Joni 4
4
Yesu Nja Mase Ni Samariya
1De Parisiyawa su zi nkye Yesu e ma samu yayagizi nja e ma yi su tunkwasa pi Yaaya. 2Ko de nkye Yesu nkiya yi na meyi tunkwasa ba, sede yayagizi yi na su meyi ntani tunkwasa. 3De Yesu zi nabari mbode Parisiyawa sua pala, e bila Yawudiya e kuma mbayi ta Galili.
4Kuzukam e ma dole na de Yesu e biya a siki Samariya. 5Se e zo a Samariya siki geri de sua sukwa yi Seka, geri ni kusa ni anya de Yakubu ba yaa yi Yusupu. 6Anya ni rijiya ni Yakubu ma, de Yesu, geji sobon e butu dege tepiya nyisa. Se e zunwa a baki rijiya. Mbo mu e paru akyekya keripi shida.
7De mase daa ni Samariya zo de sua riki, Yesu gye yi nkye, <<Ba ni riki piri de Ni sha.>> 8Yayagizi yi ta a siki geri de su see mbosi. 9Se mase Samariya gye yi nkye, <<Ki ma nseminji Yawudiya la E ni ni ma mase Samariya. Mina sa ka minya ni de ni ba ke riki de ki sha?>> Mbodaa gama ntani Samariya nja Yawudawa ba. Adaa Yawudawa sua sha mbo akushiya daa nja gongo daa nja Samariya ba.
10Yesu keleba nkye, <<Nde ki shina kyawuta ni Mirikisi nja nsude yaa minya ke de ki beyi riki de sha, ka minya yi de e ba ke riki ni leyi.>> 11Mase mu gye Yesu nkye, <<Tolense,>> Ki mani akwama de ka sua riki a rijiya ba e yi nyisa. Angana ka samu riki ni leyi mu? 12Ki pi adaa amu Yakubu, de ba mu rijiya de e shi nkiya yi e sha a siki yi, yomu na yaya yi du, nja daba yi su sha a siki yi?>>
13Yesu keleba nkye, <<Guru nsude sha riki rijiya mu yaa sakye bila riki daa de e sha jaja, 14sede nsude sha riki de Na beyi yaa sakye bila riki daa de e sha gagaba. Riki de Na beyi yaama kankye ndani minya de yaa butu ni riki ni leyi ni gbogbo.>>
15Mase ni gye yi nkye, <<Tolense, ba ni riki ni de ni sha de kede nsigeba ni zo ja riki a siki rijiya mu gagaba.>> 16Yesu gye yi nkye, <<Te, de ki sukwa minzi ake de ku zo.>>
17E keleba nkye. <<Ni mani minzi ba,>>
Yesu gye yi nkye, <<Ki pala gaskye de ki nkye ki ma ni minzi ba. 18Gaskye e shiya ma, ki mani minzi biyari, minzi de ki ma nja shi kuzukam e ma minzi ake naba. Mbode ki pala e ma gaskye la.>>
19Mase keleba nkye, <<Tolense,>> <<Ni geni kankye ki ma anebi la. 20Adaatolo amu su yi bowuta a kiya dunsi mu, sede oku Yawudawa ku nkye a Wurishelima na e ma anya a bowuta Mirikisi.>>
21Yesu gye nkye, <<Yeda ni, mase, kwanki yaa zo de ntani sua bowuta Adaa ogbo mu ko Wurishelima ba. 22Oku ntani Samariya kwa bowuta mbode ku shina ba; Sede omu Yawudawa bowuta mbode mu shina, sila butu anya ntani Yawudawa la. 23Sede kwanki yaa zo kuzukam e rigye zo wo de nsu bowuta ni gaskye sua bowuta Adaa a siki Aworo nja gaskye, da mu na e ma yiri bowuta de Adaa yaa bila. 24Mirikisi e ma Aworo la, dole na worede sua bowuta yi su bowuta yi a siki Aworo nja gaskye.>>
25Mase ni gye Yesu nkye, <<Ni shina nkye Alimasipu>> de sua sukwa yi Kiristi <<yaa zo. Nde e te zo, yaa gye mu guru mbo.>>
26Yesu gye yi nkye, <<E ni de mma yi beta nja ke e ni na ni ma Kiristi.>>
27De sua gama beta se yayagizi yi kuma mbayi se su yi mamanki de su geni Yesu meyi beta nja mase. Sede nseda su minya yi nkye, <<Mina ka bila>> ko Mina sa de ka yi beta nja shi?>>
28Se mase bila tuni riki yi, kuma mbayi ta geri te gye ntani. 29<<Ku zo, ku geni nseminji de gyeni guru mbode ni taba yi. Ko e shiya ma Kiristi?>> 30Sobon yomu ntani zo dege siki geri anya Yesu.
31Su ma kiya yi yomu se yayagizi yi ologba yi nkye, Male si mbosi.>>
32Sede Yesu keleba su nkye, <<Ni mani mbosi daa de mma si de ku shina mbodaa a kiya e yi ba.>>
33Se yayagizi yi minya nkiya su nkye, <<Ko nseda keyi mbosi la?>>
34<<Yesu gye su nkye, <<Mbosi na e shiya ma de nsika nupi nsude saka ni nja ni gama ANKI de sani de nyi. 35Ba kuma pala nkye, <E rigye wonta wuru de sua kwa yi keikei bikiya bo? Na gye ku, bure ndani aku de ku kone bikiya! keikei bikiya yi de sua kwa yi wo. 36Ko kuzukam nsu kwa yi keikei bikiya yaa samu nani wuteyi, yaa tala ntani kankye keikei bikiya pekye leyi ni gbogbo, sobon de nsu nyunkwa nja nsu kwa yi sua yi peri siki gabada. 37<Kode nkye nseda yaa nyunkwa nseda yaa kwa yi, sobon pala mu e ma gaskye la. 38Ni saka ku de ku kwa yi mbode ku yi ANKI a kiya e yi ba. Worosu su su yi pama ANKI, oku ku kwa yi nani wuta mbode su yi pama a kiya e yi.>>
39Ntani Samariya nyowa de su ma a kesa ni yeda ni Yesu sobon su zi sheeda de mase ni beyi a kiya e yi nkye, <<E gye ni mbo guru de Ni taba yi. 40De ntani Samariya zo anya Yesu su pata yi de e zunwa nja su ni kwana bi, se e yi kwana bi nja su. 41Sobon kelima yi ntani nyowa su yeda nshi.
42Se ntani Samariya gye mase ni nkye, <<Mu yeda sobon mbode ki pala kin naba; kuzukam mu zi nkiya mu, nja mu shina nkye gaskye nseminji mu e ma nsu sila durinya.>>
Yesu Woriki Yaa ni Tolense
43A beyi kwana bi Yesu te a Galili. 44Sobon Yesu sheeda nkiya yi nkye anebi e mani girima a geri yi ba. 45De Yesu keyi Galili, ntani Galiliya yi naba. Su geni guru mbode e yi a Wurishelima anya ni buki nyenteri, osu ma du su ma anya ni.
46Se Yesu kuma mbayi ta geri Kaana ni Galili, anya de e juyi riki ma inebi. Anya ni tolense daa ni gizi seleki a Kapanawu de yaa yi man lapiya ba. 47De nseminji mu zi nkye Yesu butu a Yawudiya zo a Galili se e te ologba yi de e te worikye yaa yi, de yaa bila muntu. 48Yesu gye yi nkye, <<Nde ku geni mbo mamanki nja mbo ni alama ba>> Ku ma yeda ba dirim.>>
49Tolense mu keleba nkye, <<Male, zo mu te kapi de yaa na e muntu.>>
50Yesu keleba nkye, <<Ka iya te. Yaa ake yaa mani leyi.>>
Nseminji ni yeda kelima de Yesu pala e te meyi. 51De e ma kiya turiki ni te a gizi, Bunwa yi sa nshi nkye yaa ke e mani leyi. 52De e minya kwanki de yaa yi dege, su gye yi nkye, <<Mashapo bila yi jiya kyakya de nana keyi kiya.>>
53Adaa ni yaa ni turunwa nkye kyakya de Yesu gye yi nkye, <<Yaa ake yaa mani leyi.>> se e sa ntani gizi yi guru su yeda ni Yesu.
54Da mu e shiya ma mbo mamanki ni bi de Yesu yi, beyi de e bila Yawudiya ta Galili.
Currently Selected:
Joni 4: Gaa
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Nigeria
Joni 4
4
Yesu Nja Mase Ni Samariya
1De Parisiyawa su zi nkye Yesu e ma samu yayagizi nja e ma yi su tunkwasa pi Yaaya. 2Ko de nkye Yesu nkiya yi na meyi tunkwasa ba, sede yayagizi yi na su meyi ntani tunkwasa. 3De Yesu zi nabari mbode Parisiyawa sua pala, e bila Yawudiya e kuma mbayi ta Galili.
4Kuzukam e ma dole na de Yesu e biya a siki Samariya. 5Se e zo a Samariya siki geri de sua sukwa yi Seka, geri ni kusa ni anya de Yakubu ba yaa yi Yusupu. 6Anya ni rijiya ni Yakubu ma, de Yesu, geji sobon e butu dege tepiya nyisa. Se e zunwa a baki rijiya. Mbo mu e paru akyekya keripi shida.
7De mase daa ni Samariya zo de sua riki, Yesu gye yi nkye, <<Ba ni riki piri de Ni sha.>> 8Yayagizi yi ta a siki geri de su see mbosi. 9Se mase Samariya gye yi nkye, <<Ki ma nseminji Yawudiya la E ni ni ma mase Samariya. Mina sa ka minya ni de ni ba ke riki de ki sha?>> Mbodaa gama ntani Samariya nja Yawudawa ba. Adaa Yawudawa sua sha mbo akushiya daa nja gongo daa nja Samariya ba.
10Yesu keleba nkye, <<Nde ki shina kyawuta ni Mirikisi nja nsude yaa minya ke de ki beyi riki de sha, ka minya yi de e ba ke riki ni leyi.>> 11Mase mu gye Yesu nkye, <<Tolense,>> Ki mani akwama de ka sua riki a rijiya ba e yi nyisa. Angana ka samu riki ni leyi mu? 12Ki pi adaa amu Yakubu, de ba mu rijiya de e shi nkiya yi e sha a siki yi, yomu na yaya yi du, nja daba yi su sha a siki yi?>>
13Yesu keleba nkye, <<Guru nsude sha riki rijiya mu yaa sakye bila riki daa de e sha jaja, 14sede nsude sha riki de Na beyi yaa sakye bila riki daa de e sha gagaba. Riki de Na beyi yaama kankye ndani minya de yaa butu ni riki ni leyi ni gbogbo.>>
15Mase ni gye yi nkye, <<Tolense, ba ni riki ni de ni sha de kede nsigeba ni zo ja riki a siki rijiya mu gagaba.>> 16Yesu gye yi nkye, <<Te, de ki sukwa minzi ake de ku zo.>>
17E keleba nkye. <<Ni mani minzi ba,>>
Yesu gye yi nkye, <<Ki pala gaskye de ki nkye ki ma ni minzi ba. 18Gaskye e shiya ma, ki mani minzi biyari, minzi de ki ma nja shi kuzukam e ma minzi ake naba. Mbode ki pala e ma gaskye la.>>
19Mase keleba nkye, <<Tolense,>> <<Ni geni kankye ki ma anebi la. 20Adaatolo amu su yi bowuta a kiya dunsi mu, sede oku Yawudawa ku nkye a Wurishelima na e ma anya a bowuta Mirikisi.>>
21Yesu gye nkye, <<Yeda ni, mase, kwanki yaa zo de ntani sua bowuta Adaa ogbo mu ko Wurishelima ba. 22Oku ntani Samariya kwa bowuta mbode ku shina ba; Sede omu Yawudawa bowuta mbode mu shina, sila butu anya ntani Yawudawa la. 23Sede kwanki yaa zo kuzukam e rigye zo wo de nsu bowuta ni gaskye sua bowuta Adaa a siki Aworo nja gaskye, da mu na e ma yiri bowuta de Adaa yaa bila. 24Mirikisi e ma Aworo la, dole na worede sua bowuta yi su bowuta yi a siki Aworo nja gaskye.>>
25Mase ni gye Yesu nkye, <<Ni shina nkye Alimasipu>> de sua sukwa yi Kiristi <<yaa zo. Nde e te zo, yaa gye mu guru mbo.>>
26Yesu gye yi nkye, <<E ni de mma yi beta nja ke e ni na ni ma Kiristi.>>
27De sua gama beta se yayagizi yi kuma mbayi se su yi mamanki de su geni Yesu meyi beta nja mase. Sede nseda su minya yi nkye, <<Mina ka bila>> ko Mina sa de ka yi beta nja shi?>>
28Se mase bila tuni riki yi, kuma mbayi ta geri te gye ntani. 29<<Ku zo, ku geni nseminji de gyeni guru mbode ni taba yi. Ko e shiya ma Kiristi?>> 30Sobon yomu ntani zo dege siki geri anya Yesu.
