaséguem, casee'megue so' Cristo joca'li qoỹip'enaséguem, qaidi da' qadapáchiỹaxac 'me 'itaxalóxoic da' qonoláxachiñi, qaidi sa qo'mi lamaxa's da' n'etaxalóxoc da' qo'mi ỹamaqat'ape da' sega'me qadadípa. 7Qá'a ga' siỹaxaua da' ma'le ỹileu, qana'chi jega'me huesoi'isop jeda'me n'etaxalóxoc. 8Qá'a qo'mi da' ma'le seleuaqáta'ñi' so' Cristo, qana'chi s'amaqténaq da' nataq'en qadec'alaxaua jeso'me. 9Qá'a qo'mi saỹátenaq so' Cristo joca'li jiñi'me Dios nec'alaxadiséguem, qana'chi jeso'me sa ỹitaxa ỹileu, qá'a da' neleuaxa ma'le qaỹa 'te l'añaxac da' ỹitaxa ỹalaat jeso'me. 10Qá'a jeso'me Cristo joca'li ỹileu ỹasouaxat da' n'etaxalóxoc, qana'chi jeso'me sa ỹitaxa da' ỹileu, qá'a joca'li nec'aléegue, qana'chi jedójo' n'óiỹaxac lalémaxaset ñi'me Dios. 11Chan'eesa nataq'en da' 'oñíita 'oquí'ỹai qomle jen' nesamaxataxacpi, qana'chi 'ená'am 'aviñii da' sega'me ma'le 'ami 'adelivii. Qá'a da' 'ad'óiỹaxaquii lalémaxaset 'aviñii ñi'me Dios, qá'a ma'le 'oviit'ot so' Cristo Jesús 'me qadesaliaxanec.
12Chan'eesa 'ami 'ena't qomle da' 'auasiñíit'em da' n'onataguec da' na'chi 'eeta't da' ỹamaqátac da' 'adó'oquiaxaquii 'me 'uo ga' loiquiaqa', da' ỹiladetalégue da' ỹí'et da' mai'chi 'éetapeec sa nó'in. 13Qataxa 'ena't qomle da' 'auañimii da' 'adó'oquiaxaquii jeda'me n'onataguec, da' qaidi ỹ'étaxanaxanec ga' sa nó'in. Na'chidáta da' 'ami 'anañiiỹot ñi' Dios, qaláxasa 'oñí'ỹam ga' siỹaxaua da' ma'le ỹileu qataxa nec'aléegue qoỹin. 'Anañiiỹot qomle ñi' Dios ỹima da' 'adó'oquiaxaquii, qaidi jiñi'me d'onataxana da' ỹí'et ga' 'ónaxaic. 14Qá'a dójo' n'etaxalóxoc ma'le sa ỹañoxot da' 'ami ỹamaqat'ape, qá'a 'ami sa 'oviit'ot da' lamaxasóxonaxac jen' naqátaxacpi, na'chidáta jeda'me lichoxodénataxanaxac ñi'me Dios.
