1 oKorotiyawa 5
5
Epwo Ikweyi ke Eba Boba
1Anani, Ashumepwo mo ashishini kala ba beba kotata, edo koza ni awase ni gyo Owuso lo ba yalo ni: npwo mo ashe ipu kala ya myo onya ka ada nu. 2Ojiya ni ala ba gwabotu kpoza mani? Ala shu ko byotu nwashika, kweyi yo ongo ni yoza mani ngma shipu kema kala. 3Ko ni nyyebe ni kpala ipu kikpiye lo ni, nyyo kpala ipu ko omaku. Ipu kiye ka Adole nkwobonu kwase ni yoza labi mani epwo wa, byun yebeni kpala ni. 4Mani oni ishini ala gbayi dudu, ipu kiye ka Adole Oyesu, nyyo kpala ipu ko Omaku, kweyi oshu ka Adole kaha Oyesu yo kpala, 5ala yo ongo mani nabo di Ibiri shini ona yikpiye nu kozalabi yi ngmo, shini ana ngmo omaku nu Eno ka Adole.
6Ala shu ko gwabotu kpoza mani lo! Ala gye mo, <<Oyisi gbayayi ni ya yi ikyoga ya nu lalo?>> 7Ala yoyisi nekye ko ozalabi ngma shini ozalabi naka yipu kala lo. Ome ala ba lema byi ikyoga pepe ni gbo oyisi lo, ko okwokwoshi ngye mo ala lema ni. Ikweyi koni akwobonu yo Okristi ni wo Oyi ko Otukpo ki Imya ko Osheyi ni yi peshi wa. 8Mani oni, an rimya ko Osheyi kaha, kpi ikyoga ni gbo Oyisi nekye ko ozalabi kpotu bibi ni lalo, an re kpi ikyoga ni ke gboyisi lo ni, ikyoga kotu neshi kpo okwokwoshi.
9Ipu kokpa ni nta dala ni, nka dala mala ka rema kawo beba lo. 10Nyya kela kase kese mani ni ba beba ki gba afu ni lalo, kwe awo yimu koza diyiwa, kwe awowi, kwe awo geyagye deka lalo. Owa koni ala ba she ese bita kpiri-kpiri. 11Ozani nyya kani yoma, ase ni ya yiyinu ogwu manu wi inogboso Oyesu kweyi ke ya beba ki gbafu, ya geyagye deka, ya yase ishi, ya gwinyi kwe oya wiyi, ala ka rema nu lo. Ala ka roza kpedo kasuse mani lo kpiri-kpiri.
12Onya wakaka hin ko kepwo kase ni bese ni? Ase ni bipu koda ko Owuso ni pini ala ba kepwo wa lalo? 13Owuso ya kepwo kase ni bese ni. <<Ala yase bibi ngma shipu kala.>>
Currently Selected:
1 oKorotiyawa 5: ALA
Highlight
Copy
Compare
Share
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
1 oKorotiyawa 5
5
Epwo Ikweyi ke Eba Boba
1Anani, Ashumepwo mo ashishini kala ba beba kotata, edo koza ni awase ni gyo Owuso lo ba yalo ni: npwo mo ashe ipu kala ya myo onya ka ada nu. 2Ojiya ni ala ba gwabotu kpoza mani? Ala shu ko byotu nwashika, kweyi yo ongo ni yoza mani ngma shipu kema kala. 3Ko ni nyyebe ni kpala ipu kikpiye lo ni, nyyo kpala ipu ko omaku. Ipu kiye ka Adole nkwobonu kwase ni yoza labi mani epwo wa, byun yebeni kpala ni. 4Mani oni ishini ala gbayi dudu, ipu kiye ka Adole Oyesu, nyyo kpala ipu ko Omaku, kweyi oshu ka Adole kaha Oyesu yo kpala, 5ala yo ongo mani nabo di Ibiri shini ona yikpiye nu kozalabi yi ngmo, shini ana ngmo omaku nu Eno ka Adole.
6Ala shu ko gwabotu kpoza mani lo! Ala gye mo, <<Oyisi gbayayi ni ya yi ikyoga ya nu lalo?>> 7Ala yoyisi nekye ko ozalabi ngma shini ozalabi naka yipu kala lo. Ome ala ba lema byi ikyoga pepe ni gbo oyisi lo, ko okwokwoshi ngye mo ala lema ni. Ikweyi koni akwobonu yo Okristi ni wo Oyi ko Otukpo ki Imya ko Osheyi ni yi peshi wa. 8Mani oni, an rimya ko Osheyi kaha, kpi ikyoga ni gbo Oyisi nekye ko ozalabi kpotu bibi ni lalo, an re kpi ikyoga ni ke gboyisi lo ni, ikyoga kotu neshi kpo okwokwoshi.
9Ipu kokpa ni nta dala ni, nka dala mala ka rema kawo beba lo. 10Nyya kela kase kese mani ni ba beba ki gba afu ni lalo, kwe awo yimu koza diyiwa, kwe awowi, kwe awo geyagye deka lalo. Owa koni ala ba she ese bita kpiri-kpiri. 11Ozani nyya kani yoma, ase ni ya yiyinu ogwu manu wi inogboso Oyesu kweyi ke ya beba ki gbafu, ya geyagye deka, ya yase ishi, ya gwinyi kwe oya wiyi, ala ka rema nu lo. Ala ka roza kpedo kasuse mani lo kpiri-kpiri.
12Onya wakaka hin ko kepwo kase ni bese ni? Ase ni bipu koda ko Owuso ni pini ala ba kepwo wa lalo? 13Owuso ya kepwo kase ni bese ni. <<Ala yase bibi ngma shipu kala.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA