Matthew 27
27
1မနက်စာစောစောမှာ ဂျူးပုရောဟိတ်အကြီးအကဲတေန လူမျိုးခေါင်းဆောင်တေဟ စုဝေးကြမောက် ကိုယ်တော်ယေရှုကော် ဆေဒဏ်ခ္လမှတ်နိုင်ဖော့ ကြံစည်ကြလေဟယ်။ 2ဆူ့တော့ဟ ကိုယ်တော်ကော် ချုပ်နှောင်မောက် ခေါ်ဆောင်လာကြပြီးခါ ပိလတ်ဘုရင်ခံနားကော် အပ်နှံကြလေဟယ်။ 3ကိုယ်တော်ယေရှုကော် ဆေဒဏ်ခ္လမှတ်ဟာကော် ယုဒဆိရတဲ့အခါ ဆူဟ ကိုယ်တော့်အပေါ် သစ္စာဖောက်မိညောင်း ဝမ်းနည်းကြေကွဲမောက် ငွေဒင်္ဂါးဆုံးဆယ်ကော် ဂျူးပုရောဟိတ်အကြီးအကဲတေန လူမျိုးခေါင်းဆောင်တေနား ပ္လန်ပေးမောက် 4"ငါဟ အပြစ်ကင်းစင်ဆမားကော် သစ္စာဖောက်မောက် အပြစ်ကျူးလွန်ခဲ့မိဝေါက်" လောက် ပြောလေဟယ်။ ဟဲင်းပေမဲ့ ဟဲင်းလူတေဟ "ငါတော့န ဖယ်လဲဆိုင်ဟား။ အဲဟာ သင်ရဲ့ကိစ္စပါ" လောက် ဆိုကြလေဟယ်။ 5ဟဲင်းခါ ယုဒဟ ငွေဒင်္ဂါးတေကော် ဗိမာန်တော်ဝန်းထဲမှာ ပစ်ခ္လမောက် ထွက်ဟားလေဟယ်။ ပြီးခါ တခြားတစ်နေရာကော် ဆွားမောက် ကြိုးဆွဲခ္လဆေလေတော့ဟယ်။ 6ဂျူးပုရောဟိတ်အကြီးအကဲတေဟ ဟဲင်းငွေဒင်္ဂါးတေကော် ယူမောက် "လူတစ်ယောက်ကော် ဆတ်ဖော့ ပေးထားတဲ့ အဲပိုက်ဆံတေကော် ဗိမာန်တော်မှာ မထားအပ်ဘူး" လောက် ဆိုမောက် 7ဆွေးနွေးတိုင်ပင်ကြပြီးခါ ဟဲင်းပိုက်ဆံန အိုးလုပ်ဆမားနားမှာ မ္လေဝယ်မောက် ဟဲင်းမ္လေကော် လူမျိုးခြားတေရဲ့ စုတ်စံလုပ်ဖော့ ဆုံးဖ္လတ်လိုက်ကြဟယ်။ 8ဟဲင်းအကြောင်းကြောင့် ဟဲင်းမ္လေကော် ခုနေ့ထိ "ဆွေးမ္လေ" လောက် ခေါ်တွင်ကြဟယ်။ 9ဟဲင်းလဲန "ဆူ့တော့ဟ အစ္စရေးလူမျိုးတေ ဆူ့ကော် တန်ဖိုးဖ္လတ်ထားတဲ့ ငွေဒင်္ဂါးဆုံးဆယ်ကော် ယူမောက် 10ငါ့ကော် ဘုရားရှင်မိန့်တော်မူတဲ့အတိုင်း မ္လေအိုးလုပ်ဆမားရဲ့ မ္လေယာအတွက် ဟဲင်းပိုက်ဆံတေကော် ပေးကြဟယ်" ဆိုတဲ့ အရိယာဆူတော်စင် ယေရမိအနေန ဟောကြားခဲ့တဲ့ ကျမ်းချက်မှာ ပ္လေ့စုံမှန်ကန်ဟားလေဟယ်။ 11ကိုယ်တော်ယေရှုဟ ဘုရင်ခံရဲ့ရှေ့မှာ ရပ်ပြီးတဲ့အခါ ဘုရင်ခံဟ ကိုယ်တော်ကော် "သင်ဟ ဂျူးလူမျိုးတေရဲ့ ဘုရင်လား" လောက် မေးခါ ကိုယ်တော်ဟ "သင်ပြောတဲ့အတိုင်းပဲ ဖြစ်ဟယ်" လောက် ပ္လန်လည်မိန့်ဆိုလေဟယ်။ 12ဟဲင်းပေမဲ့ ဂျူးပုရောဟိတ်အကြီးအကဲတေန လူမျိုးခေါင်းဆောင်တေရဲ့ စွပ်စွဲပြောဆိုဟာတေကော် ကိုယ်တော်ဟ ဖယ်ဟာကော်မှ ပ္လန်လည်ဖြေကြားခြင်းမရှိခဲ့ပေ။ 13ဟဲင်းခါ ပိလတ်ဘုရင်ခံဟ ကိုယ်တော်ကော် "ဆူ့တော့တေ သင့်ကော် ဟဲင်းလောက် စွပ်စွဲပြောဆိုနေကြဟာကော် မကြားဘူးလား" လောက် မေးလေဟယ်။ 14ဟဲင်းပေမဲ့ ကိုယ်တော်ဟ စကားတစ်ခွန်းမှ ပ္လန်လည်ပြောကြားခြင်း မရှိပဲညောင်း ဘုရင်ခံဟ အကြီးကျယ်အံ့အားဆင့်လေဟယ်။ 15ပသခါပွဲတော်နေ့တိုင်းမှာ ဘုရင်ခံဟ အကျဉ်းဆားတစ်ယောက်ကော် လူထုဆန္ဒအရ လွှတ်ပေးလေ့ရှိဟယ်။ 16ဟဲင်းအချိန်မှာ ဗာရဗ္ဗလောက်ခေါ်တဲ့ နံမေဆိုးန ကျော်ကြားတဲ့ အကျဉ်းဆားတစ်ယောက်လဲ ရှိနေလေဟယ်။ 17ဟဲင်းကြောင့် လူတေစုဝေးလာကြတဲ့အခါမှာ ပိလတ်ဘုရင်ခံဟ "သင်တော့ဟ ငါ့ကော် မဆူ့ကော် လွှတ်ပေးစေချင်ကြဟား။ ဗာရဗ္ဗကော်လား မဟုတ်ပဲလောက် ကယ်တင်ရှင်ခရစ်တော်လောက်ပြောကြတဲ့ ယေရှုကော်လား" လောက် ဆူ့တော့ကော် မေးလေဟယ်။ 18ဟဲင်းသလဲမေးဟာဟ ဆူ့တော့ဟ မနာလိုစိတ်န ကိုယ်တော်ယေရှုကော် ပိလတ်ဘုရင်ခံနား အပ်နှံကြကြောင်းကော် ပိလတ်ဟ ဆိညောင်းဖြစ်ဟယ်။ 19ပိလတ်ဘုရင်ခံဟ တရားစီရင်တဲ့နေရာမှာ ထိုင်နေချိန်မှာ ဆူ့ရဲ့မိန်းမဟ ဆူ့နားကော် လူလွှတ်မောက် "ဟဲင်းအပြစ်ကင်းစင်တဲ့လူကော် ဖယ်လဲမလုပ်ပါနဲ့။ စာလောက်ဟားဆိုခါ ဆူ့ရဲ့အကြောင်းကော် အိမ်မက်မက်ညောင်း ကျွန်မဟ ခုနေ့တစ်နေ့လုံး စိတ်ဒုက္ခရောက်နေရပါဟယ်" လောက် မှာကြားလိုက်လေဟယ်။ 20ဂျူးပုရောဟိတ်အကြီးအကဲတေန လူမျိုးခေါင်းဆောင်တေဟ လူထုပရိတ်ဆတ်ကော် ကိုယ်တော်ယေရှုကော် ဆေဒဏ်ပေးမောက် ဗာရဗ္ဗကော် လွှတ်ပေးဖော့ တောင်းဆိုဖော့ စည်းရုံးကြလေဟယ်။ 21ဘုရင်ခံဟ လူထုကော် "အဲလူနှေယောက်ထဲဟ မဆူ့ကော် လွှတ်ပေးစေချင်ဟား" လောက် မေးခါ ဆူ့တော့ဟ "ဗာရဗ္ဗ" လောက် ဖ္လေကြလေဟယ်။ 22ပိလတ်ဘုရင်ခံဟလဲ "ဟဲင်းလဲဆိုခါ ကယ်တင်ရှင်ခရစ်တော် လောက်ခေါ်တဲ့ယေရှုကော် ငါစာလုပ်ရမဟား" လောက် မေးခါ ဆူ့တော့အကုန်ဟုန်းဟ "လက်ဝါးကပ်တိုင်ပေါ်ကော် တင်မောက် ဆတ်လိုက်ပါ" လောက် ဖ္လေကြလေဟယ်။ 23ဟဲင်းခါ ပိလတ်ဘုရင်ခံဟ "စာလောက်ဟား။ ဆူဟ ဖယ်လဲပြစ်မှုကော် ကျူးလွန်ခဲ့လောက်ဟား" လောက် မေးလေဟယ်။ ဟဲင်းပေမဲ့ ဆူ့တော့ဟ "ဆူ့ကော် လက်ဝါးကပ်တိုင်ပေါ်တင်မောက် ဆတ်လိုက်ပါ" လောက်ပဲ အက္လယ်ဟုန်း အော်ဟစ်ပြောဆိုကြလေဟယ်။ 24ဟဲင်းခါ ပိလတ်ဘုရင်ခံဟ ဖယ်လဲမတတ်နိုင်ဘဲ လူတေရုန်းရင်းဆန်ခတ်ဖြစ်လာဟာကော် မြင်ခါ ရေကော်ယူမောက် လူထုပရိတ်ဆတ်တေရှေ့မှာ ဆူ့ရဲ့လက်ကော်ဆေးမောက် "ဟဲင်းသလဲ အပြစ်ကင်းစင်ဆမားကော် ဆတ်တဲ့အမှုမှာ ငါနစားမဆိုင်ဝူး။ အဲဟာသင်တော့နပဲ ဆိုင်ဟယ်" လောက် ဆိုလေဟယ်။ 25လူအပေါင်းတော့ဟလဲ "ဆူ့ကော် ဆတ်တဲ့အမှုဟ ကျွန်ုပ်တော့န ကျွန်ုပ်တော့ရဲ့ ဆားစဉ်မ္လေးဆက်နဲ့ပဲ ဆိုင်ပါစေ" လောက် ဆိုကြလေဟယ်။ 26ပြီးခါ ပိလတ်ဘုရင်ခံဟ ဗာရဗ္ဗကော် လွှတ်ပေးလိုက်မောက် ကိုယ်တော်ယေရှုကော် ကြာပွတ်နရိုက်မောက် အပြစ်ပေးပြီးခါ လက်ဝါးကပ်တိုင်ပေါ်တင်မောက် ဆတ်ဖော့ အပ်နှံလိုက်လေဟယ်။ 27ပြီးခါ ဘုရင်ခံရဲ့စစ်ဆားတေဟ ကိုယ်တော်ယေရှုကော် ရုံးတော်အထဲကော် ခေါ်ဆောင်ဟားကြမောက် တပ်ဖွဲ့တစ်ဖွဲ့လုံးဟလဲ စုဝေးပြီးခါ ကိုယ်တော်နားကော် လာကြလေဟယ်။ 28ဆူ့တော့ဟ ကိုယ်တော်ရဲ့အဝတ်တေကော် ခွတ်မောက် အနီရောင်တောက်ပတဲ့ ဝတ်ရုံတစ်ခုကော် ဝတ်ပေးကြဟယ်။ 29ဆူးခက်တေန သရဖူပုံစံတစ်ခုလုပ်မောက် ကိုယ်တော်ရဲ့ခေါင်းမှာ ဆောင်းပေးမောက် တောင်ဝှေးတစ်ချောင်းကော် ညာဖက်လက်မှာ ကိုင်ဆောင်စေပြီးခါ ကိုယ်တော်ရဲ့ ရှေ့မှာ ဒူးထောက်မောက် "ဂျူးလူမျိုးတေရဲ့ ဘုရင်ကော် အရိုအဆေပေးပါဟယ်" လောက် လှောင်ပြောင်ပြောဆိုကြဟယ်။ 30ပြီးခါ ကိုယ်တော်ကော် ဆံထွေးန ထွေးကြမောက် တောင်ဝှေးကော်ယူမောက် ခေါင်းကော် အကြိမ်ကြိမ် ရိုက်နှက်ကြဟယ်။ 31ဆူ့တော့ဟ ဟဲင်းလဲကိုယ်တော်ကော် လှောင်ပြောင်ရယ်မောပြီးတဲ့အခါ အနီရောင်ဝတ်ရုံကော် ခွတ်မောက် ကိုယ်တော်ရဲ့အဝတ်ကော် ပ္လန်ဝတ်စေပြီးခါ လက်ဝါးကပ်တိုင်ပေါ်မှာ တင်ဖော့ ကိုယ်တော့်ကော် ခေါ်ဆောင်ဟားကြလေဟယ်။ 32ဆူ့တော့ထွက်ဟားကြချိန်မှာ ကုရေနေမြို့မှလာတဲ့ ရှိမုန်ဆိုတဲ့ ယောက်ျားတစ်ယောက်ကော် မြင်ညောင်း ဆူ့တော့ဟ ဟဲင်းလူကော် ကိုယ်တော်ရဲ့လက်ဝါးကပ်တိုင်ကော် အတင်းအကျပ်ထမ်းစေပြီးခါ ဆူ့တော့နအတူ လိုက်ပါလာစေလေဟယ်။ 33ဟဲင်းလဲန ဆူ့တော့ဟ "ဦးခေါင်းခွံအရပ်" လောက် အဓိပ္ပာယ်ရတဲ့ ဂေါလဂေါသလောက် နံမေတွင်တဲ့အရပ်ကော် ရောက်ကြခါ 34ဆူ့တော့ဟ ကိုယ်တော်ကော် ဆေးခါးနရောဟားတဲ့ ဝိုင်ကော် တိုက်ကြလေဟယ်။ ဟဲင်းပေမဲ့ ကိုယ်တော်ဟ ဟဲင်းဝိုင်ကော် မြည်းစမ်းကြည့်ပြီးခါ ဆောက်ဖော့ ငြင်းတော်မူဟယ်။ 35ပြီးခါ ဆူ့တော့ဟ ကိုယ်တော်ကော် လက်ဝါးကပ်တိုင်ပေါ်မှာ တင်ကြမောက် ကိုယ်တော်ရဲ့အဝတ်တေကော် မဲနှိုက်မောက် ခွဲဝေယူကြလေဟယ်။ 36ပြီးခါ ဆူ့တော့ဟ ဟဲင်းနေရာမှာ ထိုင်ကြမောက် ကိုယ်တော့်ကော် စောင့်ကြပ်နေကြလေဟယ်။ 37ကိုယ်တော်ရဲ့ဦးခေါင်းအထက်မှာ "အဲလူဟ ဂျူးလူမျိုးတော့ရဲ့ဘုရင်ယေရှု ဖြစ်ဟယ်" ဆိုတဲ့ စွပ်စွဲချက်ကော် တပ်ထားလေဟယ်။ 38စစ်ဆားတေဟ ဓားမြနှေယောက်ကော်လဲ ကိုယ်တော်ရဲ့ ညာဖက်မှာ တစ်ယောက်၊ ဘယ်ဖက်မှာ တစ်ယောက် လက်ဝါးကပ်တိုင်ပေါ်တင်ကြလေဟယ်။ 39ဖ္လတ်ဆွားလာကြတဲ့ လူတေဟလဲ ဆူ့တော့ရဲ့ခေါင်းတေကော် ခါရမ်းမောက် 40"ဗိမာန်တော်ကော် ဖျက်မောက် ဆုံးရက်အတွင်း ပ္လန်ဆောက်ပြမဲင်ဆိုတဲ့လူ၊ သင့်ကိုယ်သင် ကယ်ပါအုံး။ သင်ဟ ဘုရားရှင်ရဲ့ဆားတော်မှန်ခါ လက်ဝါးကပ်တိုင်ပေါ်ဟ ဆင်းလာခဲ့ပါ" လောက် ကိုယ်တော့်ကော် စော်ကား ပြောဆိုကြလေဟယ်။ 41ဟဲင်းနည်းတူပဲ ဂျူးပုရောဟိတ်အကြီးကဲတေ၊ ကျမ်းတတ်ဆရာတေန၊ လူမျိုးခေါင်းဆောင်တေဟလဲ ကိုယ်တော့်ကော် 42"ဆူဟ တခြားလူတေကော် ကယ်တင်လယ်ဝ ဆူ့ကိုယ်ဆူခါ မကယ်နိုင်ဘူး။ အစ္စရေးလူမျိုးတေရဲ့ ဘုရင်လောက် ဆူ့ကိုယ်ဆူ ခံယူနေဟာလား။ ဆူခုတခါတည်း လက်ဝါးကပ်တိုင်ပေါ်ဟနေ ဆင်းလာနိုင်မှ ငါတော့ဆူ့ကော် ယုံကြည်မဲင်။ 43ဆူဟ ဘုရားရှင်ကော် ယုံကြည်မောက် ဆူ့ကိုယ်ဆူ ဘုရားရှင်ရဲ့ဆားတော်လောက် ခံယူနေဟယ်။ ဟဲင်းကြောင့် ခုဆူ့ကော် ဘုရားရှင်ဟကယ်ဖော့ အလိုတော်ရှိမရှိကော် စောင့်ကြည့်ကြမဲင်" လောက် လှောင်ပြောင်ပြောဆိုကြဟယ်။ 44ကိုယ်တော်နအတူ လက်ဝါးကပ်တိုင်ပေါ်မှာ တင်ထားဟာခံရတဲ့ ဓားပြတေဟလဲ ကိုယ်တော့်ကော် ဟဲင်းနည်းတူ စော်ကားပြောဆိုကြလေဟယ်။ 45မွန်းတည့်ချိန်ဟနေစမောက် မွန်းလွဲဆုံးနာရီအထိ မ္လေပြင်တစ်ခွင်လုံး မှောင်မိုက်နေလေဟယ်။ 46မွန်းလွဲဆုံးနာရီလောက်မှာ ကိုယ်တော်ယေရှုဟ အဆံအက္လယ်ဟုန်းန "ဧလိ၊ ဧလိ၊ လာမာရှာဗခသာနိ" လောက် အော်ဟစ်တော်မူလေဟယ်။ ဟဲင်းဟာရဲ့အဓိပ္ပာယ်မှာ "အကျွန်ုပ်ရဲ့ဘုရား၊ အကျွန်ုပ်ရဲ့ဘုရား၊ ကျွန်ုပ်ကော် စာလောက်စွန့်ပစ်တော်မူဟား" ဆိုမောက်ဖြစ်ဟယ်။ 47ဟဲင်းအရပ်မှာ ရပ်နေဆမားအချို့ဟ ကြားတဲ့အခါ ဆူ့တော့ဟ "ဆူဟ ဧလိယကော် ခေါ်နေဟယ်" လောက် ဆိုကြလေဟယ်။ 48ဆူ့တော့ထဲမှ တစ်ယောက်ဟ တခါတည်းပ္လေးမောက် ရေမြှုပ်တစ်ခုကော် ယူမောက် ဝိုင်ချဉ်a န စိမ်ပြီးခါ ဟဲင်းဟာကော် ကျူရိုးထိပ်မှာ တပ်မောက် ကိုယ်တော် ဆောက်ဖော့ပေးလေဟယ်။ 49ဟဲင်းပေမဲ့ တခြားလူတေဟ "ဧလိယဟ ဆူ့ကော် ကယ်ဖော့ လာမလား မလာဘူးလားဆိုဟာ စောင့်ကြည့်ရအောင်" လောက် ဆိုကြဟယ်။ 50ပြီးခါ ကိုယ်တော်ယေရှုဟ နောက်တခါ အဆံအက္လယ်ဟုန်းန ကြွေးကြော်ပြီးခါ ဆူ့ရဲ့အဆက်ကော် စွန့်တော်မူလေဟယ်။ 51ဟဲင်းအချိန်မှာ ဗိမာန်တော်ရှိ ကန့်လန့်ကာကူးဟ အထက်မှအောက်ကော် နှေခြမ်းကွဲဟားမောက် မ္လေကြီးဟလဲ တုန်ခါမောက် ကျောက်ဆောင်တေဟလဲ အက်ကွဲကြဟယ်။ 52ဟဲင်းအပြင် စုတ်စံဂူတေလဲ ပွင့်လာမောက် ဆေဟားခဲ့တဲ့ ဆူတော်စင်အများဟုန်းဟလဲ အဆက်ပ္လန်ရှင်လာကြဟယ်။ 53ကိုယ်တော် အဆက်ပ္လန်ရှင်တော်မူပြီးခါ ဟဲင်းလူတေဟ ဆူ့တော့ရဲ့ စုတ်စံဂူဟနေ ထွက်လာခဲ့ကြမောက် မြင်မြတ်သန့်စင်တဲ့ မြို့တော်ကော် ဝင်ရောက်ဟားကြဟာကော် အကြီးကျယ်များတဲ့လူတေဟ မြင်ခဲ့ကြရဟယ်။ 54တပ်မှူးန ကိုယ်တော်ယေရှုကော် စောင့်ကြည့်နေဆမားတေဟ မ္လေငလျင်လှုပ်ခြင်းန ဖြစ်ပျက်ဆမျှ အကြောင်းအရာတေကော် မြင်တွေ့ကြရတဲ့အခါ အကြီးကျယ်ကြောက်ဟားမောက် "အဲလူဟ ဟုတ်တည်းတည်း ဘုရားရှင်ရဲ့ဆားတော်ဖြစ်လေဟယ်" လောက် ပြောဆိုကြလေဟယ်။ 55ကိုယ်တော်ယေရှုကော် အလုပ်အကျွေးပြုစုမောက် ဂါလိလဲနယ်ဟနေ ကိုယ်တော့်နောက်ကော် လိုက်ပါလာကြတဲ့ မိန်းမတေဟလဲ ဟဲင်းနေရာမှာရှိနေကြမောက် အဝေးဟနေ လှမ်းကြည့်နေကြလေဟယ်။ 56ဆူ့တော့အထဲမှာ မာဂဒလမြို့ဆူ မာရိ၊ ယာကုပ်န ယောသပ်ရဲ့မိခင်ဖြစ်တဲ့ မာရိန ဇေဗေဒဲရဲ့မိန်းမတော့ ပါလေဟယ်။ 57ညခင်းနီးအချိန်ကော် ရောက်တဲ့အခါ အရိမဿဲမြို့ဟနေ လူချမ်းဆာတစ်ယောက်ဖြစ်မောက် ကိုယ်တော်ယေရှုရဲ့ တပဲ့တော်လဲဖြစ်တဲ့ ယောသပ်ဆိုလူ ရောက်လာလေဟယ်။ 58ဆူဟ ပိလတ်ဘုရင်ခံနားကော် ချဉ်းကပ်မောက် ကိုယ်တော်ယေရှုရဲ့ ရုပ်အလောင်းကော် တောင်းခံညောင်း ပိလတ်ဘုရင်ခံဟလဲ ကိုယ်တော်ရဲ့ ရုပ်အလောင်းကော် ယောသပ်ကော် ပေးလိုက်ဖော့ အမိန့်ပေးလေဟယ်။ 59ပြီးခါ ယောသပ်ဟ ကိုယ်တော်ရဲ့ရုပ်အလောင်းကော် ယူမောက် ဖြူစင်တဲ့ ပိတ်ချောစန ရစ်ပတ်ပြီးခါ 60ကျောက်ဆောင်ကူးမှာ ထွင်းထုထားတဲ့ ဆူပိုင်ဆိုင်တဲ့ စုတ်စံဂူအဆစ်မှာ လှိုင်းမောက် ထားလေဟယ်။ ပြီးခါ ဆူဟ အကြီးကျယ်ကူးတဲ့ ကျောက်တုံးကူးကော် လှိမ့်မောက် ဂူဝကော် ပိတ်ဟားမောက် ပ္လန်ဟားလေဟယ်။ 61မာဂဒလမြို့ဆူမာရိန တခြားမာရိတော့ဟလဲ ဟဲင်းနေရာမှာ ရှိနေကြမောက် စုတ်စံဂူဝရဲ့ မျက်နှာချင်းဆိုင်ဖက်မှာ ထိုင်နေကြလေဟယ်။ 62နောက်တစ်နေ့ဟ ဥပုသ်နေ့ဖြစ်မောက် ဂျူးပုရောဟိတ်အကြီးအကဲတေန ဖာရိရှဲတေဟ ပိလတ်ဘုရင်ခံနားမှာ စုဝေးလာကြမောက် 63ဆူ့တော့ဟ ပိလတ်ကော် "အရှင်၊ ဟဲင်းလူလိမ် မဆေခင်ဟ 'ငါဟ ဆေပြီး ဆုံးရက်အကြာမှာ အဆက်ပ္လန်ရှင်မဲင်' လောက် ပြောခဲ့ဟာကော် ကျွန်ုပ်တော့ မှတ်မိဟယ်။ 64ဟဲင်းကြောင့် ဆုံးရက်ကြာတဲ့အထိ စုတ်စံဂူကော် စောင့်ကြပ်ထားဖော့ အမိန့်ပေးပါ။ မဟုတ်ပဲလောက်ရှိခါ ဆူ့ရဲ့တပဲ့တေဟ ရုပ်အလောင်းကော် လာခိုးမောက် 'ဆူဟ ဆေရာဟနေ အဆက်ပ္လန်ရှင်ဟားဝေါက်' လောက် ပြောကြလိမ့်မဲင်။ နောက်ဆုံးလိမ်ညာဟာဟ အရင်လိမ်ညာဟာထက် ပိုဆိုးနေလိမ့်မဲင်" လောက် လျှောက်တင်ကြလေဟယ်။ 65ပိလတ်ဘုရင်ခံဟလဲ ဆူ့တော့ကော် "အစောင့်တေကော် ခေါ်မောက် သင်တော့တတ်နိုင်ဆလောက် လုံခြုံအောင် စောင့်ကြပ်ကြပါ" လောက် ပြောလေဟယ်။ 66ဟဲင်းကြောင့် ဆူ့တော့ဟ စုတ်စံဂူကော် ဆွားရောက်မောက် ကျောက်တုံးကော် တံဆိပ်ခတ်မောက် ပိတ်ဆို့ပြီးခါ စောင့်ခ္လထားလိုက်ကြဟယ်။
Currently Selected:
Matthew 27: INT
Highlight
Share
Copy
Want to have your highlights saved across all your devices? Sign up or sign in
