oRoma 16
16
Ogbogba hin
1Ngbela neshi ko kadala ikweyi ko oyene ka Ofibi, ino yoko ipu koda ko Owuso ni yo Osenkiriya ni. 2Ala zo ipu kiye ka Adole, byoni ase ko Owuso baya ni, kweyi ala tabo kpoza ni oya doka ebe kala ni; ikweyi koni otase nwashika abo ka mami.
3To Oprisila kpo Akwila ogbogba dami, awoya koko hin ipu koko ko Okristi Oyesu. 4Ayo olayi wa kwabo ikweyin. Ami fufun pi ya shotunehe dawa lalo, koda ko Owuso kpiri ni wase ko Oyahuda lo ni. 5Ki tase ko Owuso ni ba gbayi ole wa ni ogbogba.
Toya hin ke Epenetus ogbogba, anu ni wa kikyikyo ko totuso Okristi okpagye ko Asiya ni. 6To Omeremu ogbogba, anu ni ya yoko kotata dala ni. 7Ta Andronikus kpo Ojuniya ogbogba, ase ko Oyahuda ka ni bo oruduru kpami ishi oye ni; agyuwa neneshi ipu kayole ko Oyesu, kweyi azo Oyesu kwobonu dami.
8Nki ya ta Ampilatus ogbogba, oya hin moshi ipu kema ka Adole. 9To Obanus ogbogba, oya koko ka ipu koko ko Okristi, ki toya hin moshi ko Ostakis ogbogba dami. 10Ta Apeles ogbogba, anu ni amoma kweyi tanu ya geyagye gyogye ipu ko Okristi ni. Tase kole ka Aristobulus ogbogba dami. 11To Oherodiyo ni wase ko Oyahuda ka ni ogbogba, kpase kipwoma ko Onakisus ni bipu ka Adole.
12To Otrafina kpo Otrafosa ogbogba, anya mani yoko kotata ipu ka Adole. Ki toya hin moshi ko Opasis ni yoko nwashika da Adole ni ogbogba. 13To Orufus ogbogba, anu ni ashu ipu ka Adole ni, kpinanu ni ki wene dami ni. 14Ta Asinkritus ogbogba, kpo Oflegon, kpo Ohames, kpo Opatrobas, kpo Ohamas kpayene ashini ni baba kpawa ni. 15To Ofilologos kpo Ojuliya ogbogba, ki to Oneriyos kpo oyinanu nonya ogbogba, kpo Olipasi kpase ko Owuso kpiri.
16Ala tiyikala ogbogba kweyi kwiyikala botu ipu ko neshi ko Okristi. Awoda ko Owuso kpiri mo na talogbogba.
Akpaha Pyopyi Ko gwejeji
17Nyya bala, ayene hin, ala gbera kpawino yikweyi kase ko kweyi ki ba yoza sowe ko yase shikawu showe koza ni ala fu ni bita. Ala gwowe wa tagye. 18Koni awase ni ba yoza mani ba yoko da Adole Okristi lalo, aba ya ela kipu wa la. Bwebe kokwunu lonye wa kpo shase iye kokame aba gyawase ni gyozalabi lo ni egya. 19Ananoho pwela kogeyagye kala, mani oni nshotunehe kotata ikweyi kala; nke ya yimu shini ala ziyi ikweyi koza ni woza neshi ni, kweyi wase ni gyojije lo ikweyi kozalabi. 20Owuso ine komene ya yi Ibiri da eye kikpo kala.
Oneshi ka Adole ka Oyesu na yo kpala.
21Otimoti, oya koko hin ya talogbogba; mamani Olusiyos, kpo Ojason, kpo Ososipata, awa ni wase ko Oyahuda kpami dudu ni.
22Ami Otatiyos ni abo hin tokpa mani, ya talogbogba ipu ka Adole.
23Ogayos ni ami yole nu, ase ko Owuso kpiri ki ba gbayi ole nu ni ya talogbogba, Erastos ino byolashiko ko ogya, kpoyene ka ko Okwatus ba talogbogba. 24Adole Oyesu Okristi na sala aboneshi kpiri kala. Nalemani!
Ogwejeji Kinarigwu Kotunehe
25An sho Owuso iye! Anu ni gege ko yala hagye giri ipu koshu neshi kpono totu ko Oyesu Okristi ni ntu dala ni, bwebe ko sayi koza ni ayi teba bwawoyi ni shigbo ga nekye-nekye ni. 26Anani oke sayi nu kweyi yase gyo ipu kenena kawobane bwebe ko ono ko Owuso ko gbogbo-gbogbo, shini okpagye kpiri na totuso na ki geyagye danu.
27Igyashi wa ko Owuso, anu fufunu ni wine koziyi ni, bwebe ko Oyesu Okristi ko gbogbo-gbogbo! Nalemani.