Qodaloqtenaxana ga' namaxasec
15Chan'eesa ¿hua'ague jogamaxa 'éeta ga' qad'aqtac? ¿Séetapega s'étaq ga' qadesamaxataxac, qá'a ma'le sa souoqo'ot jen' naqátaxacpi, na'chidáta jeda'me lichoxodénataxanaxac ñi'me Dios? ¡'Ai', sa sañoxotaq! 16Qá'a 'ami 'auaỹáchiñii maiñaxa da' 'uootaxa 'anañiiỹot ga' nadípa da' ỹa'uo 'ami lamaxa's, huá'a, qana'chi 'ami ỹátaqta 'aualaqaiỹet jega'me, qá'a 'adadípai. Qana'chi naq'áita nataq'en 'ami da' 'uootaxa ỹátaqta 'aualaqaiỹet da' n'etaxalóxoc 'me chiỹaqaỹi da' neleuaxa, da' 'ená'am ga' 'adadípai, 'uootaxa da' 'aualaqaiỹet ñi' Dios da' 'av'íchii ga' 'ónaxaic. 17Qaláxasa 'uo da' ñitónaxac ñi'me Dios ỹasouaxat da' 'oñíita 'me 'ami lelatáqa josii'chi da' n'etaxalóxoc, qaláxasa naỹi ỹátaqta ỹimo'ot 'aviñii naua' 'adiquidiaqtéldii' da' 'aualaqaiỹet jeda'me lasoxoc da' napaxaguenataxanaxac 'me 'ami qoỹanema. 18Naỹi da' ma'le 'ami huesóchidiñi da' sa 'ami lamaxa's da' n'etaxalóxoc, qana'chi 'aunoxoñiiuó'o da' 'ami lamaxa's ñi'me Dios da' 'av'íchii ga' 'ónaxaic. 19(Dójo' ỹitaxaỹaxac 'ená'am qasen da' letaxaỹaxac jen' 'chi siỹaxadipi, qá'a 'ami qaỹa ga' 'ad'añaxaquii, qana'chi sa 'auañoxochii da' 'auaỹáchiñii dójo'.) Chan'eesa dójo' naq'áita joca'li 'ami 'auañimii da' 'adó'oquiaxaquii jeda'me lamaxasóxonaxac jen'me desepaxanaqtaxan qataxa jen'me sa nó'inpi, da' qaidi ỹí'et, qaláxasa naỹi da' 'oñíita 'auañiiỹot da' 'adó'oquiaxaquii jeda'me lamaxasóxonaxac jeda'me ỹoqovíta n'óiỹaxac, da' qaidi 'adimi'ỹot da' 'anañiiỹot ñi'me Dios.
20Qá'a 'ami joca'li maliaxa 'ami lelatáqa da' n'etaxalóxoc, qana'chi 'ami sa 'oviit'ot da' lamaxasóxonaxac da' n'óiỹaxac 'me ỹoqovíta. 21Qana'chi ¿jái'chogamaxa 'auachiỹoxochiỹaỹi jeda'me 'me ỹí'et naỹi da' 'adepecóqoi? Qá'a jeda'me 'me náỹi, na'chida da' neleuaxa. 22Qaláxasa naỹi da' ma'le 'ansoiỹii'sop da' lamaxasóxonaxac da' n'etaxalóxoc, qana'chi 'ami 'aunoxoñiiuó'o da' lamaxasóxonaxac ñi'me Dios. Naqaida 'me ỹátaqta 'uo ga' náỹi. Jeda'me náỹi naqaida da' n'óiỹaxac ỹoqovíta 'me qoỹanot ñi' Dios qataxa jeda'me n'óiỹaxac 'me qaỹa 'te loiquiaqa'. 23Qá'a jeda'me n'etaxalóxoc da' deseeténataxan, qaa'le deseeténaxana da' neleuaxa. Jeda'me lichoxodénataxanaxac ñi' Dios, qaa'le da' ma'le souqat'ot so' Cristo Jesús 'me qadesaliaxanec, qana'chi deseeténaxana da' n'óiỹaxac 'me qaỹa 'te loiquiaqa'.
Currently Selected:
Romanos 6: PLGNT93
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
Romanos 6
6
Da' qad'óiỹaxac ỹoqotéta'uo so' Cristo
1Naỹi ¿jái'chogamaxa senqát'ec ga' qad'aqtac? ¿Séetapega maliaxa qolqatalégue da' n'etaxalóxoc, qaidi ñi'me Dios ỹañoxot da' nichíiseguem qa'en da' qo'mi ỹaloxonalo da' lichoxodénataxanaxac? 2¡'Ai', sa sañoxotaq! Qá'a qo'mi sóxote qolqá'ai da' n'etaxalóxoc, 'ená'am da' ma'le sega'me qadeleu. Chan'eesa ¿taalia'chi toqo' da' maliaxa qolqatalégue da' s'étaqtac jeda'me? 3Qá'a qadema da' qo'mi ma'le qonachiláxa'n, da' qaidi soqotaqáta'uo so' Cristo Jesús, 'ená'am da' qo'mi qonachiláxanỹiilo da' leleuaxa jeso'me. ¿Séetapega sa 'auaỹáchiñiỹo' dójo'? 4Qá'a joca'li qo'mi qonachiláxa'n, qana'chi 'ená'am da' qo'mi qoỹisiidíñi da' qolqa'nỹi so' Cristo da' qadeleu, qaidi qo'mi qonec'alaxadiséguem, qana'chi sanaxañi da' dálaxaic qad'óiỹaxac. Qana'chi senqá'am so' Cristo joca'li ñi' qadet'a Dios nec'alaxadiséguem, ỹidolégue da' l'añaxac 'me jalcote da' li'ỹoxodic.