This translation of the Intha NT is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Matthew 27
27
1မနက်စာစောစောမှာ ဂျူးပုရောဟိတ်အကြီးအကဲတေန လူမျိုးခေါင်းဆောင်တေဟ စုဝေးကြမောက် ကိုယ်တော်ယေရှုကော် ဆေဒဏ်ခ္လမှတ်နိုင်ဖော့ ကြံစည်ကြလေဟယ်။ 2ဆူ့တော့ဟ ကိုယ်တော်ကော် ချုပ်နှောင်မောက် ခေါ်ဆောင်လာကြပြီးခါ ပိလတ်ဘုရင်ခံနားကော် အပ်နှံကြလေဟယ်။ 3ကိုယ်တော်ယေရှုကော် ဆေဒဏ်ခ္လမှတ်ဟာကော် ယုဒဆိရတဲ့အခါ ဆူဟ ကိုယ်တော့်အပေါ် သစ္စာဖောက်မိညောင်း ဝမ်းနည်းကြေကွဲမောက် ငွေဒင်္ဂါးဆုံးဆယ်ကော် ဂျူးပုရောဟိတ်အကြီးအကဲတေန လူမျိုးခေါင်းဆောင်တေနား ပ္လန်ပေးမောက် 4"ငါဟ အပြစ်ကင်းစင်ဆမားကော် သစ္စာဖောက်မောက် အပြစ်ကျူးလွန်ခဲ့မိဝေါက်" လောက် ပြောလေဟယ်။ ဟဲင်းပေမဲ့ ဟဲင်းလူတေဟ "ငါတော့န ဖယ်လဲဆိုင်ဟား။ အဲဟာ သင်ရဲ့ကိစ္စပါ" လောက် ဆိုကြလေဟယ်။ 5ဟဲင်းခါ ယုဒဟ ငွေဒင်္ဂါးတေကော် ဗိမာန်တော်ဝန်းထဲမှာ ပစ်ခ္လမောက် ထွက်ဟားလေဟယ်။ ပြီးခါ တခြားတစ်နေရာကော် ဆွားမောက် ကြိုးဆွဲခ္လဆေလေတော့ဟယ်။ 6ဂျူးပုရောဟိတ်အကြီးအကဲတေဟ ဟဲင်းငွေဒင်္ဂါးတေကော် ယူမောက် "လူတစ်ယောက်ကော် ဆတ်ဖော့ ပေးထားတဲ့ အဲပိုက်ဆံတေကော် ဗိမာန်တော်မှာ မထားအပ်ဘူး" လောက် ဆိုမောက် 7ဆွေးနွေးတိုင်ပင်ကြပြီးခါ ဟဲင်းပိုက်ဆံန အိုးလုပ်ဆမားနားမှာ မ္လေဝယ်မောက် ဟဲင်းမ္လေကော် လူမျိုးခြားတေရဲ့ စုတ်စံလုပ်ဖော့ ဆုံးဖ္လတ်လိုက်ကြဟယ်။ 8ဟဲင်းအကြောင်းကြောင့် ဟဲင်းမ္လေကော် ခုနေ့ထိ "ဆွေးမ္လေ" လောက် ခေါ်တွင်ကြဟယ်။ 9ဟဲင်းလဲန "ဆူ့တော့ဟ အစ္စရေးလူမျိုးတေ ဆူ့ကော် တန်ဖိုးဖ္လတ်ထားတဲ့ ငွေဒင်္ဂါးဆုံးဆယ်ကော် ယူမောက် 10ငါ့ကော် ဘုရားရှင်မိန့်တော်မူတဲ့အတိုင်း မ္လေအိုးလုပ်ဆမားရဲ့ မ္လေယာအတွက် ဟဲင်းပိုက်ဆံတေကော် ပေးကြဟယ်" ဆိုတဲ့ အရိယာဆူတော်စင် ယေရမိအနေန ဟောကြားခဲ့တဲ့ ကျမ်းချက်မှာ ပ္လေ့စုံမှန်ကန်ဟားလေဟယ်။ 11ကိုယ်တော်ယေရှုဟ ဘုရင်ခံရဲ့ရှေ့မှာ ရပ်ပြီးတဲ့အခါ ဘုရင်ခံဟ ကိုယ်တော်ကော် "သင်ဟ ဂျူးလူမျိုးတေရဲ့ ဘုရင်လား" လောက် မေးခါ ကိုယ်တော်ဟ "သင်ပြောတဲ့အတိုင်းပဲ ဖြစ်ဟယ်" လောက် ပ္လန်လည်မိန့်ဆိုလေဟယ်။ 12ဟဲင်းပေမဲ့ ဂျူးပုရောဟိတ်အကြီးအကဲတေန လူမျိုးခေါင်းဆောင်တေရဲ့ စွပ်စွဲပြောဆိုဟာတေကော် ကိုယ်တော်ဟ ဖယ်ဟာကော်မှ ပ္လန်လည်ဖြေကြားခြင်းမရှိခဲ့ပေ။ 13ဟဲင်းခါ ပိလတ်ဘုရင်ခံဟ ကိုယ်တော်ကော် "ဆူ့တော့တေ သင့်ကော် ဟဲင်းလောက် စွပ်စွဲပြောဆိုနေကြဟာကော် မကြားဘူးလား" လောက် မေးလေဟယ်။ 14ဟဲင်းပေမဲ့ ကိုယ်တော်ဟ စကားတစ်ခွန်းမှ ပ္လန်လည်ပြောကြားခြင်း မရှိပဲညောင်း ဘုရင်ခံဟ အကြီးကျယ်အံ့အားဆင့်လေဟယ်။ 15ပသခါပွဲတော်နေ့တိုင်းမှာ ဘုရင်ခံဟ အကျဉ်းဆားတစ်ယောက်ကော် လူထုဆန္ဒအရ လွှတ်ပေးလေ့ရှိဟယ်။ 16ဟဲင်းအချိန်မှာ ဗာရဗ္ဗလောက်ခေါ်တဲ့ နံမေဆိုးန ကျော်ကြားတဲ့ အကျဉ်းဆားတစ်ယောက်လဲ ရှိနေလေဟယ်။ 17ဟဲင်းကြောင့် လူတေစုဝေးလာကြတဲ့အခါမှာ ပိလတ်ဘုရင်ခံဟ "သင်တော့ဟ ငါ့ကော် မဆူ့ကော် လွှတ်ပေးစေချင်ကြဟား။ ဗာရဗ္ဗကော်လား မဟုတ်ပဲလောက် ကယ်တင်ရှင်ခရစ်တော်လောက်ပြောကြတဲ့ ယေရှုကော်လား" လောက် ဆူ့တော့ကော် မေးလေဟယ်။ 18ဟဲင်းသလဲမေးဟာဟ ဆူ့တော့ဟ မနာလိုစိတ်န