Currently Selected:
oRoma 16: ALA
Highlight
Copy
Compare
Share
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA
oRoma 16
16
Ogbogba hin
1Ngbela neshi ko kadala ikweyi ko oyene ka Ofibi, ino yoko ipu koda ko Owuso ni yo Osenkiriya ni. 2Ala zo ipu kiye ka Adole, byoni ase ko Owuso baya ni, kweyi ala tabo kpoza ni oya doka ebe kala ni; ikweyi koni otase nwashika abo ka mami.
3To Oprisila kpo Akwila ogbogba dami, awoya koko hin ipu koko ko Okristi Oyesu. 4Ayo olayi wa kwabo ikweyin. Ami fufun pi ya shotunehe dawa lalo, koda ko Owuso kpiri ni wase ko Oyahuda lo ni. 5Ki tase ko Owuso ni ba gbayi ole wa ni ogbogba.
Toya hin ke Epenetus ogbogba, anu ni wa kikyikyo ko totuso Okristi okpagye ko Asiya ni. 6To Omeremu ogbogba, anu ni ya yoko kotata dala ni. 7Ta Andronikus kpo Ojuniya ogbogba, ase ko Oyahuda ka ni bo oruduru kpami ishi oye ni; agyuwa neneshi ipu kayole ko Oyesu, kweyi azo Oyesu kwobonu dami.
8Nki ya ta Ampilatus ogbogba, oya hin moshi ipu kema ka Adole. 9To Obanus ogbogba, oya koko ka ipu koko ko Okristi, ki toya hin moshi ko Ostakis ogbogba dami. 10Ta Apeles ogbogba, anu ni amoma kweyi tanu ya geyagye gyogye ipu ko Okristi ni. Tase kole ka Aristobulus ogbogba dami. 11To Oherodiyo ni wase ko Oyahuda ka ni ogbogba, kpase kipwoma ko Onakisus ni bipu ka Adole.
12To Otrafina kpo Otrafosa ogbogba, anya mani yoko kotata ipu ka Adole. Ki toya hin moshi ko Opasis ni yoko nwashika da Adole ni ogbogba. 13To Orufus ogbogba, anu ni ashu ipu ka Adole ni, kpinanu ni ki wene dami ni. 14Ta Asinkritus ogbogba, kpo Oflegon, kpo Ohames, kpo Opatrobas, kpo Ohamas kpayene ashini ni baba kpawa ni. 15To Ofilologos kpo Ojuliya ogbogba, ki to Oneriyos kpo oyinanu nonya ogbogba, kpo Olipasi kpase ko Owuso kpiri.
16Ala tiyikala ogbogba kweyi kwiyikala botu ipu ko neshi ko Okristi. Awoda ko Owuso kpiri mo na talogbogba.
Akpaha Pyopyi Ko gwejeji
17Nyya bala, ayene hin, ala gbera kpawino yikweyi kase ko kweyi ki ba yoza sowe ko yase shikawu showe koza ni ala fu ni bita. Ala gwowe wa tagye. 18Koni awase ni ba yoza mani ba yoko da Adole Okristi lalo, aba ya ela kipu wa la. Bwebe kokwunu lonye wa kpo shase iye kokame aba gyawase ni gyozalabi lo ni egya. 19Ananoho pwela kogeyagye kala, mani oni nshotunehe kotata ikweyi kala; nke ya yimu shini ala ziyi ikweyi koza ni woza neshi ni, kweyi wase ni gyojije lo ikweyi kozalabi. 20Owuso ine komene ya yi Ibiri da eye kikpo kala.
Oneshi ka Adole ka Oyesu na yo kpala.
21Otimoti, oya koko hin ya talogbogba; mamani Olusiyos, kpo Ojason, kpo Ososipata, awa ni wase ko Oyahuda kpami dudu ni.
22Ami Otatiyos ni abo hin tokpa mani, ya talogbogba ipu ka Adole.
23Ogayos ni ami yole nu, ase ko Owuso kpiri ki ba gbayi ole nu ni ya talogbogba, Erastos ino byolashiko ko ogya, kpoyene ka ko Okwatus ba talogbogba. 24Adole Oyesu Okristi na sala aboneshi kpiri kala. Nalemani!
Ogwejeji Kinarigwu Kotunehe
25An sho Owuso iye! Anu ni gege ko yala hagye giri ipu koshu neshi kpono totu ko Oyesu Okristi ni ntu dala ni, bwebe ko sayi koza ni ayi teba bwawoyi ni shigbo ga nekye-nekye ni. 26Anani oke sayi nu kweyi yase gyo ipu kenena kawobane bwebe ko ono ko Owuso ko gbogbo-gbogbo, shini okpagye kpiri na totuso na ki geyagye danu.
27Igyashi wa ko Owuso, anu fufunu ni wine koziyi ni, bwebe ko Oyesu Okristi ko gbogbo-gbogbo! Nalemani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
THE WORD FOR THE WORLD INTERNATIONAL, THE WORD FOR THE WORLD NIGERIA