31Su ma kiya yi yomu se yayagizi yi ologba yi nkye, Male si mbosi.>>
32Sede Yesu keleba su nkye, <<Ni mani mbosi daa de mma si de ku shina mbodaa a kiya e yi ba.>>
33Se yayagizi yi minya nkiya su nkye, <<Ko nseda keyi mbosi la?>>
34<<Yesu gye su nkye, <<Mbosi na e shiya ma de nsika nupi nsude saka ni nja ni gama ANKI de sani de nyi. 35Ba kuma pala nkye, <E rigye wonta wuru de sua kwa yi keikei bikiya bo? Na gye ku, bure ndani aku de ku kone bikiya! keikei bikiya yi de sua kwa yi wo. 36Ko kuzukam nsu kwa yi keikei bikiya yaa samu nani wuteyi, yaa tala ntani kankye keikei bikiya pekye leyi ni gbogbo, sobon de nsu nyunkwa nja nsu kwa yi sua yi peri siki gabada. 37<Kode nkye nseda yaa nyunkwa nseda yaa kwa yi, sobon pala mu e ma gaskye la. 38Ni saka ku de ku kwa yi mbode ku yi ANKI a kiya e yi ba. Worosu su su yi pama ANKI, oku ku kwa yi nani wuta mbode su yi pama a kiya e yi.>>
39Ntani Samariya nyowa de su ma a kesa ni yeda ni Yesu sobon su zi sheeda de mase ni beyi a kiya e yi nkye, <<E gye ni mbo guru de Ni taba yi. 40De ntani Samariya zo anya Yesu su pata yi de e zunwa nja su ni kwana bi, se e yi kwana bi nja su. 41Sobon kelima yi ntani nyowa su yeda nshi.
42Se ntani Samariya gye mase ni nkye, <<Mu yeda sobon mbode ki pala kin naba; kuzukam mu zi nkiya mu, nja mu shina nkye gaskye nseminji mu e ma nsu sila durinya.>>
Yesu Woriki Yaa ni Tolense
43A beyi kwana bi Yesu te a Galili. 44Sobon Yesu sheeda nkiya yi nkye anebi e mani girima a geri yi ba. 45De Yesu keyi Galili, ntani Galiliya yi naba. Su geni guru mbode e yi a Wurishelima anya ni buki nyenteri, osu ma du su ma anya ni.
46Se Yesu kuma mbayi ta geri Kaana ni Galili, anya de e juyi riki ma inebi. Anya ni tolense daa ni gizi seleki a Kapanawu de yaa yi man lapiya ba. 47De nseminji mu zi nkye Yesu butu a Yawudiya zo a Galili se e te ologba yi de e te worikye yaa yi, de yaa bila muntu. 48Yesu gye yi nkye, <<Nde ku geni mbo mamanki nja mbo ni alama ba>> Ku ma yeda ba dirim.>>
49Tolense mu keleba nkye, <<Male, zo mu te kapi de yaa na e muntu.>>
50Yesu keleba nkye, <<Ka iya te. Yaa ake yaa mani leyi.>>
Nseminji ni yeda kelima de Yesu pala e te meyi. 51De e ma kiya turiki ni te a gizi, Bunwa yi sa nshi nkye yaa ke e mani leyi. 52De e minya kwanki de yaa yi dege, su gye yi nkye, <<Mashapo bila yi jiya kyakya de nana keyi kiya.>>
53Adaa ni yaa ni turunwa nkye kyakya de Yesu gye yi nkye, <<Yaa ake yaa mani leyi.>> se e sa ntani gizi yi guru su yeda ni Yesu.
54Da mu e shiya ma mbo mamanki ni bi de Yesu yi, beyi de e bila Yawudiya ta Galili.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Nigeria