ကိုယ်တော်ယေရှုကော် ပိလတ်ဘုရင်ခံနား အပ်နှံကြကြောင်းကော် ပိလတ်ဟ ဆိညောင်းဖြစ်ဟယ်။ 19ပိလတ်ဘုရင်ခံဟ တရားစီရင်တဲ့နေရာမှာ ထိုင်နေချိန်မှာ ဆူ့ရဲ့မိန်းမဟ ဆူ့နားကော် လူလွှတ်မောက် "ဟဲင်းအပြစ်ကင်းစင်တဲ့လူကော် ဖယ်လဲမလုပ်ပါနဲ့။ စာလောက်ဟားဆိုခါ ဆူ့ရဲ့အကြောင်းကော် အိမ်မက်မက်ညောင်း ကျွန်မဟ ခုနေ့တစ်နေ့လုံး စိတ်ဒုက္ခရောက်နေရပါဟယ်" လောက် မှာကြားလိုက်လေဟယ်။ 20ဂျူးပုရောဟိတ်အကြီးအကဲတေန လူမျိုးခေါင်းဆောင်တေဟ လူထုပရိတ်ဆတ်ကော် ကိုယ်တော်ယေရှုကော် ဆေဒဏ်ပေးမောက် ဗာရဗ္ဗကော် လွှတ်ပေးဖော့ တောင်းဆိုဖော့ စည်းရုံးကြလေဟယ်။ 21ဘုရင်ခံဟ လူထုကော် "အဲလူနှေယောက်ထဲဟ မဆူ့ကော် လွှတ်ပေးစေချင်ဟား" လောက် မေးခါ ဆူ့တော့ဟ "ဗာရဗ္ဗ" လောက် ဖ္လေကြလေဟယ်။ 22ပိလတ်ဘုရင်ခံဟလဲ "ဟဲင်းလဲဆိုခါ ကယ်တင်ရှင်ခရစ်တော် လောက်ခေါ်တဲ့ယေရှုကော် ငါစာလုပ်ရမဟား" လောက် မေးခါ ဆူ့တော့အကုန်ဟုန်းဟ "လက်ဝါးကပ်တိုင်ပေါ်ကော် တင်မောက် ဆတ်လိုက်ပါ" လောက် ဖ္လေကြလေဟယ်။ 23ဟဲင်းခါ ပိလတ်ဘုရင်ခံဟ "စာလောက်ဟား။ ဆူဟ ဖယ်လဲပြစ်မှုကော် ကျူးလွန်ခဲ့လောက်ဟား" လောက် မေးလေဟယ်။ ဟဲင်းပေမဲ့ ဆူ့တော့ဟ "ဆူ့ကော် လက်ဝါးကပ်တိုင်ပေါ်တင်မောက် ဆတ်လိုက်ပါ" လောက်ပဲ အက္လယ်ဟုန်း အော်ဟစ်ပြောဆိုကြလေဟယ်။ 24ဟဲင်းခါ ပိလတ်ဘုရင်ခံဟ ဖယ်လဲမတတ်နိုင်ဘဲ လူတေရုန်းရင်းဆန်ခတ်ဖြစ်လာဟာကော် မြင်ခါ ရေကော်ယူမောက် လူထုပရိတ်ဆတ်တေရှေ့မှာ ဆူ့ရဲ့လက်ကော်ဆေးမောက် "ဟဲင်းသလဲ အပြစ်ကင်းစင်ဆမားကော် ဆတ်တဲ့အမှုမှာ ငါနစားမဆိုင်ဝူး။ အဲဟာသင်တော့နပဲ ဆိုင်ဟယ်" လောက် ဆိုလေဟယ်။ 25လူအပေါင်းတော့ဟလဲ "ဆူ့ကော် ဆတ်တဲ့အမှုဟ ကျွန်ုပ်တော့န ကျွန်ုပ်တော့ရဲ့ ဆားစဉ်မ္လေးဆက်နဲ့ပဲ ဆိုင်ပါစေ" လောက် ဆိုကြလေဟယ်။ 26ပြီးခါ ပိလတ်ဘုရင်ခံဟ ဗာရဗ္ဗကော် လွှတ်ပေးလိုက်မောက် ကိုယ်တော်ယေရှုကော် ကြာပွတ်နရိုက်မောက် အပြစ်ပေးပြီးခါ လက်ဝါးကပ်တိုင်ပေါ်တင်မောက် ဆတ်ဖော့ အပ်နှံလိုက်လေဟယ်။ 27ပြီးခါ ဘုရင်ခံရဲ့စစ်ဆားတေဟ ကိုယ်တော်ယေရှုကော် ရုံးတော်အထဲကော် ခေါ်ဆောင်ဟားကြမောက် တပ်ဖွဲ့တစ်ဖွဲ့လုံးဟလဲ စုဝေးပြီးခါ ကိုယ်တော်နားကော် လာကြလေဟယ်။ 28ဆူ့တော့ဟ ကိုယ်တော်ရဲ့အဝတ်တေကော် ခွတ်မောက် အနီရောင်တောက်ပတဲ့ ဝတ်ရုံတစ်ခုကော် ဝတ်ပေးကြဟယ်။ 29ဆူးခက်တေန သရဖူပုံစံတစ်ခုလုပ်မောက် ကိုယ်တော်ရဲ့ခေါင်းမှာ ဆောင်းပေးမောက် တောင်ဝှေးတစ်ချောင်းကော် ညာဖက်လက်မှာ ကိုင်ဆောင်စေပြီးခါ ကိုယ်တော်ရဲ့ ရှေ့မှာ ဒူးထောက်မောက် "ဂျူးလူမျိုးတေရဲ့ ဘုရင်ကော် အရိုအဆေပေးပါဟယ်" လောက် လှောင်ပြောင်ပြောဆိုကြဟယ်။ 30ပြီးခါ ကိုယ်တော်ကော် ဆံထွေးန ထွေးကြမောက် တောင်ဝှေးကော်ယူမောက် ခေါင်းကော် အကြိမ်ကြိမ် ရိုက်နှက်ကြဟယ်။ 31ဆူ့တော့ဟ ဟဲင်းလဲကိုယ်တော်ကော် လှောင်ပြောင်ရယ်မောပြီးတဲ့အခါ အနီရောင်ဝတ်ရုံကော် ခွတ်မောက် ကိုယ်တော်ရဲ့အဝတ်ကော် ပ္လန်ဝတ်စေပြီးခါ လက်ဝါးကပ်တိုင်ပေါ်မှာ တင်ဖော့ ကိုယ်တော့်ကော် ခေါ်ဆောင်ဟားကြလေဟယ်။ 32ဆူ့တော့ထွက်ဟားကြချိန်မှာ ကုရေနေမြို့မှလာတဲ့ ရှိမုန်ဆိုတဲ့ ယောက်ျားတစ်ယောက်ကော် မြင်ညောင်း ဆူ့တော့ဟ ဟဲင်းလူကော် ကိုယ်တော်ရဲ့လက်ဝါးကပ်တိုင်ကော် အတင်းအကျပ်ထမ်းစေပြီးခါ ဆူ့တော့နအတူ လိုက်ပါလာစေလေဟယ်။ 33ဟဲင်းလဲန ဆူ့တော့ဟ "ဦးခေါင်းခွံအရပ်" လောက် အဓိပ္ပာယ်ရတဲ့ ဂေါလဂေါသလောက် နံမေတွင်တဲ့အရပ်ကော် ရောက်ကြခါ 34ဆူ့တော့ဟ ကိုယ်တော်ကော် ဆေးခါးနရောဟားတဲ့ ဝိုင်ကော် တိုက်ကြလေဟယ်။ ဟဲင်းပေမဲ့ ကိုယ်တော်ဟ ဟဲင်းဝိုင်ကော် မြည်းစမ်းကြည့်ပြီးခါ ဆောက်ဖော့ ငြင်းတော်မူဟယ်။ 35ပြီးခါ ဆူ့တော့ဟ ကိုယ်တော်ကော် လက်ဝါးကပ်တိုင်ပေါ်မှာ တင်ကြမောက် ကိုယ်တော်ရဲ့အဝတ်တေကော် မဲနှိုက်မောက် ခွဲဝေယူကြလေဟယ်။ 36ပြီးခါ ဆူ့တော့ဟ ဟဲင်းနေရာမှာ ထိုင်ကြမောက် ကိုယ်တော့်ကော် စောင့်ကြပ်နေကြလေဟယ်။ 37ကိုယ်တော်ရဲ့ဦးခေါင်းအထက်မှာ "အဲလူဟ ဂျူးလူမျိုးတော့ရဲ့ဘုရင်ယေရှု ဖြစ်ဟယ်" ဆိုတဲ့ စွပ်စွဲချက်ကော် တပ်ထားလေဟယ်။ 38စစ်ဆားတေဟ ဓားမြနှေယောက်ကော်လဲ ကိုယ်တော်ရဲ့ ညာဖက်မှာ တစ်ယောက်၊ ဘယ်ဖက်မှာ တစ်ယောက် လက်ဝါးကပ်တိုင်ပေါ်တင်ကြလေဟယ်။ 39ဖ္လတ်ဆွားလာကြတဲ့ လူတေဟလဲ ဆူ့တော့ရဲ့ခေါင်းတေကော် ခါရမ်းမောက် 40"ဗိမာန်တော်ကော် ဖျက်မောက် ဆုံးရက်အတွင်း ပ္လန်ဆောက်ပြမဲင်ဆိုတဲ့လူ၊ သင့်ကိုယ်သင် ကယ်ပါအုံး။ သင်ဟ ဘုရားရှင်ရဲ့ဆားတော်မှန်ခါ လက်ဝါးကပ်တိုင်ပေါ်ဟ ဆင်းလာခဲ့ပါ" လောက် ကိုယ်တော့်ကော် စော်ကား ပြောဆိုကြလေဟယ်။ 41ဟဲင်းနည်းတူပဲ ဂျူးပုရောဟိတ်အကြီးကဲတေ၊ ကျမ်းတတ်ဆရာတေန၊ လူမျိုးခေါင်းဆောင်တေဟလဲ ကိုယ်တော့်ကော် 42"ဆူဟ တခြားလူတေကော် ကယ်တင်လယ်ဝ ဆူ့ကိုယ်ဆူခါ မကယ်နိုင်ဘူး။ အစ္စရေးလူမျိုးတေရဲ့ ဘုရင်လောက် ဆူ့ကိုယ်ဆူ ခံယူနေဟာလား။ ဆူခုတခါတည်း လက်ဝါးကပ်တိုင်ပေါ်ဟနေ ဆင်းလာနိုင်မှ ငါတော့ဆူ့ကော် ယုံကြည်မဲင်။ 43ဆူဟ ဘုရားရှင်ကော် ယုံကြည်မောက် ဆူ့ကိုယ်ဆူ ဘုရားရှင်ရဲ့ဆားတော်လောက် ခံယူနေဟယ်။ ဟဲင်းကြောင့် ခုဆူ့ကော် ဘုရားရှင်ဟကယ်ဖော့ အလိုတော်ရှိမရှိကော် စောင့်ကြည့်ကြမဲင်" လောက် လှောင်ပြောင်ပြောဆိုကြဟယ်။ 44ကိုယ်တော်နအတူ လက်ဝါးကပ်တိုင်ပေါ်မှာ တင်ထားဟာခံရတဲ့ ဓားပြတေဟလဲ ကိုယ်တော့်ကော် ဟဲင်းနည်းတူ စော်ကားပြောဆိုကြလေဟယ်။ 45မွန်းတည့်ချိန်ဟနေစမောက် မွန်းလွဲဆုံးနာရီအထိ မ္လေပြင်တစ်ခွင်လုံး မှောင်မိုက်နေလေဟယ်။ 46မွန်းလွဲဆုံးနာရီလောက်မှာ ကိုယ်တော်ယေရှုဟ အဆံအက္လယ်ဟုန်းန "ဧလိ၊ ဧလိ၊ လာမာရှာဗခသာနိ" လောက် အော်ဟစ်တော်မူလေဟယ်။ ဟဲင်းဟာရဲ့အဓိပ္ပာယ်မှာ "အကျွန်ုပ်ရဲ့ဘုရား၊ အကျွန်ုပ်ရဲ့ဘုရား၊ ကျွန်ုပ်ကော် စာလောက်စွန့်ပစ်တော်မူဟား" ဆိုမောက်ဖြစ်ဟယ်။ 47ဟဲင်းအရပ်မှာ ရပ်နေဆမားအချို့ဟ ကြားတဲ့အခါ ဆူ့တော့ဟ "ဆူဟ ဧလိယကော် ခေါ်နေဟယ်" လောက် ဆိုကြလေဟယ်။ 48ဆူ့တော့ထဲမှ တစ်ယောက်ဟ တခါတည်းပ္လေးမောက် ရေမြှုပ်တစ်ခုကော် ယူမောက် ဝိုင်ချဉ်a န စိမ်ပြီးခါ ဟဲင်းဟာကော် ကျူရိုးထိပ်မှာ တပ်မောက် ကိုယ်တော် ဆောက်ဖော့ပေးလေဟယ်။ 49ဟဲင်းပေမဲ့ တခြားလူတေဟ "ဧလိယဟ ဆူ့ကော် ကယ်ဖော့ လာမလား မလာဘူးလားဆိုဟာ စောင့်ကြည့်ရအောင်" လောက် ဆိုကြဟယ်။ 50ပြီးခါ ကိုယ်တော်ယေရှုဟ နောက်တခါ အဆံအက္လယ်ဟုန်းန ကြွေးကြော်ပြီးခါ ဆူ့ရဲ့အဆက်ကော် စွန့်တော်မူလေဟယ်။ 51ဟဲင်းအချိန်မှာ ဗိမာန်တော်ရှိ ကန့်လန့်ကာကူးဟ အထက်မှအောက်ကော် နှေခြမ်းကွဲဟားမောက် မ္လေကြီးဟလဲ တုန်ခါမောက် ကျောက်ဆောင်တေဟလဲ အက်ကွဲကြဟယ်။ 52ဟဲင်းအပြင် စုတ်စံဂူတေလဲ ပွင့်လာမောက် ဆေဟားခဲ့တဲ့ ဆူတော်စင်အများဟုန်းဟလဲ အဆက်ပ္လန်ရှင်လာကြဟယ်။ 53ကိုယ်တော် အဆက်ပ္လန်ရှင်တော်မူပြီးခါ ဟဲင်းလူတေဟ ဆူ့တော့ရဲ့ စုတ်စံဂူဟနေ ထွက်လာခဲ့ကြမောက် မြင်မြတ်သန့်စင်တဲ့ မြို့တော်ကော် ဝင်ရောက်ဟားကြဟာကော် အကြီးကျယ်များတဲ့လူတေဟ မြင်ခဲ့ကြရဟယ်။ 54တပ်မှူးန ကိုယ်တော်ယေရှုကော် စောင့်ကြည့်နေဆမားတေဟ မ္လေငလျင်လှုပ်ခြင်းန ဖြစ်ပျက်ဆမျှ အကြောင်းအရာတေကော် မြင်တွေ့ကြရတဲ့အခါ အကြီးကျယ်ကြောက်ဟားမောက် "အဲလူဟ ဟုတ်တည်းတည်း ဘုရားရှင်ရဲ့ဆားတော်ဖြစ်လေဟယ်" လောက် ပြောဆိုကြလေဟယ်။ 55ကိုယ်တော်ယေရှုကော် အလုပ်အကျွေးပြုစုမောက် ဂါလိလဲနယ်ဟနေ ကိုယ်တော့်နောက်ကော် လိုက်ပါလာကြတဲ့ မိန်းမတေဟလဲ ဟဲင်းနေရာမှာရှိနေကြမောက် အဝေးဟနေ လှမ်းကြည့်နေကြလေဟယ်။ 56ဆူ့တော့အထဲမှာ မာဂဒလမြို့ဆူ မာရိ၊ ယာကုပ်န ယောသပ်ရဲ့မိခင်ဖြစ်တဲ့ မာရိန ဇေဗေဒဲရဲ့မိန်းမတော့ ပါလေဟယ်။ 57ညခင်းနီးအချိန်ကော် ရောက်တဲ့အခါ အရိမဿဲမြို့ဟနေ လူချမ်းဆာတစ်ယောက်ဖြစ်မောက် ကိုယ်တော်ယေရှုရဲ့ တပဲ့တော်လဲဖြစ်တဲ့ ယောသပ်ဆိုလူ ရောက်လာလေဟယ်။ 58ဆူဟ ပိလတ်ဘုရင်ခံနားကော် ချဉ်းကပ်မောက် ကိုယ်တော်ယေရှုရဲ့ ရုပ်အလောင်းကော် တောင်းခံညောင်း ပိလတ်ဘုရင်ခံဟလဲ ကိုယ်တော်ရဲ့ ရုပ်အလောင်းကော် ယောသပ်ကော် ပေးလိုက်ဖော့ အမိန့်ပေးလေဟယ်။ 59ပြီးခါ ယောသပ်ဟ ကိုယ်တော်ရဲ့ရုပ်အလောင်းကော် ယူမောက် ဖြူစင်တဲ့ ပိတ်ချောစန ရစ်ပတ်ပြီးခါ 60ကျောက်ဆောင်ကူးမှာ ထွင်းထုထားတဲ့ ဆူပိုင်ဆိုင်တဲ့ စုတ်စံဂူအဆစ်မှာ လှိုင်းမောက် ထားလေဟယ်။ ပြီးခါ ဆူဟ အကြီးကျယ်ကူးတဲ့ ကျောက်တုံးကူးကော် လှိမ့်မောက် ဂူဝကော် ပိတ်ဟားမောက် ပ္လန်ဟားလေဟယ်။ 61မာဂဒလမြို့ဆူမာရိန တခြားမာရိတော့ဟလဲ ဟဲင်းနေရာမှာ ရှိနေကြမောက် စုတ်စံဂူဝရဲ့ မျက်နှာချင်းဆိုင်ဖက်မှာ ထိုင်နေကြလေဟယ်။ 62နောက်တစ်နေ့ဟ ဥပုသ်နေ့ဖြစ်မောက် ဂျူးပုရောဟိတ်အကြီးအကဲတေန ဖာရိရှဲတေဟ ပိလတ်ဘုရင်ခံနားမှာ စုဝေးလာကြမောက် 63ဆူ့တော့ဟ ပိလတ်ကော် "အရှင်၊ ဟဲင်းလူလိမ် မဆေခင်ဟ 'ငါဟ ဆေပြီး ဆုံးရက်အကြာမှာ အဆက်ပ္လန်ရှင်မဲင်' လောက် ပြောခဲ့ဟာကော် ကျွန်ုပ်တော့ မှတ်မိဟယ်။ 64ဟဲင်းကြောင့် ဆုံးရက်ကြာတဲ့အထိ စုတ်စံဂူကော် စောင့်ကြပ်ထားဖော့ အမိန့်ပေးပါ။ မဟုတ်ပဲလောက်ရှိခါ ဆူ့ရဲ့တပဲ့တေဟ ရုပ်အလောင်းကော် လာခိုးမောက် 'ဆူဟ ဆေရာဟနေ အဆက်ပ္လန်ရှင်ဟားဝေါက်' လောက် ပြောကြလိမ့်မဲင်။ နောက်ဆုံးလိမ်ညာဟာဟ အရင်လိမ်ညာဟာထက် ပိုဆိုးနေလိမ့်မဲင်" လောက် လျှောက်တင်ကြလေဟယ်။ 65ပိလတ်ဘုရင်ခံဟလဲ ဆူ့တော့ကော် "အစောင့်တေကော် ခေါ်မောက် သင်တော့တတ်နိုင်ဆလောက် လုံခြုံအောင် စောင့်ကြပ်ကြပါ" လောက် ပြောလေဟယ်။ 66ဟဲင်းကြောင့် ဆူ့တော့ဟ စုတ်စံဂူကော် ဆွားရောက်မောက် ကျောက်တုံးကော် တံဆိပ်ခတ်မောက် ပိတ်ဆို့ပြီးခါ စောင့်ခ္လထားလိုက်ကြဟယ်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the Intha NT is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.