Fulatika Maxaafa E'yichcho
E'yichcho
Kunni fulatik maxaafi haaso'a'neexi yaane shoole umo umo affeexxe yaanuwwa'ni qoodendaani.
1. Ibiritotixa garbummatenaa'n fula; 2. Siinaxxe koobaba'a me'a; 3. Siinaxxe kooba'ni Mageni Isira'eelike ardi'a aageexxa kako; ookkonna manji manjiki hitta gaalaaxxa kulaaka, ardi duuchchi hitta galaaxxa kulaakanna addetika seera uwweexa; 4. Isira'eeliki ardi Mageno magenoonfataaka booncho giissa, qeesotiinka seeranna Mageno magenoofantatika seera kulaani.
Duuchchiinxenaa'ni irra kunni maxaafi haaso'a'neexxi Mageni garbummate'ni hedhemmaka arda garbumma fulcheechchi uduma edi'a umo ifika dande'eeke arda kadaaxxa adde hitta uwwaammaxxen.
Konne maxaafixxe jirte giddo umoke kade leella'neeki manji, Isira'eelika arda garbummatenaa'ni fulchaashsha Mageni fi'leeke Muuseten. Maxaafi ba'la qicinni ege'nemeexi kuta hafuura adhdha lame tomme'ni hexxeexxe tomme ajajuwwixxe kutan.
Konne Maxaafi Giddo Hexxeexxa Yaanuwwa
Isira'eelike Ardixxa Garbumma 1:1—15:21
Gibtseke Boga'ni Garbumma Gala 1:1-22
Muusexxa Ilenshanna Nophphichcho 2:1—4:31
Muusenna Aarooni Moyanji Edo 5:1—11:10
Angafa Shiltaaxxa Ergannanna Isira'eelike Ardixxa Gibtsee'ni Fula 12:1—15:21
Diimmoxxe Abbaayyanaa'ni Siinaxe Kooba Qico'ni 15:22—18:27
Seeranna Kako Aaggo 19:1—24:18
Woyyichcha Seemmati Giissineeka Fooqonna Mageneeffachchotixxa Aada 25:1—40:38
Currently Selected:
Fulatika Maxaafa E'yichcho: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia