Ta Kəla gír yá̰a̰ gə̄ 28
28
1Isaak ɓāŕ Jakob, tɔ́r̄ tan dɔn tə́ ba ədan na:
Ī-lōō taā dəyá̰ dan ngáń kə́ dəyá̰ gə̄ kə́ Kanaan tə́. 2Āw̄ Mesopotami#28.2 Mesopotami: Á̰a̰ī Tkg 24.10 ɓē kaaí kə́ dəngam kə́ ta yā kó̰ó̰í tə́ ń rīn na i Betuel ní, ī-taā dəyá̰ dan ngán nānīí Laban gə̄ tə́. 3Ādə̄ Nə́ɓā kə́ bo kə́ tɔ́gən i ngá̰ý rāā majə seí ō, adī ngán gə̄ ngá̰ý kadə̄ ī-tél kaa gír de kə́ ngá̰ý gə̄ ō! 4Kadə̄ majə ń ni-rāā kə Abəraham ní ni-rāā seí ō, kə ngání gə̄ ō, kə ngán kaaí gə̄ ō, tá kadə̄ dɔ nang ń Nə́ɓā adə̄ Abəraham á ḭ̄ i mbā tū tə́ toō téləń dɔ nang yāí.
5Isaak adə̄ Jakob aw̄ Mesopotami rɔ̄ Laban ngōn̄ Betuel tə́. Betuel i Aram. Laban i ngōkó̰o̰ Rebeka kə́ dəngam. Rebeka i kó̰o̰ Jakob nin̄ kə Esau.
6Esau oō kadə̄ Isaak na tɔ́r̄ tan dɔ Jakob tə́ ba əlan Mesopotami taā dəyá̰. Ba loo ń na tɔ́r̄ tan dɔn tə́ oy anī ədan na kə lōō taā dəyá̰ dan ngáń kə́ dəyá̰ kə́ Kanaan gə̄ tə́. 7Tá ni oō kadə̄ Jakob oō ta bɔbə̄n ō, kó̰o̰n ō, adə̄ na aw̄ Mesopotami. 8Loo ń noō tə́ Esau ger̄ kadə̄ nel̄ bɔbə̄n kə ngáń kə́ dəyá̰ kə́ Kanaan gēé alé. 9Adə̄ ni gḛy taā dəyá̰ kə́ rang. Ḭḭ aw̄ rɔ̄ Ismael ngōn̄ Abəraham tə́, aw̄ taā ngōnə̄n ń rīn na i Mahalat ní. Mahalat i ngōkó̰o̰ Nebayot kə́ dəyá̰.
Nī rāā Jakob
10Jakob ḭḭ Beer Seba aw̄ kə̄ Haran. 11Ni-ugə̄ loo kógə̄ḿ tə́ anī mbang udə kɔ̄ɔ́, adə̄ to ɓīī kə̄ loo ní tə́. Ni-un mbal̄ kógə̄ḿ taāń gír dɔn. 12Nī kógə̄ḿ rāān: Udən̄ rígə́ kógə̄ḿ nang tə́, ba dɔn tá ɔdə no rā̰, anī *de kə́ dɔ rā̰ tə́ gə̄ alə̄n̄ dɔ tə́ ō, a risən̄ ō.
13Kɔ́ɔ̄ɓē ra non tə́ ədan na:
Mā i Kɔ́ɔ̄ɓē Nə́ɓā yā kaaí Abəraham ō, Nə́ɓā yā Isaak ō. Dɔ nang ń ī-to tū tə́ toō m-ā m-ādə̄sí sḭḭ̄ kə ngání gə̄ ō, ngán kaaí gə̄ ō. 14Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō. 15Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.
16Jakob ndól̄ dɔ ɓīī tə́ anī əda na Kɔ́ɔ̄ɓē na i loo ní tə́ rɔ̄kum, ba na n-ger̄ kété alé. 17Ɓōĺ rāān adə̄ əda na loo ní na to ɓōĺ ngá̰ý, na kújə yā Nə́ɓā na i loo ní tə́, na ta róbə́ kə́ dɔ rā̰ tə́ na i loo ní tə́. 18Jakob ḭḭ dɔɔ́ dəloí ɓatə, un mbal̄ ń taāń gír dɔn ní, udə kə nja kə́ dɔɔ́, ba *ur yibə̄ dɔ tə́ ɔrə̄ń kamə̄n. 19Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.
20Jakob ənī ndūn əda na:
Ré Nə́ɓā i seḿ adə̄ ngɔ̄mə̄m̄ dɔ róbə mbā ń m-ā m-āw̄ tə́ toō ō, adə̄m̄ yá̰a̰ kəsa adə̄ m-ə́sa ō, adə̄m̄ kūbə̄ adə̄ m-ō̰ō̰ ō, 21adə̄ m̄-tél m̄-reē rɔ̄ bɔbə́ḿ tə́ kə lápə́yaá ō anī, Kɔ́ɔ̄ɓē a téĺ Nə́ɓā yāḿ. 22Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā *m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.
Currently Selected:
Ta Kəla gír yá̰a̰ gə̄ 28: BS
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad
Ta Kəla gír yá̰a̰ gə̄ 28
28
1Isaak ɓāŕ Jakob, tɔ́r̄ tan dɔn tə́ ba ədan na:
Ī-lōō taā dəyá̰ dan ngáń kə́ dəyá̰ gə̄ kə́ Kanaan tə́. 2Āw̄ Mesopotami#28.2 Mesopotami: Á̰a̰ī Tkg 24.10 ɓē kaaí kə́ dəngam kə́ ta yā kó̰ó̰í tə́ ń rīn na i Betuel ní, ī-taā dəyá̰ dan ngán nānīí Laban gə̄ tə́. 3Ādə̄ Nə́ɓā kə́ bo kə́ tɔ́gən i ngá̰ý rāā majə seí ō, adī ngán gə̄ ngá̰ý kadə̄ ī-tél kaa gír de kə́ ngá̰ý gə̄ ō! 4Kadə̄ majə ń ni-rāā kə Abəraham ní ni-rāā seí ō, kə ngání gə̄ ō, kə ngán kaaí gə̄ ō, tá kadə̄ dɔ nang ń Nə́ɓā adə̄ Abəraham á ḭ̄ i mbā tū tə́ toō téləń dɔ nang yāí.
5Isaak adə̄ Jakob aw̄ Mesopotami rɔ̄ Laban ngōn̄ Betuel tə́. Betuel i Aram. Laban i ngōkó̰o̰ Rebeka kə́ dəngam. Rebeka i kó̰o̰ Jakob nin̄ kə Esau.
6Esau oō kadə̄ Isaak na tɔ́r̄ tan dɔ Jakob tə́ ba əlan Mesopotami taā dəyá̰. Ba loo ń na tɔ́r̄ tan dɔn tə́ oy anī ədan na kə lōō taā dəyá̰ dan ngáń kə́ dəyá̰ kə́ Kanaan gə̄ tə́. 7Tá ni oō kadə̄ Jakob oō ta bɔbə̄n ō, kó̰o̰n ō, adə̄ na aw̄ Mesopotami. 8Loo ń noō tə́ Esau ger̄ kadə̄ nel̄ bɔbə̄n kə ngáń kə́ dəyá̰ kə́ Kanaan gēé alé. 9Adə̄ ni gḛy taā dəyá̰ kə́ rang. Ḭḭ aw̄ rɔ̄ Ismael ngōn̄ Abəraham tə́, aw̄ taā ngōnə̄n ń rīn na i Mahalat ní. Mahalat i ngōkó̰o̰ Nebayot kə́ dəyá̰.
Nī rāā Jakob
10Jakob ḭḭ Beer Seba aw̄ kə̄ Haran. 11Ni-ugə̄ loo kógə̄ḿ tə́ anī mbang udə kɔ̄ɔ́, adə̄ to ɓīī kə̄ loo ní tə́. Ni-un mbal̄ kógə̄ḿ taāń gír dɔn. 12Nī kógə̄ḿ rāān: Udən̄ rígə́ kógə̄ḿ nang tə́, ba dɔn tá ɔdə no rā̰, anī *de kə́ dɔ rā̰ tə́ gə̄ alə̄n̄ dɔ tə́ ō, a risən̄ ō.
13Kɔ́ɔ̄ɓē ra non tə́ ədan na:
Mā i Kɔ́ɔ̄ɓē Nə́ɓā yā kaaí Abəraham ō, Nə́ɓā yā Isaak ō. Dɔ nang ń ī-to tū tə́ toō m-ā m-ādə̄sí sḭḭ̄ kə ngání gə̄ ō, ngán kaaí gə̄ ō. 14Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō. 15Mā i naā tə́ seí. Loo malang ń ā āw̄ tū tə́ ní m-ā m̄-ngɔ̄mī ō, m-ā m̄-tél yā reē seí dɔ nang ń toō tə́ ō. M-ā m-ə́ya̰ī kɔ̄ɔ́ alé. M-ā m̄-rāā yá̰a̰ malang ń m-ə́daī ní.
16Jakob ndól̄ dɔ ɓīī tə́ anī əda na Kɔ́ɔ̄ɓē na i loo ní tə́ rɔ̄kum, ba na n-ger̄ kété alé. 17Ɓōĺ rāān adə̄ əda na loo ní na to ɓōĺ ngá̰ý, na kújə yā Nə́ɓā na i loo ní tə́, na ta róbə́ kə́ dɔ rā̰ tə́ na i loo ní tə́. 18Jakob ḭḭ dɔɔ́ dəloí ɓatə, un mbal̄ ń taāń gír dɔn ní, udə kə nja kə́ dɔɔ́, ba *ur yibə̄ dɔ tə́ ɔrə̄ń kamə̄n. 19Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.
20Jakob ənī ndūn əda na:
Ré Nə́ɓā i seḿ adə̄ ngɔ̄mə̄m̄ dɔ róbə mbā ń m-ā m-āw̄ tə́ toō ō, adə̄m̄ yá̰a̰ kəsa adə̄ m-ə́sa ō, adə̄m̄ kūbə̄ adə̄ m-ō̰ō̰ ō, 21adə̄ m̄-tél m̄-reē rɔ̄ bɔbə́ḿ tə́ kə lápə́yaá ō anī, Kɔ́ɔ̄ɓē a téĺ Nə́ɓā yāḿ. 22Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā *m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2006, 2010 Alliance Biblique du Tchad