5Qá'a da' ma'le sega'me qolqáchi'nỹi so' Cristo da' 'éeta joca'li da' leleuaxa, qana'chi senqá'am nataq'en da' 'éeta qomle qo'mi qonec'alaxadiséguem. 6Qá'a qo'mi ma'le saỹátenaqta da' so' toisíỹac qad'óiỹaxac ma'le qoỹip'enaséguem, casee'megue so' Cristo joca'li qoỹip'enaséguem, qaidi da' qadapáchiỹaxac 'me 'itaxalóxoic da' qonoláxachiñi, qaidi sa qo'mi lamaxa's da' n'etaxalóxoc da' qo'mi ỹamaqat'ape da' sega'me qadadípa. 7Qá'a ga' siỹaxaua da' ma'le ỹileu, qana'chi jega'me huesoi'isop jeda'me n'etaxalóxoc. 8Qá'a qo'mi da' ma'le seleuaqáta'ñi' so' Cristo, qana'chi s'amaqténaq da' nataq'en qadec'alaxaua jeso'me. 9Qá'a qo'mi saỹátenaq so' Cristo joca'li jiñi'me Dios nec'alaxadiséguem, qana'chi jeso'me sa ỹitaxa ỹileu, qá'a da' neleuaxa ma'le qaỹa 'te l'añaxac da' ỹitaxa ỹalaat jeso'me. 10Qá'a jeso'me Cristo joca'li ỹileu ỹasouaxat da' n'etaxalóxoc, qana'chi jeso'me sa ỹitaxa da' ỹileu, qá'a joca'li nec'aléegue, qana'chi jedójo' n'óiỹaxac lalémaxaset ñi'me Dios. 11Chan'eesa nataq'en da' 'oñíita 'oquí'ỹai qomle jen' nesamaxataxacpi, qana'chi 'ená'am 'aviñii da' sega'me ma'le 'ami 'adelivii. Qá'a da' 'ad'óiỹaxaquii lalémaxaset 'aviñii ñi'me Dios, qá'a ma'le 'oviit'ot so' Cristo Jesús 'me qadesaliaxanec.
12Chan'eesa 'ami 'ena't qomle da' 'auasiñíit'em da' n'onataguec da' na'chi 'eeta't da' ỹamaqátac da' 'adó'oquiaxaquii 'me 'uo ga' loiquiaqa', da' ỹiladetalégue da' ỹí'et da' mai'chi 'éetapeec sa nó'in. 13Qataxa 'ena't qomle da' 'auañimii da' 'adó'oquiaxaquii jeda'me n'onataguec, da' qaidi ỹ'étaxanaxanec ga' sa nó'in. Na'chidáta da' 'ami 'anañiiỹot ñi' Dios, qaláxasa 'oñí'ỹam ga' siỹaxaua da' ma'le ỹileu qataxa nec'aléegue qoỹin. 'Anañiiỹot qomle ñi' Dios ỹima da' 'adó'oquiaxaquii, qaidi jiñi'me d'onataxana da' ỹí'et ga' 'ónaxaic. 14Qá'a dójo' n'etaxalóxoc ma'le sa ỹañoxot da' 'ami ỹamaqat'ape, qá'a 'ami sa 'oviit'ot da' lamaxasóxonaxac jen' naqátaxacpi, na'chidáta jeda'me lichoxodénataxanaxac ñi'me Dios.
Qodaloqtenaxana ga' namaxasec
15Chan'eesa ¿hua'ague jogamaxa 'éeta ga' qad'aqtac? ¿Séetapega s'étaq ga' qadesamaxataxac, qá'a ma'le sa souoqo'ot jen' naqátaxacpi, na'chidáta jeda'me lichoxodénataxanaxac ñi'me Dios? ¡'Ai', sa sañoxotaq! 16Qá'a 'ami 'auaỹáchiñii maiñaxa da' 'uootaxa 'anañiiỹot ga' nadípa da' ỹa'uo 'ami lamaxa's, huá'a, qana'chi 'ami ỹátaqta 'aualaqaiỹet jega'me, qá'a 'adadípai. Qana'chi naq'áita nataq'en 'ami da' 'uootaxa ỹátaqta 'aualaqaiỹet da' n'etaxalóxoc 'me chiỹaqaỹi da' neleuaxa, da' 'ená'am ga' 'adadípai, 'uootaxa da' 'aualaqaiỹet ñi' Dios da' 'av'íchii ga' 'ónaxaic. 17Qaláxasa 'uo da' ñitónaxac ñi'me Dios ỹasouaxat da' 'oñíita 'me 'ami lelatáqa josii'chi da' n'etaxalóxoc, qaláxasa naỹi ỹátaqta ỹimo'ot 'aviñii naua' 'adiquidiaqtéldii' da' 'aualaqaiỹet jeda'me lasoxoc da' napaxaguenataxanaxac 'me 'ami qoỹanema. 18Naỹi da' ma'le 'ami huesóchidiñi da' sa 'ami lamaxa's da' n'etaxalóxoc, qana'chi 'aunoxoñiiuó'o da' 'ami lamaxa's ñi'me Dios da' 'av'íchii ga' 'ónaxaic. 19(Dójo' ỹitaxaỹaxac 'ená'am qasen da' letaxaỹaxac jen' 'chi siỹaxadipi, qá'a 'ami qaỹa ga' 'ad'añaxaquii, qana'chi sa 'auañoxochii da' 'auaỹáchiñii dójo'.) Chan'eesa dójo' naq'áita joca'li 'ami 'auañimii da' 'adó'oquiaxaquii jeda'me lamaxasóxonaxac jen'me desepaxanaqtaxan qataxa jen'me sa nó'inpi, da' qaidi ỹí'et, qaláxasa naỹi da' 'oñíita 'auañiiỹot da' 'adó'oquiaxaquii jeda'me lamaxasóxonaxac jeda'me ỹoqovíta n'óiỹaxac, da' qaidi 'adimi'ỹot da' 'anañiiỹot ñi'me Dios.
20Qá'a 'ami joca'li maliaxa 'ami lelatáqa da' n'etaxalóxoc, qana'chi 'ami sa 'oviit'ot da' lamaxasóxonaxac da' n'óiỹaxac 'me ỹoqovíta. 21Qana'chi ¿jái'chogamaxa 'auachiỹoxochiỹaỹi jeda'me 'me ỹí'et naỹi da' 'adepecóqoi? Qá'a jeda'me 'me náỹi, na'chida da' neleuaxa. 22Qaláxasa naỹi da' ma'le 'ansoiỹii'sop da' lamaxasóxonaxac da' n'etaxalóxoc, qana'chi 'ami 'aunoxoñiiuó'o da' lamaxasóxonaxac ñi'me Dios. Naqaida 'me ỹátaqta 'uo ga' náỹi. Jeda'me náỹi naqaida da' n'óiỹaxac ỹoqovíta 'me qoỹanot ñi' Dios qataxa jeda'me n'óiỹaxac 'me qaỹa 'te loiquiaqa'. 23Qá'a jeda'me n'etaxalóxoc da' deseeténataxan, qaa'le deseeténaxana da' neleuaxa. Jeda'me lichoxodénataxanaxac ñi' Dios, qaa'le da' ma'le souqat'ot so' Cristo Jesús 'me qadesaliaxanec, qana'chi deseeténaxana da' n'óiỹaxac 'me qaỹa 'te loiquiaqa'.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.